Book List

<h2 style="text-align: center;">အခန်း (၃၃၈)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ဂွါဒီယိုလာ၏ ညွှန်ကြားချက်များကို သတိရသွားသော ကိုင်လီဝေါ်ကာက အမြန်လှည့်ကာ ချူဖုန်းကို ဆွဲလှဲရန် အရူးအမူး ကြိုးစားတော့သည်။ သူက ချူဖုန်း ကိုယ်လုံးကို ဖက်တွယ်ထားလိုက်ချင်စိတ်ပင် ပေါက်သွား၏။</p> <p style="text-align:justify">"ကွင်းလယ်မျဉ်းနဲ့ မဝေးတဲ့ နေရာမှာသာ လူတစ်ယောက်ကို ဆွဲလှဲလိုက်မယ် ဆိုရင်... အဝါကတ်တောင် ပြခံရချင်မှ ပြခံရမှာလေ..."</p> <p style="text-align:justify">မော်ရင်ညို၏ နည်းဗျူဟာကြောင့် မန်ယူအသင်းတွင် တန်ပြန်တိုက်စစ် အခွင့်အရေး များများစားစား မရရှိခဲ့ရာ ချူဖုန်း အနေဖြင့် လက်ဗလာဖြင့် အချည်းနှီး ပြန်မလှည့်ချင်တော့ပေ။</p> <p style="text-align:justify">ထို့ကြောင့် သူသည် ကိုင်လီဝေါ်ကာ တွယ်ချိတ်ထားသည့်တိုင် အတင်းရုန်းကာ သူ၏ ကိုယ်ဟန် အနေအထားကို အစွမ်းကုန် ထိန်းညှိပြီး မြေပြင်ပေါ်သို့ လဲကျသွားရင်း ဘယ်ခြေဖြင့် ဘောလုံးကို ခပ်ပြင်းပြင်း ပေးပို့လိုက်လေသည်။</p> <p style="text-align:justify">"မင်းက လူရော ဟုတ်သေးရဲ့လားကွာ..." ကိုင်လီဝေါ်ကာက မယုံနိုင်စွာဖြင့် စိုက်ကြည့်နေမိသည်။</p> <p style="text-align:justify">နောက်တစ်စက္ကန့်တွင် လေးလံသော အသံကြီး ထွက်ပေါ်လာ၏။</p> <p style="text-align:justify">ဘန်း…</p> <p style="text-align:justify">မီးမောင်းပေါင်း ဒါဇင်များစွာ၏ အလင်းရောင်အောက်တွင် ဘောလုံးသည် ကောင်းကင်ယံမှ ဖြတ်သန်းသွားသော ကြယ်ပျံတစ်စင်းသဖွယ် လည်ထွက်သွားကာ ညာတောင်ပံဘက်သို့ တန်းတန်းမတ်မတ် ပျံသန်းသွားလေသည်။</p> <p style="text-align:justify">မန်ယူ ပရိသတ်များ၏ အားပေးသံများက ပိုမို ကျယ်လောင်လာခဲ့သည်။</p> <p style="text-align:justify">သူတို့ ချူဖုန်းကို သဘောကျရသည့် အကြောင်းရင်းမှာ သူ၏ ဘယ်တော့မှ အရှုံးမပေးတတ်သော စိတ်ဓာတ်ကြောင့် ဖြစ်သည်။</p> <p style="text-align:justify">ထိုစိတ်ဓာတ်မျိုးကြောင့်ပင် မန်ယူအသင်းသည် မြူးနစ် ကြေကွဲဖွယ် အဖြစ်ဆိုးကြီးမှ ရုန်းထွက်နိုင်ခဲ့ပြီး သရဲနီတို့ ပိုင်ဆိုင်သော ခေတ်တစ်ခေတ်ကို တည်ဆောက်နိုင်ခဲ့ခြင်း မဟုတ်ပါလား။</p> <p style="text-align:justify">မာရက်ဇ်သည် ဘောလုံး၏ လမ်းကြောင်းကို ကြိုတင် ခန့်မှန်းထားပြီး အံကြိတ်ကာ အစွမ်းကုန် ပြေးထွက်သွားရာ ချူဖုန်း သွေးချွေးများ ရင်းနှီး၍ ဖန်တီးပေးလိုက်သော အခွင့်အရေး တစ်ခုကို ရရှိသွားလေပြီ။</p> <p style="text-align:justify">“ဒီအခွင့်အရေးကို အလဟဿ အဖြစ်ခံလို့ မဖြစ်ဘူး”</p> <p style="text-align:justify">ခံစစ်တွင် အထိုင်ချနေသော ဇင်ချန်ကိုမှာ ချူဖုန်း လဲကျသွားပြီး ပြစ်ဒဏ်ဘော တောင်းမည်ဟု ထင်ထားခဲ့သော်လည်း မျှော်လင့်မထားဘဲ ဘောလုံးက သူ့ဘက်သို့ ရောက်လာသဖြင့် ကြောင်အသွားသည်။</p> <p style="text-align:justify">သတိလက်လွတ် ဖြစ်သွားသဖြင့် သူ၏ ကာကွယ်မှုကို လျှော့ချလိုက်ပြီး ဘောလုံးကို လုယူရန် သတိမဲ့စွာ ရှေ့တက်သွားမိသည်။</p> <p style="text-align:justify">"နောက်ပြန်ဆုတ်လေ..."</p> <p style="text-align:justify">လာပေါ့တ်က စိုးရိမ်တကြီး သတိပေးလိုက်သော်လည်း သူက တစ်လှမ်း နောက်ကျသွားခဲ့ပြီ ဖြစ်ကာ မာရက်ဇ် ဘောလုံးကို ရပ်တန့်ပြီး ဇင်ချန်ကိုကို သေသေသပ်သပ် လိမ်ခေါက် ကျော်ဖြတ်သွားသည်ကိုသာ ရပ်ကြည့်နေနိုင်တော့သည်။</p> <p style="text-align:justify">ဝိုး...</p> <p style="text-align:justify">ဝင်ဘလေကွင်းကြီး အတွင်းရှိ ပွဲကြည့်စင်များမှ မန်ယူ ပရိသတ်များသည် တောက်လောင်နေသော မီးတောက်များသဖွယ် ရုတ်တရက် မတ်တတ်ရပ်လိုက်ကြသည်။ ထို့နောက် စိတ်အားထက်သန်ပြီး လှုပ်ရှားဖွယ် ကောင်းလှသော သီချင်းသံကြီး ထွက်ပေါ်လာ၏။</p> <p style="text-align:justify">"သရဲနီတို့ ရှေ့သို့ချီ... ဘုန်းကျက်သရေတို့ မန်ယူဆီ..."</p> <p style="text-align:justify">"ဝင်ဘလေ… ဝင်ဘလေ"</p> <p style="text-align:justify">"ငါတို့က ကြီးမြတ်တဲ့ မန်ချက်စတာ ယူနိုက်တက်ကွ..."</p> <p style="text-align:justify">မာရက်ဇ်သည် ပင်နယ်တီ ဧရိယာဘက်သို့ အရှိန်ပြင်းပြင်းဖြင့် ဘောလုံးဆွဲပြေးလာရင်း ခံစစ်မှူးများ၏ နေရာယူမှုများကို အကဲခတ်လိုက်သည်။</p> <p style="text-align:justify">ချူဖုန်းနှင့် ကိုင်လီဝေါ်ကာတို့သည် ကွင်းလယ်နှင့် ရှေ့တန်းကြားတွင် ရှိနေဆဲ ဖြစ်သဖြင့် ဤတိုက်စစ်တွင် သူတို့ ပါဝင်နိုင်ရန် အချိန်မီမည် မဟုတ်ပေ။ ရုတ်တရက်ဆိုသလို သူ မရင်းနှီးသော ခံစားချက် တစ်ခုကို ရရှိသွားသည်။</p> <p style="text-align:justify">သူ မန်ယူအသင်းသို့ ရောက်ကတည်းက တိုက်စစ်ဆင်မှုတိုင်း နီးပါးတွင် ထိုရင်းနှီးနေသော ကျောပြင်လေးကို အမြဲတမ်း မြင်တွေ့နေကျ ဖြစ်သည် မဟုတ်ပါလား။</p> <p style="text-align:justify">သူ အသက် ၁၅ နှစ်တွင် ဖခင်ဖြစ်သူ နှလုံးရောဂါဖြင့် ကွယ်လွန်ခဲ့သည်။ အသက် ၁၈ နှစ်တွင် သူ၏ ကံကြမ္မာကို ပြောင်းလဲနိုင်မည့် အခွင့်အရေးကို လက်လွှတ်ခဲ့ရပြီး အသက် ၂၂ နှစ်တွင် ပြင်သစ် အောက်ခြေလိဂ်များတွင် ကစားနေရဆဲ ဖြစ်သည်။</p> <p style="text-align:justify">သူ၏ ဘဝက ဘယ်လောက် ခက်ခဲခဲ့တယ် ဆိုတာကို သိစေချင်လို့ ဒီစကားကို ပြောနေတာ မဟုတ်ပါဘူး။</p> <p style="text-align:justify">ဘာပဲဖြစ်ဖြစ် လူတစ်ယောက်က ထူးခြားတဲ့ လူတစ်မျိုး ဖြစ်လာချင်တယ်ဆိုရင် သာမန်လူတွေထက် ပိုဆိုးတဲ့ ဆင်းရဲဒုက္ခ တစ်မျိုးကိုတော့ ကြိတ်မှိတ်ခံနိုင်ရမယ်လေ။</p> <p style="text-align:justify">သို့သော် လေ့ကျင့်နေခြင်း သီးသန့်က တောက်ပသော အနာဂတ်ကို အမြဲတမ်း အာမခံချက် မပေးနိုင်ကြောင်းကိုတော့ မာရက်ဇ် နားလည်ထားသည်။ ချူဖုန်း ကဲ့သို့ပင် သူသည်လည်း ရရှိလာသော အခွင့်အရေးတိုင်းကို အရယူရန် ကျင့်သားရနေခဲ့လေပြီ။</p> <p style="text-align:justify">အော်တာမန်ဒီက လူကာကူ ကို လူကပ်ထားရမည် ဖြစ်ပြီး လာပေါ့တ်က သူ့ကို သေချာပေါက် ဖိအားပေးလာမည်။ လာပေါ့တ်ကိုသာ ကျော်ဖြတ်နိုင်ပါက သူ အောင်မြင်ပြီ ဖြစ်သည်။</p> <p style="text-align:justify">ယခင်က မာရက်ဇ်သည် ဇာတ်ပို့ တောင်ပံကစားသမား အဖြစ်သာ ကစားခဲ့သော်လည်း ယနေ့တွင်မူ သူသည် ဇာတ်လိုက် ဖြစ်ချင်နေသည်။</p> <p style="text-align:justify">လူကာကူသည် ဂိုးပေါက်ရှေ့တွင် အခွင့်အရေးကောင်းများကို မကြာခဏ လွဲချော်လေ့ ရှိသော်လည်း သူ၏ အသိစိတ်ကတော့ လက်ခံနိုင်လောက်သော အနေအထားတွင် ရှိသေးသည်။ သူ ချက်ချင်းပင် ဆန့်ကျင်ဘက် ဦးတည်ချက်သို့ ပြေးထွက်သွားကာ အော်တာမန်ဒီကို ခေါ်ထုတ်သွားလေသည်။</p> <p style="text-align:justify">သူ့တွင် ပေါက်ကွဲထွက်လောက်သော အရှိန်အဟုန် မရှိကြောင်း မာရက်ဇ် ကောင်းကောင်း သိသည်။ သို့သော် သူ၏ အားသာချက်များက စည်းချက်နှင့် နည်းစနစ်ပိုင်း ဖြစ်သဖြင့် ဘောလုံးကို အဆက်မပြတ် မြန်မြန်ဆန်ဆန် ထိကာ နေရာလွတ် ဖန်တီးလိုက်ပြီး ချက်ချင်းပင် သူ၏ ဘယ်ခြေကို လွှဲကန်လိုက်လေသည်။</p> <p style="text-align:justify">လာပေါ့တ်က ကြားဖြတ်ရန် မသိစိတ်အရ ခြေထောက်ကို ဆန့်ထုတ်လိုက်သည်။</p> <p style="text-align:justify">"မာရက်ဇ်ရဲ့ လိမ်ခေါက်မှုက ရော်ဘင်ကို သတိရစေတယ်ဗျာ..."</p> <p style="text-align:justify">"အတွင်းဘက်ကို ချိုးဝင်တယ်... ကန်သွင်းလိုက်ပြီ... လှလိုက်တာ"</p> <p style="text-align:justify">"ဂိုး… မန်ယူအသင်း ဦးဆောင်ဂိုး ရသွားပါပြီ... ဒုတိယပိုင်း ၈၁ မိနစ်မှာ မန်ယူအသင်းက တန်ဖိုးရှိတဲ့ ဂိုးတစ်ဂိုးကို သွင်းယူသွားနိုင်ခဲ့ပါပြီ..."</p> <p style="text-align:justify">"သူတို့သာ ဒီဦးဆောင်မှုကို ထိန်းထားနိုင်ရင် ဒီညရဲ့ အနိုင်ရသူတွေ ဖြစ်လာမှာပါ"</p> <p style="text-align:justify">ဝုန်း...</p> <p style="text-align:justify">ဝင်ဘလေကွင်းကြီးသည် ဆူပွက်နေသော ရေနွေးအိုးကြီးသဖွယ် အပြင်းအထန် ပွက်ပွက် ဆူလာတော့သည်။</p> <p style="text-align:justify">ဂိုးသွင်းပြီးနောက် မာရက်ဇ်သည် တစ်ယောက်တည်း အောင်ပွဲခံမနေတော့ဘဲ ချူဖုန်းထံသို့ ပြေးသွားကာ ပြောလိုက်သည်။ "ချူ... မင်းကျေးဇူးကြောင့်ပဲကွာ... မင်းက ဘောလုံးကို ပေးရုံတင်မကဘူး။ အရည်အသွေး အရမ်းမြင့်တဲ့ ပေးပို့မှုမျိုးကို လုပ်ပေးခဲ့တာ..."</p> <p style="text-align:justify">"အဲဒီပေးပို့မှုမှာ ကံကောင်းခြင်းလေးလည်း နည်းနည်း ပါသွားလို့ပါကွာ..." ချူဖုန်းက သူ့ကို လက်ဝါးချင်းရိုက်ကာ ဖက်လိုက်ရင်း နှိမ့်ချစွာ ပြန်ပြောလိုက်သည်။</p> <p style="text-align:justify">တကယ်တမ်းတွင် သူ လိမ်ပြောနေခြင်း မဟုတ်ပါ။ အကြောင်းမှာ ဟန်ချက်ပျက်လုနီးပါး အခြေအနေတွင် ထိုသို့သော ဘောလုံးမျိုး ပေးပို့နိုင်ရန်မှာ အလွန် ခက်ခဲလှသောကြောင့် ဖြစ်သည်။</p> <p style="text-align:justify">ကိုင်လီဝေါ်ကာ တစ်ယောက် အခုထိ စိတ်သက်သာရာ မရသေးပေ။ သူ ဘယ်လောက်ပဲ ကြိုးစားတွေးတွေး ချူဖုန်း မည်ကဲ့သို့ ဘောလုံးပေးနိုင်သွားသည်အား နားမလည်နိုင်အောင် ဖြစ်နေသဖြင့် ခေါင်းငိုက်စိုက်ကျကာ အသင်းဖော်များကို ပြောလိုက်ရသည်။ </p> <p style="text-align:justify">"ဆောရီးကွာ... ငါ့အမှားပါ..."</p> <p style="text-align:justify">"ကိစ္စမရှိပါဘူး... ပွဲက မပြီးသေးဘူးလေ... ဆက်လုပ်ကြတာပေါ့" </p> <p style="text-align:justify">ဒီဘရိုင်းက သူ့ကို နှစ်သိမ့်ပေးလိုက်သည်။ သူသည် ကော်တွိုက်စ်နှင့် သွားမတိုးသရွေ့ အမြဲတမ်း နားလည်ပေးနိုင်စွမ်း ရှိသူ ဖြစ်သည်။</p> <p style="text-align:justify">တစ်ချိန်တည်းမှာပင် ကွင်းဘေးရှိ ဂွါဒီယိုလာမှာ စိတ်ဆိုးနေရန် အချိန်မရှိတော့ဘဲ ဖာနန်ဒင်ဟိုနှင့် ဒဲလ်ဖ်တို့ကို သွေးပူလေ့ကျင့်ခန်း အမြန်လုပ်ခိုင်းလိုက်သည်။</p> <p style="text-align:justify">တကယ်တော့ ခုနက ဂိုးပေးလိုက်ရခြင်းမှာ ဇင်ချန်ကို၏ အမှားတစ်ခုတည်း မဟုတ်သလို မည်သူ့အပေါ် အပြစ်ပုံချရမည်ကို ငြင်းခုံနေ၍ အကျိုးမရှိပေ။ ယခု အရေးအကြီးဆုံးမှာ ချေပဂိုးရရန် နည်းလမ်း ရှာရမည် ဖြစ်သည်။</p> <p style="text-align:justify">ဂွါဒီယိုလာသည် လူစားလဲခွင့်များကို ချန်မထားတော့ပေ။ အဘယ်ကြောင့်ဆိုသော် လိဂ်ဖလားတွင် အချိန်ပို မရှိဘဲ နာကျင်အချိန်ပို ပြီးသည်နှင့် အရာအားလုံး ပြီးဆုံးသွားမည် ဖြစ်သောကြောင့်တည်း။</p> <p style="text-align:justify">သူ အရာအားလုံးကို စွန့်စားရတော့မည်။</p> <p style="text-align:justify">မော်ရင်ညိုကတော့ အထူးတလည် စိတ်လှုပ်ရှားမနေဘဲ မာတစ်ကို ကွင်းဘေးသို့ ခေါ်ကာ ကောင်လေးများကို ပိုကြမ်းကြမ်း ကစားရန် မှာကြားလိုက်သည်။ သူတို့က ပြစ်ဒဏ်ဘော များများစားစား ပေးရလျှင်လည်း စိတ်ပူစရာ မရှိချေ။ အကြောင်းမှာ မန်စီးတီးတွင် အမြင့်ဘော ယှဉ်လုနိုင်မည့် အရပ်ရှည် ကစားသမားများ မရှိသောကြောင့်ပင်…။</p> <p style="text-align:justify">ကွင်းထဲသို့ ပြန်ရောက်ပြီးနောက် မာတစ်က ဘော့စ်၏ ညွှန်ကြားချက်များကို အသင်းဖော်များထံ ပြန်လည် ပြောပြလိုက်သည်။</p> <p style="text-align:justify">မန်ယူ ကစားသမားများ အောင်ပွဲခံပြီးချိန်တွင် ချူဖုန်းကလည်း အသင်းဖော်များကို တာဝန်များ ခွဲဝေပေးနေ၏။ "ရိုမီလူ... မင်း နောက်ကို နည်းနည်း ပြန်ဆင်းပေး... မန်စီးတီးရဲ့ ခံစစ်မှူးတွေနဲ့ ကွင်းလယ်ခံစစ်လူတွေ ကြားက သူတို့ရဲ့ ဘောလုံး ပေးပို့မှုတွေကို တတ်နိုင်သမျှ နှောင့်ယှက်ပေးထား..."</p> <p style="text-align:justify">"ပေါလ်... ခင်ဗျားလည်း အတူတူပဲ... ကိုယ့်နေရာကိုယ် အမြဲ သတိထားနေ..."</p> <p style="text-align:justify">“…”</p> <p style="text-align:justify">လူကာကူက နားလည်ကြောင်း ခေါင်းညိတ်ပြသော်လည်း ပေါ့ဘာကတော့ အနည်းငယ် စိတ်အနှောင့်အယှက် ဖြစ်သွားပုံရသည်။ သို့သော် အကြောင်းပြချက်ကိုတော့ သူ သေချာ မရှင်းပြနိုင်ချေ။</p> <p style="text-align:justify">ကလေးတစ်ယောက်လို စိတ်ကောက်နေတာလည်း ဖြစ်နိုင်ပါတယ်။</p> <p style="text-align:justify">အားလုံး၏ အံ့အားသင့်မှုများကြားတွင် စတုတ္ထ ဒိုင်လူကြီးက ရုတ်တရက် အယ်လ်အီးဒီ ဘုတ်ကို မြှောက်ပြလိုက်ရာ နံပါတ်နှစ်ခုကို ထင်ရှားစွာ မြင်လိုက်ရသည်။ ၆ နှင့် ၃၉။</p> <p style="text-align:justify">မက်တော်မီနေးက ပေါ့ဘာ နေရာတွင် ဝင်ရောက်လာခြင်း ဖြစ်သည်။</p> <p style="text-align:justify">“…”</p> <p style="text-align:justify">ပေါ့ဘာသည် ကီပါလောက်တော့ ရဲတင်းခြင်း မရှိပါ။ အကြောင်းမှာ မော်ရင်ညို၏ စရိုက်ကို သူ သိထားသောကြောင့် ဖြစ်သည်။ အရန်ခုံတန်းပေါ်တွင် ထိုင်ခိုင်းမည်ဟု ပြောလျှင် သူ အမှန်တကယ်ပင် ထိုင်ခိုင်းမည် ဖြစ်သည်။</p> <p style="text-align:justify">"ကောင်းကောင်း ကစားခဲ့ပါတယ်..."</p> <p style="text-align:justify">မက်တော်မီနေးက ချီးကျူးစကား ဆိုကာ ပေါ့ဘာကို လက်ဝါးချင်းရိုက်လိုက်ပြီးနောက် ကွင်းထဲသို့ ဝင်ရောက်လာသည်။</p> <p style="text-align:justify">ကန်တေ မန်ယူသို့ ရောက်လာပြီးကတည်းက သူ၏ ကစားချိန်များမှာ ထပ်မံ လျှော့ချခံလိုက်ရသော်ငြား ထိုသို့ဖြစ်လင့်ကစား သူ၏ လေ့ကျင့်မှုများကိုမူ မလျှော့ချခဲ့ပေ။</p> <p style="text-align:justify">ဘာကြောင့်လဲဆိုတော့ သူ အစောကြီး မဟုတ်ရင်တောင် နောက်ပိုင်းမှာ ကစားခွင့် ရလာမယ်ဆိုတာ သူ သိထားလို့ပင်…။</p> <p style="text-align:justify">"စကော့... ဖာနန်ဒင်ဟိုကို လူကပ်ရမယ့် တာဝန်က မင်းတာဝန်ပဲနော်"</p> <p style="text-align:justify">ချူဖုန်းက သူ့သူငယ်ချင်းဆီသို့ ညာဘက် လက်သီးဆုပ်ကို လှမ်းပေးလိုက်သည်။</p> <p style="text-align:justify">"စိတ်မပူနဲ့" မက်တော်မီနေး၏ မျက်လုံးများထဲတွင် တိုက်ပွဲဝင်လိုစိတ်များ ပြည့်နှက်နေ၏။</p> <p style="text-align:justify">တီ…</p> <p style="text-align:justify">ပွဲ ပြန်စချိန်တွင် မန်စီးတီးတို့က အံ့အားသင့်ဖွယ် ကောင်းလောက်အောင် အလျင်စလို မလုပ်ဘဲ တည်တည်ငြိမ်ငြိမ်ဖြင့် ဘောလုံးကို ပေးပို့ကာ ရှေ့သို့ ဖြည်းဖြည်းချင်း တက်လာကြသည်။</p> <p style="text-align:justify">ဂွါဒီယိုလာသည် ကစားသမားများကို နည်းပြရာတွင် အလွန် တော်သည်ဟု ဆိုရပေမည်။</p> <p style="text-align:justify">သို့သော် မော်ရင်ညိုကလည်း ပွဲချိန် နောက်ဆုံး အဆင့်သို့ ရောက်လာချိန်တွင် ပြိုင်ဘက်ကို ဘောလုံး ထိန်းချုပ်ရန် အခွင့်အရေး လုံးဝ မပေးတော့ပေ။</p> <p style="text-align:justify">“ရှေ့တက် ဖိအားပေးစမ်း” </p> <p style="text-align:justify">မော်ရင်ညို၏ တွန်းအားပေးမှုအောက်တွင် မန်ချက်စတာ ယူနိုက်တက် ကစားသမား အားလုံး ပြိုင်ဘက်များကို အတင်း ဝင်လုံးကြတော့သည်။ မန်ချက်စတာ စီးတီး ကစားသမားများကလည်း ဘောလုံး မဆုံးရှုံးအောင် အကောင်းဆုံး ကာကွယ်ကြသည်။</p> <p style="text-align:justify">ဤသို့ဖြင့် ဘောလုံး တစ်လုံးကို ရရန် အတွက် လူအနည်းငယ် ဝိုင်းလုသည့် အနေအထားမျိုး အထိ ဖြစ်လာသည်။ </p> <p style="text-align:justify">***</p>


Save