Book List

<h2 style="text-align: center;">အခန်း (၃၃၉)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ဖာနန်ဒင်ဟိုသည် ဂန်ဒိုဂန်လောက် တိုက်စစ်ကို စတင်ရာတွင် မည်သည့်အခါမှ မကောင်းမွန်ခဲ့ရာ မန်ယူအသင်း၏ အဆက်မပြတ် ဖိအားပေးမှုများအောက်တွင် သူသည် တိုက်စစ်ကို စတင်ရန် ပို၍ပင် ခက်ခဲနေတော့သည်။</p> <p style="text-align:justify">ထို့ကြောင့် ဤတာဝန်ကို ဒီဘရိုင်းနှင့် ဒေးဗစ်ဆေးလ်ဗားတို့ထံ ဆက်လက် လွှဲပြောင်းပေးနေရသည်။</p> <p style="text-align:justify">သို့ရာတွင် ဒေးဗစ်ဆေးလ်ဗားမှာ သူ၏ ကစားသမားဘဝ ဆည်းဆာအချိန်သို့ ရောက်နေပြီဖြစ်ပြီး ရာသီအကုန်တွင် အနားယူရန် မွေးရပ်မြေသို့ ပြန်ရန်ပင် ပြင်ဆင်နေသူ ဖြစ်သည်။</p> <p style="text-align:justify">မကြာမီမှာပင် စတုတ္ထ ဒိုင်လူကြီးက နာကျင်အချိန်ပို ခြောက်မိနစ် ပြသသည့် ဘုတ်ပြားကို မြှောက်လိုက်သည်။</p> <p style="text-align:justify">ဝင်ဘလေကွင်းကြီးတွင် အချို့သော ပရိသတ်များမှာ အနိုင်ရရန် မျှော်လင့်ချက် သိပ်မရှိတော့သလို ထွက်ခွာရန်ပင် စတင်နေကြပြီ ဖြစ်ကာ လိဂ်ဖလားကို မန်ယူအသင်းက သိမ်းပိုက်သွားပြီဟု ထင်မှတ်နေကြသည်။</p> <p style="text-align:justify">"အရမ်း ပင်ပန်းနေပြီ" </p> <p style="text-align:justify">ဒီဘရိုင်းက မိမိကိုယ်ကိုယ် ထုံထိုင်းသွားစေရန် ကြိုးစားသည့်အလား ရေရွတ်လိုက်သည်။</p> <p style="text-align:justify">ဒါပေမဲ့ သူ ဘာလုပ်နိုင်မှာလဲ။</p> <p style="text-align:justify">ငါတို့ ဒီအတိုင်း လက်လျှော့လိုက်လို့မှ မရတာ။</p> <p style="text-align:justify">"ရှောင်ချူရဲ့ ရုပ်ပိုင်းဆိုင်ရာ ကြံ့ခိုင်မှုကလည်း သိသိသာသာ ကျဆင်းသွားပြီဗျ။ သူက ကိုင်လီဝေါ်ကာနဲ့ ဒီဘရိုင်းတို့ရဲ့ ဝမ်းတူး ကစားကွက်နဲ့ အဖြတ်ခံလိုက်ရတယ်... ကံကောင်းလို့ သူက ဒီဘရိုင်းရဲ့ အင်္ကျီကို အချိန်မီ လှမ်းဆွဲထားနိုင်ခဲ့လို့ပေါ့"</p> <p style="text-align:justify">ထိုလုပ်ရပ်ကြောင့် သူ အဝါကတ် တစ်ကတ်တော့ ရသွားခဲ့သည်။</p> <p style="text-align:justify">"မန်စီးတီး အနေနဲ့ ဒါကို ဘယ်လို ကိုင်တွယ်မလဲ ကြည့်ကြတာပေါ့..."</p> <p style="text-align:justify">ဒီဘရိုင်းက LED ဘုတ်ကို တစ်ချက် ကြည့်လိုက်ရာ အချိန်မှာ ၉၄ မိနစ်နှင့် ၅၂ စက္ကန့်သို့ ရောက်နေပြီ ဖြစ်ပြီး ဤသည်မှာ မန်စီးတီး၏ နောက်ဆုံး တိုက်စစ်ဆင်မှု ဖြစ်လာနိုင်သည်။</p> <p style="text-align:justify">မူလက သူသည် ဘောလုံးကို ပင်နယ်တီ ဧရိယာထဲသို့ အမြင့်ဘော ပေးပို့ရန် ရည်ရွယ်ခဲ့သည်။</p> <p style="text-align:justify">သို့သော် မန်ယူ ကစားသမားများ အမှားလုပ်မိမှသာ ယင်းကဲ့သို့ လုပ်ခြင်းမှ ဂိုးရနိုင်မည် ဖြစ်သည်။ သို့မဟုတ်ပါက မန်စီးတီး ကစားသမားများ၏ ပျမ်းမျှ အရပ်အမောင်းအရ သူတို့ ဂိုးရရန် မျှော်လင့်ချက် လုံးဝ မရှိသလောက်ပင်။</p> <p style="text-align:justify">ထို့ကြောင့် သူသည် မြေပြင်မှတစ်ဆင့် ဖာနန်ဒင်ဟိုဆီသို့သာ ဘောလုံး ပေးပို့လိုက်သည်။</p> <p style="text-align:justify">မက်တော်မီနေးက သူ၏ တာဝန်ကို မှတ်မိနေပြီး ပြင်းပြင်းထန်ထန် ခုန်အုပ်လိုက်သည်။</p> <p style="text-align:justify">"ဝါရင့် ကပ္ပတိန်ဟောင်းရဲ့ အတွေ့အကြုံကတော့ အခုထိ တန်ဖိုး မဖြတ်နိုင်သေးဘူးဗျာ... သူက ကြိုတင် နေရာယူထားပြီးတော့ တောင်ပံက ဒေးဗစ်ဆေးလ်ဗား ဆီကို လှမ်းပေးလိုက်ပြီ"</p> <p style="text-align:justify">နေရာလွတ် မှော်ဆရာက မန်စီးတီး ကို ကယ်တင်နိုင်မလား။</p> <p style="text-align:justify">သူ့တွင် ထိုးဖောက်ရန် ခွန်အား မရှိတော့သော်လည်း သူ၏ နှစ်ပေါင်းများစွာ အတွေ့အကြုံက မန်ယူအသင်း ခံစစ်ရှိ ကွက်လပ်တစ်ခုကို မြင်တွေ့သွားစေခဲ့သည်။</p> <p style="text-align:justify">သိပ်မကြီးပေမဲ့ ဒါက လုံလောက်တယ်။</p> <p style="text-align:justify">တိကျသော ပေးပို့မှုတစ်ခုက ခံစစ်၏ ထောင့်တစ်နေရာကို ဆွဲဖြဲလိုက်ပြီး ဘောလုံးက မြက်ခင်းပြင်တစ်လျှောက် ဆာနေးဆီသို့ လိမ့်သွားလေသည်။</p> <p style="text-align:justify">လူငယ် ကစားသမားများ အဖြစ်အများဆုံး အမှားမှာ ပွဲချိန် နောက်ဆုံး အဆင့်များတွင် အာရုံစူးစိုက်မှု လျော့ကျသွားခြင်းပင် ဖြစ်ပြီး ယင်းက ဝမ်ဘစ်ဆာကာ ကို အကြောင်းပြချက် မရှိဘဲ လျှောတိုက် ဖျက်ထုတ်မိစေရန် ဖြစ်ပေါ်စေခဲ့သည်။</p> <p style="text-align:justify">သူတို့ လူကိုလည်း မတားနိုင်ခဲ့ဘူး။ ဘောလုံးကိုလည်း မဖျက်နိုင်ခဲ့ဘူး။</p> <p style="text-align:justify">ဆာနေးမှာ ဝမ်ဘစ်ဆာကာကို ကျေးဇူးတင်ရန်ပင် အချိန်မရလိုက်ဘဲ မန်ယူအသင်း၏ ပင်နယ်တီ ဧရိယာဆီသို့ ဘောလုံး ဆွဲဝင်သွားလေတော့သည်။</p> <p style="text-align:justify">"ဒေးဗစ်လူးဝစ်ရဲ့ ခံစစ် ကာကွယ်မှုက အရမ်းကို အချိန်ကိုက် ဖြစ်တယ်ဗျ"</p> <p style="text-align:justify">"ဒါပေမဲ့ ဆာနေး... သူ ပင်နယ်တီ ဧရိယာ အလယ်ကို ဖြတ်တင်ပေးဖို့ ရွေးချယ်လိုက်ပြီ"</p> <p style="text-align:justify">ကွင်းထဲရှိ ပရိသတ် အားလုံး၏ စောင့်ကြည့်နေသော မျက်လုံးများအောက်တွင်...</p> <p style="text-align:justify">နောက်ဆုံး ခွန်အားအကြွင်းအကျန်ကို အသုံးချကာ အဂူရိုက မက်ဂွိုင်းယား၏ ဘယ်ဘက်သို့ ထောင့်ဖြတ် ဝင်ရောက်လာပြီး ဘောလုံးကို ပြင်းထန်သော လျှောတိုက် ကန်ချက်ဖြင့် ပိတ်သွင်းလိုက်လေသည်။</p> <p style="text-align:justify">ထို့နောက် ဘောလုံးက ဂိုးပေါက်၏ ညာဘက်အောက်ထောင့်ထဲသို့ ချောမွေ့စွာ ဝင်ရောက်သွားလေပြီ</p> <p style="text-align:justify">၂-၂</p> <p style="text-align:justify">"အဂူရိုချေပဂိုး သွင်းယူသွားပါပြီ"</p> <p style="text-align:justify">"ဘောလုံးကစားနည်း တစ်ခုတည်းကသာ ခင်ဗျားတို့ရဲ့ စိတ်ခံစားမှုတွေကို စက္ကန့်ပိုင်းအတွင်းမှာ အမြင့်ကနေ အနိမ့်ကို၊ ဒါမှမဟုတ် အနိမ့်ကနေ အမြင့်ကို ရောက်သွားအောင် လုပ်နိုင်တာပါ..."</p> <p style="text-align:justify">နောက်တစ်စက္ကန့်တွင် ဘာဖြစ်မည်ကို မည်သူမျှ မသိနိုင်ဟု လူများက မကြာခဏ ပြောလေ့ရှိကြသည်။</p> <p style="text-align:justify">"ဒီနေ့ပွဲက ဒါကို ကျွန်တော်တို့အတွက် သေသေချာချာ ပြသသွားတာပါပဲ..."</p> <p style="text-align:justify">"အချိန်တွေက ၂၀၁၂ ခုနှစ်၊ မေလ ၁၃ ရက်နေ့ဆီကို ပြန်ရောက်သွားသလိုပဲဗျာ... အဲဒီအချိန်တုန်းက ပရီးမီးယားလိဂ်ကို ဘယ်သူက ပြီးပြည့်စုံတဲ့ အဆုံးသတ်ဆီ ယူဆောင်သွားနိုင်မလဲဆိုတာ မသိရသေးဘူးလေ..."</p> <p style="text-align:justify">"မန်စီးတီးမှာ တစ်နှစ်ပဲ ကစားရသေးတဲ့ အဂူရိုက အံ့သြဖွယ်ရာတွေရဲ့ ကိုယ်ပွား ဖြစ်လာခဲ့တာပဲ"</p> <p style="text-align:justify">"သူတို့က အံ့သြဖွယ်ရလဒ်နဲ့ မန်ယူဆီကနေ ပရီးမီးယားလိဂ်ဖလားကို လုယူသွားခဲ့တာ... အခု ဒီနေ့ကရော တကယ်ပဲ အဲဒီနေ့လား..."</p> <p style="text-align:justify">ဝင်ဘလေကွင်းကြီး အတွင်းတွင် မန်စီးတီး ပရိသတ်များ၏ အောင်ပွဲခံသံများသာ ကျန်ရစ်ခဲ့တော့သည်။</p> <p style="text-align:justify">မန်ယူ ပရိသတ်များမှာတော့ အတိတ်က အိပ်မက်ဆိုးများကို ပြန်လည် အမှတ်ရလာကာ သူတို့၏ စိတ်ခံစားမှုများက ဝမ်းသာပျော်ရွှင်မှုမှ ချက်ချင်း မျှော်လင့်ချက် ကင်းမဲ့ခြင်းဆီသို့ ပြောင်းလဲသွားပြီး နာကျင်နေသော မျက်နှာထားများ ဖြစ်လာကြသည်။</p> <p style="text-align:justify">"သောက်ကျိုးနည်း... လိဂ်ဖလားပွဲလေး တစ်ပွဲက ဘယ်လိုလုပ် ချန်ပီယံလိဂ်ပွဲလို ခံစားနေရတာလဲ..." </p> <p style="text-align:justify">ချူဖုန်းက ရူးသွပ်မတတ် အောင်ပွဲခံနေကြသော မန်စီးတီး ကစားသမားများကို စိုက်ကြည့်ရင်း ချွေးများဖြင့် စိုရွှဲနေသော သူ၏ ဆံပင်များကို အနောက်သို့ သပ်တင်လိုက်သည်။</p> <p style="text-align:justify">နောက်ဆုံးတွင် သူက ခါးသက်သက် အပြုံးတစ်ခုဖြင့် ရေရွတ်လိုက်၏။ "မင်းတို့ မပင်ပန်းကြဘူးလား..."</p> <p style="text-align:justify">ကျန်ရှိနေသော အချိန်အတွင်း သူတို့ တိုက်စစ်ဆင်မှု တစ်ခု ပြီးမြောက်အောင် လုပ်နိုင်တော့မည် မဟုတ်ဘဲ ပွဲပြန်စသည်နှင့် တစ်ပြိုင်နက် ဒိုင်လူကြီးက ပွဲပြီးဆုံးကြောင်း အချက်ပြမည်ဟု ခန့်မှန်းရသည်။</p> <p style="text-align:justify">ရိုးရိုးသားသား ပြောရလျှင် သူ အမှန်တကယ် စိတ်ပျက်သွားမိသည်။</p> <p style="text-align:justify">"ညီအစ်ကိုတို့... ငါတို့ ရီးရဲလ်မက်ဒရစ်နဲ့ ပင်နယ်တီ အဆုံးအဖြတ်အထိ တိုက်ပွဲဝင်ခဲ့ဖူးတယ်... ချန်ပီယံလိဂ် ဗိုလ်လုပွဲမှာတောင် တိုက်ပွဲဝင်ခဲ့ဖူးတာပဲကွ"</p> <p style="text-align:justify">"ဘာမှ ကြောက်မနေနဲ့... အစွမ်းကုန် လုပ်ပစ်လိုက်"</p> <p style="text-align:justify">ချူဖုန်းက အသံကုန် အော်ဟစ်လိုက်သည်။</p> <p style="text-align:justify">သို့သော် ရလဒ်က သိပ်မကောင်းလှဘဲ မန်ယူ ကစားသမားများမှာ စိတ်ဓာတ်ကျနေဆဲ ဖြစ်သည်။</p> <p style="text-align:justify">"ငါကိုယ်တိုင် လုပ်မှရတော့မယ်..." ချူဖုန်းက သူ၏ နားထင်များကို ပွတ်သပ်ရင်း စိတ်ဓာတ်များ ပြန်လည် နိုးကြားလာစေရန် ကြိုးစားလိုက်သည်။</p> <p style="text-align:justify">တီ… တီ… တီ…</p> <p style="text-align:justify">ချူဖုန်း ခန့်မှန်းထားသည့်အတိုင်းပင် ဘောလုံးကို တည်ပြီးနောက် ကန်ထုတ်လိုက်သည်နှင့် ဒိုင်လူကြီးက ခရာကို ချက်ချင်း မှုတ်လိုက်လေပြီ။</p> <p style="text-align:justify">ကစားသမား အားလုံး မြက်ခင်းပြင်ပေါ်တွင် လဲလျောင်းသွားကြပြီး သူတို့၏ ရင်ဘတ်များမှာ ပန်းပဲဖိုမှ ဖိုသီးများသဖွယ် နိမ့်ချည် မြင့်ချည် ဖြစ်နေကြသည်။</p> <p style="text-align:justify">“ပင်ပန်းလိုက်တာ….”</p> <p style="text-align:justify">သူတို့အားလုံး၏ စိတ်ထဲတွင် တူညီသော အတွေးတစ်ခုတည်းသာ ရှိနေကြ၏။</p> <p style="text-align:justify">ခဏအကြာတွင် အသင်းနှစ်သင်းလုံးမှ ကစားသမားများ သက်ဆိုင်ရာ ဧရိယာများ၌ စုရုံးလာကြပြီး မော်ရင်ညိုက အသံသြသြဖြင့် မေးလိုက်သည်။ "ပထမဆုံး ပင်နယ်တီကို ဘယ်သူ ကန်ချင်လဲ..."</p> <p style="text-align:justify">ပြီးခဲ့သည့် ရာသီ ချန်ပီယံလိဂ် ဗိုလ်လုပွဲတွင် အီဘရာဟီမိုဗစ်က ရှေ့ထွက်လာခဲ့သည်။</p> <p style="text-align:justify">ဒီတစ်ကြိမ်ကော ဘယ်သူလဲ။</p> <p style="text-align:justify">"ဘော့စ်... ကျွန်တော် ကန်မယ်..." ချူဖုန်းက ဘာစကားမှ မပြောဘဲ လက်ထောင်လိုက်ကာ အလွန် ပေါ့ပါးသော လေသံဖြင့် ပြောလိုက်သည်။</p> <p style="text-align:justify">မော်ရင်ညိုက ခေါင်းညိတ်ပြလိုက်၏။</p> <p style="text-align:justify">ပထမဆုံး ပင်နယ်တီ ကန်သွင်းမှုက စိတ်ဓာတ်ပိုင်းအပေါ် ကြီးမားသော သက်ရောက်မှု ရှိပြီး ဝါရင့် ကစားသမား အတော်များများလည်း လူစားလဲခံထားရပြီ ဖြစ်သည်။ သူသည် ချူဖုန်းကိုသာ အယုံကြည်ရဆုံး ဖြစ်နေဆဲပင်။</p> <p style="text-align:justify">ချူဖုန်း၏ စံနမူနာကို အတုယူကာ မာရက်ဇ်၊ ကန်တေ၊ ဒေးဗစ်လူးဝစ်နှင့် မာတစ်တို့လည်း ရှေ့ထွက်လာကြသည်။</p> <p style="text-align:justify">"မင်းတို့ ဘယ်ဘက်ကို ကန်ရမှန်း မသိရင် အလယ်တည့်တည့်သာ ကန်ချလိုက်... ဂိုးသမားတွေက အများအားဖြင့် ရပ်နေလေ့မရှိဘူး။ ရပ်နေရင် သူတို့က အရူးတွေနဲ့ တူနေမှာမို့လို့ပဲ..." </p> <p style="text-align:justify">ဒီဂီယာက ချန်ပီယံလိဂ် ဗိုလ်လုပွဲတုန်းက သူပြောခဲ့သည့် စကားကို ထပ်ပြောလိုက်သည်။</p> <p style="text-align:justify">"ဒေးဗစ်... ဖြစ်နိုင်ချေတော့ မရှိဘူးလား..." </p> <p style="text-align:justify">ချူဖုန်းက ပြုံးစိစိဖြင့် ပြောလိုက်သည်။ "မန်စီးတီးကလည်း အဲဒီလိုပဲ တွေးနေနိုင်တယ်ဆိုတဲ့ ဖြစ်နိုင်ချေလေ..."</p> <p style="text-align:justify">ယင်းကိုကြားသော် ဒီဂီယာ တစ်ယောက် ခဏမျှ ကြောင်အသွားသည်။</p> <p style="text-align:justify">သောက်ကလေး... မင်းက ငါ့ရဲ့ တာအို နှလုံးသားကိုများ လာနှောင့်ယှက်ရဲတယ်ပေါ့။</p> <p style="text-align:justify">"ကောင်းပြီ... နောက်ဆုံးအနေနဲ့ စကားနည်းနည်းလောက် ပြောမယ်..." ချူဖုန်းက သူ၏ လေးနက်သော မျက်နှာထားကို ပြန်လည် ရယူလိုက်ပြီး အဝေးမှ ဂိုးပေါက်ကို လက်ညှိုးထိုးပြလိုက်သည်။ "ပင်နယ်တီ ကန်တဲ့ ကစားသမားတွေနဲ့ ဂိုးသမားတွေ အားလုံးက ကိုယ့်ရဲ့ အတွင်းစိတ် နတ်ဆိုးတွေနဲ့ ကိုယ် တိုက်ပွဲဝင်နေကြရတာပဲ..."</p> <p style="text-align:justify">"ကိုယ့်ရဲ့ အတွင်းစိတ် နတ်ဆိုးတွေကို အနိုင်ယူနိုင်တဲ့ သူတွေသာ တကယ့် အားကောင်းတဲ့သူတွေ ဖြစ်တယ်..."</p> <p style="text-align:justify">“ဒါကြောင့် မင်းတို့ရဲ့ နှလုံးသားက ပြောတဲ့အတိုင်းသာ လုပ်။ အများကြီး မတွေးနဲ့”</p> <p style="text-align:justify">ထိုသို့ပြောပြီးနောက် ချူဖုန်းက သူ၏ ညာလက်ကို ဆန့်ထုတ်ကာ အော်ဟစ်လိုက်သည်။ "မန်ချက်စတာ ယူနိုက်တက်... အောင်ပွဲက ငါတို့အတွက် သေချာပေါက်ပဲ"</p> <p style="text-align:justify">မန်ယူ ကစားသမားများက သူတို့၏ လက်များကို တစ်ခုပေါ် တစ်ခု ထပ်တင်လိုက်ကြသည်။</p> <p style="text-align:justify">"မန်ချက်စတာ ယူနိုက်တက်... အောင်ပွဲက ငါတို့အတွက် သေချာပေါက်ပဲ"</p> <p style="text-align:justify">ထို့နောက် သူတို့သည် ကွင်းလယ်စက်ဝိုင်းတွင် ပခုံးချင်းဖက်ကာ မတ်တတ်ရပ်ရင်း နောက်ဆုံး အချိန်ကို စောင့်ဆိုင်းနေကြသည်။</p> <p style="text-align:justify">ချူဖုန်းက ပင်နယ်တီ အမှတ်ဆီသို့ အေးအေးဆေးဆေး လျှောက်သွားကာ ဖိအားဝင်နေသည့် အရိပ်အယောင် လုံးဝ မပြဘဲ မျက်မှောင်ကြုတ်ထား၏။ သူက ဘောလုံးကို ပေါ့ပေါ့ပါးပါး ကောက်ယူကာ လက်ချောင်းများကြားတွင် အကြိမ်အနည်းငယ် လှည့်ကစားလိုက်သည်။</p> <p style="text-align:justify">"ဒီစိတ်ဓာတ်ပိုင်းကတော့ တကယ့်ကို အနိုင်ယူလို့ မရတာပဲဗျာ"</p> <p style="text-align:justify">နိုင်ငံအများအပြားမှ ဘောလုံးဝေဖန်ရေးဆရာများပင် အံ့သြချီးကျူးစွာ အော်ဟစ်လိုက်ကြသည်။</p> <p style="text-align:justify">အီဒါဆန်မှာတော့ စိတ်ပိုင်းဆိုင်ရာ ဖိအားများ အလွန်အမင်း ခံစားနေရပြီး နေရာတွင်ပင် ခုန်ဆွခုန်ဆွ လုပ်နေသည်။</p> <p style="text-align:justify">ခရာမှုတ်သံ ပေါ်လာသည်။ အရှိန်ယူလိုက်သည်။ ကန်သွင်းလိုက်ပြီ။</p> <p style="text-align:justify">မည်သည့် ဟန်ပြလှုပ်ရှားမှုမှ မပါဝင်ဘဲ ညာဘက်သို့ ယုံကြည်မှု အပြည့်ဖြင့် ကန်သွင်းလိုက်ရာ အီဒါဆန်မှာ နောက်ဆုံးတွင် လားရာကို အကဲဖြတ် မှားယွင်းသွားလေတော့သည်။</p> <p style="text-align:justify">***</p>


Save