Book List

<h2 style="text-align: center;">အခန်း (၃၄၀)</h2> <h2 style="text-align: center;">*</h2> <p> </p> <p> </p> <p> </p> <p style="text-align:justify">ချူဖုန်းက အသင်းဖော်များဘက်သို့ လှည့်ကြည့်ကာ "တွေ့လား... ရိုးရှင်းပါတယ်ကွာ... ငါလုပ်သလိုသာ လုပ်ကြ" ဟု ပြောသည့်အလား မျက်ခုံးတစ်ချက် ပင့်ပြလိုက်သည်။</p> <p style="text-align:justify">လူတွေက ဒီလိုပါပဲ။ ရှေ့ဆောင်လမ်းပြပြီး စံနမူနာ ပြမည့်သူ တစ်ယောက် ရှိနေပါက လူတစ်ယောက်၏ စိတ်က ယိမ်းယိုင်သွားမည် မဟုတ်ချေ။ </p> <p style="text-align:justify">ထို့အပြင် မန်ယူအသင်းရဲ့ ပင်နယ်တီ ကန်မည့်သူတွေထဲမှာ ဘယ်သူက ဝါရင့် ကစားသမား မဟုတ်လို့လဲ။ သူတို့အားလုံးမှာ မယုံနိုင်လောက်အောင် ခိုင်မာသော စိတ်ဓာတ် ကြံ့ခိုင်မှုများ ရှိကြလေသည်။</p> <p style="text-align:justify">"ဒေးဗစ်ဆေးလ်ဗားက မန်စီးတီးရဲ့ ပထမဆုံး ပင်နယ်တီ ကန်တဲ့သူပါ... သူက ဂိုးသမားကို လှည့်စားပြီး ဘောလုံးကို ပိုက်ကွန် ဘယ်ဘက်ခြမ်းထဲ ထည့်သွားနိုင်ခဲ့တယ်"</p> <p style="text-align:justify">"မာရက်ဇ်၊ အဂူရို၊ ကန်တေ၊ ဖာနန်ဒင်ဟို... သူတို့အားလုံးက ပြစ်ဒဏ်ဘော ကန်ရာမှာ အရမ်း တော်ကြပြီး သူတို့အားလုံး ဘောလုံးကို ဂိုးထဲ ထည့်သွားနိုင်ခဲ့ကြတယ်"</p> <p style="text-align:justify">"နောက်ဆုံး နှစ်ကျော့ကို ဆက်ကြည့်ကြရအောင်ဗျာ"</p> <p style="text-align:justify">ဒေးဗစ်လူးဝစ်က အသက်ပြင်းပြင်း တစ်ချက် ရှူသွင်းလိုက်ပြီး အလယ်တည့်တည့်သို့ ကန်သွင်းကာ နောက်ထပ် ဂိုးတစ်ဂိုး ထပ်ရသွားသည်။ သူက အောင်ပွဲခံသည့် အနေဖြင့် လက်သီးကို ဆုပ်လိုက်ပြီး ကွင်းလယ်စက်ဝိုင်းရှိ အသင်းဖော်များထံ လျှောက်သွားလေသည်။</p> <p style="text-align:justify">မကြာမီ ဒီဂီယာက သူ၏ အရှေ့ရှိ ဒီဘရိုင်း ကို ကြည့်လိုက်ရာ သူ၏ ခေါင်းထဲတွင် ချူဖုန်း ၏ စကားများသာ ပြည့်နှက်နေ၏။</p> <p style="text-align:justify">“ဒီတစ်ခါတော့ ငါ အရူးအဖြစ် ခံလိုက်မယ်ကွာ”</p> <p style="text-align:justify">ထို့နောက် ဒီဘရိုင်းက ပန်နင်ကာကန်ချက် ပုံစံဖြင့် ကန်သွင်းလိုက်သည်ကို သူ မြင်လိုက်ရသည်။</p> <p style="text-align:justify">ဒီဂီယာ ဘောလုံးကို သူ၏ ရင်ခွင်ထဲသို့ ဖမ်းပိုက်လိုက်ချိန်တွင် နားကွဲမတတ် အောင်ပွဲခံ အော်ဟစ်သံကြီးကို ကြားလိုက်ရလေတော့သည်</p> <p style="text-align:justify">"လှပလိုက်တာ ဒီဂီယာ..."</p> <p style="text-align:justify">"မာတစ်သာ ဂိုးဝင်ရင် မန်ယူအသင်း လိဂ်ဖလားကို ရပြီဗျ..."</p> <p style="text-align:justify">"အရှိန်ယူလိုက်ပြီ ကန်သွင်းလိုက်ပြီ ဂိုး..."</p> <p style="text-align:justify">ဘောလုံးက ဂိုးပေါက်ထဲသို့ ပျံသန်းသွားပြီး ဖြူလွှလွှ ပိုက်ကွန်များနှင့် တိုးဝှေ့သွားသည်ကို ကြည့်လိုက်ရချိန်တွင် လှိုင်းဖြူကြီးများ ရိုက်ခတ်သွားသကဲ့သို့ ထင်မှတ်ရလေသည်။ </p> <p style="text-align:justify">ချူဖုန်းက အသင်းဖော်များကို လှမ်းကာ ဟိန်းဟောက်လိုက်၏။ "ညီအစ်ကိုတို့... ချီတက်ကြ... နောက်ဆုံးမှ ရောက်တဲ့ကောင် ဒီည အကုန်လုံးကို ဒကာခံရမယ်ကွ" </p> <p style="text-align:justify">ထိုသို့ပြောပြီးနောက် သူက အရိပ်အယောင်ပင် မကျန်ရစ်စေဘဲ ရှေ့ဆုံးမှ ပြေးထွက်သွားလေတော့သည်</p> <p style="text-align:justify">"လူလည်ကျတယ်ဟေ့" </p> <p style="text-align:justify">မာရက်ဇ်၊ မက်တော်မီနေးနှင့် လူကာကူတို့ကလည်း သူ၏နောက်သို့ အပြေးအလွှား လိုက်ပါသွားကြသည်။ </p> <p style="text-align:justify">စိမ်းလန်းသော မြက်ခင်းပြင်ကြီးထက်တွင် အနီရောင် ကြယ်ပျံ ကိုးစင်း ဖြတ်သန်းသွားသကဲ့သို့ ထင်ရ၏။ မက်ဂွိုင်းယား တစ်ယောက်သာ ခရုတစ်ကောင်ပမာ နှေးကွေးစွာဖြင့် အနောက်တွင် ကျန်ရစ်ခဲ့ပြီး အမောတကော ပန်းလျရင်း အသံကုန် အော်ဟစ် ညည်းတွားနေလေသည်။ </p> <p style="text-align:justify">"ဒါက မတရားဘူးကွ"</p> <p style="text-align:justify">တစ်ချိန်တည်းမှာပင် ကွင်းလယ်စက်ဝိုင်းအတွင်းရှိ မန်စီးတီး ကစားသမားများမှာ တိုက်ပွဲဝင်လိုစိတ်များ အားလုံး ကုန်ဆုံးသွားကြပြီး အေးစက်နေသော မြက်ခင်းပြင်ပေါ်တွင် ပက်လက်လှန်ချလိုက်ကြလေပြီ။ </p> <p style="text-align:justify">သူတို့ မန်ယူအသင်းကို ထပ်မံ ရှုံးနိမ့်သွားခဲ့ပြန်သည်။ </p> <p style="text-align:justify">ရိုးရိုးသားသား ပြောရလျှင် သူတို့အနေဖြင့် မျှော်လင့်ချက် ကင်းမဲ့သွားသော ခံစားချက်ကြီးကို မလွန်ဆန်နိုင်တော့ချေ။ အဘယ်ကြောင့်ဆိုသော် ဤသည်မှာ တစ်ကြိမ် နှစ်ကြိမ် မကတော့ဘဲ အပြည့်အဝ လေးကြိမ်တိုင်တိုင် ရှိနေပြီ ဖြစ်သောကြောင့်တည်း။ </p> <p style="text-align:justify">ပြီးတော့ အကြိမ်တိုင်းက နည်းနည်းလေးစီသာ လိုအပ်သွားခဲ့ခြင်း ဖြစ်သည်။ </p> <p style="text-align:justify">သူတို့တွင် ချမ်းသာသော ပိုင်ရှင်တစ်ဦး၊ အတွေ့အကြုံရင့် နည်းပြချုပ် တစ်ဦးနှင့် ဥရောပ တစ်ခွင်ရှိ ထိပ်တန်း ကစားသမားများကို ပိုင်ဆိုင်ထားသည်။</p> <p style="text-align:justify">ဒါပေမဲ့ ဘာလို့ မန်ယူအသင်းကို အနိုင်မယူနိုင်ရတာလဲ။ ဒါကပဲ မန်စီးတီးရဲ့ ကံကြမ္မာလား။</p> <p style="text-align:justify">ဒီဘရိုင်းက ကွင်းကြီး၏ အထက်ရှိ ကောင်းကင်ယံကို ငေးမောကြည့်နေမိပြီး မျက်စိကျိန်းမတတ် လင်းထိန်နေသော မီးမောင်းများကြောင့် မသိစိတ်အရ မျက်လုံးကို မှေးထားလိုက်ရသည်။ </p> <p style="text-align:justify">ချက်ချင်းပင် သူက မြက်ခင်းပြင်ပေါ်မှ မတ်တတ်ရပ်လိုက်ပြီး အသင်းဖော် တစ်ဦးချင်းစီ၏ ပခုံးများကို လိုက်လံ ပုတ်ပေးလိုက်သည်။ </p> <p style="text-align:justify">လုပ်ငန်းစဉ် တစ်ခုလုံးမှာ တိတ်ဆိတ်စွာပင် ပြီးဆုံးသွား၏။ </p> <p style="text-align:justify">သူသည် ငယ်စဉ်ကတည်းက စကားနည်းပြီး အတွင်းစိတ်ကို မျိုသိပ်တတ်သူ ဖြစ်ရာ သူ၏ တောင်းပန်မှုကို မည်သို့ ဖော်ပြရမည်ကို မသိသောကြောင့် ဤကဲ့သို့ ရိုးအသော နည်းလမ်းကိုသာ အသုံးပြုနိုင်တော့သည်။</p> <p style="text-align:justify">"ကီဗင်... ငါတို့ ပရီးမီးယားလိဂ် ဖလားကို ရနိုင်မယ်လို့ မင်း ထင်လား..."</p> <p style="text-align:justify">အဂူရိုက တိုးညှင်းစွာ မေးခွန်းထုတ်လိုက်ပြီးနောက် တီးတိုး ပြန်လည် ရေရွတ်လိုက်သည်။ "အရင်က ငါတို့ မန်ယူကို တစ်ဂိုး အသာနဲ့ ရှုံးခဲ့ဖူးတယ်... ဒါပေမဲ့ ဒီနေ့သာ ငါတို့ ရလဒ်ကို အဆုံးထိ ထိန်းထားနိုင်ခဲ့ရင် နောက်တစ်ကြိမ်ကျ သူတို့ကို သေချာပေါက် အနိုင်ယူနိုင်မှာပဲ"</p> <p style="text-align:justify">"ဒါပေါ့ နောက်တစ်ကြိမ်ကျရင် ငါတို့ မန်ယူကို သေချာပေါက် အနိုင်ယူနိုင်မှာပါ" ဒေးဗစ်ဆေးလ်ဗားက ဝင်ပြောလိုက်သည်။ </p> <p style="text-align:justify">နောက်ဆုံးတွင် သူက အသင်းဖော်များဘက်သို့ လှည့်ကာ ပြုံးလျက် ပြောလိုက်၏။ "ဒါက ငါ့ရဲ့ နောက်ဆုံး ရာသီပဲကွ... ဒါကြောင့် မင်းတို့ကောင်တွေ ငါ့အတွက် အစွမ်းကုန် ကြိုးစားပေးကြရမယ်"</p> <p style="text-align:justify">မန်စီးတီး ကစားသမားများ အားလုံး မတ်တတ်ရပ်လိုက်ကြပြီး ပြန်လည် စုစည်းလိုက်ကြလေသည်။</p> <p style="text-align:justify">ကွင်းဘေးမှနေ၍ ဂွါဒီယိုလာ ထိုမြင်ကွင်းကို မြင်လိုက်ရချိန်တွင် သူ၏ ဒေါသများမှာ ရှင်းပြမရနိုင်လောက်အောင်ပင် လွင့်စင်ပျောက်ကွယ်သွားခဲ့ရသည်။ </p> <p style="text-align:justify">မန်စီးတီး အသင်းကို နည်းပြရန် သူ ရွေးချယ်ခဲ့ရသည့် အဓိက တွန်းအားမှာ အိပ်မက်အသင်းကြီး ဘာစီလိုနာထက် မလျော့ကျသော တကယ့် အားကောင်းသည့် အသင်းတစ်သင်းကို ပြန်လည် တည်ဆောက်ရန်ပင် ဖြစ်သည်။ </p> <p style="text-align:justify">ဤသည်မှာ သူ၏ ရည်မှန်းချက် ဖြစ်သည်။</p> <p style="text-align:justify">"ဘော့စ်... အရမ်းကြီး စိတ်ခံစားမှု မဝင်ပါနဲ့ဗျာ။ လိဂ်ဖလားက ကျွန်တော်တို့အတွက် မလိုအပ်ပါဘူး။ ကျွန်တော်တို့က အကြီးကြီးတွေပဲ ယူမှာ" </p> <p style="text-align:justify">အာတီတာက တင်းမာနေသော လေထုကို ပြေလျော့စေရန် ရည်ရွယ်၍ နောက်ပြောင်လိုက်သည်။</p> <p style="text-align:justify">"သွားရအောင်... ပြိုင်ဘက်တွေကို သွားပြီး ဂုဏ်ပြုပေးကြမယ်... ဒီချန်ပီယံဆုက သူတို့နဲ့ ထိုက်တန်ပါတယ်"</p> <p style="text-align:justify"> ဂွါဒီယိုလာက သူ၏ တည်ငြိမ်မှုကို လျင်မြန်စွာ ပြန်လည် ရယူလိုက်သည်။ </p> <p style="text-align:justify">ထို့နောက် သူသည် မော်ရင်ညိုထံသို့ ဖြည်းညင်းစွာ လျှောက်သွားကာ အေးစက်ပြီး ခံစားချက်မဲ့နေသော လေသံဖြင့် ပြောလိုက်သည်။ "ခင်ဗျားတို့ စွမ်းဆောင်ရည် ကောင်းပါတယ်... ဂုဏ်ပြုပါတယ်..."</p> <p style="text-align:justify">အတိတ်က နာကြည်းမှုများကို သူ တကယ်ပင် ဘေးဖယ်ထားချင်ခဲ့သော်လည်း ယင်းသို့ ပြုလုပ်ရန်မှာ သူ့အတွက် အလွန် ခက်ခဲနေဆဲပင်။ </p> <p style="text-align:justify">ထို့ကြောင့် သူတို့၏ ဆက်ဆံရေးကို ဤအတိုင်းသာ ထားလိုက်ခြင်းက အကောင်းဆုံးပင်။ မည်သို့ပင်ဆိုစေ သူတို့က ပြိုင်ဘက်တွေအဖြစ် နေသားကျနေခဲ့ပြီ မဟုတ်ပါလား။</p> <p style="text-align:justify">"ကျေးဇူးပဲ..." မော်ရင်ညိုကလည်း သူ၏ လျှာစောင်းထက်ချင်သော ရည်ရွယ်ချက်များကို ဖယ်ရှားထားကာ မျက်ခုံးတစ်ချက်ကို အနည်းငယ် ပင့်လိုက်ရင်း တုံ့ပြန်လိုက်သည်။</p> <p style="text-align:justify">ကွင်း၏ အခြားတစ်ဖက်တွင်တော့ ဒီဂီယာသည် အသင်းဖော်များ၏ ဝိုင်းဝန်း အောင်ပွဲခံခြင်းကို ခံနေရသော်လည်း သူက ချူဖုန်းထံသို့ ချဉ်းကပ်သွားကာ သူ၏ လက်အိတ်များကို ချွတ်၍ ကမ်းပေးလိုက်သည်။ </p> <p style="text-align:justify">"ချူ... မင်းပြောခဲ့တာက တော်တော်လေး အမြင်ကျယ်တာပဲကွ... ငါက စမ်းကြည့်ရုံလေး စမ်းကြည့်လိုက်တာ။ တကယ် အလုပ်ဖြစ်သွားလိမ့်မယ်လို့ ဘယ်သူက ထင်မှာလဲ"</p> <p style="text-align:justify">"ရော့... ဒီလက်အိတ်တွေ ယူထားလိုက်"</p> <p style="text-align:justify">"အိုး... ဗိုလ်လုပွဲ အက်ဒီရှင်ကြီးပါလား။ ငါ သေသေချာချာ သိမ်းထားမှပဲ" </p> <p style="text-align:justify">ချူဖုန်းက ပေါ့ပေါ့ပါးပါးပင် လှမ်းယူလိုက်ပြီး အထက်သို့ မြှောက်ကာ အော်လိုက်သည်။ "ဒီည ဟယ်ရီ မက်ဂွိုင်းယား ဒကာခံမယ်လို့ ငါ ကြေညာတယ်ကွ"</p> <p style="text-align:justify">"မိုက်တယ်ဟေ့"</p> <p style="text-align:justify">မန်ယူ ကစားသမား အားလုံးက ဝိုင်းဝန်း ဟစ်အော် ထောက်ခံလိုက်ကြသော်လည်း မက်ဂွိုင်းယား တစ်ယောက်သာ လူကို အကြွေးလာတောင်းနေသည့်အလား နှုတ်ခမ်းကြီး ဆူထော်ထားလေသည်။</p> <p style="text-align:justify">မကြာမီမှာပင်…</p> <p style="text-align:justify">ပွဲကြည့်စင်ပေါ်ရှိ မန်ယူ ပရိသတ်များမှာ ပခုံးချင်းယှဉ်ကာ မတ်တတ်ရပ်လိုက်ကြပြီး ကြိုတင် ပြင်ဆင်ထားသော မီးရှူးမီးပန်းများကို ပစ်ဖောက်လိုက်ကြကာ မီတာ ဒါဇင်နှင့်ချီ ရှည်လျားသော ပိုစတာကြီးများကို ဖြန့်ချလိုက်ကြသည်။</p> <p style="text-align:justify">ကွင်းအတွင်းရှိ ဒီဂျေကလည်း အခြေအနေကို ကောင်းစွာ သဘောပေါက်စွာဖြင့် "Glory Glory Man United" သီချင်းကို ဖွင့်ပေးလိုက်လေသည်။</p> <p style="text-align:justify">ချူဖုန်းက ခေါင်းကို မော့ကြည့်လိုက်ရာ သူ၏ မြင်ကွင်းထဲတွင်...</p> <p style="text-align:justify">နေရာအနှံ့ လွင့်ပျံနေသော အနီရောင် အလံများက တစ်ခုနှင့်တစ်ခု ယှက်နွှယ်နေပြီး ညချမ်း ကောင်းကင်ယံကို ဧရာမ အနီရောင် သမုဒ္ဒရာကြီး တစ်ခုအဖြစ်သို့ ပြောင်းလဲသွားစေခဲ့သည်။</p> <p style="text-align:justify">စိတ်အားထက်သန်ဖွယ် ကောင်းလှသော သံစဉ်များ တဖြည်းဖြည်း ပျံ့လွင့်လာသည်နှင့်အမျှ…</p> <p style="text-align:justify">ချူဖုန်းသည် သူ၏ အသင်းဖော်များ၏ ပခုံးများကို ဖက်တွယ်လိုက်ပြီး ထိုရင်းနှီးကျွမ်းဝင်နေသော သီချင်းကို စတင် သီဆိုလေတော့သည်။</p> <p style="text-align:justify">"သရဲနီတို့ အလံတော် တလူလူ လွင့်ပျံနေစေရမယ်"</p> <p style="text-align:justify">"ငါတို့ရဲ့ ကြီးမားခိုင်မာတဲ့ ပုံရိပ်တွေကို နေရာတိုင်းမှာ မြင်တွေ့စေရမယ်"</p> <p style="text-align:justify">"ပရိသတ်တွေရဲ့ ဂုဏ်ယူဝင့်ကြွားစွာ သီဆိုသံတွေကို မင်းတို့ ကြားရလိမ့်မယ်"</p> <p style="text-align:justify">"ယူနိုက်တက်… မန်ချက်စတာ ယူနိုက်တက်"</p> <p style="text-align:justify">“…”</p> <p style="text-align:justify">ကမ္ဘာတစ်ဝှမ်းရှိ မန်ယူ ပရိသတ်များ အားလုံးက ထိုသီဆိုသံများတွင် ပူးပေါင်းပါဝင်လာကြပြီး အဓိက အားကစား မီဒီယာများရှိ မှတ်ချက်များမှာလည်း အံ့မခန်း မြန်ဆန်သော နှုန်းထားဖြင့် တက်လာတော့သည်။</p> <p style="text-align:justify">【ရိုးရိုးသားသား ပြောရရင် မန်စီးတီးနဲ့ မန်ယူတို့ရဲ့ လိဂ်ဖလားပွဲက မကြာသေးခင် နှစ်တွေအတွင်း အကောင်းဆုံးနဲ့ စိတ်လှုပ်ရှားစရာ အကောင်းဆုံးပွဲ ဖြစ်လောက်တယ်】</p> <p style="text-align:justify">【ဘာပဲဖြစ်ဖြစ် အသင်းနှစ်သင်းလုံးရဲ့ ကစားသမားတွေက တကယ့်ကို ထိပ်တန်းတွေချည်းပဲလေ... ချန်ပီယံလိဂ် ဆီမီးဖိုင်နယ်ပွဲ တစ်ပွဲရဲ့ ပြင်းထန်မှုမျိုးကို ခံစားလိုက်ရတယ်】</p> <p style="text-align:justify">【ရှောင်ချူ က တစ်ဂိုးသွင်း၊ ဖန်တီးမှု တစ်ကြိမ်ပဲ လုပ်နိုင်ခဲ့ပြီး သူ့ရဲ့ စွမ်းဆောင်ရည်က ပြီးခဲ့တဲ့ရာသီ ချန်ပီယံလိဂ် ဗိုလ်လုပွဲတုန်းကလောက် မကောင်းခဲ့ပေမဲ့ သူ တကယ်ကို ရင့်ကျက်လာပြီလို့ ကျွန်တော် ခံစားရတယ်】</p> <p style="text-align:justify">【ဘယ်သူမှ ပွဲတိုင်း ဟက်ထရစ် သွင်းနိုင်မှာ မဟုတ်ဘူးလေ။ ဒါ့အပြင် ရှောင်ချူကို ဘယ်တောင်ပံမှာ ထားလိုက်တာက အသင်းအတွက် စွန့်လွှတ်အနစ်နာခံမှု တစ်ခုပဲ】</p> <p style="text-align:justify">【ရှောင်ချူ ရဲ့ ဒီနေ့ စွမ်းဆောင်ရည်က တကယ့်ကို ပြောင်မြောက်ပါတယ်။ ပထမဆုံးအနေနဲ့ သူက လက်ရှိ ပရီးမီးယားလိဂ်ရဲ့ အကောင်းဆုံး ညာနောက်ခံလူ ကိုင်လီဝေါ်ကာနဲ့ ထိပ်တိုက် တွေ့ခဲ့တာတောင် ရှောင်ချူက သူ့ကို လွှမ်းမိုးထားနိုင်ရုံမက အသင်းဖော်တွေအတွက်ပါ အခွင့်အရေးတွေ ဖန်တီးပေးနိုင်ခဲ့တယ်။ ပရီးမီးယားလိဂ်မှာ တခြား ဘယ်သူကများ အဲဒီလို လုပ်နိုင်မယ်လို့ မင်းတို့ ထင်လဲ】</p> <p style="text-align:justify">【ဒါနဲ့... ယူအီးအက်ဖ်အေ စူပါဖလား၊ ဖီဖာ ကလပ်ကမ္ဘာ့ဖလားနဲ့ လိဂ်ဖလား သုံးခုရတာကို ဖလားသုံးလုံး ရတယ်လို့ သတ်မှတ်လို့ ရမလား】</p> <p style="text-align:justify">【ရပါတယ်... ဘာစီလိုနာရဲ့ ဖလားခြောက်လုံးထဲမှာ ပြည်တွင်း အဆင့်မြင့်လိဂ် ဖလား၊ ပြည်တွင်း ရှုံးထွက်ဖလား၊ တိုက်ကြီးများဆိုင်ရာ ဖလား၊ ပြည်တွင်း စူပါဖလား၊ တိုက်ကြီးများဆိုင်ရာ စူပါဖလားနဲ့ ကလပ်ကမ္ဘာ့ဖလားတို့ ပါတယ်လေ】</p> <p style="text-align:justify">***</p>


Save