Book List

<h2 style="text-align: center;">ရော်နယ်ဒိုလက်သစ် ကျွန်တော်</h2> <h2 style="text-align: center;">အခန်း (၃၄၁)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p style="text-align:justify">အင်တာနက် တစ်ခွင်ရှိ ပရိသတ်များ စိတ်အားထက်သန်စွာ ဆွေးနွေးငြင်းခုံနေကြချိန်တွင် ချူဖုန်းနှင့် သူ၏ အသင်းဖော်များမှာ အဝတ်လဲခန်းသို့ ပြန်ရောက်လာပြီး သန့်ရှင်းသော ဂျာစီအင်္ကျီများကို လဲဝတ်နေကြလေပြီ။</p> <p style="text-align:justify">မော်ရင်ညိုက မျက်နှာတွင် အပြုံးပန်းများ ဝေဆာစွာဖြင့် ဝင်ရောက်လာသည်။ "ငါတို့ လိဂ်ဖလားကို ရခဲ့ပေမဲ့ နောက်ထပ် နှစ်ရက်နေရင် ပရီးမီးယားလိဂ် ပွဲစဉ် (၂၈) လာတော့မယ်... ပြီးတော့ ငါတို့က ဘန်လေ အသင်းနဲ့ အဝေးကွင်းမှာ ကစားရမှာ..."</p> <p style="text-align:justify">"သူတို့က ပြီးခဲ့တဲ့ ပွဲစဉ်မှာ စပါးကို အနိုင်ရထားတယ်... ကံတရားက အများကြီး ဖေးမခဲ့တယ် ဆိုပေမဲ့ ငါတို့ အနေနဲ့ ပေါ့ဆနေလို့ မရဘူး..."</p> <p style="text-align:justify">"ဒါကြောင့်..." </p> <p style="text-align:justify">မော်ရင်ညို၏ အပြုံးများ ချက်ချင်း ပျောက်ကွယ်သွားသည်။ "မနက်ဖြန် အားလပ်ရက် မရှိဘူး။ လူတိုင်း မနက် ၁၀ နာရီတိတိမှာ လေ့ကျင့်ရေးစခန်းကို ရောက်နေရမယ်... တစ်ယောက်မှ ပျက်ကွက်ခွင့် မရှိဘူး..."</p> <p style="text-align:justify">အဝတ်လဲခန်း အတွင်းရှိ လေထုမှာ ရုတ်တရက် အေးစက်သွားလေသည်။</p> <p style="text-align:justify">"ဒါဆိုရင် ကျွန်တော်တို့တော့ သေချာပေါက် ပင်ပန်းတော့မှာပဲ..." မက်ဂွိုင်းယားက အပေါ်ယံတွင် ညည်းတွားပြနေသော်လည်း အတွင်းစိတ်ထဲတွင်မူ ဝမ်းသာလုံးဆို့နေလေသည်။ </p> <p style="text-align:justify">"ဘော့စ်... ကျွန်တော် သူတို့ကို စောင့်ကြည့်ပေးထားပါ့မယ်... သူတို့ အပြင်မှာ အချိန်အကြာကြီး နေမှာ မဟုတ်ပါဘူး..."</p> <p style="text-align:justify">ချူဖုန်းက ခဏမျှ တုံ့ဆိုင်းနေပြီးမှ ဝင်ပြောလိုက်သည်။</p> <p style="text-align:justify">ရှေးခေတ်ကာလများတွင်ပင် တိုက်ပွဲတစ်ခု အနိုင်ရပြီးနောက် ဆုလာဘ် တစ်ခုခုတော့ ပေးလေ့ ရှိကြသည်။ ထို့ပြင် ဤပွဲစဉ်မှာ လွယ်ကူခဲ့သည်မဟုတ်ဘဲ သူတို့၏ အသက်များကို ပေးဆပ်ကာ အနိုင်ယူခဲ့ရခြင်း ဖြစ်သည်။</p> <p style="text-align:justify">စကားပုံတစ်ခု ရှိသည် မဟုတ်ပါလား၊ "အနားယူခြင်းနှင့် ဖိအားပေးခြင်းကို မျှတစွာ ထားရှိခြင်းက အသက်ရှည်ခြင်း၏ လျှို့ဝှက်ချက်ပင် ဖြစ်သည်" ဟူ၍။</p> <p style="text-align:justify">"အဟမ်း..." မော်ရင်ညိုက သူ၏ ကစားသမားများ၏ မျှော်လင့်တကြီး ကြည့်နေသော မျက်လုံးများကို ကြည့်ကာ နောက်ဆုံးတွင် စိတ်ပျော့သွားလေသည်။ </p> <p style="text-align:justify">"ဒါဆိုရင် မနက်ဖြန် လေ့ကျင့်ရေး အချိန်ကို နေ့လယ် ၂ နာရီ ပြောင်းပေးမယ်... ဒါပေမဲ့ မှတ်ထား။ အရက်မူးပြီး မလာခဲ့ကြနဲ့။ အဲဒီလို ဖြစ်ရင်တော့ နောက်ဆက်တွဲ အကျိုးဆက်ကို ကိုယ်တိုင် ခံစားဖို့သာ ပြင်ထားကြ"</p> <p style="text-align:justify">"ဟေး... ဘော့စ်က အကောင်းဆုံးပဲဗျာ"</p> <p style="text-align:justify">“ချစ်လိုက်တာ ဘော့စ်ရယ်”</p> <p style="text-align:justify">အဝတ်လဲခန်းမှာ ပြန်လည် ဆူညံ သက်ဝင်လာပြီး လူအများအပြားက ချူဖုန်းကို ကြည့်ကာ ချူဖုန်း၏ သြဇာလွှမ်းမိုးမှုက ကြီးမားဆဲပင်ဟု တွေးလိုက်ကြသည်။</p> <p style="text-align:justify">တခြားတစ်ယောက်ကသာ ဘော့စ်ကို ဒီလို တောင်းဆိုခဲ့မယ် ဆိုရင်တော့...</p> <p style="text-align:justify">သေချာသည်မှာ မော်ရင်ညို၏ စရိုက်မှာ ယခင်ကထက် သိသိသာသာ ပြောင်းလဲလာခဲ့ပြီ ဖြစ်သည်။ သို့မဟုတ်ပါက သူ သဘောတူမည် မဟုတ်ချေ။</p> <p style="text-align:justify">နာရီဝက်ခန့် အကြာတွင် ဝန်ထမ်းများက အောင်ပွဲခံ စင်မြင့်ကို တပ်ဆင်ပြီးစီးသွားသော်လည်း ချန်ပီယံလိဂ် သို့မဟုတ် ပရီးမီးယားလိဂ်ဖလား စင်မြင့်များနှင့်တော့ နှိုင်းယှဉ်၍ မရနိုင်ပေ။</p> <p style="text-align:justify">သို့သော် အသင်းအတွင်းရှိ လူများစွာအတွက် ယင်းက ကြီးမားသော အဓိပ္ပာယ်များစွာ ရှိနေဆဲပင်။</p> <p style="text-align:justify">ဥပမာအားဖြင့် ချူဖုန်းသည် လိဂ်ဖလားကို ပထမဆုံးအကြိမ် ဆွတ်ခူးရရှိခြင်း ဖြစ်ပြီး "ဒီဖလားက သေးလွန်းလို့ ဟယ်ရီရဲ့ ခေါင်းလောက်တောင် မကြီးဘူး" ဟု သူက နောက်ပြောင်ခဲ့သည်။</p> <p style="text-align:justify">ထို့အပြင် ဝမ်ဘစ်ဆာကာနှင့် မက်ဂွိုင်းယား တို့ကဲ့သို့သော ကစားသမားများအတွက်လည်း သူတို့၏ ကစားသမား ဘဝတွင် ပထမဆုံး ရရှိသော အဓိက ချန်ပီယံဆု ဖြစ်ပေသည်။</p> <p style="text-align:justify">"ချူ... ငါ့ကို ပေးစမ်းပါဦး"</p> <p style="text-align:justify">မာရက်ဇ်က ဆုဖလားကို ယူပြီးနောက် မက်ဂွိုင်းယား၏ ခေါင်းဘေးတွင် ကပ်ထားလိုက်ကာ အံ့သြဟန်ဆောင်လျက် ပြောလိုက်သည်။ "တကယ်ကြီးပဲဟ"</p> <p style="text-align:justify">"ဟားဟားဟား"</p> <p style="text-align:justify">စင်မြင့်ထက်ရှိ ရယ်မောသံများမှာ ရပ်တန့်မသွားခဲ့ချေ။</p> <p style="text-align:justify">နောက်ဆုံးတွင်တော့....</p> <p style="text-align:justify">ဘုန်း ဘုန်း ဘုန်း</p> <p style="text-align:justify">ရေတွက်၍ မရနိုင်သော မီးရှူးမီးပန်းများ ကောင်းကင်ယံသို့ ပျံတက်သွားပြီး အနီရောင် ဖဲကြိုးများ ကောင်းကင် တစ်ခွင် ပြည့်နှက်နေချိန်တွင် ချူဖုန်းသည် လူအုပ်ကြီး၏ အလယ်တွင် ရပ်ကာ ချန်ပီယံ ဆုဖလားကြီးကို အထက်သို့ မြှောက်တင်လိုက်လေသည်</p> <p style="text-align:justify">ဝိုး...</p> <p style="text-align:justify">ဝင်ဘလေကွင်းကြီး အတွင်းရှိ မန်ယူ ပရိသတ်များ၏ အောင်ပွဲခံ အော်ဟစ်သံများက အမြောက်သံများကိုပင် လွှမ်းမိုးသွားလေတော့သည်။</p> <p style="text-align:justify">ထိုညက ချန်ပီယံ အောင်ပွဲခံ အခမ်းအနားမှာ အချိန်အကြာကြီး မပြုလုပ်ဖြစ်ခဲ့ပါ။ အဘယ်ကြောင့် ဆိုသော် ယခုလအတွင်း လိဂ်ပွဲစဉ် တစ်ပွဲ ကျန်ရှိနေသေးပြီး လာမည့်လတွင်လည်း အရေးပါသော ချန်ပီယံလိဂ် ပွဲစဉ်တစ်ပွဲ ရှိနေသေးသောကြောင့်တည်း။</p> <p style="text-align:justify">——</p> <p style="text-align:justify">ည ၁၁ နာရီခွဲခန့်... အိုင်ဗီဘားတွင်။</p> <p style="text-align:justify">"ကဲ... ဒီနေ့တော့ ဒီလောက်ပဲ။ အားလုံး အိမ်ကို စောစော ပြန်ကြတော့..."</p> <p style="text-align:justify">ဘားကောင်တာတွင် ပိုက်ဆံရှင်းပြီးနောက် ချူဖုန်းသည် သူတို့ဝိုင်းသို့ ပြန်လာကာ အသင်းဖော်များကို ပြောလိုက်သည်။</p> <p style="text-align:justify">သူသည် မော်ရင်ညိုထံမှ အားလပ်ချိန် အနည်းငယ် ရရှိအောင် တောင်းဆိုပေးနိုင်ခဲ့ပြီး ယင်းမှာ သူ၏ စရိုက်နှင့် အဆင့်အတန်းကြောင့်သာ ရရှိခဲ့ခြင်း ဖြစ်သည်။</p> <p style="text-align:justify">မနက်ဖြန် လေ့ကျင့်ရေးတွင် လူတိုင်း ပုံစံကောင်း မပြနိုင်ပါက မော်ရင်ညို မည်မျှ ဒေါသထွက်မည်ကို ချူဖုန်း ကောင်းစွာ မှန်းဆနိုင်ပေသည်။</p> <p style="text-align:justify">မကြာသေးမီက မော်ရင်ညို ဒေါသ မထွက်ခဲ့သော်လည်း ဤကဲ့သို့သော ကိစ္စမျိုးကိုတော့ သူ လုံးဝသည်းခံမည် မဟုတ်ဘဲ လိုအပ်ပါက မျက်နှာသာ ပေးမည်လည်း မဟုတ်ချေ။</p> <p style="text-align:justify">"ကောင်းပါပြီ..."</p> <p style="text-align:justify">မာရက်ဇ်မှာ အနည်းငယ် နှမြောနေသေးသော်လည်း သူ၏ ဝိုင်ခွက်ကို ပြတ်သားစွာ ဖယ်ထုတ်လိုက်ပြီး မတ်တတ်ရပ်လိုက်သည်။</p> <p style="text-align:justify">"အင်း... မတ်လထဲမှာ ငါတို့ ပွဲစဉ် ၅ ပွဲပဲ ရှိတော့တာ... အဲဒါတွေ ပြီးတော့မှ ဘော့စ်ဆီက ခွင့်တောင်းပြီး နားကြတာပေါ့..." ဗလင်စီယာက ဝင်ပြောလိုက်သည်။</p> <p style="text-align:justify">အသင်းထဲတွင် ရက်ရှ်ဖို့ဒ်၊ လင်ဂတ်နှင့် ပေါ့ဘာ တို့ကဲ့သို့ ဆော့ကစားလိုစိတ် များပြီး စကား နားထောင်မည် မဟုတ်သော ကစားသမား အချို့ ရှိကြောင်း သူ သိထားသဖြင့် ကြိုတင်၍ သတိပေးထားရခြင်း ဖြစ်သည်။</p> <p style="text-align:justify">"ဟုတ်တယ် ဟုတ်တယ်... အနာဂတ်မှာ အခွင့်အရေးတွေ အများကြီး ရှိပါသေးတယ်... ဒါပေမဲ့ ငါတို့ လိဂ်ပွဲမှာ ဘန်လေကိုသာ ရှုံးခဲ့ရင် ဒါမှမဟုတ် သရေကျခဲ့ရင် မန်စီးတီးကို လိုက်မီဖို့ ပိုပြီးတောင် ခက်ခဲသွားလိမ့်မယ်..."</p> <p style="text-align:justify">မက်တော်မီနေးမှာ မည်သည့် လောဘမှ မရှိချေ။ အဘယ်ကြောင့်ဆိုသော် သူ ဘာလိုချင်သလဲဆိုတာကို သူ ကောင်းစွာ သိထားသောကြောင့် ဖြစ်သည်။</p> <p style="text-align:justify">မန်ယူ ကစားသမား အများစုမှာ အလွန် သိတတ်နားလည်ကြသော်လည်း ချူဖုန်းက ဘား တံခါးပေါက်တွင် လင်ဂတ်နှင့် ပေါ့ဘာတို့ နှစ်ဦး တီးတိုး စကားပြောနေကြသည်ကို မြင်လိုက်ရသည်။</p> <p style="text-align:justify">သူတို့နှစ်ယောက် ဆက်သွားကြဦးမည်ကို သူ မစဉ်းစားဘဲပင် သိလိုက်သော်လည်း နောက်ဆုံးတွင် တိတ်ဆိတ်စွာသာ သက်ပြင်းချနိုင်တော့သည်။</p> <p style="text-align:justify">တစ်ခါတစ်ရံတွင် သင်က သူတို့အတွက် အကောင်းဆုံး ဖြစ်စေရန် ကြိုးစားပေးသော်လည်း ကိုယ့်ကိုယ်ကိုယ် ပြဿနာထဲ ပြန်ဆွဲသွင်းသလို ဖြစ်သွားတတ်သည်။</p> <p style="text-align:justify">ဘာပဲဖြစ်ဖြစ် အားလုံးက လူကြီးတွေ ဖြစ်နေပြီမို့ ကိုယ့်ကိုယ်ကိုယ် တာဝန်ယူဖို့ လိုအပ်ပါတယ်။ သူတို့ သဘောပဲလေ။</p> <p style="text-align:justify">အသင်းဖော်များကို နှုတ်ဆက်ပြီးနောက် ချူဖုန်းသည် ဗင်ကား တစ်စီးပေါ်တက်ကာ ထွက်ခွာသွားလေသည်။</p> <p style="text-align:justify">"မစ္စတာ မန်ဒက်စ်က ပူးမားနဲ့ ပူးပေါင်းထုတ်လုပ်ထားတဲ့ ပထမဆုံး စနီကာ ဖိနပ်တွေကို ဧပြီလဆန်းလောက်မှာ ဖြန့်ချိဖို့ စီစဉ်ထားတယ်လို့ ပြောခိုင်းလိုက်ပါတယ်..." လက်ထောက်ဖြစ်သူက သတိပေးလိုက်သည်။</p> <p style="text-align:justify">"အိုး... ငါ တက်ရောက်ဖို့ လိုအပ်တဲ့ ပွဲတွေ ရှိသေးလား..." ချူဖုန်းက သူ၏ နားထင်များကို ပွတ်သပ်လိုက်သည်။ </p> <p style="text-align:justify">သူ မကြာသေးမီက အလွန် အလုပ်များနေခဲ့သဖြင့် ထိုကိစ္စကို လုံးဝ မေ့သွားခဲ့ခြင်း ဖြစ်သည်။ မန်ဒက်စ်က အလုပ်အများစုကို တိတ်တဆိတ် ပြီးစီးအောင် လုပ်ပေးထားလိမ့်မည်ဟု သူ မထင်ထးခဲ့ချေ။</p> <p style="text-align:justify">"မတ်လ ၁ ရက်နေ့ လန်ဒန်မှာ သတင်းစာရှင်းလင်းပွဲ အချို့တော့ ရှိပါတယ်..." မီးပွိုင့်မိနေစဉ် လက်ထောက်က ချူဖုန်း ထံသို့ တက်ဘလက် တစ်လုံး လှမ်းပေးလိုက်သည်။</p> <p style="text-align:justify">【လေပြင်း - ၁】</p> <p style="text-align:justify">စခရင်ပေါ်ရှိ အလယ်တွင် အဝါရောင် လိုင်းအချို့ ပါဝင်သော အနီရောင် ဖိနပ်တစ်ရန်ကို ကြည့်လိုက်ရာ အဆင့်မြင့်စွာ စိတ်ကြိုက် ဖန်တီးထားသည့် အငွေ့အသက်များကို ခံစားရစေပြီး မန်ယူအသင်း၏ အမှတ်တံဆိပ်နှင့် အနည်းငယ် ဆင်တူနေလေသည်။</p> <p style="text-align:justify">ချူဖုန်းက ကျေနပ်စွာ ခေါင်းညိတ်လိုက်ပြီးနောက် ဖိနပ်၏ ဖွဲ့စည်းတည်ဆောက်ပုံ စာရင်းကို ထပ်မံ ကြည့်ရှုလိုက်သည်။</p> <p style="text-align:justify">【လှုပ်ရှားမှုနှင့် လိုက်ဖက်သော အမြင့်ကော်လာနှင့် လျှာခင်မဲ့ ဒီဇိုင်း၊ ပူးမား၏ နောက်ဆုံးပေါ် နက်ဖစ် စနစ်နှင့် တွဲဖက်ထားသည်။】</p> <p style="text-align:justify">တရုတ် စျေးကွက်၏ ကြီးမား ကျယ်ပြန့်မှုကို မန်ဒက်စ် ကောင်းစွာ သိရှိထားပြီး ကုန်ကျစရိတ် သက်သာစေရန် ပစ္စည်းများကို လျှော့ချ သုံးစွဲစရာ အကြောင်းမရှိပေ။ ထိုသို့လုပ်ခြင်းက ပရိသတ်များကို အဝေးသို့ ရောက်သွားစေရုံသာ ရှိမည်။</p> <p style="text-align:justify">ထို့ပြင် ချူဖုန်း၏ ပထမဆုံး ဖိနပ်သည် နာမည်ကောင်း တည်ဆောက်ရန်သာ အဓိက ဖြစ်သည်။ မဟုတ်ပါက သူတို့သည် အက်ဒီဒက်စ်နှင့် နိုင်ကီတို့ထံမှ စျေးကွက်ဝေစုကို မည်သို့ ခိုးယူနိုင်မည်နည်း။</p> <p style="text-align:justify">ချူဖုန်းက သူသည် နှစ်စဉ် ဝင်ငွေ လုံလောက်စွာ ရရှိနေပြီ ဖြစ်ပြီး ပရိသတ်များ၏ ခံစားချက်ကို အသုံးချကာ ညစ်ပတ်သော ငွေကြေးများကို မရှာဖွေလိုကြောင်း မန်ဒက်စ်ကို ယခင်ကတည်းက သတိပေးထားခဲ့သည်။</p> <p style="text-align:justify">ပူးမားဘက်က ကနဦးတွင် အရည်အသွေးမြင့် ပစ္စည်းများကိုချည်း ထည့်သွင်းရန် သဘော မတူခဲ့သော်လည်း ရေရှည် အကျိုးအမြတ်ကို ကြည့်ရန် မန်ဒက်စ်က ဖျောင်းဖျနိုင်ခဲ့သဖြင့် နောက်ဆုံးတွင် သူတို့၏ အမြတ်အစွန်း အချို့ကို လျှော့ချပေးရန် သဘောတူခဲ့ကြသည်။</p> <p style="text-align:justify">"ခြေထောက်မှာ စီးထားရင် ဘယ်လို ခံစားရမလဲ မသိဘူး... ပူးမားက ဖိနပ်တွေ မပို့ပေးလိုက်ဘူးလား..." ချူဖုန်း က မေးလိုက်သည်။</p> <p style="text-align:justify">"ဆောရီးဗျ... ကျွန်တော် မေ့သွားတယ်။ အနောက်ခုံမှာ ရှိတယ်..." လက်ထောက်ဖြစ်သူက သူ၏ နဖူးကို တစ်ချက် ပုတ်လိုက်သည်။ </p> <p style="text-align:justify">မကြာသေးမီက ချူဖုန်း၏ စွမ်းဆောင်ရည်များ အလွန် ရေပန်းစားလာသည်နှင့်အမျှ သူ့ထံသို့ ဝင်ရောက်လာသော ကြော်ငြာလက်ခံမှုများနှင့် ပွဲလမ်းသဘင်များ အရေအတွက်မှာလည်း ရုတ်တရက် မြင့်တက်လာခဲ့သည်။ ချူဖုန်း၏ အနီးကပ် လက်ထောက် တစ်ဦးအနေဖြင့် သူသည် နေ့စဉ် အလွန် အလုပ်များနေရလေသည်။</p> <p style="text-align:justify">ဖိနပ်ဘူးကို ဖွင့်လိုက်ပြီးနောက် ချူဖုန်းသည် နေ့စဉ် စမ်းသပ်ရန်အတွက် အနက်ရောင် ဖိနပ်ငယ် တစ်ရန်ကို တွေ့လိုက်ရသည်။</p> <p style="text-align:justify">ထို့နောက် သူ၏ ခံစားသိရှိမှုများအပေါ် အခြေခံ၍ ပြုပြင်ပြောင်းလဲမှုများ ပြုလုပ်ရမည် ဖြစ်သည်။</p> <p style="text-align:justify">"လက်စသတ်တော့ အမှတ်တံဆိပ် တစ်ခု တည်ဆောက်ရတာ လွယ်တဲ့ကိစ္စ မဟုတ်ဘူးပဲ..." </p> <p style="text-align:justify">ချူဖုန်းက ဖိနပ်မျက်နှာပြင်ပေါ်ရှိ ပုံစံကို ပွတ်သပ်ရင်း သူသည် စီးပွားရေး အတွက် အမှန်တကယ် မမွေးဖွားလာကြောင်း မိမိကိုယ်ကိုယ် တွေးလိုက်မိသည်။ သို့သော် ကံကောင်းစွာဖြင့် သူက အကောင်းဆုံး ကိုယ်စားလှယ် တစ်ဦးကို ရွေးချယ်ထားနိုင်ခဲ့ပေသည်။</p> <p style="text-align:justify">နောက်တစ်နေ့...</p> <p style="text-align:justify">"ဘောလုံး ပေးပို့မှု အမှားတွေ... အမြန်နှုန်းကလည်း နှေးကွေးနေတယ်... မနေ့ညက မင်းတို့ကောင်တွေ ဘာတွေ လျှောက်လုပ်နေကြတာလဲ..."</p> <p style="text-align:justify">"ဒီလို အခြေအနေမျိုးနဲ့ မနက်ဖြန်ပွဲကို ငါတို့ နိုင်ပါ့မလား..."</p> <p style="text-align:justify">“...”</p> <p style="text-align:justify">ပေါ့ဘာနှင့် လင်ဂတ်တို့၏ စွမ်းဆောင်ရည်ကို ကြည့်ကာ မော်ရင်ညို တစ်ယောက် အလွန်အမင်း ဒေါသထွက်သွားပြီး နေရာတွင်ပင် ပေါက်ကွဲမတတ် ဖြစ်ကာ ဆူပူ ကြိမ်းမောင်းတော့သည်။</p> <p style="text-align:justify">အင်တာနက် ခေတ်တွင် ကြီးပြင်းလာသော လူငယ်များသည် ပိုမို ကောင်းမွန်သော ဘဝကို ပိုင်ဆိုင်ထားပြီး သူတို့ကို စိတ်ဓာတ်ခွန်အားပေး စကားများဖြင့် သွေးပူအောင် လုပ်ပေးသည့် ခေတ်ဟောင်း ချဉ်းကပ်မှုက ယခုအခါ ထိရောက်မှု မရှိတော့ကြောင်း သူ သိထားသည်။ ထို့ကြောင့် သူသည် ကစားသမားများကို သွေးပူအောင် အော်ဟစ်ဆူပူသည့် အကြိမ်အရေအတွက်ကို လျှော့ချခဲ့သည်။</p> <p style="text-align:justify">သို့သော် လေ့ကျင့်ရေးအပေါ် ထားရှိသည့် သူ၏ စိတ်နေသဘောထားကိုတော့ လုံးဝ အလျှော့ပေးမည် မဟုတ်ချေ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save