Book List

<h2 style="text-align: center;">အခန်း (၃၄၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">မော်ရင်ညိုက သူ၏ လက်ထဲရှိ ဆေးဘက်ဆိုင်ရာ အစီရင်ခံစာကို တစ်ချက် ကြည့်လိုက်၏။</p> <p style="text-align:justify">ဗလင်စီယာ၊ ဟာရဲရား၊ မာတစ်နှင့် အခြားသူများ အားလုံး အသေးစား ဒဏ်ရာများ ရရှိထားကြပြီး ယင်းမှာ မနေ့ညက ပွဲစဉ်၏ ပြင်းထန်မှုကြောင့် ဖြစ်နိုင်ပေသည်။ အခြေအနေအရ အချို့သော ကစားသမားများသည် တစ်ပတ်မှ နှစ်ပတ်အထိ ပွဲစဉ်များကို လွဲချော်ရဖွယ် ရှိသည်။</p> <p style="text-align:justify">ပေါ့ဘာနှင့် လင်ဂတ်တို့မှာ အလွန်အမင်း အဆူခံလိုက်ရသဖြင့် ခေါင်းပင် မဖော်ရဲကြတော့ဘဲ သူတို့ တကယ်တမ်း ဘာတွေးနေသည်ကို သူတို့ ကိုယ်တိုင်သာ သိကြပေလိမ့်မည်။</p> <p style="text-align:justify">မော်ရင်ညိုက အေးစက်သော မျက်နှာထားဖြင့် အမိန့်ပေးလိုက်သည်။ "၄-၃-၃ ကစားကွက်... ရှေ့တန်း သုံးယောက်နေရာမှာ ရက်ရှ်ဖို့ဒ်၊ ချူနဲ့ ဂရင်းဝုဒ် ဝင်ကစားမယ်..."</p> <p style="text-align:justify">"ကွင်းလယ်လူတွေက မက်တော်မီနေး၊ ကန်တေနဲ့ ဒေးဗစ်လူးဝစ်..."</p> <p style="text-align:justify">"နောက်တန်းမှာတော့ လုခ်ရှော၊ လင်ဒီလော့ဖ်၊ ဖီးလ်ဂျုံးစ်နဲ့ ဝမ်ဘစ်ဆာကာတို့ပဲ"</p> <p style="text-align:justify">ထိုအခါမှ လင်ဂတ်က ရုတ်တရက် ခေါင်းမော့လာပြီး သူမယုံနိုင်စွာဖြင့် စိုက်ကြည့်နေမိသည်။</p> <p style="text-align:justify">သိထားရမည်မှာ သူသည် ပြီးခဲ့သည့် လိဂ်ဖလား ဗိုလ်လုပွဲတွင် ဝင်ပင် မကစားခဲ့ရသဖြင့် သူ၏ ရုပ်ပိုင်းဆိုင်ရာ အခြေအနေမှာ အကောင်းဆုံး ဖြစ်နေပေသည်။ သို့သော် မော်ရင်ညိုသည် သူ့အစား လူငယ်အကယ်ဒမီမှ ယခုလေးတင် တက်လာသော လူငယ် ကစားသမားလေး ဂရင်းဝုဒ်ကိုသာ ရွေးချယ်သွားခဲ့သည်။</p> <p style="text-align:justify">ပေါ့ဘာမှာလည်း အလွန် မကျေမနပ် ဖြစ်နေသော်လည်း ဘာမှ ပြန်မပြောရဲချေ။</p> <p style="text-align:justify">"နောက်ထပ် မေးစရာ မရှိတော့ရင် ဒီနေ့အတွက် ဒီလောက်ပဲ..."</p> <p style="text-align:justify">လေ့ကျင့်ရေး အပြီးတွင် ချူဖုန်းသည် နည်းပြချုပ်၏ ရုံးခန်းသို့ သွားခဲ့သော်လည်း မော်ရင်ညိုက လက်ကာပြကာ ပြောလိုက်သည်။ "မင်းအတွက်လည်း ခက်ခဲမယ်ဆိုတာ ငါ သိပါတယ်... ဘာပဲဖြစ်ဖြစ် မင်းက ငယ်လွန်းသေးတယ်လေ။ ဒါကြောင့် ငါကပဲ သူတို့ကို သင်ခန်းစာ ပေးရမှာပေါ့..."</p> <p style="text-align:justify">"ပြီးတော့ မနက်ဖြန်ပွဲရဲ့ ဖိအားက အလွန် ကြီးမားလိမ့်မယ်... လက်ရှိ ပရီးမီးယားလိဂ်ရဲ့ အခြေအနေအရ ဆိုရင် ငါတို့သာ ရှုံးခဲ့ရင် ဖလားရဖို့ မျှော်လင့်ချက် အားလုံး ပျောက်ဆုံးသွားလိမ့်မယ်..."</p> <p style="text-align:justify">"သရေကျတာကိုတောင် လက်ခံနိုင်စရာ မရှိဘူး"</p> <p style="text-align:justify">မော်ရင်ညို၏ လေသံမှာ အလွန် လေးနက်နေ၏။</p> <p style="text-align:justify">ရုံးခန်းထဲတွင် ခဏမျှ တိတ်ဆိတ်သွားသည်။</p> <p style="text-align:justify">"ဘော့စ်... ကျွန်တော့်ဆီမှာ တခြား အားသာချက်တွေ သိပ်များများစားစား မရှိဘူးဆိုတာ ဘော့စ် သိပါတယ်... ဒါပေမဲ့ ဖိအားကိုတော့ ကျွန်တော် ကောင်းကောင်း ကိုင်တွယ်နိုင်ပါတယ်..." </p> <p style="text-align:justify">ချူဖုန်းက သူ၏ ရင်ဘတ်ကို လက်ညှိုးထိုးပြလိုက်သည်။ "ဒါကြောင့် ဘော့စ် စိတ်ချလက်ချ နေလို့ ရပါတယ်ဗျ..."</p> <p style="text-align:justify">................</p> <p style="text-align:justify">ဖေဖော်ဝါရီလ (၂၈) ရက်။</p> <p style="text-align:justify">ပရီးမီးယားလိဂ် ပွဲစဉ် (၂၈) စတင်တော့မည် ဖြစ်သည်။ ချူဖုန်းနှင့် သူ၏ အသင်းဖော်များသည် လန်ကက်ရှိုင်းယားသို့ ရောက်ရှိနေကြပြီး ယနေ့ သူတို့၏ ပြိုင်ဘက်မှာ အင်္ဂလိပ် ဘောလုံးလိဂ်ကို စတင်တည်ထောင်ခဲ့သော အသင်းများထဲမှ တစ်သင်းဖြစ်သည့် ဘန်လေအသင်း ဖြစ်သည်။</p> <p style="text-align:justify">ဘန်လေ နည်းပြ ဒိုက်ချ်က မန်ယူအသင်း၏ အားနည်းချက်ကို အသုံးချရန် အခွင့်အရေးကို လက်လွတ်မခံဘဲ အိမ်ကွင်း အားသာချက်ကို ယူကာ ပွဲစကတည်းက ညာတောင်ပံ ဧရိယာဆီသို့ ပြင်းထန်သော တိုက်စစ်ဆင်မှုများကို ပြုလုပ်လာခဲ့သည်။</p> <p style="text-align:justify">"ဒေးဗစ်လူးဝစ်ကို ခံစစ်ကွင်းလယ် နေရာမှာ ယာယီ အစားထိုး အသုံးပြုထားတာက သိပ်ပြီး ထိရောက်မှု မရှိဘူးဗျ"</p> <p style="text-align:justify">"ပွဲချိန် ဆယ်မိနစ်တောင် မပြည့်သေးဘူး... သူက နေရာယူမှု အမှားတွေနဲ့ စည်းကမ်းမဲ့ ဖျက်ထုတ်မှုတွေ လုပ်နေပြီ။ ဒီဂီယာသာ ပုံစံကောင်း ရမနေဘူး ဆိုရင် ရလဒ်က အစောကြီးကတည်းက ပြောင်းလဲသွားလောက်ပြီ..."</p> <p style="text-align:justify">"ဟေး... လာပြီ လာပြီ"</p> <p style="text-align:justify">"မက်နေးလ် ဘောလုံးကို ဆွဲပြေးလာပြီး ပယ်နယ်တီ ဧရိယာထဲကို တိုက်ရိုက် ဖြတ်တင်ပေးလိုက်ပြီ"</p> <p style="text-align:justify">"ခရစ်က ဘောလုံးကို သူ့အနောက်ဘက်ဆီ ကျော်ထွက်ခွင့် ပြုလိုက်မိတယ်... အလိုက်သင့် ကန်သွင်းလိုက်ပြီ ဒီဂီယာ ကမ္ဘာ့အဆင့်မီ ကာကွယ်မှုကြီး လုပ်ပြသွားတယ်ဗျာ"</p> <p style="text-align:justify">"မပြီးသေးဘူးနော်။ ပယ်နယ်တီ ဧရိယာ အပြင်ဘက်ကနေ ပြန်ထွက်လာတဲ့ ဘောလုံးကို ဂျက်က ပိတ်သွင်းသွားတယ်... ဘန်လေ အသင်း ဦးဆောင်ဂိုး ရသွားပါပြီ"</p> <p style="text-align:justify">"လှပလိုက်တာဗျာ"</p> <p style="text-align:justify">တာ့ဖ်မိုးကွင်းကြီး အတွင်းတွင် ဘန်လေ ပရိသတ်များ၏ စိတ်လှုပ်ရှားစွာ အော်ဟစ်သံများက ဟိန်းထွက်သွားပြီး သူတို့၏ မျက်နှာများမှာလည်း ပျော်ရွှင်မှုများဖြင့် ဝေဆာနေကြလေသည်</p> <p style="text-align:justify">မှတ်သားစရာ ကောင်းသည်မှာ မန်ယူအသင်းသည် ပရီးမီးယားလိဂ်တွင် အခြားသူများ၏ အမြင်ကြည်ဖြူမှုကို သိပ်မရရှိလှပေ။</p> <p style="text-align:justify">ဗြိတိန် မီဒီယာ တစ်ခုဖြစ်သော The Mirrorက မကြာသေးမီက ပရီးမီးယားလိဂ်တွင် လူကြိုက် အများဆုံးနှင့် အမုန်းခံရဆုံး ကလပ်အသင်းများကို ရွေးချယ်ရန် စစ်တမ်းတစ်ရပ် ကောက်ယူခဲ့သည်။</p> <p style="text-align:justify">ရလဒ်က ဘယ်လိုထွက်လာသလဲ။</p> <p style="text-align:justify">မန်ယူ (၆၈%)၊ ချဲလ်ဆီး (၆၅%)နှင့် လီဗာပူး (၆၀%) တို့က အမုန်းခံရဆုံး ကလပ်အသင်း ထိပ်ဆုံး သုံးသင်း အဖြစ် ရပ်တည်ခဲ့ကြသည်။</p> <p style="text-align:justify">လူကြိုက်အများဆုံး ကလပ်အသင်းများ စစ်တမ်းတွင်မူ ဆောက်သမ်တန်၊ ဘုန်းမောက်နှင့် ဆွမ်ဆီး တို့က ထိပ်ဆုံး သုံးနေရာတွင် ရပ်တည်ခဲ့ကြသည်။</p> <p style="text-align:justify">ဤသို့ဖြစ်ရခြင်း၏ အကြောင်းရင်းမှာ အသင်းများ၏ စွမ်းအားနှင့် သက်ဆိုင်နေဖွယ် ရှိသည်။ </p> <p style="text-align:justify">မန်ယူနှင့် အခြား နှစ်သင်းသည် ပရီးမီးယားလိဂ်ကို လွှမ်းမိုးထားနိုင်ခဲ့ဖူးသော အသင်းများ ဖြစ်ကြသည်။ ထို့ကြောင့် အခြား ကလပ်အသင်းများမှ ပရိသတ်များသည် မန်ယူအသင်း ရှုံးနိမ့်သည်ကို မြင်တွေ့လိုကြပြီး သို့မဟုတ် ချန်ပီယံ ပြိုင်ပွဲမှ လုံးဝ ထွက်ခွာသွားသည်ကိုပင် မြင်တွေ့လိုကြသည်။</p> <p style="text-align:justify">"ဂရင်း... ခဏနေရင် နောက်ကို နည်းနည်း ထပ်ဆင်းပြီး ဒေးဗစ်ကို ခံစစ်မှာ ကူညီပေးလိုက်..."</p> <p style="text-align:justify">ချူဖုန်းက ဂရင်းဝုဒ်ထံသို့ လျှောက်သွားကာ ပြောလိုက်သည်။</p> <p style="text-align:justify">ဘန်လေ အသင်း၏ အဆင့် (၁၅) နေရာ ရပ်တည်မှုက သူတို့၏ ယေဘုယျ စွမ်းအားမှာ သာမန်မျှသာ ရှိကြောင်း ပြသနေသည်။ သူတို့သာ နောက်တန်းတွင် ခံစစ်ကို ထိန်းထားနိုင်မည် ဆိုပါက ရှေ့တန်း တိုက်စစ်တွင် ကောင်းစွာ လုပ်ဆောင်နိုင်မည်ဟု ချူဖုန်းက ယုံကြည်ချက် အပြည့် ရှိနေသည်။</p> <p style="text-align:justify">"ရှင်းပါတယ်"</p> <p style="text-align:justify">ဂရင်းဝုဒ်က အော်ဖြေလိုက်သည်။ ဂရင်းဝုဒ်သည် ချူဖုန်း ကြီးကြပ်၍ သင်ကြားပေးနေသော လူငယ် ကစားသမားများထဲမှ တစ်ဦး ဖြစ်သလို ချူဖုန်းလို အောင်မြင်မှုများကို လိုချင်သူလည်း ဖြစ်၏။</p> <p style="text-align:justify">ထို့ကြောင့် သူ့ကို ခံစစ်ဆင်းကူရန် ပြောသည် မဆိုထားနှင့် သူ့ကို နောက်ခံလူ နေရာမှာ သွားကစားခိုင်းရင်တောင် ဂရင်းဝုဒ် တစ်ယောက် သွားကစားမည်မှာ အသေအချာပင်။</p> <p style="text-align:justify">"အေး... ဆက်လုပ်ထား... ဘော့စ်က မင်းအပေါ်မှာ မျှော်လင့်ချက် အကြီးကြီး ထားထားတာ..." ချူဖုန်းက အဓိပ္ပာယ် ပါပါဖြင့် ပြောလိုက်သည်။</p> <p style="text-align:justify">မကြာသေးမီက လင်ဂတ်နှင့် ပေါ့ဘာတို့မှာ အနည်းငယ် လွန်ကျူးစွာ ပြုမူနေကြပြီး သူတို့ကို အပြစ်ပေးရန်နှင့် အကယ်၍ မပြင်ဆင်ပါက ပြင်းထန်သော အရေးယူမှုများ ပြုလုပ်ရန် ဆိုသည့် မော်ရင်ညို၏ အစီအစဉ်ကို သူ ရိပ်မိထားပြီး ဖြစ်သည်။</p> <p style="text-align:justify">ထို့ကြောင့် လူငယ် ကစားသမားများအတွက် အခွင့်အရေး တစ်ခု ရရှိလာခြင်းပင်။</p> <p style="text-align:justify">ထိုစကားကို ကြားသည်နှင့် ဂရင်းဝုဒ် တစ်ယောက် စိတ်လှုပ်ရှားသွားပြီး မက်နေးလ်ကို စူးစူးရဲရဲ စိုက်ကြည့်လိုက်လေသည်။</p> <p style="text-align:justify">'ဒီလူငယ်တွေကို စိတ်ဓာတ်ခွန်အားပေး စကားလေးတွေ များများ ပြောပေးဖို့ လိုတယ်...' ချူဖုန်းက စိတ်ထဲမှ တွေးလိုက်သည်။</p> <p style="text-align:justify">တီ...</p> <p style="text-align:justify">ပွဲပြန်လည် စတင်ပြီးနောက် ဘန်လေသည် နောက်ဆုတ်၍ ခံစစ်ကစားရန် မရွေးချယ်ဘဲ မန်ယူအသင်း၏ ညာတောင်ပံကို ဆက်လက် တိုက်ခိုက်လာခဲ့သည်။</p> <p style="text-align:justify">ဘန်လေ၏ ခံစစ် အင်အားဖြင့် ချူဖုန်း၏ တိုက်စစ်စွမ်းအားကို တားဆီးရန် ခက်ခဲမည်ကို ဘန်လေ နည်းပြ ဒိုက်ချ် ကောင်းစွာ နားလည်ထားသဖြင့် ကြီးမားသော လောင်းကြေးတစ်ခုကို ထပ်ချလိုက်ခြင်းပင် ဖြစ်သည်</p> <p style="text-align:justify">ကံကောင်းစွာဖြင့် ဂရင်းဝုဒ်၏ အကူအညီကြောင့် မန်ယူအသင်း၏ ညာတောင်ပံ ခံစစ်မှာ တည်ငြိမ်သွားခဲ့သည်။</p> <p style="text-align:justify">သို့သော် သူတို့၏ တိုက်စစ်တွင်မူ ပြဿနာ အချို့နှင့် ကြုံတွေ့လာရသည်။ ချူဖုန်း ဘောလုံး ရတိုင်း လူသန်ကြီး သုံးယောက်၏ ဝိုင်းရံမှုကို ခံရလေ့ရှိပြီး သူ၏ ကျွမ်းကျင်မှု အားလုံးကို အသုံးပြု၍ တစ်ယောက် နှစ်ယောက်ကို ဖောက်ထွက်နိုင်ခဲ့လျှင်တောင် ပြိုင်ဘက်များက မည်သည့် တုံ့ဆိုင်းမှုမှ မရှိဘဲ နည်းဗျူဟာမြောက် ဖောင်းဘောများ ပြုလုပ်ကာ တားဆီးလေ့ ရှိသည်။</p> <p style="text-align:justify">ယင်းကို မြင်သောအခါ ကွင်းဘေးရှိ မော်ရင်ညိုက ဘယ်တောင်ပံရှိ ကစားသမားများကို ရှေ့သို့ ပြေးထွက်မှုများ ပိုလုပ်ရန်နှင့် တိုက်စစ်ပိုင်းတွင် ကစားသမား အရေအတွက်ကို တိုးမြှင့်ရန် အချက်ပြလိုက်သည်။</p> <p style="text-align:justify">ချူဖုန်းကလည်း တစ်ယောက်တည်း အတင်းအကျပ် လုပ်ဆောင်နေမှုများကို ရပ်တန့်လိုက်ပြီး အသင်းဖော်များနှင့် ပူးပေါင်း ဆောင်ရွက်ရန်သာ အာရုံစိုက်လိုက်တော့သည်။</p> <p style="text-align:justify">"မန်ယူအသင်းက ချူကို ထောက်တိုင် ကစားသမား အဖြစ် အသုံးပြုပြီး ချောမွေ့တဲ့ ဘောလုံး ပေးပို့မှု ပေါင်းစပ်မှုတွေကို တဖြည်းဖြည်း တည်ဆောက်လာနိုင်ပြီဗျ... အထူးသဖြင့် မက်တော်မီနေးပေါ့။ သူ့ရဲ့ တိုက်စစ် လိုက်ပါတဲ့ အချိန်ကိုက်မှုက တကယ့်ကို တိကျတယ်"</p> <p style="text-align:justify">“ပထမပိုင်း ပြီးဆုံးဖို့ ငါးမိနစ် အောက်သာ လိုတော့ချိန်မှာ မန်ယူအသင်း အနေနဲ့ ချေပဂိုး ရဖို့ အခွင့်အရေး ရှိမလား ဆိုတာကို ကျွန်တော် သိချင်မိပါတယ်”</p> <p style="text-align:justify">အချိန်များ ကုန်ဆုံးသွားသည်နှင့်အမျှ ပွဲက နာကျင်အချိန်ပို အတွင်းသို့ ရောက်ရှိသွားခဲ့ပြီ ဖြစ်သည်။</p> <p style="text-align:justify">ချူဖုန်းသည် အသင်းဖော်ထံမှ ဘောလုံး လက်ခံရယူရန် နောက်သို့ အနည်းငယ် ပြန်ဆင်းလာပြီး သူ့နောက်ရှိ လူသုံးယောက်ကို တစ်ချက် လှမ်းကြည့်လိုက်ကာ ဘေးဘက်ရှိ ရက်ရှ်ဖို့ဒ်ဆီသို့ ခြေဖမိုးဖြင့် ဘောလုံးကို ဖွင့်ပေးလိုက်သည်။</p> <p style="text-align:justify">ထို့‌နောက် ချက်ချင်းပင် သူက ပယ်နယ်တီ ဧရိယာ အတွင်းသို့ အတင်း တိုးဝင်သွားလေတော့သည်။</p> <p style="text-align:justify">ငါတို့ ဘောလုံးနဲ့အတူ ဖောက်ထွက်လို့ မရမှတော့... ဘောလုံး မပါဘဲနဲ့ ခံစစ်ကို ဆွဲဆန့်ကြည့်ကြတာပေါ့။</p> <p style="text-align:justify">"သူ့ကို မျက်ခြည်မပြတ် စောင့်ကြည့်ထားကြ" ဘန်လေ ဂိုးသမား ဟီတန်က အမြန် သတိပေးလိုက်သည်။</p> <p style="text-align:justify">သို့သော် ပယ်နယ်တီ ဧရိယာ အပြင်ဘက်ရှိ ကွက်လပ်မှတစ်ဆင့် အခြား လူတစ်ယောက် ပြေးဝင်လာသည်ကို သူတို့ မသိလိုက်ကြချေ။</p> <p style="text-align:justify">“ရက်ရှ်ဖို့ဒ်က နောက်ပြန် ချိုးပေးလိုက်ပြီ”</p> <p style="text-align:justify">"မက်တော်မီနေးရဲ့ ထောင့်ဖြတ် ပြေးလမ်းကြောင်းက တော်တော်လေး ကောင်းတယ်ဗျ... သူက ဝက်စ်ဝုဒ် ကို ဖြတ်ချန်ခဲ့ပြီ"</p> <p style="text-align:justify">ဝေဖန်ရေးဆရာ၏ စကားမဆုံးမီမှာပင်...</p> <p style="text-align:justify">မက်တော်မီနေးသည် ပယ်နယ်တီ ဧရိယာ ထောင့်စွန်းတွင် ဘောလုံးကို လက်ခံရယူကာ ချိန်ဆပြီး ကန်သွင်းလိုက်လေသည်။</p> <p style="text-align:justify">ချူဖုန်းကလည်း ဂိုးသမား၏ မြင်ကွင်းကို တမင်သက်သက် ကွယ်ပေးထားလိုက်သည်။</p> <p style="text-align:justify">သူ လှည့်ကြည့်လိုက်ချိန်တွင် ဘောလုံးက မြက်ခင်းပြင်ပေါ်မှ ကပ်လျက် ပျံသန်းသွားကာ ဂိုးသမား၏ ညာဘက်လက်ကို ရှပ်တိုက်ပြီး ဂိုးပေါက်အတွင်းသို့ တိုးဝင်သွားလေပြီ။</p> <p style="text-align:justify">'ကွင်းလယ်ဗဟိုက ကစားသမားဆိုတော့လည်း ဒီလောက်တော့ ရှိမှာပေါ့...'</p> <p style="text-align:justify">ချူဖုန်းက စိတ်ထဲမှ အံ့သြချီးကျူးစွာ တွေးလိုက်ပြီး မက်တော်မီနေးထံသို့ ပြေးသွားကာ ပြောလိုက်သည်။ "စကော့... မင်းက ငါတို့ရဲ့ သူရဲကောင်းပဲကွ"</p> <p style="text-align:justify">"သူရဲကောင်း သူရဲကောင်း"</p> <p style="text-align:justify">မန်ယူ ကစားသမားများကလည်း ထိုစကားကို ပဲ့တင်ထပ်ကာ အော်ဟစ်လိုက်ကြသည်။ ပထမပိုင်း မပြီးဆုံးမီ ချေပဂိုး ရရှိခဲ့ခြင်းက သူတို့၏ စိတ်ဓာတ်ပိုင်းအတွက် ကြီးမားသော တွန်းအား တစ်ခု ဖြစ်လာခဲ့သည်။</p> <p style="text-align:justify">ပွဲတစ်ပိုင်းနားချိန်မှ ပြန်ထွက်လာချိန်တွင် လူတိုင်းမှာ စိတ်လှုပ်ရှားလွန်းသဖြင့် အော်ဟစ်နေကြလေသည်။</p> <p style="text-align:justify">ဘန်လေ အနေဖြင့် ဘာကို သုံးပြီး ခုခံနိုင်ဦးမည်နည်း။</p> <p style="text-align:justify">ဒုတိယပိုင်း ၆၇ မိနစ်တွင် မက်တော်မီနေးက ပြိုင်ဘက်၏ အာရုံကို လွှဲရန် ရှေ့သို့ ပြေးထွက်သွားရာ ချူဖုန်း အတွက် အခွင့်အရေးကောင်း တစ်ခု ရရှိသွားစေခဲ့သည်။</p> <p style="text-align:justify">ဝုန်း...</p> <p style="text-align:justify">သူက ဘန်ဂျမင်ကို ဘေးသို့ တွန်းဖယ်လိုက်ပြီး ပြင်းထန်လှသော အဝေးကန်ချက်ကို လုပ်လိုက်၏။</p> <p style="text-align:justify">ဘောလုံးက အမြောက်ဆံ တစ်လုံးသဖွယ် လေထုကို ခွင်းကာ ဘန်လေ ဂိုးပေါက်အတွင်းသို့ တိုးဝင်သွားပြီး ဘန်လေ အသင်း၏ သရေကျနိုင်မည့် မျှော်လင့်ချက်များကို ရိုက်ချိုးပစ်လိုက်တော့သည်။</p> <p style="text-align:justify">ထို့နောက် မန်ယူအသင်းက သူတို့၏ ပုံမှန် အလေ့အကျင့်ကို ပြောင်းလဲကာ ဂိုးပေါက်ရှေ့တွင် ဘတ်စ်ကား ပိတ်ရပ်တော့သည်။</p> <p style="text-align:justify">ဘန်လေ ပရိသတ်များက လှောင်ပြောင်လာကြပြီး သူတို့၏ အော်ဟစ်သံများမှာ မရပ်မနား ထွက်ပေါ်နေသော်လည်း မန်ယူ ကစားသမားများကတော့ လုံးဝ ဂရုမစိုက်ကြချေ။</p> <p style="text-align:justify">ကစားသမား အင်အား နည်းနေတယ်။ ပင်ပန်းနေတယ်။ ပြီးတော့ လူအင်အားလည်း မလုံလောက်ဘူးလေ။ ဒီတော့ ဘတ်စ်ကား ပိတ်ရပ်တာ ဘာများ မှားနေလို့လဲ။</p> <p style="text-align:justify">သူတို့သည် မော်ရင်ညို၏ ဒဿန အနှစ်သာရကို ကောင်းစွာ သင်ယူထားပြီး ဖြစ်သည်။ မင်း ဘယ်လောက်ပဲ လှလှပပ ကစားနိုင်ပါစေ။ ပွဲကို မနိုင်ရင် အလကားပဲ။</p> <p style="text-align:justify">ထို့ကြောင့် နောက်ဆုံးတွင် မန်ယူအသင်းက ဘန်လေကို အဝေးကွင်းတွင် ခက်ခက်ခဲခဲ အနိုင်ယူသွားနိုင်ခဲ့ပြီး ဖေဖော်ဝါရီလ၏ နောက်ဆုံး ပွဲစဉ်ကို အဆုံးသတ်နိုင်ခဲ့သည်။</p> <p style="text-align:justify">သူတို့ နောက်ဆုံးတော့ အသက်ရှူချောင်သွားကြပြီ။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save