Book List

<h2 style="text-align: center;">အခန်း (၃၄၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">ဘန်လေနှင့် မန်ယူပွဲစဉ် ပြီးဆုံးသွားသည်နှင့်အမျှ ပရီးမီးယားလိဂ် ပွဲစဉ် (၂၈) လည်း အဆုံးသတ်သွားခဲ့ပြီ ဖြစ်သည်။ မန်ယူ ပရိသတ်များ စိတ်ပျက်ရသည်မှာ လီဗာပူးက လက်စတာစီးတီးကို ၃-၁ ဖြင့် လည်းကောင်း၊ မန်စီးတီးက နယူးကာဆယ်ကို ၂-၁ ဖြင့် လည်းကောင်း အသီးသီး အနိုင်ရရှိသွားခဲ့ကြခြင်းပင်။</p> <p style="text-align:justify">ချန်ပီယံဆု အတွက် ယှဉ်ပြိုင်မှုတွင် သူတို့၏ အကြီးမားဆုံး ပြိုင်ဘက် နှစ်သင်းစလုံးက စွမ်းဆောင်ရည် ကျဆင်းမသွားခဲ့ကြချေ။</p> <p style="text-align:justify">အကယ်၍ အသင်းသုံးသင်းစလုံးက ထိပ်တိုက်တွေ့ဆုံမည့် ပွဲစဉ်များမှအပ ကျန်ရှိသော ပွဲစဉ်များ အားလုံးကို အနိုင်ရမည်ဆိုပါက ချန်ပီယံ ပြိုင်ပွဲမှာ အလွန်အမင်း ရှုပ်ထွေးသွားလိမ့်မည် ဖြစ်သည်။</p> <p style="text-align:justify">ချူဖုန်းက ကျန်ရှိနေသော ပွဲစဉ်ဇယားကို တစ်ချက် ကြည့်လိုက်သည်။</p> <p style="text-align:justify">မန်ယူသည် မတ်လလယ်တွင် လီဗာပူးနှင့် လည်းကောင်း၊ ဧပြီလကုန်တွင် မန်စီးတီးနှင့် လည်းကောင်း ယှဉ်ပြိုင် ကစားရမည် ဖြစ်သည်။</p> <p style="text-align:justify">"လီဗာပူး ကစားသမားတွေက သူတို့ ဖလားရဖို့ မျှော်လင့်ချက် မရှိတော့ရင် မန်စီးတီး ကို အရှုံးပေးလိုက်မလား မသိဘူးနော်..." </p> <p style="text-align:justify">လူကာကူက ပေါ့ပေါ့ပါးပါးပင် မေးလိုက်သည်။</p> <p style="text-align:justify">"သူတို့ရဲ့ ပရော်ဖက်ရှင်နယ် ပီသမှုကို ယုံကြည်လိုက်ပါ... ငါတို့ အနေနဲ့ ငါတို့ အစွမ်းကုန် ကြိုးစားဖို့ပဲ လိုတယ်..."</p> <p style="text-align:justify">ချူဖုန်းက စကားလမ်းကြောင်းကို ဖြတ်လိုက်သည်။ တချို့ မေးခွန်းတွေက မမေးဘဲ နေတာက အကောင်းဆုံးပင်...။ </p> <p style="text-align:justify">ပြင်ပ မီဒီယာတွေသာ ဒီမေးခွန်းတွေ အကြောင်း သိသွားခဲ့ရင် မီဒီယာ တိုက်ပွဲများ ဖြစ်လာနိုင်သည် မဟုတ်ပါလား...။ ထို့အပြင် မန်ယူနှင့် လီဗာပူးတို့သည် သေမင်းတမန် ပြိုင်ဘက်များ ဖြစ်ကြသော်လည်း လီဗာပူး ကစားသမားများက ထိုသို့ လုပ်လိမ့်မည် မဟုတ်ဟု သူ ခံစားမိသည်။</p> <p style="text-align:justify">"အား... အဲဒီကိစ္စတွေက အရမ်း ဝေးပါသေးတယ်ကွာ... မနက်ဖြန် ဘာစားရမလဲ ဆိုတာကိုပဲ စဉ်းစားကြရအောင်..."</p> <p style="text-align:justify">မက်တော်မီနေးက ကြက်ရင်အုပ်သားကင် အတုံးကြီး တစ်တုံးကို ပါးစပ်ထဲ အတင်း ထိုးထည့်လိုက်သည်။</p> <p style="text-align:justify">မကြာသေးမီက မန်ယူအသင်းသည် စားဖိုမှူး အသစ်တစ်ဦးကို ငှားရမ်းခဲ့ပြီး ထိုစားဖိုမှူးမှာ ယခင်က အင်္ဂလန် အမျိုးသား အသင်းအတွက် အလုပ်လုပ်ပေးခဲ့သူဟု သိရသည်။</p> <p style="text-align:justify">"မာ့ခ်ရဲ့ အရသာ စပ်တာက တကယ်ကို ကောင်းတာပဲ..."</p> <p style="text-align:justify">ချူဖုန်းက အမဲနံရိုး တစ်ချောင်းကို ကိုက်ဖြတ်ရင်း ပြောလိုက်သည်။ "မနက်ဖြန် ငါ ပွဲတစ်ပွဲ သွားရဦးမယ်... မင်းတို့ ဘာများ မေးစရာ ရှိသေးလဲ..."</p> <p style="text-align:justify">——</p> <p style="text-align:justify">နေ့နှင့်ည တစ်လှည့်စီ ပြောင်းလဲသွား၏။</p> <p style="text-align:justify">လန်ဒန်၊ ပူးမား၏ ထုတ်ကုန်သစ် မိတ်ဆက်ပွဲ အခမ်းအနားသို့ အားကစား ကြယ်ပွင့်များစွာ တက်ရောက်ခဲ့ကြသည်။</p> <p style="text-align:justify">ထိုနေရာရှိ မန်စီးတီး ကစားသမားများကို ကြည့်ကာ လူကာကူ တစ်ယောက် တံတွေး တစ်ချက် မျိုချလိုက်သည်။ "ချူ... ငါတို့ အရိုက်ခံရမယ်လို့ မင်း ထင်လား..."</p> <p style="text-align:justify">လွန်ခဲ့သော ရက်အနည်းငယ်က မန်စီးတီး၏ စပွန်ဆာများ ပြောင်းလဲသွားကြောင်း သတင်း ထွက်ပေါ်ခဲ့ပြီး လာမည့်ရာသီတွင် ပူးမားသည် နိုင်ကီကို အစားထိုးကာ မန်စီးတီး ဘောလုံးအုပ်စု၏ စပွန်ဆာ ဖြစ်လာမည် ဖြစ်သည်။</p> <p style="text-align:justify">ပူးမားသည် မန်စီးတီး၊ မဲလ်ဘုန်း ဗစ်ထရီနှင့် စီချွမ်-ချုံချင့် ကျိုးနယူး အပါအဝင် အသင်းငါးသင်းကို ဝန်ဆောင်မှု ပေးသွားမည် ဖြစ်သည်။</p> <p style="text-align:justify">စျေးနှုန်းမှာလည်း မယုံနိုင်စရာ ကောင်းလောက်အောင် ကြီးမားလှပြီး စာချုပ်သက်တမ်း ၁၀ နှစ်အထိ ရှိကာ စပွန်ဆာပေးမည့် ပမာဏမှာ ပေါင်သန်း ၆၅၀ အထိ ရှိသည်။</p> <p style="text-align:justify">ချူဖုန်းက သူ၏ မျက်လုံးများကို လှန်ပြလိုက်ပြီး လူကာကူ၏ မေးခွန်းကိုပင် ဖြေဆိုရန် ပျင်းရိနေလေသည်။</p> <p style="text-align:justify">"ချူ... မင်းက ပူးမား ရဲ့ စပွန်ဆာ ရထားတာဆိုတော့ တစ်နှစ်ကို ဒီလောက် ရတယ်ဆို..."</p> <p style="text-align:justify">လူကာကူက လက်နှစ်ချောင်း ထောင်ပြလိုက်သည်။</p> <p style="text-align:justify">"အဲဒီလောက် ဝန်းကျင်ပါပဲ..." ချူဖုန်း မှာ လူကာကူက သန်းနှစ်ဆယ်ကို ဆိုလိုခြင်းလား သို့မဟုတ် နှစ်သန်းကို ဆိုလိုခြင်းလား မသိသဖြင့် ဝေဝါးသော အဖြေတစ်ခုကိုသာ ပေးလိုက်သည်။</p> <p style="text-align:justify">မကြာမီ သတင်းစာ ရှင်းလင်းပွဲကို တရားဝင် စတင်လိုက်သည်။</p> <p style="text-align:justify">"ပထမဆုံး အနေနဲ့ ကျွန်တော်တို့ရဲ့ 'လေပြင်း-၁’ အမြန်နှုန်း အခြေပြု တိုက်ပွဲဝင် ဖိနပ်တွေကို မတ်လကုန်မှာ တရားဝင် စတင် ထုတ်လုပ်တော့မှာ ဖြစ်ပါတယ်" </p> <p style="text-align:justify">ပူးမား၏ ကမ္ဘာလုံးဆိုင်ရာ ဈေးကွက်ရှာဖွေရေး ဒါရိုက်တာ ပက်ထရစ်က ကျယ်လောင်စွာ ကြေညာလိုက်ပြီးနောက် ချူဖုန်းကို အင်တာဗျူးရန် စင်ပေါ်သို့ တက်လာရန် အချက်ပြလိုက်သည်။</p> <p style="text-align:justify">ဖြောင်း ဖြောင်း ဖြောင်း</p> <p style="text-align:justify">အခမ်းအနား ကျင်းပရာ နေရာ တစ်ခုလုံးတွင် စိတ်အားထက်သန်သော လက်ခုပ်သံများ ဟိန်းထွက်သွား၏။ လက်ရှိ ဘောလုံးလောကတွင် သူတို့၏ အမည်များဖြင့် ဖိနပ်များ ထုတ်လုပ်ခွင့် ရရှိထားသော ဘောလုံးကြယ်ပွင့် လေးဦးသာ ရှိသည်။ </p> <p style="text-align:justify">သူတို့မှာ ခရစ္စတီယာနို ရော်နယ်ဒို၊ လီယွန်နယ် မက်ဆီ၊ လူကာ မိုဒရစ်နှင့် ကီလီယန် အမ်ဘာပေတို့ ဖြစ်ကြသည်။</p> <p style="text-align:justify">သို့သော် ယနေ့မှစ၍ နောက်ထပ် တစ်ဦး တိုးလာတော့မည် ဖြစ်သည်။</p> <p style="text-align:justify">"ပထမဆုံး..."</p> <p style="text-align:justify">ချူဖုန်းက စကားအများကြီး မပြောဘဲ ဒီလူ့ကို ကျေးဇူးတင်တယ်၊ ဟိုလူ့ကို ကျေးဇူးတင်တယ် ဟုသာ ပြောခဲ့သည်။</p> <p style="text-align:justify">ထို့နောက် ပူးမားက မန်စီးတီး အသင်းနှင့် ပူးပေါင်းမှုနှင့် ဆွာရက်ဇ်၊ အိုဘလက်ခ် ကဲ့သို့သော ကြယ်ပွင့် ကစားသမားသစ်များ ခေါ်ယူမှုများကို ကြေညာခဲ့သည်။</p> <p style="text-align:justify">ပက်ထရစ်က ချူဖုန်းကို ညစာစားပွဲသို့ ဖိတ်ကြားချင်ခဲ့သော်လည်း ချူဖုန်းက နောက်နေ့တွင် ပွဲစဉ်ရှိကြောင်း အကြောင်းပြကာ ငြင်းဆိုခဲ့သည်။ ထို့နောက် သူသည် ညတွင်းချင်းပင် မန်ချက်စတာသို့ ပြန်လာခဲ့သည်။</p> <p style="text-align:justify">၂၀၁၉ ခုနှစ်၊ မတ်လ ၂ ရက်နေ့တွင် ပရီးမီးယားလိဂ် ပွဲစဉ် (၂၉) စတင်ခဲ့လေသည်။ ဤသည်က ပရီးမီးယားလိဂ်၏ ဇာတ်ရှိန်အမြင့်ဆုံး အပိုင်းလည်း ဖြစ်ပေသည်။</p> <p style="text-align:justify">ပြိုင်ပွဲ၏ ချန်ပီယံ မည်သူဖြစ်မည်နည်း ဆိုသည်ကို နောက်ဆုံး ပွဲစဉ် (၁၀) ပွဲတွင် ဆုံးဖြတ်သွားမည် ဖြစ်သည်။</p> <p style="text-align:justify">အိုးထရက်ဖို့ဒ် ကွင်းကြီး...</p> <p style="text-align:justify">ရက်အနည်းငယ် အနားယူပြီးနောက် မန်ယူအသင်း၏ ဒဏ်ရာရ အခြေအနေများမှာ သိသိသာသာ ပြန်လည် ကောင်းမွန်လာခဲ့ပြီး ပေါ့ဘာနှင့် လင်ဂတ်တို့ကလည်း မော်ရင်ညိုထံသို့ ကိုယ်တိုင် သွားရောက် တောင်းပန်ခဲ့ကြသည်။</p> <p style="text-align:justify">သူတို့နှစ်ဦး တကယ် ရိုးသားမှု ရှိ ၊ မရှိကိုတော့ သူတို့ကိုယ်တိုင်သာ သိကြပေလိမ့်မည်။ ထို့ကြောင့် ယနေ့ပွဲစဉ်တွင် မော်ရင်ညိုက ပထမအသင်း တစ်ဝက်ခန့် ပါဝင်သော လူစာရင်းကိုသာ အသုံးပြုခဲ့ပြီး သုံးပွဲဆက်တိုက် ဝင်ကစားထားရသော ချူဖုန်းကို အနားပေးခဲ့သည်။</p> <p style="text-align:justify">ပွဲချိန် (၄) မိနစ်တွင် မန်ယူအသင်း ပြိုင်ဘက်ဧရိယာ အတွင်း အခွင့်အရေးကောင်း တစ်ခု ရရှိခဲ့သော်လည်း လူကာကူ၏ အနီးကပ် ကန်ချက်ကို ပြိုင်ဘက် ဂိုးသမားက ကာကွယ်သွားနိုင်ခဲ့သည်။</p> <p style="text-align:justify">ယင်းက ကွင်းအတွင်းရှိ မန်ယူ ပရိသတ်များထံမှ လှောင်ပြောင်သံများကို ဆွဲဆောင်သွားခဲ့သည်။ တကယ်တော့ မန်ယူအသင်းတွင် ချူဖုန်းသာ မရှိခဲ့လျှင် လူကာကူ၏ အားနည်းချက်များကို သူတို့သည်းခံနိုင်ကောင်း သည်းခံနိုင်ကြပေလိမ့်မည်။</p> <p style="text-align:justify">ဒါပေမဲ့ လူတွေ ဆိုတာ နှိုင်းယှဉ်ခံရတာပဲလေ။</p> <p style="text-align:justify">ထို့ကြောင့် မန်ယူ ပရိသတ်များက လူကာကူ တစ်ယောက် အခွင့်အရေးများကို ဖြုန်းတီးနေသည်ကို မြင်သောအခါ ဒီငတုံးကြီးကိုသာ ရောင်းပစ်လိုက်ချင်ကြတော့သည်။ ထို့ပြင် လင်ဂတ်နှင့် ပေါ့ဘာတို့ကလည်း ပျင်းရိနေကြပုံရသည်။</p> <p style="text-align:justify">ဆောက်သမ်တန် အသင်းမှာ ရမှတ် ၂၇ မှတ်သာ ရှိသေးသည်ကို သတိရပါ။ သူတို့က သေချာပေါက် တန်းဆင်းဇုန်က အသင်းတစ်သင်းပါ။ ဒီလိုအသင်းမျိုးကိုတောင် မန်ယူအသင်းက အနိုင်မယူနိုင်ဘူး ဆိုရင်တော့ စောစောစီးစီးသာ ဖျက်သိမ်းလိုက်တာ အကောင်းဆုံးပါပဲ။ သူတို့က ဖလားကို ဘာနဲ့သွားလုမှာလဲ။</p> <p style="text-align:justify">သို့ရာတွင် ပွဲချိန် ၂၆ မိနစ်တွင် ဗလယ်ရီက ဒီဂီယာပင် မကာကွယ်နိုင်သော ရင်သပ်ရှုမောဖွယ် အဝေးကန်ချက် တစ်ချက်ဖြင့် ဆောက်သမ်တန် အတွက် ဦးဆောင်ဂိုးကို သွင်းယူပေးလိုက်၏။</p> <p style="text-align:justify">"သူတို့က ခုံတန်းပေါ်မှာပဲ ဆက်ထိုင်ချင်နေကြသေးတာလား..." မာရက်ဇ်က မကျေမနပ် ညည်းတွားလိုက်သည်။</p> <p style="text-align:justify">ချူဖုန်းက ထိုနှစ်ယောက်ကို ကာကွယ်မပြောပေးပါ။ ရိုးရိုးသားသား ပြောရလျှင် သူလည်း အနည်းငယ် ဒေါသထွက်နေမိသည်။</p> <p style="text-align:justify">ကွင်းပြင်ပတွင် မည်သို့ပင် ပဋိပက္ခများ ရှိနေပါစေ၊ ကွင်းထဲသို့ ယူမလာသင့်ပေ။ </p> <p style="text-align:justify">ဤသည်မှာ ပရော်ဖက်ရှင်နယ် ဘောလုံးလောက၏ စည်းမျဉ်းတစ်ခု ဖြစ်ပြီး ပရော်ဖက်ရှင်နယ် ကစားသမား တစ်ဦး၏ ကျင့်ဝတ်ဆိုင်ရာ ကိစ္စရပ်တစ်ခု ဖြစ်သည်။</p> <p style="text-align:justify">ဆောက်သမ်တန်က ဂိုးရပြီးနောက် သူတို့၏ အားသာချက်ကို ဆက်လက် ဖိအားပေးလာကြသည်။</p> <p style="text-align:justify">သူတို့သည် လီဗာပူး၏ ညီလေးများ ဖြစ်ကြပြီး သူတို့၏ အစ်ကိုကြီး ပြိုင်ဘက်ကို တားဆီးနိုင်ရန် ကူညီပေးချင်စိတ် တထောင်းထောင်း ထနေကြောင်း သင် နားလည်ထားရမည်။ ယနေ့တွင် သူတို့သည် အခွင့်အရေး တစ်ခု ရသွားခဲ့ပြီး အက်သလက်တီကို မက်ဒရစ် အသင်းနီးပါး ရူးသွပ်သော စွမ်းအင်များဖြင့် ကစားနေလေသည်။</p> <p style="text-align:justify">ပထမပိုင်း ပြီးဆုံးသည်အထိ မန်ယူအသင်းသည် ၁-၀ဖြင့် ရှုံးနိမ့်နေခဲ့ပြီး ဒိုင်လူကြီး ခရာ မှုတ်လိုက်သည်နှင့် မော်ရင်ညို က လှည့်ပင်မကြည့်ဘဲ ထွက်ခွာသွားလေသည်။</p> <p style="text-align:justify">"ချူ... အဝတ်လဲခန်းကို လာခဲ့..."</p> <p style="text-align:justify">ချူဖုန်းမှာ သူ ဝင်ကစားရတော့မည်ကို ချက်ချင်း သိလိုက်ပြီး “ဒဏ်ရာ ကင်းလွတ်ခွင့် မော်ဂျူး ရထားတာ ကံကောင်းလို့။ မဟုတ်ရင် သံမဏိလူသားတောင် ခံနိုင်ရည် ရှိမှာ မဟုတ်ဘူး” ဟု တွေးလိုက်မိသည်။</p> <p style="text-align:justify">"ဒုတိယပိုင်းမှာ လူစားလဲမှု နှစ်ခု လုပ်မယ်... ရိုမီလူ နေရာမှာ ချူ ဝင်မယ်... ဂျက်စီ နေရာမှာ ရီယတ် ဝင်မယ်..."</p> <p style="text-align:justify">မော်ရင်ညိုက မည်သည့် ညှာတာမှုမှ မရှိဘဲ တည့်တိုးပင် ပြောချလိုက်သည်။</p> <p style="text-align:justify">မာတစ်နှင့် ဟာရဲရားတို့သာ ဒဏ်ရာ မရထားခဲ့ပါက သူ ပေါ့ဘာကိုပါ လူစားလဲပစ်လိုက်မည် ဖြစ်သည်။</p> <p style="text-align:justify">မန်ယူ ကစားသမားများမှာ တိတ်ဆိတ်နေကြပြီး နောက်ဆုံးတွင် ချူဖုန်းကသာ တိတ်ဆိတ်မှုကို ဖြိုခွဲလိုက်သည်။ "ဘော့စ်... ဆောက်သမ်တန်ရဲ့ အမြင့်ဘော ခံစစ်က သိပ်မကောင်းဘူး... ဒုတိယပိုင်းမှာ အဲဒါကို ပစ်မှတ်ထားပြီး စကစားလို့ ရပါတယ်..."</p> <p style="text-align:justify">"ဟုတ်တယ်... အဲဒါ နောက်ထပ် နည်းဗျူဟာ အပြောင်းအလဲပဲ..."</p> <p style="text-align:justify">မော်ရင်ညိုက ချူဖုန်းကို ကျေနပ်စွာ ကြည့်လိုက်သည်။ အကယ်၍ သူ၏ လက်ထဲတွင် ချူဖုန်းကဲ့သို့ တိုက်စစ်မှူးကောင်း တစ်ယောက်သာ မရှိခဲ့လျှင် လူကာကူအား လူစားလဲမှုကို သူ ပြုလုပ်ရဲမည် မဟုတ်ပေ။</p> <p style="text-align:justify">ကွင်းထဲ မဝင်မီ ချူဖုန်းက မာရက်ဇ်ထံသို့ သွားကာ ပြောလိုက်သည်။ "အခွင့်အရေး ရတာနဲ့ ပယ်နယ်တီ ဧရိယာ ထောင့်စွန်းဆီကိုသာ ဘောလုံး ပင့်ကျော်ပေးလိုက်..."</p> <p style="text-align:justify">"ပြဿနာ မရှိဘူး" မာရက်ဇ်က လွယ်ကူစွာပင် သဘောတူလိုက်သည်။</p> <p style="text-align:justify">ချူဖုန်း ကွင်းထဲသို့ ဝင်လာချိန်တွင် ဆောက်သမ်တန် အသင်းရှိ အထက်မှ အောက်ခြေအထိ လူတိုင်း၏ စိတ်ထဲဝယ် အကြောက်တရား တစ်ခု လွှမ်းမိုးလာလေသည်။</p> <p style="text-align:justify">လူတစ်ယောက်ရဲ့ အရိပ်၊ သစ်ပင်တစ်ပင်ရဲ့ နာမည် လို့ပဲ ဆိုရမလား။</p> <p style="text-align:justify">ဘယ် ပရီးမီးယားလိဂ်အသင်းကများ မန်ယူအသင်းရဲ့ နံပါတ် (၇) ကို လျစ်လျူရှုရဲမှာလဲ။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save