Book List

<h2 style="text-align: center;">အခန်း (၃၄၄)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p style="text-align:justify">ဒုတိယပိုင်း ပွဲစဉ် စတင်ပါပြီ။</p> <p style="text-align:justify">မန်ယူအသင်း၏ ကွင်းလယ်က ဘောလုံးကို အကြိမ်အနည်းငယ် ပေးပို့ကာ ပြိုင်ဘက်၏ ကွင်းဘက်ခြမ်းသို့ တက်လာပြီး တိုက်စစ်ဆင်ရန် စတင် ကြိုးစားလာကြသည်။</p> <p style="text-align:justify">"ပထမပိုင်းထက်တော့ သိသိသာသာ ကောင်းလာတယ်ဗျ"</p> <p style="text-align:justify">"ဒါက ချူ တစ်ယောက်တည်းကြောင့်တော့ မဟုတ်ပါဘူး... မော်ရင်ညိရဲ့ ကွင်းလယ် အပြောင်းအလဲတွေကလည်း အခန်းကဏ္ဍ တစ်ခုကနေ ပါဝင်နေပါတယ်..."</p> <p style="text-align:justify">"ဒါပေမဲ့ သေချာ ကြည့်ကြည့်လိုက်ရင် ချူဖုန်း ကွင်းထဲ ဝင်လာပြီးနောက်ပိုင်း မန်ယူရဲ့ တိုက်စစ်က ပိုပြီး ရှင်းလင်းလာတယ် မဟုတ်ဘူးလား... သူတို့ရဲ့ အဓိက ဗဟိုချက်မကို ပြန်ရှာတွေ့သွားသလိုပဲဗျ"</p> <p style="text-align:justify">နဗီးလ်က ချူဖုန်းကို ချန်လှပ်ထားခြင်း မရှိဘဲ ချီးကျူးလိုက်သည်။ "ပြီးတော့ ပေါ့ဘာလည်း ပုံစံကောင်း ပြန်ရလာပြီ..."</p> <p style="text-align:justify">ပေါ့ဘာက ကလေးဆန်ပေမဲ့ လူနုံတော့ မဟုတ်ချေ။ မော်ရင်ညိုက လူတစ်ယောက်ကို စံနမူနာ အဖြစ် ရှင်းရှင်းလင်းလင်း ပြသထားရာ သူ မကြိုးစားပဲ နေ၍ မဖြစ်တော့ပေ။</p> <p style="text-align:justify">လင်ဂတ်ကတော့ သူ့ဘာသာသူ တာဝန်ယူပါစေတော့။</p> <p style="text-align:justify">ပွဲချိန် ၅၄ မိနစ်...</p> <p style="text-align:justify">ကန်တေ၏ ထောင့်ဖြတ် ပေးပို့မှုက မာရက်ဇ်ထံသို့ ရောက်ရှိသွားသည်။</p> <p style="text-align:justify">"ပေးလိုက်..."</p> <p style="text-align:justify">ချူဖုန်းက ဆောက်သမ်တန် ဗဟိုနောက်ခံလူ အနီးတွင် လှည့်လည်နေပြီး ရုတ်တရက် သူ၏ လှုပ်ရှားမှုကို ကန့်လန့်ဖြတ်မှ အလျားလိုက်သို့ ပြောင်းလဲလိုက်ရာ ဆောက်သမ်တန်၏ လူကျွံဘော ထောင်ချောက် ဆင်မည့် ကြိုးစားမှုကို ပျက်ပြားသွားစေခဲ့သည်။</p> <p style="text-align:justify">ကံကောင်းစွာဖြင့် ယိုရှီဒါမာယာက ကြိုတင် ပြင်ဆင်ထားသဖြင့် လှည့်ပြီးနောက် အံကြိတ်ကာ လိုက်လံ ဖမ်းဆီးတော့သည်။</p> <p style="text-align:justify">သို့သော် ချူဖုန်း၏ ပထမဆုံး ခြေလှမ်း သုံးလှမ်းက မြန်ဆန်လွန်းလှပြီး ခဏအတွင်းမှာပင် သူ့ကို ကျော်တက်သွားကာ လည်ထွက်ကျလာသော ဘောလုံးကို လှည့်ကြည့်လိုက်သည်။ ထို့နောက် ဂိုးပေါက်ကို စွန့်ခွာလာသော ဂိုးသမားကို ပြန်ကြည့်လိုက်သည်။</p> <p style="text-align:justify">'အကွာအဝေးက တိုလွန်းတယ်...' ချူဖုန်းက စိတ်ထဲမှ တွေးလိုက်ပြီး သူ၏ ခြေဖမိုး အပြင်ဘက်ဖြင့် ဘောလုံးကို ထိလိုက်လေသည်။</p> <p style="text-align:justify">ဖြောင်း...</p> <p style="text-align:justify">ဆောက်သမ်တန်၏ ပယ်နယ်တီ ဧရိယာ အတွင်းတွင် သက်တန့်လေး တစ်ခု ပေါ်လာ၏။</p> <p style="text-align:justify">ဘောလုံးက ဆောက်သမ်တန်ဂိုးသမား ဂန်း၏ ခေါင်းပေါ်မှ ကျော်တက်သွားပြီးနောက် ချူဖုန်းက ဘောလုံးကို အသာအယာ ဖမ်းယူကာ ဂိုးပေါက်အတွင်းသို့ ညင်သာစွာ တွန်းသွင်းလိုက်လေသည်။</p> <p style="text-align:justify">ဝိုး...</p> <p style="text-align:justify">အိုးထရက်ဖို့ဒ် ကွင်းကြီး အတွင်းတွင် နားကွဲမတတ် အောင်ပွဲခံ အော်ဟစ်သံကြီး ပေါက်ကွဲထွက်လာ၏။ ချူဖုန်း၏ အားစိုက်စရာ မလိုသော သွင်းဂိုးကို ကြည့်လိုက်ပါ။ ထို့နောက် ဂိုးပေါက်ရှေ့ရှိ လူကာကူ၏ ဆိုးရွားလှသော ကန်ချက်ကို ပြန်ကြည့်လိုက်ပါ။</p> <p style="text-align:justify">ဒါမှ တကယ့် မန်ချက်စတာ ယူနိုက်တက်ရဲ့ တိုက်စစ်မှူးကွ။</p> <p style="text-align:justify">မန်ယူအသင်း၏ ကပ္ပတိန် (၁၂) ဦးကို ပြန်ကြည့်လိုက်မည် ဆိုလျှင်- ရော့ဘ်ဆန်၏ တည်ငြိမ်မှု၊ စတိဗ်၏ အေးဆေးမှု၊ ကန်တိုနာ၏ မောက်မာမှုနှင့် ကိန်း၏ ဒေါသကြီးမှုတို့ကို တွေ့ရပေမည်။</p> <p style="text-align:justify">အသင်းတစ်သင်းတွင် ခေါင်းဆောင်သည် တစ်သင်းလုံး၏ စရိုက်လက္ခဏာကို လွှမ်းမိုးလေ့ ရှိသည်။</p> <p style="text-align:justify">ချူဖုန်း အလှည့် ရောက်လာချိန်တွင်တော့ သူက မန်ယူအသင်းကို ဘာတွေ ယူဆောင်လာပေးခဲ့သလဲ။</p> <p style="text-align:justify">မန်ယူ ပရိသတ်များကတော့ ယင်းမှာ "တိတ်ဆိတ်မှု" ဖြစ်သင့်သည်ဟု ယုံကြည်ကြပြီး သူ့ကို အမှန်တကယ် နားလည်သူသာလျှင် သူ၏ "တိတ်ဆိတ်မှု" အတွင်း၌ ပါဝင်နေသော စွမ်းအင်များကို ခံစားနိုင်မည် ဖြစ်သည်။</p> <p style="text-align:justify">ဒုတိယပိုင်း မန်ယူအသင်း၏ စွမ်းဆောင်ရည်ကို ကြည့်ခြင်းအားဖြင့် ဤအချက်ကို မြင်တွေ့နိုင်ပေသည်။</p> <p style="text-align:justify">ချူဖုန်း၏ ရူးသွပ်မတတ် အောင်ပွဲခံနေမှုကို စိုက်ကြည့်ရင်း ယိုရှီဒါမာယာက ခါးသက်သက် ပြုံးလိုက်မိသည်။ သူတို့နှစ်ယောက်က လုံးဝကို အဆင့်ချင်း မတူညီကြပေ။</p> <p style="text-align:justify">တစ်ချိန်တုန်းက ချူဖုန်း ဆိုတာ ဖြတ်သန်းသွားမယ့် ကြယ်ပျံတစ်စင်းမျှသာ ဖြစ်ပြီး ချူဖုန်း၏ ကျော်ကြားမှုမှာ လအနည်းငယ်ပဲ ခံမယ်လို့ သူ ထင်ခဲ့ဖူးသည်။ သို့သော် ဗန်ဒိုက်ပင်လျှင် ချူဖုန်း ကို မကာကွယ်နိုင်ခဲ့ကြောင်း သူ ရုတ်တရက် သတိရသွားပြီး သူ၏ စိတ်အခြေအနေမှာ ချက်ချင်း ပြန်လည် ကောင်းမွန်သွားတော့သည်။</p> <p style="text-align:justify">ပွဲပြန်စပြီးနောက် ကွင်းတွင်းရှိ အခြေအနေမှာ ကြီးမားသော ပြောင်းပြန်လှန်မှုကြီး တစ်ခု ဖြစ်ပေါ်သွားခဲ့သည်။</p> <p style="text-align:justify">မန်ယူ ပရိသတ်များ၏ ပိုမို ကျယ်လောင်လာသော အော်ဟစ် အားပေးသံများကြားတွင် မန်ယူ ကစားသမားများမှာ ပိုမို ပြင်းထန်သော အရှိန်အဟုန်ဖြင့် ကစားလာကြပြီး ပွဲ၏ အရှိန်အဟုန်ကို တင်းကျပ်စွာ ထိန်းချုပ်ထားနိုင်ခဲ့သည်။</p> <p style="text-align:justify">"လုခ်ရှောက ဘေးစည်းကနေ ဖြတ်တင်ပေးလိုက်ပြီ... ချူဖုန်းက ဂိုးထောင့်ပေါ်ကို ခေါင်းတိုက်သွင်းလိုက်ပြန်ပြီ"</p> <p style="text-align:justify">"ဒုတိယအကြိမ် ဂိုးရသွားပြန်ပါပြီ"</p> <p style="text-align:justify">"ဝိုး... အဲဒီ ခုန်တဲ့ အမြင့်ကို ကြည့်လိုက်ဦး ယိုရှီဒါမာယာထက် ခေါင်းတစ်ဝက်လောက် ပိုမြင့်နေတာပဲ။ မန်ချက်စတာ လေကြောင်းလိုင်း လို့ ခေါ်ကြတာ အံ့သြစရာ မဟုတ်ပါဘူးဗျာ"</p> <p style="text-align:justify">"မန်ယူအသင်းက ၇၆ မိနစ်မှာ ပွဲကို ပြောင်းပြန် လှန်ပစ်လိုက်ပြီဗျ"</p> <p style="text-align:justify">“...”</p> <p style="text-align:justify">"မန်ယူအသင်းက တိုက်စစ်ကို လက်မလျှော့သေးဘူးဗျ။ ပေါ့ဘာက ချူဆီ တိုက်ရိုက် ပေးလိုက်တယ်... ချူက ယိုရှီဒါမာယာကို ကာထားပြီး လှည့်ကန်လိုက်ပြီ... နောက်ထပ် ဂိုးဝင်သွားပြန်ပြီဗျာ"</p> <p style="text-align:justify">"ချူက ဒီနေ့ သွေးဆူနေတာပဲ ဒုတိယပိုင်းမှာတင် ဟက်ထရစ် ရသွားပြီ"</p> <p style="text-align:justify">"ဒီနေ့မှာ မန်ယူအသင်းကတော့ စံချိန်သစ် တစ်ခု တင်သွားပြန်ပါပြီ... ပရီးမီးယားလိဂ်မှာ နောက်ကလိုက်ပြီး အနိုင်ယူနိုင်မှု အများဆုံး စံချိန်ပါ"</p> <p style="text-align:justify">"စုစုပေါင်း ၈၇ ကြိမ်"</p> <p style="text-align:justify">"နောက် ငါးရက်အကြာမှာ ကစားရမယ့် ချန်ပီယံလိဂ် ပွဲစဉ်ကိုတောင် ကျွန်တော် မျှော်လင့်နေမိပြီဗျာ... သူ ဘယ်လို စွမ်းဆောင်ရည်မျိုးတွေများ ထုတ်ပြဦးမလဲ ဆိုတာ"</p> <p style="text-align:justify">နောက်ဆုံးတွင်...</p> <p style="text-align:justify">ပွဲစဉ် ပြီးဆုံးသွားခဲ့ပြီ ဖြစ်ပြီး မန်ယူအသင်းက ဆောက်သမ်တန်ကို အိမ်ကွင်းတွင် ၃-၁ ဖြင့် အနိုင်ရရှိကာ ပွဲစဉ် (၂၉) တွင် အောင်ပွဲခံနိုင်ခဲ့လေသည်။</p> <p style="text-align:justify">မန်ယူအသင်းက နောက်ဆုံးတွင် အနိုင်ရရှိသွားခဲ့သော်လည်း အသင်းတွင်းရှိ လေထုမှာ အထူးတလည် ပျော်ရွှင်စရာ ကောင်းမနေခဲ့ဘဲ ကပ်ဘေးဆိုးကြီး တစ်ခုကို ခံစားနေရသကဲ့သို့ ဖြစ်နေသည်။</p> <p style="text-align:justify">ပွဲအပြီးတွင် မော်ရင်ညိုက လူတိုင်းနှင့် အစည်းအဝေး တစ်ခု ပြုလုပ်ခဲ့ပြီး လင်ဂတ်နှင့် ပေါ့ဘာတို့ကို ပြင်းပြင်းထန်ထန် ဝေဖန် ပြစ်တင်ခဲ့သည်။</p> <p style="text-align:justify">သူသည် တစ်ဖက်လူများအပေါ် မည်သည့် ညှာတာမှုမှ မပြသခဲ့ကြချေ။ အဘယ်ကြောင့်ဆိုသော် သူ၏ နည်းပြဘဝ တစ်လျှောက်လုံးတွင် မည်မျှပင် နာမည်ကြီးသော ကစားသမား ဖြစ်နေပါစေ သူ ဘယ်သောအခါမှ အလျှော့ပေးလေ့ မရှိသောကြောင့်တည်း။</p> <p style="text-align:justify">ဤကိစ္စက ဒီအတိုင်း ပြီးသွားလိမ့်မည်ဟု ချူဖုန်း ထင်ခဲ့သော်လည်း မော်ရင်ညိုက လင်ဂတ်ကို လူငယ်အသင်းသို့ လဝက်ခန့် စေလွှတ်မည်ဟု ကြေညာလိုက်လေသည်။</p> <p style="text-align:justify">ယင်းကိုကြားသော် လင်ဂတ် တစ်ယောက် လုံးဝကို အံ့အားသင့်သွားရသည်။</p> <p style="text-align:justify">သူသည် ပြီးခဲ့သည့်ရာသီက မန်ယူအသင်း ဖလားနှစ်လုံး ရရှိရန် ကူညီပေးခဲ့သော အသင်း၏ သူရဲကောင်း တစ်ဦး ဖြစ်သည်မှာ ယုံမှားသံသယဖြစ်ဖွယ် မရှိပေ။ ကြီးမားသော စွမ်းဆောင်ရည်များ မရှိခဲ့လျှင်တောင်မှ သူ အလွန် ကြိုးစားပမ်းစား လုပ်ဆောင်ခဲ့သည်မှာတော့ သေချာလှသည်။</p> <p style="text-align:justify">သူသည် ထိုကဲ့သို့သော ပြစ်ဒဏ်မျိုးကို လက်မခံနိုင်ချေ။</p> <p style="text-align:justify">"ဘော့စ်... အဲဒီလိုသာဆိုရင်တော့ ကျွန်တော် အသင်းပြောင်း..."</p> <p style="text-align:justify">လင်ဂတ် စကားမဆုံးမီမှာပင် ချူဖုန်းက ပြတ်သားသော အသံဖြင့် ကြားဖြတ် ပြောလိုက်သည်။ "ဂျက်စီ... တချို့စကားတွေက ပြောလို့ရတယ်။ တချို့စကားတွေက ပြောလို့မရဘူး... မပြောခင် သေချာ စဉ်းစားစမ်းပါ"</p> <p style="text-align:justify">သူတို့ ကစားသမား နှစ်ဦးစလုံးသည် လူငယ်အသင်းမှနေ၍ ပထမအသင်းသို့ တက်လှမ်းလာခဲ့ကြသူများ ဖြစ်ပြီး မကြာသေးမီက လင်ဂတ်၏ မိသားစုတွင် ပြဿနာအချို့ ရှိနေခဲ့သည်။ ထို့ကြောင့် တည်ငြိမ်သော အလုပ်အကိုင် တစ်ခုမှာ အလွန် အရေးကြီးလှသည်။</p> <p style="text-align:justify">သို့သော် စကားအချို့ကို ပြောထွက်သွားပြီးပါက နောက်ကြောင်းပြန်လှည့်၍ မရနိုင်တော့ပေ။</p> <p style="text-align:justify">ချူဖုန်းသည် မော်ရင်ညို၏ စရိုက်ကို ကောင်းစွာ နားလည်ထားသည်။</p> <p style="text-align:justify">ယင်းကိုကြားသော် လင်ဂတ်မှာ ရေအေးဖြင့် အပက်ခံလိုက်ရသကဲ့သို့ ခံစားလိုက်ရ၏။ သူ၏ ဒေါသများ ချက်ချင်း ပျောက်ကွယ်သွားကာ တည်ငြိမ်သွားပြီး အနည်းငယ် စိတ်ပျက်လက်ပျက် လေသံဖြင့် ပြောလိုက်သည်။ </p> <p style="text-align:justify">"ဘော့စ်... ကျွန်တော် ပြစ်ဒဏ်ကို လက်ခံပါတယ်..."</p> <p style="text-align:justify">တကယ်တမ်းတွင် မကြာသေးမီက သူ၏ ခြေစွမ်းမှာ သိသိသာသာ ကျဆင်းနေခဲ့သည်။</p> <p style="text-align:justify">လင်ဂတ်သည် ပါရမီဖြင့် နာမည်ကြီးသော ကစားသမား တစ်ဦး မဟုတ်ကြောင်း နားလည်ရပေမည်။ ယနေ့ သူ အောင်မြင်မှု ရရှိနေခြင်း၏ အကြီးမားဆုံး အကြောင်းရင်းမှာ သူ၏ ကြိုးစားအားထုတ်မှုနှင့် အာရုံစိုက်မှုတို့ကြောင့်ပင် ဖြစ်သည်။</p> <p style="text-align:justify">သို့သော် ယခုအခါ သူသည် သူ၏ စွမ်းအင်များကို ဘောလုံးအပေါ်တွင် အာရုံမစိုက်နိုင်တော့ချေ။</p> <p style="text-align:justify">အကြောင်းအရင်းက ဘာလဲ။</p> <p style="text-align:justify">ကိုယ်ပိုင် လူမှုကွန်ရက် ပလက်ဖောင်းများမှ လူဝင်ကြည့်ရှုမှုနှင့် အကျိုးအမြတ်များ ရရှိနေခြင်းကြောင့်ပင်...။</p> <p style="text-align:justify">ဥပမာအားဖြင့် သူသည် မကြာသေးမီက သူ၏ ကိုယ်ပိုင် အမှတ်တံဆိပ် "JLingz" ကို စတင် မိတ်ဆက်ခဲ့ပြီး လူအများ စိတ်ဝင်စားမှု ရရှိစေရန် အများပြည်သူဆိုင်ရာ ပလက်ဖောင်းများတွင် ထုတ်ပြန်ချက်များ ပြုလုပ်ခဲ့သည်။</p> <p style="text-align:justify">ရိုးရိုးရှင်းရှင်း ပြောရလျှင် သူသည် ပရော်ဖက်ရှင်နယ် ကစားသမား ဘဝမှနေ၍ အင်တာနက် ဆယ်လီ တစ်ဦး အဖြစ်သို့ ကူးပြောင်းချင်နေသကဲ့သို့ ခံစားရသည်။</p> <p style="text-align:justify">မော်ရင်ညိုက ချူဖုန်းကို တစ်ချက် ကြည့်ကာ ကူကယ်ရာမဲ့စွာ သက်ပြင်းချလိုက်၏။</p> <p style="text-align:justify">သူ၏ တပည့်ဖြစ်သူက သံယောဇဉ် ကြီးမားကြောင်း သူ သိသည်။ မဟုတ်ပါက ဤအချိန်တွင် သူ၏ သူငယ်ချင်းဘက်မှ မားမားမတ်မတ် ရပ်တည်ပေးမည် မဟုတ်ချေ။</p> <p style="text-align:justify">ဘာပဲဖြစ်ဖြစ် လင်ဂတ်ဘက်ကနေ ဝင်ပြောပေးတာက နည်းပြချုပ်ကို စော်ကားသလို ဖြစ်သွားမယ်ဆိုတာ လူတိုင်း သိကြတာပဲလေ။ ရက်ရှ်ဖို့ဒ်၊ ပေါ့ဘာနဲ့ တခြားသူတွေ တတ်နိုင်သမျှ ဝေးဝေးမှာ နေဖို့ ကြိုးစားနေကြတာကို မင်း မတွေ့ဘူးလား။</p> <p style="text-align:justify">အကယ်၍ လွန်ခဲ့သော ငါးနှစ်က သူသာ ဆိုလျှင် လင်ဂတ်သည် ယခုရာသီတွင် ကစားခွင့် ရတော့မည် မဟုတ်ပေ။ မော်ရင်ညိုက နောက်ဆုံးတွင် လက်ကာပြကာ ပြောလိုက်သည်။ </p> <p style="text-align:justify">"ဒီနေ့ အစည်းအဝေးက ဒီလောက်ပဲ"</p> <p style="text-align:justify">မန်ယူ ကစားသမား အားလုံးမှာ တတ်နိုင်သမျှ မြန်မြန် လစ်ထွက်သွားကြလေသည်။ လင်ဂတ်က ချူဖုန်းကို ကျေးဇူးတင်စကား ပြောချင်ခဲ့သော်လည်း ချူဖုန်းက သူ့ကို လျစ်လျူရှုထားလိုက်သည်။</p> <p style="text-align:justify">ငါ့မှာကော ဒေါသ မရှိဘူးလို့ တကယ် ထင်နေတာလား။</p> <p style="text-align:justify">ကျောင်းနေဖက် သူငယ်ချင်းတွေအဖြစ် နှစ်ပေါင်းများစွာ ခင်မင်လာခဲ့တဲ့ သံယောဇဉ်သာ မရှိခဲ့ရင် ဒီနေ့ အဲဒီစကားကို သူ ဘယ်တော့မှ ပြောခဲ့မှာ မဟုတ်ပေ။</p> <p style="text-align:justify">မြို့ထဲရှိ သူ၏ တိုက်ခန်းသို့ ကားမောင်းပြန်လာပြီးနောက် ချူဖုန်းသည် ထိုဖြစ်ရပ်ကြောင့် စိတ်အနှောင့်အယှက် မဖြစ်တော့ပေ။ ပုံမှန်အတိုင်းပင် သူက ရုပ်မြင်သံကြားကို ဖွင့်ကာ အက်သလက်တီကို မက်ဒရစ်၏ ပွဲစဉ်များအား ပြန်လည်ပြသမှုကို ကြည့်ရှုနေလိုက်သည်။</p> <p style="text-align:justify">ဘောလုံး ကစားချိန်တွင် သူ စိတ်အားထက်သန်မှု လွန်ကဲသွားနိုင်သော်လည်း သာမန်အချိန်များ၌ နှောင့်ယှက်မှုများကိုမူ တတ်နိုင်သမျှ ရှောင်ရှားရန် ကြိုးစားလေ့ ရှိသည်။</p> <p style="text-align:justify">ဤသည်မှာ အခြေခံအကျဆုံး ပရော်ဖက်ရှင်နယ် အရည်အသွေးပင် ဖြစ်သည်။</p> <p style="text-align:justify">ယနေ့မှစ၍ မန်ယူအသင်း၏ အဝတ်လဲခန်းမှာ ပိုမို တိတ်ဆိတ်သွားခဲ့ပြီး လူတိုင်းမှာ လင်ဂတ်၏ ခြေရာကို နင်းရမည်ကို ကြောက်ရွံ့ကာ အစွမ်းကုန် လေ့ကျင့်နေကြတော့သည်။</p> <p style="text-align:justify">သို့သော် လေထုမှာ အနည်းငယ် ဖိနှိပ်ခံထားရသကဲ့သို့ ဖြစ်နေသည်။</p> <p style="text-align:justify">ကံကောင်းစွာဖြင့် ဗလင်စီယာနှင့် အက်ရှလေယန်း တို့ကဲ့သို့သော ဝါရင့် ကစားသမားများက နှစ်သိမ့် စကား အချို့ ပြောကြားပေးခဲ့ပြီး ကစားသမား အများစုမှာ အကြောင်းအကျိုး သိတတ်သူများ ဖြစ်ကြသဖြင့် သဟဇာတဖြစ်သော လေထုမှာ လျင်မြန်စွာ ပြန်လည် ရောက်ရှိလာခဲ့သည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save