Book List

<h2 style="text-align: center;">အခန်း (၃၄၈)</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p style="text-align:justify">“မားကပ်စ်...”</p> <p style="text-align:justify">ဟာရဲရားက တောင်ပံတစ်လျှောက် ဘောလုံး ပေးပို့လိုက်ရာ ရက်ရှ်ဖို့ဒ်က ဘောလုံးရှေ့သို့ ရောက်သွားပြီး ဟွမ်ဖရန်ဆီသို့ ဦးတည်ကာ ဘောလုံးဆွဲ၍ တဟုန်ထိုး ပြေးဝင်သွားလေသည်။</p> <p style="text-align:justify">အသက် (၃၃) နှစ်အရွယ် ဝါရင့် ကစားသမားကြီးမှာ ရာသီအကုန်တွင် အသင်းမှ ထွက်ခွာမည်ဟု အတည်ပြုထားပြီး ဖြစ်သည်။</p> <p style="text-align:justify">ရက်ရှ်ဖို့ဒ်မှာ လျင်မြန်စွာ ပြေးဝင်လာကာ ခံစစ်ကို အင်အားသုံး၍ ဖောက်ထွက်သွားပြီးနောက် ပယ်နယ်တီ ဧရိယာ ဘယ်ဘက်ခြမ်းမှနေ၍ ဘယ်ခြေဖြင့် သာမန် ဖြတ်တင်ဘော တစ်လုံးကို တင်ပေးလိုက်၏။</p> <p style="text-align:justify">‘ဒီကောင်လေး ကြီးလာဖို့ ဘာတွေများ စားထားတာလဲ... နွားတစ်ကောင်လို သန်မာနေပါလား...’</p> <p style="text-align:justify">ဂျီမီနက်ဇ်က ချူဖုန်းကို အပြင်ဘက်သို့ တွန်းထုတ်ရန် ရည်ရွယ်ထားသော်လည်း သူသာ နောက်ဆုတ်လိုက်ရသည်ကို တွေ့လိုက်ရ၏။</p> <p style="text-align:justify">ဘောလုံး ကျဆင်းလာသည်ကို မြင်သောအခါ ဂျီမီနက်ဇ် အံကြိတ်ကာ အစွမ်းကုန် တောင့်ခံထားလိုက်၏။ သို့ရာတွင် ချူဖုန်းက ရုတ်တရက် အင်အားကို ပြန်လည် ရုပ်သိမ်းလိုက်ပြီး ခြေတစ်ဝက်ခန့် နောက်ဆုတ်ကာ ကိုယ်နေဟန်ထားကို ပြင်ဆင်လိုက်သည်။</p> <p style="text-align:justify">အနီးတွင် ရပ်နေသော ဂိုဒင်က လျင်မြန်စွာ တုံ့ပြန်လိုက်ပြီး ချူဖုန်း၏ ရှေ့သို့ ချက်ချင်း ဝင်ရောက် ပိတ်ဆို့လိုက်လေသည်။</p> <p style="text-align:justify">“ချူ ခေါင်းတိုက်လိုက်ပြီ…”</p> <p style="text-align:justify">“ကံဆိုးစွာနဲ့ပဲ ချူရဲ့ ခေါင်းတိုက်ချက်က အားပျော့သွားပြီး အိုဘလက်ခ် ကာကွယ်လိုက်နိုင်တဲ့အတွက် ဘေးထွက်သွားခဲ့ပါတယ်...”</p> <p style="text-align:justify">ဂယ်ရီနဗီးလ်က စိတ်ပျက်လက်ပျက်ဖြင့် စားပွဲကို လက်သီးဖြင့် ထုလိုက်ရာ ကာရေဂါ တစ်ယောက် ကြက်သေသေသွားရ၏။ “ဟေး... ဂိုးဝင်သွားရင်တောင် အဲဒီလောက်ကြီး စိတ်လှုပ်ရှားနေဖို့ မလိုပါဘူးကွာ...”</p> <p style="text-align:justify">“မင်း ဘာမှ နားမလည်ပါဘူး... ဒါက ငါတို့ရဲ့ အစဉ်အလာကွ...” ဂယ်ရီနဗီးလ်က ကာရေဂါကို ရွံရှာသော အကြည့်ဖြင့် ကြည့်လိုက်သည်။</p> <p style="text-align:justify">စိမ်းလန်းနေသော ဘောလုံးကွင်းထဲတွင်...</p> <p style="text-align:justify">ချူဖုန်းက နာကျင်နေသော သူ၏ ခါးအောက်ပိုင်းကို ပွတ်သပ်လိုက်၏။ သေချာပေါက် သူ့ကို ဂိုဒင်က အသားလွတ် ဆွဲဆိတ်သွားခြင်း ဖြစ်သည်။ သို့သော် ဤကဲ့သို့သော လှည့်ကွက်မျိုးမှာ အလွန် အဖြစ်များပြီး ခံစစ်ကစားသမားတိုင်းလိုလို အသုံးပြုတတ်ကြသည်။</p> <p style="text-align:justify">ဒိုင်လူကြီးကို သွားတိုင်တန်းလျှင်တောင် ဘာမှ အကူအညီ ရမည် မဟုတ်ပေ။</p> <p style="text-align:justify">ထို့ပြင် ချူဖုန်းက ထိုမျှ အားနည်း ပျော့ညံ့သောသူ မဟုတ်ချေ။ ပြိုင်ဘက်များ၏ ပစ်မှတ်ထားခြင်းကို ခံရသည့် အခြေအနေများနှင့် သူ ရင်းနှီးနေပြီ ဖြစ်သည်။</p> <p style="text-align:justify">ထိတ်လန့်နေဆဲ ဖြစ်သော ဂိုဒင်က အော်ဟစ်လိုက်၏။ “မင်း သူ့ကို မကျော်နိုင်ရင် ဘောလုံးကိုပဲ အာရုံစိုက်... စောစော ခုန်ပြီး ခေါင်းနဲ့ တိုက်ထုတ်ပစ်... အဲဒီကောင်လေး အန္တရာယ်ရှိတဲ့ ဇုန်ထဲ ရောက်လာမယ့် အချိန်ထိ မစောင့်နေနဲ့...”</p> <p style="text-align:justify">လှည့်ကွက်ငယ်လေးများ သုံးခြင်းက လက်ခံနိုင်စရာ ရှိသော်လည်း ရေရှည်အတွက်မူ မှန်ကန်သော နည်းလမ်း မဟုတ်ပေ။</p> <p style="text-align:justify">တစ်ကြိမ် နှစ်ကြိမ်... သို့မဟုတ် သုံးလေးကြိမ်လောက် ကာကွယ်နိုင်မည်လား။</p> <p style="text-align:justify">ခံစစ် ကစားသမား တစ်ယောက်အတွက် ပြိုင်ဘက်ကို အခွင့်အရေး တစ်ကြိမ်လေး ပေးလိုက်ခြင်းကပင် လုံးဝ ပျက်စီးကိန်း ဆိုက်သွားစေနိုင်သည်။</p> <p style="text-align:justify">ဂျီမီနက်ဇ်မှာ အလွန်အမင်း နာကြည်းသွားရ၏။</p> <p style="text-align:justify">အကယ်၍ သူသာ ချူဖုန်းကို အပြင်ဘက်သို့ မတွန်းထုတ်ထားပါက... ထိုကောင်စုတ်လေး၏ သာမန်ထက် လွန်ကဲနေသော လေထဲတွင် တန့်နေနိုင်စွမ်းနှင့် ပြေးထွက်လာသော အရှိန်တို့ ပေါင်းစပ်သွားပါက သူ အကြီးအကျယ် ဒုက္ခရောက်သွားပေလိမ့်မည်။</p> <p style="text-align:justify">အက်သလက်တီကို အသင်းထဲမှာ ဘယ်သူကများ သူ့ကို တားဆီးနိုင်လို့လဲ။</p> <p style="text-align:justify">“ယန်... နောက်ပိုင်း ဖြတ်တင်ဘောတွေရဲ့ လမ်းကြောင်းကို သတိထားကြည့်... ဂိုးပေါက်နဲ့ သိပ်မဝေးဘူးဆိုရင် မင်း ထွက်လာပြီး ရှင်းထုတ်လိုက်တာ အကောင်းဆုံးပဲ...” ဂျီမီနက်ဇ်က အိုဘလက်ခ်ထံမှ အကူအညီ တောင်းလိုက်သည်။</p> <p style="text-align:justify">ဒါက သူ စဉ်းစားလို့ရသော တစ်ခုတည်းသော နည်းလမ်း ဖြစ်သည်။ ဂိုးသမား၏ လက်မောင်း အင်အားနှင့် လက်အရှည်တို့ဖြင့် ချူဖုန်း၏ ခေါင်းတိုက်ချက်ကို ပိတ်ဆို့ရန်မှာ ပြဿနာ မရှိနိုင်ပေ။</p> <p style="text-align:justify">“ကောင်းပြီလေ...” အိုဘလက်ခ်က ခေါင်းညိတ်ပြလိုက်၏။</p> <p style="text-align:justify">မာရက်ဇ်၏ ထောင့်ကန်ဘောက ပယ်နယ်တီ ဧရိယာ၏ အနီးတိုင်ဆီ ဦးတည်လာရာ တန်ဖိုးအကြီးဆုံး ဂိုးသမား ဟူသော ဂုဏ်ပုဒ်နှင့်အညီ အိုဘလက်ခ်က ဘောလုံးကို လက်သီးနှစ်ဖက်ဖြင့် ပယ်နယ်တီ ဧရိယာ အပြင်ဘက်သို့ ပြတ်သားစွာ ထိုးထုတ်လိုက်သည်။</p> <p style="text-align:justify">“ရော့ဘ်...”</p> <p style="text-align:justify">အသင်းဖော်များ ပြန်ကျဘောကို မရလိုက်ကြောင်း ချူဖုန်း သတိပြုမိသွားသဖြင့် အော်ဟစ်လိုက်ကာ ကိုယ့်ကွင်းဘက်ခြမ်းသို့ လှည့်၍ ပြန်ပြေးလေတော့သည်။</p> <p style="text-align:justify">အက်သလက်တီကို အသင်း၏ တန်ပြန်တိုက်စစ်များက ဥရောပတွင် အကောင်းဆုံးများထဲမှ တစ်ခု ဖြစ်သောကြောင့် အကောင်းဆုံး ဖြေရှင်းနည်းမှာ ချက်ချင်း ပြန်လည် ဖိအားပေးပြီး သူတို့၏ နောက်တန်းမှ ဘောလုံးပေးပို့မှု စနစ်ကို ဖျက်ဆီးပစ်ရန်ပင် ဖြစ်သည်။</p> <p style="text-align:justify">ရိုဒရီက ထိုပြဿနာကို နားလည်သောကြောင့် ပြန်ကျဘောကို ထိန်းချုပ်ပြီးနောက် အချိန်ဆွဲကာ တိုတိုလေး ပေးပို့မနေတော့ဘဲ မိုရာတာထံသို့ တိုက်ရိုက် ပေးပို့လိုက်၏။</p> <p style="text-align:justify">“တကယ်ကို ကောင်းမွန်တဲ့ ပေးပို့မှုပါပဲဗျာ...”</p> <p style="text-align:justify">“ရှားရှားပါးပါး ရလာတဲ့ တန်ပြန်တိုက်စစ် အခွင့်အရေးကို အက်သလက်တီကို အသင်းက ဘယ်လို အသုံးချမလဲဆိုတာ စောင့်ကြည့်ရအောင်...”</p> <p style="text-align:justify">ပြင်ပလောကက မိုရာတာကို ခြေစွမ်းမရှိသူ၊ လူကျွံဘော ထောင်ချောက်ထဲ အမြဲတမ်း မိနေသူဟု ရှုမြင်ကြသော်လည်း လက်တွေ့တွင်မူ မိုရာတာ၌ အလွန်ကောင်းမွန်သော တန်ပြန်တိုက်စစ် စွမ်းရည် ရှိပေသည်။</p> <p style="text-align:justify">မိုရာတာက သူ၏ ကျွမ်းကျင်လှသော လှည့်စားမှုနှင့် ဆွဲပြေးမှုတို့ကြောင့် မက်ဂွိုင်းယားကို ရှောင်တိမ်းနိုင်ခဲ့၏။ သို့သော် နောက်တစ်စက္ကန့်တွင် မက်ဂွိုင်းယားက လှမ်းဆွဲလိုက်ပြီး အက်သလက်တီကို အသင်းကို တားဆီးရန် နည်းစနစ်ပိုင်းဆိုင်ရာ ဖောင်းဘော တစ်ခုကို ကျူးလွန်လိုက်လေသည်။</p> <p style="text-align:justify">မိုရာတာ ရီးရဲလ်မက်ဒရစ် ပထမအသင်းသို့ ရောက်ရှိလာခြင်းမှာ မော်ရင်ညို၏ ပါရမီကို မြင်တတ်သော စူးရှသည့် အမြင်ကြောင့်သာ ဖြစ်ကြောင်း သတိပြုသင့်ပေသည်။</p> <p style="text-align:justify">မိုရာတာ၏ ဝိသေသလက္ခဏာများကို သူက ဘယ်လိုလုပ် နားမလည်ဘဲ နေမည်နည်း။ ထို့ကြောင့် သူက မန်ယူ ကစားသမားများကို မှာကြားထားခဲ့သည်။ </p> <p style="text-align:justify">“တန်ပြန်တိုက်စစ်မှာ သူ့ရဲ့ ထိုးဖောက်နိုင်စွမ်းက ကောင်းတယ်... ဒါပေမဲ့ ပြိုင်ဘက်ကို ကျော်ဖြတ်ပြီးရင် သူက အခြေအနေကို စောင့်ကြည့်တတ်တဲ့ အကျင့်ရှိတယ်... အဲဒါက တန်ပြန်တိုက်စစ်ရဲ့ အရှိန်ကို ကျဆင်းသွားစေလိမ့်မယ်...”</p> <p style="text-align:justify">မက်ဂွိုင်းယားက သူ နောက်လှည့်ရန် နှေးကွေးကြောင်း ကောင်းကောင်း သိထားသည်။ ထို့ကြောင့် သူတို့က နောက်ကို ပြန်လိုက်ရန်ပင် မကြိုးစားကြတော့ဘဲ ပြိုင်ဘက် ဘောလုံး မဆွဲနိုင်စေရန် နည်းစနစ်ပိုင်းဆိုင်ရာ ဖောင်းဘောကိုသာ ကျူးလွန်လိုက်ကြခြင်း ဖြစ်သည်။</p> <p style="text-align:justify">“စောစောကတည်းက ပေးစမ်းပါကွာ...”</p> <p style="text-align:justify">ဂရစ်ဇ်မန်းက စိတ်မရှည်စွာဖြင့် မိုရာတာကို ဆဲဆိုလိုက်သည်။ “မင်းသာ မန်ယူ နောက်တန်းရဲ့ အနောက်ကို မျှောထိုးပေးပို့မှု လုပ်လိုက်ရင်... ငါ သူတို့နဲ့ တစ်ယောက်ချင်း ရင်ဆိုင်ရပြီ မဟုတ်ဘူးလား...”</p> <p style="text-align:justify">မိုရာတာ အနည်းငယ် ရှက်သွားသော်လည်း သူ မှားသွားမှန်း သူ သိပါသည်။ သူတို့ နှစ်ယောက် ခေါင်းငိုက်စိုက်ကျကာ ပြန်လျှောက်သွားရုံမှလွဲ၍ တတ်နိုင်စရာ မရှိတော့ပေ။</p> <p style="text-align:justify">ဂရစ်ဇ်မန်း၏ စကားကို ကြားသောအခါ ချူဖုန်း တစ်ယောက် စိတ်ထဲတွင် အနည်းငယ် ခံစားသွားရသည်။</p> <p style="text-align:justify">ဘောလုံး ဆိုသည်မှာ အသင်းလိုက် ကစားရသော အားကစား တစ်ခု ဖြစ်ပြီး ဟာလော့ခ် သက်ရောက်မှု ကဲ့သို့သော နိယာမများစွာက ယင်းနှင့် သက်ဆိုင်နေသည်။ သင့်တင့် လျောက်ပတ်သော ချီးကျူးမှုက ဝေဖန်ခြင်းထက် သိသိသာသာ ပို၍ ထိရောက်မှု ရှိပေသည်။</p> <p style="text-align:justify">ထို့ကြောင့် ချူဖုန်းသည် သူ၏ အသင်းဖော်များကို လူပုံအလယ်တွင် ဝေဖန်လေ့ မရှိပေ။</p> <p style="text-align:justify">အော်… ဂိုးပေါက်ရှေ့ မီတာဝက်လောက် အကွာကနေ လူကာကူ တစ်ယောက် အခွင့်အရေးကို ဖြုန်းတီးပစ်ခဲ့တဲ့ တစ်ခေါက်ကလွဲရင်ပေါ့လေ။</p> <p style="text-align:justify">အလွန်အကျွံ ဖိအားပေးခြင်းက တစ်ဦးတစ်ယောက်၏ စွမ်းရည်များကို အပြည့်အဝ ထုတ်ဖော် ပြသနိုင်မှုကို အဟန့်အတား ဖြစ်စေနိုင်ပြီး သင့်လျော်သော နားလည်မှုနှင့် လေးစားမှုကမူ စိတ်ဓာတ်ခွန်အားကို တိုးတက်စေရန် ကူညီပေးနိုင်ပေသည်။</p> <p style="text-align:justify">အက်သလက်တီကို အသင်း၏ တန်ပြန်တိုက်စစ် မအောင်မြင်ပြီးနောက် မန်ယူအသင်းက နည်းစနစ်များကို လျင်မြန်စွာ ပြောင်းလဲလိုက်သည်။</p> <p style="text-align:justify">ခံစစ်ကို အာရုံစိုက်ပြီး တန်ပြန်တိုက်စစ်ဆင်ရန် အခွင့်အရေးကို စောင့်ဆိုင်းခြင်းပင်…။</p> <p style="text-align:justify">“မော်ရင်ညိုရဲ့ အရှိန်အဟုန် ထိန်းချုပ်နိုင်စွမ်းက ပြီးခဲ့တဲ့ရာသီကထက် သိသိသာသာ ကောင်းမွန်လာပါတယ်... အင်တာနက် သုံးစွဲသူတွေ ပြောသလိုပါပဲ... Special Oneက သူ့ရဲ့ မှော်အတတ်တွေကို ပြန်လည် ရရှိသွားပါပြီ...”</p> <p style="text-align:justify">“ဟာနန်ဒက်ဇ်ရဲ့ ဂိုးစည်းအစွန်ကနေ ဖြတ်တင်ပေးမှုဗျာ...”</p> <p style="text-align:justify">“မိုရာတာက ခန္ဓာကိုယ်ချင်း ယှဉ်တိုက်ရမှာကို ကြောက်နေပုံရတယ်... အဲဒါကြောင့် မက်ဂွိုင်းယားက ခေါင်းတိုက်ဘောကို အလွယ်တကူ ယူသွားနိုင်ခဲ့တာပါ...”</p> <p style="text-align:justify">“ဒါက သူနဲ့ ဒီယေဂို ကော်စတာ ကြားက အကြီးမားဆုံး ကွာခြားချက် ဖြစ်ပြီး သူ့ရဲ့ နည်းစနစ်ပိုင်းဆိုင်ရာ အခန်းကဏ္ဍကိုလည်း ကန့်သတ်ထားသလို ဖြစ်နေပါတယ်...”</p> <p style="text-align:justify">အက်သလက်တီကို ပရိသတ်များ၏ အားပေးသံများ တဖြည်းဖြည်း တိတ်ဆိတ်သွားသည်နှင့်အမျှ ပွဲ၏ အရှိန်အဟုန်မှာလည်း နှေးကွေးသွားခဲ့သည်။</p> <p style="text-align:justify">မကြာမီမှာပင် ဒိုင်လူကြီးက ခရာမှုတ်လိုက်ပြီး ပွဲစဉ်၏ ပထမပိုင်း တရားဝင် ပြီးဆုံးသွားလေသည်။</p> <p style="text-align:justify">မန်ယူ ၁-၀ အက်သလက်တီကို။ </p> <p style="text-align:justify">မန်ချက်စတာ ယူနိုက်တက်က နှစ်ကျော့ပေါင်း ရလဒ် ၂-၁ ဖြင့် ဦးဆောင်နေ၏။</p> <p style="text-align:justify">အသင်းနှစ်သင်းလုံးမှ ကစားသမားများ အဝတ်လဲခန်းသို့ အလျင်အမြန် ပြန်သွားကြပြီး ဒုတိယပိုင်း အတွက် နည်းစနစ်များကို စတင် ဆွေးနွေးကြသည်။</p> <p style="text-align:justify">ဆီမြွန်နီတွင် သူ့လက်ထဲတွင် အလှည့်အပြောင်း လုပ်စရာ ဖဲချပ်ကောင်း မရှိတော့သဖြင့် ကစားသမားများကို စကားလုံးများဖြင့်သာ လှုံ့ဆော်နိုင်တော့သည်။ “ငါတို့က ကလပ်အသင်းကြီးတွေရဲ့ အစဉ်အလာကို မယှဉ်နိုင်ဘူး... ငါတို့ဆီမှာ ပိုက်ဆံ အများကြီးလည်း မရှိဘူး... ငါတို့ အားကိုးစရာဆိုလို့ ပြင်းပြင်းထန်ထန် တိုက်ပွဲဝင်ဖို့ပဲ ရှိတယ်...”</p> <p style="text-align:justify">“...”</p> <p style="text-align:justify">အက်သလက်တီကို အသင်းသို့ ရောက်ကတည်းက ဂရစ်ဇ်မန်းသည် ဤစကားကို နှစ်စဉ်နှစ်တိုင်းလိုလို ကြားခဲ့ရပြီး ယင်းနှင့် ပတ်သက်၍ ကာကွယ်ဆေး ထိုးပြီးသလို ဖြစ်နေလေသည်။ ထို့ကြောင့် ဆီမြွန်နီ၏ စကားများက သူ့ကို စိတ်လှုပ်ရှားအောင် မလုပ်ပေးနိုင်တော့ချေ။</p> <p style="text-align:justify">ဘောလုံးလောကတွင် စိတ်ဓာတ်လှုံ့ဆော်မှုကို အလွန်အကျွံ မသုံးသင့် ဟူသော လက်သုံးစကား ရှိပေသည်။ အကြောင်းမှာ ကစားသမားများက စိတ်ဓာတ်လှုံ့ဆော်မှုကို တစ်ရာသီ သို့မဟုတ် နှစ်ရာသီခန့် လက်ခံကောင်း လက်ခံနိုင်သော်လည်း ထိုထက် ပိုကြာလာပါက မည်သူကမျှ ယင်းကို အဖက်လုပ်တော့မည် မဟုတ်ပေ။</p> <p style="text-align:justify">အဝတ်လဲခန်း အတွင်းရှိ ဖိစီးမှုများသော လေထုကို ခံစားရင်း ဆီမြွန်နီ၏ နှလုံးသားမှာ ပို၍ တင်းကြပ်လာသည်။ ယနေ့ ထူးခြားသော အံ့ဖွယ်တစ်ခု ဖြစ်လာရန် မဖြစ်နိုင်တော့ကြောင်း သူ သိလိုက်သည်။</p> <p style="text-align:justify">တစ်ဖက်တွင်မူ...</p> <p style="text-align:justify">ပထမပိုင်း၌ မန်ယူအသင်း အတော်လေး ကောင်းမွန်စွာ ကစားနိုင်ခဲ့သောကြောင့် မော်ရင်ညိုက နည်းစနစ် အပြောင်းအလဲများကို မပြောခဲ့ချေ။ မူလ နည်းစနစ်များကို ဆက်လက် ထိန်းသိမ်းထားခြင်းက လုံလောက်ပေသည်။</p> <p style="text-align:justify">ဖြစ်ကတတ်ဆန်း ပြောင်းလဲမှုများ ပြုလုပ်ခြင်းက ဆန့်ကျင်ဘက် အကျိုးသက်ရောက်မှုကို ဖြစ်ပေါ်စေနိုင်သည်။</p> <p style="text-align:justify">“ချူ... ရှေ့တန်းမှာ မင်းရဲ့ တိုက်စစ်ဆင်မှုတွေကို ပိုပြီး စုံလင်အောင် ကစားပေး... အထူးသဖြင့် အသင်းဖော်တွေနဲ့ နေရာရွှေ့ပြောင်းတာတွေ၊ နေရာယူတာတွေကို ဂရုစိုက်...”</p> <p style="text-align:justify">“အက်သလက်တီကို အသင်းရဲ့ တစ်ယောက်ချင်း လူကပ်တဲ့ စနစ်ကို တတ်နိုင်သမျှ ချိုးဖျက်ပစ်ဖို့ပဲ...”</p> <p style="text-align:justify">ပွဲတစ်ပိုင်း နားချိန် မကုန်ဆုံးမီလေးတွင် မော်ရင်ညိုက အကြံပြုချက် တစ်ခု ပေးလိုက်သည်။</p> <p style="text-align:justify">“ဟုတ်ကဲ့ ဘော့စ်... ကျွန်တော် သတိထားလိုက်ပါ့မယ်...”</p> <p style="text-align:justify">ချူဖုန်းက နားလည်ကြောင်း ပြသသည့် အနေဖြင့် ခေါင်းညိတ်လိုက်၏။ ထို့နောက် သူသည် ရက်ရှ်ဖို့ဒ်၊ မာရက်ဇ်တို့နှင့် စကားပြောကာ သူတို့၏ နေရာယူမှု မဟာဗျူဟာများကို အတိုချုံး ဆွေးနွေးခဲ့ကြသည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save