Book List

<h2 style="text-align: center;"> အခန်း (၃၄၉) </h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p style="text-align:justify">မကြာမီတွင် အိုးထရက်ဖို့ဒ်ကွင်းကြီး ပြန်လည် စည်ကားလာပြန်သည်။</p> <p style="text-align:justify">အသင်းနှစ်သင်း နေရာချင်း လဲကာ ကစားပွဲကို စတင်လိုက်ကြ၏။</p> <p style="text-align:justify">ပွဲတစ်ပိုင်း နားပြီးနောက် အက်သလက်တီကို အသင်းမှာ သူတို့၏ တိုက်ပွဲဝင်လိုစိတ်ကို ပြန်လည် မရရှိခဲ့ဘဲ ပို၍ပင် ထိုင်းမှိုင်းလေးလံ လာခဲ့သည်။</p> <p style="text-align:justify">လီမာ၏ ခြေအောက်သို့ ဘောလုံး ရောက်သွားသောအခါ...</p> <p style="text-align:justify">ပြင်သစ်လူငယ်လေးမှာ တည်ငြိမ်မှု ကင်းမဲ့နေပုံရပြီး ဟာရဲရားကို အင်အားသုံး၍ ကျော်ဖြတ်ရန် ကြိုးစားနေသည်။</p> <p style="text-align:justify">ဟာရဲယားသည် အခြား အရာများ၌ မထူးချွန်သော်လည်း ခံစစ်ပိုင်းတွင်မူ တော်တော်လေး ကောင်းမွန်သူ ဖြစ်သည်။ ၂၀၁၅-၁၆ ရာသီက သူသည် ဟာဇက်ကို လုံးဝ ပိတ်ဆို့ထားနိုင်ခဲ့ပြီး ကွင်းထဲတွင် ပျောက်သွားအောင်ပင် လုပ်နိုင်ခဲ့သည်။ ထို့ကြောင့် သူက လီမာ၏ ခြေထဲမှ ဘောလုံးကို အသာအယာ လုယူလိုက်နိုင်၏။</p> <p style="text-align:justify">“ဒုတိယပိုင်း အစမှာပဲ အက်သလက်တီကို အသင်းက ဘောလုံး ပိုင်ဆိုင်မှုကို စွန့်လွှတ်လိုက်ရပါတယ်...”</p> <p style="text-align:justify">“သူတို့က ခံစစ်ကနေ တန်ပြန်တိုက်စစ်ဆင်ဖို့ စီစဉ်နေတာလား...”</p> <p style="text-align:justify">ဂယ်ရီနဗီးလ် တစ်ယောက် လုံးဝ ဇဝေဇဝါ ဖြစ်သွားရသည်။ ကွင်းဘေးတွင် ရပ်နေသော ဆီမြွန်နီမှာ ဒေါသတကြီး ဖြစ်နေပြီး သူ၏ ရေသန့်ဗူးကို မြက်ခင်းပြင်ပေါ်သို့ စတင် ရိုက်ချနေတော့၏။</p> <p style="text-align:justify">မျက်တောင်တစ်ခတ် အတွင်းမှာပင်...</p> <p style="text-align:justify">ဟာရဲရားသည် အက်သလက်တီကို ကွင်းဘက်ခြမ်းသို့ ချင်းနင်းဝင်ရောက်လာပြီး ပေါ့ဘာနှင့် ဝမ်းတူး ကစားကာ ကွင်းလယ်ဗဟိုချက်ထဲသို့ တိုက်ရိုက် ထိုးဖောက်ဝင်ရောက်သွားသည်။</p> <p style="text-align:justify">တစ်ချိန်တည်းမှာပင်...</p> <p style="text-align:justify">မန်ယူအသင်းက တိုက်စစ်ပိုင်းတွင် လူစားလဲမှု တစ်ခု ပြုလုပ်လိုက်ရာ အက်သလက်တီကို အသင်း၏ ခံစစ်ကို ခဏတာ ကမောက်ကမ ဖြစ်သွားစေ၏။</p> <p style="text-align:justify">“ရိုဒရီနဲ့ ကိုကီတို့က ဟာရဲရားကို နှစ်ယောက်ညှပ်ပြီး လူကပ်နေတယ်... ဒါပေမဲ့ ဘယ်ဘက်ခြမ်းမှာ နေရာလွတ်တွေ အများကြီး ရှိနေတယ်ဗျ...”</p> <p style="text-align:justify">သူ စကားပြောလို့ပင် မဆုံးသေးခင်...</p> <p style="text-align:justify">ဟာရဲရားက ဘယ်ဘက်ခြမ်းသို့ နေရာယူထားသော ချူဖုန်းထံသို့ ဘောလုံးကို ပေးပို့လိုက်သည်။</p> <p style="text-align:justify">ဟွမ်ဖရန်မှာ ပထမပိုင်း တစ်ပိုင်းလုံး ရက်ရှ်ဖို့ဒ်၏ ဖိအားပေးမှုကို ခံခဲ့ရပြီး သူ၏ အားအင်မှာ ပြင်းပြင်းထန်ထန် ကုန်ခမ်းမသွားသေးသော်လည်း ပွဲစကလောက်တော့ မကောင်းတော့ချေ။</p> <p style="text-align:justify">ထို့ကြောင့်...</p> <p style="text-align:justify">ချူဖုန်းသည် ဟာရဲရားထံမှ ဘောလုံး လက်ခံရရှိသည်နှင့် တစ်ပြိုင်နက် ဘေးစည်းတစ်လျှောက် အပြေးအလွှား သွားကာ ပြိုင်ဘက်ကို ကျော်တက်သွားလေသည်။</p> <p style="text-align:justify">“ဟိုဆေး... သတိထား...”</p> <p style="text-align:justify">ဟွမ်ဖရန် အစွမ်းကုန် ကြိုးစားသော်လည်း မမီနိုင်တော့ဘဲ သူ့ကို ကူညီကာကွယ်ပေးရန် အသင်းဖော်များကိုသာ အလျင်စလို တိုက်တွန်းနိုင်တော့သည်။</p> <p style="text-align:justify">ချူဖုန်း တစ်ယောက် လျင်မြန်စွာ ချဉ်းကပ်လာသည်ကို မြင်လိုက်ရသောအခါ ဂျီမီနက်ဇ်၏ နှလုံးသားမှာ ဒိတ်ဒိတ်ကြဲအောင် ခုန်ပေါက်သွားသော်လည်း သူ၏ အနောက်တွင် ရက်ရှ်ဖို့ဒ်က အထောက်အပံ့ ပေးရန် ရှိနေသည်ကို သတိပြုမိသွားသည်။</p> <p style="text-align:justify">ထိုသို့ အာရုံစိုက်မှု လွဲချော်သွားသည့် အခိုက်အတန့်လေးတွင်ပင်…</p> <p style="text-align:justify">ချူဖုန်းက ထူးထူးခြားခြား ပြင်ဆင်မှုမျိုးပင် မလုပ်ဘဲ အဝေးတိုင်ထောင့်ဆီသို့ ပြင်းထန်သော ကန်ချက် တစ်ချက်ကို ကန်သွင်းလိုက်လေသည်။</p> <p style="text-align:justify">အိုဘလက်ခ်မှာ ချူဖုန်း၏ ရုတ်တရက် ကန်သွင်းလိုက်သော ကန်ချက်ကြောင့် အငိုက်မိသွားပြီး ဘောလုံး ဂိုးပေါက်ထဲသို့ ဝင်သွားသည်ကို မျက်တောင်မခတ်တမ်း ရပ်ကြည့်နေရုံမှလွဲ၍ ဘာမှ မတတ်နိုင်တော့ချေ။</p> <p style="text-align:justify">ဝုန်း…</p> <p style="text-align:justify">အိုးထရက်ဖို့ဒ်ကွင်း အတွင်းရှိ သောင်းနှင့်ချီသော မန်ယူ ပရိသတ်များထံမှ ကျယ်လောင်သော အောင်ပွဲခံ သြဘာသံကြီး ပေါက်ကွဲထွက်လာ၏</p> <p style="text-align:justify">ဒီဂိုးက အနိုင်ရလဒ်ကို အခြေခံအားဖြင့် သေချာသွားစေခဲ့ပြီ ဖြစ်သည်။</p> <p style="text-align:justify">အက်သလက်တီကို အသင်း အနေဖြင့် နောက်တစ်ဆင့် တက်ရန် သွင်းဂိုး သုံးဂိုး အထိ သွင်းယူဖို့ လိုအပ်သေးသော်လည်း ပြဿနာက...</p> <p style="text-align:justify">ကွင်းထဲရှိ အက်သလက်တီကို ကစားသမားများ၏ မျှော်လင့်ချက်မဲ့နေသော မျက်နှာများကို ကြည့်လိုက်စမ်းပါ။ သူတို့ဆီမှာ တိုက်ပွဲဝင်လိုစိတ်က ဘယ်နား ကျန်နေတော့လို့လဲ။</p> <p style="text-align:justify">ခဏတာ အောင်ပွဲခံပြီးနောက် ချူဖုန်းက သူ၏ နေရာသို့ အမြန်ပြန်ရန် အသင်းဖော်များကို လက်ဝှေ့ယမ်း ပြလိုက်သည်။ သူက ချန်ပီယံလိဂ် ရွှေဖိနပ်ဆုကို ချိန်ရွယ်ထားသော သူတစ်ယောက် မဟုတ်ပါလား…။</p> <p style="text-align:justify">သို့သော် မော်ရင်ညိုက သူ့ကို ကွင်းဘေးသို့ ခေါ်ကာ ပြောလိုက်၏။ “ငါတို့ နောက်ပွဲ လီဗာပူးလ်နဲ့ ကစားရဦးမယ်... အဲဒီတော့ အက်သလက်တီကို အသင်းကို အရမ်းကြီး ဖိအားမပေးတာ အကောင်းဆုံးပဲ...”</p> <p style="text-align:justify">“ဘော့စ်... ကျွန်တော် နားလည်ပါတယ်...” ချူဖုန်းက မတတ်သာသည့်ဟန်ဖြင့် နှုတ်ခမ်းကို စေ့လိုက်သည်။</p> <p style="text-align:justify">တကယ်တော့ မော်ရင်ညို ပြောသည်မှာ အကြောင်းပြချက် ကောင်းတစ်ခု ဖြစ်၏။ လက်ရှိ အခြေအနေအရ သူ့တွင် ဂိုးသွင်းရန် အခွင့်အရေး ရှိနေသည်။</p> <p style="text-align:justify">သို့သော် အက်သလက်တီကို အသင်းသာ အဆုံးစွန် အခြေအနေသို့ ရောက်သွားပြီး အသိစိတ်လွတ်ကာ ကြမ်းတမ်းသော ဖောင်းဘောများကို စတင် ကျူးလွန်လာပါက...</p> <p style="text-align:justify">သူ့မှာ ဒဏ်ရာ ကင်းလွတ်ခွင့် မော်ဂျူး ရှိလို့ မကြောက်ပေမဲ့ သူ့အသင်းဖော်တွေမှာ မရှိဘူးလေ။</p> <p style="text-align:justify">ထို့ကြောင့် မိမိကိုယ်ကို အနည်းငယ် ချုပ်တည်းထားရန် လိုအပ်ပေသေးသည်။</p> <p style="text-align:justify">“ချူ... လီဗာပူးလ်နဲ့ ပွဲက ငါတို့အတွက် အရမ်း အရေးကြီးတယ်... အဲဒါကြောင့်...”</p> <p style="text-align:justify">မော်ရင်ညိုက စိတ်ရှည်လက်ရှည် ရှင်းပြနေသည်။</p> <p style="text-align:justify">“ဘော့စ်... ကျွန်တော့်ကို အကြောင်းအကျိုး နားမလည်တဲ့သူလို့ ထင်နေတာလား... ကွာတားဖိုင်နယ်၊ ဆီမီးဖိုင်နယ်နဲ့ ဗိုလ်လုပွဲတွေ ရှိသေးတာပဲ... ကျွန်တော် အဲဒီကျရင် ဒီထက်ပိုပြီး ဂိုးတွေ သွင်းနိုင်မယ်လို့ ယုံကြည်တယ်...”</p> <p style="text-align:justify">ချူဖုန်းက ပေါ့ပေါ့ပါးပါးပင် လက်ဝှေ့ယမ်းပြလိုက်ပြီးနောက် လှည့်ကာ သူ၏ နေရာသို့ ပြန်သွားလေသည်။</p> <p style="text-align:justify">ပွဲစဉ်၏ ကျန်ရှိသော အချိန်များမှာ နှိုင်းယှဉ်ချက်အားဖြင့် ချောမွေ့စွာ ကုန်ဆုံးသွားခဲ့သည်။ အက်သလက်တီကို ကစားသမားများမှာ အစပိုင်းတွင် ပြင်းပြင်းထန်ထန် ကစားရန် စိတ်အားထက်သန်နေကြသေး၏။</p> <p style="text-align:justify">သို့သော် ချူဖုန်းက အားပါသော တန်ပြန်တိုက်စစ် အချို့ကို ဦးဆောင်လာခဲ့ပြီး အက်သလက်တီကို အသင်း၏ ဂိုးပေါက်ကို ထပ်မံ ဖောက်ထွင်းလုနီးပါး ဖြစ်ခဲ့သောအခါ အက်သလက်တီကို ကစားသမားများလည်း နောက်ဆုံးတွင် လက်တွေ့ အခြေအနေကို လက်ခံသွားကြတော့သည်။</p> <p style="text-align:justify">အဆုံးတွင်မူ ပွဲပြီးဆုံးချိန်အထိ ရလဒ်မှာ ပြောင်းလဲခြင်း မရှိတော့ပေ။</p> <p style="text-align:justify">မန်ချက်စတာ ယူနိုက်တက်က အက်သလက်တီကို မက်ဒရစ်ကို အိုးထရက်ဖို့ဒ်တွင် ၂-၀ ဆိုသော ရလဒ်ဖြင့် အနိုင်ယူ၍ နောက်တစ်ဆင့်သို့ တက်သွားလေတော့သည်။</p> <p style="text-align:justify">“ပွဲကတော့ ပြီးဆုံးသွားပါပြီဗျာ... မန်ယူအသင်းက နှစ်ကျော့ပေါင်းရလဒ် ၃-၁ နဲ့ အက်သလက်တီကို မက်ဒရစ်ကို အနိုင်ယူပြီး ချန်ပီယံလိဂ် နောက်တစ်ဆင့်ကို အောင်မြင်စွာ တက်လှမ်းသွားနိုင်ခဲ့ပါပြီ...”</p> <p style="text-align:justify">“ဒီနေ့ပွဲကို ပြန်ကြည့်ရရင် သိပ်ပြီး စိတ်လှုပ်ရှားစရာတော့ မကောင်းလှပါဘူး...”</p> <p style="text-align:justify">“အဝါကတ် ပြစ်ဒဏ်တွေကြောင့် အက်သလက်တီကိုရဲ့ အဓိက ကစားသမား သုံးယောက် ပါဝင်နိုင်ခြင်း မရှိတာက ဒီနေ့ပွဲရဲ့ ရလဒ်ကို ကြိုတင် နိမိတ်ပြနေခဲ့တာလည်း ဖြစ်နိုင်ပါတယ်...”</p> <p style="text-align:justify">“အရင်တုန်းက အက်သလက်တီကိုမက်ဒရစ် ဆိုတာ နာမည်ကြီး ကြယ်ပွင့်ကစားသမားတွေ မရှိ။ ငွေကြေး အင်အားလည်း မတောင့်တင်းသလို ထိပ်တန်းကလပ် တစ်ခုရဲ့ အရှိန်အဝါမျိုးလည်း မရှိတဲ့ သာမန် အသင်းငယ်လေး တစ်သင်းပါပဲ...”</p> <p style="text-align:justify">“ဒါပေမဲ့ သူတို့ရဲ့ သံမဏိ စိတ်ဓာတ်တွေကြောင့် ရီးရဲလ်မက်ဒရစ်၊ ဘာစီလိုနာတို့နဲ့ ပခုံးချင်းယှဉ်နိုင်ခဲ့ပြီး သုံးနှစ်အတွင်းမှာ ချန်ပီယံလိဂ် ဗိုလ်လုပွဲကို နှစ်ကြိမ်တောင် တက်ရောက်နိုင်ခဲ့ပါတယ်...”</p> <p style="text-align:justify">“ကံဆိုးစွာနဲ့ပဲ ဆီမြွန်နီ တစ်ယောက် အက်သလက်တီကို အသင်းကို ကိုင်တွယ်လာတာ နှစ်တွေ တော်တော် ကြာနေပြီ ဖြစ်တဲ့အတွက် အသင်းနဲ့ သူနဲ့ကြားမှာ အချစ်ပေါ့သွားခြင်းမျိုးတွေ ကြုံတွေ့နေရတာ ဖြစ်နိုင်ပါတယ်...”</p> <p style="text-align:justify">“ဒါကြောင့်... ပတ်ဝန်းကျင် အသစ်တစ်ခုကို ပြောင်းလဲလိုက်တာက သူ့အတွက် ပိုကောင်းမလားလို့ ကျွန်တော် တွေးနေမိတယ်ဗျာ...”</p> <p style="text-align:justify">ဘက်မလိုက်သော ဘောလုံးဝေဖန်ရေးဆရာပီပီ ဆရာကျန်းက အက်သလက်တီကို အသင်းဘက်မှ ရပ်၍ စကားအနည်းငယ် ပြောပေးလိုက်သည်။</p> <p style="text-align:justify">မည်သို့ပင်ဆိုစေကာမူ သူက ရှောင်ချူ၏ ဘက်တော်သား တစ်ယောက် ဖြစ်ပြီး အနိုင်ရရှိသူ ဆိုသည်မှာ ပြိုင်ဘက်က မည်မျှပင် ရွံရှာဖွယ် ကောင်းနေပါစေ အမြဲတမ်း သဘောထား ကြီးသင့်သည် မဟုတ်ပါလား…။</p> <p style="text-align:justify">ယင်းနှင့် ဆန့်ကျင်ဘက် အနေဖြင့် ဂယ်ရီနဗီးလ်မှာမူ မည်သည့် ရပ်တည်ချက်မှ မရှိဘဲ မန်ယူအသင်း၊ ချူဖုန်းနှင့် မော်ရင်ညိုတို့ကို မျက်ကန်းတစ္ဆေမကြောက် ချီးကျူးနေတော့သည်။</p> <p style="text-align:justify">“အရင်တုန်းက လူတော်တော်များများက မန်ယူအသင်းရဲ့ ကျောနံပါတ် (၇) ဂျာစီကို ကျိန်စာသင့်နေတယ်လို့ ထင်ခဲ့ကြတယ်... အဲဒီဂျာစီက ကစားသမားတွေရဲ့ စွမ်းဆောင်ရည်ကို ကန့်သတ်ထားရုံတင် မကဘူး... အရင်က ဘယ်လောက်ပဲ ကောင်းကောင်း ကစားနိုင်ခဲ့ပါစေ သူတို့ကိုယ်သူတို့ တဖြည်းဖြည်း ပျောက်ဆုံးသွားစေတယ်လို့ပေါ့...”</p> <p style="text-align:justify">“ဒါပေမဲ့ ကျွန်တော် ပြောချင်တာက...” နဗီးလ်၏ အသံက မြင့်တက်လာ၏။ “အဲဒါဟာ အဲဒီကစားသမားတွေက ဒီဂျာစီကို တကယ် သယ်ပိုးနိုင်စွမ်း မရှိလို့ပဲဗျ...”</p> <p style="text-align:justify">“ဘတ်စ်ရဲ့ ပါရမီနဲ့ ကိုယ်ရည်ကိုယ်သွေး၊ ရော့ဘ်ဆန်ရဲ့ တိုက်ပွဲဝင်လိုစိတ်နဲ့ စိတ်ဓာတ်ခွန်အား၊ ကန်တိုနာရဲ့ လွှမ်းမိုးနိုင်စွမ်းနဲ့ ပြတ်သားမှု... ပြီးတော့ ဘက်ခမ်း...”</p> <p style="text-align:justify">“ဒီဂျာစီကို ပိုင်ဆိုင်ခဲ့သူတိုင်းမှာ ထူးခြားတဲ့ ကိုယ်ပိုင် ဆွဲဆောင်မှုတွေ ရှိကြတယ်...”</p> <p style="text-align:justify">“ချူရဲ့ ဝိသေသလက္ခဏာတွေက ဘာလဲဆိုတာနဲ့ ပတ်သက်ပြီး ကျွန်တော့်ရဲ့ ကိုယ်ပိုင် လူမှုကွန်ရက် အကောင့်မှာ စစ်တမ်း တစ်ခု ကောက်သွားပါမယ်... အကောင်းဆုံး ဖြေဆိုနိုင်တဲ့ ပရိသတ်တွေကို ချူဖုန်း ကိုယ်တိုင် လက်မှတ်ရေးထိုးထားတဲ့ ဂျာစီကို လက်ဆောင် ပေးသွားမှာပါ...”</p> <p style="text-align:justify">သူ့ဘေးတွင် ရပ်နေသော ကာရေဂါ တစ်ယောက် ရယ်ချင်စိတ်ကို မနည်း ထိန်းထားလိုက်ရ၏။ လက်စသတ်တော့ ဒီကောင် ပြောသွားတဲ့ စကားတွေ အားလုံးက သူ့ကိုယ်သူ လူစိတ်ဝင်စားမှု ရအောင် ဆွဲဆောင်နေတာကိုး။</p> <p style="text-align:justify">တကယ်ကို အပေးအယူ တည့်လွန်းတဲ့ ပါတနာကြီးပါပေ။ သူက လုပ်ချင်တာဆို ဘာမဆို လုပ်ရဲတဲ့ ကောင်မျိုး။</p> <p style="text-align:justify">ထိုအချိန်တွင် ချူဖုန်းမှာလည်း ပွဲအပြီး အင်တာဗျူးတွင် ပါဝင်ရန် မီဒီယာများ၏ ဖိတ်ကြားခြင်းကို ခံရလေသည်။ ချန်ပီယံလိဂ် အမှတ်တံဆိပ် နောက်ခံကားချပ်ရှေ့တွင် မတ်တတ်ရပ်နေသော သူ့အား သတင်းထောက်က မေးလိုက်၏။ </p> <p style="text-align:justify">“ဘယ်အသင်းနဲ့ ရင်ဆိုင်ရဖို့ မျှော်လင့်ထားလဲ...”</p> <p style="text-align:justify">“နောက်တစ်ဆင့်ကို တက်ရောက်ခွင့် သေချာသွားတဲ့ အသင်းတွေက တော့တင်ဟမ်နဲ့ ပေါ်တိုတို့ပါ... ပြီးတော့ တက်ရောက်ဖို့ ရာခိုင်နှုန်း များနေတဲ့ အသင်းတွေက ရီးရဲလ်မက်ဒရစ်၊ ဂျူဗင်တပ်စ်နဲ့ ဘာစီလိုနာတို့ပါ...” သတင်းထောက်က အလျင်အမြန်ပင် ရွေးချယ်စရာများကို ထုတ်ပြလိုက်သည်။</p> <p style="text-align:justify">“ဟင်း...” </p> <p style="text-align:justify">ချူဖုန်းက ခဏတာ တုံ့ဆိုင်းသွားပြီးနောက် ပြန်ဖြေလိုက်၏။ “ကျွန်တော်သာ ရွေးရမယ်ဆိုရင်... ရီးရဲလ်မက်ဒရစ်ကို ရွေးချင်တယ်...”</p> <p style="text-align:justify">ရော်နယ်ဒို တစ်ယောက် ဂျူဗင်တပ်စ်သို့ ထွက်ခွာသွားပြီးကတည်းက ရီးရဲလ်မက်ဒရစ်၏ ခြေစွမ်းမှာ အောက်ဆုံးအထိ ထိုးကျသွားခဲ့ပြီး ပြီးခဲ့သည့် နည်းပြဆိုလျှင် လေးလပင် မပြည့်သေးဘဲ ရာထူးမှ ထုတ်ပယ်ခံခဲ့ရသည်။</p> <p style="text-align:justify">ထို့ကြောင့် အကယ်၍ ရီးရဲလ်မက်ဒရစ်နှင့်သာ ထပ်မံ ရင်ဆိုင်ရပါက မန်ယူအသင်း အနေဖြင့် အနိုင်ရရန် အခွင့်အရေး အတော်လေး များပြားသည်ဟု ချူဖုန်း တွေးထား၏။</p> <p style="text-align:justify">နောက်ဆုံးတွင် ချူဖုန်းက ထပ်မံ ဖြည့်စွက် ပြောကြားလိုက်သည်။ “အာ... အေဂျက်စ် အသင်း ဆိုရင်လည်း မဆိုးဘူးဗျ...”</p> <p style="text-align:justify">သူ ပြန်လည် မမွေးဖွားလာခင်က အမုန်းဆုံး လူတွေက ဘယ်သူတွေလဲ။</p> <p style="text-align:justify">သေချာပေါက် တန်ဟက်ဂ်နှင့် အိုနာနာတို့ပင် ဖြစ်ပေသည်။</p> <p style="text-align:justify">တန်ဟက်ဂ်မှာ မေးခွန်းထုတ်စရာ ကောင်းလှသော သူ၏ နည်းစနစ်များကြောင့် နာမည်ကြီး၏။ ရိုးရိုးသားသား ပြောရလျှင် ထိုကတုံးကြီးသည် ယူရို သန်းရာချီ တန်သော ကစားသမား ခေါ်ယူမှုများတွင် ပွဲစားအဖြစ် ပါဝင်ခဲ့သည် ဟုပင် ချူဖုန်း သံသယ ဝင်မိသည်။</p> <p style="text-align:justify">အိုနာနာမှာမူ ပရီးမီးယားလိဂ်တွင် ရိုးရှင်းသော ဂိုးပေါက်တည့်ကန်ချက်များကို ကာကွယ်နိုင်ခြင်း မရှိရုံသာမက သူ၏ အသင်းဖော်များကို မကြာခဏ အပြစ်တင် ဝေဖန်ကာ အရှက်ခွဲလေ့ ရှိသူ ဖြစ်သည်။</p> <p style="text-align:justify">‘ငါသာ အေဂျက်စ်နဲ့ ကစားခွင့်ရရင်... အိုနာနာ ကွင်းထဲမှာ ဘယ်လောက် မြန်မြန် ပြေးနိုင်လဲ ဆိုတာ စမ်းသပ်ပစ်ဦးမယ်... သောက်ကောင်တွေ...’</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save