Book List

<h2 style="text-align: center;">​အခန်း (၃၄၀)</h2> <h2 style="text-align: center;">တစ်ဦးတည်း တိုက်ခိုက်ခြင်း</h2> <h2 style="text-align: center;">*</h2> <p> </p> <p>​နှစ်ဖက်စလုံးတွင် နားလည်မှုတစ်ခု ရှိနေကြသည်။</p> <p>မိစ္ဆာများ ဆုတ်ခွာသွားသည်ကို မြင်သောအခါ ကြယ်တာရာမြို့တော် အစောင့်တပ်များ၏ စိတ်ဓာတ်မှာ အလွန်ပင် တက်ကြွသွားသည်။</p> <p>မြို့သူမြို့သားများကလည်း ၎င်းတို့၏ အလံများကို လွှင့်ထူကာ အောင်ပွဲခံလိုက်ကြသည်။</p> <p>၎င်းတို့သည် ဤတိုက်ပွဲမှ အသက်ရှင် လွတ်မြောက်ခဲ့ပြီ။</p> <p>လင်းချီယဲ့သည် တစ်ကိုယ်တော် အခြေအနေကို ပြောင်းလဲပေးခဲ့ပြီး မသေမျိုးအဆင့် မိစ္ဆာလေးဆယ့်ကိုးကောင်ကို ရင်ဆိုင်ကာ တစ်ကောင်ကို သတ်ဖြတ်နိုင်ခဲ့ခြင်းက လူတိုင်း၏ အသိပညာကို အသစ်ဖြစ်စေခဲ့သည်။</p> <p>မှန်ပါသည်၊ ထိုမိစ္ဆာမှာ တကယ် မသေဆုံးသေးကြောင်း ၎င်းတို့ မသိကြပေ။ သို့သော် ၎င်းတို့ သိခဲ့လျှင်ပင် လင်းချီယဲ့အပေါ်ထားသော လေးစားမှုကိုမူ ထိခိုက်မည် မဟုတ်ပေ။</p> <p>အဆုံးတွင် သူသည် ထိုအချိန်က မသေမျိုးအဆင့် မိစ္ဆာလေးဆယ့်ကိုးကောင်ကို ရင်ဆိုင်နေခဲ့ရသည် မဟုတ်ပါလား။</p> <p>ဤကဲ့သို့သော တိုက်ပွဲမှတ်တမ်းမျိုးဖြင့် ကောင်းကင်ဘုံကျွန်းမှ ပါရမီရှင်များ လာလျှင်ပင် မည်မျှသော လူများက လင်းချီယဲ့နှင့် နှိုင်းယှဉ်နိုင်ပါမည်နည်း။</p> <p>လူတိုင်း အောင်ပွဲခံနေကြသော်လည်း လင်းချီယဲ့မှာမူ ထိုကိစ္စအတွက် မပျော်ရွှင်နိုင်ပေ။</p> <p>သူသည် အဓိက အင်အားစုများမှ အမာခံအဖွဲ့ဝင်များကို စုရုံးကာ အစည်းအဝေးတစ်ခု ပြုလုပ်ပြီး ၎င်းတို့ ရင်ဆိုင်နေရသော အခြေအနေကို ပြောပြခဲ့သည်။</p> <p>“ဒီမိစ္ဆာအုပ်စုမှာ ပြီးပြည့်စုံတဲ့ ဖွဲ့စည်းပုံရှိတယ်။ တချို့က ထူးကဲတဲ့ ခုခံနိုင်စွမ်းရှိပြီး တချို့က ပြန်လည်ဖြစ်တည်နိုင်စွမ်း ရှိကြတယ်။ အတိုချုပ်ပြောရရင် ငါတောင်မှ သူတို့ထဲက ဘယ်သူ့ကိုမှ သတ်လို့မရသေးဘူး”</p> <p>လင်းချီယဲ့၏ စကားကို ကြားရပြီး သူ၏ ပုံမှန်မဟုတ်သော တည်ကြည်သည့် မျက်နှာထားကို မြင်သောအခါ ရှိနေသူအားလုံးမှာ ဆွံ့အသွားကြသည်။</p> <p>သူ ပြောတာကို နားထောင်ကြည့်ဦး။ ဒါက လူသားတစ်ယောက် ပြောရမယ့် စကားလား။</p> <p>မသေမျိုးအဆင့် မိစ္ဆာ ဆယ်ဂဏန်းကို တည်ငြိမ်စွာ ရင်ဆိုင်ခဲ့ခြင်းမှာ သူ့အတွက်တော့ နောင်တရစရာနှင့် မကျေနပ်စရာ ကိစ္စတစ်ခု ဖြစ်နေပုံရသည်။</p> <p>“ချီယဲ့လေးရာ၊ မင်း အဲ့ဒီလို ပြောလိုက်တာ ငါတို့အတွက်တော့ တော်တော်လေးကို စိတ်ဓာတ်ကျစရာပဲ...”</p> <p>ဝမ်ရှူးဟုန်က ခါးသီးသော အပြုံးတစ်ခုကို ပြသလိုက်သည်။ ရှိနေသူအားလုံးထဲတွင် သူတစ်ယောက်သာ လင်းချီယဲ့ကို ချီယဲ့လေးဟု ခေါ်ရဲသည်။</p> <p>“ဟုတ်ပါတယ်။ ဒါ မင်းရဲ့ ပြဿနာ မဟုတ်ပါဘူး။ အဲ့ဒီမိစ္ဆာအုပ်စုက အရမ်းကို ယုတ်မာလွန်းတာပါ”</p> <p>အခြား စိန်အဆင့် ကျင့်ကြံသူများကလည်း ထောက်ခံလိုက်ကြသည်။</p> <p>“ဒါပေမဲ့ မင်းရဲ့ အင်အားက ဒီလောက်အထိ ကြောက်စရာကောင်းလိမ့်မယ်လို့ ငါတို့ မထင်ထားခဲ့ဘူး။ မင်းရှိနေသရွေ့တော့ အဲ့ဒီမသေမျိုးအဆင့် မိစ္ဆာတွေက သတိမထားဘဲနဲ့ အနားကပ်ရဲမှာ မဟုတ်ဘူးလို့ ငါယုံကြည်တယ်”</p> <p>“ဟုတ်တယ်။ အခုလောလောဆယ် မဆင်မခြင် မလှုပ်ရှားနဲ့ဦး။ မင်းရဲ့ အင်အားကို စုဆောင်းထားပြီး အဲ့ဒီမသေမျိုးအဆင့် မိစ္ဆာတွေကို ကိုင်တွယ်ဖို့ပဲ ထားလိုက်ပါ။ ကျန်တာကိုတော့ ငါတို့ဆီ လွှဲပေးလိုက်။ ငါတို့ သေရမယ်ဆိုရင်တောင် သူတို့ကို သေချာပေါက် တားဆီးထားပါ့မယ်”</p> <p>***</p> <p> </p>


Save