Book List

<h2 style="text-align: center;">​အပိုင်း ၃၄၅</h2> <h2 style="text-align: center;">အိပ်မက်ဆိုး စမ်းသပ်မှု</h2> <h2 style="text-align: center;">*</h2> <p> </p> <p>​မြို့ပြင်တွင် နတ်ဆိုးများစွာမှာ သူတို့၏ စွမ်းအင်များကို မြေပြင်ဆီသို့ အံ့ဩဖွယ်နှုန်းဖြင့် စတင်သွန်းလောင်းလိုက်ကြသည်။</p> <p>မြေပြင်ပေါ်တွင် ကြီးမားလှသော အစီရင်တစ်ခု စတင်ပေါ်ပေါက်လာသည်။</p> <p>လျှို့ဝှက်ဆန်းကြယ်ပြီး မကောင်းဆိုးဝါးဆန်သော ထိုအစီရင်မှာ လျင်မြန်စွာ ပြန့်နှံ့သွားသည်။ မကြာမီမှာပင် ၎င်းသည် မီတာသောင်းချီသော ဧရိယာကို လွှမ်းခြုံသွားခဲ့သည်။</p> <p>“ဒီနတ်ဆိုးတွေ ဘာလုပ်ဖို့ ကြိုးစားနေတာလဲ။” ဝတ်ကောင်းစားလှနှင့် လူက နတ်ဆိုးများ ဝိုင်းရံထားသော အစီရင်ကို ထိတ်လန့်တကြား အမူအရာဖြင့် ကြည့်လိုက်သည်။</p> <p>ဆံပင်ဖရိုဖရဲနှင့် အကြီးအကဲနှင့် ကိုယ်တော်ဝတ်စုံနှင့် ရှောင်စီပေ့ တို့၏ မျက်လုံးထဲတွင်လည်း နက်ရှိုင်းသော ကြောက်ရွံ့မှုများ ပေါ်လာသည်။</p> <p>“ဒါက သာမာန် ခေါ်ယူခြင်း အစီရင် မဟုတ်သလို၊ ဝါးမြိုခြင်း အစီရင်လည်း မဟုတ်ဘူး။”</p> <p>အတွေ့အကြုံရှိသော ဆံပင်ဖရိုဖရဲနှင့် အဘိုးအိုပင်လျှင် ထိုနတ်ဆိုးများ၏ တကယ့် ရည်ရွယ်ချက်ကို အဖြေရှာမရ ဖြစ်နေသည်။</p> <p>လင်းချီယဲ့၏ အမူအရာကသာ ပို၍ ပို၍ မှောင်မည်းလာခဲ့သည်။</p> <p>နောက်တစ်ခဏတွင် လူတိုင်း၏ ထိတ်လန့်ပြီး နားမလည်နိုင်သော အကြည့်များအောက်တွင် အစီရင်ကို ခေါ်ယူနေသည့် နတ်ဆိုးအုပ်စုမှာ သူတို့၏ အသက်ဓာတ်  များကို ထွေးထုတ်လာကြတော့သည်။</p> <p>“ပူဇော်တာလား ။ သူတို့ ကိုယ့်ကိုယ်ကိုယ် ပူဇော်နေကြတာလား။”</p> <p>ဆံပင်ဖရိုဖရဲနှင့် အကြီးအကဲ၏ သူငယ်အိမ်များ ရုတ်တရက် ကျုံ့သွားခဲ့သည်။</p> <p>အစီရင်ခံမှ တုနှိုင်းမရအောင် အားကောင်းသော စွမ်းအင်များ လျှံထွက်လာသည်ကို ခံစားလိုက်ရရာ သူ့အပါအဝင် မသေမျိုးအဆင့် ကျွမ်းကျင်သူ သုံးဦးစလုံးပင်လျှင် သူတို့၏ အမွေးအမျှင်များ ထောင်ထလာသည်အထိ ခံစားလိုက်ရသည်။</p> <p>အဲ့ဒါက မသေမျိုးအဆင့် နတ်ဆိုး ၄၉ ကောင်လေ။ သူတို့က ဒီအစီရင်ခံကို တည်ဆောက်ဖို့ သူတို့ရဲ့ အသက်တွေကိုတောင် ပူဇော်ဖို့ ဆန္ဒရှိကြတာလား။ သူတို့ ခေါ်ယူချင်နေတဲ့ တည်ရှိမှုက ဘယ်လောက်တောင် ကြောက်စရာကောင်းနေမှာလဲ။</p> <p>ဝုန်း။</p> <p>တုန်ခါနေသောအသံတစ်ခုက ဟင်းလင်းပြင်နှင့် အချိန်ကို ဖောက်ထွင်းထွက်ပေါ်လာသည်။ ကြယ်မြို့တော်သည် ဤလှုပ်ခတ်မှုအောက်တွင် တိတ်ဆိတ်သွားခဲ့သည်။</p> <p>လင်းချီယဲ့နှင့် အခြားသူများမှာ သူတို့၏ ခန္ဓာကိုယ်များ တောင့်တင်းသွားသလို ခံစားလိုက်ရသည်။</p> <p>ထိုအရှိန်အဝါက သူတို့၏ ဝိညာဉ်များ အနက်ရှိုင်းဆုံးအထိ တုန်လှုပ်သွားစေခဲ့သည်။</p> <p>“ဒါက မသေမျိုးအဆင့်ထက် သာလွန်တဲ့ တည်ရှိမှုပဲ။”</p> <p>မသေမျိုးအဆင့် ကျွမ်းကျင်သူများ၏ အမူအရာမှာ ဆိုးရွားသွားခဲ့သည်။</p> <p>လူတိုင်းက အစီရင်၏ ဗဟိုကို စိုက်ကြည့်နေကြသည်။ ပတ်ဝန်းကျင်ရှိ မသေမျိုးအဆင့် နတ်ဆိုးများ၏ အသက်ဓာတ်မှာ လျင်မြန်စွာ ဝါးမြိုခံလိုက်ရသည်။</p> <p>ခဏအတွင်းမှာပင် နတ်ဆိုး ၄၉ ကောင်လုံးမှာ အသက်မဲ့နေသော အခွံအလွတ်များအဖြစ် လုံးဝ ပြောင်းလဲသွားခဲ့သည်။ သူတို့ ခန္ဓာကိုယ်ထဲရှိ စွမ်းအင်များလည်း လုံးဝ ခမ်းခြောက်သွားခဲ့ပြီ။</p> <p>တစ်ချိန်တည်းမှာပင် အစီရင်ခံ၏ ဗဟိုရှိ ကြောက်မက်ဖွယ်ကောင်းသော လှုပ်ခတ်မှုများမှာ ပို၍ ပို၍ ထင်ရှားလာခဲ့သည်။</p> <p>မီတာ ရာနှင့်ချီ၍ ကျယ်ပြန့်သော ကြီးမားလှသော နတ်ဆိုးလက်သည်းကြီးတစ်ခုမှာ အစီရင်ခံထဲမှ ဖြည်းညှင်းစွာ တွားထွက်လာသည်။</p> <p>ချက်ချင်းဆိုသလိုပင် ထိုလက်သည်းက မြေပြင်ကို အုပ်ကိုင်လိုက်ပြီး ရုတ်တရက် အားစိုက်လိုက်သည်။ ပါးစပ်တွင် စွယ်များ ပြည့်နှက်နေပြီး မျက်နှာပေါ်တွင် အပေါက်များရှိသည့် ကြီးမားလှသော ခေါင်းကြီးတစ်ခု ရုတ်တရက် ပြူထွက်လာသည်။</p> <p>“ဟူး...”</p> <p>လူတိုင်းက ထိုကြီးမားလှသော ခေါင်းပေါ်ရှိ မျက်လုံးများကို ကြည့်ကာ အသက်ရှူမှားသွားကြသည်။</p> <p>မျက်လုံးတစ်စုံမှာ မီတာ ဒါဇင်ပေါင်းများစွာ ကျယ်ပြန့်နေပြီး အနီရဲရဲ သူငယ်အိမ်များမှာ မကောင်းဆိုးဝါး အလင်းတန်းများဖြင့် လက်ဖျက်နေသည်။</p> <p>၎င်း၏ အကြည့်ဒဏ်ကို ခံလိုက်ရသော လူတိုင်းမှာ နှစ်ပေါင်း တစ်သောင်းသက်တမ်းရှိသော ရေခဲဂူထဲသို့ ကျရောက်သွားသလို ခံစားလိုက်ရသည်။ သူတို့၏ သွေးများပင်လျှင် ခဲသွားပြီး စီးဆင်းမှု ရပ်တန့်သွားပုံရသည်။</p> <p>နောက်ဆုံးတွင် ၎င်း၏ အကြည့်မှာ လင်းချီယဲ့ပေါ်သို့ ကျရောက်သွားသည်။ လင်းချီယဲ့မှာ ချက်ချင်းပင် ချွေးအေးများ ထွက်လာခဲ့သည်။</p> <p>ထိုအခိုက်အတန့်တွင် သူ၏ ဘယ်ဘက် မသေမျိုးမျက်လုံးမှာ ပြင်းထန်သော အနီရောင်အလင်းတန်းများဖြင့် ရုတ်တရက် ပေါက်ကွဲထွက်လာသည်။ မမြင်နိုင်သော  စွမ်းအားတစ်ခု တိုးထွက်လာပြီး စူးရှသော အော်ဟစ်သံတစ်ခုမှာ ကောင်းကင်ယံသို့ ဟိန်းထွက်သွားသည်။</p> <p>ရှိနေသူတိုင်းမှာ နာကျင်မှုကြောင့် သူတို့၏ ခေါင်းများကို အုပ်ကာ ထိုင်ချလိုက်ကြရသည်။</p> <p>သို့သော် ထိုစူးရှသော အော်ဟစ်သံအောက်တွင် လူတိုင်းမှာ နတ်ဆိုး၏ ကြောက်ရွံ့မှုမှ ပြန်လည် နိုးထလာကြသည်။</p> <p>သူတို့က သူတို့၏ ခေါင်းများကို အုပ်ကာ မြေပြင်ပေါ်တွင် ထိုင်နေကြသည်။ မသေမျိုးအဆင့် ကျွမ်းကျင်သူ သုံးဦးသာလျှင် သူတို့၏ ခေါင်းများကို ခက်ခဲစွာနှင့် နာကျင်စွာ မော့ကြည့်နိုင်ကြပြီး လင်းချီယဲ့ရှိရာ အရပ်ကို ကြည့်လိုက်ကြသည်။</p> <p>“အင်း။” ဇဝေဇဝါဖြစ်နေသော အသံတစ်ခုမှာ လူတိုင်း၏ နှလုံးသားကို ဗုံတီးလိုက်သလို ရိုက်ခတ်သွားသည်။</p> <p>အစီရင်၏ ဗဟိုရှိ ကြီးမားသော ခေါင်းကြီး၏ မျက်လုံးထဲတွင် ထိတ်လန့်မှုနှင့် ဇဝေဇဝါ ဖြစ်မှုများ ရှိနေသည်။</p> <p>၎င်းက တစ်ဖန် ပြန်၍ အားစိုက်လိုက်ပြီး ၎င်း၏ အခြားလက်မောင်းတစ်ခုကို အစီရင်ခံထဲမှ ထုတ်လိုက်သည်။</p> <p>မကြာမီမှာပင် ၎င်း၏ တစ်ကိုယ်လုံး ထွက်ပေါ်လာခဲ့သည်။ အစမှ အဆုံးအထိ ၎င်း၏ မျက်လုံးများမှာ လင်းချီယဲ့ပေါ်တွင်သာ စွဲမြဲနေပြီး လက်မတစ်လုံးပင် မရွေ့ခဲ့ပေ။</p> <p>လင်းချီယဲ့က နာကျင်မှုကြောင့် သူ့ဘယ်ဘက်မျက်လုံးကို အုပ်ထားခဲ့ပြီး သွေးများ စိမ့်ထွက်နေသည်။</p> <p>သူသည် အခုလေးတင် ပြင်းထန်သော စိတ်ပိုင်းဆိုင်ရာ တိုက်ခိုက်မှုကို ခံစားခဲ့ရခြင်း ဖြစ်သည်။ အကယ်၍ သူ့တွင် မသေမျိုးမျက်လုံး၏ ကာကွယ်မှုသာ မရှိခဲ့လျှင် သူသည် အခုလောက်ဆိုလျှင် ဝိညာဉ်မဲ့နေသော ရုပ်သေးရုပ်တစ်ခုအဖြစ် ပြောင်းလဲသွားလောက်ပြီ။</p> <p>“ကောင်းကင်ဘုံ... ကောင်းကင်ဘုံ မသေမျိုး နတ်ဆိုး  ပဲ။”</p> <p>လင်းချီယဲ့သည် မီတာ တစ်သောင်း မြင့်သော ထိုသတ္တဝါကြီးကို စိုက်ကြည့်နေသည်။ လျှပ်စစ်နတ်ဘုရား ပုံရိပ် (Thunder God Aspect) ပင်လျှင် ဤနတ်ဆိုးကို မယှဉ်နိုင်ပေ။</p> <p>“မင်းက တကယ်ကို ထူးခြားတာပဲ။ အချိန်ပေးမယ်ဆိုရင် မင်းက သေချာပေါက် အမြင့်မြတ်ဆုံး တည်ရှိမှု တစ်ခု ဖြစ်လာမှာပါ။”</p> <p>ကောင်းကင်ဘုံ မသေမျိုး နတ်ဆိုးကလည်း လင်းချီယဲ့ကို စိုက်ကြည့်နေသည်။ ၎င်းသည် ချက်ချင်း တိုက်ခိုက်ခြင်း မပြုခဲ့ပေ။ ဆန့်ကျင်ဘက်အားဖြင့် ၎င်းသည် မသေမျိုးအသိစိတ်မှတစ်ဆင့် လင်းချီယဲ့နှင့် ဆက်သွယ်ခဲ့သည်။</p> <p>လင်းချီယဲ့က အသက်ကို ပြင်းပြင်းရှူလိုက်သည်။ ဤပြင်းထန်သော ဖိအားအောက်တွင် သူ၏ အသက်ရှူသံပင်လျှင် အနည်းငယ် တုန်လှုပ်နေသည်။</p> <p>သို့သော် သူ၏ အခြေအနေမှာ ကောင်းမွန်သည်ဟု ဆိုရမည်။ အခြားသော မသေမျိုးအဆင့် ကျွမ်းကျင်သူများမှာ မတ်တတ်ပင် မရပ်နိုင်ကြတော့ချေ။</p> <p>စိန်အဆင့် ကျင့်ကြံသူ အုပ်စုမှာမူ မြေပြင်ပေါ်တွင် လဲလျောင်းနေကြပြီး လုံးဝ မလှုပ်ရှားနိုင်ကြတော့ပေ။</p> <p>ဒါက ကောင်းကင်ဘုံ မသေမျိုးဆီက လာတဲ့ ဖိအားပဲ။</p> <p>လင်းချီယဲ့က နတ်ဆိုးကို စကားတစ်ခွန်းမှ မပြောဘဲ စိုက်ကြည့်နေပြီး သူ့အမူအရာက လေးနက်နေသည်။</p> <p>အကယ်၍ သူသာ ပြန်မခုခံဘူးဆိုရင် သူ့ကို စောင့်ကြိုနေမယ့် တစ်ခုတည်းသော ရလဒ်က နတ်ဆိုးရဲ့ ရုပ်သေးရုပ် ဖြစ်သွားဖို့ပဲဆိုတာ သူ သိနေတယ်။</p> <p>ဒါပေမဲ့ သူ တိုက်ခိုက်မယ်ဆိုရင်တောင်မှ ကောင်းကင်ဘုံ မသေမျိုး တည်ရှိမှုတစ်ခုကို ဘာနဲ့ သွားတိုက်မှာလဲ။</p> <p>မကြုံစဖူးသော ဖိအားများက သူ့နှလုံးသားကို တိုက်ခိုက်လာရာ လင်းချီယဲ့သည် သူ့ခန္ဓာကိုယ်ရှိ ဆဲလ်အားလုံး အနည်းငယ် တုန်ခါလာသည်ကို ခံစားလိုက်ရသည်။</p> <p>၎င်းသည် ကြောက်ရွံ့မှုကြောင့် မဟုတ်ဘဲ တိုက်ခိုက်လိုသော ပြင်းထန်သည့် ဆန္ဒကြောင့် ဖြစ်သည်။</p> <p>ကောင်းကင်ဘုံ မသေမျိုး နတ်ဆိုးလား။</p> <p>ဒါဆိုတော့ ဘာဖြစ်လဲ။</p> <p>လင်းချီယဲ့၏ အရှိန်အဝါမှာ ရုတ်တရက် မြင့်တက်လာခဲ့သည်။ ကောင်းကင်ဘုံ မသေမျိုး နတ်ဆိုး ဆောင်ကြဉ်းလာသော ဖိနှိပ်မှုများမှာ တဖြည်းဖြည်းနှင့် ပျယ်ပြယ်သွားခဲ့ပြီး သူသည် ၎င်းနှင့် တန်းတူပင် ဖြစ်နေပုံရသည်။</p> <p>“ဘာ။ သူက ကောင်းကင်ဘုံ မသေမျိုး နတ်ဆိုးရဲ့ အရှိန်အဝါကို တောင့်ခံနိုင်နေတာလား။”</p> <p>ဝတ်ကောင်းစားလှနှင့် လူက မြေပြင်ပေါ်တွင် ဒူးထောက်နေပြီး အားစိုက်လျက် လင်းချီယဲ့ကို အံ့ဩတကြီး စိုက်ကြည့်နေသည်။</p> <p>ဆံပင်ဖရိုဖရဲနှင့် အကြီးအကဲ၏ မျက်လုံးများတွင်လည်း မကြုံစဖူးသော အလင်းတန်းများ တောက်ပလာခဲ့သည်။</p> <p>ဝုန်း။ ပေါက်ကွဲသံတစ်ခုမှာ ကောင်းကင်ယံမှ ရုတ်တရက် ထွက်ပေါ်လာသည်။</p> <p>ထူထပ်သော တိမ်တိုက်အလွှာကြီးမှာ ပေါက်ကွဲသွားခဲ့ပြီး မီတာ တစ်သောင်းကျော် မြင့်သော လျှပ်စစ်နတ်ဘုရား ပုံရိပ်သည် ဝုန်းခနဲ ဆင်းသက်လာကာ သူ့ထက် ခေါင်းနှစ်လုံး ပိုမြင့်သော နတ်ဆိုးကို တိုက်ရိုက် ရင်ဆိုင်လိုက်တော့သည်။</p> <p> </p> <p> </p>


Save