Book List

<h2 style="text-align: center;">​အခန်း ၃၇၈ - ကမ္ဘာကြီးကို မိစ္ဆာတွေက ညစ်ညမ်းအောင် လုပ်ထားတာလား</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​“ဒါဆိုရင်တော့ ဒါက မင်းနဲ့ သင့်တော်ပါတယ်။ ဒါပေမဲ့ ဒီပစ္စည်းတွေကို ရှာဖို့ကတော့ မလွယ်ဘူး။”</p> <p>သူတို့နှစ်ဦးသည် စာရင်းတစ်ခုရှေ့တွင် လဲလျောင်းကာ ၎င်းပေါ်ရှိ စာလုံးများကို ထောက်ပြနေကြ၏။</p> <p>“ငါ့ဆီမှာ အခု ဒီပစ္စည်းအချို့ ရှိနေပေမဲ့ အရေးကြီးတဲ့ အရာအချို့တော့ လိုနေသေးတယ်။”</p> <p>“ဒီပစ္စည်းတွေကို မင်းဘာသာ ရှာမယ်ဆိုရင်တော့ နည်းနည်းတော့ ခက်လိမ့်မယ်။ အများစုက ရတနာတွေဖြစ်ပြီး တောင်ပေါ်က မိစ္ဆာကြီးတွေရဲ့ လက်ထဲမှာ ရှိတာ။ အဲ့ဒါတွေကို ရဖို့က မလွယ်ဘူး။”</p> <p>မိစ္ဆာကြီးတစ်ကောင်ရဲ့ လက်ထဲမှာလား။</p> <p>လင်းချီယဲ့ ပြုံးလိုက်သည်။ “ရှာလို့တွေ့နိုင်သရွေ့တော့ အဆင်ပြေပါတယ်။ ဘယ်မိစ္ဆာလက်ထဲမှာ ရှိနေလဲဆိုတာက အရေးမကြီးပါဘူး။”</p> <p>မိစ္ဆာကြီးဆိုသည်မှာ ‘နတ်သားသန္ဓေအဆင့်’  အထက်ရှိ မိစ္ဆာများ ဖြစ်သည်။</p> <p>သူ၏ လက်ရှိ စိတ်စွမ်းအား အဆင့်ဖြင့်ဆိုလျှင် ‘နတ်သားသန္ဓေအဆင့်’ နှောင်းပိုင်းနှင့် နှိုင်းယှဉ်နိုင်သည်။</p> <p>ယုံကြည်ခြင်း စွမ်းအားနှင့် ပေါင်းစပ်လိုက်လျှင် ‘ပေါင်းစပ်ခြင်းအဆင့်’  အစောပိုင်း ပြိုင်ဘက်တစ်ဦးနှင့် ရင်ဆိုင်ရလျှင်ပင် လင်းချီယဲ့တွင် အနိုင်ရရန် ၈၀ ရာခိုင်နှုန်း အခွင့်အရေး ရှိသည်။</p> <p>“မင်း အဲ့ဒီမိစ္ဆာကြီးတွေကို လုယူချင်တာတော့ မဟုတ်ပါဘူးနော်။”</p> <p>လိန်မွန်းက လင်းချီယဲ့၏ အမူအရာကို ကြည့်ကာ မယုံကြည်နိုင်စွာဖြင့် ပါးစပ်အဟောင်းသား ဖြစ်သွားရ၏။</p> <p>“ငါ မင်းကို အကြံပေးချင်တာကတော့ အဲ့ဒီလို မလုပ်ပါနဲ့။ ဒီနေ့ မင်း ကျားမိစ္ဆာကို အနိုင်ယူခဲ့ပေမဲ့ သူက အဲ့လောက် မသန်မာဘူး။”</p> <p>​“ဒီအနီးအနားမှာ ‘ပေါင်းစပ်ခြင်းအဆင့်’ အထွတ်အထိပ်က မိစ္ဆာတစ်ကောင် ရှိတယ်။ သူက အဲ့ဒီကျားကို လက်ဝါးတစ်ချက်တည်းနဲ့ သတ်နိုင်တယ်။”</p> <p>လင်းချီယဲ့၏ အမူအရာကို မြင်သောအခါ လိန်မွန်းက ထိတ်လန့်သွားသည်။</p> <p>သို့သော် လင်းချီယဲ့က ဘာလုပ်ရမည်ကို သိ၏။</p> <p>သူက လိန်မွန်းကို ပြုံးပြလိုက်ပြီး “စိတ်မပူပါနဲ့။ ငါ မိုက်မဲတာ မဟုတ်ပါဘူး။ ငါ လုံလောက်အောင် မသန်မာသေးခင်မှာ ငါ့ထက် သန်မာတဲ့သူတွေကို သွားပြီး မဆွပါဘူး။” ဟု ဆိုသည်။</p> <p>“မင်း လုံလောက်အောင် မသန်မာသေးခင်လား။ ဒါပေမဲ့ မင်း ကျင့်ကြံနေချိန်မှာ တခြားသူတွေလည်း တိုးတက်နေမှာပဲ။”</p> <p>လိန်မွန်းက လင်းချီယဲ့သည် အလွန်အမင်း မာန်တက်နေသည်ဟု ခံစားရသည်။</p> <p>“ငါ့ရဲ့ တိုးတက်မှုနှုန်းကိုတော့ ငါ တော်တော်လေး ယုံကြည်မှု ရှိပါတယ်။” လင်းချီယဲ့က ခပ်အေးအေးပင် ပြုံးလိုက်သည်။</p> <p>“သုညကနေ အခုအထိ ငါက ‘နတ်သားသန္ဓေအဆင့်’ နှောင်းပိုင်း ကျင့်ကြံသူတစ်ယောက်နဲ့ နှိုင်းယှဉ်လို့ ရနေပြီ။ ငါ ကျင့်ကြံခဲ့တဲ့ အချိန်ကတော့ တစ်နှစ်တောင် မပြည့်သေးဘူး။”</p> <p>လင်းချီယဲ့က ပေါ့ပေါ့ပါးပါး ပြောလိုက်သော်လည်း လိန်မွန်း၏ နားထဲတွင်မူ သူမ ကြားလိုက်ရသည်မှာ မှားနေသလားဟုပင် သံသယဝင်သွားရလောက်အောင် ထိတ်လန့်သွားရ၏။</p> <p>“မင်းက ကျင့်ကြံတာ တစ်နှစ်တောင် မပြည့်သေးဘူးလို့ ပြောတာလား။ ဒါက မဖြစ်နိုင်ဘူး။”</p> <p>လိန်မွန်း၏ မျက်လုံးများ ပြူးကျယ်သွားကာ သူမ ခုန်ထလိုက်မိသည်။ သို့သော် သူမ၏ ဒဏ်ရာများကို ထိခိုက်သွားသဖြင့် ချက်ချင်းပင် နာကျင်စွာဖြင့် မျက်နှာပျက်သွားရ၏။</p> <p>“ဒါ အမှန်တရားပဲ။ နောက်နှစ်လ၊ သုံးလအတွင်းမှာ ‘ပေါင်းစပ်ခြင်းအဆင့်’ ကို ငါ ချိုးဖျက်နိုင်မယ်လို့ ခန့်မှန်းထားတယ်။” လင်းချီယဲ့က ပုခုံးတွန့်ကာ အေးအေးဆေးဆေးပင် ပြောလိုက်သည်။</p> <p>“...”</p> <p>လိန်မွန်း စကားမပြောနိုင် ဖြစ်သွားရ၏။ သူမသည် နှုတ်ခမ်းကို အနည်းငယ် ဟလိုက်ပြီး သူ့ကို မိစ္ဆာတစ်ကောင်ကဲ့သို့ ကြည့်နေမိသည်။</p> <p>သူမ ပြန်စဉ်းစားကြည့်သောအခါ ၎င်းမှာ အဓိပ္ပာယ်ရှိနေ၏။ သူမ တောင်ပေါ်မှာ ရှိစဉ်က လင်းချီယဲ့သည် အစီအရင်၏ အကူအညီဖြင့် ‘ရွှေအမြုတေအဆင့်’ အလယ်ပိုင်းတွင်သာ ရှိသေးသည်ကို တွေ့ရှိခဲ့သည်။</p> <p>သူမတွင် အစီအရင် မရှိသဖြင့် သူ၏ အစွမ်းကို တိုက်ရိုက် မမြင်နိုင်သော်လည်း သူသည် ကျားမိစ္ဆာကို သက်သောင့်သက်သာပင် ထိန်းချုပ်နိုင်ခဲ့သည်။</p> <p>လင်းချီယဲ့သည် တခြားသူများနှင့်မတူဘဲ ကွဲပြားစွာ ကျင့်ကြံနေပြီး သူ၏ အစွမ်းမှာ ထိတ်လန့်စရာကောင်းလောက်အောင် တိုးတက်နေခြင်း ဖြစ်သည်။</p> <p>သုံးလအတွင်းမှာပင် သူသည် ‘ရွှေအမြုတေအဆင့်’ အလယ်ပိုင်းမှ ‘နတ်သားသန္ဓေအဆင့်’ နှောင်းပိုင်းသို့ ရောက်ရှိခဲ့ပြီ။</p> <p>သူ့ကို ကြောက်မက်ဖွယ်ကောင်းပြီး ပုံမှန်မဟုတ်သူတစ်ဦးဟု ဖော်ပြနိုင်သည်။</p> <p>လင်းချီယဲ့က အများကြီး ရှင်းမပြတော့ပေ။ သူက လိန်မွန်းကို ကြည့်ကာ “မင်း စိန့်ကင်းတောင်မှာ နှစ်ပေါင်းရာချီ ကျင့်ကြံခဲ့တယ်လို့ ပြောခဲ့တယ်နော်။ အနီးအနား တောင်တွေပေါ်က မိစ္ဆာတွေနဲ့ မင်း ရင်းနှီးသင့်တယ် မဟုတ်လား။” ဟု မေးလိုက်သည်။</p> <p>လိန်မွန်းက ခေါင်းညိတ်လိုက်သည်။</p> <p>“အနည်းနဲ့အများတော့ သိပါတယ်။ ဒါပေမဲ့ အများစုနဲ့တော့ သိပ်မရင်းနှီးဘူး။ ငါတို့က အသိတွေလို့ပဲ ပြောလို့ရမယ်။”</p> <p>လင်းချီယဲ့က ခေါင်းညိတ်လိုက်ပြီး အတွေးနက်သွားသည်။</p> <p>သူသည် လိန်မွန်း၏ အကူအညီကို လိုချင်နေခြင်း ဖြစ်သည်။ သူမနှင့် ရင်းနှီးသော မိစ္ဆာများကို ရှာဖွေပြီး သူ၏ ရုပ်ခန္ဓာကို ပုံဖော်ရန် လိုအပ်သော ပစ္စည်းများကို ရနိုင်မလားဟု သူ သိလိုသည်။</p> <p>သိသာလှသည်မှာ သူသည် ထိုပစ္စည်းများကို အလကား ယူမည်မဟုတ်ပေ။ တန်ဖိုးတူညီသော အရာများနှင့် အလဲအလှယ် လုပ်မည်ဖြစ်သည်။</p> <p>သူ၏ ‘သက်စောင့် ဆီမီးအိမ် ရတနာ’ ထဲတွင် တန်ဖိုးတူညီသော ပစ္စည်းများစွာ သိုလှောင်ထားပြီးသား ဖြစ်၏။</p> <p>၎င်းတို့ထဲမှ မည်သည့်အရာမဆို ‘နတ်သားသန္ဓေအဆင့်’ မိစ္ဆာတစ်ကောင်၏ ပိုင်ဆိုင်မှု တစ်ခုလုံးနီးပါးနှင့် တန်ဖိုးတူပေလိမ့်မည်။</p> <p>စတားမြို့တော်မှာ ရှိစဉ်က အဓိက အဖွဲ့အစည်းကြီးများက သူ့ကို ရတနာများစွာ ပေးခဲ့ကြသည် မဟုတ်ပါလား။</p> <p>“ဒီလိုလုပ်ရအောင်။ မင်းရဲ့ သူငယ်ချင်းကောင်းတွေနဲ့ ဆက်သွယ်ပြီး ငါလိုချင်တဲ့ ပစ္စည်းတွေ ရှိမရှိ ကြည့်ပေးပါ။ ရှိရင် သူတို့ကို ဒီကို ဖိတ်ခေါ်ပေးပါ။ တခြားရတနာတွေနဲ့ လဲလှယ်ဖို့ ငါ အဆင်သင့်ပဲ။</p> <p>“ပြီးတော့ ကြားခံလူ အနေနဲ့ မင်းကိုလည်း ငါ ဆုလာဘ်တစ်ခု ပေးပါ့မယ်။”</p> <p>လင်းချီယဲ့၏ စကား ပထမပိုင်းကို ကြားသောအခါ လိန်မွန်းက တွေဝေခြင်းမရှိဘဲ ခေါင်းညိတ်လိုက်သည်။ သို့သော် ဒုတိယပိုင်းကို ကြားသောအခါ သူမ၏ မျက်နှာမှာ ချက်ချင်းပင် ပျက်သွား၏။</p> <p>“မင်း ဘာကို ဆိုလိုတာလဲ။ ငါ့ကို ဘယ်လိုလူလို့ ထင်နေတာလဲ။ ငါတို့ ဆက်ဆံရေးနဲ့ဆိုရင် ဆုလာဘ်တွေအကြောင်း ပြောဖို့ လိုသေးလို့လား။”</p> <p>လိန်မွန်းမှာ စိတ်အနှောင့်အယှက် ဖြစ်သွားပုံရသည်။</p> <p>“အင်း...”</p> <p>လင်းချီယဲ့ စကားမပြောနိုင် ဖြစ်သွားရ၏။ လိန်မွန်းကို အကြောင်းမရှိဘဲ အကူအညီ မတောင်းသင့်ဘူးဟု သူ ထင်ခဲ့ခြင်း ဖြစ်သည်။ သူမက ဤမျှအထိ ပြင်းပြင်းထန်ထန် တုံ့ပြန်လိမ့်မည်ဟု သူ မျှော်လင့်မထားပေ။</p> <p>“ကောင်းပါပြီ ဒါဆိုရင်။ မင်းကိုပဲ ဒုက္ခပေးရတော့မှာပဲ။”</p> <p>လိန်မွန်း၏ ဒဏ်ရာအများစုကို ကုသပေးပြီးနောက် သူမသည် လင်းချီယဲ့ထက်ပင် ပို၍ စိတ်လှုပ်ရှားနေပုံရသည်။ သူမသည် သန့်စင်သောကလေးငယ် ဘုရားကျောင်းမှ အလျင်အမြန် ထွက်ခွာသွားကာ တောင်ပေါ်ရှိ သူမ၏ သူငယ်ချင်းကောင်းများထံသို့ သွားရောက်လည်ပတ်လေတော့သည်။</p> <p>ထိုအတောအတွင်း လင်းချီယဲ့သည် ဘုရားကျောင်းမှာပင် ဆက်လက်နေထိုင်ကာ သူ၏ မသေမျိုး အသိစိတ် ဝိညာဉ်ကို ကျင့်ကြံနေ၏။</p> <p>တစ်ချိန်တည်းမှာပင် မိစ္ဆာများ ကျူးကျော်မှုကြောင့် တာတာရွာတွင် သူတို့ကို ကာကွယ်ပေးနေသော သန့်စင်သော ဝိညာဉ်တော် တစ်ဦးရှိရုံသာမက ထိုသူမှာ အလွန်ပင် သန်မာသူဖြစ်ကြောင်း အနီးနားရှိ ရွာအားလုံးက သိရှိသွားကြသည်။</p> <p>“ဘုရားရေ။ တာတာရွာကို စောင့်ရှောက်နေတဲ့ သန့်စင်သော ဝိညာဉ်တော်က ကျူးကျော်လာတဲ့ မိစ္ဆာထောင်ပေါင်းများစွာကို လက်တစ်ဖက်တည်းနဲ့ မောင်းထုတ်လိုက်တယ်လို့ ငါ ကြားတယ်။ သူက တကယ်ကို သန်မာတာပဲ။”</p> <p>“မောင်းထုတ်လိုက်တာလား။ ငါ့ရဲ့ ဦးလေးက တာတာရွာမှာ ရှိတာ။ သူ အဲ့ဒီနေ့က ရှင်းလင်းရေးမှာ ပါခဲ့တယ်။ သွေးတွေတင် ကီလိုမီတာ အတော်များများအထိ မြေကြီးကို နီရဲသွားစေတာ။ ငါထင်တာတော့ မိစ္ဆာတွေ အကုန်လုံးကို သန့်စင်သော ဝိညာဉ်တော်က သတ်ပစ်လိုက်တာ ဖြစ်ရမယ်။”</p> <p>“ဟာ။ အဲ့ဒါ အမှန်ပဲလား။ မင်း ကြွားနေတာတော့ မဟုတ်ပါဘူးနော်။”</p> <p>“ဟုတ်တယ်လေ။ မိစ္ဆာထောင်ပေါင်းများစွာကို အဲ့ဒီလို သန့်စင်သော ဝိညာဉ်တော် တစ်ယောက်တည်းက ဘယ်လိုလုပ်ပြီး ရင်ဆိုင်နိုင်မှာလဲ။”</p> <p>“ဟုတ်ပ။ အိမ်နီးချင်းရွာက ဆရာဝမ်ဆိုရင် တစ္ဆေတစ်ကောင်ကိုတောင် ခက်ခက်ခဲခဲ ကိုင်တွယ်ရတာ။ မိစ္ဆာထောင်ပေါင်းများစွာဆိုရင်တော့ နတ်ဘုရားတစ်ပါး ဆင်းသက်လာရင်တောင် ဒုက္ခရောက်မှာပဲ။”</p> <p>“မင်းတို့ ယုံချင်ယုံ မယုံချင်နေ။ သန့်စင်သော ဝိညာဉ်တော်နောက်ကို လိုက်တဲ့ မြေခွေးမသေမျိုးတောင် ဒီဖြစ်ရပ်မှာ အပြင်းအထန် ဒဏ်ရာရခဲ့တယ်လို့ ငါ ကြားတယ်။ ဒါက အတု မဖြစ်နိုင်ဘူး။”</p> <p>တာတာရွာ အနီးနားရှိ ရွာများတွင် ကောလာဟလ အမျိုးမျိုး ပျံ့နှံ့နေလေသည်။</p> <p>အချို့လူများမှာ သန့်စင်သောကလေးငယ်၏ အစွမ်းကို အံ့ဩနေကြသလို အချို့မှာမူ ကောလာဟလများမှာ ချဲ့ကားထားခြင်းဖြစ်မည်ဟု သံသယရှိနေကြသည်။</p> <p>သို့သော် သူတို့ ယုံသည်ဖြစ်စေ၊ မယုံသည်ဖြစ်စေ အရေးမကြီးပေ။</p> <p>တာတာရွာတွင် သန့်စင်သော ဝိညာဉ်တော်၏ ကာကွယ်မှုကို ရရှိထားသည်ကို လူတိုင်းနီးပါး မနာလို ဖြစ်နေကြသည်မှာ အမှန်ပင်။</p> <p>ဘာပဲဖြစ်ဖြစ် ကောလာဟလတွေလောက် မသန်မာဘူးဆိုရင်တောင် သူ့မှာ တစ်စုံတစ်ရာ အစွမ်းရှိတာတော့ သေချာသည်။</p> <p>ထို့အပြင် လူများစွာမှာ သန့်စင်သောကလေးငယ် ဘုရားကျောင်းသို့ လာရောက် ပူဇော်ကန်တော့ကြ၏။</p> <p>၎င်းတို့ထဲမှ လူများစွာမှာ အကျိုးကျေးဇူးများ ရရှိကြပြီး ပြန်ရောက်သောအခါ သူတို့၏ စိတ်ဓာတ်များမှာလည်း မြင့်တက်လာကြသည်။</p> <p>ထို့ကြောင့် လူအများအပြားမှာ သန့်စင်သော ဝိညာဉ်တော်ကို ကိုးကွယ်ရန် တာတာရွာသို့ ပိုမိုလာရောက်ကြပြီး လင်းချီယဲ့၏ ကျော်ကြားမှုမှာ တဖြည်းဖြည်း ပျံ့နှံ့သွားကာ ပိုမို၍ နတ်ဘုရားဆန်လာလေသည်။</p> <p>မိစ္ဆာများ နှိမ်နင်းသည့် ဖြစ်ရပ်မှစ၍ ရက်သတ္တပတ် နှစ်ပတ်ခန့် ကုန်ဆုံးသွားခဲ့ပြီ။</p> <p>တာတာရွာမှ ရွာသားများသည် မိစ္ဆာသွေးများဖြင့် ညစ်ညမ်းနေသော မြေကွက်ကို ခြံစည်းရိုး ခတ်ထားကြပြီ ဖြစ်သည်။</p> <p>၎င်းမှာ လင်းချီယဲ့၏ အမိန့်ကြောင့် ဖြစ်သည်။ အဘယ်ကြောင့်ဆိုသော် မိစ္ဆာသွေးများတွင် ဝိညာဉ်စွမ်းအင်များ ကြွယ်ဝစွာ ပါဝင်နေသဖြင့် မြေကြီးကို ပြောင်းလဲစေသောကြောင့် ဖြစ်၏။</p> <p>ထိုနေရာရှိ အပင်များမှာ အလွန်လျင်မြန်စွာ ကြီးထွားလာကြပြီး ၎င်းတို့၏ ရင့်မှည့်ချိန်မှာ အခြားမြေများထက် များစွာ တိုတောင်းလှသည်။</p> <p>၎င်းမှာ ကြီးမားသော အကျိုးကျေးဇူးဟု ထင်ရသော်လည်း ဤကမ္ဘာရှိ ဝိညာဉ်စွမ်းအင်များမှာ ညစ်ညမ်းနေမလားဟု လင်းချီယဲ့ တွေးတောနေမိသည်။</p> <p>အကယ်၍ ၎င်းမှာ ညစ်ညမ်းနေပါက ဝိညာဉ်စွမ်းအင်များ ပါဝင်သည့် မိစ္ဆာသွေးမှာ သာမန်လူများအတွက် အန္တရာယ်သာ ရှိပေလိမ့်မည်။</p> <p>အနည်းငယ် ထိတွေ့ရုံနှင့် ဘာမှမဖြစ်နိုင်သော်လည်း ရေရှည် ထိတွေ့မိပါက ကြီးမားသော ဒုက္ခနှင့် ကြုံရနိုင်ပေသည်။</p> <p>သန့်စင်သောကလေးငယ် ဘုရားကျောင်းအတွင်းတွင် လင်းချီယဲ့သည် ကလေးရုပ်တု၏ ဦးခေါင်းပေါ်၌ တင်ပျဉ်ခွေ ထိုင်နေ၏။</p> <p>“မကြာသေးခင်က ငါရရှိတဲ့ ယုံကြည်ခြင်း စွမ်းအားတွေက ပိုပိုများလာတယ်။ အဲ့ဒါက ငါ့ရဲ့ စိတ်စွမ်းအား ကျင့်ကြံမှုအတွက် အထောက်အကူ ဖြစ်စေတယ်။</p> <p>“ဒါပေမဲ့ ဒီဝိညာဉ်စွမ်းအင်တွေက တိုးလာတဲ့ ယုံကြည်ခြင်း စွမ်းအားကြောင့် သဘာဝအလျောက် စုစည်းလာပုံရတယ်။ နှစ်ပတ်ပဲ ရှိသေးပေမဲ့ အရင်ကထက် အဆပေါင်းများစွာ ပိုပြီး အားကောင်းနေပြီ။”</p> <p>လင်းချီယဲ့သည် ဤကမ္ဘာရှိ ဝိညာဉ်စွမ်းအင်များမှာ ဆိုးယုတ်သော ဝိညာဉ်များကြောင့် ညစ်ညမ်းနေမလားဟု အနည်းငယ် စိုးရိမ်နေမိသည်။</p> <p>ထို့ကြောင့် ဝိညာဉ်စွမ်းအင်များ ပိုမိုစုစည်းလေလေ၊ အန္တရာယ်ရှိနိုင်ခြေ ပိုများလေလေ ဖြစ်သည်။</p> <p>“မဟုတ်ဘူး၊ ငါ ဒီအခြေအနေကို အမြန်ဆုံး သိအောင်လုပ်ရမယ်။ မဟုတ်ရင် ဒီက ရွာသားတွေ ဒုက္ခရောက်ကုန်လိမ့်မယ်။”</p> <p>​လင်းချီယဲ့သည် သူ့ကြောင့် အပြစ်မဲ့သော အရပ်သားများကို ဒုက္ခမရောက်စေလိုပေ။</p> <p>သူကတော့ ဝိညာဉ်စွမ်းအင်ကို မစုပ်ယူဘဲ နေနိုင်သော်လည်း ရွာသားများမှာမူ ထိုလွှမ်းမိုးမှုမှ ကင်းဝေးအောင် မလုပ်နိုင်ကြပေ။</p> <p>ဝိညာဉ်စွမ်းအင်မှာ မိစ္ဆာများကြောင့် ညစ်ညမ်းခြင်း မရှိပါက အဆင်ပြေသော်လည်း အကယ်၍ ညစ်ညမ်းနေကြောင်း အတည်ပြုနိုင်လျှင်မူ...</p> <p>ဝိညာဉ်စွမ်းအင် ပိုမိုသိပ်သည်းလေလေ၊ ရွာသားများ မိစ္ဆာအသွင် ပြောင်းသွားနိုင်ခြေ ပိုများလေလေ ဖြစ်သည်။</p> <p>“ငါ့ရဲ့ ‘မသေမျိုးမျက်လုံး’  ကို အခု မသုံးနိုင်ဘူး။ ပြီးတော့ မိုးကြိုးစွမ်းအားကိုလည်း မထိန်းချုပ်နိုင်သေးဘူး။ ဝိညာဉ်စွမ်းအင်ထဲမှာ မိစ္ဆာစွမ်းအင်  ရှိမရှိကို စိတ်စွမ်းအားနဲ့ စစ်ဆေးဖို့ဆိုတာ မဖြစ်နိုင်ဘူး။</p> <p>“ဒါပေမဲ့ ယုံကြည်ခြင်း စွမ်းအားကတော့ ထူးခြားတယ်။ အရင်က ငါ့ခန္ဓာကိုယ်ထဲက မိစ္ဆာအသွင်ပြောင်းနေတဲ့ အစိတ်အပိုင်းကို ဖယ်ရှားပစ်ဖို့ သူက ကူညီပေးခဲ့တယ်။ ဒါကြောင့် မိစ္ဆာစွမ်းအင်ကို ရှာဖွေဖို့ဆိုတာလည်း သိပ်မခက်ခဲလောက်ဘူး။”</p> <p>လင်းချီယဲ့ အတွေးနက်နေမိသည်။</p> <p>​ယုံကြည်ခြင်း စွမ်းအားက မိစ္ဆာစွမ်းအင်ကိုပင် သန့်စင်ပေးနိုင်သဖြင့် အရိုးရှင်းဆုံး စုံစမ်းစစ်ဆေးမှု တစ်ခု လုပ်ဆောင်ရန်မှာ စိန်ခေါ်မှု မရှိနိုင်ဟု ဆိုနိုင်ပေသည်။</p> <p>ဤအတွေးဖြင့် လင်းချီယဲ့သည် ချက်ချင်းပင် စမ်းသပ်ကြည့်တော့သည်။</p> <p>သူက လေထဲတွင် လက်သီးကို ကျစ်ကျစ်ပါအောင် ဆုပ်လိုက်ပြီး “စုစည်းစမ်း။” ဟု အော်ဟစ်လိုက်၏။</p> <p>ယုံကြည်ခြင်း စွမ်းအားများမှာ လျင်မြန်စွာ ပျံ့နှံ့သွားပြီး ပတ်ဝန်းကျင်ရှိ ဝိညာဉ်စွမ်းအင်များကို စုစည်းမိစေရန် အပြင်းအထန် ဆွဲဆောင်လေတော့သည်။</p> <p>အသက်ရှူကြိမ် အနည်းငယ်အတွင်းမှာပင် ကြွယ်ဝလှသော ဝိညာဉ်စွမ်းအင်များမှာ ပဲစေ့အရွယ်အစားရှိသော အစိမ်းနုရောင် ရေစက်ကလေးအဖြစ် စုစည်းသွား၏။</p> <p>လင်းချီယဲ့က လက်ကို ဝေ့ယမ်းလိုက်ရာ ထိုရေစက်ကလေးမှာ သူ၏ လက်ဖဝါးပေါ်သို့ လျင်မြန်စွာ ကျဆင်းလာသည်။</p> <p>သူသည် ရုပ်ပိုင်းဆိုင်ရာအရ ပေါ်လာသော ထိုဝိညာဉ်စွမ်းအင် ရေစက်ကလေးကို သီးခြားခွဲထုတ်ရန် ယုံကြည်ခြင်း စွမ်းအားကို ဂရုတစိုက် အသုံးပြုလိုက်၏။</p> <p>ထိုရေစက်ကလေးမှာ ကြည်လင်နေပြီး ဖျော့တော့သော အလင်းရောင်ကလေး တောက်ပနေသည်။</p> <p>လင်းချီယဲ့က သူ၏ စိတ်စွမ်းအားဖြင့် ၎င်းကို စမ်းသပ်ကြည့်လိုက်၏။</p> <p>သူက ထိုရေစက်ကလေးကို ထိတွေ့လိုက်သည်နှင့် ၎င်းအတွင်းရှိ စင်ကြယ်ပြီး ကြွယ်ဝသော စွမ်းအင်များကြောင့် သူ ချက်ချင်းပင် လန်းဆန်းသွားရသည်။ သူ၏ အသက်ရှူရသည်မှာပင် ပို၍ ချောမွေ့လာသကဲ့သို့ ခံစားရ၏။</p> <p>“တကယ့်ကို စင်ကြယ်တဲ့ စွမ်းအင်ပဲ။” လင်းချီယဲ့က အသက်ကို ပြင်းပြင်းရှူလိုက်ပြီး မျက်မှောင်ကြုတ်လိုက်သည်။</p> <p>“ဒါက မဟုတ်သေးဘူး။ ဒီဝိညာဉ်စွမ်းအင် ရေစက်ထဲမှာ ဘာမိစ္ဆာစွမ်းအင်မှ ငါ မခံစားရဘူး။ ဒါပေမဲ့ ယုတ္တိဗေဒအရ ပြောရရင် စွမ်းအင်တွေ ဒီလောက်အများကြီး စုစည်းပြီးတဲ့နောက်မှာ ဖုံးကွယ်နေတဲ့ မိစ္ဆာစွမ်းအင်ရဲ့ အရိပ်အယောင်ကို ငါ ရှာတွေ့သင့်တာ မဟုတ်လား။”</p> <p> </p> <p> </p> <p> </p> <p> </p> <p>***</p> <p> </p>


Save