Book List

<h2 style="text-align: center;">​အခန်း ၃၈၅ - မကုန်ခမ်းနိုင်သော အမွှေးတိုင် ပူဇော်မှုများ</h2> <h2 style="text-align: center;">*</h2> <p> </p> <p> </p> <p> </p> <p>​သူတို့ ထပ်ပြီး မေးခွန်းတွေ မေးတော့မည့် အချိန်မှာပင် လင်းချီယဲ့မှာ ဘာသတိပေးချက်မှ မရှိဘဲ သူတို့ ရှေ့တွင် ပေါ်လာသည်။</p> <p>“ခင်ဗျားတို့ သုံးယောက်ကို စောင့်ခိုင်းမိတဲ့အတွက် တောင်းပန်ပါတယ်ဗျာ။” လင်းချီယဲ့က အနည်းငယ် ပြုံးလိုက်သည်။ သို့သော် မိစ္ဆာသုံးကောင်၏ မျက်လုံးထဲတွင်မူ ၎င်းက သူတို့၏ နှလုံးသားကို အေးစက်သွားစေသည်။</p> <p>သူ့ကို ပြစ်မှားမိမည် စိုးသောကြောင့် သုံးကောင်လုံးက အားနာစွာ ပြုံးပြရင်း “ဘာမှ မဖြစ်ပါဘူး။ အရှင်သန့်စင်သောကလေးငယ်၊ အရှင်တို့်ရဲ့ ကိစ္စက ပိုပြီး အရေးကြီးပါတယ်။” ဟု ပြောလိုက်ကြသည်။</p> <p>လင်းချီယဲ့ အနည်းငယ် ဇဝေဇဝါ ဖြစ်သွားသည်။ ဘာလို့ ဒီလူတွေက ပိုပြီး စောင့်စည်းနေကြပြီး သူ့ကို ကြောက်နေတဲ့ ပုံစံတောင် ပေါက်နေရတာလဲ။</p> <p>သူက လိန်မွန်းကို ဇဝေဇဝါဖြင့် လှည့်ကြည့်လိုက်သည်။</p> <p>လိန်မွန်းက သူမ၏ နှုတ်ခမ်းကို ဖိလိုက်ပြီး “သူတို့နဲ့ တစ်ခုခု လဲလှယ်ချင်တယ် မဟုတ်လား။ မြန်မြန် လဲလှယ်လိုက်တော့။” ဟု ပြောလိုက်သည်။</p> <p>သူမက လဲလှယ်ဖို့ ပြောလိုက်သောအခါ လင်းချီယဲ့သည် ထိုကိစ္စကို ဆက်မတွေးတော့ပေ။</p> <p>သူက မိစ္ဆာသုံးကောင်ဘက်သို့ လှည့်လိုက်သည်။ “ဟုတ်ကဲ့၊ အလုပ်ကိစ္စကိုပဲ သွားကြရအောင်။ လိန်မွန်းက ခင်ဗျားတို့ သုံးယောက်ကို အရင်က ပြောပြထားပြီးသား ဖြစ်မှာပါနော်။”</p> <p>“ပြောပြီးပါပြီ။ အရှင် အကူအညီတောင်းထားတာတွေကို ကျွန်တော်တို့ ပြင်ဆင်လာခဲ့ပါတယ်။”</p> <p>မိစ္ဆာသုံးကောင်မှာ ကြောက်ကြောက်လန့်လန့်ဖြင့် သူတို့ ပြင်ဆင်လာသော ပစ္စည်းများကို လင်းချီယဲ့ထံသို့ အလျင်စလို ကမ်းပေးလိုက်ကြသည်။</p> <p>“ဒါတွေက အရှင် အလိုရှိတဲ့ ပစ္စည်းတွေပါ။ တခြား ပစ္စည်းတွေကတော့ အရှင် တာတာရွာကို ကြွရောက်လာတဲ့အတွက် ကျွန်တော်တို့ ပြင်ဆင်လာတဲ့ ဂုဏ်ပြုလက်ဆောင်တွေပါ။”</p> <p>“အို။”</p> <p>လင်းချီယဲ့မှာ မိစ္ဆာသုံးကောင်၏ အပြုအမူကြောင့် ကြောင်နေသော်လည်း သူတို့ ထုတ်ပေးလိုက်သော ပစ္စည်းများကို မြင်သောအခါ သူ၏ မျက်လုံးများ ဝင်းလက်သွားသည်။</p> <p>ဘာပဲဖြစ်ဖြစ် ထိုပစ္စည်းများသည် သူ၏ ခန္ဓာကိုယ် တည်ဆောက်ခြင်းနှင့် ဆက်စပ်နေသောကြောင့် ဖြစ်သည်။</p> <p>သူက ကျောက်စားပွဲပေါ်ရှိ ပစ္စည်းပုံကို တစ်ချက် ကြည့်လိုက်သည်။ အဲ့ဒီမှာ သေတ္တာ လေးလုံး၊ အိုး တစ်လုံးနှင့် ကြက်ဥအရွယ်အစားရှိသော ပုလဲတစ်လုံး ရှိနေသည်။</p> <p>သေတ္တာလေးလုံးထဲမှ သုံးလုံးမှာ ခန္ဓာကိုယ်ကို ပုံဖော်ရန်အတွက် လိုအပ်သော ပစ္စည်းများ ပါဝင်သည်။</p> <p>ထိုပစ္စည်းများမှာ ရှားပါးလှသည် မဟုတ်သော်လည်း အမျိုးအစား စုံလင်လှသဖြင့် မရှားပါးသော အစိတ်အပိုင်း အားလုံးအတွက် လုံလောက်သွားစေသည်။</p> <p>ကျန်ရှိသော သေတ္တာတစ်လုံးထဲတွင်မူ ကျောက်စိမ်းတစ်ခု ပါဝင်သည်။</p> <p>“အရှင်၊ ဒါက ကျွန်တော် တိုက်ဆိုင်စွာ ရရှိခဲ့တဲ့ ထိပ်တန်းအဆင့် ဝိညာဉ်ကျောက်တုံး တစ်တုံးပါ။ ကျွန်တော် ဒါကို ဒီနှစ်တွေတစ်လျှောက် အသုံးမပြုဘဲ ထိန်းသိမ်းထားခဲ့တာ၊ အခုတော့ အရှင့်ကို လာရောက် ဆက်သတာပါ။” ချန်းရှီက ရိုသေစွာ ပြောလိုက်ပြီး ကျောက်တုံးကို တစ်ချက် ကြည့်လိုက်သည်။ သူ၏ မျက်လုံးထဲတွင် နှမြောတသဟန် အနည်းငယ် ပါဝင်နေသော်လည်း ချက်ချင်းပင် ပျောက်ကွယ်သွားသည်။</p> <p>​ထိပ်တန်းအဆင့် ဝိညာဉ်ကျောက်တုံးလား။</p> <p>လင်းချီယဲ့ ပြုံးလိုက်သည်။ သူသည် ၎င်းကို တစ်ချက် ကြည့်ရုံသာ ကြည့်ပြီး ဘေးဖယ်ထားလိုက်သည်။</p> <p>ဝိညာဉ်ကျောက်တုံးများသည် ဤကမ္ဘာရှိ ကျင့်ကြံသူများအတွက် ရှားပါးပုံရသည်။</p> <p>သို့သော် သူ့အတွက်မူ ယုံကြည်မှု စွမ်းအား၏ အကူအညီဖြင့် သူသည် ဝိညာဉ်စွမ်းအင်ကို အချိန်မရွေး ဆင့်ခေါ်နိုင်သည်။</p> <p>ဝိညာဉ်ကျောက်တုံးများမှာ သူ့အတွက် မရှိမဖြစ် မဟုတ်ပေ။</p> <p>ထို့နောက် သူက ဘေးရှိ အိုးကို ကြည့်လိုက်သည်။ အိုး၏ ပိတ်ဆို့ထားမှုကို မဖွင့်ရသေးမီမှာပင် ဝိုင်၏ သင်းပျံ့သော ရနံ့ကို သူ ရနေပြီဖြစ်သည်။</p> <p>“အရှင်သန့်စင်သောကလေးငယ်၊ ဒါက ကျွန်တော့်ရဲ့ လက်အောက်ငယ်သားတွေကို စုစည်းပြီး သစ်သီးပေါင်း တစ်ရာကို ခူးဆွတ်ခိုင်းပြီးတော့ ထူးခြားတဲ့ နည်းလမ်းနဲ့ ချက်လုပ်ထားတဲ့ ဝိုင်တစ်မျိုးပါ။ အဲ့ဒါကို ဝိညာဉ်စွမ်းအင်နဲ့ ဖြည့်စွက်ထားပါတယ်။ အဲ့ဒါက စိတ်ဓာတ်ကို အားကောင်းစေပြီး ဝိညာဉ်ကို တည်ငြိမ်စေတဲ့ အာနိသင် ရှိပါတယ်။ ဒီဝိုင်တစ်အိုးကို ချက်ဖို့အတွက် နှစ်ပေါင်း တစ်ရာလောက် အချိန်ယူရတာပါ။” ဟောက်တုက ခေါင်းငုံ့ပြီး ရိုသေစွာ ပြောလိုက်သည်။</p> <p>လင်းချီယဲ့ မျက်ခုံးပင့်လိုက်သည်။</p> <p>၎င်းမှာ လူတစ်ယောက်၏ စိတ်စွမ်းအားကို မြှင့်တင်ပေးနိုင်သော အဆင့်မြင့်ဝိုင်တစ်မျိုးပဲ။ မဆိုးပါဘူး။</p> <p>သူက လက်ဆောင်များကို ဆက်ကြည့်နေသည်။ ဂွီညန်က ချက်ချင်း ရှေ့သို့ တိုးလာပြီး ကြက်ဥအရွယ်အစားရှိသော ပုလဲကို လင်းချီယဲ့ထံ ကမ်းပေးလိုက်သည်။</p> <p> </p> <p> </p> <p> </p> <p> </p> <p> </p> <p> </p> <p> </p> <p> </p> <p>***</p> <p> </p>


Save