Book List

<h2 style="text-align: center;">အခန်း ၃၅၄</h2> <h2 style="text-align: center;">တောင်တန်းများပေါ်မှ ထိတ်လန့်ဖွယ်ရာများ</h2> <h2 style="text-align: center;">*</h2> <p> </p> <p> </p> <p>လင်းချီယဲ့သည် ဝတုတ်တုတ် ကိုယ်တော်ကို သံသယဖြင့် ကြည့်နေသော်လည်း ဆက်မလှုပ်ရှားတော့ပေ။ သူ၏ လက်ရှိ စွမ်းအားဖြင့် ကိုယ်တော်ကို ခုခံနိုင်မည် မဟုတ်ကြောင်း သူ သိသည်။</p> <p>လင်းချီယဲ့က သူ့ကို စိုက်ကြည့်နေပြီး ထပ်မံ ထွက်ပြေးရန် မကြိုးစားတော့သည်ကို မြင်သောအခါ ဝတုတ်တုတ် ကိုယ်တော်က လက်အုပ်ချီကာ ဆက်ပြောသည်။ “ဒကာလေးငယ်... ဒကာလေးရဲ့ ဖခင်အရင်းရဲ့ အပ်နှံမှုကြောင့် ဒကာလေးရဲ့ ဝိညာဉ်ကို သန့်စင်ပေးဖို့ ရောက်လာတာပါ။ ဒါပေမဲ့ အခုတော့ အဲ့ဒီလို လုပ်ဖို့ မလိုတော့ဘူး ထင်တယ်”</p> <p>ဖခင်အရင်း ဟုတ်လား။ ထိုစကားကို ကြားလိုက်ရချိန်တွင် လင်းချီယဲ့ မှင်တက်သွားသည်။</p> <p>သူ့ဘဝတွင် သူ၏ ဖခင် မည်သို့ပုံစံရှိသည်ကို တစ်ခါမျှ မမြင်ဖူးခဲ့ပေ။ သို့သော် ယခုအခါ သူ၏ ဖခင်က သူ၏ ဝိညာဉ်ကို သန့်စင်ရန် ဤကိုယ်တော်ကို ငှားရမ်းခဲ့ကြောင်း ကြားလိုက်ရသည်။</p> <p>ဒါက ရိုးရှင်းသည့် ကိစ္စမဟုတ်သည်မှာ ထင်ရှားလှသည်။</p> <p>သူ၏ အဖေဆိုသူက သူ သေဆုံးသွားသည်ကို သိနေသည်။</p> <p>လင်းချီယဲ့သည် သူ့ကို မြစ်ထဲသို့ ပစ်ချခဲ့စဉ်က အမျိုးသမီး၏ စက်ဆုပ်ရွံရှာသော မျက်နှာထားကို သတိရလိုက်ပြီး တိတ်ဆိတ်သွားသည်။</p> <p>ဘယ်လို မိဘမျိုးကများ မိမိရဲ့ ကလေးကို မြစ်ထဲပစ်ချပြီး သေအောင် လုပ်ရက်ရတာလဲ။</p> <p>လင်းချီယဲ့ တိတ်ဆိတ်နေသည်ကို မြင်သောအခါ ဝတုတ်တုတ် ကိုယ်တော်က လင်းချီယဲ့၏ ခန္ဓာကိုယ်ပေါ်မှ မှေးမှိန်သော အလင်းလွှာလေးကို ခဏမျှ စိုက်ကြည့်နေသည်။ ထို့နောက် သူက ဖြည်းဖြည်းချင်း မေးလိုက်သည်။ “ဒကာလေးငယ်... နောက်ကွယ်မှာ ဘာတွေ ဖြစ်ခဲ့လဲဆိုတာ သိချင်နေတာလား”</p> <p>လင်းချီယဲ့က ခေါင်းမော့ကာ ကိုယ်တော်ကို ကြည့်လိုက်သည်။</p> <p>“ဆရာကြီး သိလို့လား”</p> <p>ဝတုတ်တုတ် ကိုယ်တော်က ခေါင်းလှည့်ပြီး ကောင်းကင်ကို ကြည့်လိုက်သည်။ သူ၏ မျက်နှာမှာ သနားကရုဏာများဖြင့် ပြည့်နှက်နေသည်။</p> <p>“အမိတာဘ။ ဒကာလေးငယ်... ဒါက ရှည်လျားတဲ့ ဇာတ်လမ်းတစ်ပုဒ်ပါ။ ဒီတာအိုကိုယ်တော်ရဲ့ ရှင်းပြချက်ကို နားထောင်ကြည့်ပါ”</p> <p>ဝတုတ်တုတ် ကိုယ်တော်က ခဏမျှ စကားပလ္လင်ခံပြီးနောက် ဤအဖြစ်အပျက်၏ အကြောင်းရင်းကို ရှင်းပြသည်။</p> <p>လင်းချီယဲ့၏ မွေးဖွားမှုမှာ တာတာရွာမှ ဝမ်မိသားစု ခေါင်းဆောင် ပြုလုပ်ခဲ့မိသော မှားယွင်းမှုတစ်ခု ဖြစ်နေကြောင်း သိလိုက်ရသည်။</p> <p>လွန်ခဲ့သော ခြောက်လခန့်က တာတာရွာသို့ မကောင်းဆိုးဝါးများ ကျူးကျော်ဝင်ရောက်လာမှုကြောင့် အမှောင်စွမ်းအင်များကို ဖယ်ရှားရန် ဆရာတစ်ယောက်ကို ပင့်ဖိတ်ခဲ့သည်။</p> <p>မကောင်းဆိုးဝါးများကို ရှင်းလင်းပြီးနောက် ဝမ်မိသားစု ခေါင်းဆောင်က ဂုဏ်ပြုသည့်အနေဖြင့် တည်ခင်းဧည့်ခံခဲ့သည်။</p> <p>ထိုနေ့က သူ အရက် အလွန်အကျွံ သောက်မိ၍လား မသိသော်လည်း ဝမ်မိသားစု ခေါင်းဆောင်မှာ မူးယစ်ဝေဒနာဖြင့် ရွာထဲမှ တစ်ကိုယ်တည်းနေ အမျိုးသမီးတစ်ဦးနှင့် အတူရှိခဲ့မိသည်။</p> <p>အဖြစ်အပျက်ပြီးနောက် ထိုကိစ္စ ပေါက်ကြားသွားမည်ကို စိုးရိမ်သဖြင့် သူက ထိုအမျိုးသမီးကို ကူညီပေးပြီး ဘယ်သူ့ကိုမှ မပြောရန် မှာကြားခဲ့သည်။</p> <p>ထိုအမျိုးသမီးမှာ ဝမ်မိသားစု ခေါင်းဆောင်၏ စောင့်ရှောက်မှုကို အမြဲ ခံယူနေရသူ ဖြစ်သဖြင့် ကျေးဇူးတင်ရှိကာ ထိုကိစ္စကို လျှို့ဝှက်ချက်အဖြစ် ထားရှိခဲ့သည်။</p> <p>သို့သော် ကံမကောင်းစွာဖြင့် ထိုအမျိုးသမီးတွင် ကိုယ်ဝန်ရရှိသွားသည်။ သူမ၏ ဗိုက်မှာ တစ်နေ့ထက်တစ်နေ့ ကြီးထွားလာသည်ကို မြင်သောအခါ အိမ်နီးနားချင်းများက သူမ၏ ပုံမှန်မဟုတ်မှုကို သတိထားမိလာကြသည်။</p> <p>ရွာထဲတွင် ကောလာဟလ အမျိုးမျိုး ပြန့်နှံ့လာတော့သည်။</p> <p>သူမ၏ ကိုယ်ဝန်ကို ဖုံးကွယ်ထား၍ မရတော့ဘဲ ကလေး၏ ဖခင်မှာလည်း ရွာသားများကြားတွင် အဓိက ပြောစရာ ဖြစ်လာသည်။</p> <p>လူအများအပြားကို သံသယဝင်ခဲ့ကြသော်လည်း မည်သူကမျှ ဝမ်မိသားစု ခေါင်းဆောင်ကိုမူ သံသယ မဝင်ခဲ့ကြပေ။</p> <p>မည်သို့ပင်ဖြစ်စေ သူ၏ ကြင်နာမှုမှာ အနီးနားရှိ ရွာများအားလုံးတွင် ကျော်ကြားလှသဖြင့် ရွာသားများက သူ့ကို ဘယ်တော့မှ သံသယဝင်မည် မဟုတ်ပေ။</p> <p>သို့သော် ဤနည်းဖြင့် ကိုယ်ဝန်ဆောင် အမျိုးသမီးမှာ ရွာသားများ၏ ပါးစပ်ထဲတွင် အကျင့်ပျက်သူတစ်ဦး ဖြစ်လာခဲ့သည်။ တစ်ညတည်းနှင့်ပင် သူမသည် လူတိုင်း၏ စက်ဆုပ်ရွံရှာမှုကို ခံရသည့် ပစ်မှတ် ဖြစ်သွားခဲ့သည်။</p> <p>ထိုအမျိုးသမီးမှာ အရှက်ရမှုကို မခံစားနိုင်သဖြင့် ကလေးကို ဖျက်ချရန် ကြံစည်ခဲ့သော်လည်း သူမ၏ ခန္ဓာကိုယ်မှာ အလွန် အားနည်းနေသဖြင့် ကိုယ်ဝန်ဖျက်ဆေး မသောက်ရန် တားမြစ်ခံခဲ့ရသည်။ မဟုတ်လျှင် သူမ၏ အသက်ပါ ဆုံးရှုံးသွားနိုင်သည်။</p> <p>ဝမ်မိသားစု ခေါင်းဆောင်မှာ သူမ ဒုက္ခရောက်နေသည်ကို မကြည့်ရက်သဖြင့် သူမကို ရှာဖွေကာ ခန္ဓာကိုယ်ကို အရင် ဂရုစိုက်ရန် ပြောခဲ့သည်။</p> <p>မျက်စိတစ်မှိတ်အတွင်းမှာပင် လအနည်းငယ် ကုန်ဆုံးသွားသည်။</p> <p>ကလေး၏ ဖွံ့ဖြိုးမှုနှုန်းမှာ ပုံမှန်ထက် များစွာ ပိုမိုမြန်ဆန်လိမ့်မည်ဟု မည်သူမျှ မထင်ထားခဲ့ကြပေ။ ခြောက်လအတွင်းမှာပင် ၎င်းမှာ ပြည့်စုံသွားပြီး မွေးဖွားတော့မည့် အခြေအနေသို့ ရောက်ရှိလာသည်။</p> <p>ထိုအမျိုးသမီးမှာ ပြင်ဆင်မှု မရှိဘဲ သူမ၏ အိမ်ဝင်းအတွင်းမှာပင် သားလေးတစ်ယောက်ကို မွေးဖွားခဲ့သည်။ ဤကိစ္စမှာ ရွာတစ်ရွာလုံးသို့ လျင်မြန်စွာ ပြန့်နှံ့သွားသည်။</p> <p>လူအများ၏ ဝေဖန်မှုကို ခံနေရပြီးသား ဖြစ်သော ထိုအမျိုးသမီးမှာ သက်ကြီးရွယ်အို အမျိုးသမီးအုပ်စု၏ ကဲ့ရဲ့ရှုံ့ချမှုကို ခံရပြန်သည်။</p> <p>သူတို့က သူမကို မြူဆွယ်တတ်သူ၊ အရှက်မရှိသူ၊ အညတရ စသည်ဖြင့် ရုန့်ရင်းကြမ်းတမ်းသော စကားလုံးများဖြင့် တိုက်ခိုက်ခဲ့ကြသည်။</p> <p>ထိုအမျိုးသမီးမှာ မခံစားနိုင်တော့ဘဲ နောက်ဆုံးတွင် စိတ်ဓာတ်ကျဆင်းသွားကာ ကလေးကို မြစ်ထဲသို့ ပစ်ချပြီး သေအောင် လုပ်ခဲ့သည်။</p> <p>ထို့နောက်တွင် ထိုအမျိုးသမီးမှာ ပျောက်ကွယ်သွားခဲ့သည်။ မြစ်ထဲတွင် သေဆုံးသွားခဲ့သော ကလေးမှာ နောက်ဆုံးတွင် သရဲအဖြစ် ပြောင်းလဲသွားသည့် လင်းချီယဲ့ ပင် ဖြစ်သည်။</p> <p>“ဒါပါပဲ။ ဝမ်မိသားစု ခေါင်းဆောင်က ဒီအကြောင်းကို သိသွားပြီးနောက် ဒကာလေးက အာဃာတတွေ သိုအောင်းပြီး မကောင်းဆိုးဝါးအဖြစ် ပြောင်းလဲသွားမှာကို စိုးရိမ်ခဲ့တယ်။ ဒါကြောင့် ဒီတာအိုကိုယ်တော်ဆီကို အရေးပေါ် သတင်းပို့ပြီး ဒကာလေးရဲ့ ဝိညာဉ်ကို သန့်စင်ပေးဖို့ တောင်းဆိုခဲ့တာပါ”</p> <p>“...” ဝတုတ်တုတ် ကိုယ်တော်၏ စကားကို ကြားရပြီးနောက် လင်းချီယဲ့မှာ ဆွံ့အသွားသည်။</p> <p>သူသည် ရွာထဲမှ ‘မဟာ အလှူရှင်ကြီး’ ၏ ကလေး ဖြစ်နေလိမ့်မည်ဟု မထင်ထားခဲ့မိသလို သူ၏ ကံကြမ္မာမှာလည်း ဤမျှ ဒရာမာဆန်နေလိမ့်မည်ဟု မမျှော်လင့်ထားခဲ့ပေ။</p> <p>“ဒါဆို... အခု ဘာလို့ ကျွန်တော့်ကို တမလွန်ကို မပို့တော့တာလဲ”</p> <p>လင်းချီယဲ့က ဝတုတ်တုတ် ကိုယ်တော်ကို ဇဝေဇဝါဖြင့် မေးလိုက်သည်။</p> <p>“အမိတာဘ” ဝတုတ်တုတ် ကိုယ်တော်က ကြင်နာသော မျက်နှာထားဖြင့် ပြောသည်။</p> <p>“ဒကာလေးရဲ့ ခန္ဓာကိုယ်ကို ကာကွယ်ပေးထားတဲ့ မွေးရာပါ အားအင်  တွေကို ဒီတာအိုကိုယ်တော် မြင်နိုင်ပါတယ်။ ဒကာလေးက မကောင်းတဲ့ အတွေးအခေါ်တွေရဲ့ တိုက်စားမှုကို ထိန်းချုပ်ထားနိုင်ပြီး မကောင်းဆိုးဝါးအဖြစ် ထပ်ပြီး ပျက်စီးသွားမှာ မဟုတ်ဘူးလို့ ယုံကြည်ပါတယ်”</p> <p>လင်းချီယဲ့ တိတ်ဆိတ်နေမိသည်။ အမှန်တကယ်ပင် သူသည် အာဃာတတရားများ၏ ကျူးကျော်မှုကို ခုခံရန်အတွက် ‘မသေမျိုး သိစိတ်ဝိညာဉ်’ ကို ကျင့်ကြံနေခဲ့သည်။</p> <p>သူ၏ စိတ်စွမ်းအားများ ပိုမို အားကောင်းလာသောကြောင့် ‘တာအို သိုလှောင်ခြင်း နည်းစနစ်’ မှာ အလိုအလျောက် လည်ပတ်နေနိုင်ခဲ့သည်။ သူ အလေးအနက် မကျင့်ကြံလျှင်ပင် မွေးရာပါ အားအင်များကို အလွယ်တကူ စုဆောင်းနိုင်သည်။</p> <p>ထိုသို့ စဉ်းစားမိသောအခါ လင်းချီယဲ့မှာ ဝမ်းသာမဆုံး ဖြစ်သွားသည်။</p> <p>သူ စောစောစီးစီး ကျင့်ကြံခဲ့မိခြင်းမှာ ကောင်းသော ကိစ္စဖြစ်သည်။ မဟုတ်လျှင် ရက်အနည်းငယ်အကြာတွင် ဝတုတ်တုတ် ကိုယ်တော်၏ တမလွန်သို့ သန့်စင်ပို့ဆောင်ခြင်းကို ခံရပေလိမ့်မည်။</p> <p>“ဒကာလေးရဲ့ နောက်ထပ် အစီအစဉ်က ဘာလဲဆိုတာ သိပါရစေ” ဝတုတ်တုတ် ကိုယ်တော်က ရုတ်တရက် မေးလိုက်သည်။</p> <p>လင်းချီယဲ့မှာ အနည်းငယ် ဇဝေဇဝါ ဖြစ်သွားသည်။ ဤကိုယ်တော်က သူ့အပေါ် အလွန်အကျွံ အာရုံစိုက်နေပုံရသည်။</p> <p>ဤလောကတွင် မကောင်းဆိုးဝါး ပေါင်းသောင်းခြောက်ထောင် ရှိနေသည်ဖြစ်ရာ ကိုယ်တော်က သူ့အပေါ်၌ ဤမျှ အချိန်ဖြုန်းနေခြင်းမှာ ထူးဆန်းလှသည်။</p> <p>သူက ပေါ့ပေါ့ပါးပါးပင် ပြန်ဖြေလိုက်သည်။ “ဘာလုပ်စရာ ရှိဦးမှာလဲ။ ကောင်းမှုတွေ များများလုပ်ပြီး ကုသိုလ်တွေ စုဆောင်းမယ်။ အမြန်ဆုံး ကောင်းမွန်တဲ့ ရလဒ်တစ်ခု ရအောင် ကြိုးစားမှာပေါ့”</p> <p>***</p> <p> </p>


Save