Book List

<h2 style="text-align: center;">အခန်း (၃၆၉)</h2> <h2 style="text-align: center;">ကျားမိစ္ဆာလား၊ လေလွင့်ဝိညာဉ်လား။</h2> <h2 style="text-align: center;">*</h2> <p> </p> <p> </p> <p> </p> <p>သန့်ရှင်းသောကလေးငယ် ဘုရားကျောင်း၏ အပြင်ဘက် လမ်းပေါ်တွင် လူအနည်းငယ်မှာ တစ်ဦးကိုတစ်ဦး တိုးတိုးတိတ်တိတ် ပြောဆိုနေကြသည်။</p> <p>လင်းချီယဲ့သည် လမ်းဘေးရှိ သစ်ပင်တစ်ပင်ပေါ်တွင် ထိုင်နေရင်း စကားပင် မပြောနိုင်တော့ပေ။</p> <p>“တော်သေးတာပေါ့၊ ခုနက လွန်းမွန်းကို ပြန်လွှတ်လိုက်လို့။ မဟုတ်ရင် သူမ ဒါကို ကြားသွားရင် ငါတော့ ဒုက္ခရောက်မှာ သေချာတယ်”</p> <p>ဤအဖြစ်အပျက်ပြီးနောက် လင်းချီယဲ့သည် စကားလုံးများ၏ စွမ်းအားကို နက်နက်ရှိုင်းရှိုင်း နားလည်သွားခဲ့သည်။</p> <p>လွန်းမွန်းက သူ့ကို ဖက်လိုက်ရုံသာ ရှိသေးသော်လည်း အခုတော့ ၎င်းမှာ ကလေးသူငယ်များနှင့် မသင့်တော်သော ဇာတ်လမ်းတစ်ခု ဖြစ်သွားခဲ့ပြီ။</p> <p>သို့သော် သူ မထင်မှတ်ထားသော အချက်မှာ တစ်စုံတစ်ယောက်က ဤအခြေအမြစ်မရှိသော ကိစ္စရပ်များကို အတွင်းကျကျ ခွဲခြမ်းစိတ်ဖြာပြလိမ့်မည် ဟူ၍ပင်။</p> <p>“သန့်ရှင်းသောကလေးငယ် ကသန့်ရှင်းသော ဝိညာဉ်တစ်ခု ဖြစ်ပေမယ့် အချစ်ဆိုတာ လူသားတွေမှာပဲ ရှိရမယ်လို့ ဘယ်သူပြောလဲ။ မြေခွေးနတ်သမီးနဲ့ သူတို့က ချစ်နေကြတာ သိသာပါတယ်။ သူတို့ တစ်ခုခု လုပ်တာက ပြဿနာ မရှိပါဘူး”</p> <p>“ဟုတ်တယ်။ နတ်ဘုရား အများစုက ကာမဂုဏ်ကို စွန့်လွှတ်ထားကြပေမယ့် သန့်ရှင်းသောကလေးငယ် တော့ ကြည့်လိုက်တာနဲ့တင် ထူးခြားနေတာပဲ။ ငါ့အမြင်မှာတော့ ဒါဟာ ကြီးမြတ်တဲ့ လွတ်လပ်မှုပဲ။ ဘုရားကျောင်းထဲက နတ်ဘုရားအတုတွေထက် အများကြီး ပိုကောင်းတယ်”</p> <p>“ဟုတ်တယ်၊ ဘုရားကျောင်းထဲမှာ ကိုးကွယ်ထားတဲ့ နတ်ဘုရားတွေနဲ့ ယှဉ်ရင်သန့်ရှင်းသောကလေးငယ် က ငါတို့အတွက် ကောင်းကျိုးတွေ အများကြီး သယ်ဆောင်လာပေးတာ။ ငါ သူ့အကြောင်းကို မကောင်း မပြောရဲတော့ဘူး”</p> <p>သတင်းမှာ အလွန်လျင်မြန်စွာ ပြန့်နှံ့သွားသော်လည်း ၎င်းကို ငြိမ်သက်သွားစေသည့် အရှိန်မှာလည်း မယုံနိုင်လောက်အောင်ပင်။</p> <p>လင်းချီယဲ့ ဘာမှ မလုပ်ရသေးခင်မှာပင် ရွာသားများက သူ့အတွက် ဆင်ခြေတစ်ခု ရှာပေးပြီးသား ဖြစ်နေသည်။</p> <p>အဆုံးမှာတော့ တာတရွာသားများသည် နတ်ဘုရားများစွာကို ဆုတောင်းခဲ့ကြသော်လည်း မည်သည့်အခါမျှ အကာအကွယ်နှင့် ဂရုစိုက်မှုကို မရရှိခဲ့ကြပေ။</p> <p>ဟိုလီအင်းဖန် (သန့်ရှင်းသောကလေးငယ်) တစ်ဦးတည်းသာလျှင် ရွာထဲက ကလေးတစ်စုကို ကယ်တင်ပေးခဲ့ခြင်း ဖြစ်သည်။</p> <p>မြေခွေးနတ်သမီးကလည်း ရွာသားများစွာကို ကယ်တင်ခဲ့ဖူးသည်။</p> <p>ရလဒ်အနေဖြင့် ရွာသားများ၏ ပူးပေါင်းဆောင်ရွက်မှုကြောင့် ညစ်ညမ်းသော ဇာတ်လမ်းမှာ လောကီဘောင်မှ လွတ်မြောက်သော လွတ်လပ်မှုအဖြစ် ပြောင်းလဲသွားပြီး လူအများက အရသာခံ ပြောဆိုစရာ ဖြစ်လာခဲ့သည်။</p> <p>လင်းချီယဲ့မှာ ရွာသားများ၏ ပြင်းထန်သော စိတ်ကူးစိတ်သန်းများကို ကြည့်ကာ သက်ပြင်းသာ ချနိုင်တော့သော်လည်း သူ ဝင်မစွက်ဖက်ခဲ့ပေ။</p> <p>ဘာပဲဖြစ်ဖြစ် သူကတော့ ဒီကောလာဟလတွေထဲမှာ ပါဝင်ပတ်သက်ဖို့ အစီအစဉ် မရှိပါဘူး။ ထိုလူတွေ ကြိုက်သလို ဖြန့်ချင်ဖြန့်ကြပါစေ။</p> <p>ဘုရားကျောင်းသို့ ပြန်ရောက်သောအခါ လင်းချီယဲ့သည် ကိုယ်ပျောက်လိုက်သည်။ သူသည် ရုပ်တုကို မှီကာ အစီရင် သံလိုက်အိမ်မြှောင်  တစ်ခုကို ထုတ်လိုက်သည်။</p> <p>၎င်းပေါ်တွင် အလင်းစက် နှစ်စက်မှာ လက်ဖျတ်နေသည်။</p> <p>လင်းချီယဲ့မှာ ထိုအလင်းတန်းကို စိုက်ကြည့်ရင်း အတွေးထဲ နစ်ဝင်သွားသည်။ လွန်းမွန်း၏ အစီအစဉ်မှာ ပေါက်ကြားသွားပုံ ရသည်။</p> <p>လင်းချီယဲ့သည် တောင်ပေါ်တွင် စောင့်ကြည့်ရေး အစီရင် တစ်ခုကို တည်ဆောက်ထားခဲ့သည်။</p> <p>ကျင့်ကြံသူ တစ်ဦးဦး တောင်အတွင်းသို့ ဝင်ရောက်ခြင်း သို့မဟုတ် ထွက်ခွာခြင်း ပြုလုပ်သည်နှင့် သူသည် ချက်ချင်း သတိပေးချက် ရရှိမည် ဖြစ်သည်။</p> <p>ထို့ကြောင့် လွန်းမွန်း တောင်ပေါ်မှ ထွက်ခွာလာသည့် အချိန်မှာပင် သူ သိရှိခဲ့ပြီး ဖြစ်သည်။</p> <p>ထို့အပြင် သူတို့နှစ်ဦး တွေ့ဆုံပြီးနောက် သူမ၏ ကိုယ်ပေါ်တွင် ရှာဖွေတွေ့ရှိရန် အလွန်ခက်ခဲသော အငြိုးအတေးကြီးသော ဝိညာဉ်  တစ်ခု ကပ်ပါလာသည်ကို သူ တွေ့ရှိခဲ့သည်။</p> <p>လင်းချီယဲ့၏ စိတ်စွမ်းအားသာ မရှိလျှင် သူသည်လည်း ထိုဝိညာဉ်၏ လှည့်စားမှုကို ခံရပေလိမ့်မည်။</p> <p>ထိုကျားမိစ္ဆာက လွန်းမွန်းကို စောင့်ကြည့်ရန် အငြိုးအတေးကြီးသော ဝိညာဉ်များကို စေလွှတ်ထားသဖြင့် လင်းချီယဲ့မှာ သူ၏ အစီအစဉ်များကို ပြောင်းလဲရမည် ဖြစ်သည်။</p> <p>လွန်းမွန်းကို ဝိညာဉ်များက စောင့်ကြည့်နေကြောင်း တွေ့ရှိပြီးကတည်းက လင်းချီယဲ့သည် သူမကို ဘာမှ ထပ်မပြောရဲတော့ပေ။</p> <p>၎င်းမှာလည်း သူက လွန်းမွန်းကို အမြန်ပြန်လွှတ်လိုက်ပြီး တောင်ပေါ်မှ မထွက်ခိုင်းရခြင်း၏ အစစ်အမှန် အကြောင်းအရင်း ဖြစ်သည်။</p> <p>သူတို့သာ ခဏခဏ တွေ့ဆုံနေလျှင် ကျားမိစ္ဆာသည် သူတို့၏ အခြေအနေကို ပိုပြီး ရှင်းရှင်းလင်းလင်း သိသွားပေလိမ့်မည်။</p> <p>ထိုအချိန်တွင် သူတို့၏ အခြေအနေနှင့် အစီအစဉ်မှာ ပေါက်ကြားသွားမည် ဖြစ်သည်။ သူတို့ တိုက်ခိုက်လျှင် အနိုင်ရဖို့ အခွင့်အရေး မည်မျှ ရှိမည်နည်း။</p> <p>ခြောက်လ အချိန်ရှိသေးတယ် ဆိုပေမယ့် ကျားမိစ္ဆာက ဘယ်လို လှည့်ကွက်တွေ ထပ်သုံးလာမလဲဆိုတာ ဘယ်သူသိမှာလဲ။</p> <p>“ငါ အချိန်တိုအတွင်းမှာ ရွှေအမြုတေအဆင့်ရဲ့ နောက်ဆုံးအဆင့် ဒါမှမဟုတ် နတ်ဘုရားဝိညာဉ်အဆင့်ကိုတောင် တက်လှမ်းရမယ် ထင်တယ်”</p> <p>လင်းချီယဲ့၏ မျက်လုံးများမှာ အရောင်တောက်သွားသည်။</p> <p>သူတို့၏ အစီအစဉ် ပေါက်ကြားသွားသဖြင့် ကျားမိစ္ဆာမှာ တန်ပြန်အစီအစဉ်တစ်ခုကို စဉ်းစားထားပြီး ဖြစ်ရမည်။</p> <p>ကျားမိစ္ဆာက သူတို့ကို မည်သည့်အချိန်တွင် တိုက်ခိုက်မည်ကို သူ မသိသဖြင့် ယခု သူ လုပ်ဆောင်နိုင်သည့် တစ်ခုတည်းသော အရာမှာ သူ၏ အစွမ်းကို အမြန်ဆုံး မြှင့်တင်ရန်ပင် ဖြစ်သည်။</p> <p>လင်းချီယဲ့သည် ကျားမိစ္ဆာ အရေးယူဆောင်ရွက်မှု မပြုလုပ်မီ နတ်ဘုရားဝိညာဉ်အဆင့်သို့ တက်လှမ်းနိုင်သရွေ့ သူ၏ နည်းလမ်းများ အားလုံးမှာ သူ့အတွက် ခြိမ်းခြောက်မှု မဖြစ်နိုင်တော့ပေ။</p> <p>“မင်းကိုတောင် ငါ မကိုင်တွယ်နိုင်ဘူးဆိုရင် ဒီ စမ်းသပ်မှု  ကို စွန့်လွှတ်လိုက်တာ ပိုကောင်းမယ်”</p> <p>လင်းချီယဲ့မှာ ယုံကြည်မှုများဖြင့် ပြည့်နှက်နေသည်။ သန့်ရှင်းသော အလင်းတန်းမှာ သူ၏ တစ်ကိုယ်လုံးမှ ထွက်ပေါ်လာပြီး ဟိုလီအင်းဖန် ဘုရားကျောင်းတစ်ခုလုံးကို လင်းထိန်သွားစေသည်။</p> <p>လာရောက် ပူဇော်ကြသော ရွာသားများသည် သန့်ရှင်းသော အလင်းတန်း၏ အရိပ်အောက်သို့ ရောက်ရှိသွားပြီး သူတို့၏ စိတ်ဓာတ်များမှာ ချက်ချင်းပင် လန်းဆန်းသွားကြသည်။</p> <p>သူတို့ အသက်ရှူလိုက်သည့် အကြိမ်တိုင်းတွင် အလွန်ပင် နေလို့ကောင်းနေပြီး သူတို့၏ ဘဝများမှာ မြင့်မြတ်သွားသကဲ့သို့ ခံစားရသည်။</p> <p>“ဟိုလီအင်းဖန်(သန့်ရှင်းသောကလေးငယ်)ပေါ်လာပြီ။ ဟိုလီအင်းဖန်(သန့်ရှင်းသောကလေးငယ်)ပေါ်လာပြီ”</p> <p>ဘုရားကျောင်း အနီးရှိ ရွာသားများ အားလုံးမှာ ရုပ်တုရှိရာ ဘက်သို့ ဒူးထောက်ကာ ဦးချလိုက်ကြသည်။</p> <p>မမြင်နိုင်သော စွမ်းအင်များမှာ တိတ်တဆိတ် စုစည်းလာပြီး ဘုရားကျောင်း၏ အလယ်ဗဟိုသို့ မည်သူမျှ သတိမထားမိဘဲ စီးဝင်သွားခဲ့သည်။</p> <p>သူ၏ ကျင့်ကြံခြင်းကို မည်သို့ လျင်မြန်စွာ မြှင့်တင်ရမည်နည်းဟု တွေးတောနေသော လင်းချီယဲ့မှာ အံ့အားသင့်သွားသည်။</p> <p>၎င်းမှာ ယုံကြည်ခြင်း စွမ်းအား  ပင် ဖြစ်သည်။</p> <p>သူသည် ယခင် စမ်းသပ်မှုများတွင်လည်း ဤယုံကြည်ခြင်း စွမ်းအားကို အကြိမ်ကြိမ် တွေ့ကြုံခဲ့ဖူးသော်လည်း ထိုထူးဆန်းသော စွမ်းအင်ကို မရှင်းပြနိုင်ခဲ့ပေ။</p> <p>သူသည် မသေမျိုးအဆင့်  သို့ တက်လှမ်းပြီးသည့်တိုင်အောင် ၎င်း၏ အရင်းအမြစ်ကို ရှာမတွေ့ခဲ့ပေ။</p> <p>သို့သော် တစ်ခုမှာ သေချာလှသည်။ ယုံကြည်ခြင်း စွမ်းအားတွင် ပြင်းထန်သော အကျိုးသက်ရောက်မှု ရှိသည်။</p> <p>လင်းချီယဲ့သည် ၎င်းကို မည်သို့ ထိန်းချုပ်ရမည်ကို မသိသော်လည်း ယုံကြည်ခြင်း စွမ်းအားကို ရရှိနိုင်သရွေ့ သူသည် ပိုပြီး အလွယ်တကူ အစွမ်းထက်လာနိုင်သည်။</p> <p>“ဒီကမ္ဘာက ကုသိုလ်ဆိုတာ ယုံကြည်ခြင်း စွမ်းအားများလား” လင်းချီယဲ့မှာ မေးစေ့ကို ပွတ်ရင်း စဉ်းစားနေသည်။</p> <p>သူ၏ စိတ်စွမ်းအားဖြင့် စစ်ဆေးကြည့်ရာ အပြင်ဘက်တွင် ဝပ်တွား ဦးချနေကြသော ရွာသားများမှာ တကယ်ပင် ကြည်ညိုနေကြကြောင်း သူ သိလိုက်ရသည်။</p> <p>သူ၏ ခန္ဓာကိုယ်အတွင်းသို့ အဆုံးမရှိသော ယုံကြည်ခြင်း စွမ်းအားများ စီးဝင်နေသည်ကိုလည်း သူ ခပ်ရေးရေး ခံစားရသည်။</p> <p>“ထားလိုက်ပါတော့။ ဒီအကြောင်းကို တွေးနေတာ အချိန်ကုန်ပါတယ်။ ဒါပေမဲ့ အခု ငါ့မှာ ယုံကြည်ခြင်း စွမ်းအား ရှိနေပြီဆိုတော့ ကျင့်ကြံဖို့ အများကြီး ပိုလွယ်သွားပြီ”</p> <p> </p> <p>***</p> <p> </p>


Save