Book List

<h2 style="text-align: center;">​အခန်း (၃၉၇) - သူဟာ ငါ့ရဲ့ သန့်စင်ပေးခြင်းကို ခံလိုက်ရပြီ</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p> </p> <p>​၎င်းက သေမှာကို ကြောက်နေတာလား။ ရယ်စရာပဲ။ လင်းချီယဲ့နှင့် ပြုလုပ်ထားသော သဘောတူညီချက်အရ သူ သိလိုသည်များကို ပြောပြပါက လင်းချီယဲ့က သူ၏ ဝိညာဉ်ကို ငရဲမှ လွတ်မြောက်ခွင့် ပေးမည်ဟု ဆုံးဖြတ်ထားပြီး ဖြစ်သည်။</p> <p>၎င်းအတွက်မူ သေခြင်းတရားမှာ လွတ်မြောက်မှု ပုံစံတစ်ခု ဖြစ်သည်။ ၎င်းက ဘာလို့ ကြောက်နေရမှာလဲ။</p> <p>သို့သော် ဤနေရာသို့ ရောက်လာပြီး လင်းချီယဲ့၏ ပိုမို နက်နဲသော အခြေခံကို မြင်တွေ့ရပြီးနောက် ၎င်းမှာ အမှန်ပင် ကြောက်ရွံ့နေခဲ့သည်။</p> <p>သို့သော် ၎င်းက သေမှာကို ကြောက်နေခြင်း မဟုတ်ပေ။ လင်းချီယဲ့က ၎င်းကို သုတေသနအတွက် အသုံးပြုမည်ကို ကြောက်ရွံ့နေခြင်း ဖြစ်သည်။</p> <p>စောစောက အရိုက်ခံရသည့် ခံစားချက်မှာ ၎င်း၏ စိတ်ထဲတွင် ထင်ရှားနေဆဲ ဖြစ်သည်။ နောင်တွင် မိစ္ဆာဝိညာဉ်ထက် ပို၍ ထိတ်လန့်စရာ ကောင်းသော ဤလူ၏ နှိပ်စက်ခြင်းကို ၎င်း မခံချင်တော့ပေ။</p> <p>လင်းချီယဲ့သည် မိစ္ဆာဝိညာဉ်၏ ရမ်းသန်း ခန့်မှန်းချက်များကို လျစ်လျူရှုလိုက်သည်။ သူသည် နာရီကို ခန်းမထဲတွင် ထားလိုက်ပြီး ပတ်ပတ်လည် လမ်းလျှောက်ရင်း သေချာ စေ့စေ့စပ်စပ် လေ့လာလိုက်သည်။</p> <p>သူသည် နာရီကို ခေါက်လိုက်သည်။</p> <p>"အတွင်းထဲက လူတွေ ငါ့ကို ကြားနိုင်လား။"</p> <p>တဝီဝီ မြည်သံ ထွက်ပေါ်လာသော်လည်း မည်သည့် တုံ့ပြန်မှုကိုမျှ သူ မရရှိခဲ့ပေ။</p> <p>လင်းချီယဲ့သည် သူ့ဘာသာ ရေရွတ်လိုက်သည်။ "ဒီအရာက အတွင်းထဲမှာ သူ့ရဲ့ ကိုယ်ပိုင် နေရာ ရှိပုံရပြီး ပြင်ပကမ္ဘာနဲ့ အဆက်အသွယ် မရနိုင်ဘူး။ ငါ အင်အားသုံးပြီးပဲ ဒါကို ခွဲရတော့မှာလား။"</p> <p>သူသည် နာရီကို ကြည့်လိုက်ပြီး သူ၏ လက်သီးကို ကြည့်လိုက်သည်။ သူသည် နာရီကို လက်သီးဖြင့် ထိုးလိုက်ရာ အခန်းတစ်ခုလုံး တုန်ခါသွားသည်။</p> <p>သူ၏ ဘေးရှိ မိစ္ဆာဝိညာဉ်မှာ ထိတ်လန့်သွားသည်။</p> <p>သူသည် လင်းချီယဲ့ကို စိုက်ကြည့်ရင်း "မင်း အပြာရောင်ကြယ် နာရီကို အင်အားသုံးပြီး ခွဲဖို့ စဉ်းစားနေတာတော့ မဟုတ်ပါဘူးနော်" ဟု မေးလိုက်သည်။</p> <p>"ဘာဖြစ်လို့လဲ။ ငါ မလုပ်နိုင်ဘူးလား။" ဟု လင်းချီယဲ့က ပြောရင်း သူ၏ လက်သီးကို ထပ်မံ မြှောက်လိုက်သည်။</p> <p>"ဝူး!"</p> <p>လက်သီးဖြင့် ထိုးလိုက်တိုင်း နာရီမှာ ပြင်းထန်စွာ တုန်ခါသွားသည်။</p> <p>ကျယ်လောင်သော မြည်ဟီးသံတစ်ခု ထွက်ပေါ်လာသည်။</p> <p>ရင်ပြင်အတွင်း သီးခြားခွဲထားသော အစီအရင်သာ မရှိပါက ရွာသားများသည် ကျယ်လောင်သော နာရီမြည်သံကို ကြားရပါလိမ့်မည်။</p> <p>မိစ္ဆာဝိညာဉ်မှာ ထိတ်လန့်သွားသော်လည်း မလေးမစားဖြင့် ရေရွတ်လိုက်သည်။ "အရူးပဲ။ ဒါက အပြာရောင်ကြယ် နာရီလေ။ ငါတို့ အဖွဲ့အစည်းရဲ့ ခေါင်းဆောင်တောင် ဒါကို မထိခိုက်စေနိုင်ဘူး။ မင်းက ဒါကို ခွဲနိုင်မယ် ထင်နေတာလား။"</p> <p>၎င်းသည် ၎င်း၏ မှတ်ဉာဏ် တစ်စိတ်တစ်ပိုင်း ပျောက်ဆုံးသွားပြီး အပြာရောင်ကြယ် နာရီ၏ ပိုင်ရှင်မှာ မည်သူဖြစ်ကြောင်း မေ့သွားသော်လည်း အပြာရောင်ကြယ် နာရီ မည်မျှ အားကောင်းကြောင်းကိုမူ မှတ်မိနေဆဲ ဖြစ်သည်။</p> <p>"ဘုန်း!"</p> <p>မိစ္ဆာဝိညာဉ်က လင်းချီယဲ့ အရေးနိမ့်သွားမည်ကို စောင့်ဆိုင်းနေစဉ်မှာပင် အက်ကွဲသံတစ်ခု ရုတ်တရက် ထွက်ပေါ်လာသည်။</p> <p>ခန်းမတစ်ခုလုံး ချက်ချင်း တိတ်ဆိတ်သွားသည်။</p> <p>လင်းချီယဲ့သည် သူ၏ လှုပ်ရှားမှုများကို ရပ်တန့်လိုက်ပြီး မိစ္ဆာဝိညာဉ်မှာတော့ ကြောင်အမ်းအမ်းဖြင့် ရပ်နေသည်။</p> <p>နာရီကြီးကို ကြည့်ရင်း ၎င်း၏ မေးစေ့မှာ မြေပြင်ပေါ်သို့ ပြုတ်ကျမတတ် ဖြစ်သွားသည်။</p> <p>၎င်းက ပျက်သွားတာလား။</p> <p>ကိုယ်ထည်နယ်ပယ် အထွတ်အထိပ်မှာ ရှိတဲ့ သူတို့ အဖွဲ့အစည်းရဲ့ ခေါင်းဆောင်တောင် ဒီနာရီကို မထိခိုက်စေနိုင်ခဲ့ဘူး၊ ဒါပေမဲ့ အက်ကြောင်းတစ်ခု ပေါ်လာပြီ။</p> <p>ဒီလူက မသေမျိုးနယ်ပယ်က တစ်ယောက် ဖြစ်နေတာလား။</p> <p>မိစ္ဆာဝိညာဉ်၏ နှလုံးသားမှာ ပြင်းထန်စွာ ခုန်နေသည်။</p> <p>လင်းချီယဲ့သည်လည်း ထပ်တူထပ်မျှ အံ့သြသွားသည်။</p> <p>သို့သော် သူ၏ အံ့သြမှုမှာ သူ၏ ခွန်အားကြောင့် မဟုတ်ဘဲ အပြာရောင်ကြယ် နာရီပေါ်ရှိ အက်ကြောင်းကို သူ ထိုးနှက်လိုက်သည့်အခါ ၎င်းမှာ ပြိုလဲမည့် အရိပ်အယောင်များ ပြသလာသည်ကို သူ တွေ့ရှိလိုက်ရခြင်း ဖြစ်သည်။</p> <p>ထပ်မံ တိုက်ခိုက်ခံရပါက နာရီသည် အတွင်း၌ ပိတ်မိနေသူနှင့်အတူ ပျက်စီးသွားမည့်အတိုင်း ဖြစ်နေသည်။</p> <p>"တောက်၊ ဒီအရာက ဘယ်လိုဖြစ်ပြီး ဒီလောက်တောင် အားနည်းနေရတာလဲ။ အကြိမ်အနည်းငယ် ခေါက်ရုံနဲ့ ပြိုလဲတော့မှာလား။"</p> <p>သာမန် အသိဥာဏ်အရ အားကောင်းသော မှော်ရတနာတစ်ခု အနည်းငယ် ပျက်စီးသွားသည့်အခါ မည်သည့် ပျက်စီးမှုကိုမျှ ဖြစ်စေမည် မဟုတ်ပေ။</p> <p> </p> <p> </p> <p> </p> <p> </p> <p>***</p> <p> </p>


Save