Book List

<h2 style="text-align: center;">အခန်း (၅၄၂)</h2> <h2 style="text-align: center;">စွန့်စားမှုကို ရွေးချယ်ခြင်း</h2> <h2 style="text-align: center;">​*</h2> <p> </p> <p>တံခါးပွင့်သွားသည်နှင့် တစ်ပြိုင်နက် လုံချန်းသည် အဆောက်အဦးအတွင်းပိုင်းကို မြင်လိုက်ရပြီး သူမြင်လိုက်ရသည့် မြင်ကွင်းကြောင့် မှင်သက်သွားခဲ့ရသည်။ ထိုအဆောက်အဦးအတွင်း၌ အလောင်းများဖြင့် ပြည့်နှက်နေသောကြောင့်ပင်။</p> <p>​အဆောက်အဦးထဲတွင် အလောင်းပေါင်း ထောင်ချီ၍ ရှိနေသော်လည်း ၎င်းက သူ့ကို တုန်လှုပ်စေသည်တော့ မဟုတ်ပေ။</p> <p>​သူ့ကို အံ့အားသင့်သွားစေသည်မှာ ထိုထောင်ပေါင်းများစွာသော အလောင်းများကြားမှ သီးခြားဖြစ်နေသည့် အလောင်းတစ်လောင်းပင် ဖြစ်သည်။ ထိုအလောင်းက သူ့ကို တစ်စုံတစ်ရာကြောင့် အလွန်အမင်း တုန်လှုပ်သွားစေသည်။</p> <p>​သူသည် အဆောက်အဦးဆီသို့ လျှောက်သွားပြီး အတွင်းသို့ လှမ်းဝင်လိုက်သည်။</p> <p>​အဆောက်အဦးအတွင်း၌ သေခြင်းတရား၏ ပုပ်စော်နံသော အနံ့အသက်များဖြင့် ပြည့်နှက်နေသည်။ ဤလူများ သေဆုံးနေခဲ့သည်မှာ မည်မျှကြာပြီလဲဆိုသည်ကို လုံချန်း မသိသော်လည်း အလောင်းများ၏ အခြေအနေမှာ သေဆုံးသည်မှာ မကြာသေးသကဲ့သို့ ရှိနေသည်။ သို့သော် ၎င်းမှာ အမှန်မဟုတ်ကြောင်း လုံချန်း သိမြင်နိုင်သည်။ ဤအဆောက်အဦးအတွင်း၌ အလောင်းများကို မပုပ်သိုးအောင် တားဆီးပေးထားသည့် တစ်စုံတစ်ခု ရှိနေပေသည်။</p> <p>​လုံချန်းသည် အခြားအလောင်းအများစုကို လျစ်လျူရှုကာ အလောင်းတစ်လောင်းဆီသို့ တန်းတန်းမတ်မတ် လျှောက်သွားလိုက်သည်။</p> <p>​သူ အနားသို့ တိုးသွားလေလေ သူ၏ နှလုံးသားထဲတွင် အရေးကြီးသော တစ်စုံတစ်ယောက်ကို ဆုံးရှုံးလိုက်ရသကဲ့သို့ ဝမ်းနည်းမှုများက လွှမ်းမိုးလာလေလေ ဖြစ်သည်။ ထိုသူနှင့် လူကိုယ်တိုင် မဆုံဖူးသော်လည်း ဤဝမ်းနည်းမှုမှာ သူ တစ်သက်လုံး သိကျွမ်းလာခဲ့သော သူတစ်ဦးကို ဆုံးရှုံးလိုက်ရသကဲ့သို့ ပြင်းထန်လှသည်။</p> <p>​သူသည် ထိုအလောင်းရှေ့တွင် ရပ်လိုက်ပြီး ဝမ်းနည်းကြေကွဲသော အကြည့်များဖြင့် ငုံ့ကြည့်နေမိသည်။</p> <p>​၎င်းမှာ အမျိုးသမီးတစ်ဦး၏ အလောင်းဖြစ်သည်။ ထိုအမျိုးသမီးကို သူ အရင်က မမြင်ဖူးသော်လည်း သူမ ဝတ်ဆင်ထားသည့် အဝတ်အစားကိုမူ သူ မှတ်မိနေသည်။ ၎င်းမှာ သူတွေ့ခဲ့သော ဓာတ်ပုံဘောင်ထဲမှ အမျိုးသမီး ဝတ်ဆင်ထားသည့် အဝတ်အစားပင် ဖြစ်သည်။</p> <p>​ထိုအမျိုးသမီး၏ မျက်နှာမှာ သူ၏ ဖခင်နှင့် ဆင်တူယိုးမှား ရှိနေသကဲ့သို့ ပုံတူကားချပ်ထဲမှ အမျိုးသား၏ မျက်နှာမှာလည်း သူ၏ ဖခင်နှင့် ဆင်တူနေသည်။ ဓာတ်ပုံထဲမှ လူများသည် သူ၏ ဖခင်နှင့် တော်စပ်သူများ ဖြစ်နိုင်သည်ဟု သူ အရင်က သံသယရှိခဲ့သော်လည်း ယခုအခါ အမှောင်ယဇ်ပဏ္ဏာ၏ သက်ရောက်မှုအောက်တွင် ရှိနေပါလျက်နှင့်ပင် ဤမျှအထိ ဝမ်းနည်းမှုကို ခံစားနေရခြင်းက ဤအမျိုးသမီးသည် သူနှင့် တော်စပ်သူ ဖြစ်ကြောင်း အတည်ပြုပေးလိုက်သကဲ့သို့ပင်။</p> <p>​သူ ယုံကြည်မိသည်မှာ သူတို့၏ ပတ်သက်မှုမှာ သိပ်မဝေးလှပေ။ သွေးသား တော်စပ်မှုမှာ ကျဲကျဲပါးပါး မဟုတ်ဘဲ တိုက်ရိုက်တော်စပ်သည့် သွေးသား ဆက်နွှယ်မှုမျိုး ဖြစ်ပုံရသည်။ ထိုအမျိုးသမီးမှာ သူ၏ အဖိုး၊ အဖွားတို့နှင့် အလွန်နီးစပ်သော ဆွေမျိုးတစ်ဦး ဖြစ်နိုင်သည်ဟု သူ ယူဆလိုက်သည်။</p> <p>​သူ၏ အဖွားရင်းမှာ လုံချန်း၏ ရှေ့မှာပင် သေဆုံးသွားခဲ့ကြောင်း သူ သိထားသည်။ သူမ မသေဆုံးမီတွင် သူမ၏ ရင်သွေးကို ကာကွယ်ရန် လုံချန်းထံ အပ်နှံခဲ့ခြင်း ဖြစ်သည်။ သူ၏ အဖိုးရင်းမှာမူ ဤဂိုဏ်းမှပင် ဖြစ်လိမ့်မည်ဟု သူ ယုံကြည်ထားသည်။</p> <p>​"ခင်ဗျားကို ကျွန်တော် မသိခဲ့ပေမဲ့... စိတ်မကောင်းပါဘူးဗျာ" လုံချန်းက ခေါင်းခါရင်း တိုးတိုးလေး ရေရွတ်လိုက်သည်။</p> <p>​"နောက်မှ ခင်ဗျားကို ကောင်းကောင်းမွန်မွန် သင်္ဂြိုဟ်ပေးပါ့မယ်" လုံချန်းက ပြောလိုက်ပြီး ထိုအမျိုးသမီး၏ အလောင်းကို သူ၏ သိုလှောင်လက်စွပ်ထဲသို့ ထည့်လိုက်သည်။ သူ ထိုအမျိုးသမီးကို မသိသော်လည်း နောင်တစ်ချိန်တွင် သူမကို မြှုပ်နှံပေးခြင်းက သူ့အတွက် ဘာမှ နစ်နာစရာမရှိကြောင်း သူ သိသည်။</p> <p>​သူသည် အခြားအလောင်းများကို ပတ်ပတ်လည် ကြည့်ရှုပြီး ဘာတွေ ဖြစ်ပျက်ခဲ့သလဲဟူသော သဲလွန်စကို ရှာဖွေခဲ့သော်လည်း ဘာမျှ ရှာမတွေ့သဖြင့် ပြန်ထွက်လာခဲ့သည်။</p> <p>​သူသည် အဆောက်အဦးအတွင်းမှ ထွက်လာပြီး အလောင်းများကို နောက်တွင် ချန်ရစ်ကာ ရှေ့သို့ ဆက်လက် လျှောက်လှမ်းခဲ့သည်။ တံခါးမှာ ပျက်စီးသွားပြီ ဖြစ်သဖြင့် တစ်စုံတစ်ယောက် ဤနေရာသို့ လာခဲ့လျှင် သိသွားမည်မှာ သေချာသော်လည်း ၎င်းမှာ ယခုအချိန်တွင် သူ စိုးရိမ်ရမည့် ကိစ္စမဟုတ်ပေ။ သူသည် တစ်ထပ်လုံးကို အရင်ဆုံး စူးစမ်းချင်သည်။ ထို့ပြင် ဤအထပ်မှာ ဤကဲ့သို့ ခြောက်ကပ်နေသဖြင့် လူတစ်ယောက်ယောက် လာဖို့ဆိုသည်မှာလည်း မဖြစ်နိုင်သလောက်ပင်။</p> <p>​လုံချန်းသည် တစ်စုံတစ်ခုကို ရှာဖွေရန် ရှေ့သို့ ဆက်လက် လျှောက်လှမ်းခဲ့သည်။ မကြာမီမှာပင် အရှိန်မြှင့်ရန် ဝိညာဉ်ဓားပေါ်သို့ တက်လိုက်သည်။</p> <p>​မကြာခင်မှာပင် သူသည် တစ်ထပ်လုံးကို ပတ်ကြည့်ပြီးသွားခဲ့သည်။ ဤအထပ်မှာ လုံးဝကို ဗလာကျင်းနေသည်။ အသက်ရှင်နေသော လူတစ်ဦးတစ်ယောက်မျှ သူ မတွေ့ရပေ။ အလောင်းများဖြင့် ပြည့်နှက်နေသော ထိုအဆောက်အဦးတစ်ခုမှလွဲ၍ ကျန်အဆောက်အဦးများမှာ ပျက်စီးနေကြသည်။ ဤတစ်ထပ်လုံးမှာ လုံးဝ ဥဿုံ ဖျက်ဆီးခံထားရပုံရပြီး ထိုသို့ ပြုလုပ်သူမှာ အတိတ်တုန်းက ဤနေရာ၌ နေထိုင်ခဲ့ကြသော ထောင်ပေါင်းများစွာသော လူတို့၏ အလောင်းများကို ထားရှိရန်အတွက် အဆောက်အဦး တစ်ခုတည်းကိုသာ ချန်ထားခဲ့ပုံရသည်။</p> <p>​သူသည် အကြောင်းအရင်းကို နားလည်ချင်သော်လည်း ဤဂိုဏ်းမှာ သူမြင်ဖူးသမျှနှင့် မတူကြောင်း သူ သိထားသည်။ မူယွမ်အပေါ် သူ အထင်ကြီးလေးစားမှု ရှိသော်လည်း ဤဂိုဏ်းမှာမူ တကယ့်ကို ပျက်စီးနေဆဲပင်။ ဂိုဏ်းဆိုသည်မှာ လူများ နေ့တိုင်း သေဆုံးနေပြီး အကြီးအကဲများက လျစ်လျူရှုထားသော နေရာမျိုး ဖြစ်သည်။ အထပ်တစ်ခုလုံး သုတ်သင်ပယ်ရှင်းခံရခြင်းမှာလည်း သူတို့အတွက်တော့ မထူးဆန်းလှပေ။ ၎င်းမှာ ထူးဆန်းသော်လည်း ဤကဲ့သို့သော ဂိုဏ်းမျိုးအတွက်တော့ အဓိပ္ပာယ်ရှိနေသည်။ တစ္ဆေကျောင်းတော်သည် တစ်စုံတစ်ခုကြောင့် ၂၄ ထပ်မှ လူများကို အပြစ်ပေးခဲ့ခြင်း ဖြစ်နိုင်သည်။</p> <p>​'ဖြစ်နိုင်တာက... အဲဒီအချိန်တုန်းက ဒီအထပ်ကို တိုက်ခိုက်ခံရလို့ အဖွားက ဂိုဏ်းကနေ ထွက်ပြေးခဲ့တာလား။ သူတို့က သူ့နောက်ကို လိုက်ဖမ်းကြပြီး အတန်ကြာမှ ရှာတွေ့သွားတယ်။ သူက သူတို့ကို သတ်နိုင်ခဲ့ပေမဲ့ သူကိုယ်တိုင်လည်း ဒဏ်ရာ အပြင်းအထန် ရခဲ့တယ်။ မသေခင်မှာ သူ့ရဲ့ ကလေးကို ကာကွယ်ပေးဖို့ လုံရန်ဆီ အပ်ခဲ့တယ်။ အဲဒီကလေးက ကြီးပြင်းလာပြီး သူကိုယ်သူ လုံရန်ရဲ့ သားလို့ ထင်ခဲ့တယ်။ သူ အိမ်ထောင်ကျပြီးတဲ့နောက် ဂိုဏ်းက သူ့အကြောင်း သိသွားပြီး သူ့ကို ပြန်ဖမ်းလာခဲ့တာလား' လုံချန်းက စဉ်းစားဟန်ဖြင့် ရေရွတ်လိုက်သည်။</p> <p>​"ဒါမှမဟုတ် ကျောင်းတော်က တစ်စုံတစ်ခုအတွက် သူ့ရဲ့ ကလေးကို လိုချင်လို့ သူ ထွက်ပြေးခဲ့တာလည်း ဖြစ်နိုင်တယ်။ သူတို့ ဒေါသထွက်ပြီး သူ့ရဲ့ မိသားစုနဲ့ ဒီအထပ်က လူတွေကို အပြစ်ပေးခဲ့တာ ဖြစ်မယ်။ တစ်ခုလုံးကတော့ တကယ့်ကို ရှုပ်ထွေးနေတာပဲ။ ကျောင်းတော်ယဇ်ပုရောဟိတ် ဒါမှမဟုတ် ကျောင်းတော်အကြီးအကဲ တစ်ယောက်ယောက်ပဲ ဒါကို သိလိမ့်မယ်" သူက ခေါင်းခါရင်း ဆိုသည်။</p> <p>​တစ်ထပ်လုံးကို ရှာဖွေပြီး ဘာမှ မတွေ့သဖြင့် သူ့တွင် ရွေးချယ်စရာ နှစ်ခု ရှိလာသည်။ မနက်မလင်းခင် အချိန် လေးနာရီခန့် ကျန်သေးသည်။ သူ့တွင် ဤအထပ်၏ မြေပုံမရှိသော်လည်း သူ့ကို ပို့ဆောင်ပေးခဲ့သော ဝင်္ကပါကို သုံး၍ ၁၂ ထပ်သို့ ပြန်သွားနိုင်ကြောင်း သူ သိရှိထားသည်။ သို့သော် သူ စဉ်းစားနေသည်မှာ ပြန်သွားသင့်၊ မသင့် ဆိုသည်ကိုပင်။</p> <p>​လုံချန်းတွင် အချိန် လေးနာရီ ရှိနေသဖြင့် ပိုမြင့်သောအထပ်သို့ သွားရောက် ရှာဖွေရန် အခွင့်အရေးလည်း ရှိနေသည်။ တစ်ခုတည်းသော ပြဿနာမှာ သူ၏ ကံအပေါ်မှာသာ မူတည်နေခြင်း ဖြစ်သည်။</p> <p>​သူ့တွင် မြေပုံမရှိသလို မည်သည့် နေရာရွှေ့ပြောင်းခြင်း ဝင်္ကပါက ၂၅ ထပ်သို့ သွားမည်ဆိုသည်ကိုလည်း သူ မသိပေ။</p> <p>​နေရာရွှေ့ပြောင်းခြင်း ဝင်္ကပါ ၂၅ ခုထဲတွင် ပြန်သွားရမည့် ဝင်္ကပါကိုသာ သူ သိသည်။ အကယ်၍ သူ ကြုံရာ ရွေးချယ်မည်ဆိုလျှင် မှန်ကန်သော ဝင်္ကပါကို ရွေးမိဖို့ အခွင့်အရေးမှာ ၂၄ ပုံ ၁ ပုံသာ ရှိပြီး ၎င်းမှာ အခွင့်အလမ်း သိပ်မကောင်းလှပေ။</p> <p>​"ထားလိုက်တော့... ငါ ဒီကို လာတာက စွန့်စားဖို့ပဲလေ၊ ငါ စွန့်စားကြည့်မှာပေါ့။ အနီးဆုံး ဝင်္ကပါကိုပဲ ရွေးလိုက်မယ်၊ ကျောင်းတော်အရှင် ရှိတဲ့ အထပ်ကိုတော့ မရောက်ပါစေနဲ့လို့ပဲ ဆုတောင်းရမှာပဲ" လုံချန်းက ရေရွတ်ရင်း သူ၏ ရှေ့တည့်တည့်တွင် ရှိသော အနီးဆုံး ဝင်္ကပါဆီသို့ ပျံသန်းသွားလိုက်သည်။</p> <p>​သူသည် ဝင်္ကပါရှေ့တွင် ဆင်းသက်ကာ ဝိညာဉ်ဓားကို သိုလှောင်လက်စွပ်ထဲ ပြန်ထည့်လိုက်သည်။</p> <p>​သူသည် ဝင်္ကပါအတွင်းသို့ လှမ်းဝင်လိုက်သည်။ ဝင်္ကပါ အသက်ဝင်လာသည်နှင့် တစ်ပြိုင်နက် အရိပ်အသွင်ပြောင်းခြင်းကိုလည်း အသက်သွင်းလိုက်သည်။ အထပ်အသစ်သို့ ရောက်ရောက်ချင်း ကင်းစောင့်များ၏ ဖမ်းဆီးခြင်းကို မခံရစေရန် သူ အထူး သတိထားနေခြင်း ဖြစ်သည်။</p> <p> </p> <p style="text-align: center;">***</p> <p> </p>


Save