Book List

<h2 style="text-align: center;">အခန်း(403)</h2> <h2 style="text-align: center;">*</h2> <p> </p> <p>လော်ပင်းက ရှုပ်ထွေးနေပြီး သူမ၏ စကားကို ယုံကြည်နေပုံရကြောင်းကို မြင်ချိန်တွင်မှ တုန်လိလိလည်း သက်ပြင်းချနိုင်တော့သည်။</p> <p> </p> <p>ထို့နောက် လင်းကျန်းဖူအား စူးစူးရဲရဲ စိုက်ကြည့်လိုက်ပြီး လော့်ပင်းနှင့်အတူ အမြန်ဆုံး ထွက်ခွာရန် ပြင်ဆင်လိုက်လေသည်။</p> <p> </p> <p>သူမ ဤနေရာတွင် ဆက်မနေရဲတော့ပါချေ။ သို့မဟုတ်ဘဲ လင်းကျန်းဖူကသာ ဆက်လက် ပြောဆိုနေမည်ဆိုလျှင် သူမ၏ လျှို့ဝှက်ချက်များ အားလုံး ပေါက်ကြားသွားမည်ကို စိုးရိမ်နေရသည်။</p> <p> </p> <p>“လော်ပင်း... တော်လိုက်တော့၊ လင်းကျန်းဖူဆိုတဲ့ ဒီအရူးမနဲ့ စကားဆက်မပြောနေနဲ့တော့၊ ကျွန်မ ထင်တာတော့ သူမက ကလေးမမွေးနိုင်လို့ ရူးသွားတာဖြစ်ရမယ်၊</p> <p> </p> <p>ဒါကြောင့် ကျွန်မတို့ရဲ့ ကလေးကို အေးအေးဆေးဆေး မွေးမလာနိုင်အောင် နှောင့်ယှက်နေတာပဲ၊</p> <p> </p> <p>သူမက တကယ့်ကို စိတ်ထားပုတ်သိုးနေတဲ့ မိန်းမပဲ၊ မြန်မြန် သွားကြရအောင်.. ကျွန်မတို့ရဲ့ ကလေးအတွက် တွေးပြီး သူမနဲ့ ဝေးဝေးမှာ နေကြရအောင်!”</p> <p> </p> <p>သူမ စကားပြောဆိုပြီးသည့်အချိန်တွင်ပင် တစ်ဖက်ရှိ အမျိုးသမီး ဆရာဝန်မကြီး၏ စားပွဲဆီမှ အသံတစ်သံက ရုတ်တရက် ထွက်ပေါ်လာခဲ့လေသည်။</p> <p> </p> <p>“မင်းရဲ့ စစ်ဆေးချက် ရလဒ်တွေက အကုန်လုံး အကောင်းအတိုင်းပါပဲ၊ ရဲဘော်လင်းကျန်းဖူ... မင်းရဲ့ ကလေးမွေးဖွားနိုင်စွမ်းက ဘာပြဿနာမှ မရှိဘူး”</p> <p> </p> <p>အခန်းထဲတွင်ရှိနေသော လူများအားလုံးက အမျိုးသမီးဆရာဝန်ထံသို့ မသိစိတ်ဖြင့် လှမ်းကြည့်လိုက်ကြလေ၏။</p> <p> </p> <p>လင်းရန်က မည်သည့်အချိန်ကတည်း လင်းကျန်းဖူ၏ အာထရာဆောင်းစစ်ဆေးချက်ရလဒ်များကို ဆရာဝန်မကြီးထံသို့ သွားရောက်ပေးအပ်၍ စစ်ဆေးခိုင်းထားသည်ကိုမသိပါချေ။</p> <p> </p> <p>လက်ရှိတွင် ဆရာဝန်မကြီးက ဆေးစစ်ချက်များကို စစ်ဆေးပြီးဖြစ်ကြောင်း သတိပြုမိသွားကြလေသည်။</p> <p> </p> <p>“ဒေါက်တာ...ကျွန်မတစ်ခုလောက် မေးပါရစေ.. ကျွန်မရဲ့ဒေါ်လေးမှာ ဘာပြဿနာမှ မရှိဘူးဆိုရင် သူတို့ဘာလို့ ဒီလောက်နှစ်အကြာကြီး ကလေးမရခဲ့ကြတာလဲ”</p> <p> </p> <p>လင်းရန်က မည်သည်ကိုမျှ မသိနားမလည်သကဲ့သို့ ဟန်ဆောင်၍ မေးမြန်းလိုက်သည်။</p> <p> </p> <p>အမျိုးသမီးဆရာဝန်မကြီးသည်လည်း လင်းရန်၏ မျက်လုံးထဲမှ အပြုံးရိပ်များကို ကြည့်လိုက်လေ၏။ ဤမိန်းကလေးက မည်သည်ကို ကြံစည်နေခြင်းဖြစ်ကြောင်းကို သူမ သေချာပေါက် ရိပ်မိသွားခဲ့သည်။</p> <p> </p> <p>သို့သော်လည်း ဆရာဝန်တစ်ဦး၏ တာဝန်ဝတ္တရားအရဖြစ်စေ၊  ကျိုးကျယ်ပင်းနှင့်လည်း ရင်းနှီးသည့် စီနီယာတစ်ဦးအနေဖြင့် ဖြစ်စေ  သူမက သဘာဝကျစွာဖြင့် လင်းရန်တို့ဘက်မှ ရပ်တည်ပေးရလိမ့်မည်။</p> <p> </p> <p>သို့ဖြစ်၍ သူမက လော်ပင်းအား အဓိပ္ပာယ်ရှိစွာဖြင့် တစ်ချက်ကြည့်လိုက်ပြီးနောက် ရှင်းပြလိုက်လေသည်။</p> <p> </p> <p>“ခုနက ဒေါက်တာကျိုး ပြောသွားသလိုပါပဲ ၊ ဇနီးမောင်နှံနှစ်ဦးက သားဆက်ခြားတဲ့ နည်းလမ်းတွေကို တကူးတက အသုံးမပြုဘဲ နှစ်အတော်ကြာအောင် ကလေးမရဘူးဆိုရင် အမျိုးသားမှာရော အမျိုးသမီးမှာပါ ပြဿနာရှိနိုင်တယ်ဆိုတာကို ထည့်သွင်းစဉ်းစားရလိမ့်မယ်”</p> <p> </p> <p>“အခု မင်းရဲ့ဒေါ်လေးအတွက် အခြေအနေက ရှင်းသွားပြီ၊ သူမမှာ ဘာပြဿနာမှ မရှိသလို ကလေးမွေးဖွားနိုင်စွမ်းကလည်း ပုံမှန်ပါပဲ၊ ဒါကြောင့် ပြဿနာက တစ်ဖက်လူမှာပဲ ရှိနိုင်ပါလိမ့်မယ်”</p> <p> </p> <p>ထိုတစ်ဖက်လူမှာ မည်သူဖြစ်မည်နည်းဟူသည်ကတော့ မေးစရာမလိုပါချေ။</p> <p> </p> <p>လော်ပင်းသာလျှင် ဖြစ်ပေ၏။</p> <p> </p> <p>“မဖြစ်နိုင်တာ! ငါ့မှာ ဘာလို့ ပြဿနာရှိရမှာလဲ ငါက အကောင်းအတိုင်းရှိနေတာလေ!”</p> <p> </p> <p>လော်ပင်းက ထိုစကားကိုပင် ထပ်ခါတလဲလဲ ပြောဆိုနေပြီး သူတွင် ပြဿနာရှိနေသည်ဟူသောစကားကို ပြတ်ပြတ်သားသား ငြင်းဆိုနေခဲ့သည်။</p> <p> </p> <p>သို့သော်လည်း အမျိုးသမီးဆရာဝန်၏ စကားများကြောင့် သူ၏စိတ်ထဲတွင် ရူးသွပ်မတတ် စိုးရိမ်ထိတ်လန့်မှုများ စတင်ပေါ်ပေါက်လာခဲ့ရသည်။</p> <p> </p> <p>အကယ်၍ ဆရာဝန်တစ်ဦးကသာ ဤသို့ပြောလျှင် ကျိုးကျယ်ပင်းမှ သူ့အား တမင်ခြောက်လှန့်နေခြင်းဖြစ်သည်ဟု ဆိုနိုင်သော်လည်း ယခုဆရာဝန်မကြီးမှာ သူနှင့် မည်သည့်ရန်ငြိုးမျှမရှိပါချေ။</p> <p> </p> <p>ထို့အပြင် လွန်ခဲ့သော နှစ်ဝက်အတွင်း တုန်လိလိအား ကိုယ်ဝန်ဆောင်စစ်ဆေးမှုများ လာရောက်ပြသခဲ့ဖူးသည့်အတွက် ဤဆရာဝန်မကြီးမှာ ဆေးကုသမှု ကျွမ်းကျင်ရုံသာမက ဆရာဝန်ကျင့်ဝတ်နှင့်လည်း ညီညွတ်သူဖြစ်ကြောင်း သူ ကောင်းစွာသိရှိထားခဲ့သည်။</p> <p> </p> <p>ထို့ကြောင့် သူမက လိမ်ညာပြောဆိုနေရန် အကြောင်းမရှိပါချေ။</p> <p> </p> <p>သို့ဆိုလျှင် ပြဿနာမှာ လင်းကျန်းဖူကြောင့် မဟုတ်ဘဲ သူကြောင့်သာ အမှန်တကယ် ဖြစ်နေမည်လား။</p> <p> </p> <p>ဤမျှနှစ်ပေါင်းများစွာ ကြာသည်အထိ သူတို့မိသားစုတစ်ခုလုံး လင်းကျန်းဖူအား အပြစ်တင်ခဲ့ခြင်း၊ သူမအား သရော်သည့်စကားဖြင့် နှိပ်စက်ခဲ့ခြင်းနှင့် ဒေါသပုံချခဲ့ခြင်းများက လုံးဝမှားယွင်းနေခဲ့သည်ဟု ဆိုလိုသည်လား။</p> <p> </p> <p>လင်းကျန်းဖူအား ကလေးမရအောင် ပြုလုပ်ခဲ့သူက သူကိုယ်တိုင်ဖြစ်နေသည်လား။</p> <p> </p> <p>မဟုတ်ဘူး... မဖြစ်နိုင်ဘူး!</p> <p> </p> <p>သူသည်က ပုံမှန်ယောကျ်ားတစ်ယောက်သာဖြစ်သည်။</p> <p> </p> <p>ပြည့်စုံသော ယောကျ်ားတစ်ယောက်ဖြစ်၍ ကလေးမရနိုင်စရာ အကြောင်းမရှိပါချေ!</p> <p> </p> <p>“မဖြစ်နိုင်တာ... ငါ့ဆီမှာ အခုတောင် ကလေးရှိနေပြီလေ၊ ငါ့မှာ ပြဿနာရှိစရာလား ဟုတ်တယ်မလား လိလိ... မင်းရဲ့ဗိုက်ထဲက ကလေးက အရာအားလုံးကို သက်သေပြနိုင်တယ်!”</p> <p> </p> <p>လော်ပင်းက နောက်ဆုံးကျန်ရှိသော မြက်ပင်တစ်ပင်ကို ဆွဲကိုင်လိုက်သည့်အလား တုန်လိလိ၏လက်ကို အတင်းအဓမ္မ ဆုပ်ကိုင်လိုက်မိသောကြောင့် တုန်လိလိတစ်ယောက် နာကျင်လွန်းသောကြောင့် အော်ဟစ်လိုက်ရလေတော့သည်။</p> <p> </p> <p>“အား... ရှင် ကျွန်မကို သတ်နေတာလား!”</p> <p> </p> <p>သို့သော်လည်း လော်ပင်းက မည်သည့်စကားကိုမျှမကြားတော့သကဲ့သို့ တုန်လိလိအား မျက်လုံးအပြူးသားဖြင့်သာ စိုက်ကြည့်နေခဲ့ပေသည်။</p> <p> </p> <p>“မြန်မြန်ပြောစမ်းပါ .. ငါ အကောင်းကြီးပဲလို့ မြန်မြန်ပြောလိုက်!”</p> <p> </p> <p>တုန်လိလိအနေဖြင့် လော်ပင်းအား ယခုကဲ့သို့ စိတ်လွတ်ကိုယ်လွတ်ဖြင့် ရူးသွပ်နေသည့်ပုံစံမျိုး တစ်ခါမျှ မမြင်ဖူးခဲ့ပါချေ။</p> <p> </p> <p>သူမက အလွန်အမင်း ထိတ်လန့်သွားသောကြောင့် လက်မှ နာကျင်မှုများကိုပင် ဂရုမစိုက်နိုင်တော့ဘဲ ခေါင်းကိုသာ ဆက်တိုက် ညိတ်ပြနေခဲ့ရသည်။</p> <p> </p> <p>“ဟုတ်တယ်... ဟုတ်တယ်၊ ရှင့်ပြဿနာ မဟုတ်ပါဘူး..ဒါ လင်းကျန်းဖူရဲ့ ပြဿနာပဲ၊ သူတို့တွေ ပေါင်းပြီး ရှင့်ကို လိမ်နေကြတာ ကြည့်လေ.. ကျွန်မရဲ့ ဗိုက်ထဲမှာ ကလေးရှိနေတာပဲ ဒီကလေးက သက်သေပဲလေ!”</p> <p> </p> <p>တုန်လိလိ၏ စကားကို ကြားရချိန်တွင် လော်ပင်းမှာ စိတ်သက်သာရာ ရသွားသင့်သော်လည်း ဆန့်ကျင်ဘက်အနေဖြင့် ပို၍ပင် ထိတ်လန့်လာကာ စိတ်မရှည်ခြင်းနှင့် မလုံခြုံခြင်းများသာ တိုးပွားလာခဲ့ပေသည်။</p> <p> </p> <p>အထူးသဖြင့် တုန်လိလိနှင့် အတူရှိခဲ့သည့် ထိုအချိန်က သူ အလွန်အမင်း မူးယစ်နေခဲ့ကြောင်းကို ရုတ်တရက် သတိရမိသွားသည်။</p> <p> </p> <p>ထိုညက မည်သို့သော အခြေအနေမျိုး ဖြစ်ခဲ့ကြောင်းကို သူ လုံးဝပင် မမှတ်မိပါချေ!</p> <p> </p> <p>အကယ်၍ ဤကလေးကသာ သူ၏ကလေး အစစ်အမှန် မဟုတ်ခဲ့လျှင် သူက အမှန်တကယ်ပင်...</p> <p> </p> <p>ထိုအချိန်မှာပင် လင်းရန်က ဘေးမှနေ၍ အေးဆေးတည်ငြိမ်စွာ စကားဆိုလိုက်လေသည်။</p> <p> </p> <p>“အာ... တကယ်တော့ ဒီကိစ္စကို အဖြေရှာဖို့က အရမ်းလွယ်ပါတယ်၊ စစ်ဆေးမှုတစ်ခု သွားလုပ်လိုက်ရုံပါပဲ၊ ဒေါက်တာလည်း ဒီလိုပဲ ထင်တယ်မလား”</p> <p> </p> <p>အမျိုးသမီးဆရာဝန်မကြီးက ခေါင်းညိတ်လိုက်သည်။</p> <p> </p> <p>“ကျွန်မတို့ ဆေးရုံရဲ့ လက်ရှိ စက်ကိရိယာတွေက အတော်လေး ပြည့်စုံပါတယ်၊ တကယ်လို့ ရှင်တို့ စစ်ဆေးချင်တယ်ဆိုရင် စစ်ဆေးလို့ ရတယ်၊ ကျွန်မရဲ့ အကြံပြုချက်ကလည်း အဲလိုပဲ၊ စိတ်ချရအောင် စစ်ဆေးကြည့်တာက အကောင်းဆုံးပါပဲ ဘာပဲဖြစ်ဖြစ်...”</p> <p> </p> <p>သူတစ်ပါး၏ ကလေးကို ကျွေးမွေးပြုစုနေရခြင်းမှာ ကြီးမားသော ပြဿနာတစ်ခုပင် မဟုတ်ပါလား။</p> <p> </p> <p>အထူးသဖြင့် လော်ပင်းသည်က တုန်လိလိ ဗိုက်ထဲက ကလေးကို မည်မျှအထိ တန်ဖိုးထားကြောင်း သူမ ကောင်းစွာ သိရှိထားပေသည်။</p> <p> </p> <p>သို့သော် ထိုကလေးမှာ သူ၏ကလေး ဖြစ်နေမှသာ ဖြစ်ပေလိမ့်မည်။</p> <p> </p> <p>ပြန်လည်စဉ်းစားကြည့်လျှင် အကယ်၍ ထိုကလေးကသာ သူ၏ကလေး မဟုတ်ခဲ့ပါက လော်ပင်းမှာ အမှန်တကယ်ပင် သနားစရာ ကောင်းလွန်းပေလိမ့်မည်။</p> <p> </p> <p>“ဘာစစ်ဆေးမှုလဲ.. စစ်စရာ မလိုပါဘူး လော်ပင်းမှာ ဘာပြဿနာမှ မရှိဘူးဆိုတာ ကျွန်မ သိတယ်၊ ရှင့်တို့ ဆေးရုံကတော့ ပိုက်ဆံရဖို့ဆိုရင် ဘယ်လိုစကားကိုမဆို ပြောနေတော့တာပဲ!”</p> <p> </p> <p>လူတိုင်းက လော်ပင်းအား စစ်ဆေးမှု လုပ်ရန် တိုက်တွန်းနေကြသည်ကို မြင်ချိန်တွင် တုန်လိလိ၏ စိတ်ထဲတွင် အထိတ်ထိတ်အပြာပြာဖြစ်သွားရသည်။</p> <p> </p> <p>အကယ်၍သာ လော်ပင်းက မြုံနေသူဖြစ်ကြောင်း အမှန်တကယ် စစ်ဆေးတွေ့ရှိသွားခဲ့လျှင် သူမ၏ ဝမ်းဗိုက်ထဲမှ ကလေးအကြောင်းမှာ အလိုလို ပေါက်ကြားသွားတော့မည် မဟုတ်ပါလား။</p> <p> </p> <p>မည်သို့ပင်ဖြစ်စေ ကလေးမရနိုင်သော အမျိုးသားတစ်ဦး၏ ဇနီးက ကိုယ်ဝန် ရရှိနိုင်မည်မဟုတ်ပေ။</p> <p> </p> <p>ထိုသည်မှာ သူမ ဝမ်းဗိုက်ထဲက ကလေးက သူ၏ကလေး မဟုတ်ဘဲ တခြားလူ၏ ကလေးဖြစ်ကြောင်းကို တိုက်ရိုက် သက်သေပြနေခြင်းပင် ဖြစ်ပေလိမ့်မည်။</p> <p> </p> <p>သို့ဖြစ်၍ သူမက လော်ပင်းအား စစ်ဆေးမှု မလုပ်နိုင်အောင် တားဆီးရမည်ဖြစ်ပြီး အဖြစ်မှန်ကို သိရှိမသွားစေရန် လုံးဝ တားမြစ်ရမည် ဖြစ်ပေသည်။</p> <p> </p> <p>တုန်လိလိက ပြောနေရင်းဖြင့် လော်ပင်း၏ လက်ကို ဆွဲကာ အပြင်သို့ ထွက်ရန် လုပ်ခဲ့လေတော့သည်။</p> <p> </p> <p>“လော်ပင်း... သူတို့ရဲ့ စကားတွေကို နားမယောင်နဲ့၊ ယောကျ်ားတွေ ကလေးမရနိုင်ဘူးဆိုတာ ကျွန်မ တစ်ခါမှ မကြားဖူးပါဘူး</p> <p> </p> <p>သူတို့က ပိုက်ဆံညှစ်ချင်လို့ ပြောနေတာ၊ နောက်ဆို ဒီလို စုတ်ပြတ်သတ်နေတဲ့ ဆေးရုံမျိုးကို ကျွန်မတို့ မလာတော့ဘူး အားလုံးက လိမ်ညာနေကြတာ!”</p> <p> </p> <p>လော်ပင်း၏ စိတ်နှလုံးမှာ တုန်လိလိ၏ စကားများကြောင့် ယိုင်နဲ့လာခဲ့ရသည်။</p> <p> </p> <p>အကယ်၍ သူသာ အမှန်တကယ် စစ်ဆေးမှု လုပ်ပြီးနောက် ဤကဲ့သို့ ရလဒ်မျိုး ထွက်လာခဲ့လျှင် သူ မည်သို့ လုပ်ဆောင်မည်နည်း။</p> <p> </p> <p>သူ၏ ယောကျ်ားတစ်ဦးအနေဖြင့် သိက္ခာနှင့် မာန်မာနများ အားလုံး ပျက်စီးသွားရရုံသာမက လအတော်ကြာ မျှော်လင့်စောင့်စားခဲ့ရသော ကလေးမှာလည်း သူ၏ကလေး မဟုတ်ကြောင်း သိရှိသွားရမည် မဟုတ်ပါလား။</p> <p> </p> <p>ဒါပေမဲ့ သူ မစစ်ဆေးခဲ့ရင်ရော...</p> <p> </p> <p>တကယ်လို့ တုန်လိလိက သူ့အပေါ် ဖောက်ပြန်နေခဲ့မယ်ဆိုရင်...</p> <p> </p> <p>လော်ပင်း ဝေခွဲမရ ဖြစ်နေချိန်မှာပင် လင်းရန်၏ စကားများက သူ၏ ဆုံးဖြတ်ချက်ကို ခိုင်မာသွားစေခဲ့လေတော့သည်။</p> <p> </p> <p>“ဒေါက်တာ...ကျွန်မ ကြားဖူးတာတစ်ခု ရှိတယ် ၊ ကလေးမွေးပြီးရင် အဲဒီကလေးက မိဘတွေရဲ့ ကလေးအစစ် ဟုတ်၊ မဟုတ်ကို အရင်ခေတ်တုန်းက သွေးစစ်သလိုမျိုး ခွဲခြားလို့ ရတယ်ဆိုတာ ဟုတ်လား၊ အဲဒါက သိပ္ပံနည်းကျ ဖြစ်နိုင်လောက်လား”</p> <p> </p> <p>ဆရာဝန်မကြီးက ခေါင်းညိတ်ပြလိုက်၏။</p> <p> </p> <p>“အမှန်ပဲ၊ မြို့တော်က ကျွန်မရဲ့ သူငယ်ချင်းတွေဆီက ကြားရတာတော့ ‘မျိုးဗီဇ စစ်ဆေးခြင်း’ လို့ ခေါ်တဲ့ နည်းပညာတစ်ခုကို အခု စမ်းသပ်နေကြပြီတဲ့ နောက်ပိုင်းကျရင် ဒီနည်းပညာကို သုံးပြီး လူနှစ်ယောက်ကြားက သွေးသားတော်စပ်မှုကို ခွဲခြားနိုင်လိမ့်မယ်လို့ ဆိုကြတယ်”</p> <p> </p> <p>လင်းရန်က ရုတ်တရက် သဘောပေါက်သွားဟန်ဖြင့် ပြောလာသည်။</p> <p> </p> <p>“ဒါဆိုရင် ကလေးမွေးပြီးတဲ့အချိန် ကလေးကို ခေါ်လာပြီး မျိုးဗီဇ စစ်ဆေးလိုက်ရုံပဲပေါ့၊ အဲဒီကျရင် ကိုယ့်ရဲ့ကလေး ဟုတ်၊ မဟုတ်ဆိုတာ သိရမှာပေါ့နော်”</p> <p> </p> <p>“ရဲဘော် လော်ပင်း... ရှင်က အခု စစ်ဆေးမှု မလုပ်ချင်ဘူးဆိုရင်တော့ စောင့်နေလို့ရတာပဲလေ၊ ကလေးမွေးပြီးတဲ့အချိန်မှပဲ သေသေချာချာ သွားစစ်လိုက်ပေါ့၊ ဒါပေမဲ့ နောက်ထပ် တစ်လကျော်လောက်တော့ စောင့်ရဦးမဲ့ပုံပဲနော်”</p> <p> </p> <p style="text-align: center;">***</p> <p> </p>


Save