Book List

<h2 style="text-align: center;">အခန်း ၁၃၀၆</h2> <h2 style="text-align: center;">အရောင်ပြောင်းတာ မမြင်ရသလောက်! ၂</h2> <h2 style="text-align: center;">*</h2> <p> </p> <p> </p> <p>ချင်းလင်အပန်းဖြေစံအိမ်ရုံးခန်း_</p> <p> </p> <p>ချင်လင်က နေ့စဉ်တာဝန်များအပြီးသတ်သည်။</p> <p> </p> <p>ဒါပေမဲ့ ဒီနေ့ကံမကောင်း။ လက်ဖက်ခြောက်၊ သစ် ဘာမှမရ။</p> <p> </p> <p>ချင်လင် ဂိမ်းထဲမှအာရုံပြန်ရုတ်ချိန်တွင် တံခါးခေါက်သံကြားရသည်။</p> <p> </p> <p>ကျောက်မိုချင်းဝင်လာပြီး နည်းနည်းစိုးရိမ်နေသံနှင့်_</p> <p>"​ယောက်ျား.. လာကြည့်ပါဦး.. ရှောင်ရန်တစ်ခုခုဖြစ်နေပြီထင်တယ်''</p> <p> </p> <p>"အဲကောင်ဘာဖြစ်လို့လဲ?''</p> <p>ချင်လင် ဇဝေဇဝါဖြစ်သွားသည်။</p> <p> </p> <p>ရှောင်ရန်ကသတ္တိကြောင်သော်လည်း စံအိမ်မှာအသန်မာဆုံး၊အားအကောင်းဆုံးဖြစ်၍ ဘာပြဿနာမှမရှိနိုင်။</p> <p> </p> <p>သို့သော် ကျောက်မိုချင်းစိုးရိမ်နေပုံကြောင့် မပေါ့ဆရဲ။ ချက်ချင်းကျောက်မိုချင်းနှင့်အတူ ရုံးခန်းအပြင်ထွက်လာသည်။</p> <p> </p> <p>စမ်းချောင်းနားရောက်သောအခါ ရှောင်ရန်ကလဲလျက်သား အဆက်မပြတ်ညည်းနေသည်။ အိမ်သာတက်ချင်ပြီး တက်မရသလိုဖြစ်နေ၏။</p> <p> </p> <p>သို့သော် ရှောင်ရန်အခြေအနေက လုံးဝပုံမှန်မဟုတ်။</p> <p> </p> <p>သူကရှောင်ရန်ဆီတန်းသွားပြီး ခေါင်းကိုလက်နှင့်သပ်လိုက်သည်။</p> <p> </p> <p>ရှောင်ရန်က သူ့လက်ဖဝါးကိုခေါင်းနှင့်တောင်ပြန်ဝှေ့နေသည်။</p> <p> </p> <p>အဆင်ပြေပါတယ်ဆိုတဲ့သဘော။</p> <p> </p> <p>ထို့နောက် တစ်ခုခုပုံမမှန်ကြောင်း သူသတိထားမိသည်။</p> <p> </p> <p>ရှောင်ရန်ကျောပေါ်တွင် အက်ကြောင်းများက ကွဲထွက်တော့မလိုပင်။</p> <p> </p> <p>"ဒီတော့ မင်းအဝတ်အစားလဲချင်တာပေါ့''</p> <p>ဘာဖြစ်နေမှန်း ချင်လင်သဘောပေါက်ပြီ။</p> <p> </p> <p>ရှောင်ရန် အရေခွံလဲနေပြီ။</p> <p> </p> <p>အရင်တစ်ခါ မိချောင်းအကြောင်းလေ့လာပြီး မိချောင်းအရေခွံလဲတတ်မှန်းသူသိခဲ့သည်။ တချို့က တစ်ကြိမ်သာလဲပြီး တချို့က သုံးကြိမ်လောက်လဲသည်။ ဒီလိုအရေခွံလဲခြင်းက အကောင်ပေါက်အရွယ်တွင်ဖြစ်တတ်ပြီး အရွယ်ရောက်သည်နှင့်အရေခွံမလဲတော့။</p> <p> </p> <p>နောက်ပြီး မိချောင်းအရေခွံလဲတိုင်း သူ့အရေခွံသူပြန်စားသောကြောင့် မိချောင်းအရေခွံမှာတွေ့ရခဲသည်။</p> <p> </p> <p>ပညာရှင်များတွင်သာ မိချောင်းအရေခွံလဲသောဗီဒီယိုရှိသည်။</p> <p> </p> <p>ရှောင်ရန်မှာခွန်သွေးပါပြီး ခန္ဓာကိုယ်အကြီးမြန်သည်။ သူ့ကိုယ်လုံးကဝမ်ချိုင်ထက်ကြီးနေပြီဖြစ်၍ အကောင်ပေါက်သာရှိသေးမှန်း သူမေ့သွားသည်။</p> <p> </p> <p>အကြောင်းရင်းသိပြီး ချင်လင်မစိုးရိမ်တော့။ သူက ကျောက်မိုချင်းအား_</p> <p>"ရတယ်.. ရှောင်ရန်က အရေခွံလဲတာ... အဲဒါပုံမှန်ပါပဲ''</p> <p> </p> <p>"မိချောင်းက အရေခွံလဲလား?''</p> <p>ကျောက်မိုချင်း နည်းနည်းအံ့ဩသွားသည်။ ဒီလိုကြားဖူးတာ ဒါပထမဆုံးပင်။</p> <p> </p> <p>ချင်လင် ခေါင်းညိမ့်လိုက်သည်_</p> <p>"အင်း.. မိချောင်းက လဲတာပေါ့... အရေခွံလဲလေလေ ကြမ်းလာလေလေပဲ... အရေခွံလဲတိုင်း သူတို့ခန္ဓာကိုယ်အရေပြားကပိုသန်မာပြီး ခံနိုင်ရည်မြင့်လာတယ်''</p> <p> </p> <p>ကျောက်မိုချင်း ခေါင်းညိမ့်လိုက်သည်။</p> <p>အသုံးမဝင်တဲ့ဗဟုသုတရလိုက်ပြီ။</p> <p> </p> <p>သို့သော် ရှောင်ရန်အဆင်ပြေသွားမယ်ဟုသိပြီး လုံးဝစိတ်သက်သာရာရသွားသည်။</p> <p> </p> <p>ဒီကောင်တွေကိုမွေးထားမှတော့ စံအိမ်မိသားစုလိုသဘောထားရမည်။ ဘာမှမဖြစ်စေချင်။</p> <p> </p> <p>ချင်လင်က ရှောင်ရန်နှင့်ခဏနေပြီး ခေါင်းကိုလက်နှင့်သပ်ပေးသည်။ ဘယ်လိုပဲဖြစ်ဖြစ် မိချောင်းအရေခွံလဲရတာ ခက်ခဲသည်။</p> <p> </p> <p>နာရီဝက်ကြာပြီးနောက် ရှောင်ရန်၏ကွဲထွက်သွားသောကျောပြင်တွင် အရေပြားတစ်စတွေ့ရသည်။ ထိုနေရာမှစပြီး အရေခွံကွာလိမ့်မည်။</p> <p> </p> <p>ဒီတစ်ခါရှောင်ရန်ပိုနာကျင်ပြီး သူ့ကိုကူပေးစေချင်ပုံပေါ်သည်။</p> <p> </p> <p>သို့သော် ဒါမျိုးသူမတတ်နိုင်။ အရေခွံလဲခြင်းမှာ တိရစ္ဆာန်ကိုယ်တိုင်လဲမှပြီးနိုင်သည်။ မဟုတ်ရင် အရေခွံအသစ်ထိခိုက်ပျက်စီးနိုင်သည်။</p> <p> </p> <p>ထို့ကြောင့် ကြည့်သာကြည့်နေရ၏။</p> <p> </p> <p>ခဏအကြာ_</p> <p> </p> <p>ဝန်ကြီးလု၏တအံ့တဩအသံကြားရသည်_</p> <p>"သူဌေးချင်.. သတင်းကောင်း.. သတင်းကောင်း''</p> <p> </p> <p>ဝန်ကြီးလုမှာ လက်ထဲတွင်ဗီဒီယိုတစ်ပုဒ်ဖွင့်လျက်သား အလောတကြီးပြေးလာသည်။ သူကချင်လင်ဆီပေးကာ_</p> <p>"ဒီဗီဒီယိုတစ်ချက်ကြည့်ဦး... တော်ဝင်ပညာရှင်ရန်တို့ အရောင်ပြောင်းသစ်ရွက်ကနေထုတ်ထားတဲ့ အရောင်ပြောင်းပစ္စည်းနဲ့လုပ်ထားတဲ့ပိတ်စလေ''</p> <p> </p> <p>ချင်လင် ဗီဒီယိုကြည့်လိုက်သည်။</p> <p> </p> <p>ရန်သွမ့်ဟယ်တို့ ပိတ်စနှင့်စမ်းသပ်သောဗီဒီယိုပင်။</p> <p> </p> <p>ဗီဒီယိုကြည့်ပြီး သူ့မျက်နှာမယုံနိုင်ပုံပေါက်သွားသည်။</p> <p> </p> <p>အရောင်ပြောင်းပင်၏အရောင်ပြောင်းနိုင်စွမ်းနှင့် တချို့ပစ္စည်းကိရိယာများကိုသုတ်လိုက်ပါက အစွမ်းကကြောက်စရာကောင်းမည်ဟု ဝန်ကြီးလုပြော၍သိရသည်။</p> <p> </p> <p>ပိတ်စအာနိသင်အရ ဒီပစ္စည်းကိုတစ်သုတ်ချင်းအသုံးချနိုင်လိမ့်မည်။ တစ်နေ့ ဆုံးမရန်လိုသောဝမ်းမနာသားများရှိလာပါက ထင်မှတ်မထားသောအံ့ဩစရာပေးနိုင်မည်။</p> <p> </p> <p>"သူဌေးချင်.. ဘယ်လိုထင်လဲ?''</p> <p>ဝန်ကြီးလုမမေးဘဲမနေနိုင်တော့။</p> <p> </p> <p>"အရမ်းအံ့ဩဖို့ကောင်းတာပဲ''</p> <p>ချင်လင်က အမှန်အတိုင်းဖြေလိုက်သည်။</p> <p> </p> <p>"သူဌေးချင်''</p> <p>ဝန်ကြီးလုကတောင်းဆိုပြန်သည်_</p> <p>"အထက်လူတွေက မင်းနဲ့ဆွေးနွေးခိုင်းတာရှိတယ်... ဒီအရောင်ပြောင်းပင်က အရမ်းသိသာတယ်... သူတို့ကဒါကိုထိပ်တန်းလျှို့ဝှက်ချက်အဖြစ်ထားချင်တာ... မပေါက်ကြားချင်ဘူး''</p> <p> </p> <p>"ဒီတော့ အပြင်မှာအရောင်ပြောင်းပင်ကိုပျိုးထောင်ပြီး ကျယ်ကျယ်ပြန့်ပြန့်စိုက်ဖို့မဖြစ်နိုင်ဘူး''</p> <p> </p> <p>"ဝန်ကြီးလု.. ဘာဆွေးနွေးစရာရှိလဲ? ကျွန်တော်တို့အပြည့်အဝပူးပေါင်းမှာပါ... ပြီးတော့ ဒီအရောင်ပြောင်းပင်က အထက်လူတွေရဲ့အပင်ဆိုတော့ ဆွေးနွေးစရာမလိုပါဘူး''</p> <p>ချင်လင်က အမြင်မကျယ်သူမဟုတ်။ သူအရူးဖြစ်မှပဲ ဒီအရောင်ပြောင်းပင်ကိုပျိုးထောင်ဖို့စဉ်းစားမည်။</p> <p> </p> <p>ဒီပစ္စည်းကိုဂိမ်းထဲကထုတ်လာခြင်းမဟုတ်၍ ကန့်သတ်ချက်မရှိ။ သူများခိုးနိုင်သည်။</p> <p> </p> <p>ဒါကိုပျိုးထောင်ရင် ဒုက္ခပဲရောက်မည်။ တခြားနိုင်ငံကသိသွားရင် သေချာပေါက်လာခိုးကြမည်။</p> <p> </p> <p>သူကိုယ်တိုင်ဒုက္ခရောက်ရုံသာမက တိုင်းပြည်လည်းဒုက္ခရောက်မည်။</p> <p> </p> <p>ဝန်ကြီးလုကဆက်ပြီး_</p> <p>"ပြီးတော့ ဒီအရောင်ပြောင်းပင်ကို ပါမောက္ခလီခိုင်ပျိုးထောင်ထားပေမဲ့ ချပြလို့မရဘူး... သီးသန့်ပဲဆုပေးမှရမှာ... ပါမောက္ခလီခိုင်ကို ဒီအ​ကြောင်းပြောပေးပါဦး''</p> <p> </p> <p>ထိုစကားကြောင့် ချင်လင်ပိုရယ်ချင်သွားသည်။</p> <p> </p> <p>အဲဒါကိုအစ်ကိုလီက ဂရုစိုက်နေမလား?</p> <p> </p> <p>အမှန်တရားကို သူသိသည်။ အစ်ကိုလီက အကြိမ်ကြိမ်ဓားစာခံဖြစ်ခဲ့သည်။ သူထပ်မဖြစ်ချင်သလို သူများလည်းမသိစေချင်။</p> <p> </p> <p>ထို့ကြောင့် ဝန်ကြီးလုရှေ့တွင် လီခိုင်ကိုဖုန်းဆက်လိုက်သည်။</p> <p> </p> <p>ဖုန်းဝင်ဝင်ချင်း လီခိုင်အသံထွက်လာသည်_</p> <p>"ညီလေးချင်.. ဘာဖြစ်လို့လဲ?''</p> <p> </p> <p>ချင်လင်ကလိုရင်းတန်းပြောသည်_</p> <p>"အစ်ကိုလီ.. ဝန်ကြီးလုကပြောတယ်... အရောင်ပြောင်းပင်ကို အတွင်းရေးအဖြစ်ထားမယ်... အဲဒါကြောင့် အစ်ကို့နာမည်ကိုကြေညာလို့မရဘူးတဲ့... အစ်ကိုနားလည်ပေးနိုင်မယ်ထင်ပါတယ်''</p> <p> </p> <p>လီခိုင်က အလောတကြီးအသံနှင့်_</p> <p>"ဘာနားလည်စရာလိုလဲ? ငါနာမည်မခံချင်ပါဘူး... ညီလေးချင်.. ဝန်ကြီးလုကိုပြောလိုက်... ငါအထက်လူတွေနဲ့အပြည့်အဝပူးပေါင်းမယ်... အရောင်ပြောင်းပင်အကြောင်းမပြောဘူးလို့''</p> <p> </p> <p>ချင်လင် ရယ်လိုက်သည်။ အစ်ကိုလီအကြောင်း သူကောင်းကောင်းသိသည်။</p> <p> </p> <p>ဖုန်းချပြီးနောက် ဝန်ကြီးလုကိုဖုန်းပြကာ_</p> <p>"တွေ့လား ဝန်ကြီးလု.. ကျွန်တော်ပြောပါတယ်... အစ်ကိုလီက ဂရုမစိုက်ပါဘူးလို့''</p> <p> </p> <p>ဝန်ကြီးလု ခေါင်းညိမ့်လိုက်သည်။ သူတို့နှစ်ယောက်ကို အရင်ထက်ပိုလေးစားမိသည်။ တကယ်တော့ ဒီလိုပုဂ္ဂိုလ်ရေးအရှုံးအမြတ်မကြည့်၊ ကိုယ်ကျိုးမငဲ့တဲ့လူတွေက တွေ့ရခဲသည်။</p> <p> </p> <p>သို့သော် သူမသိသည်က ချင်းလင်ဓာတ်ခွဲခန်းတွင် လီခိုင်တစ်ယောက်ဖုန်းချပြီးနောက် တဟီးဟီးထရယ်နေသည်ကိုပင်။</p> <p> </p> <p>အရောင်ပြောင်းပင်ထွက်လာပြီး သူနာမည်ထပ်ခံရမှာစိုးရိမ်ခဲ့သည်။</p> <p> </p> <p>သော*က်ရေမလောင်း၊ မြေဩဇာမကျွေးဘဲတောင် ဒင်းကကြီးနိုင်သေး။</p> <p> </p> <p>စောစောက ညီလေးချင်သူ့ကိုသတင်းကောင်းကြီးပေးခဲ့သည်။</p> <p> </p> <p>အံ့ဩကြည်နူးစရာ။</p> <p> </p> <p>ဒီလိုအံ့ဩစရာမျိုး သုံးလေးကြိမ်လာစမ်းပါစေ။</p> <p> </p> <p>ချင်းလင်အပန်းဖြေစံအိမ်_</p> <p> </p> <p>အဖြေရပြီးနောက် ဝန်ကြီးလုက အရောင်ပြောင်းပင်ဆီခပ်သုတ်သုတ်သွားလိုက်သည်။ အဖိုးမဖြတ်နိုင်သောရတနာလို သူကရှုစားနေ၏။</p> <p> </p> <p>သူက သိပ္ပံသုတေသနတာဝန်ခံ။ သူအဖို့ ဒီလိုရလဒ်ကြီးတွေက မိန်းမလှအယောက် ၁၀၀ ထက်သာသည်။</p> <p> </p> <p>အရောင်ပြောင်းပင်ကိုကြည့်ပြီးနောက် တဖက်ကိုကြည့်လိုက်သည်။ ထိုနေရာတွင် သူဌေးချင်ပျိုးထောင်ထားသောအပင်သုံးပင်ရှိသည်။</p> <p> </p> <p>အရင်က ဒီအပင်တွေကိုအာရုံမစိုက်ခဲ့။ ပါမောက္ခလီခိုင်၏အပင်က သိသိသာသာစွမ်းနေသောကြောင့် ထိုအရောင်ပြောင်းပင်အပေါ်သာလုံးလုံးအာရုံစိုက်ခဲ့သည်။</p> <p> </p> <p>အခုအရောင်ပြောင်းပင်ကိုအတည်ပြုပြီးဖြစ်၍ သူဌေးချင်ပျိုးထောင်ထားသောအပင်သုံးပင်ကိုကြည့်ချင်စိတ်ဖြစ်လာသည်။</p> <p> </p> <p>နှစ်မျိုးလုံး အာကာသထဲရှိခြောက်ခြောက်ကပ်ကပ်ဂြိုဟ်တစ်လုံးတည်းပေါ်မှရလာခြင်းဖြစ်၍ သိပ်မကွာနိုင်။</p> <p>တစ်မျိုးက အံ့ဖွယ်အာနိသင်မျိုးရှိတယ်ဆိုတော့ နောက်တစ်မျိုးမထူးခြားဘဲမနေဘူးမလား?</p> <p> </p> <p>ဒီတစ်ခါ သူဌေးချင်ကိုအကူအညီတောင်းတာ အလကားဖြစ်သွားမှာပေါ့?</p> <p> </p> <p>ဝန်ကြီးလုက ထိုသုံးပင်ဆီလျှောက်သွားသည်။ အရောင်ပြောင်းပင်လောက်အကြီးမမြန်သော်လည်း မီတာဝက်ရှည်နေပြီ။</p> <p> </p> <p>"အာ.. ဘာလဲ?''</p> <p>ဝန်ကြီးလုက အံ့ဩသံနှင့်ရေရွတ်လိုက်သည်။ ရုတ်တရက် အပင်သုံးပင်ကိုတအံ့တဩလိုက်ကြည့်သည်။</p> <p> </p> <p>ထူးထူးဆန်းဆန်းမြင်ရသောကြောင့်ပင်။</p> <p> </p> <p>ထိုသုံးပင်ပေါ်တွင် ပူဖောင်းလေးများဖြစ်နေသည်။</p> <p> </p> <p>အပင်က ပူဖောင်းထွက်တယ်?</p> <p> </p> <p>ဘာလဲဟ?</p> <p> </p> <p style="text-align: center;">***</p> <p> </p>


Save