Book List

<h2 style="text-align: center;">​အခန်း ၁၃၀၈</h2> <h2 style="text-align: center;">အောက်စီဂျင်စက်လား</h2> <h2 style="text-align: center;">*</h2> <p> </p> <p>"တကယ်တူတယ်''</p> <p>ချင်လင်က ဆက်ဟန်ဆောင်နေဆဲ။</p> <p> </p> <p>"သူဌေးချင်.. ဒီအပင်ကိုနာမည်ပေးရတော့မယ်''</p> <p>ရုတ်တရက် ဝန်ကြီးလုကပြောသည်။</p> <p> </p> <p>ဒီလိုအမည်မသိသီးနှံမျိုးကို အပင်စိုက်သူကနာမည်ပေးရလေ့ရှိသည်။ အထူးအခြေအနေမှာတောင် ဟွားယွမ်ကအပင်စိုက်သူနှင့်တိုင်ပင်ရသည်။</p> <p> </p> <p>"ပူဖောင်းထွက်လာမှတော့ ပူဖောင်းမြက်လို့ခေါ်မယ်!''</p> <p>ချင်လင်ကပြောသည်။</p> <p> </p> <p>ဘာနာမည်ကြီးလဲ?</p> <p> </p> <p>ဒီအတိုင်း ဂိမ်းနာမည်သက်သက်သာ။</p> <p> </p> <p>"ဟုတ်ပါပြီ.. ဒါဆို ပူဖောင်းမြက်ပေါ့''</p> <p>ဝန်ကြီးလု ခေါင်းညိမ့်လိုက်သည်။</p> <p> </p> <p>ရက်ပိုင်းအကြာ_</p> <p> </p> <p>ပူဖောင်းမြက်ပင် လုံးလုံးကြီးလာသည်။</p> <p> </p> <p>သို့သော် ဝန်ကြီးလုမှာအပင်နားလျှောက်သွားပြီး ဘာအတွက်မှန်းမသိသေး။</p> <p> </p> <p>"သူဌေးချင်''</p> <p>ဝန်ကြီးလုကမျက်မှောင်ကြုတ်ပြီးမေးသည်_</p> <p>"ပူဖောင်းမြက်ပင်က ကြီးပြီထင်လား? ဘာလို့ဒီလိုထူးခြားတာလဲ?''</p> <p> </p> <p>ချင်လင် သိသည်။</p> <p> </p> <p>ဒါပေမဲ့ ပူဖောင်းမြက်ကိုခေါင်းမှာစွပ်ပြီး ကာဗွန်ဒိုင်အောက်ဆိုဒ်ကို အောက်စီဂျင်အဖြစ်ပြောင်းနိုင်တယ်လို့ပြောမဖြစ်ဘူးမလား?</p> <p> </p> <p>"ဝန်ကြီးလု.. ပူဖောင်းတစ်လုံးခူးပြီးစမ်းကြည့်ပါလား?''</p> <p>ဒီလိုသာ ချင်လင်ပြောနိုင်သည်။</p> <p> </p> <p>"ဒါဆို သူဌေးချင်ကိုဒုက္ခပေးရမှာပေါ့''</p> <p>ဝန်ကြီးလုကတန်းပြောသည်။ သူဌေးချင်လှုပ်ရှားမှာကို သူမစောင့်နိုင်။ ဘာပဲဖြစ်ဖြစ် သူဌေးချင်စိုက်ထားသောအပင်ဖြစ်၍ သူကိုယ်တိုင်စမ်းသပ်တာပိုကောင်းသည်။</p> <p> </p> <p>ချင်လင်လည်းဟန်ဆောင်ပြီး ပူဖောင်းခူးလိုက်သည်။ ထို့နောက် အဆစ်ကိုတအံ့တဩကြည့်ပြီး_</p> <p>"အာ.. ဒါမျိုးစေ့တွေပဲ?''</p> <p> </p> <p>မျိုးစေ့တွေပေါ့။</p> <p>သူကိုယ်တိုင်ခူးပြီး မသိဘဲနေမလား?</p> <p> </p> <p>သို့သော် ဝန်ကြီးလုရှေ့တွင် သူ့သရုပ်ဆောင်ကအဆင့်မီနေဆဲ။</p> <p> </p> <p>"အာ?''</p> <p>ဝန်ကြီးလု အံ့ဩသွားသည်_</p> <p>"ဘာလို့ပူဖောင်းမြက်မျိုးစေ့က ဒီမှာဖြစ်တာလဲ? အံ့ဩစရာကောင်းလိုက်တာ... ကမ္ဘာပေါ်ကမျိုးစေ့တွေနဲ့ကွာတယ်''</p> <p> </p> <p>"ဝန်ကြီးလု.. ဒီမျိုးစေ့အရောင်နဲ့အရွယ်အစားက ဝန်ကြီးယူလာတဲ့မျိုးစေ့နဲ့မတူဘူးထင်တယ်''</p> <p>ချင်လင်ကမေးပြန်သည်။</p> <p> </p> <p>"အဲဒါပုံမှန်ပဲမဟုတ်ဘူးလား သူဌေးချင်?''</p> <p>ဝန်ကြီးလုကနားထောင်ရင်း ရယ်လိုက်သည်_</p> <p>"ငါယူလာတဲ့မျိုးစေ့က လတ်လတ်ဆတ်ဆတ်မှမဟုတ်တာ... ပယင်းလိုဟာနဲ့အုပ်နေတာ... ဘယ်လောက်ကြာပြီမှန်းမသိတော့ အရောင်ဘယ်တူပါ့မလဲ''</p> <p> </p> <p>"ဟုတ်သားပဲ ဝန်ကြီးလု''</p> <p>ချင်လင်ကပြုံးပြုံးနှင့်ဝန်ခံလိုက်သည်။</p> <p> </p> <p>ကောင်းလိုက်တာ။</p> <p> </p> <p>ဒီအပင်မျိုးစေ့နဲ့ဝန်ကြီးလုယူလာတာ ကွာမှာပေါ့။ အထူးသဖြင့်က အရောင်။ ဝန်ကြီးလုကဒီလိုပြောမှတော့ ဒါအမှန်ပေါ့။</p> <p> </p> <p>ရှင်းပြချက်ကောင်းပဲ။</p> <p> </p> <p>ချင်လင်ကပူဖောင်းနှင့် အတွင်းဘက်အလုပ်ခန်းထဲပြန်လာသည်။ အခန်းတံခါးလော့ချကာ အတွေးနှင့်ဂိမ်းထဲဝင်လိုက်၏။ သူ့လက်ထဲမှပူဖောင်းမှတ်ချက်ကိုကြည့်လိုက်သည်:</p> <p> </p> <p>(အထူးကာကွယ်ရေးပူဖောင်း: အထူး!)</p> <p> </p> <p>(အထူးအပင်မှဖြစ်လာသောပူဖောင်းဖြစ်သည်။ ကိုယ်တိုင်မခူးကြည့်ပါက ဒီလိုထူးထူးဆန်းဆန်းဖြစ်လာကြောင်းယုံရခက်မည်။ ပူဖောင်းထွက်လာလျှင် အထူးအာနိသင်ရှိသည်။ ကာဗွန်ဒိုင်အောက်ဆိုဒ်ကို အထဲမှသလင်းကျောက်နှင့်ဓာတ်ပြုပြီး လူ့ခန္ဓာကိုယ်အတွက်လိုအပ်သောအောက်စီဂျင်ထုတ်ပေးသည်။ အန္တရာယ်မရှိ:</p> <p>အောက်စီဂျင်ဖြည့်ဆည်းချိန်: တစ်ရက်၊ အန္တရာယ်ရှိပစ္စည်းစစ်ယူခြင်း +၂၊ ခံနိုင်ရည် +၂!)</p> <p> </p> <p>ဒီပူဖောင်းက အပြည့်အဝကြီးပြီ။</p> <p> </p> <p>အရည်အသွေးမပြောင်းလဲသောကြောင့် စိုက်ပျိုးပြီးကျဆင်းသွားခြင်းမရှိပေ။</p> <p> </p> <p>ပူဖောင်းစမ်းသပ်ရမယ်ဆိုမှတော့ သူစမ်းသပ်ပြီးကြောင်း၊ ပူဖောင်းအာနိသင်ကိုသူသိကြောင်း ဝန်ကြီးလုကိုထွက်ပြောလို့မဖြစ်။</p> <p> </p> <p>ထို့ကြောင့် ထင်းများသိုလှောင်ထားသောတင်းကုပ်ထဲသွားပြီး တရုတ်တိုင်းရင်းဆေးပင်တချို့ရှာသည်။ ထို့နောက် စိုက်ပျိုးရေးခြံအိမ်ထဲဝင်ပြီး မီးစမွှေးသည်။</p> <p> </p> <p>ထို့နောက် ငါးကန်သွားပြီး ပိုင်ရွှင်တစ်ကောင်ထုတ်လာသည်။</p> <p> </p> <p>ပိုင်ရွှင်အသားက အရမ်းကောင်းသည်။ အထူးသဖြင့် ဝမ်းဗိုက်သားပင်။ အလွန်လတ်ဆတ်ပြီးအရသာရှိသည်။ သူ့ငါးချက်လက်ရာနှင့်ပေါင်းလိုက်သောအခါ ပြောမပြတတ်အောင်ပင်။</p> <p> </p> <p>နောက်ပြီး တရုတ်ဆေးပင်များနှင့် ငါးကိုအထူးအနံ့အရသာစွက်လိုက်သည်။</p> <p> </p> <p>မကြာမီ ပိုင်ရွှင်စွပ်ပြုတ်အိုးရလာသည်။</p> <p> </p> <p>ချင်လင်က တစ်ပန်းကန်ခပ်ပြီး အားရပါးရစား၏။</p> <p> </p> <p>ချင်းလင်အပန်းဖြေစံအိမ်ဧည့်ခန်းထဲ၌ ဝန်ကြီးလုမှာချင်လင်ဆီကသတင်းစောင့်ရင်း ပူဖောင်းမြက်ရှေ့တွင်ခေါက်တုံ့ခေါက်ပြန်လျှောက်နေသည်။</p> <p> </p> <p>ချင်လင်မှာတော့ ဂိမ်းထဲစိတ်ရှိလက်ရှိစားသောက်နေ၏။ သူကပိုင်ရွှင်အိုးကိုကြည့်ပြီး ပန်းကန်ကြီးနှင့်ခပ်ကာ ဂိမ်းအပြင်ထွက်လာသည်။ ထို့နောက် အလုပ်ခန်းအပြင်ထွက်ပြီး စားသောက်ခန်းထဲယူလာသည်။</p> <p> </p> <p>ကျောက်မိုချင်းနှင့်ကလေးချီထားသောလင်းဖန်ကိုတွေ့သောအခါ_</p> <p>"လာ.. အမေ မိုချင်း.. ကျွန်တော် ငါးစွပ်ပြုတ်လုပ်ထားတယ်... လာမြည်းကြည့်''</p> <p> </p> <p>ဒီစွပ်ပြုတ်သောက်ပြီး အပ်ချုပ်စက်စာမိနိုင်သော်လည်း ထူးထူးခြားခြားအစိတ်အပိုင်းမပါဘဲဂိမ်းထဲမှထုတ်လာသောကြောင့် ဘယ်သူမှမသိနိုင်။</p> <p> </p> <p>ဒါမျိုးကို သူ့အမေနဲ့မိန်းမစားစေချင်သည်။</p> <p> </p> <p>သူတို့ဘာမှန်းမသိရင်တောင်မှပေါ့။</p> <p> </p> <p>ကျောက်မိုချင်းနှင့်လင်းဖန်က ချင်လင်၏ငါးစွပ်ပြုတ်ကိုအလွန်ကြိုက်သည်။ ချင်လင်လက်ရာကို သူတို့နှစ်ယောက်လုံးသိသည်။</p> <p> </p> <p>နှစ်ယောက်သား ငါးစွပ်ပြုတ်သောက်ပြီး ချီးကျူးမဆုံးနိုင်။</p> <p> </p> <p>"ယောက်ျား.. ဒါဘာငါးလဲ? အသားက ကောင်းလိုက်တာ''</p> <p> </p> <p>"အင်း.. ဒီငါးစွပ်ပြုတ်က အရင်ထက်ပိုကောင်းတယ်''</p> <p> </p> <p>အမျိုးသမီးနှစ်ဦးက အားရပါးရစား၏။</p> <p> </p> <p>စံအိမ်ထဲ၌_</p> <p> </p> <p>ဝန်ကြီးလုမှာ ချင်လင်၏စမ်းသပ်ချက်စောင့်ရင်း ပူဖောင်းမြက်ကိုလေ့လာနေဆဲ။</p> <p> </p> <p>စမ်းသပ်ချက်ကမြန်မြန်ထွက်မည်မဟုတ်မှန်းသိသော်လည်း ပူဖောင်းမြက်၏ထူးခြားချက်ကိုသူလေ့လာထားသည်။ သုတေသနတာဝန်ခံဖြစ်၍ မစောင့်မျှော်ဘဲမနေနိုင်။</p> <p> </p> <p>ချင်လင်၏စမ်းသပ်ချက်က အမှန်ပင်အဲလောက်မမြန်။</p> <p> </p> <p>စားလိုက်သောက်လိုက်၊ ပျော်လိုက်ပါးလိုက်နှင့် သုံးရက်အချိန်ဖြုန်းပြီးမှ ခွက်တစ်လုံးယူပြီး ဝန်ကြီးလုဆီရောက်လာသည်။</p> <p> </p> <p>ဝန်ကြီးလုကတန်းမေးသည်_</p> <p>"သူဌေးချင်.. စမ်းသပ်ချက်က ဘယ်လိုလဲ? ဒီပူဖောင်းက ဘယ်လိုအသုံးဝင်လဲ? အဲဒါထက် မြက်ပင်ကရော?''</p> <p> </p> <p>"ဝန်ကြီးလု.. ပူဖောင်းက အရမ်းအသုံးတည့်ပါတယ်... ကျွန်တော်နဲ့လိုက်ခဲ့ပါ!''</p> <p>ချင်လင်က ပဟေဠိဆန်ဆန်ပြောသည်။</p> <p> </p> <p>ဝန်ကြီးလု ဇဝေဇဝါဖြစ်သွား၏။ ချင်လင်ကလမ်းလျှောက်ထွက်သွားသောကြောင့် သူကချက်ချင်းလိုက်သွားသည်။</p> <p> </p> <p>သို့သော် ချင်လင်ကရေကူးကန်ခေါ်လာမည်ဟုမထင်မိ။</p> <p> </p> <p>ချင်လင်ကကောင်းယောင်ယောင်ကိုခေါ်ပြီး ညွှန်ကြားသည်_</p> <p>"ယောင်ယောင်.. ဝန်ကြီးလုကို ရေကူးဝတ်စုံတစ်စုံပေးလိုက်ပါ''</p> <p> </p> <p>"သူဌေးချင်.. ရေကူးဝတ်စုံက ဘာလုပ်ဖို့လဲ?''</p> <p>ဝန်ကြီးလု ပိုပြီးဇဝေဇဝါဖြစ်သွားသည်။</p> <p> </p> <p>ချင်လင်ကပြုံးပြီးဘာမှမပြော။ ပဟေဠိဆက်လုပ်ထားသည်_</p> <p>"ပြီးရင် ဝန်ကြီးလုသိပါလိမ့်မယ်''</p> <p> </p> <p>ဝန်ကြီးလု ပိုသိချင်သွားသည်။ ကောင်းယောင်ယောင် ရေကူးဝတ်စုံယူလာသောအခါ ချင်လင်၏တိုက်တွန်းချက်အတိုင်း အဝတ်လဲခန်းထဲသွားလဲသည်။</p> <p> </p> <p>"သူဌေးချင်.. ဘာတွေဖြစ်နေတာလဲ?''</p> <p>ဝန်ကြီးလုကမေးပြန်သည်။</p> <p> </p> <p>ချင်လင်က ဝန်ကြီးလုဆီလျှောက်လာပြီး သူ့ရှေ့တွင်ပူဖောင်းကိုဆွဲဟကာ ခေါင်းတွင်စွပ်ပေးလိုက်သည်။</p> <p> </p> <p>ဝန်ကြီးလုကြောင်သွားသည်။</p> <p>သူဘာတွေလုပ်နေတာလဲ?</p> <p> </p> <p>သို့သော် ပူဖောင်းစွပ်ပြီးမကြာမီ ထူးခြားချက်ကိုသူသတိထားမိသည်။</p> <p> </p> <p>လုံးဝအသက်ရှူရမခက်။</p> <p> </p> <p>မဟုတ်သေး။</p> <p> </p> <p>ဒီလိုခေါင်းမှာစွပ်လိုက်ရင် အောက်စီဂျင်ပြတ်ပြီး ကာဗွန်ဒိုင်အောက်ဆိုဒ်နှင့်လူဖြစ်သွားမည်။</p> <p> </p> <p>ဒီလိုဆို တဖြည်းဖြည်းအသက်ရှူကြပ်လာမည်။</p> <p> </p> <p>မယုံရင် ခေါင်းမှာပလတ်စတစ်အိတ်စွပ်ကြည့်ပါ။</p> <p> </p> <p>အခုပူဖောင်းစွပ်ပြီး ဒီလိုလုံးဝမခံစားရဘဲ အောက်စီဂျင်ဝနေသည်။</p> <p> </p> <p>"ဝန်ကြီးလု.. အခုဘယ်လိုနေလဲသိပြီလား?''</p> <p>ချင်လင်ကပြုံးပြီးမေးသည်။</p> <p> </p> <p>ဝန်ကြီးလု ချက်ချင်းခေါင်းညိမ့်လိုက်သည်။</p> <p> </p> <p>"ဝန်ကြီးလု.. ရေကန်ထဲဆင်းငုပ်ကြည့်ပါ''</p> <p>ချင်လင်ကပြောသည်။</p> <p> </p> <p>ဝန်ကြီးလုကဇဝေဇဝါဖြစ်သွားသော်လည်း ချင်လင်ပြောသည့်အတိုင်းလုပ်သည်။</p> <p> </p> <p>သူကရေကန်ထဲခုန်ချလိုက်၏။</p> <p> </p> <p>ရေထဲခုန်ချပြီးနောက် ဝန်ကြီးလုက အမှတ်တမဲ့မျက်လုံးမှိတ်လိုက်သည်။ ဒါအသားကျနေသောအလေ့အကျင့်ပင်။ မဟုတ်ရင် မျက်လုံးထဲရေဝင်လိမ့်မည်။</p> <p> </p> <p>နောက်ခဏတွင် ဝန်ကြီးလုအသိပြန်ဝင်လာသည်။</p> <p>ခေါင်းပေါ်မှာပူဖောင်းပါမှတော့ ရေဘယ်လိုလုပ်ဝင်မလဲ?</p> <p> </p> <p>သို့သော် သူမျက်စိဖွင့်ကြည့်ပြီးကြောင်သွားသည်။</p> <p> </p> <p>ရေထဲတွင် ပူဖောင်းကရေဖိအား​ကြောင့်ပုံပျက်သွားခြင်းမရှိဘဲ ပူဖောင်းနှင့်ရှောရှောရှူရှူအသက်ရှူနိုင်သည်။ ဘယ်ရေမှပူဖောင်းထဲမဝင်။</p> <p> </p> <p>အံ့ဩစရာ။</p> <p> </p> <p>သူကအမှတ်တမဲ့ ရေကန်အောက်ခြေတွင်ထိုင်ချလိုက်သည်။ တခြား သူစမ်းသပ်ချင်သေးသည်။</p> <p> </p> <p>အချိန်လွန်သည်နှင့်အမျှ သူအံ့ဩလာ၏။</p> <p> </p> <p>အချိန်ဘယ်လောက်ကုန်သွားသည်မသိသော်လည်း အတော်ကြာမည်။ သူအသက်ရှူရလွယ်နေဆဲဖြစ်ပြီး လုံးဝအသက်ရှူခက်ခြင်းမရှိပေ။</p> <p> </p> <p>ဒီပူဖောင်းက အောက်စီဂျင်အဆက်မပြတ်ထုတ်နိုင်ပုံရသည်။</p> <p> </p> <p>ထူးဆန်းလိုက်တာ။</p> <p> </p> <p>ဒါဒီအတိုင်း အပင်ကထွက်လာတဲ့အရာ။ ခေတ်မီနည်းပညာနဲ့ထုတ်ထားတဲ့အောက်စီဂျင်စက်မဟုတ်။</p> <p> </p> <p style="text-align: center;">***</p> <p> </p>


Save