Book List

<h2 style="text-align: center;">အခန်း ၁၃၁၁</h2> <h2 style="text-align: center;">တစ်နှစ်သား</h2> <h2 style="text-align: center;">*</h2> <p> </p> <p>ဝန်ကြီးလုလည်း မီးသတ်ဌာနမှအထူးပူဖောင်းစမ်းသပ်ချက်ကိုရသည်။</p> <p> </p> <p>မီးသတ်သမားအားလုံး ပူဖောင်းနှင့်ကယ်ဆယ်ရေးလေ့ကျင့်ခန်းဆင်းပြီး မူလအချိန်ထက်သုံးပုံနှစ်ပုံလျော့သွားသောကြောင့် သူအပျော်လွန်သွား၏။</p> <p> </p> <p>အရေးကြုံရင်အသက်ကယ်နိုင်ပြီး မီးကြောင့်ပျက်စီးဆုံးရှုံးမှုကိုလျှော့ချပေးနိုင်သည်။</p> <p> </p> <p>အထူးသဖြင့် ပူဖောင်းကြောင့် မီးသတ်သမားများသွက်သွက်လက်လက်လှုပ်ရှားနိုင်၍ အန္တရာယ်လည်းပိုကင်းသည်။</p> <p> </p> <p>နောက်ပြီး မီးလောင်နေရာတွင်ပူဖောင်းကအကြမ်းခံနိုင်ပြီး အပူဒဏ်ခံနိုင်ရည်က လုံးဝအဆင့်မီသည်။</p> <p> </p> <p>ရလဒ်ထွက်ထွက်ချင်း ဝန်ကြီးလုက ခေါင်းဆောင်ကိုအစီရင်ခံသည်_</p> <p>"ခေါင်းဆောင်.. ရလဒ်တွေထွက်ပါပြီ... ဒီပူဖောင်းအပူဒဏ်ခံနိုင်ပုံက မယုံနိုင်စရာပါပဲ... ကြည့်ပါဦး.. ဒါမီးသတ်ဌာနကအစီရင်ခံစာပါ''</p> <p> </p> <p>ခေါင်းဆောင်က ဒီရက်ပိုင်း ဒီကိစ္စကိုစိတ်အဝင်စားဆုံးဖြစ်နေသည်။ သူကချက်ချင်းမတ်တပ်ထရပ်ပြီး အစီရင်ခံစာယူလိုက်၏။</p> <p> </p> <p>ပူဖောင်းအပူဒဏ်ခံနိုင်ပုံကြောင့် သူလည်းအံ့ဩသွားပြီး_</p> <p>"မီးသတ်တဲ့နေရာမှာအသုံးဝင်မှန်းသိပေမဲ့ ဒီလောက်အသုံးတည့်မယ်မထင်မိဘူး''</p> <p> </p> <p>ထိုအချိန်_</p> <p> </p> <p>တံခါးခေါက်သံကြားရသည်။</p> <p> </p> <p>"ခေါင်းဆောင်.. ဝန်ကြီးလု.. ကျုပ်ဘာလုပ်ပေးရမလဲ?''</p> <p>တော်ဝင်ပညာရှင်ဟောင် ဝင်လာသည်။</p> <p> </p> <p>ခေါင်းဆောင်က တော်ဝင်ပညာရှင်ဟောင်ကိုခေါ်ထားမည်ဟုမထင်သော်လည်း အကြောင်းရင်းကိုသူခန့်မှန်းမိသည်။</p> <p> </p> <p>"လုပ်ပေးရမှာပေါ့''</p> <p>ခေါင်းဆောင်ကပြောသည်_</p> <p>"တော်ဝင်ပညာရှင်ဟောင်.. ခင်ဗျားဒုံးပျံရှာဖွေရေးအဖွဲ့ကပြန်ယူလာတဲ့မျိုးစေ့နှစ်စေ့ကို အောင်အောင်မြင်မြင်ပျိုးထောင်ပြီးပြီ... ဒီအပင်နှစ်ပင်မှာ မယုံနိုင်စရာအာနိသင်တွေရှိတယ်... အထူးသဖြင့် ဒီနှစ်ပင်ရဲ့အာနိသင်တွေက တိုက်ဆိုင်လွန်းတာပဲ... ဒီအချက်အလက်တွေကြည့်လိုက်ပါဦး''</p> <p> </p> <p>ခေါင်းဆောင်ကပြောရင်းဆိုရင်း အချက်အလက်များယူပြီး တော်ဝင်ပညာရှင်ဟောင်ကိုပေးသည်။</p> <p> </p> <p>တော်ဝင်ပညာရှင်ဟောင်က ယူဖတ်လိုက်၏။ ပူဖောင်းမြက်နှင့်အရောင်ပြောင်းပင်၏အချက်အလက်များဖတ်ပြီး သူအံ့ဩသွားကာ_</p> <p>"ဒီနှစ်မျိုးမှာ ပူဖောင်းမြက်ကထွက်တဲ့ပူဖောင်းက ဘယ်လောက်စွမ်းလဲ? အာကာသအကာအကွယ်လို အောက်စီဂျင်စက်လိုသုံးနိုင်တာလား? ပြီးတော့ အရောင်ပြောင်းပင်ရဲ့အရောင်ပြောင်းဓာတ်ကရော အာကာသဝတ်စုံလုပ်လို့ရတာလား?''</p> <p> </p> <p>ခေါင်းဆောင်နှင့်ဝန်ကြီးလု အချင်းချင်းကြည့်လိုက်ကြသည်။</p> <p>တော်ဝင်ပညာရှင်ဟောင်ထောက်ပြတဲ့အချက်ကြောင့် သူတို့ပိုစိုးရိမ်မိသည်။</p> <p> </p> <p>ဘာပဲဖြစ်ဖြစ် ဒီနှစ်ပင်ကိုသဘာဝအလျောက်တိုက်ဆိုင်မှုမဟုတ်ကြောင်း သူတို့သံသယရှိထားသည်။</p> <p> </p> <p>တော်ဝင်ပညာရှင်ဆက်စပ်ပြလိုက်တာ အားလုံးရှင်းသွားသလိုပင်။</p> <p> </p> <p>သူတို့မျက်နှာထူးဆန်းနေသောကြောင့် တော်ဝင်ပညာရှင်ဟောင်က_</p> <p>"ခေါင်းဆောင်တို့.. ဒီနှစ်ပင်မှာအထူးအာနိသင်ရှိတာ ဖန်တီးထားတယ်လို့ထင်တာလား?''</p> <p> </p> <p>ခေါင်းဆောင်နှင့်ဝန်ကြီးလုကမငြင်းဘဲ ခေါင်းညိမ့်လိုက်သည်။</p> <p> </p> <p>တော်ဝင်ပညာရှင်ဟောင် မျက်နှာထားတည်သွား၏။ ဒီလိုဆိုရင် ဘာအဓိပ္ပါယ်လဲသူသိသည်။</p> <p> </p> <p>"တော်ဝင်ပညာရှင်ဟောင်''</p> <p>ခေါင်းဆောင်က တန်းပြောသည်_</p> <p>"နောက်အာကာသဒုံးပျံစူးစမ်းရှာဖွေရေးလုပ်ရင် ဒီကိစ္စကိုအာရုံစိုက်ရမယ်''</p> <p> </p> <p>မှန်းဆချက်သာဖြစ်သော်လည်း သတိထားရမည်။ အကယ်၍များ?</p> <p> </p> <p>"အင်း!''</p> <p>တော်ဝင်ပညာရှင်ဟောင် ခေါင်းညိမ့်လိုက်သည်။ သူသဘောပေါက်သည်။ သူကချက်ချင်း သူ့သုတေသနအဖွဲ့ဆီပြန်ပြီး အာကာသဒုံးပျံစူးစမ်းရှာဖွေရေးအစီအစဉ်ကိုချိန်ညှိသည်။</p> <p> </p> <p>လဝက်အကြာ_</p> <p> </p> <p>နတ်ဘုရားမတောင်_</p> <p> </p> <p>ချင်လင်ကတောလမ်းအတိုင်း ပူဖောင်းမြက်တောရှိသောရေကန်ဆီရောက်လာပြန်သည်။ ရောက်သည်နှင့် ပူဖောင်းမျိုးစေ့လိုက်ကောက်၏။</p> <p> </p> <p>ဝန်ကြီးလုက ပူဖောင်းမြက်နည်းပညာမျှဝေရန်စာပို့သည်။</p> <p> </p> <p>အခုပူဖောင်းမြက်ကို ကျယ်ကျယ်ပြန့်ပြန့်စိုက်ရတော့မည်။</p> <p> </p> <p>တရုတ်သိပ္ပံအကယ်ဒမီသို့ ပူဖောင်းမြက်မျိုးစေ့ပထမအသုတ်ပို့ပေးရန်လိုလာသည်။</p> <p> </p> <p>ထို့ကြောင့် ချင်လင်စလှုပ်ရှား၏။</p> <p> </p> <p>ပူဖောင်းမြက်အာနိသင်က အလွန်တရာအကျိုးရှိသောကြောင့် သူအမြန်ဆုံးစိုက်ပျိုးချင်သည်။</p> <p> </p> <p>ပူဖောင်းမြက်ပင်သုံးပင်တည်းကိုအားကိုးနေရင် အရှိန်ရမည်မဟုတ်။ သူအရှိန်တင်ရမည်။</p> <p> </p> <p>ဘယ်လိုပဲဖြစ်ဖြစ် ဝန်ကြီးလုအလောတကြီးထွက်သွား၍ ပူဖောင်းမြက်ပင်ကမျိုးစေ့ဘယ်နှစ်စေ့ရမည်မသိနိုင်။ သူ့အပေါ်သာမူတည်သည်။</p> <p> </p> <p>ဒီတော့ အဆပေါင်းများစွာအရှိန်တင်လည်း ပြဿနာမရှိ။</p> <p> </p> <p>အိတ်လေးတစ်အိတ်ရပြီးနောက် ချင်လင်ကတောင်တက်လမ်းပြန်လာကာ ဂိမ်းထဲမှထွက်လိုက်သည်။</p> <p> </p> <p>ပူဖောင်းမြက်ပင်သုံးပင်မှမျိုးစေ့များပါရောပြီး ဂိမ်းထဲပြန်ထည့်သည်။ ထိုမျိုးစေ့များကိုအထွက်တိုးစေရန် သူ့ဂိမ်းဇာတ်ကောင်အား သတ္တုမြို့တော်မျိုးစေ့ထုတ်စက်ထဲသွားထည့်စေသည်။</p> <p> </p> <p>ပူဖောင်းမြက်မျိုးစေ့ထုတ်ပြီးနောက် ဂိမ်းအပြင်ပြန်ထုတ်သည်။ ရှန်လီကိုလည်း သူ့ရုံးခန်းထဲဖုန်းဆက်ခေါ်လိုက်၏။</p> <p> </p> <p>"ဥက္ကဌချင်''</p> <p>ရှန်လီကရောင်ရောက်ချင်းမေးသည်_</p> <p>"ကျွန်တော့်ကိုခေါ်တာ အရေးကြီးကိစ္စပြောစရာရှိတယ်မလား?''</p> <p> </p> <p>"ဥက္ကဌရှန်.. အာကာသမျိုးစေ့အကြောင်းသိတယ်မလား?''</p> <p>ချင်လင်ကတန်းမေးသည်။</p> <p> </p> <p>ရှန်လီကခေါင်းညိမ့်ပြီး_</p> <p>"ပါမောက္ခလီခိုင်ပျိုးထောင်တဲ့အရောင်ပြောင်းပင်လေ... ကျွန်တော် အရောင်ပြောင်းပင်ရဲ့အချက်အလက်တွေကြည့်ပြီးပြီ... တကယ်အံ့ဩစရာကောင်းတယ်''</p> <p> </p> <p>"ဝန်ကြီးလုအရောင်ပြောင်းပင်ပြန်ယူသွားတော့ အစောင့်အကြပ်ယာဉ်တောင် စီစဉ်ပေးရသေးတယ်''</p> <p> </p> <p>ချင်လင်ကခေါင်းညိမ့်ပြီး ပူဖောင်းမျိုးစေ့အိတ်ကိုရှန်လီဆီပေးကာ_</p> <p>"ဒါအာကာသမျိုးစေ့နောက်တစ်မျိုးပဲ... အစ်ကိုလီစိုက်တဲ့မျိုးစေ့နဲ့အတူ အာကာသထဲကပြန်ယူလာတဲ့မျိုးစေ့ပဲ... ဒီမျိုးစေ့တွေပြန်ယူသွားပြီး ရုက္ခဗေဒအဖွဲ့ကိုပျိုးထောင်ခိုင်းပါ... သက်ဆိုင်ရာအချက်အလက်တွေကို စီမံရေး app ကနေ ကျွန်တော်အီးမေးလ်ပို့လိုက်မယ်''</p> <p> </p> <p>ချင်လင်စကားကြောင့် ရှန်လီနည်းနည်းအံ့ဩသွားသည်။ ဘာပဲဖြစ်ဖြစ် အာကာသပင်ဖြစ်နေသည်။</p> <p> </p> <p>ဒီမတိုင်ခင်က ကမ္ဘာ့အပြင်ဘက်မှာအပင်ရှိမှန်း သူသိတောင်မသိ။ အခု တစ်ပင်ပြီးတစ်ပင် သူ့ရှေ့ရောက်လာသည်။</p> <p> </p> <p>"ကောင်းပါပြီ ဥက္ကဌချင်''</p> <p>ရှန်လီကခေါင်းညိမ့်ပြီး မျိုးစေ့ယူကာ ချင်းလင်ဓာတ်ခွဲခန်းပြန်သွားသည်။</p> <p> </p> <p>သူ့ရုံးခန်းထဲရောက်ရောက်ချင်း အာကာသမျိုးစေ့အချက်အလက်ကိုကြည့်သည်။</p> <p> </p> <p>ပူဖောင်းမြက်ဆိုပါလား။</p> <p> </p> <p>သူပိုအံ့ဩရသည်က ပူဖောင်းမြက်အစွမ်းပင်။</p> <p> </p> <p style="text-align: center;">***</p> <p> </p>


Save