Book List

<h2 style="text-align: center;">အခန်း ၁၃၁၂</h2> <h2 style="text-align: center;">တစ်နှစ်သား ၂</h2> <h2 style="text-align: center;">*</h2> <p> </p> <p>အချက်အလက်အရ ဒါကိုပျိုးထောင်ရင် ဘယ်လိုအလားအလာရှိမလဲ သူသိသည်။</p> <p> </p> <p>အာကာသပင်ဆိုတာရယ် မြက်ကပူဖောင်းထွက်တာရယ်နဲ့တင် အလုအယက်ဖြစ်ကုန်မှာမလား?</p> <p> </p> <p>ဒီလောက်အကျိုးရှိရင် မပြောနဲ့တော့။</p> <p> </p> <p>သူကချက်ချင်းဖုန်းကောက်ဆက်ပြီး ပူဖောင်းမြက်ပင်စိုက်ရန်စီစဉ်သည်။</p> <p> </p> <p>ချင်းလင်အပန်းဖြေစံအိမ်_</p> <p> </p> <p>ချင်လင်ကပူဖောင်းမြက်စီစဉ်ပြီး ရုံးခန်းထဲပြန်ဝင်လာသောအခါ ကျောက်မိုချင်းနှင့်လင်းဖန်ရောက်လာသည်။</p> <p> </p> <p>လင်းဖန်က ချင်ဖုန်းလေးကိုချီထားသည်။</p> <p> </p> <p>သူတို့နှစ်ယောက်နောက်တွင် ရှောင်ရန်ပါလာသည်။</p> <p> </p> <p>မိချောင်းမှာ ချင်ဖုန်းလေးခဏခဏတက်စီး၍လားမသိ၊ ချင်ဖုန်းလေးကိုလိုက်ကပ်နေသည်။</p> <p> </p> <p>ဘာပဲဖြစ်ဖြစ် သူ့သခင်ကဂရုမစိုက်ချင်မှတော့ သခင်လေးကိုသာကပ်ရသည်။</p> <p> </p> <p>"ရှောင်လင်.. ငါရွာကဘယ်သူ့ကိုမှမဖိတ်ထားဘူး... မင်းဦးလေးတရှန်းနဲ့ဦးလေးရွှေ့ကန်းကိုပဲဖိတ်တာ''</p> <p>လင်းဖန်က ဝင်ဝင်ချင်းပြောသည်။</p> <p> </p> <p>"ကျွန်တော်လုပ်သင့်တာပါ!''</p> <p>ချင်လင် ခေါင်းညိမ့်လိုက်သည်။ ချင်ဖုန်းလေးတစ်နှစ်ပြည့်တော့မည်ဖြစ်၍ တစ်နှစ်ပြည့်မွေးနေ့လုပ်မည်။ အစဉ်အလာအရ ချင်ဖုန်းလေးကိုသုံးလေးပတ်ထားမည်။</p> <p> </p> <p>လက်ရှိသူ့အဆင့်အတန်းအရ ဒီပွဲမျိုးကျင်းပရင် လာချင်သူအရေအတွက်က ကျုံးမင်ဟိုတယ်တစ်ခုလုံးငှားလည်းမလောက်နိုင်။</p> <p> </p> <p>ဒီတော့ အကြီးအကျယ်မလုပ်ချင်။ ရင်းနှီးသူတချို့ကိုသာ ချင်းလင်အပန်းဖြေစံအိမ်ဖိတ်လိုက်မည်။</p> <p> </p> <p>ဦးလေးတရှန်း၊ဦးလေးရွှေ့ကန်းတို့လို သူတို့မိသားစုကိုကူညီခဲ့သူများအား မဖြစ်မနေဖိတ်ရမည်။</p> <p> </p> <p>အချိန်ကုန်လွန်သွားသည်။</p> <p> </p> <p>ချင်ဖုန်းလေး၏ပထမဆုံးမွေးနေ့ပွဲကျင်းပချိန်ကျပြီ။</p> <p> </p> <p>ချင်းလင်အပန်းဖြေစံအိမ်မှာ အလုပ်များတော့မည်။</p> <p> </p> <p>မနက်စောစော ကောင်းယောင်ယောင်က ဧည့်ခန်းတဝိုက်တွင် အစောင့်များကိုညွှန်ကြားနေသည်။</p> <p> </p> <p>ရှိရင်းလူအင်အားနှင့်မလောက်သောကြောင့် ချင်းလင်စံအိမ်မှပါးပါးနပ်နပ်လူတချို့ကို သေချာရွေးခေါ်ထားသည်။</p> <p> </p> <p>ဘာပဲဖြစ်ဖြစ် သူဌေးလေးမွေးနေ့ပွဲမှာ မပေါ့ဆရဲ။</p> <p> </p> <p>စားဖိုဆောင်ထဲ၌_</p> <p> </p> <p>ဆရာလင်းလည်း စားဖိုမှူးများနှင့်အလုပ်ရှုပ်နေသည်။ သူလည်း ချင်းလင်စံအိမ်မှစားဖိုမှူးခေါင်းနှင့်စားဖိုမှူးများကိုလွှဲယူထား၏။</p> <p> </p> <p>အသီးအနှံ၊အသားငါးများထည့်ထားသောခြင်းကိုဆေးကြောသန့်စင်ရန် စားဖိုဆောင်ထဲယူလာသည်။</p> <p> </p> <p>အားလုံး ချင်လင်ဂိမ်းထဲမှထုတ်လာသောအရည်အသွေး ၂ ပါဝင်ပစ္စည်းများဖြစ်သည်။ သူ့သားမွေးနေ့ပွဲအတွက် သူပိုပြင်ဆင်ပေးရမည်။</p> <p> </p> <p>ဝိုင်သိုလှောင်ခန်းထဲ၌_</p> <p> </p> <p>ချင်လင်လည်း လှည်းကိုအခန်းထောင့်တွန်းထားလိုက်သည်။ လှည်းတွင် ဝိုင်ပုလင်းများလျှောကျမသွားအောင်ထိန်းသောရေမြုပ်ပတ်ထား၏။</p> <p> </p> <p>အခန်းထောင့်ရောက်သောအခါ မီတာဝက်ရှည်သောဝိုင်စည်လေးကိုမကာ လှည်းပေါ်တင်လိုက်သည်။</p> <p> </p> <p>စည်ထဲတွင် ဖန်းကျိုဝိုင်ပါသည်။</p> <p> </p> <p>ပထမဆုံးမွေးနေ့မှာ အစားအသောက်ထက်ဝိုင်လိုသည်။</p> <p> </p> <p>ထိုဝိုင်စည်ကိုဂိမ်းထဲမှထုတ်ထားခြင်းဖြစ်ပြီး ဆယ်စုနှစ်ချီသက်တမ်းရှိသည်။</p> <p> </p> <p>အရည်အသွေး ၂ ပါဝင်ပစ္စည်းများ၊ဆယ်စုနှစ်ချီဝိုင်နှင့်ဧည့်ခံသောသူ့သားတစ်နှစ်ပြည့်ပွဲကို အပြင်မှစားသောက်ပွဲများမယှဉ်နိုင်။</p> <p> </p> <p>ဘာပဲဖြစ်ဖြစ် ဘယ်လောက်ချမ်းသာချမ်းသာ အရည်အသွေး ၂ ပါဝင်ပစ္စည်း ဒီလောက်အများကြီးရနိုင်သူမရှိ။</p> <p> </p> <p>ဆယ်စုနှစ်ချီဖန်းကျိုဝိုင်စည်ကို တခါတည်းဝယ်နိုင်သူမရှိပေ။</p> <p> </p> <p>ချင်လင်ကဝိုင်စည်ကိုပိတ်ပြီး ဝိုင်သိုလှောင်ခန်းအပြင်တွန်းကာ စားသောက်ခန်းထဲပို့လိုက်သည်။</p> <p> </p> <p>ကောင်းယောင်ယောင်အား စံအိမ်အတွင်းဘက်လာလျှင် မျက်လုံးပိတ်ရန်ညွှန်ကြားထားသည်။</p> <p> </p> <p>အတွင်းပိုင်းမှာ ချင်းလင်မိသားစုနေရာဖြစ်သည်။ ဘယ်သူမှမဝင်ဖူး။ လီရှင်း၊ချန်ရှန်းဖေတို့တောင် မဝင်ဖူးချေ။</p> <p> </p> <p>ဒါပေမဲ့ ဒီနေ့ အများကြီးဝင်လာကြပြီ။</p> <p> </p> <p>ချင်လင်အတွင်းဘက်ဝင်ဝင်ချင်း သူ့ယောက္ခမချန်ရှောက်က ချင်ဖုန်းလေးကိုချီကာ ဦးလေးတရှန်းနှင့်ဦးလေးရွှေ့ကန်းကိုဧည့်ခံနေသည်။</p> <p> </p> <p>သူ့ယောက္ခထီးကျောက်ရှန်ဟုန်ကလည်း သူတို့နှင့်​စကားပြောနေသည်။</p> <p> </p> <p>ယောက်ဖကျောက်မိုယွင်ကမူ ချင်ရန်၊ချင်လုံတို့လူငယ်များနှင့်ဝိုင်းဖွဲ့နေသည်။</p> <p> </p> <p>လက်ဖက်ခြောက်မှာ အရည်အသွေး ၂ သဘာဝအူလုံလက်ဖက်ခြောက်ဖြစ်သည်။</p> <p> </p> <p>ဒီလိုလက်ဖက်ရည်မျိုးသောက်ရခဲ၍ သဘောကျနေကြသည်။</p> <p> </p> <p>"ယောက်ျား.. ခဏလာပါဦး''</p> <p>ကျောက်မိုချင်းက ချင်လင်ကိုမြင်ပြီး လသာဆောင်ရှိစားပွဲဝိုင်းသို့ဆွဲခေါ်သည်။</p> <p> </p> <p>ချင်လုံ၏ဇနီးရှန်ရှန်လည်းရှိနေသည်။</p> <p> </p> <p>ဒီရှန်ရှန်က ကျောက်မိုချင်းယောက်မလီကျားဝမ်၏အခင်ဆုံးသူငယ်ချင်းဖြစ်သည်။ သူမနှင့်ပထမဆုံးတွေ့စဉ်က သူမရည်းစားဟောင်းနှင့်ကွဲခဲ့သည်။</p> <p> </p> <p>ရည်းစားဟောင်းက ရေလှောင်တမံတွင်အချိန်အတော်ကြာသည်အထိ ကျားဖြူငါးရှာခဲ့ဖူးသည်။</p> <p> </p> <p>နောက်ပိုင်း ရှန်ရှန်နှင့်ချင်လုံတွဲသွား၍ သူနည်းနည်းအံ့ဩမိသည်။ ကံကြမ္မာဖန်ပုံများတော့ ကမ္ဘာကြီးကကျဉ်းကျဉ်းလေးဟုသာဆိုရမည်။</p> <p> </p> <p>ရှန်ရှန်က ချင်လုံ၏ကလေးကိုချီထားသည်။ သို့ရာတွင် သူမမျက်လုံးနည်းနည်းနီနေပြီး စိတ်မကောင်းဖြစ်နေပုံရသည်။</p> <p> </p> <p>"ဘာဖြစ်လို့လဲ?''</p> <p>ချင်လင်က ဇဝေဇဝါနှင့်မေးသည်။</p> <p> </p> <p>"ချင်လုံက ရှန်ရှန်ကိုအထင်လွဲနေတယ်... သူ့ကိုနောက်တစ်ယောက်ရှိတယ်ထင်နေတာ''</p> <p>ကျောက်မိုချင်းကရှင်းပြသည်။</p> <p> </p> <p>"အာ!''</p> <p>ချင်လင်ကြောင်သွားပြီးမှမေးသည်_</p> <p>"ဘာလို့အထင်လွဲရတာလဲ?''</p> <p> </p> <p>"၁၀ နှစ်ကျော်လောက်ခင်ခဲ့တဲ့ကျောင်းနေဘက်တစ်ယောက်ပါ''</p> <p>ရှန်ရှန်က ပြောသည်_</p> <p>"အထင်လွဲတာ... ကျွန်မတို့က အရမ်းရင်းနှီးခဲ့တော့ ညဘက်မုန့်ထွက်စားကြတယ်''</p> <p> </p> <p>"အဲဒီတုန်းက တခြားအတန်းဖော်တွေလည်းပါတယ်... သူနဲ့အရမ်းရင်းနှီးခဲ့တော့ သူ့ကောင်မလေးဆိုပြီးစကြတယ်... ကျွန်မက မစဖို့ပြောပေမဲ့ အဲဒီစကားက စားပွဲဝိုင်းမှာပြန့်သွားပြီးတော့ ချင်လုံနားထဲရောက်သွားတယ်''</p> <p> </p> <p>"ချင်လုံက အဲဒါကိုအထင်လွဲသွားတာဖြစ်မယ်... ယောက်ျား ရှင်ရှင်းပြပေးလိုက်ပါလား?''</p> <p>ကျောက်မိုချင်းကလည်းပြောသည်။</p> <p> </p> <p>"အင်း!''</p> <p>ချင်လင်အသံတိတ်နေလိုက်သည်။</p> <p> </p> <p>အမှန်အတိုင်းပြောရရင် ဒါမျိုးကိုသူဘယ်လိုမှတ်ချက်ပေးရမည်မသိ။</p> <p> </p> <p>ဘာပဲဖြစ်ဖြစ် ညဘက်အပြင်ထွက်မုန့်စားပြီး ချင်လုံနားထဲတောင်ပြန်ရောက်တဲ့ကိစ္စမျိုးက တစ်ခုခုမှားနေပြီ။</p> <p> </p> <p>အနည်းဆုံးတော့ ညဘက်အပြင်ထွက်စားတတ်တာ လူရှုပ်တသိုက်ဖြစ်သည်။</p> <p> </p> <p>မဟုတ်ရင် မိန်းကလေးနဲ့အပြင်ထွက်ပြီး ဒီလိုအကွက်မျိုးရွှေ့မှာမဟုတ်။</p> <p> </p> <p>နောက်ပြီး ပွင့်ပွင့်လင်းလင်းပြောရရင် သူအရင်ကဒါမျိုးမလုပ်ဖူးသော်လည်း ယောက်ျားတစ်ယောက်အနေနဲ့ ဒီလိုအတွေး၊ဒီလိုကိစ္စတွေကိုသဘောပေါက်သည်။</p> <p> </p> <p>စားပွဲဝိုင်းမှာယောက်ျားတွေဘာတွေးလဲ အားလုံးအသိ။ အားလုံးက ပတ်ဝန်းကျင်ကိုပိုပြီးအသက်ဝင်အောင် မိန်းကလေးရှာကြသည်။</p> <p> </p> <p>ဒီလိုအသောက်အစားပွဲမျိုးကို သူတို့ကောင်မလေးတွေ၊မိန်းမတွေ ဘယ်တော့မှမဖိတ်။ သူတို့မိတ်ဆွေအသိုင်းအဝိုင်းမှတခြားအမျိုးသမီးကိုသာဖိတ်ကြသည်။</p> <p> </p> <p style="text-align: center;">***</p> <p> </p>


Save