Book List

<h2 style="text-align: center;">အခန်း ၁၃၁၅</h2> <h2 style="text-align: center;">ငါ့သမီးကိုလွှတ် ၂</h2> <h2 style="text-align: center;">*</h2> <p> </p> <p>ထို့နောက် စိတ်ဝင်စားစရာတွေဖြစ်လာသည်။</p> <p> </p> <p>ချင်ဖုန်းလေးရှေ့တွင် ကလေးမလေးသုံးယောက်ဓာတ်ပုံရှိသည်။</p> <p> </p> <p>"ချင်လင်''</p> <p>လီရှင်းက ချက်ချင်းပင်_</p> <p>"မင်းသားက ငါ့သမီးကိုယူတယ်... အခုငါ့သားမက်ပဲ''</p> <p> </p> <p>"ဟုတ်တယ်.. ဒီတစ်ခါအားပြိုင်တာ သူယူတဲ့သမီးကအပိုင်ပဲ''</p> <p>ချန်ရှန်းဖေကလည်းဖြည့်ပြောသည်။</p> <p> </p> <p>"ဒါပဲ''</p> <p>မာလဲ့ဝမ်ခေါင်းညိမ့်သည်_</p> <p>"ရွေးရမှာ ချင်ဖုန်းလေးပဲ''</p> <p> </p> <p>"ကျွတ် ကျွတ်''</p> <p>ချင်လင်ပြောစရာစကားမရှိတော့။</p> <p> </p> <p>ချင်ဖုန်းလေးက တစ်နှစ်ပဲရှိသေးတာ။ မိန်းကလေးပုံကိုစိတ်ဝင်စားရကောင်းမှန်းသိမလား?</p> <p> </p> <p>သူတို့သမီးပုံကို သူ့သားကယူမည်မထင်။</p> <p> </p> <p>သို့သော် သူ့အတွေးမဆုံးခင် ချင်ဖုန်းလေးကဓာတ်ပုံသုံးပုံဆီတွားသွားပြီး လီရှင်းသမီးပုံကိုလက်လှမ်းလိုက်သည်။</p> <p> </p> <p>“????”</p> <p>ချင်လင်ကြောင်သွားသည်။ ချင်ဖုန်းလေးကတော့ သူ့ကိုအရှက်ရအောင်လုပ်ပြီ။</p> <p> </p> <p>ဒီကောင်လေး အဖေကိုမျက်နှာသာမပေးပါလား?</p> <p> </p> <p>လီရှင်းကပြုံးရွှင်ပြီး_</p> <p>"ချင်လင် တွေ့လား? ချင်ဖုန်းလေးက သူ့ဘာသာရွေးမှာ... ကလေးတွေကိုစေ့စပ်ထားလို့ရပြီ?''</p> <p> </p> <p>သို့သော် သူပြောရုံရှိသေး၊ ချင်ဖုန်းလေးက ချန်ရှန်းဖေသမီးဓာတ်ပုံကိုလှမ်းဆွဲပြန်သည်။</p> <p> </p> <p>ချန်ရှန်းဖေကထပ်ပြီး_</p> <p>"လီရှင်း အဲဒါထည့်မတွက်ဘူး... အခုချင်ဖုန်းလေးက ငါ့သမီးဓာတ်ပုံမှာ... မင်းသမီးကကျန်ခဲ့ပြီ''</p> <p> </p> <p>ချင်ဖုန်းလေးက ချန်ရှန်းဖေနဲ့လီရှင်းသမီးဓာတ်ပုံကို မာလဲ့ဝမ်သမီးဓာတ်ပုံပေါ်ထပ်လိုက်မည်ဟုမထင်မိ။</p> <p> </p> <p>ဓာတ်ပုံသုံးပုံထပ်လျက်သားဖြစ်သွားသည်။</p> <p> </p> <p>ချင်ဖုန်းလေးက အိမ်ဆောက်ဂိမ်းဆော့နေသလိုမြူးတူးပြီး သူ့လက်သေးသေးလေးနှင့် ဓာတ်ပုံသုံးပုံကိုလိုက်ပွတ်သပ်သည်။</p> <p> </p> <p>မဟုတ်ရင် ကလေးမှာဘာအတွေးရှိမလဲ?</p> <p> </p> <p>ထိုမြင်ကွင်းကြောင့် ချန်ရှန်းဖေ၊မာလဲ့ဝမ်နှင့်လီရှင်းတို့က အချင်းချင်းကြည့်လိုက်ကြသည်။</p> <p> </p> <p>"ကောင်လေးက သုံးယောက်လုံးလိုချင်တာတော့မဟုတ်ပါဘူးနော်?''</p> <p>ချန်ရှန်းဖေကအံ့ဩသံနှင့်ပြောသည်။</p> <p> </p> <p>"လောဘကြီးလိုက်တာ?''</p> <p>လီရှင်းက ရေရွတ်သည်။</p> <p> </p> <p>"ဒါဆို ဘယ်သူ့အပိုင်လဲ?''</p> <p>မာလဲ့ဝမ်ကမေးသည်။</p> <p> </p> <p>သူတို့သုံးယောက်သားစကားပြောနေစဉ် နောက်ဆုံးသည်းမခံနိုင်သူတစ်ယောက်ထွက်လာသည်။ လီခိုင်က ဖြောင့်မတ်မှန်ကန်သောအသံနှင့်_</p> <p>"မင်းတို့သုံးယောက် ကိုယ့်ကိုယ်ကိုယ်အရှက်မခွဲပါနဲ့တော့လား? ချင်ဖုန်းလေးနဲ့မင်းတို့သမီးကြားဆက်ဆံရေးက ဘာလဲ? သူက ငါ့သားမက်ဖြစ်လာမယ့်သူပဲ... မင်းတို့ဆက်ဆံရေးက ငါနဲ့ညီလေးချင်လောက်ကောင်းဦးမလား?''</p> <p> </p> <p>ထိုသို့ပြောပြီး သူ့သမီးကိုထန်ရှိုးဝမ်လက်ထဲမှဆွဲချီကာ ပြကွက်တစ်ခုစတော့သည်။</p> <p> </p> <p>သူ့သမီးကို ချင်ဖုန်းလေးနားတန်းချလိုက်၏။ ကလေးကိုကျိုးဖမ်းသောပစ္စည်းတစ်ခုလိုသဘောထားနေသည်။</p> <p> </p> <p>ချင်လင်ကိုလည်း_</p> <p>"မင်းရောအဲလိုမထင်ဘူးလား ညီလေးချင်? ငါတို့က အရင်းနှီးဆုံးလေ'' ဟု ပြောဖြစ်အောင်ပြောလိုက်သေးသည်။</p> <p> </p> <p>"ကျွတ် ကျွတ်''</p> <p>ချင်လင် မျက်နှာကိုအုပ်ထားလိုက်သည်။</p> <p> </p> <p>ဒီအစ်ကိုလီက အဆင့်အတန်းမြင့်၊ပညာတတ်ဖြစ်ပါလျက်နဲ့ လောင်ချန်၊လောင်မာတို့ထက်ပိုရူးရသေးလား?</p> <p> </p> <p>ထန်ရှိုးဝမ်မှာ သူမစီနီယာအစ်ကိုလုပ်ရပ်ကြောင့် မျက်နှာနီသွားသည်။</p> <p> </p> <p>သူ့သမီးကိုမလိုချင်မှာစိုးပြီး အလောတကြီးလိုက်ပေးနေသလိုပင်။</p> <p> </p> <p>ဒါပေမဲ့ တွေးကြည့်မှ ချင်ဖုန်းလေးသာဆိုရင်၊ မိုချင်းတို့သဘောတူရင် စေ့စပ်ထားတာကောင်းမည်။</p> <p> </p> <p>ရုတ်ချည်းဆိုသလို စီနီယာအစ်ကိုလီရဲ့လုပ်ရပ်ကိုရူးသည်မထင်တော့။</p> <p> </p> <p>ချင်ဖုန်းလေးမှာ သူ့နားကလေးမလေးရုတ်တရက်ရောက်လာသောကြောင့် လန့်သွားသည်။</p> <p> </p> <p>ကလေးတွေကပျော်တတ်၊ခင်တတ်သည်။ သူကမြူးတူးပြီး လီခိုင်သမီးကိုဆွဲကာ ခိုးခိုးခစ်ခစ်ရယ်သည်။</p> <p> </p> <p>လီခိုင်၏အနိုင်ပိုင်းကွက်ကြောင့်  ချန်ရှန်းဖေ၊မာလဲ့ဝမ်၊လီရှင်းတို့လမ်းပျောက်သွားသည်။</p> <p> </p> <p>သုံးယောက်သားအချင်းချင်းကြည့်ပြီး အစ်ကို ၆ ရောက်လာပြီဟုသဘောပေါက်လိုက်ကြသည်။</p> <p> </p> <p>သုံးယောက်သားကစိတ်မြန်လက်မြန်ရှိပြီး သာမန်လူတွေနဲ့မတူတာ တွေးသာကြည့်။</p> <p>ဒီအချိန်မှာ ဘယ်လိုလုပ်အနိုင်ခံမလဲ?</p> <p> </p> <p>ချန်ရှန်းဖေက သူ့မိန်းမနားကပ်ပြီးသမီးကိုချီကာ ချင်ဖုန်းလေးနားချလိုက်သည်။</p> <p> </p> <p>လီရှင်းနှင့်မာလဲ့ဝမ်ကလည်း အားကျမခံ။ သူတို့သမီးချီပြီး ချင်ဖုန်းလေးနားချသည်။</p> <p> </p> <p>အခုချင်ဖုန်းလေးနားမှာ ကလေးမလေး ၄ ယောက် ပတ်လည်ဝိုင်းနေ၏။</p> <p> </p> <p>ချင်ဖုန်းလေး ပိုပျော်သွားသည်။ သူကခိုးခိုးခစ်ခစ်ရယ်သလို လက်ခုပ်လက်ဝါးလည်းတီးသည်။</p> <p> </p> <p>အထူးသဖြင့် ဒီကောင်လေးက မျှမျှတတရှိရမှန်းနားလည်သည်။ အစ်မကြီးတစ်ယောက်ပြီးတစ်ယောက်ဆွဲခေါ်၏။</p> <p> </p> <p>သီးနှံများခွဲဝေပေးသလို ကလေးမလေး ၄ ယောက်လက်ထဲပစ္စည်းများထည့်ပေးရကောင်းမှန်းသိသည်။</p> <p> </p> <p>ကစားဖော်အများကြီးတွေ့ဖူးတာ ဒါပထမဆုံးဖြစ်မည်။</p> <p> </p> <p>အခုကျိုးဖမ်းပွဲက ဘယ်လိုဖြစ်သွားပြီလဲ?</p> <p>ကလေးကစားကွင်းလား?</p> <p> </p> <p>ချန်ရှန်းဖေ၊မာလဲ့ဝမ်၊လီရှင်းနှင့်လီခိုင်က တစ်ယောက်မျက်လုံးတစ်ယောက်မကြည့်ကြဘဲ အချင်းချင်းထေ့ငေါ့ကြ၏။</p> <p> </p> <p>လင်းဖန်နှင့်ချန်ရှောက်ကကြည့်ပြီး အရမ်းဝမ်းသာနေသည်။</p> <p> </p> <p>ချင်ဖုန်းလေးက ကလေးမလေးတွေကြားမှာနာမည်ကြီးနေပြီ။ ကြီးလာရင်မိန်းမမရမှာ ပူစရာမလိုတော့။</p> <p> </p> <p>တကယ်တော့ သူတို့အဘွားဖြစ်သူအမြင်မှာ အရင်စေ့စပ်ထားတာကောင်းသည်။ အနည်းဆုံးတော့ ချင်ဖုန်းလေးအတွက်ချစ်သူရွေးထားနိုင်သည်။</p> <p> </p> <p>မော်ဒန်ခေတ်မှာ ဒါမျိုးမရှိသော်လည်း ၄ ယောက်လုံးရှိတာကောင်းမည်ဟု သူတို့ထင်သည်။</p> <p> </p> <p>သူတို့အသက်အရွယ်နဲ့ နည်းနည်းလောဘကြီးလည်းရတယ်မလား?</p> <p> </p> <p>ချင်လင်က ချင်ဖုန်းလေးနှင့်ပျော်ပျော်ရွှင်ရွှင်ကစားနေသောကလေးမလေး ၄ ယောက်ကိုကြည့်ပြီး နည်းနည်းစိုးရိမ်နေသည်။</p> <p>ငယ်ဘဝရည်းစားတွေများပြီး စိတ်ပိုင်းဆိုင်ရာအကြွေးတွေတင်လေမလား?</p> <p> </p> <p>ပြီးမှ သူ့ကိုယ်သူရယ်လိုက်သည်။</p> <p>ဒီကောင်လေးအသက်ဘယ်လောက်ရှိသေးလို့လဲ? သူဘာလို့ဒါကိုစိုးရိမ်နေရတာလဲ?</p> <p> </p> <p>ချန်ရှန်းဖေ၊မာလဲ့ဝမ်၊လီခိုင်၊လီရှင်းတို့ကြောင့် ချင်ဖုန်းလေးကျိုးဖမ်းပွဲက စည်ကားနေသည်။</p> <p> </p> <p>ပြီးနောက် ကျောက်မိုချင်းနှင့်လင်းဖန်လည်း ဧည့်သည်တချို့ကိုစံအိမ်နှင့်မွေးမြူရေးခြံသို့အလည်အပတ်လိုက်ပို့သည်။</p> <p> </p> <p>ချင်ဖုန်းလေးမွေးနေ့ပွဲဖိတ်ထားမှတော့ စားပြီးတန်းပြန်မပို့နိုင်။ အိမ်ရှင်ဧည့်ဝတ်ကျေရဦးမည်။</p> <p> </p> <p>ညနေပိုင်းတွင် ဦးလေးတရှန်းနှင့်ဦးလေးရွှေ့ကန်းကိုလိုက်ပို့သည်။</p> <p> </p> <p>ချန်ရှန်းဖေတို့က ဆက်နေကြ၏။</p> <p> </p> <p>နောက်တစ်နေ့_</p> <p> </p> <p>ချင်ဖုန်းလေးက ရှောင်ရန်စီးပြီး ဧည့်ခန်းထဲကစားနေသည်။</p> <p> </p> <p>အခုလင်းဖန်နှင့်ကျောက်မိုချင်းက ရှောင်ရန်ကိုလုံးလုံးစိတ်ချထားပြီ။ သူတို့မကြည့်ရင်တောင် ရှောင်ရန်က သူ့သခင်လေးကိုသေချာဂရုစိုက်မည်မှန်းသိသည်။</p> <p> </p> <p>ဘေးတွင်_</p> <p> </p> <p>လင်းလျိုတို့ကလည်း သမီးလေးများချီပြီး ထိုမြင်ကွင်းကိုစူးစမ်းကြည့်နေကြသည်။</p> <p> </p> <p>သူတို့အဖို့ မိချောင်းကအလွန်အန္တရာယ်များသောတိရစ္ဆာန်ဖြစ်သည်။ အထူးသဖြင့် ဒီလောက်ကြီးသောအကောင်ပင်။</p> <p> </p> <p>ဒါပေမဲ့ သူဌေးချင်ကဒီလောက်မိချောင်းကြီးကိုယဉ်ပါးအောင်လုပ်ပြီး ချင်ဖုန်းလေးစိတ်တိုင်းကျစီးခိုင်းမည်ဟုလုံးဝမထင်မိ။</p> <p> </p> <p>ဒီတော့မှ သူဌေးချင်က ဉာဏ်ကြီးရှင်၊ စားဖိုမှူး၊ အင်တာနက်ဆယ်လီမြင်းစီးသူဖြစ်သည့်အပြင် သုံးပွင့်ဆိုင်ဇီးပန်းပင်လယ်တွင် ရှဉ့်များကိုယဉ်ပါးအောင်လုပ်ဖူးကြောင်းသတိရကြသည်။</p> <p> </p> <p>သူဌေးချင်က မိချောင်းကိုဒီလောက်ယဉ်ပါးအောင်လုပ်ထားမှန်း အပြင်လူတွေလုံးဝထင်မှာမဟုတ်။</p> <p> </p> <p>လင်းလျိုတို့လက်ထဲမှသမီးလေးများကလည်း ချင်ဖုန်းလေးနှင့်ရှောင်ရန်ကိုစူးစမ်းနေကြသည်။ ပျော်နေသလိုလိုတောင်ရှိသည်။ သူတို့လည်းကစားချင်သလို ချင်ဖုန်းလေးကိုလက်လှမ်းကြ၏။</p> <p> </p> <p>လင်းလျိုတို့က သူတို့သမီးကိုမလွှတ်ရဲ။</p> <p>မိချောင်းက ချင်ဖုန်းလေးနဲ့ယဉ်ပါးသလို သူတို့သမီးတွေနဲ့ယဉ်ပါ့မလား?</p> <p> </p> <p>တစ်ရက်ပြီးတစ်ရက် အချိန်ကုန်လွန်သည်နှင့်အမျှ ရာသီဥတုအေးလာပြီး ပြည်တွင်းခရီးသွားလုပ်ငန်းတဖြည်းဖြည်းကျဆင်းလာသည်။</p> <p> </p> <p>အေးသောနေ့တွင် ဆောင်းရာသီကြိုက်သောခရီးသည်များမှလွဲ၍ ခရီးသည်အများစုကအပြင်မထွက်ကြ။</p> <p> </p> <p>အပြောင်းအလဲမရှိသောရှုမျှော်ခင်းနေရာများမှာ ဆောင်းရာသီပွဲတော်ကျင်းပသောနေရာများသာဖြစ်သည်။</p> <p> </p> <p>ရုံချန်းခရီးသွားလုပ်ငန်းမှာမူ သက်ရောက်မှုမရှိဘဲ ပိုပြီးရေပန်းစားလာသည်။</p> <p> </p> <p>ဆောင်းမှာအေးပြီး နွေမှာနွေးသောကြောင့် ရုံချန်းခရီးသွားရန်အသင့်တော်ဆုံးအချိန်ဖြစ်သည်။</p> <p> </p> <p>ချင်းလင်စံအိမ်နှင့်ချင်းလင်မွေးမြူရေးခြံမှာ ပိုပြီးသက်ရောက်မှုနည်းသည်။ ရုံချန်းရာသီဥတုမပြောင်းလဲခင်ကတည်းက ဆောင်းတွင်းမှာတောင် ခရီးသည်များပြည့်နေသည်။</p> <p> </p> <p>နောက်ပြီး ချင်းလင်စံအိမ်က ပရောဂျက်တစ်ခုထပ်ဖွင့်တော့မည်။ နတ်သမီးပုံပြင်တောင်ပင်။</p> <p> </p> <p>နတ်သမီးပုံပြင်တောင်_</p> <p> </p> <p>ချင်လင်ရော ကျောက်မိုချင်းပါရောက်နေပြီး လင်းလန်ဇီကမိတ်ဆက်ပေးသည်။</p> <p> </p> <p>နတ်သမီးပုံပြင်တောင်တစ်တောင်လုံးအသွင်ပြောင်းထားသည်မှာ ပြီးလုနီးနီးဖြစ်ကြောင်းတွေ့ရသည်။</p> <p> </p> <p>မကြာမီ နတ်သမီးပုံပြင်တောင်ထိပ်သို့ ချင်လင်နှင့်ကျောက်မိုချင်းရောက်သွားပြီး အံ့ဩစရာမြင်ကွင်းကိုမြင်ရသည်။</p> <p> </p> <p>ပန်းအိမ်က ထူးခြားလှပပြီး ဂိမ်းအရည်အသွေးများပါသည်။</p> <p> </p> <p>တောင်ထိပ်ပေါ်ရှိပန်းအိမ်ကို လင်းဟန်တို့ဒီဇိုင်နာများအထူးရေးဆွဲထားခြင်းဖြစ်သည်။ အစိတ်အပိုင်းများဖြန့်ကျက်ထားပုံကသင့်တင့်မျှတပြီး အပြင်အဆင်ပြီးပြည့်စုံသည်။ အစိမ်းရောင်အပင်များနှင့်လိုက်ဖက်နေ၏။</p> <p> </p> <p>ပန်းအိမ်ထဲဝင်ပြီး ပန်းအိမ်အာနိသင်ကိုမခံစားဖူးရင်တောင် အမြင်နှင့်တင်အတော်လှသည်ဟုဆိုရမည်။</p> <p> </p> <p>ဒါအလှဆုံးအချိန်မဟုတ်သေး။ မျိုးပြောင်းအာကာသနွယ်နှင့်ညဘုရင်မကဏ္ဍကျန်သေးသည်။</p> <p> </p> <p>မျိုးပြောင်းအာကာသနွယ်နှင့်ညဘုရင်မအစွမ်းပြရင် ဒီနေရာက နတ်သမီးကမ္ဘာဖြစ်သွားမည်။</p> <p> </p> <p>ဘေးတွင် ယွီရွှေ့ကလူအင်အားနှင့် မျိုးပြောင်းအာကာသနွယ်ပင်၊ညဘုရင်မပင်ပေါ်မှလိုက်ကာများကိုဆွဲဖယ်နေသည်။</p> <p> </p> <p>နတ်သမီးပုံပြင်တောင်မပြီးခင် ဒီအပင်များထူးခြားပုံကိုလူသိမည်စိုး၍ လိုက်ကာများနှင့်အုပ်ထားသည်။</p> <p> </p> <p>အခုနတ်သမီးပုံပြင်တောင်ပြင်ဆင်ပြီးဖြစ်သောကြောင့် ချပြနိုင်ပြီ။</p> <p> </p> <p>ဒီည နတ်သမီးပုံပြင်တောင်က ခရီးသည်အားလုံးကိုအံ့အားသင့်စေလိမ့်မည်။</p> <p> </p> <p style="text-align: center;">***</p> <p> </p>


Save