Book List

<h2 style="text-align: center;">အခန်း ၁၃၁၆</h2> <h2 style="text-align: center;">နတ်သမီးပုံပြင်ကမ္ဘာ</h2> <h2 style="text-align: center;">*</h2> <p> </p> <p>ယွီရွှေ့က မျိုးပြောင်းအာကာသနွယ်နှင့်ညဘုရင်မပင်ပေါ်မှလိုက်ကာများကိုဖယ်လိုက်သည်။</p> <p> </p> <p>ချင်လင်၊ကျောက်မိုချင်းနှင့်လင်းလန်ဇီတို့က ပန်းအိမ်ထဲဝင်လိုက်ရာ လင်းဟန်က သူ့စီနီယာအစ်ကိုအစ်မများနှင့်အတူ မြင်ကွင်းရှင်းလင်းနေသည်။</p> <p> </p> <p>အားလုံးပြုံးရွှင်ပြီး ပန်းအိမ်ကိုကျေကျေနပ်နပ်ကြည့်နေကြသည်ကိုတွေ့ရသည်။</p> <p> </p> <p>ဒါသူတို့​ပူးပေါင်းအားထုတ်ထားတဲ့ရလဒ်။</p> <p> </p> <p>သူတို့လုပ်ဖူးသမျှထဲတွင် အကောင်းဆုံးအိမ်ရာပရောဂျက်လည်းဖြစ်သည်။</p> <p> </p> <p>ထိုတောင်ထိပ်မှာ ကောင်းကင်ဘုံနှင့်တူနေ၏။</p> <p> </p> <p>သူတို့ဒီဇိုင်းဆွဲနေစဉ်က နောက်ဆုံးဒီလောက်လှမည်ဟုမထင်မိ။</p> <p> </p> <p>ပန်းအိမ်မှာဂိမ်းအရည်အသွေးရှိမှန်း သူတို့မသိပေ။</p> <p> </p> <p>ဒီနေရာက နေထွက်ရှုခင်းကြည့်ရင် ဘယ်လောက်ကြည်နူးအံ့ဩစရာကောင်းမလဲ စိတ်ကူးကြည့်နိုင်သည်။</p> <p> </p> <p>နောက်ပြီး ချင်းလင်စံအိမ်ကကြော်ငြာသည့်အတောအတွင်း ဒီဇိုင်နာနာမည်များကိုသုံးမည်ဟုကတိပေးထားသည်။ အပြီးသတ်ထုတ်ကုန်ကြော်ငြာသည့်အခါ နတ်သမီးပုံပြင်တောင်နာမည်ကိုလည်းသုံးခွင့်ပြုသည်။</p> <p> </p> <p>နတ်သမီးပုံပြင်တောင်နာမည်ကြီးလာရင် သူတို့အကျိုးအမြတ်များမည်။</p> <p> </p> <p>လင်းဟန်က ချင်လင်၊ကျောက်မိုချင်း၊လင်းလန်ဇီတို့ကိုမြင်ပြီး ချက်ချင်းရောက်လာကာနှုတ်ဆက်သည်_</p> <p>"ဥက္ကဌချင် ဥက္ကဌကျောက် ဥက္ကဌလင်း.. ရောက်လာပြီလား... ပန်းအိမ်တွေလိုက်ပြရမလား?''</p> <p> </p> <p>သုံးယောက်သား ခေါင်းညိမ့်လိုက်သည်။</p> <p> </p> <p>လင်းဟန်က ပန်းအိမ်များလိုက်ပြသည်။ သူမကလမ်းလျှောက်ရင်း မိတ်ဆက်ပေး၏_</p> <p>"ပန်းအိမ်ကိုအပိုင်းသုံးပိုင်းခွဲထားတယ်... မိုးကုပ်စက်ဝိုင်းပုံ... ပန်းအိမ်ထဲကနေတောင် နေထွက်ရှုခင်းကိုကြည့်နိုင်အောင်စီစဉ်ရမယ်''</p> <p> </p> <p>"ပန်းအိမ်ထဲမှာလည်း ညဘုရင်မနဲ့မျိုးပြောင်းအာကာသနွယ်ကိုရောယှက်ထားတယ်... မော်ဒန်အနီရောင်မြူခိုးသုံးထားတယ်''</p> <p> </p> <p>လင်းဟန်က သူမဒီဇိုင်းဆင်ထားသောပန်းအိမ်အကြောင်းသေချာသိသည်။ လမ်းလျှောက်ရင်း  အာပေါင်အာရင်းသန်သန်နှင့်ရှင်းပြ၏။</p> <p> </p> <p>ပန်းအိမ်အကြောင်းအသေးစိတ်နားလည်ပြီးနောက် ချင်လင်ပိုကျေနပ်သွားသည်။ အမှန်ပင် အားလုံးကိုသေချာလုပ်ထားသည်။</p> <p> </p> <p>ထို့နောက် ချင်လင်နှင့်ကျောက်မိုချင်းက ကေဘယ်ကားနှင့်နတ်သမီးပုံပြင်တောင်ပေါ်မှဆင်းသည်။</p> <p> </p> <p>ကေဘယ်ကားပေါ်မှ နတ်သမီးပုံပြင်တောင်ပြင်ဆင်ချက်အမျိုးမျိုးကိုရှင်းရှင်းလင်းလင်းမြင်ရသည်။ တောင်ထိပ်ပေါ်တွင် ပန်းအိမ်အပြင် စခန်းချစရာနေရာများရှိသည်။</p> <p> </p> <p>စခန်းချနေရာများတွင် ရွက်ဖျက်တဲများရှိပြီး မျိုးပြောင်းအာကာသနွယ်နှင့်ညဘုရင်မပင်များလည်းစိုက်ထားသည်။</p> <p> </p> <p>စခန်းချနေရာနှင့်ပန်းအိမ်ဖွင့်လျှင် ခရီးသည်တည်းခိုစရာရှားသောပြဿနာမှာ အတိုင်းအတာတစ်ခုအထိလျော့နည်းသွားမည်။</p> <p> </p> <p>ချင်းလင်ရှုမျှော်ခင်းနေရာမှာတန်းအိပ်နိုင်ရင် ခရီးသည်အများစုက ရုံချန်းမှာတည်းခိုတော့မည်မဟုတ်။</p> <p> </p> <p>ဒီတော့ စခန်းချနေရာက နာမည်မကြီးမှာမပူရ။</p> <p> </p> <p>ချင်းလင်အပန်းဖြေစံအိမ်_</p> <p> </p> <p>လင်းဖန်က ချင်ဖုန်းလေးနှင့်ကစားနေသည်ကို ချင်လင်တွေ့ရသည်။ သူတို့နားတွင် ကလေးမလေးများရှိသည်။ ချန်ရှန်းဖေတို့သမီးလေးများပင်။</p> <p> </p> <p>ချန်ရှန်းဖေတို့က မင်မြို့တော်ပြန်သွားကြပြီ။ မည်သို့ဆိုစေ အားလုံးသူဌေးကြီးများဖြစ်၍ နေ့စဉ်ဖြေရှင်းစရာကိစ္စများသည်။ လင်းလျိုတို့သာ ကလေးများနှင့်အနားယူရန် စံအိမ်မှာနေရစ်သည်။</p> <p> </p> <p>သူတို့လိုမိသားစုအဖို့ ချင်းလင်အပန်းဖြေစံအိမ်မှာအနားယူတာ သာမန်ကိစ္စပင်။ သူတို့မှာပိုက်ဆံမရှား။</p> <p> </p> <p>လူတကာအားကျစရာပင်။</p> <p> </p> <p>ဘာပဲဖြစ်ဖြစ် ချင်းလင်အပန်းဖြေစံအိမ်မှာ တစ်နိုင်ငံလုံးတွင်နာမည်ကြီးသည်။ ပြည်တွင်းအကောင်းဆုံးအပန်းဖြေနေရာမှန်း လူတိုင်းသိကြသည်။ လာချင်တိုင်း လာလို့မရ။ ဘယ်လောက်ချမ်းသာချမ်းသာ သူဌေးချင်သဘောမတူရင် မလာနိုင်ချေ။</p> <p> </p> <p>သို့သော် သူတို့က မကြာခဏနေနိုင်သည်။ သူတို့ယောက်ျားက လူတကာအားကျရသူနှင့်မိတ်ဆွေဖြစ်၍ဟုသာပြောရမည်။</p> <p> </p> <p>လင်းလျိုတို့ရှိသောကြောင့် ချင်ဖုန်းလေးမှာကစားဖော်များနေသည်။ ကြမ်းကိုပျော့ပျော့အိအိခင်းထား၍ ကလေးများပျော်ပျော်ရွှင်ရွှင်တက်ကစားနိုင်သည်။</p> <p> </p> <p>ကျောက်မိုချင်းကတိတ်တိတ်လေးရောက်လာပြီး ကလေးကြည့်ရင်း လင်းလျိုတို့နှင့်စကားဝိုင်းဖွဲ့သည်။</p> <p> </p> <p>ချင်လင်က ရုံးခန်းထဲပြန်ပြီး ငါးမျှား၊ဇာတ်ကွက်ရှာစသော နေ့စဉ်တာဝန်များလုပ်သည်။</p> <p> </p> <p>ဖြစ်ချင်တော့ ဒီနေ့လည်းကံမကောင်း။</p> <p> </p> <p>သို့သော် ဒီနှစ်ရုံချန်းကံအလွန်ကောင်းသည်။ ခရီးသည်များတသဲသဲဝင်ခြင်း၊ ရာသီဥတုပြောင်းလဲခြင်းနှင့် နိုင်ငံ့ရတနာဘေးမဲ့တောကြောင့် ခရီးသည်များကြည့်ရှုစရာများနေသည်။</p> <p> </p> <p>မြို့တစ်မြို့မှာ ဒီလိုပြဿနာမျိုးရှိတာမယုံနိုင်စရာ။ မြို့မှာခရီးသွားလုပ်ငန်းဖွံ့ဖြိုးလွန်း၍ ပြည်တွင်းဘယ်မြို့မှမယှဉ်နိုင်သည့်သဘောရှိသည်။</p> <p> </p> <p>ကျူးယွမ်ယွမ်နှင့်ဝမ်လီလီမှာ သူငယ်ချင်းကောင်းများဖြစ်သည်။ ဓာတ်ပုံမော်ဒယ်များဖြစ်ပြီး ကြည့်ကောင်းခြင်း၊သရုပ်ဆောင်ကောင်းခြင်းကြောင့် တစ်နှစ်တစ်နှစ်ပိုက်ဆံအများကြီးရှာနိုင်သည်။</p> <p> </p> <p>ရုံချန်းအကြောင်းသတင်းများတွေ့ဖူးပြီး သူတို့စူးစမ်းချင်နေကြသည်။ ဒီနှစ် ရုံချန်းမှာအပန်းဖြေကြရန် သူတို့နှစ်ယောက်ချိန်းထား၏။</p> <p> </p> <p>ပထမရက်၊ဒုတိယရက်တွင် ချင်းလင်စံအိမ်သတို့သမီးခန်းရသောကြောင့်ကံကောင်းသည်။ ရုံချန်းတွင်လဝက်လောက်စတည်းချရန် အခန်းလည်းယူထားသည်။</p> <p> </p> <p>ဒီလိုရာသီဥတုမျိုးရှိသောမြို့မှာ ကောင်းကောင်းနားရမည်။ နောက်ပြီး သူတို့အလုပ်အများစုက ဖုန်းတစ်လုံးနှင့်အလုပ်လုပ်နိုင်သည်။ ဖုန်းနှင့်ဓာတ်ပုံ၊ဗီဒီယိုများရိုက်ပြီးပို့ပေးနိုင်သည်။</p> <p> </p> <p>ချင်းလင်စံအိမ်ရောက်ရောက်ချင်း ID ကတ်ပြကာ စာရင်းသွင်းသည်။</p> <p> </p> <p>သတို့သမီးခန်းထဲပစ္စည်းများရွှေ့ပြီးနောက် ကျူးယွမ်ယွမ်ကမေးသည်_</p> <p>"လီလီ.. အရင်ဆုံး ဘယ်သွားကြမလဲ?''</p> <p> </p> <p>"ရွက်လွှင့်ကြတာပေါ့.. အဲဒါမစီးရတာကြာပြီ''</p> <p>ဝမ်လီလီက တန်းပြောသည်_</p> <p>"ချင်းလင်စံအိမ်ရွက်လွှင့်က ကမ္ဘာမှာပျော်စရာအကောင်းဆုံးလို့ပြောကြတယ်''</p> <p> </p> <p>"အင်း.. ငါလည်းကြားဖူးတယ်''</p> <p>ကျူးယွမ်ယွမ်ကပြောသည်။</p> <p> </p> <p>ချင်းလင်စံအိမ်ရွက်လွှင့်က ပြည်တွင်းရောပြည်ပမှာပါ နာမည်ကြီးသည်။</p> <p> </p> <p>ပြည်တွင်းခရီးသည်များပါမက ပြည်ပခရီးသည်များကိုပါဆွဲဆောင်နိုင်သည်အထိ ချင်းလင်စံအိမ်ကနာမည်ကြီးသည်။</p> <p> </p> <p>နိုင်ငံခြားသားများမှာ စိတ်လှုပ်ရှားစရာဂိမ်းများသဘောကျသောကြောင့် မဖြစ်မနေရွက်လွှင့်ကြသည်။</p> <p> </p> <p style="text-align: center;">***</p> <p> </p>


Save