Book List

<h2 style="text-align: center;">အခန်း ၁၃၁၉</h2> <h2 style="text-align: center;">ရုံချန်းရဲ့ကျေးဇူးရှင် သူဌေးချင် ၂</h2> <h2 style="text-align: center;">*</h2> <p> </p> <p>လက်ရှိရုံချန်းလူဦးရေ ၄၅၀၀၀၀ ကျော်နေပြီ။</p> <p> </p> <p>ထို့ကြောင့် ခရိုင်အသစ်ဖွင့်လျှင် လူဦးရေနှင့်အိမ်ရာအရောင်းအဝယ်ပြဿနာအတွက်လုံးဝပူစရာမလိုဘဲ ရုံချန်းတစ်ခုလုံး၏ဖိအားကိုလျှော့ချပေးနိုင်သည်။</p> <p> </p> <p>အချိန်တိုအတွင်း ရုံချန်းကဒီလောက်ပြောင်းလဲသွားမည်ဟုမထင်မိ!</p> <p> </p> <p>သူဌေးချင် ချင်းလင်စံအိမ်ဝယ်လိုက်ကတည်းက ရုံချန်းအပေါ်ဒီလောက်သက်ရောက်မှုကြီးမားမည်ဟုမထင်ခဲ့ကြ။</p> <p> </p> <p>အမှန်ပင်။ ချင်းလင်စံအိမ်နှင့်ချင်းလင်ကုမ္ပဏီ၏အထောက်အပံ့မပါဘဲ ရုံချန်းကဒီလောက်အထိမဖွံ့ဖြိုးနိုင်ပေ။</p> <p> </p> <p>ဒါကိုလည်း ရုံချန်းကလက်ခံထားသည်။ ရုံချန်းရာသီဥတုပြောင်းပြီး ပိုင်ရွှင်နှင့်ပိုင်ကျီရောက်လာရင်တောင် အားလုံးကသူဌေးချင်ကျေးဇူးကြောင့်ဖြစ်သည်။</p> <p> </p> <p>သူဌေးချင်သာ ချင်းလင်စံအိမ်မဖွင့်ခဲ့ရင် ချန်ရှန်းဖေနှင့်မာလဲ့ဝမ်ဆိုသောသူဌေးကြီးနှစ်ယောက်က စိတ်ဝင်စားမည်မဟုတ်။</p> <p> </p> <p>ချင်းလင်ဓာတ်ခွဲခန်းမှာ သူဌေးချင်နှင့်ယွမ်သန်း ၄၀၀ ရင်းနှီးမြှုပ်နှံဖို့မဖြစ်နိုင်။</p> <p> </p> <p>ရုံချန်းမဟုတ်ရင်တောင် သူဌေးကြီးနှစ်ဦးက ယွမ်သန်း ၄၀၀ ရင်းနှီးမြှုပ်နှံဦးမည်။ ချင်းလင်ဓာတ်ခွဲခန်းက မင်မြို့တော်မှာဖြစ်သွားနိုင်သည်။</p> <p> </p> <p>ဒီလိုဖြစ်ခဲ့ရင် သူဌေးချင်နှင့်ပါမောက္ခလီခိုင်မိတ်ဆွေဖြစ်ဖို့နေနေသာသာ ချင်းလင်ဓာတ်ခွဲခန်းသန့်စင်မြက်ဆိုတာမျိုးဖြစ်မလာနိုင်။</p> <p> </p> <p>သန့်စင်မြက်မရှိရင် ရုံချန်းရာသီဥတုအပေါ်သက်ရောက်မှုရှိဖို့မဖြစ်နိုင်။ ဥက္ကာခဲကြောင့် ရာသီဥတုလုံးဝပြောင်းသွားဖို့မဖြစ်နိုင်။ ပိုင်ရွှင်နှင့်ပိုင်ကျီလိုမျိုးတုံးနိုင်ငံ့ရတနာများကိုဆွဲဆောင်ဖို့ပိုမဖြစ်နိုင်ပေ။</p> <p> </p> <p>နောက်ဆုံး အားလုံးက သူဌေးချင် ချင်းလင်စံအိမ်ဝယ်သည့်အချိန်မှစခဲ့သည်။</p> <p> </p> <p>ဒါတွေအားလုံးရဲ့အကြောင်းရင်းက သူဌေးချင်!</p> <p> </p> <p>ရုံချန်းတစ်မြို့လုံး သူဌေးချင်အပေါ်အကြွေးတင်နေသည်ဟုဆိုနိုင်သည်။</p> <p> </p> <p>တစ်ခါတလေ သူစဉ်းစားကြည့်သည်။ သူဌေးချင်သာ ချင်းလင်စံအိမ်ကိုလေလံမဆွဲဘဲ ဂန္တဝင်ချင်းလင်စံအိမ်ဖြစ်မလာရင် လက်ရှိရုံချန်းက ဘယ်လိုဖြစ်နေမလဲ?</p> <p> </p> <p>ခရိုင်အသစ်အကြောင်းဆွေးနွေးမှုမြန်မြန်ဆန်ဆန်ပြီးသွားသည်။ အမြော်အမြင်ရှိသူက ရုံချန်းမှာခရိုင်အသစ်ဖွင့်မည်မှန်းသိသည်။ အ​မြော်အမြင်မရှိရင် ဒီအစည်းအဝေးခန်းထဲထိုင်နိုင်မည်မဟုတ်။</p> <p> </p> <p>ခရိုင်အသစ်ဖွံ့ဖြိုးရေးအတည်ပြုပြီးနောက် စွန်းရှန်ကအစည်းအဝေးပြီးကြောင်းကြေညာပြီး ချန်လီသာကျန်ခဲ့သည်။</p> <p> </p> <p>ချန်လီမှာ ခရီးသွားတာဝန်ခံဖြစ်၍ ရုံချန်းခရီးသွားလုပ်ငန်းကိုအာရုံစိုက်ထားသည်။</p> <p> </p> <p>သူတို့နှစ်ဦးရုံးခန်းထဲရောက်သောအခါ စွန်းရှန်၏အတွင်းရေးမှူးလောလောနှင့်ရောက်လာပြီး_</p> <p>"စွန်းရှန် လက်ထောက်ချန်... ချင်းလင်စံအိမ်မှာ ပရောဂျက်အသစ်ရှိတယ်''</p> <p> </p> <p>နှစ်ယောက်သား ချက်ချင်းစိတ်ဝင်စားသွားသည်။</p> <p> </p> <p>ချင်းလင်စံအိမ်မှာ ပရောဂျက်အသစ်မရှိတာကြာပြီ။</p> <p> </p> <p>ထို့နောက် နှစ်ယောက်သားတစ်ခုခုတွေးမိပြီး စွန်းရှန်က တန်းမေးသည်_</p> <p>"အဲဒီတောင်က ပြီးပြီလား?''</p> <p> </p> <p>ချန်လီလည်း ဇဝေဇဝါနှင့်အတွင်းရေးမှူးကိုကြည့်လိုက်သည်။</p> <p> </p> <p>ထိုတောင်မှာ မူလကထိတ်လန့်စရာအခြေအနေရှိပြီး လူဦးရေနည်းပါးခဲ့သည်။ ထို့ကြောင့် ချင်းလင်စံအိမ်ကတောင်ကိုစာချုပ်ချုပ်ချင်သည်ဟု ဟွားယွမ်ကအသိပေးသောအခါ ချက်ချင်းလွှဲပေးလိုက်သည်။</p> <p> </p> <p>သို့သော် ချင်းလင်စံအိမ်က တောင်ပေါ်မှာဘာလုပ်မှန်း သူတို့မသိ။ ကေဘယ်ကားဆောက်ပြီး ပန်းအိမ်များစိုက်သည်ကိုသာသိသည်။</p> <p> </p> <p>ချင်းလင်စံအိမ်ကအမြဲလျှို့ဝှက်သောကြောင့် သူတို့သိပ်မသိချေ။</p> <p> </p> <p>နောက်ပြီး သူတို့ကမစပ်စုဘဲ ချင်းလင်စံအိမ်ပရောဂျက်ကိုအမြဲယုံကြည်ထားသည်။</p> <p> </p> <p>အတွင်းရေးမှူးကခေါင်းညိမ့်ပြီး အစီရင်ခံသည်_</p> <p>"ဟုတ်တယ်.. တောင်ကပြီးသွားပြီ... ဖွင့်တော့မှာ... ချင်းလင်စံအိမ်က နတ်သမီးပုံပြင်တောင်လို့ခေါ်တယ်... ပြီးတော့ နတ်သမီးပုံပြင်တောင်က ထင်မထားလောက်အောင်အံ့ဩစရာကောင်းတယ်''</p> <p> </p> <p>အတွင်းရေးမှူးကပြောရင်းဆိုရင်း အံ့ဩပုံပေါက်နေသည်။ ထို့နောက် ချင်းလင်စံအိမ်ကြော်ငြာဗီဒီယိုထုတ်ပြီး စွန်းရှန်နှင့်ချန်လီကိုပေးသည်။</p> <p> </p> <p>ဗီဒီယိုစဖွင့်သည်။</p> <p> </p> <p>ဗီဒီယိုထဲမှနတ်သမီးပုံပြင်တောင်ကို စွန်းရှန်နှင့်ချန်လီအာရုံစိုက်ထားသည်။</p> <p> </p> <p>ကြည့်ရင်းကြည့်ရင်း သူတို့နှစ်ယောက်မျက်လုံးမှာအံ့ဩပုံပေါက်လာသည်။</p> <p> </p> <p>"ချင်းလင်စံအိမ်ဆိုတဲ့အတိုင်းပဲ''</p> <p>ချန်လီမျက်နှာတွင် လေးစားပုံအပြည့်။</p> <p> </p> <p>ချင်းလင်စံအိမ်ကတော့ ချင်းလင်စံအိမ်ပါပဲ။</p> <p>ပရောဂျက်အားလုံး လန့်လောက်စရာချည်း။</p> <p> </p> <p>စွန်းရှန်လည်း ခေါင်းညိမ့်သဘောတူသည်_</p> <p>"အံ့ဩစရာကောင်းလိုက်တာ... သူဌေးချင်စတိုင်က အံ့ဩစရာကောင်းတုန်းပဲ''</p> <p> </p> <p>အတွင်းရေးမှူးက ချက်ချင်းပင်_</p> <p>"စွန်းရှန်.. ဒီအထဲကအပင်တွေကို သူဌေးချင်လေ့လာပြီးပျိုးထောင်ခဲ့တာဆိုပေမဲ့ ဒီတစ်ခါနတ်သမီးပုံပြင်တောင်ရဲ့အဓိကဒီဇိုင်နာက သူဌေးချင်မဟုတ်ဘူး... ဥက္ကဌကျောက် ကျောက်မိုချင်းနဲ့ ဥက္ကဌလင်း လင်းလန်ဇီပဲ... ပြီးတော့ တချို့ဒီဇိုင်နာလေးတွေပါသေးတယ်... ဗီဒီယိုအဆုံးမှာမှတ်ချက်ပါတယ်''</p> <p> </p> <p>ထို့ကြောင့် စွန်းရှန်နှင့်ချန်လီအံ့အားသင့်သွားသည်။</p> <p> </p> <p>သူတို့သိသလောက် ချင်းလင်စံအိမ်နှင့်ချင်းလင်မွေးမြူရေးခြံပရောဂျက်များက သူဌေးချင်လက်ရာဖြစ်သည်။ ဒီတစ်ခါ ကျောက်မိုချင်းနှင့်လင်းလန်ဇီဖြစ်နေမည်ဟုမထင်မိ။</p> <p> </p> <p>ဒီအမျိုးသမီးနှစ်ယောက်ကိုသူတို့သိသည်။ သူဌေးချင်အမျိုးသမီးနှင့်လက်ရှိချင်းလင်စံအိမ်အထွေထွေမန်နေဂျာပင်။</p> <p> </p> <p>နတ်သမီးပုံပြင်တောင်မှာ သူဌေးချင်လေ့လာနေသောအပင်နှင့်ခွဲခြားမရသော်လည်း သတင်းက မဆိုး။</p> <p> </p> <p>ဘာပဲဖြစ်ဖြစ် ခရီးသွားလုပ်ငန်းမှာ သူဌေးချင်ဖန်တီးနိုင်စွမ်းက အကန့်အသတ်ရှိသည်။ အခုချင်းလင်စံအိမ်မှာ ဒီလိုအံ့ဖွယ်ပရောဂျက်မျိုးဖန်တီးနိုင်သူများရှိသေးသောကြောင့် သူဌေးချင်အကူအညီပါရင်တောင် ကောင်းသောကိစ္စပင်။</p> <p> </p> <p>စွန်းရှန်နှင့်ရှန်လီလည်း ချင်းလင်စံအိမ်စာရင်းသွင်း link ထဲဝင်ပြီး နတ်သမီးပုံပြင်တောင်ပရောဂျက်စာရင်းကိုကြည့်လိုက်သည်။</p> <p> </p> <p>သို့သော် နှစ်ယောက်သား link ထဲဝင်ကြည့်လိုက်သောအခါ ကြိုတင်စာမျက်နှာတွင်အကြာကြီးပိတ်နေပြီးဝင်မရသောကြောင့် အံ့ဩသွားသည်။</p> <p> </p> <p>နှစ်ယောက်သား အမှတ်တမဲ့အင်တာနက်ကိုကြည့်လိုက်ကြသည်။ လိုင်းကဘာမှမဖြစ်။ ချင်းလင်စံအိမ်စာမျက်နှာက ဝင်မရခြင်းပင်။</p> <p> </p> <p>ချင်းလင်စံအိမ်ဆာဗာမှာ အကောင်းဆုံးဖြစ်သော်လည်း တိုးမရ။ link ဝင်သူအရေအတွက်က ထင်မထားလောက်အောင်များနိုင်သည်။</p> <p> </p> <p>စွန်းရှန်နှင့်ချန်လီက အမှတ်တမဲ့အချင်းချင်းကြည့်လိုက်ကြသည်။</p> <p>ဒါရုံချန်းယာဉ်လမ်းကြောပျက်ဦးမှာလား?</p> <p> </p> <p>အခုတလော တခြားနေရာမှာရာသီဥတုအေးလာ၍ အတော်များများက ရုံချန်းတွင်အပန်းဖြေရန်စိတ်ဝင်စားကြသည်။ အခု ချင်းလင်စံအိမ်မှာ ဒီလိုပရောဂျက်မျိုးရှိလာပြီ။</p> <p> </p> <p>အထူးသဖြင့် ခရီးသည်အများကြီးတည်းခိုနိုင်မည့်တောင်ဖြစ်နေခြင်းပင်။</p> <p> </p> <p>လိုင်းပေါ်တွင် နတ်သမီးပုံပြင်တောင် link ထဲဝင်နေသူများလည်း နတ်သမီးပုံပြင်တောင်အဓိကစာမျက်နှာမနိုင်တော့ကြောင်းတွေ့ရသည်။</p> <p> </p> <p>ကျူးယွမ်ယွမ်နှင့်ဝမ်လီလီလည်း အတူတူပင်။ အဓိကစာမျက်နှာမရောက်ခင် အကြာကြီးပိတ်နေသည်။</p> <p> </p> <p>နှစ်ယောက်သား ၁၂ နာရီမြင်ပြီးရေတွက်ကြည့်ရာ နောက်တစ်နေ့မနက် ၁၂ နာရီဖြစ်သည်။</p> <p> </p> <p>ထို့ကြောင့် နှိုးစက်ပေးကာ စောစောအိပ်လိုက်ကြသည်။ နောက်တစ်နေ့အိပ်ရာနိုးမှ လက်မှတ်ထယူမည်။</p> <p> </p> <p>နောက်ပြီး နှိုးစက်ကို ၁၀ မိနစ်စောပေးထားသည်။</p> <p> </p> <p>"လီလီ.. နှိုးစက်တစ်ခုတည်းပေးလို့မရဘူး! စိတ်ချရအောင် ငါတို့ဖုန်းနဲ့ပါပေးမယ်!''</p> <p>ကျူးယွမ်ယွမ်ကပြောသည်။</p> <p> </p> <p>ဝမ်လီလီကခေါင်းညိမ့်ပြီး ဖုန်းယူကာနှိုးစက်ပေးသည်။</p> <p> </p> <p>နောက်ပြီး နှိုးစက်တစ်ခုပြီးတစ်ခု တစ်မိနစ်ခြားဆက်တိုက်ပေးထားသည်။</p> <p> </p> <p>ဒီလိုဆို အတိမ်းအစောင်းမရှိ၊ လက်မှတ်မရဘဲမနေ။</p> <p> </p> <p>အချိန်ကုန်လွန်သွားပြီး ဒုတိယမြောက်နေ့ရောက်လာသည်။</p> <p> </p> <p>မကြာမီ သတို့သမီးခန်းတွင် နှိုးစက်သံကြားရသည်။</p> <p> </p> <p>ကျူးယွမ်ယွမ်နှင့်ဝမ်လီလီက နှိုးစက်သံကြားပြီး တပြိုင်တည်းလိုလိုထလိုက်သည်။</p> <p> </p> <p>စိတ်မကြည်မလင်မရှိဘဲနိုးထခြင်းမှာ ဒါပထမဆုံးဖြစ်မည်။ နတ်သမီးပုံပြင်တောင်လက်မှတ်အကြောင်းသာတွေးနေသောကြောင့်ပင်။</p> <p> </p> <p>သို့သော် အလောတကြီးထပြီးဖုန်းကိုင်ကာ နတ်သမီးပုံပြင်တောင်စာမျက်နှာ link ထဲဝင်လိုက်သော်လည်း သူတို့ကြောင်သွားသည်။</p> <p> </p> <p>စာမျက်နှာမှာဝင်မရ၊ ရှေ့တိုးမရ။ သူတို့ဖုန်းနှစ်လုံးစလုံး တန့်နေသည်။</p> <p> </p> <p>အထူးသဖြင့် စာမျက်နှာတန့်နေသည်က တစ်ခဏလည်းမဟုတ်၊ နှစ်ခဏလည်းမဟုတ်၊ အကြာကြီး။</p> <p> </p> <p>"ဘာလို့ရပ်နေတာလဲ?''</p> <p>ဝမ်လီလီ ချက်ချင်းစိတ်လောသွားသည်။</p> <p> </p> <p>နတ်သမီးပုံပြင်တောင်လက်မှတ်ထဝယ်ဖို့ နှိုးစက်တွေအများကြီးပေးထားရတာ၊ အခုတော့ ဒီစာမျက်နှာကနေ မတက်ဘူးတဲ့လား။</p> <p> </p> <p>"မြန်မြန်ဝင် မြန်မြန်ဝင်''</p> <p>ကျူးယွမ်ယွမ်က အချိန်ကြည့်ပြီးစိတ်လောသွားသည်။</p> <p> </p> <p>စောစောက ၁၀ မိနစ်စောထပြီး စာမျက်နှာထဲအမြန်ဆုံးဝင်ကာလက်မှတ်ယူသည်။</p> <p> </p> <p>အချိန်လွန်သည်နှင့် ဖုန်းအသီးသီးကိုင်ရင်း စိတ်လောနေကြသော်လည်း ဝင်မရ။</p> <p> </p> <p>လူတွေဘယ်လောက်များဝင်နေတာလဲ? မဟုတ်ရင် ဒီလောက်ပိတ်မလား?</p> <p> </p> <p>နောက်ဆုံး သူတို့စိုးရိမ်တကြီးကြည့်နေသည့်အချိန် ဝမ်လီလီဖုန်းနှင့်ဝင်ရသွားသည်။</p> <p> </p> <p>"ရပြီ''</p> <p>ဝမ်လီလီအပျော်လွန်သွားသည်။ နတ်သမီးပုံပြင်တောင်လက်မှတ်ကိုအမြန်စာရင်းသွင်းလိုက်သည်။</p> <p> </p> <p>ကျူးယွမ်ယွမ်လည်း မျှော်လင့်တကြီးလာကြည့်သည်။</p> <p> </p> <p>သို့သော် ဝမ်လီလီနှိပ်ပြီးပြီးချင်း ရပ်ပြီးအဝိုင်းလည်သွားပြန်သည်။</p> <p> </p> <p>စက္ကန့်အနည်းငယ်အကြာ ပြန်တက်လာ၏။ ဒီတစ်ခါ စာတစ်ကြောင်းနှင့်:</p> <p>'စိတ်မကောင်းပါ.. နတ်သမီးပုံပြင်တောင်လက်မှတ်ကုန်သွားပါပြီ'</p> <p> </p> <p>ဝမ်လီလီ: 'ကျွတ် ကျွတ်'</p> <p> </p> <p>ကျူးယွမ်ယွမ်: 'ကျွတ် ကျွတ်'</p> <p> </p> <p>နှစ်ယောက်လုံးကြောင်သွားသည်။</p> <p>စက္ကန့်ပိုင်းနဲ့ကုန်သွားပြီလား?</p> <p> </p> <p>သူတို့အများကြီးပြင်ဆင်ထားပေမဲ့ ဘယ်လိုလုပ်သူများနောက်ပါသွားပါလိမ့်?</p> <p> </p> <p style="text-align: center;">***</p> <p> </p>


Save