Book List

<h2 style="text-align: center;">အခန်း ၁၃၂၀</h2> <h2 style="text-align: center;">ကောင်းကင်ကရွေးချယ်သူ</h2> <h2 style="text-align: center;">*</h2> <p> </p> <p>ကျူးယွမ်ယွမ်ရော ဝမ်လီလီပါစိတ်ပျက်သွားသည်။</p> <p> </p> <p>ဘာလဲဟ?</p> <p> </p> <p>ဘာမှမရဘဲနှိုးစက်တွေအများကြီးပေးခဲ့တာ၊ ဘာမှမရဘဲမျှော်လင့်နေခဲ့တာပေါ့။</p> <p> </p> <p>သူတို့ဝင်ရုံရှိသေး၊ ခဏရပ်ပြီး ပြီးသွားပြီတဲ့။</p> <p> </p> <p>နှစ်ယောက်သားစိတ်ပျက်လက်ပျက်နှင့် သတို့သမီးခန်းထဲမှထွက်လာသည်။</p> <p> </p> <p>နတ်သမီးပုံပြင်တောင်လက်မှတ်မရသောကြောင့် ချင်းလင်စံအိမ်ထဲမှာသာလျှောက်လည်ရမည်။</p> <p> </p> <p>အရင်ဆုံး စျေးဝယ်စင်တာသွားကြသည်။</p> <p> </p> <p>လည်ပတ်မည်ဖြစ်သောကြောင့် မုန့်၊ အသီးနှင့် ချင်းလင်အားဖြည့်လက်ဖက်ရည်နှစ်ပုလင်းဝယ်ရမည်။</p> <p> </p> <p>မုန့်နှင့်အသီးက ဗိုက်ပြည့်ပြီး ချင်းလင်အားဖြည့်လက်ဖက်ရည်က အားပြည့်နိုင်သည်။ ခရီးသွားရင် ဒါတွေကမရှိမဖြစ်။ သူတို့ပိုက်ဆံရှင်းမည်အပြုတွင် ကောင်တာမှာလူအများကြီးပြည့်နေသည်ကိုတွေ့ရသည်။</p> <p> </p> <p>နောက်ပြီး ခပ်ဝဝလူတစ်ယောက်ခြေထောက်နားတွင် ပစ္စည်းတချို့တောင်လိုပုံနေသည်ကိုသတိထားမိသည်။</p> <p> </p> <p>အမျိုးသမီးနှစ်ယောက် ကြောင်သွားသည်။</p> <p> </p> <p>ဒီလူက ခရီးသွားမှာလား၊ လက္ကားဝယ်မှာလား?</p> <p> </p> <p>ဒီလိုလူတွေလည်း အများကြီးရှိသည်။ တစ်ယောက်က စျေးအကြီးဆုံးပစ္စည်းတွေရွေးဝယ်သည်။ ငွေရှင်းချိန်တွင် ကောင်တာမှာကတ်နှင့်ရှင်းသည်။</p> <p> </p> <p>ကျူးယွမ်ယွမ် ချက်ချင်းသိချင်စိတ်ဖြစ်သွားသည်။ သူမဘေးနားတွင်လည်း အိတ်ကြီးအိတ်ငယ်ဆွဲထားသောလူငယ်လေးတစ်ယောက်ရှိ၍_</p> <p>"မောင်လေး.. သူတို့ဘာတွေလုပ်နေတာလဲ? ဘာလို့ဒီလောက်အများကြီးဝယ်ကြတာလဲ?''</p> <p> </p> <p>ကျူးယွမ်ယွမ်ကိုမြင်ပြီး လူငယ်လေးမျက်လုံးကျယ်သွားသည်။ ဘာပဲဖြစ်ဖြစ် ကိုယ်လုံးကိုယ်ပေါက်ကောင်းကောင်းနှင့်ကြည့်ကောင်းသောမျက်နှာပိုင်ရှင်မျိုးက ဓာတ်ပုံမော်ဒယ်ဖြစ်နိုင်သည်။ လူအများစုမျက်လုံးထဲတွင် အလှလေးပင်။</p> <p> </p> <p>အလှလေးက လာမေးသောကြောင့် လူငယ်ကအားတက်သရောရှင်းပြသည်_</p> <p>"ချင်းလင်ရှုမျှော်ခင်းထဲမှာ နတ်သမီးပုံပြင်တောင်ပရောဂျက်ဖွင့်လိုက်ပြီမလား?''</p> <p> </p> <p>"အွန်လိုင်းလက်မှတ်ပြည့်သွားပေမဲ့ ချင်းလင်စံအိမ်မှာလည်း နတ်သမီးပုံပြင်တောင်လက်မှတ်မဲနှိုက်ပေးတယ်''</p> <p> </p> <p>"မဲနှိုက်ပေးတာ သိတယ်မလား? အရင်တုန်းကချင်းလင်စံအိမ်မှာလုပ်ဖူးတယ်လေ... ယွမ် ၁၀၀ သုံးရင် မဲနှိုက်ခွင့်ရပြီး နတ်သမီးပုံပြင်တောင်လက်မှတ်အလကားရမယ်''</p> <p> </p> <p>"ဒါပေမဲ့ မဲပေါက်နိုင်ခြေရှိတယ်... သီအိုရီအရတော့ မဲများများနှိုက်လေလေ ပေါက်နိုင်ခြေများလေလေပဲ... ပိုက်ဆံမရှားရင်ပေါ့... မဲပေါက်ရင် ဝယ်ထားသမျှတွေမကြည့်ဘဲ ထွက်ရင်ထွက်သွားနိုင်တယ်''</p> <p> </p> <p>"အဲဒါကြောင့် အများကြီးဝယ်ကြတာ... လျှောက်လည်ချင်လို့လေ''</p> <p> </p> <p>ကျူးယွမ်ယွမ်နှင့်ဝမ်လီလီ မျက်စိကျယ်သွားပြန်သည်။</p> <p> </p> <p>နတ်သမီးပုံပြင်တောင်နှင့်လုံးလုံးလွဲပြီဟု သူတို့ထင်ခဲ့သည်။ ဒီလိုနည်းရှိမှန်းမသိ။</p> <p> </p> <p>"သော*က်.. နောက်နေတာလား? မဲနှိုက်တာ အကြိမ် ၃၀၀ ကျော်ပြီ... မပေါက်သေးဘူးလား?''</p> <p>ဝတုတ်က စိတ်ပျက်လက်ပျက်အော်သည်။</p> <p> </p> <p>ထို့နောက် ပစ္စည်းဝယ်ရန်စျေးဝယ်စင်တာထဲဝင်သွားပြန်သည်။ မဲမပေါက်မချင်း သူမရပ်။</p> <p> </p> <p>သူဘာလို့ဒီလောက်ကံဆိုးမှန်းမသိ။ အရင်တစ်ခါအကြီးအကဲစားပွဲမဲနှိုက်တုန်းကလည်း ဆုတစ်ဆုတောင်မရခဲ့။</p> <p> </p> <p>ကမ္ဘာ့နံပါတ်တစ်ဖရဲသီးဘုရင်မဲနှိုက်တုန်းကတောင် အကြိမ်ကြိမ်ဆက်နှိုက်ပြီးမပေါက်ခဲ့။</p> <p> </p> <p>ဝတုတ်စကားကြောင့် ကျူးယွမ်ယွမ်နှင့်ဝမ်လီလီက စိတ်လှုပ်ရှားစွာနှင့်ငွေရှင်းလိုက်သည်။ သူတို့ဝယ်ထားတာ သိပ်မများသောကြောင့်ပင်။</p> <p> </p> <p>ကောင်တာမှ_</p> <p>"စုစုပေါင်း ၂၀၄ ယွမ်ကျပါတယ် အလှလေး... မဲနှစ်ကြိမ်နှိုက်လို့ရပါတယ်... မဲပေါက်ရင် နတ်သမီးပုံပြင်တောင်လက်မှတ်အလကားရမှာပါ''</p> <p> </p> <p>ကောင်တာမှညွှန်ကြားချက်အတိုင်း ကျူးယွမ်ယွမ်က QR ကုဒ်စကင်န်ဖတ်လိုက်သည်။</p> <p> </p> <p>စောစောကလူငယ်ကကြည့်ပြီးရယ်ကာ_</p> <p>"အလှလေးတို့.. မဲနှစ်ခုတည်းပေါက်ဖို့ခက်တယ်... ပြီးရင် ကျွန်တော်အများကြီးနှိုက်ပြီး မဲတစ်ခုပေးမယ်''</p> <p> </p> <p>သူက ကိုယ်ရည်သွေးပြခြင်းပင်။ မိန်းကလေးတစ်ယောက်ကလာပတ်သက်ရင် ယောက်ျားတိုင်းညစ်ညစ်ပတ်ပတ်အတွေးရှိတတ်သည်။</p> <p> </p> <p>"ဂုဏ်ယူပါတယ်.. နတ်သမီးပုံပြင်တောင်လက်မှတ်ရပါတယ်!''</p> <p> </p> <p>"ဂုဏ်ယူပါတယ်.. နတ်သမီးပုံပြင်တောင်လက်မှတ်ရပါတယ်!''</p> <p> </p> <p>ကောင်တာတွင် ကျူးယွမ်ယွမ်မဲနှိုက်သည်နှင့်အသံနှစ်သံထွက်လာသည်။</p> <p> </p> <p>ထိုအသံကြောင့် ပတ်ဝန်းကျင်မှာတိတ်ဆိတ်သွားပြီး လူတိုင်းအသက်ရှူသံကြားရလောက်သည်။</p> <p> </p> <p>လူငယ် တန်းရှက်သွား၏။</p> <p>စောစောကပဲ မဲပေါက်ဖို့မဖြစ်နိုင်ဘူးပြောထားတာလေ၊ ဒါကဘာလဲ? နှစ်မဲလုံးပေါက်တာလား?</p> <p> </p> <p>စျေးဝယ်စင်တာထဲဝင်လာသောဝတုတ်လည်း အသံကြားသည်။ သူကတအံ့တဩရပ်ပြီး ပါးစပ်အဟောင်းသားနှင့်စိုက်ကြည့်နေသည်။</p> <p> </p> <p>ထိုအချိန်တွင် သူ့မှာကံကြမ္မာနတ်ဘုရားစွန့်ပစ်ထားသလိုခံစားလိုက်ရသည်။ စွန့်ပစ်ခံရရုံသာမက လှောင်ပြောင်ပါခံရသည်။</p> <p> </p> <p>မဟုတ်ရင် သူများအလွယ်တကူရတဲ့အချိန်မှာ သူကအကြိမ် ၃၀၀ ကျော်ရှုံးနေမလား?</p> <p> </p> <p>အနားဝန်းကျင်မှခရီးသည်များလည်း အံ့ဩပြီးအားကျကုန်သည်။</p> <p> </p> <p>ဘယ်လောက်ကောင်းတဲ့ကံလဲ?</p> <p> </p> <p>မဟုတ်ရင် နှစ်ခါနှိုက် နှစ်ခါပေါက်မလား?</p> <p> </p> <p>လုပ်ကြံထားသည်ဟု ဘယ်သူမှသံသယမရှိကြ။ ချင်းလင်စံအိမ်အတွက်မလိုအပ်သလို လက်ရှိသူ့အတိုင်းအတာအရ နာမည်ပျက်ခံမည်မဟုတ်ပေ။</p> <p> </p> <p>အထူးသဖြင့် အလှလေးနှစ်ယောက်ကို နတ်သမီးပုံပြင်တောင်ပေါ်တက်ခွင့်ပေးချင်ရင် ဒီအတိုင်းသီးသန့်ပေးလိုက်ရုံပင်။</p> <p>သူတို့ဝင်ခွင့်ရမရ ဘယ်သူသိမလဲ?</p> <p> </p> <p>အလှလေးများကိုကြည့်ပြီး ခရီးသည်များစိတ်ကြည်မည်။</p> <p> </p> <p>ဒီလိုလူမြင်ကွင်းမှာ အကွက်ရွှေ့စရာမလို။</p> <p> </p> <p>ဒီအလှလေးများကို နတ်ဘုရားစောင်မသည်ဟုသာပြောရတော့မည်။</p> <p> </p> <p>ကျူးယွမ်ယွမ်မှာ တအောင့်ကြာမှသတိဝင်ပြီး စိတ်လှုပ်ရှားစွာနှင့် ဝမ်လီလီကိုဖက်ကာ_</p> <p>"လီလီ.. ငါပေါက်တယ်.. နှစ်မဲတောင်ပေါက်တာ''</p> <p> </p> <p>"ဒါဆို ပန်းအိမ်အစုအဝေးကိုသွားလို့ရပြီလား?''</p> <p>ဒီလိုအံ့ဩစရာမျိုးဖြစ်လာမည်ဟု ဝမ်လီလီမထင်မိ။</p> <p> </p> <p>နှစ်ယောက်သားဝမ်းသာလွန်း၍ လက်ချင်းဆုပ်ကိုင်ကာ ခုန်ပေါက်ကြသည်။ နတ်သမီးပုံပြင်တောင်က ဆွဲဆောင်မှုရှိလွန်းသောကြောင့်ပင်။ ကြော်ငြာဗီဒီယိုကတင် စိတ်ဝင်စားစရာကောင်းလှပြီ။ စိတ်မလှုပ်ရှားဘဲမနေနိုင်။</p> <p> </p> <p>သို့ရာတွင် ကိုယ်လုံးကိုယ်ပေါက်ကောင်းကောင်းနှင့်ခုန်ပေါက်နေသောမိန်းမလှများကြောင့် အနားရှိအမျိုးသားခရီးသည်များအာရုံစိုက်မိနေကြသည်။</p> <p> </p> <p>အမေးခံရသောလူငယ်မှာ ရေပိုငတ်လာပြီး စကားဝင်ရောချင်စိတ်ပေါက်လာ၏။</p> <p> </p> <p style="text-align: center;">***</p>


Save