Book List

<h2 style="text-align: center;">အခန်း (၂၄၃)</h2> <h2 style="text-align: center;">လင်းတုန် ဟန်ဆောင်တိုက်ခိုက်ခြင်း</h2> <h2 style="text-align: center;">ဝူယွမ်နှင့် ဝမ်ယန်တို့၏ တိုက်ပွဲ(၁)</h2> <h2 style="text-align: center;">*</h2> <p> </p> <p>လင်းတုန်သည် နိဗ္ဗာန်အဆင့် ၈ တွင်သာ ရှိနေသော်လည်း ဝိညာဉ်တံဆိပ်ကို အသုံးပြုရန်ပင် မလိုအပ်ချေ။ သူ၏ ယွမ်စွမ်းအားသီးသန့်မှာ ယင်းရှောင်ရှောင်ကို ရင်ဆိုင်ရန်အတွက် လုံလောက်ရုံမျှသာမက ပိုလျှံနေခဲ့လေသည်။</p> <p> </p> <p>နဂါးရုပ်လုံးများ ဖောင်းကြွနေသော ကောင်းကင်အကြေးခွံ ရှေးဟောင်းလှံကြီးကို ကိုင်ဆောင်ထားသော လင်းတုန်၏ အရှိန်အဝါများမှာ လှိုင်းတံပိုးများအလား ပတ်၀န်းကျင်ကို ရိုက်ခတ်နေခဲ့၏။  </p> <p>သူသည် လိပ်ခွံတစ်ခုသဖွယ် လိပ်နက် ဝိညာဉ်သံချပ်ကာကို သူ၏ ကိုယ်ပေါ်တွင် ပထမဆုံး ဖန်တီးလွှမ်းခြုံလိုက်ပြီးနောက် ဆန်းကြယ်သော ရေစွမ်းအင်များကို ထုတ်လွှတ်လိုက်လေသည်။</p> <p> </p> <p>လိပ်နက် သိုင်းပညာရပ်ကို သင်ယူတတ်မြောက်ပြီးနောက် လင်းတုန်သည် ထိုသိုင်းပညာရပ်ကို သူ၏ လှံသိုင်းပညာရပ်များတွင်လည်း ရောနှော အသုံးချခဲ့ပြီး ဆန်းကြယ်သော ရေစွမ်းအင်၏ အနှစ်သာရကို ရယူကာ သူ၏ တိုက်ကွက်များကို ပိုမိုအားကောင်းပြီး လေးလံလာစေရန် ပြုလုပ်ခဲ့သည်။</p> <p> </p> <p>လင်းတုန်၏ ပတ်ဝန်းကျင်တွင် ရေကြီးရေလျှံနေသည့်အလား ဆန်းကြယ်‌သော ရေစွမ်းအင်များဖြင့် ဖွဲ့စည်းထားသည့် အနက်ရောင် မြစ်ကြီးတစ်စင်းက သူ၏ ကောင်းကင်အကြေးခွံ ရှေးဟောင်းလှံကြီးနှင့်အတူ စီးဆင်းနေပြီး ပတ်ဝန်းကျင်ရှိ ကောင်းကင်ယံကို ညို့မှိုင်းသွားစေကာ လေထုကိုလည်း အဆပေါင်းများစွာ ပိုမိုလေးလံသွားစေခဲ့လေသည်။</p> <p> </p> <p>လင်းတုန်၏ လိပ်နက်သံချပ်ကာနှင့် ဆန်းကြယ်သော ရေစွမ်းအင် လှံသိုင်းပညာရပ်တို့၏ အရှိန်အဝါသည် ယင်းရှောင်ရှောင် ထုတ်လွှတ်လိုက်သော ကောင်းကင် ဧကရာဇ်ကျမ်း၏ အရှိန်အဝါထက် မည်သို့မျှ ယုတ်လျော့နေခြင်း မရှိပေ။</p> <p> </p> <p>ထို့အပြင် အလွန်အမင်း အားကောင်းလွန်းသော ဖိနှိပ်ခြင်း ခံစားချက်တစ်ခုပင် ပါဝင်နေသေး၏။</p> <p> </p> <p>“ဒီမောင်ငယ်လေးကလည်း သာမန်မဟုတ်ဘူးပဲ၊” ယင်းရှောင်ရှောင်သည် ဆက်လက်၍ ပြုံးမနေနိုင်တော့ပေ။</p> <p> </p> <p>ဆန်းကြယ်သော ရေစွမ်းအင်များဖြင့် ပြည့်နှက်နေသော ဧရာမ ရှေးဟောင်းလှံကြီးက သူမကို ကြီးမားလွန်းသော ဖိအားများ ပေးစွမ်းနေပြီး နောက်တစ်စက္ကန့်တွင် ထိုဆန်းကြယ်သော ရေစွမ်းအင်များအောက်သို့ သူမ နစ်မြုပ်သွားတော့မည့်အလား ခံစားနေရလေသည်။</p> <p> </p> <p>သို့သော်ငြားလည်း ယင်းရှောင်ရှောင်သည် လွယ်လွယ်ကူကူဖြင့် အရှုံးပေးမည့်သူ မဟုတ်ပေ။</p> <p> </p> <p>“ကောင်းကင်ဧကရာဇ်ကျမ်း၊ မဟာကောင်းကင် တိမ်တိုက်ရွှေ့လျားဓား”</p> <p> </p> <p>မရေမတွက်နိုင်သော အကြည့်များ စူးစိုက်ကျရောက်နေချိန်တွင် ယင်းရှောင်ရှောင်သည် သူမ၏ ကျောက်စိမ်းသဖွယါ လက်ချောင်းလေးများကို ဆန့်တန်းလိုက်ပြီးနောက် ဧရာမအလင်းဓားကြီးကို လှမ်း၍ ဆုပ်ကိုင်လိုက်လေသည်။  </p> <p>နောက်တစ်ခဏတွင် သူမ၏ နှုတ်ခမ်းဖျားမှ ကြည်လင်ပြတ်သားပြီး အေးစက်သော အော်ဟစ်သံတစ်ခု ရုတ်တရက် ထွက်ပေါ်လာခဲ့ပြီး တစ်ချိန်တည်းမှာပင် သူမ၏ ပုံရိပ်က ဧရာမဓားကြီး၏ အောက်တည့်တည့်တွင် ပေါ်လာကာ လက်ဖဝါးကို ရုတ်ခြည်း ဝှေ့ယမ်းလိုက်၏။</p> <p> </p> <p>ရွှစ်။</p> <p> </p> <p>ယင်းရှောင်ရှောင်၏ ကျောက်စိမ်းရောင် လက်ချောင်းလေးများ အောက်သို့ ကျဆင်းသွားသည်နှင့်တစ်ပြိုင်နက်....</p> <p> </p> <p>ကောင်းကင်ယံတွင် ရပ်တန့်နေသော ဧရာမအလင်းဓားကြီးသည်လည်း ဓားသွားကို လှည့်လိုက်ပြီးနောက် ကောင်းကင်ထက်မှနေ၍ မိုးကြိုးပစ်ချလိုက်သည့်အလား အလွန်မြန်ဆန်ပြင်းထန်သော အရှိန်အဟုန်ဖြင့် လင်းတုန်ထံသို့ တိုက်ရိုက် ခုတ်ပိုင်းချလိုက်လေတော့သည်။</p> <p> </p> <p>အလင်းဓားကြီး အောက်သို့ ကျဆင်းလာသည်နှင့်အမျှ လေဟာနယ်ထဲတွင် တောက်ပလွန်းသော အလင်းတန်းတစ်ခု ကျန်ရစ်ခဲ့ပြီး ဤဓားချက်တစ်ချက်တည်းဖြင့်ပင် လေဟာနယ်ကို ထက်ခြမ်းခွဲပစ်လိုက်သကဲ့သို့ ဖြစ်နေခဲ့၏။</p> <p> </p> <p>အောက်ဘက်ရှိ မြေပြင်မှာ ချက်ချင်းပင် အက်ကွဲကြေမွသွားလေသည်။</p> <p> </p> <p>ကြောက်မက်ဖွယ်ကောင်းသော ဧရာမဓားကြီး မြေပြင်ပေါ်သို့ မကျရောက်မီမှာပင် အလွန်အမင်း ထက်ရှလှသော လေပြင်းများက အောက်ဘက်သို့ စိမ့်ဝင်လာပြီး တိုက်ပွဲရင်ပြင်ကြီးကို ထက်ခြမ်းခွဲပစ်လိုက်လေသည်။</p> <p> </p> <p>တပည့်များ၏ မျက်နှာအမူအရာများမှာ ပြောင်းလဲသွားခဲ့၏။ ဂိုဏ်းတူအစ်မကြီး၏ တိုက်ခိုက်မှုမှာ ပြင်းထန်လွန်းလှပြီး နိဗ္ဗာန်အဆင့် ၉ တွင်ပင် ဤတိုက်ခိုက်မှုကို ခံနိုင်ရည်ရှိသူ အနည်းငယ်သာ ရှိလိမ့်မည်ဟု တွေးမိလိုက်ကြသည်။</p> <p> </p> <p>တံခါးပိတ် ကျင့်ကြံသည့် ကာလအတွင်း ယင်းရှောင်ရှောင်သည်လည်း နိဗ္ဗာန်အဆင့် ၉ အထွတ်အထိပ်သို့ ရောက်ရှိလာခဲ့ပြီဖြစ်ပြီး ဆန်းကြယ်ရှင်ခြင်းအဆင့်နှင့်ပင် နီးကပ်နေပြီ ဖြစ်သည်။</p> <p> </p> <p>သို့သော် ဤကဲ့သို့ ပြင်းထန်လွန်းသော တိုက်ခိုက်မှုကို ရင်ဆိုင်ရချိန်တွင် လင်းတုန်မှာ စိုးရိမ်ပူပန်မှု အနည်းငယ်မျှ မရှိသည့်အပြင် ပြုံးပင် ပြုံးနေသေး၏။</p> <p> </p> <p>ယင်းရှောင်ရှောင် ပို၍အားကောင်းလေ သူ ပို၍ပျော်ရွှင်လေပင် ဖြစ်သည်။ ထိုကဲ့သို့သော အမျိုးသမီးမျိုးကသာ သူ့ကို စိတ်ဝင်စားမှု ဖြစ်ပေါ်စေနိုင်သည်။</p> <p> </p> <p>လင်းတုန်သည် သူ၏ နဂါးလှံကြီးကို ဝှေ့ယမ်းလိုက်ရာ  ဆန်းကြယ်သော ရေစွမ်းအင် ဧရာမမြစ်ကြီးမှာ လှံ၏ လမ်းကြောင်းအတိုင်း စက်ဝိုင်းပုံသဏ္ဍာန် ဖြစ်ပေါ်လာပြီး လင်းတုန်၏ ပတ်ဝန်းကျင်တွင် စီးဆင်းနေခဲ့သည်။</p> <p> </p> <p>ဧရာမအလင်းဓားကြီးသည် အောက်သို့ ခုတ်ပိုင်းချလာခဲ့ပြီး ၎င်း၏ ထက်ရှလွန်းသော ဓားသွားက အနက်ရောင် ဆန်းကြယ်သော ရေစွမ်းအင်များကို အဆက်မပြတ် တိုက်ခိုက်ကာ ဖြတ်တောက်ရန် ကြိုးပမ်းနေခဲ့၏။</p> <p> </p> <p>သို့သော် လင်းတုန်၏ အကာအကွယ်မှာ အားနည်းချက် မရှိရုံသာမက အလွန်အမင်း ခိုင်ခံ့လွန်းလှပေသည်။</p> <p> </p> <p>ယင်းရှောင်ရှောင်သည် စီးဆင်းနေသော ဆန်းကြယ်သည့် ရေစွမ်းအင်များကို ရင်ဆိုင်ရသည့်အချိန်တွင်တော့ ၎င်းကို လုံးဝ ဖြတ်တောက်နိုင်ခြင်း မရှိတော့ပေ။  </p> <p>ယင်းအစား အလင်းဓားကြီးမှာ ဆန်းကြယ်သော ရေစွမ်းအင်များ၏ ဝါးမျိုခြင်းကို ခံလိုက်ရပြီး ၎င်းအတွင်းသို့ စုပ်ယူသွားခြင်း ခံလိုက်ရလေသည်။</p> <p> </p> <p>လင်းတုန်၏ နဂါးလှံကြီးက အရိုင်းဆန်စွာ လှုပ်ရှားသွားပြီး ဆန်းကြယ်သော ရေစွမ်းအင် မြစ်ကြီးက လေထုထဲတွင် လှိုင်းလုံးကြီးများအလား ရိုက်ခတ်သွားကာ ယင်းရှောင်ရှောင်၏ ဓားများ အားလုံးကို နစ်မြုပ်သွားစေခဲ့၏။</p> <p> </p> <p>ယင်းရှောင်ရှောင်၏ မျက်နှာမှာ ဖြူလျော့သွားပြီး သူမ၏ အေးစက်စက် မျက်နှာပေါ်တွင် ထိတ်လန့်မှု အရိပ်အယောင်များ ပေါ်လွင်လာခဲ့သည်။</p> <p> </p> <p>သို့သော် လင်းတုန်သည် ကြမ်းတမ်းသော သိုင်းပညာရှင် တစ်ဦးဖြစ်ပြီး တိုက်ပွဲအတွင်း မည်သည့်အခါမျှ သက်ညှာပေးမည် မဟုတ်ပေ။ </p> <p>သူသည်သူသည် အရိုင်းဆန်သော ဆန်းကြယ်သည့် ရေစွမ်းအင် မြစ်ကြီးကို သယ်ဆောင်ကာ ယင်းရှောင်ရှောင်ထံသို့ ပြင်းထန်စွာ ဖိအားပေး ချဉ်းကပ်သွားပြီး သူမကို ဆန်းကြယ်သော ရေစွမ်းအင် မြစ်ကြီးထဲသို့ တိုက်ရိုက်ပင် ဆွဲသွင်းသွားလေတော့သည်။</p> <p> </p> <p>အနက်ရောင် ဆန်းကြယ်သည့် ရေစွမ်းအင်များက လည်ပတ်နေပြီး အပြင်ဘက်ရှိ လူများမှာ အတွင်းတွင် မည်သို့မည်ပုံ ဖြစ်ပျက်နေသည်ကို မမြင်နိုင်ကြတော့ပေ။</p> <p> </p> <p>ဆန်းကြယ်သော ရေစွမ်းအင်များ အတွင်းတွင်မူ လင်းတုန်၏ နဂါးလှံကြီးသည် ယင်းရှောင်ရှောင်ထံသို့ ချိန်ရွယ်ထားပြီးဖြစ်ကာ ထက်ရှလှသော လှံထိပ်က သူမ၏ ဖြူဖွေးသော လည်တိုင်လေးဆီသို့ ဦးတည်နေလေသည်။</p> <p> </p> <p>“ဂိုဏ်းတူအစ်မကြီး ရှောင်ရှောင်၊ ခင်ဗျား ရှုံးသွားပြီ။”</p> <p> </p> <p>“မောင်လေးလင်းတုန်၊ မင်းရဲ့ လှံသိုင်းပညာရပ်တွေက ဒီလောက်တောင် ကြောက်ဖို့ကောင်းလိမ့်မယ်လို့ ငါမထင်ထားခဲ့မိဘူး၊ မင်းရဲ့ မဟာရှေးဟောင်းကျမ်းကို ထုတ်သုံးလာအောင်တောင် ငါ မလုပ်နိုင်ခဲ့ဘူးပဲ၊”</p> <p> </p> <p>ယင်းရှောင်ရှောင်က သက်ပြင်းချရင်း အနည်းငယ် စိတ်ပျက်လက်ပျက်ဖြင့် ပြောလိုက်လေသည်။ သူမသည် ဤမျှ ပြင်းပြင်းထန်ထန် ကျင့်ကြံခဲ့သော်ငြား လုံလောက်အောင် အားမကောင်းသေးပေ။</p> <p> </p> <p>ဤမောင်ငယ်သည် အလွန်အမင်း အားကောင်းလွန်းသည်ကို သူမ သိရှိထားသော်လည်း သူ၏ အားအကောင်းဆုံးဖြစ်သော မဟာရှေးဟောင်းကျမ်းကို ထုတ်သုံးလာအောင်ပင် သူမ မလုပ်နိုင်ခဲ့ခြင်းက သူမ မည်မျှ အားနည်းနေသေးသည်ကို ပြသနေခြင်းပင် ဖြစ်သည်။</p> <p> </p> <p>ဤအချက်က သူမကို များစွာ စိတ်ပျက်အားငယ်စေခဲ့သည်။</p> <p> </p> <p>မူလက သူမသည် မဟာရှေးဟောင်းကျမ်းနှင့် ကောင်းကင်ဧကရာဇ်ကျမ်းတို့၏ တိုက်ပွဲကို မြင်တွေ့လိုခဲ့ပြီး သူမ၏ ကောင်းကင်ဧကရာဇ်ကျမ်းနှင့် မဟာရှေးဟောင်းကျမ်းကြားရှိ ကွာဟချက်က မည်မျှရှိသည်ကို သိရှိလိုခဲ့ခြင်း ဖြစ်သည်။</p> <p> </p> <p>“ဂိုဏ်းတူအစ်မကြီး... ခင်ဗျား ကြည့်ချင်တယ်ဆိုရင် ကျွန်တော် ပြပေးနိုင်ပါတယ်...” လင်းတုန်က အနည်းငယ် ထစ်အစွာဖြင့် ပြောလိုက်လေသည်။</p> <p> </p> <p>“ဘာကိုလဲ။” ယင်းရှောင်ရှောင်သည် သူဆိုလိုသည်ကို နားမလည်သေးဘဲ လင်းတုန်၏ အနည်းငယ် ရှက်ရွံ့နေကာ ဂနာမငြိမ်ဖြစ်နေသော မျက်ဝန်းများကို ကြည့်ရင်း ထူးဆန်းနေသကဲ့သို့ ခံစားလိုက်ရသည်။</p> <p> </p> <p>သို့သော် နောက်တစ်စက္ကန့်တွင်တော့ ဆန်းကြယ်သော ရေစွမ်းအင် ရေစီးကြောင်းတစ်ခုက သူမကို တိုက်ခတ်သွားပြီး တစ်ချိန်တည်းမှာပင် လင်းတုန်၏ ဝိညာဉ်စွမ်းအင် သတင်းစကားတစ်ခုက သူမ၏ စိတ်ထဲသို့ ရောက်ရှိလာခဲ့၏။</p> <p> </p> <p>“ဂိုဏ်းတူအစ်မကြီး ရှောင်ရှောင်၊ အသင့်ပြင်ထားပါ၊ ကျွန်တော် မဟာရှေးဟောင်းကျမ်းကို ထုတ်သုံးတော့မယ်၊ စိတ်မပူပါနဲ့၊ ကျွန်တော် အင်အားကိုထိန်းပြီးသုံးပါ့မယ်။”</p> <p> </p> <p>ဂိုဏ်းတူအစ်မကြီးကို အလွန်လျင်မြန်စွာ အနိုင်ယူလိုက်ခြင်းက မကောင်းကြောင်းနှင့် မဟာရှေးဟောင်းကျမ်းကိုပင် အသုံးမပြုဘဲ အနိုင်ယူလိုက်ခြင်းက ဂိုဏ်းတူအစ်မကြီးကို များစွာ အရှက်ရစေလိမ့်မည်ဖြစ်ကြောင်း လင်းတုန်လည်း သဘောပေါက်သွားခဲ့သည်။</p> <p> </p> <p>တပည့်များကြားတွင် ဂိုဏ်းတူအစ်မကြီး ယင်းရှောင်ရှောင်၏ ပုံရိပ်သည် အမြဲတစေ အလွန်စွမ်းအားကြီးမားသူ တစ်ဦးအဖြစ် တည်ရှိနေခဲ့၏။</p> <p> </p> <p>ဝူယွမ်နှင့်သူ ဂိုဏ်းသို့ မဝင်ရောက်မီကဆိုလျှင် ဂိုဏ်းတူအစ်မကြီးသည် တောင်ဂိုဏ်း၏ နံပါတ်တစ် တပည့်ပင် ဖြစ်ခဲ့သည်။</p> <p> </p> <p>ပျော်ရွှင်ဖွယ်ရာ တိုက်ပွဲတစ်ခု ပြီးဆုံးသွားပြီးနောက် ဂိုဏ်းတူအစ်မကြီးကို ထိုသို့ အရှက်ရစေခြင်းက အမှန်တကယ်ပင် မသင့်တော်ကြောင်း လင်းတုန် ခံစားလိုက်ရသည်။</p> <p> </p> <p>ထို့ကြောင့် ပြီးဆုံးသွားသင့်ပြီဖြစ်သော တိုက်ပွဲကို သူ ဆက်လက်၍ ဆင်နွှဲရန် ပြင်ဆင်လိုက်လေသည်။</p> <p> </p> <p>မည်သို့ပင်ဖြစ်စေ ဆန်းကြယ်သော ရေစွမ်းအင်မြစ်ကြီးက အမြင်အာရုံကို ကွယ်ထားပေးသဖြင့် အတွင်းတွင် မည်သို့မည်ပုံ ဖြစ်ပျက်နေသည်ကို မည်သူကမျှ မြင်တွေ့နိုင်မည် မဟုတ်ပေ။</p> <p> </p> <p>ထို့နောက် ဆန်းကြယ်သော ရေစွမ်းအင်များ ဆူပွက်လာပြီး ကောင်းကင်ယံသို့ ထိုးတက်သွားကာ ယင်းရှောင်ရှောင်သည် ဆန်းကြယ်သော ရေစွမ်းအင်များပေါ်တွင် ရပ်နေလျက် ကောင်းကင်ယံသို့ ပင့်တင်ခံလိုက်ရသည်ကို မြင်တွေ့လိုက်ကြရသည်။</p> <p> </p> <p>ဆူပွက်နေသော ဆန်းကြယ်သည့် ရေစွမ်းအင်များက သူမကို လိုက်လံတိုက်ခိုက်နေသကဲ့သို့ ပုံပေါက်နေလေသည်။</p> <p> </p> <p>အေးစက်တည်ငြိမ်သော ယင်းရှောင်ရှောင်သည် ဤချစ်စရာကောင်းသော မောင်လေးက သူမနှင့်အတူ ဟန်ပြတိုက်ပွဲတစ်ပွဲ ဆင်နွှဲရန် ဆန္ဒရှိနေပုံရသည်ကို သဘောမပေါက်သေးပေ။</p> <p> </p> <p>သူမ စဉ်းစားချိန်ပင် မရလိုက်ချေ။</p> <p> </p> <p>လင်းတုန်သည် သူ၏ အပြင်းထန်ဆုံး တိုက်ခိုက်မှုကို ထုတ်သုံးတော့မည် ဖြစ်သည်။</p> <p> </p> <p>“ဂိုဏ်းတူအစ်မကြီးက တကယ်ကို ကြောက်ဖို့ကောင်းတာပဲ၊ ဒါဆိုရင် မဟာရှေးဟောင်းကျမ်းနဲ့ ဂိုဏ်းတူအစ်မကြီးရဲ့ ကောင်းကင်ဧကရာဇ်ကျမ်း၊ ဘယ်ဟာက ပိုပြီးအားကောင်းမလဲဆိုတာ ဂိုဏ်းတူအစ်မကြီးကို ကျွန်တော် ပြသပါရစေ။”</p> <p> </p> <p>ဟန်ဆောင်ကောင်းသော လင်းတုန်က အော်ဟစ်လိုက်ပြီးနောက် မဟာရှေးဟောင်းကျမ်းကို အသက်သွင်းလိုက်လေသည်။ </p> <p>ယခင်က ဝူယွမ်ကဲ့သို့ပင် ကြောက်မက်ဖွယ်ကောင်းသော တောရိုင်းစွမ်းအားများ ပေါက်ကွဲထွက်လာပြီး မြေအောက်မှ စွမ်းအင်အားလုံးကို စုပ်ယူလိုက်၏။</p> <p> </p> <p>မီးတောင်ပေါက်ကွဲသည့်အလား များပြားလွန်းသော စွမ်းအင်များသည် လင်းတုန်၏ ပတ်ဝန်းကျင်တွင် လျင်မြန်စွာ စုစည်းလာကြသည်။</p> <p> </p> <p>သူ၏ အရှိန်အဝါမှာ ချက်ချင်းပင် မြင့်တက်သွားပြီး မဟာရှေးဟောင်းကျမ်းမှ လုယူထားသော စွမ်းအင်များကို အချိန်တိုအတွင်း အသုံးပြုခဲ့လေသည်။</p> <p> </p> <p>“မဟာရှေးဟောင်းကျမ်းက ဒီလောက်စွမ်းအားရှိတာကို ဂိုဏ်းတူအစ်မကြီး ခံနိုင်ရည်ရှိပါ့မလား။” ဤအချိန်တွင် လင်းတုန်၏ အရှိန်အဝါမှာ အလွန်အမင်း အားကောင်းလွန်းနေသည်ဟု ခံစားရသဖြင့် တပည့်များစွာက စိုးရိမ်ပူပန်နေကြလေသည်။</p> <p> </p> <p>သူသည် ယင်းရှောင်ရှောင်ထက် တစ်ဆင့်နိမ့်သော နိဗ္ဗာန်အဆင့် ၈ တွင်သာ ရှိနေသော်လည်း မဟာရှေးဟောင်းကျမ်း ပေါက်ကွဲထွက်လာမှုက သူ၏ စွမ်းအားကို ချက်ချင်းပင် နှစ်ဆ တိုးသွားစေခဲ့သည်။</p> <p> </p> <p>ယင်းရှောင်ရှောင်သည် မဟာရှေးဟောင်းကျမ်း၏ အားကောင်းလွန်းသော ဖိနှိပ်မှုအောက်တွင် နောက်ဆုံး၌ လေးနက်သွားခဲ့ပြီး ကောင်းကင်ဧကရာဇ်ကျမ်းကို နောက်တစ်ကြိမ် ထပ်မံ ထုတ်သုံးလိုက်လေသည်။</p> <p> </p> <p>“ကောင်းကင်ဧကရာဇ်ကျမ်း၊ ဧကရာဇ်ခေါင်းလောင်း။”</p> <p> </p> <p>ဤအချိန်တွင် သူမ၏ ကြည်လင်ပြတ်သားသော အော်ဟစ်သံနှင့်အတူ ကောင်းကင်နှင့် မြေကြီးရှိ ယွမ်စွမ်းအင်များသည် သူမ၏ ပတ်ဝန်းကျင်၌ ရူးသွပ်စွာ စုစည်းလာကြပြီး သူမ၏ ကိုယ်တွင်းရှိ များပြားလှသော ယွမ်စွမ်းအင်များနှင့် ပေါင်းစပ်သွားကြ၏။</p> <p> </p> <p>ထို့နောက် မရေမတွက်နိုင်သော အကြည့်များအောက်တွင်  ရှေးဟောင်း ဧရာမခေါင်းလောင်းကြီးတစ်ခုအဖြစ်သို့ ပြောင်းလဲသွားလေတော့သည်။</p> <p> </p> <p>ထိုရှေးဟောင်းခေါင်းလောင်းကြီး ပုံပေါ်လာသည်နှင့်တစ်ပြိုင်နက် လင်းတုန်၏ နဂါးလှံကြီးသည် မဟာရှေးဟောင်းကျမ်း၏ အားဖြည့်မှုဖြင့် ကြောက်မက်ဖွယ်ကောင်းသော ဆန်းကြယ်သည့် ရေစွမ်းအင်၏ အရှိန်အဟုန်ကို သယ်ဆောင်လာကာ ကြောက်မက်ဖွယ် လှိုင်းဂယက်များကို ထပ်မံ၍ ထုတ်လွှတ်လိုက်လေသည်။</p> <p> </p> <p>နဂါးလှံကြီးက လေထုကို ခွင်းကာ အောက်သို့ ထိုးဆင်းလာပြီးနောက် ဆန်းကြယ်သော ရေစွမ်းအင် မြစ်ကြီးနှင့်အတူ ရှေးဟောင်း ဧရာမခေါင်းလောင်းကြီးပေါ်သို့ ပြင်းထန်စွာ ရိုက်ချလိုက်လေတော့သည်။</p> <p> </p> <p> </p> <p> </p> <p style="text-align: center;">***</p> <p> </p>


Save