Book List

<h2 style="text-align: center;">အခန်း (၂၅၆)</h2> <h2 style="text-align: center;">သားရဲတစ်သောင်းတောင်တန်းကြီးတွင် စာရင်းသွင်းခြင်း</h2> <h2 style="text-align: center;">ကျဲ့အက္ခရာ လျှို့ဝှက်ချက်(၂)</h2> <h2 style="text-align: center;">*</h2> <p> </p> <p>ရွှေရောင် အလင်းတန်းများ တောက်ပလာသည်နှင့်အမျှ ဂူကြီး၏ အလယ်ဗဟို တည့်တည့်တွင် ကျန်းအနည်းငယ်ခန့် ကျယ်ဝန်းသော ကျောက်ကန်ကြီး တစ်ခု ရှိနေသည်ကို သူတို့ ချက်ချင်း သတိပြုမိလိုက်ကြ၏။ ထိုကျောက်ကန်ကြီးထဲတွင် ရွှေရောင် အရည်များ ပြည့်နှက်နေလေသည်။</p> <p> </p> <p>“မြေကမ္ဘာအူတိုင် သန့်စင်အရည်လား...”</p> <p> </p> <p>ကျောက်ကန်ကြီး၏ အစွန်းသို့ ပျံသန်းသွားချိန်တွင် သူတို့၏ မျက်နှာများပေါ်၌ ဝမ်းသာပျော်ရွှင်မှုများ ပေါ်လွင်နေခဲ့၏။ ကျောက်ကန်ကြီးမှာ မနက်ရှိုင်းလှဘဲ အောက်ခြေကိုပင် မြင်တွေ့နိုင်လေသည်။</p> <p> </p> <p>ရွှေရောင်အရည်များက ကျောက်ကန်အတွင်းတွင် လှိုင်းထနေပြီး အလွန်အမင်း ဆွဲဆောင်မှုရှိကာ သိမ်မွေ့လွန်းသော ရနံ့လေးတစ်ခုက ကျောက်ကန်ထံမှ ထွက်ပေါ်နေခဲ့သည်။</p> <p> </p> <p>ထိုရနံ့မှာ ယစ်မူးဖွယ်ကောင်းလွန်းပြီး လူတစ်ယောက်ကို အပြည့်အဝ လန်းဆန်းသွားစေနိုင်စွမ်း ရှိလေသည်။ ခန္ဓာကိုယ်သာမက ဝိညာဉ်ကိုပါ ဤအရှိန်အဝါဖြင့် ပြုစုပျိုးထောင်ပေးနိုင်ပေသည်။</p> <p> </p> <p>ယင်းဟွမ်ဟွမ်၏ နက်မှောင်ပြီး တောက်ပသော မျက်လုံးများမှာ လင်းလက်သွားခဲ့၏။ သူမ၏ အကန့်အသတ်ရှိသော ဗဟုသုတများဖြင့် သူမက ရှင်းပြလိုက်လေသည်။</p> <p> </p> <p>“ဒီရွှေရောင် အရည်တွေက မြေကမ္ဘာရဲ့ အူတိုင်ကနေ တစ်စက်ချင်း ညှစ်ထုတ်လိုက်တဲ့ စွမ်းအင်တွေပဲ... အရည်အများစုက ညှစ်ထုတ်နေတဲ့ လုပ်ငန်းစဉ်အတွင်းမှာ ပျောက်ကွယ်သွားတတ်ကြတယ်၊ ဒီလို နေရာမျိုးလို အထူး နေရာတချို့မှာပဲ စုစည်းနေနိုင်တာ...”</p> <p> </p> <p>“ဒါပေမယ့် ဒါကို မြေကမ္ဘာအူတိုင် သန့်ရှင်းသော ရေလို့ပဲ ခေါ်လို့ရသေးတယ်... ဘာလို့လဲဆိုတော့ အဲ့အရေထဲမှာ စုစည်းပြီး ဖိသိပ်ရမယ့် အဆင့်တစ်ခု လိုအပ်နေသေးလို့ပဲ၊ ဒါပေမယ့် ဒီအဆင့်ကိုတော့ လူကိုယ်တိုင် လုပ်ဆောင်လို့ ရပါတယ်...”</p> <p> </p> <p>“နင် ဒီလောက် အများကြီး သိလိမ့်မယ်လို့ ကျွန်တော် မထင်ထားခဲ့မိဘူး...” ဝူယွမ်က ချီးကျူးလိုက်လေသည်။</p> <p> </p> <p>သူ၏ အမြင်တွင် ယင်းဟွမ်ဟွမ်မှာ စောင်းတီးရုံကလွဲ၍ ဘာမှမသိသော ‘စာမသင်ချင်သော ကလေးမလေး’ တစ်ယောက်သာ ဖြစ်သည် မဟုတ်ပါလား။</p> <p> </p> <p>“ဟွန့်၊ ငါ သိတာတွေ အများကြီး ရှိသေးတယ်... ဒါ့အပြင် ဒီရွှေရောင်ရေတွေက ရွှေရောင် အရည်တွေအဖြစ်ကို ပြောင်းလဲသွားတယ်ဆိုတာ သာမန် ဗဟုသုတလေး တစ်ခုပါပဲ၊ နင်ကသာ ဘာမှမသိတာ... နင့်ကို ဝူယွမ်လို့ မခေါ်သင့်ဘူး၊ ‘ဘာမှမသိတဲ့ ဝူ’ လို့ ခေါ်သင့်တာ...”</p> <p> </p> <p>ယင်းဟွမ်ဟွမ်က ဂုဏ်ယူစွာဖြင့် ပြောလိုက်ပြီး သူမ၏ ကျေနပ်နေသော အမူအရာမှာ သူမတွင်သာ အမြီးပါမည်ဆိုလျှင် ကောင်းကင်ယံအထိပင် လှုပ်ရမ်းနေမည်မှာ သေချာပေသည်။</p> <p> </p> <p>“အင်း...”</p> <p> </p> <p>ရှောင်တျောင်းမှာ အနည်းငယ် အံ့ဩသွားခဲ့၏။ “ဒီကောင်မလေးက အစ်ကိုကြီးကို ဒီလို ပြောရဲတယ်လား... အစ်ကိုကြီးက သူ့ကို ကိုင်တွယ်ဖြေရှင်းမှာ သူမ မကြောက်ဘူးလား...”</p> <p> </p> <p>သူသည် သူ၏ ရင်ထဲတွင် အစ်ကိုကြီးကို အမြဲတစေ လေးစားအားကျခဲ့ပြီး အစ်ကိုကြီးကို စကားဖြင့်ပင် မစော်ကားရဲခဲ့ပေ။ သို့သော် ဤကောင်မလေး၏ စကားများမှာ တကယ်ကို ပွင့်လင်းလွန်းလှပေသည်။</p> <p> </p> <p>“ဖြန်း...”</p> <p> </p> <p>ဝူယွမ်က ယင်းဟွမ်ဟွမ်၏ တင်ပါးကို ရိုက်လိုက်လေသည်။ “မင်းက မင်းကိုယ်မင်း အများကြီး သိတယ်လို့ ထင်နေတာလား... ဒါဆိုရင် နောက်ဆုံး အဆင့်ကို နင်ပဲသွားလုပ်လိုက်လေ...”</p> <p> </p> <p>“နင်...”</p> <p> </p> <p>ယင်းဟွမ်ဟွမ်၏ မျက်နှာလေးမှာ ချက်ချင်းပင် နီရဲသွားခဲ့၏။ “ငါ မလုပ်တတ်ဘူး... နင် လုပ်တတ်လို့လား...”</p> <p> </p> <p>“အစ်ကိုကြီး၊ မရီး... မငြင်းကြပါနဲ့တော့၊ ကျနော်ပဲ လုပ်လိုက်ပါ့မယ်... ဒီလို ကိစ္စသေးသေးလေးအတွက် အစ်ကိုကြီးတို့ ဝင်ပါစရာ မလိုပါဘူး...”</p> <p> </p> <p>ရှောင်တျောင်းက လျင်မြန်စွာ ပြောလိုက်ပြီး သူ၏ လက်များမှာ ခရမ်းရောင် အလင်းတန်းများဖြင့် တောက်ပနေခဲ့၏။</p> <p> </p> <p>သူ၏ လက်ဖဝါးကို တစ်ချက်လှည့်လိုက်ရာ ရွှေရောင် ကျောက်ကန်ကြီး၏ အထက်တွင် ခရမ်းနှင့် အနက်ရောင် ရောယှက်နေသော ရေဝဲကြီးတစ်ခု ဖြစ်ပေါ်လာခဲ့သည်။</p> <p> </p> <p>ထို့နောက် ကြမ်းတမ်းသော စွမ်းအားတစ်ခု ပေါက်ကွဲထွက်လာပြီး ကျောက်ကန်ကြီးကို ပြင်းထန်စွာ လှိုင်းထသွားစေခဲ့၏။ ရွှေရောင် အရည်တန်းများသည် အထက်သို့ ဒေါင်လိုက်ပင့်တက်သွားကြပြီး ခရမ်းနှင့် အနက်ရောင် ရောယှက်နေသော ရေဝဲကြီးထဲသို့ စီးဝင်သွားကြလေသည်။</p> <p> </p> <p>အစ်ကိုကြီးက ဤကောင်မလေးကို တမင်တကာ စနောက်နေခြင်းဖြစ်ကြောင်းကို သူ သဘောပေါက်ပြီး ဖြစ်လေသည်။ မဟုတ်လျှင် အစ်ကိုကြီး၏ ဂုဏ်သတင်းဖြင့် မိန်းကလေး တစ်ယောက်ကို ဤသို့ စနောက်စရာ အကြောင်းမရှိပေ။</p> <p> </p> <p>ယင်းဟွမ်ဟွမ်မှာ ဆို့နင့်သွားပြီး မည်သို့ ပြန်လည်ချေပရမည်ကို မသိတော့ပေ။ အရေးကြီးဆုံးအချက်မှာ ‘မရီး’ ဟူသော အခေါ်အဝေါ်လေးမှာ ကြားလို့ အတော်လေး ကောင်းနေခြင်းပင် ဖြစ်သည်။</p> <p> </p> <p>ဤအချိန်တွင် ခရမ်းနှင့် အနက်ရောင် ရောယှက်နေသော ရေဝဲကြီးထဲမှ မှေးမှိန်သော ရွှေရောင် အလင်းတန်းများ အဆက်မပြတ် ထွက်ပေါ်နေခဲ့၏။</p> <p> </p> <p>ရေဝဲကြီးထဲတွင် ရွှေရောင် အရည်များမှာ အံ့ဩဖွယ်ကောင်းသော အမြန်နှုန်းဖြင့် စုစည်းသွားကြသည်။ စုစည်းမှုများ ပိုမိုပြင်းထန်လာသည်နှင့်အမျှ ရွှေရောင် အရည်များမှာလည်း ပိုမိုစေးပျစ်လာခဲ့လေသည်။</p> <p> </p> <p>အချိန်တိုလေးအတွင်းမှာပင် ၎င်းသည် ပုံသဏ္ဍာန် စတင် ပေါ်ထွက်လာခဲ့၏။</p> <p> </p> <p>အလင်းရောင်များ စုစည်းသွားသောအခါ လက်သီးဆုပ်အရွယ်အစားခန့်ရှိသော ရွှေရောင် စေးပျစ်သည့် အရာလေးခုမှာ အံ့ဩစရာကောင်းလောက်အောင် ကလေးငယ် ပုံသဏ္ဍာန်လေးဖြင့် ပေါ်ထွက်လာခဲ့လေသည်။</p> <p> </p> <p>၎င်းတို့ထံမှ ရွှေရောင် အလင်းတန်းများ ဖြာထွက်နေပြီး အလွန်အမင်း နက်နဲဆန်းကြယ်သည့် အသွင်အပြင်ကို ပေးစွမ်းနေခဲ့၏။</p> <p> </p> <p>“မြေကမ္ဘာအူတိုင် သန့်စင်အရည်က ကလေးငယ်ပုံစံနဲ့ ထွက်ပေါ်လာတာ... ဝိညာဉ်ကို ပြန်လည်တည်ဆောက်ခြင်းရဲ့ ရည်ရွယ်ချက်ကို ကိုယ်စားပြုတယ်၊ ဒီအရာက အရှေ့ဘက် ရွှမ်းဒေသရဲ့ လေလံရုံကြီးတွေမှာတောင် ရှားပါးပြီး လူကြိုက်များတဲ့ ရတနာတစ်ခုပဲ...” </p> <p>ယင်းဟွမ်ဟွမ်ကလည်း ရွှေရောင် ကလေးငယ်လေးဦးကို ထူးဆန်းသော အကြည့်များဖြင့် စိုက်ကြည့်ရင်း ပြောလိုက်လေသည်။</p> <p> </p> <p>“ငါ့ကို မရိုက်နဲ့နော်... ငါက အံ့ဩလွန်းလို့ ရေရွတ်မိရုံလေးပါ...” ယင်းဟွမ်ဟွမ်က သူမ၏ တင်ပါးကို အလျင်အမြန် ကာကွယ်လိုက်လေသည်။</p> <p> </p> <p>ရှောင်တျောင်းက သူ၏ လက်ကို ပြန်လည်ရုပ်သိမ်းလိုက်ရာ ခရမ်းနှင့် အနက်ရောင် ရောယှက်နေသော ရေဝဲကြီးမှာ ပျောက်ကွယ်သွားခဲ့၏။</p> <p> </p> <p>ထို့နောက် ရွှေရောင်ကလေးငယ် အလင်းတန်းအစုအဝေး လေးခုသည် သူတို့ထံသို့ ဖြည်းညင်းစွာ ပျံဝဲလာပြီး သူတို့၏ အရှေ့တွင် ရပ်တန့်နေခဲ့လေသည်။</p> <p> </p> <p>“ကွက်တိ လေးခုပဲ... အကိုကြီးတို့ တစ်ယောက် တစ်ခုစီ ယူလိုက်ကြ၊ ဒီအရာက ကျွန်တော့်အတွက် သိပ်ပြီး အကူအညီ မဖြစ်ဘူး၊ အကိုကြီးတို့အတွက် ပိုပြီး အသုံးဝင်လိမ့်မယ်...”</p> <p> </p> <p>“ဟင်... ငါတော့ မလိုပါဘူးနော်...”</p> <p> </p> <p>ယင်းဟွမ်ဟွမ်မှာ အနည်းငယ် အံ့ဩသွားခဲ့၏။ သူမက အဖော်အဖြစ် လိုက်ပါလာရုံမျှသာ ဖြစ်သည် မဟုတ်လော။</p> <p> </p> <p>“ယူထားလိုက်ပါ... မင်းရဲ့ ကောင်းကင်ဖီးနစ် စောင်းသာ မပါလာခဲ့ရင် ငါတို့ ဇီးကွက် အသံအစီအရင်ကို ဖျက်ဆီးဖို့ အတော်လေး ဒုက္ခရောက်နေမှာ...” ဝူယွမ်က ပြုံးရင်း ပြောလိုက်လေသည်။</p> <p> </p> <p>သူမသည် တောင်ဂိုဏ်း၏ မင်းသမီးလေး ဖြစ်သည် မဟုတ်လော။ သူက လိုက်ပါလာပြီဆိုမှတော့ သူမကို အကျိုးအမြတ် အချို့ ပေးသင့်ပေသည်။ ဘယ်သူသိနိုင်မလဲ</p> <p>မည်သူသိနိုင်မည်နည်း... သူမ၏ဖခင် ဂိုဏ်းချုပ်ကြီးက လျှို့ဝှက်စွာ စောင့်ကြည့်နေလျှင်လည်း စောင့်ကြည့်နေနိုင်သေး၏။</p> <p> </p> <p>ဤစကားကို ကြားသောအခါ ယင်းဟွမ်ဟွမ်က အနည်းငယ် တုံ့ဆိုင်းသွားခဲ့သည်။ ထို့နောက် သူမ၏ လှပသော မျက်လုံးဝိုင်းဝိုင်းကြီးများက လခြမ်းလေးများအလား ကွေးညွတ်သွားပြီး သူမ၏ လှပသော ခေါင်းလေးကို ညိတ်ပြလိုက်လေသည်။</p> <p> </p> <p>ထို့နောက် သူမက ကျောက်စိမ်းရောင် လက်ချောင်းလေးများကို ဆန့်တန်းကာ ရွှေရောင်ကလေးငယ် အလင်းတန်းအစုအဝေးလေး တစ်ခုကို ယူလိုက်၏။</p> <p> </p> <p>ရွှေရောင် အလင်းတန်းက သူမ၏ လှပနုနယ်သော မျက်နှာလေးပေါ်သို့ ရောင်ပြန်ဟပ်နေပြီး သူမကို ယှဉ်ပြိုင်၍ မရနိုင်အောင် လှပတင့်တယ်သွားစေခဲ့သည်။</p> <p> </p> <p>ဝူယွမ်ကလည်း အားနာမနေတော့ဘဲ သူ၏ ရွှေရောင် ကလေးငယ် အလင်းတန်းအစုအဝေးကို သိမ်းဆည်းလိုက်လေသည်။</p> <p> </p> <p>ရှောင်တျောင်းက သူ၏ ညီဖြစ်ပြီး သူ့ကို ပြန်လည် ပေးဆပ်ရန် နည်းလမ်းပေါင်း ထောင်နှင့်ချီ၍ ရှိနေလေသည်။ မြေကမ္ဘာအူတိုင် သန့်စင်အရည်သည် လက်ရှိအချိန်တွင် သူတို့အတွက် အမှန်တကယ် ပို၍အထောက်အကူ ဖြစ်စေပေသည်။</p> <p> </p> <p>သူသည် ရှောင်တျောင်းကို အခြားအရာများဖြင့် လျော်ကြေးပေးနိုင်သေးလေသည်။</p> <p> </p> <p>“ဒီတစ်ခေါက်တော့ ငါလည်း မင်းကို သင်ပေးချင်တဲ့ လျှို့ဝှက်နည်းလမ်း တစ်ခု ရှိတယ်...” ဝူယွမ်က ရှောင်တျောင်းကို ပြုံးပြရင်း ပြောလိုက်လေသည်။</p> <p> </p> <p>ရှင်းအက္ခရာ လျှို့ဝှက်ချက်...</p> <p> </p> <p>ကောင်းကင်မြွေပါ မျိုးနွယ်စုသည် မွေးရာပါ အမြန်နှုန်းတွင် ကျွမ်းကျင်သူများ ဖြစ်ကြသည်။ ရှင်းအက္ခရာ လျှို့ဝှက်ချက်၏ အကူအညီဖြင့် ရှောင်တျောင်း၏ စွမ်းအားမှာ ပို၍ပင် ကြောက်မက်ဖွယ်ကောင်းလာနိုင်ပေသည်။</p> <p> </p> <p>“အို... အစ်ကိုကြီး ပေးတာဆိုမှတော့ ကောင်းတဲ့အရာ ဖြစ်မှာ သေချာတယ်...”</p> <p> </p> <p>ရှောင်တျောင်းက ဝူယွမ်ကို မျှော်လင့်တကြီး ကြည့်လိုက်လေသည်။ ခန္ဓာကိုယ်ကျမ်း၏ ‘ယင်’ စာလုံးက သူ့အား အကျိုးအမြတ်များစွာ ရရှိစေခဲ့ပြီး လေဟာနယ်ကိုပင် ဖြတ်သန်းနိုင်လောက်အောင်လျင်မြန်သည့် အလွန်အမင်း အားကောင်းသည့် ရုပ်ပိုင်းဆိုင်ရာ ခန္ဓာကိုယ် တစ်ခုကို ကျင့်ကြံနိုင်စေခဲ့သည်။</p> <p> </p> <p>“ရွှစ်...”</p> <p> </p> <p>ဝူယွမ်က သူ၏ ဝိညာဉ်စွမ်းအင်ကို အသုံးပြု၍ ရှင်းအက္ခရာ လျှို့ဝှက်ချက်၏ အချက်အလက်များကို ရှောင်တျောင်းထံသို့ ထည့်သွင်းပေးလိုက်လေသည်။</p> <p> </p> <p>ရှောင်တျောင်းသည် နေရာတွင်ပင် ကြီးမားလွန်းသော အချက်အလက်များကို ချက်ချင်း စတင် စုပ်ယူလိုက်တော့သည်။</p> <p> </p> <p>ဤအချိန်တွင် ဝူယွမ်သည်လည်း စနစ်ထံမှ အသိပေးချက် တစ်ခုကို လက်ခံရရှိလိုက်၏။</p> <p> </p> <p>[ဒင်... သားရဲတစ်သောင်း တောင်တန်းကြီးသို့ ရောက်ရှိပါပြီ။ ဆိုင်းအင်၀င်မည်လော။]</p> <p> </p> <p>“ဆိုင်းအင်၀င်မယ်...”</p> <p> </p> <p>[ဒင်...  အောင်မြင်ပါသည်။ ဆုလာဘ် ရရှိပါသည် - ကျယ် အက္ခရာ လျှို့ဝှက်ချက်။]</p> <p> </p> <p>[ကျဲ့ အက္ခရာ လျှို့ဝှက်ချက် - အသက်ရှည်ခြင်း ကောင်းကင်ဘုံရှင် ဖန်တီးထားသော ကုသခြင်း လျှို့ဝှက်နည်းလမ်း တစ်ခု။ ဒဏ်ရာ မည်မျှပင် ပြင်းထန်စေကာမူ ချက်ချင်း ပြန်လည် ကောင်းမွန်လာစေနိုင်သည်။]</p> <p> </p> <p>လျှို့ဝှက်နည်းလမ်း တစ်ခုကို မျှဝေပြီးသည်နှင့် တစ်ပြိုင်နက် နောက်ထပ် လျှို့ဝှက်နည်းလမ်းတစ်ခုကို သူ ချက်ချင်း ရရှိလိုက်လေသည်။ ဝူယွမ်မှာ ချက်ချင်းပင် ဝမ်းသာအားရ ဖြစ်သွားခဲ့၏။</p> <p> </p> <p>ဤကျဲ့အက္ခရာ လျှို့ဝှက်ချက်သည် သတ်၍မသေနိုင်သော ပိုးဟပ်တစ်ကောင်နှင့်ပင် တူနေတော့သည်။</p> <p> </p> <p>အကယ်၍ သူသာ ဤအရာကို သင်ယူတတ်မြောက်သွားမည်ဆိုပါက သူ၏ ခုခံနိုင်စွမ်းမှာ ရန်သူများကို သေချာပေါက် စိတ်ပျက်ချင်းကြောင့် သေဆုံးသွားစေနိုင်ပေလိမ့်မည်။</p> <p> </p> <p>ပြိုင်ဘက်က သူ့ကို ချက်ချင်း မသတ်ပစ်နိုင်သရွေ့ သူက ပြိုင်ဘက်များကို အဆက်မပြတ် ဖိအားပေးနိုင်လေသည်။</p> <p> </p> <p>[ဒင်... ဆိုင်းအင်၀င်ရန် မစ်ရှင်အသစ် ထွက်ပေါ်လာပါပြီ။ နောက်ထပ် ဆိုင်းအင်၀င်ရမည့် နေရာ - လောင်ကျွမ်းကောင်းကင် ရှေးဟောင်းရတနာသိုက်။】</p> <p> </p> <p>... သို့သော် ဝူယွမ်နှင့် အခြားသူများက မြေကမ္ဘာအူတိုင် သန့်စင်အရည်ကို ရရှိလိုက်၍ ဝမ်းသာပျော်ရွှင်နေကြချိန်တွင် ယွမ်ဒေသရှိ ယွမ်ဂိုဏ်း၏ အဝေးတစ်နေရာတွင်မူ တစ်စုံတစ်ယောက်က မျက်မှောင်ကြုတ်နေခဲ့လေသည်။</p> <p> </p> <p>ယွမ်ဒေသ၏ အလယ်ဗဟို တည့်တည့်တွင် တောင်သုံးလုံးက လေထုထဲ၌ ပျံဝဲနေကြ၏။ တောင်များထံမှ ထွက်ပေါ်လာသော အလင်းရောင်များက ယွမ်ဂိုဏ်း တစ်ခုလုံးကို လင်းထိန်နေစေခဲ့သည်။</p> <p> </p> <p>ဤတောင်သုံးလုံးသည် မရေမတွက်နိုင်သော ယွမ်ဂိုဏ်း တပည့်များ၏ ရင်တွင်းရှိ မြင့်မြတ်သော နေရာများ ဖြစ်ကြသည်။ အဘယ်ကြောင့်ဆိုသော် ၎င်းတို့မှာ ယွမ်ဂိုဏ်း၏ ကြီးမြတ်သော ဂိုဏ်းချုပ်ကြီး သုံးပါး တံခါးပိတ် ကျင့်ကြံရာ နေရာများ ဖြစ်သောကြောင့်ပင်။</p> <p> </p> <p>ဤအချိန်တွင် တောင်တစ်လုံးပေါ်တွင် ခရမ်းနှင့် ရွှေရောင် ရောယှက်နေသော ဝတ်ရုံကို ဝတ်ဆင်ထားသည့် ငွေရောင် ဆံပင်နှင့် အမျိုးသား တစ်ဦးက မျက်လုံးများကို ဖွင့်လိုက်လေသည်။</p> <p> </p> <p>သူ၏ မျက်ဝန်းများထဲတွင် လောကဓံနှင့် နက်နဲမှုများ ပြည့်နှက်နေပြီး သူ၏ မျက်နှာမှာ ကလေးငယ် တစ်ဦးအလား ဖြူစင်နေခဲ့၏။</p> <p> </p> <p>သူက မျက်မှောင်ကြုတ်လိုက်ပြီး သူ၏ ဝတ်ရုံလက်ထဲမှ လက်တစ်ဖက် ဖြည်းညင်းစွာ ထွက်ပေါ်လာခဲ့လေသည်။ သူ၏ လက်ဖဝါးထဲတွင် အက်ကွဲနေသော ကျောက်စိမ်းပြား သုံးခု ရှိနေ၏။</p> <p> </p> <p>ကျောက်စိမ်းပြားများပေါ်တွင် လူမျက်နှာ သုံးခု ခပ်ရေးရေး ပေါ်လွင်နေသည်... ၎င်းတို့မှာ ဝူယွမ်၏ လက်ချက်ဖြင့် သေဆုံးသွားခဲ့သော လူသုံးဦး၏ မျက်နှာများပင် ဖြစ်သည်။</p> <p> </p> <p>ငွေရောင် ဆံပင်များနှင့် အမျိုးသား၏ နက်နဲလွန်းသော မျက်ဝန်းများထဲတွင် အလင်းတန်း တစ်ခု လင်းလက်သွားခဲ့၏။ “ငါ့ရဲ့ ယွမ်ဂိုဏ်းအကြီးအကဲကို သတ်ရဲတယ်ပေါ့... ဘယ်သူကများ ဒီလောက် သတ္တိကောင်းနေလဲဆိုတာ ငါကြည့်ချင်သေးတယ်...”</p> <p> </p> <p>ရွှေရောင် အလင်းတန်း တစ်ခုက သူ၏ မျက်ခုံးနှစ်ခုကြားမှ ထွက်ပေါ်လာပြီး သူ့အရှေ့ရှိ လေဟာနယ်ကို ချက်ချင်းပင် ဆွဲဖြဲလိုက်လေသည်။</p> <p> </p> <p>ထို့နောက် ရွှေရောင်အလင်းတန်းသည် အရိပ်တစ်ခုအဖြစ်သို့ ပြောင်းလဲသွားကာ လေဟာနယ် အက်ကွဲကြောင်း အတွင်းသို့ တိုးဝင်သွားလေတော့သည်။</p> <p> </p> <p>မိစ္ဆာအသံတောင်တန်းကြီး...</p> <p> </p> <p>ရှင်းအက္ခရာ လျှို့ဝှက်ချက်ကို ရရှိလိုက်သော ရှောင်တျောင်းနှင့် မြေကမ္ဘာအူတိုင် သန့်စင်အရည်ကို ရရှိလိုက်ကြသော ဝူယွမ်နှင့် အခြားသူများသည် ဂူထဲမှ ကျေနပ်စွာဖြင့် ထွက်ခွာလာခဲ့ကြပြီး အဝေးသို့ လျှောက်သွားခဲ့ကြလေသည်။</p> <p> </p> <p>ယခုလေးတင် တိုက်ပွဲကြီး တစ်ခု ဖြစ်ပွားခဲ့ပြီး ယွမ်ဂိုဏ်းမှ လူသုံးဦးကို သူတို့ သတ်ဖြတ်ခဲ့ကြသည် မဟုတ်းလော။</p> <p> </p> <p>ထို့‌ေကြာင့် ဤနေရာတွင် သူတို့ အချိန်အကြာကြီး ဆက်နေ၍ မရနိုင်တော့ပေ။ ယွမ်ဂိုဏ်းသည် အရှေ့ဘက် ရွှမ်ဒေသ၏ အုပ်စိုးသူဖြစ်ပြီး ရန်စ၍ ရနိုင်သော အရာမဟုတ်ပေ။</p> <p> </p> <p>​ဝူယွမ်နှင့် အခြားသူများ ထွက်ခွာသွားပြီးသည်နှင့်တစ်ပြိုင်နက် ရွှေရောင်အလင်းတန်းများ ၀န်းရံနေသော လူရိပ်သည် မိစ္ဆာအသံတောင်တန်းကြီးဆီသို့ ရောက်ရှိလာခဲ့လေတော့သည်။</p> <p> </p> <p style="text-align: center;">***</p> <p> </p>


Save