Book List

<h2 style="text-align: center;">အခန်း (၂၆၀)</h2> <h2 style="text-align: center;">ယင်းဟွမ်ဟွမ်</h2> <h2 style="text-align: center;">ရေခဲသခင်မဝင်စားသူ(၂)</h2> <h2 style="text-align: center;">*</h2> <p> </p> <p>ရေခဲသခင်မသည် သူ့ အရှင်သခင်၏ တပည့်ဖြစ်ပြီး တစ်ချိန်က သူ့ အရှင်သခင်၏ အဆင့်အတန်းသို့ ရောက်ရှိရန် မျှော်လင့်ချက် အရှိဆုံး သူတစ်ဦးပင် ဖြစ်ခဲ့လေသည်။</p> <p> </p> <p>“အခု သူမက ယင်းဟွမ်ဟွမ်လား ဒါမှမဟုတ် ရေခဲသခင်မလား...” လင်းတုန်က မေးလိုက်လေသည်။</p> <p> </p> <p>မဟာရှေးဟောင်းတောရိုင်းကျောက်တိုင်က ခေါင်းခါယမ်းရင်း ပြောလိုက်လေသည်။ “သူမ ပြန်မနိုးထလာသေးဘူးလေ... ဒါကြောင့် အရာအားလုံးက ပြောဖို့ခက်‌နေသေးတယ်၊ ပြန်နိုးထလာပြီးမှသာ သူ့ခန္ဓာကိုယ်ကို ဘယ်သူက ဦးဆောင်သွားမလဲဆိုတာ ငါတို့ မြင်ရမှာ... ဒါပေမယ့် ဘာပဲဖြစ်ဖြစ်ပါလေ...” </p> <p> </p> <p>ဝူယွမ်၏ စိတ်ခံစားချက်မှာ အနည်းငယ် ရှုပ်ထွေးနေခဲ့၏။ မူလဇာတ်လမ်းထဲမှ လင်းတုန်၏ ခံစားချက်များကို သူ နောက်ဆုံးတွင် နားလည်နိုင်သွားခဲ့ပြီ ဖြစ်သည်။</p> <p> </p> <p>ရေခဲသခင်မသည် မည်သည့်အခါကမျှ ယင်းဟွမ်ဟွမ် မဟုတ်ခဲ့ပေ။ ရေခဲသခင်မကို ရင်ဆိုင်ရချိန်တွင် ဝူယွမ်၏ နှလုံးသားမှာ အေးစက်သွားခဲ့ရ၏။</p> <p> </p> <p>ဤအမျိုးသမီးသည် တက်ကြွလှုပ်ရှားသော ကောင်မလေး ယင်းဟွမ်ဟွမ်သာ ဖြစ်နေပါစေရန် သူ မျှော်လင့်နေဆဲပင် ဖြစ်သည်။</p> <p> </p> <p>“ရေခဲသခင်မနဲ့ ပတ်သက်ပြီးတော့ကတော့... ငါ့ရဲ့ စွမ်းအားကို မြန်မြန် မြှင့်တင်ဖို့ လိုသေးတယ်... နောက်ပိုင်းမှာ ရေခဲသခင်မ ပြန် နိုးထလာဖို့ မလိုတော့ဘဲ ငါကိုယ်တိုင် ကပ်ဘေးကို ရင်ဆိုင်ဖြေရှင်းနိုင်ပါစေလို့ မျှော်လင့်ပါတယ်...”</p> <p> </p> <p> ဝူယွမ်က သူ့ဘာသာ တွေးလိုက်လေသည်။ အရာအားလုံး ချောချောမွေ့မွေ့ ပြေလည်သွားသရွေ့ ယင်းဟွမ်ဟွမ်သည် ရေခဲသခင်မဖြစ်လာရန် လိုအပ်မည် မဟုတ်ပေ။ သူမသည် အမြဲတမ်း ယင်းဟွမ်ဟွမ်သာ ဖြစ်နေမည် ဖြစ်သည်။</p> <p> </p> <p>အချိန်အနည်းငယ် ကြာပြီးနောက် အလွှာလိုက် ဖြစ်နေသော ရေခဲပြာရောင် အလင်းစက်ဝန်းများ အားလုံးမှာ ယင်းဟွမ်ဟွမ်၏ ခန္ဓာကိုယ် အတွင်းသို့ ပြန်လည်ဝင်ရောက်သွားကြလေသည်။</p> <p> </p> <p>သူမ၏ အလွန် ရှည်လျားသော ရေခဲပြာရောင် ဆံပင်များမှာလည်း လျင်မြန်စွာ ပြန်လည်တိုတောင်းသွားပြီး ထိုသို့ ဖြစ်ပေါ်နေစဉ်အတွင်း ရေခဲပြာရောင်များမှာ မှေးမှိန်သွားကာ သူမ၏ ပုံမှန် အနက်ရောင်သို့ ပြန်လည် ရောက်ရှိသွားခဲ့၏။</p> <p> </p> <p>ယင်းဟွမ်ဟွမ်၏ ဆံပင်များ ပုံမှန် အရောင်သို့ လုံးဝ ပြန်လည်ရောက်ရှိသွားသောအခါ သူမ၏ ခန္ဓာကိုယ်သည်လည်း လေပေါ်မှ ကျဆင်းလာခဲ့လေသည်။</p> <p> </p> <p>၎င်းကို မြင်သောအခါ ဝူယွမ်က ရှေ့သို့ တစ်လှမ်း တိုးသွားပြီး သူမ၏ ခါးလေးကို လှမ်းဖက်လိုက်လေသည်။ သူ၏ ရင်ခွင်ထဲရှိ နူးညံ့သော ခါးလေးက သူ့နှလုံးသားကို အနည်းငယ် တုန်ခါသွားစေခဲ့၏။</p> <p> </p> <p>ထို့နောက် သူ ငုံ့ကြည့်လိုက်ရာ ကောင်မလေး၏ နက်မှောင်သော မျက်လုံးများက သူ့ကို မျက်တောင်မခတ်ဘဲ စိုက်ကြည့်နေသည်ကို မြင်တွေ့လိုက်ရလေသည်။</p> <p> </p> <p>သူတို့နှစ်ဦးသည် အချင်းချင်း စိုက်ကြည့်နေခဲ့ကြ၏။ ဝူယွမ်၏ မျက်နှာအမူအရာမှာ ပြောင်းလဲခြင်း မရှိဘဲ ဤရိုမန်တစ်ဆန်သော အနေအထားက သူနှင့် မသက်ဆိုင်သကဲ့သို့ ရှိနေခဲ့သည်။</p> <p> </p> <p>ယင်းဟွမ်ဟွမ်မှာမူ ခဏတာမျှ အကြည့်ချင်း ဖလှယ်ပြီးနောက် နောက်ဆုံးတွင် အရှုံးပေးလိုက်ရပြီး သူမ၏ ဖြူဖွေးလှပသော ပါးပြင်လေးများသည် ရှက်ရွံ့မှုကြောင့် နီရဲလာခဲ့လေတော့သည်။</p> <p> </p> <p>သူမ ယခုလေးတင် ရေခဲသခင်မ အဖြစ်သို့ ပြောင်းလဲသွားခဲ့သည်ကို သူမသိရှိပုံမရပေ။</p> <p> </p> <p>မြေကမ္ဘာအူတိုင် သန့်စင်အရည်၏ စွမ်းအားက သူမကို ယာယီအားဖြင့် ရေခဲသခင်မ အသွင်အပြင်အဖြစ်သို့ ပြောင်းလဲသွားစေခဲ့ခြင်း ဖြစ်ပုံရသည်။</p> <p> </p> <p>“ကျွန်မ ကျင့်ကြံနေတာ မဟုတ်ဘူးလား... ရှင့်ရင်ခွင်ထဲကို ဘယ်လိုလုပ် ရောက်လာတာလဲ...”</p> <p> </p> <p>ယင်းဟွမ်ဟွမ်က နားမလည်နိုင်သည့် အမူအရာဖြင့် မေးလိုက်ပြီး သူမ၏ သံသယဖြစ်နေသော မျက်လုံးလေးများဖြင့် ဝူယွမ်ကို စိုက်ကြည့်နေခဲ့လေသည်။</p> <p> </p> <p>“ရှင် ဘယ်လိုလုပ်လိုက်တာလဲ...”</p> <p> </p> <p>“ကျွန်မကို အခုအောက်ချပေး...”</p> <p> </p> <p>သူမက ရှက်ရွံ့စွာဖြင့် ပြောလိုက်လေသည်။ လူအများကြီး ရှေ့တွင် ဤသို့ မြင်တွေ့ခံလိုက်ရသဖြင့် သူမ အလွန် ရှက်ရွံ့နေခဲ့၏။</p> <p> </p> <p>“အို... ငါ့ရဲ့ မူလဝိညာဉ်ကို အောင်မြင်စွာ စုစည်းဖန်တီးနိုင်ခဲ့ပြီပဲ...”</p> <p> </p> <p>ယင်းဟွမ်ဟွမ်မှာ ဝမ်းသာအားရ ဖြစ်သွားခဲ့လေသည်။ ဤကျင့်ကြံခြင်းက အလွန် ထူးဆန်းလွန်းလှပေသည်။ မည်သို့မည်ပုံ ဖြစ်ပျက်သွားသည်ကို သူမကိုယ်တိုင်ပင် မသိလိုက်ပေ။</p> <p> </p> <p>သူမ အိပ်ပျော်သွားပြီးနောက် နိုးလာသောအခါ ဝူယွမ်၏ ရင်ခွင်ထဲသို့ ရောက်ရှိနေပြီး သူမ၏ မူလဝိညာဉ်ကိုလည်း စုစည်းဖန်တီးနိုင်ခဲ့ပြီ ဖြစ်သည်။</p> <p> </p> <p>“နင်တို့အားလုံး အောင်မြင်စွာ စုစည်းနိုင်ခဲ့ကြပြီလား...”</p> <p> </p> <p>ဝူယွမ်နှင့် အခြားသူများ အားလုံး ခေါင်းညိတ်ပြလိုက်ကြလေသည်။</p> <p> </p> <p>ယင်းဟွမ်ဟွမ်က ပြောလိုက်၏။ “ဒီမြေကမ္ဘာအူတိုင် သန့်စင်အရည်က တကယ်ကို အံ့ဩစရာကောင်းတာပဲ...”</p> <p> </p> <p>ဝူယွမ်သည် ယင်းဟွမ်ဟွမ်ကို အောက်သို့ ချပေးလိုက်ပြီး သူမနှင့် စကားဆက်မပြောတော့ဘဲ ရှောင်တျောင်းနှင့် ရှောင်ယန်တို့ကို ကြည့်လိုက်လေသည်။</p> <p> </p> <p>“ထွက်သွားရမယ့် အချိန် ရောက်ပြီ... ငါတို့ ဂိုဏ်းကို ပြန်သင့်ပြီ၊ မင်းတို့ အပြင်ဘက်မှာ ဆက်ပြီးလေ့ကျင့်ချင်သေးလား... ဒါမှမဟုတ် ရှေးဟောင်းကျောက်တိုင်နယ်မြေထဲမှာပဲ နေမလား...”</p> <p> </p> <p>“အခု ရှေးဟောင်းကျောက်တိုင်နယ်မြေထဲမှာ မသေမျိုးအနှစ်သာရ ရှေးဟောင်းသစ်ပင် ရှိနေပြီဆိုပေမဲ့ မသေမျိုးအနှစ်သာရ ဝိညာဉ်သစ်သီးတွေက နိဗ္ဗာန်အဆင့်မှာ ရှိနေတဲ့ သူတွေအတွက်ပဲ အရမ်း အသုံးဝင်တော့တာ..."</p> <p>“ကျွန်တော်တို့က နိဗ္ဗာန်အဆင့် ၉ ကို ထိုးဖောက်ဝင်ရောက်ဖို့ နီးစပ်နေပြီဆိုတော့ သစ်သီးရဲ့ အစွမ်းသက်ရောက်မှုက သိပ်မကြီးမားတော့ဘူးလေ...”</p> <p> </p> <p>ရှောင်တျောင်းက ဖြေကြားလိုက်လေသည်။ “ရှောင်ယန်နဲ့ ကျွန်တော်က အပြင်ဘက်မှာပဲ ဆက်ပြီး လေ့ကျင့်လိုက်ပါ့မယ်...”</p> <p> </p> <p>“အစ်ကိုကြီးက ဂိုဏ်းပြိုင်ပွဲမှာ ဝင်ပါရမှာလေ၊ အရှေ့ဘက် ရွှမ်းဒေသရဲ့ ဂိုဏ်းပြိုင်ပွဲကို ကမ္ဘာခြားနတ်ဆိုး နယ်မြေမှာ အမြဲတမ်း ကျင်းပလေ့ရှိတယ်၊ အဲ့ဒီကျမှ ကမ္ဘာခြားနတ်ဆိုး နယ်မြေမှာ ငါတို့ ပြန်ဆုံကြတာပေါ့...”</p> <p> </p> <p>“ကောင်းပြီ... ဒါဆိုရင် ရှောင်ယန် ကျင့်ကြံဖို့အတွက် ဒီမသေမျိုးအနှစ်သာရ ဝိညာဉ်သစ်သီးတွေကို ယူသွားလိုက်...”</p> <p> </p> <p>ဝူယွမ်က လက်ကို တစ်ချက် ဝှေ့ယမ်းလိုက်ရာ သစ်ပင်ပေါ်မှ သစ်သီးထောင်ချီ၍ သူ၏ သိုလှောင်အိတ်ထဲသို့ ရောက်ရှိလာပြီး ရှောင်ယန်ကို ပေးလိုက်လေသည်။</p> <p> </p> <p>“ဟေး... ဒါတွေက ငါတို့တောင်ဂိုဏ်းရဲ့ သစ်သီးပင်တွေလေ... နင်က နင့်ညီတွေအတွက် ပေးဖို့ အားလုံးကို ခူးသွားတာလား၊ နည်းနည်းလောက်တော့ ချန်ထားဦးလေ...” ယင်းဟွမ်ဟွမ်က နှုတ်ခမ်းစူကာ ပြောလိုက်လေသည်။</p> <p> </p> <p>ဝူယွမ်မှာ အလွန်အမင်း ဖြုန်းတီးလွန်းသည်ဟု သူမ ထင်နေမိ၏။ ဤအရာများမှာ မသေမျိုးအနှစ်သာရ ဝိညာဉ်သစ်သီးများ ဖြစ်ကြသည် မဟုတ်ပါလား။</p> <p> </p> <p>“စိတ်မပူပါနဲ့... ငါတို့ ဂိုဏ်းကို ပြန်ရောက်တာနဲ့ သစ်သီးအသစ်တွေ ပေါက်လာလိမ့်မယ်၊ အကြီးအကဲ ဟွမ်က သစ်သီးတွေ သီးဖို့အတွက် မဟာရှေးဟောင်းကျမ်းကို အသုံးပြုထားတာဆိုတော့ အရမ်း မြန်ပါတယ်...” ဝူယွမ်က ပေါ့ပေါ့ပါးပါးပင် လိမ်ပြောလိုက်လေသည်။</p> <p> </p> <p>ဤအချိန်တွင် သစ်ပင်ပေါ်၌ သစ်သီး အသေးစားလေးများ မျက်စိဖြင့် မြင်နိုင်လောက်အောင် လျင်မြန်သော အမြန်နှုန်းဖြင့် ပေါက်လာကြလေသည်။</p> <p> </p> <p>နှုတ်ဆက်ပြီးနောက် ဝူယွမ်နှင့် အခြားနှစ်ဦးတို့သည် တောင်ဂိုဏ်းသို့ ပြန်လာခဲ့ကြလေသည်။</p> <p> </p> <p>သူတို့ တောင်ဂိုဏ်းနယ်မြေသို့ ဝင်ရောက်လိုက်သည်နှင့် ဂိုဏ်း၏ ဥပဒေစိုးမိုးရေးအဖွဲ့နှင့် ဆုံတွေ့လိုက်ကြ၏။</p> <p> </p> <p>သူတို့ သုံးဦးလုံး စတင် စိုးရိမ်လာကြချိန်တွင် တစ်ဖက်လူက ပြောဆိုလာခဲ့လေသည်။</p> <p> </p> <p>“ညီငယ်ဝူယွမ်၊ ညီငယ်လင်းတုန်၊ ညီမလေးဟွမ်ဟွမ်... ဂိုဏ်းချုပ်ကြီးက မင်းတို့ကို ခေါ်ခိုင်းလိုက်တယ်...”</p> <p> </p> <p>“ပြီးတော့ ကောင်းကင်ဖီးနစ်စောင်းကိုလည်း မြန်မြန် ပြန်ပေးလိုက်ပါဦး... ဦးလေးချီလဲ့က စိတ်ပူလွန်းလို့ သေတော့မယ်...”</p> <p> </p> <p>သူတို့ သုံးဦးမှာ အလွန်အမင်း အနေရခက်သွားကြပြီး ဝူတောင်ဆီသို့ လျင်မြန်စွာ ပြေးသွားကြလေတော့သည်။</p> <p> </p> <p>သူတို့သုံးယောက်လုံး ယင်းရွှမ်းဇီ၏ ဝါးအိမ်လေးသို့ ရောက်ရှိလာကြ၏။</p> <p> </p> <p>ယင်းဟွမ်ဟွမ် ခေါင်းကို ငုံ့ထားပြီး ယင်းရွှမ်းဇီကို မကြည့်ရဲပေ။</p> <p> </p> <p>“သမီး...”</p> <p> </p> <p>ယင်းရွှမ်းဇီက ယင်းဟွမ်ဟွမ်ကို လက်ညှိုးထိုးကာ ခေါ်လိုက်လေသည်။</p> <p> </p> <p>သူ၏ သမီးဖြစ်သူနှင့် ပတ်သက်၍ သူ ဘာပြောရမည်ကိုပင် မသိတော့ချေ။</p> <p> </p> <p>“အဖေ...”</p> <p> </p> <p>ယင်းဟွမ်ဟွမ်က ချိုသာပြီး ချွဲနွဲ့သော အသံလေးဖြင့် ခေါ်လိုက်လေသည်။</p> <p> </p> <p>“ကောင်းပြီ... သမီး ကောင်းကင်ဖီးနစ်စောင်းကို ကောင်းကင်ခန်းမဆီ အရင် သွားပြန်ပေးလိုက်ဦး...”</p> <p> </p> <p>ယင်းရွှမ်းဇီက မတတ်သာသည့် အမူအရာဖြင့် ပြောလိုက်လေသည်။</p> <p> </p> <p>“ဟုတ်ကဲ့ပါ ဖေဖေ...” ယင်းဟွမ်ဟွမ်က လျင်မြန်စွာ ပြေးထွက်သွားလေတော့သည်။</p> <p> </p> <p>ယင်းဟွမ်ဟွမ် ထွက်သွားပြီးနောက် ယင်းရွှမ်းဇီသည် ထိုင်ချလိုက်ပြီး ထိုနှစ်ဦးကို နက်နဲသော အဓိပ္ပာယ်ပါသည့် အကြည့်ဖြင့် ကြည့်ကာ မေးလိုက်လေသည်။</p> <p> </p> <p>“ဒီတစ်ခေါက် ဟွမ်ဟွမ်မှာ အထူး အပြောင်းအလဲတွေများ ရှိခဲ့လား...”</p> <p> </p> <p>ဝူယွမ်နှင့် လင်းတုန်တို့ အချင်းချင်း အကြည့်ချင်း ဖလှယ်လိုက်ကြပြီး ယင်းရွှမ်းဇီ၏ ဆိုလိုရင်းကို ချက်ချင်းပင် နားလည်သွားခဲ့ကြ၏။ သူသည် ဝင်စားခြင်းအမှတ်အသား အကြောင်းကို မေးမြန်းနေခြင်း ဖြစ်သည်။</p> <p> </p> <p>“ဂိုဏ်းချုပ်ကြီးက ဝင်စားခြင်းအမှတ်အသား အကြောင်းကို ပြောနေတာလား...” ဝူယွမ်က သက်ပြင်းတစ်ချက်ကို နက်နက်ရှိုင်းရှိုင်း ရှူသွင်းလိုက်ပြီး မေးလိုက်လေသည်။</p> <p> </p> <p>“ဟုတ်တယ်... ဟွမ်ဟွမ်က သူမရဲ့ မူလဝိညာဉ်ကို စုစည်းဖန်တီးနိုင်ခဲ့ပြီဆိုတာကို ငါ မြင်လိုက်ရတယ်... ဒါကြောင့်မို့လို့ သူမက အဲဒီ ဝင်စားခြင်း စွမ်းအားကို ထပ်ပြီး ထိတွေ့ခဲ့ရပြီဆိုတာ ငါ သိလိုက်တာပေါ့..."</p> <p> </p> <p>“အဲ့ဒီအချိန်တုန်းက သူမရဲ့ အခြေအနေနဲ့ ပတ်သက်ပြီး အားလုံးကို ငါ့ကို ပြောပြပါ...” ယင်းရွှမ်းဇီက စိတ်လှုပ်ရှားစွာဖြင့် ပြောလိုက်လေသည်။</p> <p> </p> <p>ထိုအချိန်တုန်းက သူတို့သည် မဟာရှေးဟောင်းတောရိုင်းကျောက်တိုင် အတွင်းတွင် ရှိနေခဲ့သဖြင့် ယင်းရွှမ်းဇီ အာရုံမခံနိုင်ခဲ့ပေ။</p> <p> </p> <p>ဝူယွမ်က မည်သည့်အရာကိုမျှ ဖုံးကွယ်မထားဘဲ ဟွမ် ပြောပြခဲ့သော ရေခဲသခင်မ မည်သူမည်ဝါဖြစ်ကြောင်း အပါအဝင် အရာအားလုံးကို ချက်ချင်းပင် ပြောပြလိုက်လေသည်။</p> <p> </p> <p>“တကယ်ကြီး ရေခဲသခင်မ ဖြစ်နေခဲ့တာလား...”</p> <p> </p> <p>ယင်းရွှမ်းဇီ အနည်းငယ် မှင်တက်သွားခဲ့၏။ ယင်းဟွမ်ဟွမ်၏ ပုံးကွယ်နေသော ဝင်စားသူဇာစ်မြစ်မှာ ဤမျှ အရေးပါလိမ့်မည်ဟု သူ လုံးဝ မထင်ထားခဲ့မိပေ။</p> <p> </p> <p>“ဟူး... ဟွမ်ဟွမ်က ရေခဲသခင်မရဲ့ ဝင်စားခြင်း စွမ်းအားကို ဖိနှိပ်ထားနိုင်ပါစေလို့ပဲ မျှော်လင့်ရတာပေါ့...” ယင်းရွှမ်းဇီက အားအင်ကုန်ခမ်းနေသော အသံဖြင့် ပြောလိုက်လေသည်။  </p> <p>ဖခင်အိုကြီး တစ်ဦးအနေဖြင့် သူ၏ သမီးဖြစ်သူနေရာတွင် အခြားတစ်ယောက်ဖြင့် အစားထိုးခံရမည်ကို သူ လုံးဝ မလိုလားခဲ့ပေ။</p> <p> </p> <p>“ဟွမ်ဟွမ်က ဝင်စားသူ တစ်ယောက်ဆိုတဲ့ အချက်ကို ဘယ်သူ့ကိုမှ မပြောပါနဲ့နော်... တကယ်လို့ ယွမ်ဂိုဏ်းကသာ သိသွားမယ်ဆိုရင် သူတို့က ဟွမ်ဟွမ်ကို လျှို့ဝှက်စွာ တိုက်ခိုက်လာနိုင်တယ်..."</p> <p> </p> <p>“ဘာပဲဖြစ်ဖြစ် သူမ ပြန်လည် နိုးထလာပြီဆိုရင် အဲ့ဒါက အတော်လေးကို အံ့ဩစရာ ကောင်းသွားမှာပဲ...” ယင်းရွှမ်းဇီက သူတို့ကို သတိပေးလိုက်လေသည်။</p> <p> </p> <p>ဝင်စားသူများဆိုသည်မှာ ဤလောကတွင် အားအကောင်းဆုံးသော ပုဂ္ဂိုလ်များ ဖြစ်ကြပြီး တစ်ဦးချင်းစီက တိုက်ကြီး၏ အင်အားချိန်ခွင်လျှာကို ပြောင်းလဲပစ်နိုင်စွမ်း ရှိကြပေသည်။</p> <p> </p> <p>အကယ်၍ ယွမ်ဂိုဏ်းသာ သိသွားမည်ဆိုပါက ယင်းဟွမ်ဟွမ်ကို ကြီးထွားလာရန် သူတို့ သဘာဝကျကျပင် ခွင့်ပြုထားမည် မဟုတ်ချေ။</p> <p> </p> <p>“ဂိုဏ်းချုပ်ကြီး... စိတ်ချပါ၊ ကျွန်တော်တို့ ညီအစ်ကိုတွေက ဒီလို ကိစ္စမျိုးကို ဘယ်သူ့ကိုမှ ဖွင့်ပြောမှာ မဟုတ်ပါဘူး...” ဝူယွမ်က အေးအေးဆေးဆေးပင် ပြောလိုက်လေသည်။</p> <p> </p> <p>သူတို့၏ လက်ရှိအဆင့်အတန်းဖြင့် မည်သည့် အာမခံချက်မျှ ပေးရန် မလိုအပ်တော့ပေ။ သူတို့သည် ယွမ်ဂိုဏ်း၏ အကြီးအကဲ တစ်ဦးကိုပင် သတ်ဖြတ်ခဲ့ပြီးပြီ မဟုတ်ပါလော။</p> <p> </p> <p>“ဒီတစ်ခေါက် အန္တရာယ်တွေက မသေးပေမယ့် မင်းတို့အားလုံး အကျိုးအမြတ် အများကြီး ရခဲ့ကြပါတယ်... မူလဝိညာဉ်ကို စုစည်းဖန်တီးနိုင်ခဲ့တာက ဒီစွန့်စားခန်းကို တန်ဖိုးရှိစေခဲ့တာပဲ...”</p> <p> </p> <p>ယင်းရွှမ်းဇီက သူတို့ကို ခေါင်းညိတ်ပြလိုက်လေသည်။</p> <p> </p> <p>သူ လျှို့ဝှက်စောင့်ကြည့်နေခဲ့ပြီး ဝူယွမ်၏ စွမ်းဆောင်ရည်ကြောင့် အလွန်အမင်း အံ့ဩသွားခဲ့ရ၏။</p> <p> </p> <p>အဘယ်ကြောင့်ဆိုသော် ဝူယွမ်သည် ယွမ်ဂိုဏ်း အကြီးအကဲကို တစ်ယောက်တည်းဖြင့် အနိုင်ယူ သတ်ဖြတ်နိုင်ခဲ့သောကြောင့်ပင်။</p> <p> </p> <p>သူ၏ သမီးဖြစ်သူ ပွေ့ဖက်ခံခဲ့ရသည်မှလွဲ၍ ယင်းရွှမ်းဇီသည် အခြားအရာအားလုံးကို အလွန် ကျေနပ်နေခဲ့လေသည်။</p> <p> </p> <p>အထူးသဖြင့် သူက ရန်ယွမ်ဇီ၏ လိုက်လံ ဖမ်းဆီးမှုကို ဟန့်တားခဲ့ချိန်တွင် ရန်ယွမ်ဇီမှာ ဒေါသထွက်ကာ ခြေဆောင့်ခဲ့ရပြီး ဤကဲ့သို့သော ပြိုင်ဘက်ဟောင်းကြီး တစ်ဦး အရှုံးပေါ်သွားသည်ကို လျှို့ဝှက်စွာ မြင်တွေ့လိုက်ရသဖြင့် သူ အလွန်ကျေနပ်နေခဲ့၏။</p> <p> </p> <p>“ပြန်သွားပြီး ဂိုဏ်းပြိုင်ပွဲအတွက် သေချာ ပြင်ဆင်ကြတော့...”</p> <p> </p> <p style="text-align: center;">***</p>


Save