Book List

<h2 style="text-align:center">အခန်း (၂၆၁)</h2> <h2 style="text-align:center">တောင်ဂိုဏ်းမှ ထွက်ခွာခြင်း</h2> <h2 style="text-align:center">ရှေးဟောင်း ကမ္ဘာခြားနတ်ဆိုးနယ်မြေ(၁)</h2> <h2 style="text-align:center">*</h2> <p> </p> <p>ကိုးကောင်းကင် တိုင်ချင်းနန်းတော်...</p> <p> </p> <p>ချင်းကျူခန်းမ...</p> <p> </p> <p>လင်ချင်းကျူသည် သူမ၏ ဖြူဖွေးနုနယ်သော ခြေဗလာလေးများကို ပေါင်ပေါ်တွင် တင်ကာ ကောင်းကင်ပြာ ကြာပန်းတစ်ခုပေါ်တွင် တင်ပျဉ်ခွေ ထိုင်နေလေသည်။</p> <p> </p> <p>သူမ၏ သွယ်လျသော ကျောက်စိမ်းရောင် လက်ချောင်းလေးများက လက်သင်္ကေတများကို အဆက်မပြတ် ဖန်တီးနေပြီး အစိမ်းရောင် အလင်းတန်းလေးတစ်ခုက သူမ၏ ပတ်ဝန်းကျင်တွင် ပြန့်နှံ့နေခဲ့၏။</p> <p> </p> <p>သူမ မျက်လုံးများ ဖြည်းညင်းစွာ ပွင့်လာသည်နှင့်အမျှ ကြာပန်းများပါ ပွင့်လန်းလာပြီး သူမ၏ မျက်ဝန်းများထဲရှိ အလင်းရောင်နှင့်အတူ ထွက်ပေါ်လာသကဲ့သို့ ရှိနေခဲ့သည်။</p> <p> </p> <p>မရေမတွက်နိုင်သော ကြာရွက်များဖြင့် ဝန်းရံထားလျက် သူမသည် ကောင်းကင်ယံသို့ ဖြည်းညင်းစွာ ပျံတက်သွားပြီး နက်နဲသော ကောင်းကင်ကိုးခုမှ နတ်သမီးလေး တစ်ပါးအလား ကခုန်နေလေသည်။</p> <p> </p> <p>သူမ၏ ရှည်လျားသော ဝတ်ရုံလက်များမှာ လေထဲတွင် လွင့်မျောနေပြီး များပြားလှသော ကြာရွက်များနှင့် ကြာဖတ်များက သူမ၏ နောက်မှ လိုက်ပါနေကြ၏။</p> <p> </p> <p>ငှက်များနှင့် လိပ်ပြာများပင်လျှင် ပါဝင်လာကြပြီး သူမ၏ လမ်းညွှန်မှုအောက်တွင် လေဟုန်စီးရသည့် ပျော်ရွှင်မှုကို ခံစားနေကြလေသည်။</p> <p> </p> <p>“ဂိုဏ်းတူအစ်မကြီးချင်းကျူက အရမ်းလှတာပဲ...”</p> <p> </p> <p>“တခြားသူတွေ သိုင်းပညာလေ့ကျင့်ရင် တောင်တွေကို ဖြိုခွဲတာ ဒါမှမဟုတ် ရေစီးကြောင်းတွေကို ဖြတ်တောက်တာတွေ လုပ်ကြတယ်၊ ဂိုဏ်းတူအစ်မကြီး ချင်းကျူ တစ်ယောက်တည်းကသာ လူ့ပြည်ကို ဆင်းသက်လာတဲ့ နတ်သမီးလေးတစ်ပါး ကခုန်နေသလိုမျိုး သိုင်းပညာလေ့ကျင့်နေတာ...”</p> <p> </p> <p>“ဟဲဟဲ၊ သူမရဲ့ အလှတရားကိုပဲ ကြည့်မနေနဲ့ဦး... ဂိုဏ်းတူအစ်မကြီးချင်းကျူ ပစ်လွှတ်လိုက်တဲ့ ကြာရွက် တစ်ရွက်တည်းကိုတောင် နင်တို့ တားဆီးနိုင်မှာ မဟုတ်ဘူးနော်...”</p> <p> </p> <p>…</p> <p> </p> <p>“လက်ရှိ စူပါဂိုဏ်းကြီး ရှစ်ခုထဲမှာ ဂိုဏ်းတူအစ်မကြီး ချင်းကျူနဲ့ ယှဉ်နိုင်တဲ့သူဆိုလို့ ယွမ်ဂိုဏ်းက လူငယ်ဘုရင် သုံးပါးနဲ့ တောင်ဂိုဏ်းက ဝူယွမ်တို့ပဲ ရှိလောက်တယ်...”</p> <p> </p> <p>“တောင်ဂိုဏ်းက ဝူယွမ်က ယောင်းလင်းကို သတ်ခဲ့ရုံလေးပါ... သူက ဂိုဏ်းတူအစ်မကြီး ချင်းကျူနဲ့ ယှဉ်နိုင်ဖို့ လုံလောက်ဦးမှာ မဟုတ်ပါဘူး...”</p> <p> </p> <p>လင်ချင်းကျူ သိုင်းပညာ လေ့ကျင့်နေသည်ကို အဝေးမှ ကြည့်ရှုနေကြသော ကိုးကောင်းကင် တိုင်ချင်းနန်းတော်မှ တပည့်များမှာ အချင်းချင်း တီးတိုး ဆွေးနွေးနေကြလေသည်။</p> <p> </p> <p>သူတို့၏ ရင်တွင်း၌ လင်ချင်းကျူသည် လက်လှမ်းမမီနိုင်သော အဆင့်အတန်း တစ်ခုတွင် ရှိနေခဲ့၏။</p> <p> </p> <p>“ဂိုဏ်းတူအစ်မကြီး လင်ချင်းကျူက အရမ်း အားကောင်းပေမယ့် အစ်ကိုကြီး ဝူယွမ်ကတော့ သူမထက် သေချာပေါက် မနိမ့်ကျပါဘူး...” တပည့်များစွာကြားရှိ နူးညံ့ပြီး ချစ်စရာကောင်းပုံရသော မိန်းကလေး တစ်ဦးက ယုံကြည်မှု အပြည့်ဖြင့် ပြောလိုက်လေသည်။</p> <p> </p> <p>“ညီမလေးစုရို... နင် ဘာလို့ အဲဒီလို ပြောရတာလဲ၊ နင်က အဲဒီ ဝူယွမ်နဲ့ အရမ်းရင်းနှီးလို့လား...”</p> <p> </p> <p>“ဟုတ်တယ်နော်... အရင်တုန်းက ညီမလေးစုရိုက ဝူယွမ်နောက်ကို လိုက်ပြီး တောင်ဂိုဏ်းကို သွားမလို့ လုပ်သေးတယ်လို့ င ကြားဖူးတယ်...”</p> <p> </p> <p>“ဖြစ်နိုင်တာက ညီမလေး သူ့ကို တိတ်တဆိတ် စိတ်ဝင်စားနေတာများလား...”</p> <p> </p> <p>“နင့်ရဲ့ ခံစားချက်တွေကို ငါတို့နားလည်ပါတယ် ညီမလေး... ဒါပေမယ့် အဲဒီ ဝူယွမ်က တောင်ဂိုဏ်းကို ဝင်လာတာ တစ်နှစ်ပဲ ရှိသေးတယ်လေ၊ သူက ဂိုဏ်းတူအစ်မကြီး ချင်းကျူနဲ့ ဘယ်လိုလုပ် ယှဉ်နိုင်မှာလဲ...”</p> <p> </p> <p>“ဒါပေမယ့် ဂိုဏ်းပြိုင်ပွဲက စတော့မယ်လေ... ညီမလေးစုရိုက သူမရဲ့ ချစ်လှစွာသော အစ်ကိုကြီးဝူယွမ်ကို မကြာခင် မြင်ရတော့မှာပေါ့၊ အဲ့ဒီကျရင်တော့ နင် အခြားတစ်ဖက်ကို ကူးမသွားပါစေနဲ့လို့ပဲ မျှော်လင့်ရတာပေါ့...”</p> <p> </p> <p>... ထိုတပည့်များက စုရိုကို ဝိုင်းဝန်း စနောက်နေကြလေသည်။</p> <p> </p> <p>စုရို၏ မျက်နှာလေးမှာ နီရဲသွားခဲ့၏။ သူမက ခြေဆောင့်လိုက်ပြီး သူတို့ကို ဆက်လက် စကားမပြောတော့ပေ။</p> <p> </p> <p>သူမသည် လင်ချင်းကျူ၏ နန်းတော်ထဲသို့ ပြေးဝင်သွားတော့လေသည်။</p> <p> </p> <p>ဝူယွမ်ကို မကြာမီ တွေ့ရတော့မည်ဟု တွေးမိသောအခါ စုရိုသည်လည်း ဝမ်းသာနေခဲ့၏။ ကိုးကောင်းကင် တိုင်ချင်းနန်းတော်သို့ ဝင်ရောက်ပြီးနောက် သူမ၏ စွမ်းအားများမှာ အံ့ဩစရာကောင်းလောက်အောင် တိုးတက်လာခဲ့သည်။ </p> <p>လှပသော အမျိုးသမီးကြီးသည် သူမကို တကယ်ပင် မလိမ်ညာခဲ့ပေ။ ကိုးကောင်းကင် တိုင်ချင်းနန်းတော်သည် သူမ၏ ကျင့်ကြံခြင်းအတွက် ပိုမို သင့်တော်လှပေသည်။</p> <p> </p> <p>ယခုအခါ သူမသည် ကိုးကောင်းကင် တိုင်ချင်းနန်းတော်တွင် လင်ချင်းကျူမှလွဲ၍ တန်ဖိုးအထားခံရဆုံး တပည့်တစ်ဦး ဖြစ်လာခဲ့ပြီ ဖြစ်သည်။</p> <p> </p> <p>ထို့အပြင် လင်ချင်းကျူနှင့် သူမ၏ ဆက်ဆံရေးမှာလည်း သာမန်မဟုတ်ဘဲ ညီအစ်မအရင်းများအလား ရင်းနှီးလှပေသည်။</p> <p> </p> <p>“အစ်မချင်းကျူ... အစ်မရဲ့ စွမ်းအားတွေ ထပ်ပြီး တိုးတက်လာပြန်ပြီပဲ...”</p> <p> </p> <p>လင်ချင်းကျူ ကောင်းကင်ယံမှ ဆင်းသက်လာသည်ကို မြင်သောအခါ စုရိုက ဝမ်းသာအားရဖြင့် ရှေ့သို့ တိုးသွားကာ ပြောလိုက်လေသည်။</p> <p> </p> <p>“အင်း... ငါ တံခါးပိတ်ကျင့်ကြံရာကနေ ခုလေးတင် ထွက်လာတာ၊ အကျိုးအမြတ်တချို့ ရခဲ့တယ်...” လင်ချင်းကျူက ခေါင်းညိတ်ပြလိုက်ပြီးနောက် ဤချစ်စရာကောင်းသော ညီမလေးကို ကြည့်ကာ ဖြည်းညင်းစွာ ပြောလိုက်လေသည်။</p> <p> </p> <p> “ဂိုဏ်းတူ ညီအစ်ကို မောင်နှမတွေက နင်နဲ့ တောင်ဂိုဏ်းက ဝူယွမ်အကြောင်း ဆွေးနွေးနေကြတာကို ငါကြားတယ်"</p> <p> </p> <p>“ရှောင်ရို... နင်က ငယ်သေးတယ်၊ ပြီးတော့ သိုင်းပညာ တိုးတက်နေတဲ့ အချိန်အခါလည်း ဖြစ်တယ်... အချစ်ရေးမှာ အရမ်းကြီး မနစ်မွန်းပါနဲ့၊ ပြီးတော့ ငါတို့ ကိုးကောင်းကင် တိုင်ချင်းနန်းတော်ရဲ့ သိုင်းပညာရပ်တွေက ဒီလိုကိစ္စတွေမှာ စောစောစီးစီး ပါဝင်ပတ်သက်ဖို့ မသင့်တော်ဘူးလေ...”</p> <p> </p> <p>“ဂိုဏ်းတူအစ်မကြီးချင်းကျူ... သူတို့ရဲ့ အဓိပ္ပာယ်မရှိတဲ့ စကားတွေကို နားမထောင်ပါနဲ့၊ အစ်ကိုကြီးဝူယွမ်နဲ့ ကျွန်မကြားမှာ ဘာမှ မရှိပါဘူး...”</p> <p> </p> <p>“ပြည်ထောင်တစ်ရာတိုက်ပွဲတုန်းက အစ်ကိုကြီးဝူယွမ်က ကျွန်မကို ကူညီခဲ့လို့ပါ... အစ်ကိုကြီးဝူယွမ်အပေါ် ထားတဲ့ ကျွန်မရဲ့ ခံစားချက်တွေက... ကျေးဇူးတင်တဲ့ စိတ်သက်သက်ပါပဲ...” စုရိုက အလျင်အမြန် ငြင်းဆိုလိုက်လေသည်။</p> <p> </p> <p>“ကောင်မလေး... ငါ မသိဘူးလို့ နင်ထင်နေတာလား၊ ဂိုဏ်းပြိုင်ပွဲမှာ ပါဝင်ဖို့ ခွင့်ပြုချက် ရကတည်းက နင် တစ်နေကုန် အရူးလေးတစ်ယောက်လို ပျော်နေပြီး ကျင့်ကြံဖို့ကိုတောင် အာရုံမစိုက်တော့ဘူးလေ...” </p> <p>လင်ချင်းကျူက စုရို၏ နဖူးကို လက်ညှိုးလေးဖြင့် တွန်းကာ ဆူပူလိုက်လေသည်။</p> <p> </p> <p>“မဟုတ်တာ...” စုရိုက မျက်နှာလေး နီရဲကာ ပြောလိုက်လေသည်။</p> <p> </p> <p>လင်ချင်းကျူက မေးလိုက်၏။ “အဲဒီ ဝူယွမ်ကို နင် တကယ်သဘောကျနေတာလား...”</p> <p> </p> <p>ဤအချိန်တွင် လင်ချင်းကျူထံမှ အေးစိမ့်သော လှိုင်းဂယက်တစ်ခု ခပ်ရေးရေး ထွက်ပေါ်လာခဲ့လေသည်။</p> <p> </p> <p>“ဂိုဏ်းတူအစ်မကြီးချင်းကျူ... ကျွန်မ... ကျွန်မကတော့ တစ်ယောက်ယောက်ကို သဘောကျတယ်ဆိုတာ ပုံမှန်ပဲလို့ထင်တာပဲ၊ ပြီးတော့ အစ်ကိုကြီးဝူယွမ်က အရမ်းကို ထူးချွန်တာလေ... အစ်မမှမသိတာ၊ သူက...”</p> <p> </p> <p>စုရိုက သတ္တိမွေးကာ ပြောဆိုလိုက်ပြီး အစ်ကိုကြီးဝူယွမ်၏ ထူးချွန်ပြောင်မြောက်မှုများ အကြောင်းကို လင်ချင်းကျူအား ပြောပြရန် ပြင်ဆင်လိုက်သော်လည်း လင်ချင်းကျူက သူမကို ကြားဖြတ် ပြောဆိုလိုက်လေသည်။</p> <p> </p> <p>“ကောင်းပြီ ရှောင်ရို... နင်က ငယ်သေးတော့ ဘယ်အရာက အရေးကြီးတယ်ဆိုတာကို မသိသေးဘူးလေ... အဲဒီ ဝူယွမ်က ဘယ်လောက်ပဲ ကောင်းနေပါစေ၊ အခုအချိန်မှာ နင် အဲ့ဒီအကြောင်းတွေကို မတွေးသင့်သေးဘူး..."</p> <p> </p> <p>“သေချာ ကျင့်ကြံပါ၊ တကယ်လို့ နင့်ရဲ့ အချစ်အတွက် နင် တိုက်ပွဲဝင်ချင်တယ်ဆိုရင်တောင် အနည်းဆုံးတော့ ငါ့ထက်သာလွန်တဲ့ စွမ်းအားမျိုး နင့်ဆီမှာ အရင်ဆုံး ရှိနေမှဖြစ်မယ်...”</p> <p> </p> <p>လင်ချင်းကျူက အေးအေးဆေးဆေးပင် ပြောလိုက်လေသည်။ သူမ မသိဘဲ ဘယ်နေမည်နည်း။ ဝူယွမ်အကြောင်းကို သူမက မည်သူ့ထက်မဆို ပိုမိုနားလည်ထားသည် မဟုတ်လော။</p> <p> </p> <p>သို့သော် စုရိုက ဝူယွမ်အပေါ် ဤမျှ နက်ရှိုင်းစွာ ချစ်မြတ်နိုးနေသည်ကို မြင်ရသောအခါ သူမ အချစ်ရ‌ဆုံးသော ညီမငယ်လေး၏ အချစ်ရဆုံးသူနှင့် သူမကိုယ်တိုင် အချစ်ရေး ပတ်သက်မှု ရှိခဲ့ပြီးဖြစ်ကြောင်းကို နောက်ပိုင်းတွင် သိရှိသွားပါက အသည်းကွဲသွားမည်ကို လင်ချင်းကျူ စိုးရိမ်နေခဲ့မိသည်။</p> <p> </p> <p>ဝူယွမ်သည် ညီမလေးစုရိုအပေါ် မကောင်းသော ရည်ရွယ်ချက်များ ရှိနေမည်ကိုလည်း လင်ချင်းကျူ စိုးရိမ်နေခဲ့၏။</p> <p> </p> <p>“ဂိုဏ်းတူအစ်မကြီးကို ကျော်လွန်နိုင်ရမယ်လား...”</p> <p> </p> <p>စုရိုမှာ ဆွံ့အသွားခဲ့လေသည်။ ၎င်းမှာ ခက်ခဲလွန်းလှပေသည်။ လင်ချင်းကျူကို သူမက မည်သို့ ကျော်လွန်နိုင်မည်နည်း။</p> <p> </p> <p>“သွားကျင့်ကြံတော့... ဂိုဏ်းပြိုင်ပွဲအတွက် သေချာ ပြင်ဆင်ထား...”</p> <p> </p> <p>လင်ချင်းကျူက သက်ပြင်းချလိုက်ပြီး ဝင်းခြံထဲသို့ လျှောက်သွားလေသည်။</p> <p> </p> <p>“ယောကျ်ားတွေဟာ... တကယ်ကို ပြဿနာတွေရဲ့ မြစ်ဖျားခံရာပါပဲလား...”</p> <p> </p> <p>တောင်ဂိုဏ်းတွင် ဝူယွမ်သည်လည်း လင်ချင်းကျူ အကြောင်းကို တွေးတောနေခဲ့လေသည်။</p> <p> </p> <p>‘အတွင်းအရသာကို သိခြင်း’ ဟူသော အရာတစ်ခု ရှိလေသည်။</p> <p> </p> <p>ရိုးရိုးသားသား ပြောရလျှင် လင်ချင်းကျူနှင့် သူ၏ ဆက်ဆံရေးမှာ ခဏတာ တွေ့ဆုံမှုမျှသာ ဖြစ်ပြီး နက်ရှိုင်းသော စိတ်ခံစားမှုပိုင်းဆိုင်ရာ အတွေ့အကြုံများ မရှိသေးပေ။</p> <p> </p> <p>သို့သော်ငြားလည်း လင်ချင်းကျူ ချန်ထားခဲ့သော မှတ်ဉာဏ်များမှာတော့ အလွန် နက်ရှိုင်းလှပေသည်။</p> <p> </p> <p>သူ လုံးဝ မေ့ပျောက်၍ မရနိုင်ခဲ့ပေ။</p> <p> </p> <p>မြက်မြင်မြင်ချင်း ချစ်ကျွမ်းဝင်သွားစေနိုင်လောက်အောင် လှပလွန်းလှသော အမျိုးသမီးတစ်မျိုး လောကကြီးတွင် အမှန်တကယ် ရှိလေသည်။</p> <p> </p> <p>လင်ချင်းကျူသည် ထိုကဲ့သို့သော အမျိုးသမီးမျိုး ဖြစ်သည်မှာ ယုံမှားသံသယဖြစ်ဖွယ်မရှိပေ။</p> <p> </p> <p>ထို့အပြင် ဝူယွမ်သည် သူမကို မျက်နှာဖုံးအကာ တစ်ခုမှတစ်ဆင့် ကြည့်ရှုခဲ့ရခြင်း မဟုတ်ဘဲ လင်ချင်းကျူ၏ အံ့မခန်း အလှတရားကို မည်သည့် အတားအဆီးမျှ မရှိဘဲ မျက်နှာချင်းဆိုင် တိုက်ရိုက်မြင်တွေ့ခဲ့ရခြင်း ဖြစ်သည်။</p> <p> </p> <p>သူမသည် တကယ်ကို ကောင်းကင်ကိုးခုနှ နတ်သမီးလေး တစ်ပါးပင်။</p> <p> </p> <p>အလှတရားနှင့် အသွင်အပြင်ကိုသာ ကြည့်မည်ဆိုလျှင် ဝူယွမ် မြင်တွေ့ဖူးသမျှ အမျိုးသမီးများ အားလုံးထဲတွင် မည်သူကမျှ သူမနှင့် မယှဉ်ပြိုင်နိုင်ပေ။</p> <p> </p> <p>“ရှင် ဘာတွေတွေးနေတာလဲ...”</p> <p> </p> <p>ယင်းဟွမ်ဟွမ်က ဝူယွမ်၏ ဘေးသို့ ရုတ်တရက် ရောက်လာပြီး မေးလိုက်လေသည်။</p> <p> </p> <p>“ငါ မင်းကို ဘာလို့ပြောပြရမှာလား...” ဝူယွမ်က ပြုံးရင်း ပြောလိုက်လေသည်။</p> <p> </p> <p>“ဟွန့်၊ ငါလည်း မသိချင်ပါဘူး...”</p> <p> </p> <p>ယင်းဟွမ်ဟွမ်က နှုတ်ခမ်းစူကာ ပြောလိုက်လေသည်။ “ဂိုဏ်းပြိုင်ပွဲက စတော့မယ်... ခေါင်းဆောင် တစ်ယောက်အနေနဲ့ တခြား ဂိုဏ်းတွေက တပည့်တွေအကြောင်း နင် လေ့လာထားပြီးပြီလား...”</p> <p> </p> <p>ဝူယွမ်က ဖြေလိုက်၏။ “ငါ တံခါးပိတ် ကျင့်ကြံနေခဲ့တာဆိုတော့ မလေ့လာရသေးဘူး... မင်းပုံစံကို ကြည့်ရတာ အတော်လေး စုံစမ်းထားပြီးပြီ ထင်တယ်... မင်းသိသမျှ အားလုံးကို မြန်မြန် ပြောပြပါဦး...”</p> <p> </p> <p>“ဟွန့်... ရှင်က အပူအပင်အကင်းဆုံးပဲ...” ယင်းဟွမ်ဟွမ်က အေးစက်စွာ နှာခေါင်းရှုံ့လိုက်လေသည်။</p> <p> </p> <p>“တကယ်လို့ မင်းရဲ့စွမ်းအားက ကြီးမားနေမယ်ဆိုရင်တော့ မင်း စိုးရိမ်စရာ မလိုပါဘူး... တကယ်လို့ မင်းစွမ်းအားက မလုံလောက်ဘူးဆိုရင် စိုးရိမ်နေလည်း အလကားပဲလေ...  </p> <p> </p> <p>“ဒါကြောင့် ပြဿနာရဲ့ အဓိက အချက်ကို ငါ ဆုပ်ကိုင်ထားလိုက်တာပါ၊ ကျင့်ကြံခြင်းက အရေးအကြီးဆုံးပဲ...”</p> <p> </p> <p>“ကောင်းပါပြီ၊ ကောင်းပါပြီ... ရှင်ပြောတာတွေအားလုံး အဓိပ္ပာယ် ရှိပါတယ်...”</p> <p> </p> <p>ယင်းဟွမ်ဟွမ်က ဆက်ပြောလေသည်။ “ဒီတစ်ခေါက် ငါတို့ အဓိက အာရုံစိုက်ရမှာက ယွမ်ဂိုဏ်းရဲ့ လူငယ်ဘုရင်သုံးပါး ဖြစ်တဲ့ ယွမ်ဘုရင်၊ ဝိညာဉ်ဘုရင်နဲ့ မိုးကြိုးဘုရင် တို့ကိုပဲ...”</p> <p> </p> <p>“သူတို့အားလုံးက ယွမ်ဂိုဏ်းရဲ့ ကြီးမြတ်တဲ့ ဂိုဏ်းချုပ်ကြီး သုံးပါးက ကိုယ်တိုင်ကိုယ်ကျ လေ့ကျင့်ပေးထားတဲ့ တပည့်တွေဖြစ်ပြီး ယွမ်ဂိုဏ်းက လူငယ်မျိုးဆက်တွေရဲ့ စွမ်းအား အထွတ်အထိပ်ကို ကိုယ်စားပြုနေကြတယ်...”</p> <p> </p> <p>“အမှန်တော့ အတိုင်းအတာ တစ်ခုအထိ ပြောရရင် အရှေ့ဘက်ရွှမ်ဒေသရဲ့ လူငယ်မျိုးဆက် တစ်ခုလုံးကို ကြည့်လိုက်ရင် သူတို့က အားအကောင်းဆုံးတွေပဲ... သေချာတာကတော့ သူတို့က ရှင်နဲ့တော့ မယှဉ်နိုင်ပါဘူး...”</p> <p> </p> <p>“ဒါပေမယ့် ရှင်ကလွဲရင် ကျွန်မတို့ တောင်ဂိုဏ်းက တခြား တပည့်တွေက သူတို့ရဲ့ ပြိုင်ဘက်တွေ မဟုတ်ဘူး...”</p> <p> </p> <p>“အဲ့ဒီ သုံးယောက်စလုံးက ဆန်းကြယ်ရှင်ခြင်းအဆင့် သိုင်းပညာရှင်တွေနဲ့ တိုက်ခိုက်ခဲ့ဖူးတယ်လို့ ဂိုဏ်းတူအစ်ကိုကြီး ဝမ်ယန်ဆီက ကျွန်မကြားဖူးတယ်... သူတို့ အနိုင်မရခဲ့ကြပေမယ့် အားလုံးက ဘေးကင်းကင်းနဲ့ ဆုတ်ခွာနိုင်ခဲ့ကြတယ်တဲ့...”</p> <p> </p> <p>“ဂိုဏ်းတူအစ်ကိုကြီး ဝမ်ယန်က လူငယ်မိုးကြိုးဘုရင် လဲ့ချန်နဲ့ တစ်ခါ တိုက်ခိုက်ခဲ့ဖူးပြီး လဲ့ချန်ရဲ့ လက်ချက်နဲ့ ပြင်းပြင်းထန်ထန် ဒဏ်ရာရခဲ့တယ်၊ သူ့လက်အောက်မှာ သေမလိုတောင် ဖြစ်ခဲ့သေးတယ်...”</p> <p> </p> <p>“ပြီးတော့ လူငယ်ဘုရင်သုံးပါးထဲမှာ လဲ့ချန်ရဲ့ စွမ်းအားက အဆင့်သုံးမှာပဲ ရှိသေးတယ်... သူ့အထက်မှာ ပိုပြီးအားကောင်းတဲ့ လူငယ်ဝိညာဉ်ဘုရင်နဲ့ လူငယ်ယွမ်ဘုရင်တို့ ရှိနေသေးတယ်...”</p> <p> </p> <p style="text-align:center">***</p> <p> </p>


Save