Book List

<h2 style="text-align: center;">အခန်း (၂၆၂)</h2> <h2 style="text-align: center;">တောင်ဂိုဏ်းမှ ထွက်ခွာခြင်း</h2> <h2 style="text-align: center;">ရှေးဟောင်း ကမ္ဘာခြားနတ်ဆိုးနယ်မြေ(၂)</h2> <h2 style="text-align: center;">*</h2> <p> </p> <p>“အခုဆိုရင် လူငယ်ယွမ်ဘုရင်နဲ့ လူငယ်ဝိညာဉ်ဘုရင်တို့က ဆန်းကြယ်ရှင်ခြင်းအဆင့်ကို ထိုးဖောက်ဝင်ရောက်သွားနိုင်ဖို့ရာ များတယ်... "</p> <p> </p> <p>“တကယ်လို့ သူတို့ သုံးယောက်သာ ပူးပေါင်းလိုက်မယ်ဆိုရင် ရှင့်အတွက် ခြိမ်းခြောက်မှုတစ်ခု ဖြစ်လာဖို့ မဖြစ်နိုင်တာတော့ မဟုတ်ဘူး... ဘာပဲဖြစ်ဖြစ် သူတို့က ယွမ်ဂိုဏ်း ဂိုဏ်းချုပ်ကြီးတွေ လေ့ကျင့်ပေးထားတဲ့ မိစ္ဆာကောင်တွေပဲလေ”</p> <p> </p> <p>သူတို့ရဲ့ အခြေခံအုတ်မြစ်တွေနဲ့ နည်းလမ်းတွေက ရှင်သတ်ခဲ့တဲ့ အဲဒီ အကြီးအကဲထက် သေချာပေါက် ပိုပြီးကြောက်စရာကောင်းမှာပဲ...”</p> <p> </p> <p>“ပြီးတော့ အတိတ်က အခြေအနေတွေအရ ယွမ်ဂိုဏ်းရဲ့ ပြိုင်ပွဲဝင်တပည့် အရေအတွက်နဲ့ သူတို့ရဲ့ ပျမ်းမျှ စွမ်းအားက ကျွန်မတိုါ တောင်ဂိုဏ်းထက် သာလွန်နေတယ်...”</p> <p>“တကယ်လို့ ရှင်က လူငယ်ဘုရင်သုံးပါးနဲ့ အလုပ်ရှုပ်နေမယ်ဆိုရင် သူတို့ဆီမှာ ဝိညာဉ်စစ်သူကြီးရှစ်ပါး ကျန်နေသေးတယ်၊ ကျန်တဲ့ သူတွေအတွက် အဲ့ဒီ ဝိညာဉ်စစ်သူကြီးရှစ်ပါးနဲ့ ကျန်နေတဲ့ ယွမ်ဂိုဏ်း တပည့်တွေကို ရင်ဆိုင်ဖို့ ခက်ခဲသွားနိုင်တယ်...”</p> <p> </p> <p>ဤနေရာသို့ ရောက်သောအခါ ယင်းဟွမ်ဟွမ်သည် အနည်းငယ် မျက်မှောင်ကြုတ်သွားခဲ့လေသည်။</p> <p> </p> <p>မူလက ဝူယွမ်သည် အကြီးအကဲကျန်းကို သတ်ဖြတ်ပြီးနောက် ဤဂိုဏ်းပြိုင်ပွဲအတွက် ယင်းဟွမ်ဟွမ်မှာ အလွန် ယုံကြည်မှု ရှိနေခဲ့ပြီး ဝူယွမ်က လူတိုင်းကို အလွယ်တကူ သတ်ဖြတ်နိုင်လိမ့်မည်ဟု ထင်မှတ်နေခဲ့၏။</p> <p> </p> <p>သို့သော် စုံစမ်းမေးမြန်းပြီးနောက်တွင် အခြေအနေများမှာ ထိုမျှမရိုးရှင်းကြောင်း သူမ တွေ့ရှိခဲ့ရသည်။ </p> <p>အဘယ်ကြောင့်ဆိုသော် လူငယ်ဘုရင်သုံးပါး၏ တိုက်ပွဲ မှတ်တမ်းများမှာ လွန်ခဲ့သော တစ်နှစ်က မှတ်တမ်းများ ဖြစ်သောကြောင့်ပင်။</p> <p> </p> <p>ယခုအခါ တစ်နှစ်ကျော် ကြာမြင့်သွားခဲ့ပြီဖြစ်ရာ သူတို့သည်လည်း ဆန်းကြယ်ရှင်ခြင်းအဆင့်သို့ ထိုးဖောက်ဝင်ရောက်သွားနိုင်ချေ များလေသည်။</p> <p> </p> <p>ထို့အပြင် ယွမ်ဂိုဏ်း၏ ဂိုဏ်းချုပ်ကြီးများ ကိုယ်တိုင်ကိုယ်ကျ သင်ကြားပေးထားသော တပည့်များအနေဖြင့် သာမန် သိုင်းပညာရှင်များနှင့် နှိုင်းယှဉ်၍ မရနိုင်ပေ။</p> <p> </p> <p>သူတို့ထံတွင် သေချာပေါက် လျှို့ဝှက်ချက်အချို့ ရှိနေမည်ဖြစ်ပြီး သူတို့၏ ကျင့်ကြံခြင်းအဆင့်အတန်းထက် ကျော်လွန်၍ တိုက်ခိုက်နိုင်စွမ်း ရှိကြပေသည်။</p> <p> </p> <p>“လူငယ်ဘုရင်သုံးပါးက ငါ့ကို အလုပ်ရှုပ်အောင် လုပ်ထားရင်တောင် စိတ်ပူစရာမလိုပါဘူး... လင်းတုန်၊ ဝမ်ယန်နဲ့ ဂိုဏ်းတူအစ်မကြီး ရှောင်ရှောင်တို့ ရှိနေသေးတယ် မဟုတ်ဘူးလား”</p> <p> </p> <p>“လင်းတုန်ရဲ့ စွမ်းအားက သူတို့ထက်တောင် သာလွန်သေးတယ်... ဒါ့အပြင် ဂိုဏ်းတူအစ်ကိုကြီးဖန်ထုံနဲ့ ဖန်းယွမ်တို့ကလည်း မဟာရှေးဟောင်းကျမ်းကို နားလည်သဘောပေါက်ထားကြပြီး သူတို့ရဲ့ စွမ်းအားကလည်း ဘယ် ဝိညာဉ်စစ်သူကြီးရှစ်ပါးထက်မှ မနိမ့်ကျပါဘူး...”</p> <p> </p> <p>ဝူယွမ်က ပြုံးရင်း သူမကို နှစ်သိမ့်စကား ပြောလိုက်လေသည်။ “ယေဘုယျအားဖြင့် ပြောရရင် အဆင့်မြင့် တိုက်ခိုက်ရေးစွမ်းအားပိုင်းမှာ ငါတို့ တောင်ဂိုဏ်းက လုံလုံလောက်လောက် အသာစီး ရနေပါသေးတယ်...”</p> <p> </p> <p>ယင်းဟွမ်ဟွမ်က တွေးကြည့်လိုက်ပြီး အနည်းငယ် စိတ်သက်သာရာ ရသွားခဲ့၏။</p> <p>အဘယ်ကြောင့်ဆိုသော် ယခင် ဂိုဏ်းပြိုင်ပွဲများတွင် တောင်ဂိုဏ်းသည် အမြဲတစေ အလွန်အမင်း ဆိုးရွားစွာ နစ်နာခဲ့ရသဖြင့် လက်ရှိ တောင်ဂိုဏ်းနှင့် ယွမ်ဂိုဏ်းကြားရှိ ကွာဟချက်မှာ အမှန်တကယ်တွင် ထိုမျှ မကြီးမားတော့ကြောင်းကို သူမ ယာယီအားဖြင့် ကောင်းစွာ လက်ခံနိုင်ခြင်း မရှိသေးသောကြောင့်ပင်။</p> <p> </p> <p>ဝူယွမ် ရောက်ရှိလာချိန်မှစ၍...</p> <p> </p> <p>ပထမဆုံးအနေဖြင့် သူသည် မဟာရှေးဟောင်းတောရိုင်းကျောက်တိုင်ကို သိမ်းပိုက်နိုင်ခဲ့သဖြင့် လူအများအပြားကို မဟာရှေးဟောင်းကျမ်းအား ရရှိနိုင်စေခဲ့သည်။ </p> <p>ထို့နောက် သူက မသေမျိုးအနှစ်သာရ ရှေးဟောင်းသစ်ပင်ကို လျင်မြန်စွာ ရင့်မှည့်လာစေရန် မဟာရှေးဟောင်းတောရိုင်းကျောက်တိုင်ကို အသုံးပြုခဲ့သဖြင့် တပည့်များအနေဖြင့် မသေမျိုးအနှစ်သာရ ဝိညာဉ်သစ်သီးများကို ရရှိလာပြီး သူတို့၏ ယေဘုယျ စွမ်းအားကို များစွာ မြှင့်တင်ပေးနိုင်ခဲ့သည်။</p> <p> </p> <p>ချင်းရဲ့၊ မုလီနှင့် ဖန်ထုံ ကဲ့သို့သော ထူးချွန်သည့် တပည့်များ အားလုံးမှာ  နိဗ္ဗာန်အဆင့် ၉ သို့ ထိုးဖောက်ဝင်ရောက်သွားကြပြီဖြစ်ကာ ယွမ်ဂိုဏ်း၏ ဝိညာဉ်စစ်သူကြီး ရှစ်ပါးနှင့် ယှဉ်ပြိုင်နိုင်စွမ်း ရှိနေကြလေပြီ။</p> <p> </p> <p>ဤသို့ ကြည့်ရမည်ဆိုလျှင် ထိပ်တန်း တိုက်ခိုက်ရေး စွမ်းအားပိုင်းတွင် သူတို့သည် ယွမ်ဂိုဏ်းထက် မည်သို့မျှ အားမနည်းတော့ပေ။</p> <p> </p> <p>ယင်းဟွမ်ဟွမ်က ဆက်ပြောလေသည်။ “တခြား စူပါဂိုဏ်းကြီး ခြောက်ခုကတော့ ယွမ်ဂိုဏ်းထက် အများကြီး အားနည်းကြတယ်...”</p> <p> </p> <p>“သေချာတာကတော့ သူတို့ရဲ့ တပည့်တွေရဲ့ ပျမ်းမျှ စွမ်းအားက ငါတို့ တောင်ဂိုဏ်းထက် အားနည်းမှာ မဟုတ်ဘူး... ဒါပေမယ့် အထူးချွန်ဆုံးကတော့ ကိုးကောင်းကင် တိုင်ချင်းနန်းတော်က လင်ချင်းကျူပဲ...”</p> <p> </p> <p>လင်ချင်းကျူ၏ နာမည်ကို ကြားလိုက်ရချိန်တွင် ဝူယွမ်၏ နှလုံးသားမှာ တင်းကြပ်သွားပြီး အနည်းငယ် စိုးရိမ်ပူပန်မှုကို ခံစားလိုက်ရလေသည်။</p> <p> </p> <p>“ငါ့အစ်မက တစ်ခါတုန်းက လင်ချင်းကျူနဲ့ တိုက်ခိုက်ခဲ့ဖူးပြီး သူမကို ရှုံးခဲ့တယ်...”</p> <p> </p> <p>“အရှေ့ဘက် ရွှမ်ဒေသရဲ့ လူငယ်မျိုးဆက်တွေကြားမှာ လင်ချင်းကျူရဲ့ ဂုဏ်သတင်းက ယွမ်ဂိုဏ်းရဲ့ လူငယ်ဘုရင် သုံးပါးထက် ဘယ်လိုမှ မနိမ့်ကျဘူး..."</p> <p> </p> <p>“သူမကိုယ်တိုင်ကလည်း ရှားပါးတဲ့ ပါရမီရှင် တစ်ယောက်ဖြစ်ပြီး ကိုးကောင်းကင် တိုင်ချင်းနန်းတော်ရဲ့ နန်းတော်သခင်က သူမကို တိုက်ရိုက်အဓိကတပည့်အဖြစ် ကိုယ်တိုင်ကိုယ်ကျ လက်ခံခဲ့တာကြာပြီ...”</p> <p> </p> <p>“သူမရဲ့ ဂုဏ်သတင်းအပြင် သူမရဲ့ စွမ်းအားကလည်း သံသယဖြစ်စရာ မလိုဘူး... လင်ချင်းကျူရဲ့ စွမ်းအားက လဲ့ချန်ထက် သေချာပေါက် သာလွန်နေပြီး လူငယ် ဝိညာဉ်ဘုရင်ထက်တောင် သာလွန်နိုင်တယ်လို့ အစ်ကိုကြီးဝမ်ယန်က ကျွန်မကို ပြောဖူးတယ်”</p> <p>“သူမက ငါတို့ အလေးအနက်ထားသင့်တဲ့ ကြောက်မက်ဖွယ်ကောင်းတဲ့ ပြိုင်ဘက် တစ်ယောက်ပဲ...”</p> <p> </p> <p>“ဒါပေမယ့် ကံကောင်းတာက ငါတို့ တောင်ဂိုဏ်းနဲ့ ကိုးကောင်းကင် တိုင်ချင်းနန်းတော်ကြားမှာ ပဋိပက္ခ သိပ်မရှိဘဲ နှစ်ဖက်စလုံးက တပည့်တွေက ယေဘုယျအားဖြင့် မတိုက်ခိုက်ကြဘူးလေ...”</p> <p> </p> <p>“လင်ချင်းကျူလား... သူမကလည်း ငါ မျှော်လင့်ထားသင့်တဲ့ ပြိုင်ဘက် တစ်ယောက်ပဲ...” ဝူယွမ် တီးတိုးရေရွတ်လိုက်လေသည်။</p> <p> </p> <p>ယင်းဟွမ်ဟွမ်က ပြောလိုက်၏။ “ရှင်က ယွမ်ဂိုဏ်းရဲ့ လူငယ်ဘုရင် သုံးပါးကို ကိုင်တွယ်ဖို့ကိုပဲ အာရုံစိုက်သင့်တယ်... လုံးဝ မလွှဲမရှောင်သာတဲ့ အခြေအနေမျိုးကလွဲရင် လင်ချင်းကျူနဲ့ တိုက်ခိုက်ဖို့ ကျွန်မအကြံမပြုချင်ဘူး...”</p> <p> </p> <p>“စိတ်မပူပါနဲ့၊ အရာအားလုံးကို ငါ ကိုင်တွယ်နိုင်ပါတယ်...”</p> <p> </p> <p>“မောက်မာတဲ့ကောင်ကြီး... ရှင့်ကို နည်းနည်း ပိုပြီး နှိမ့်ချဖို့ ကျွန်မ အကြံပေးချင်တယ်၊ လူတစ်ယောက်တည်းက ဘယ်နှစ်ယောက်လောက်အထိ ကိုင်တွယ်နိုင်မှာလဲ...”</p> <p> </p> <p>…</p> <p> </p> <p>နေ့ရက်များ တစ်ရက်ပြီးတစ်ရက် ကုန်လွန်သွားခဲ့လေသည်။</p> <p> </p> <p>ဂိုဏ်းပြိုင်ပွဲ ကျင်းပမည့်နေ့သို့ နီးကပ်လာခဲ့ပြီ ဖြစ်သည်။</p> <p> </p> <p>တောင်ဂိုဏ်းတွင် ခန်းမလေးခုမှ တပည့်များသည် သူတို့၏ သက်ဆိုင်ရာ ခန်းမသခင်များ၏ ဦးဆောင်မှုအောက်တွင် အကြီးမားဆုံး တောင်ထွတ်ပေါ်သို့ တိုးဝင်လာကြလေသည်။</p> <p> </p> <p>သူတို့သည် တောင်ထွတ်ပေါ်ရှိ ဧရာမ ရင်ပြင်ကြီးပေါ်တွင် စနစ်တကျ ရပ်နေကြ၏။</p> <p> </p> <p>တပည့်များ အားလုံးမှာ လေးနက်နေကြပြီး သူတို့၏ အကြည့်များထဲတွင် ကြောက်ရွံ့မှုနှင့် လေးစားအားကျမှုများ ပြည့်နှက်နေကာ ရင်ပြင်၏ အလယ်ဗဟိုကို ကြည့်ရှုနေကြလေသည်။</p> <p> </p> <p>ထိုနေရာတွင် တပည့် သုံးရာခန့်မှာ သပ်ရပ်စွာ ရပ်နေကြပြီး အလွန်အမင်း အားကောင်းလွန်းသော ယွမ်စွမ်းအင် လှိုင်းဂယက်များက သူတို့၏ ခန္ဓာကိုယ်များမှ လှိုင်းတံပိုးများအလား ထွက်ပေါ်လာကာ ရင်ပြင်တစ်ခုလုံးကို လွှမ်းခြုံထားခဲ့၏။</p> <p> </p> <p>ဤလူသုံးရာခန့်ထဲရှိ တစ်ဦးချင်းစီ၏ စွမ်းအားမှာ အနည်းဆုံး နိဗ္ဗာန်အဆင့် ၆ တွင်ရှိလေသည်။</p> <p> </p> <p>သူတို့သည် ခန်းမလေးခုမှ အထူးချွန်ဆုံးသော တပည့်များ ဖြစ်ကြပြီး ဤဂိုဏ်းပြိုင်ပွဲတွင် တောင်ဂိုဏ်းကို ကိုယ်စားပြုကြမည် ဖြစ်သည်။</p> <p> </p> <p>ယင်းရွှမ်းဇီသည် ရင်ပြင်၏ အလယ်ဗဟိုတွင် အဖြူရောင် ဝတ်စုံကို ဝတ်ဆင်လျက် တပည့်များစွာကို မျက်နှာမူကာ ရုတ်တရက် ထွက်ပေါ်လာခဲ့လေသည်။</p> <p> </p> <p>ယင်းရွှမ်းဇီ ပေါ်လာသည်ကို မြင်သောအခါ ရင်ပြင်မှာ ချက်ချင်းပင် တိတ်ဆိတ်သွားခဲ့၏။ လူတိုင်းက ကျက်သရေရှိပြီး နူးညံ့သိမ်မွေ့သော ဂိုဏ်းချုပ်ကြီးကို လေးစားစွာဖြင့် ကြည့်ရှုနေကြလေသည်။</p> <p> </p> <p>ယင်းရွှမ်းဇီက ပြောလိုက်လေသည်။ “မင်းတို့ အားလုံးက ငါ့ရဲ့ တောင်ဂိုဏ်းက တိုက်ရိုက် တပည့်တွေပဲ... ဂိုဏ်းပြိုင်ပွဲရဲ့ အန္တရာယ်တွေနဲ့ ရက်စက်ကြမ်းကြုတ်မှုတွေကို မင်းတို့ သိထားပြီးပြီလို့ ငါ ယုံကြည်တယ်..."</p> <p> </p> <p>“ဒီပြိုင်ပွဲက  သိုင်းပညာဖလှယ်ပွဲ တစ်ခု မဟုတ်ဘူး၊ အဲ့ဒီမှာ မင်းတို့ ယုံကြည်နိုင်တဲ့ တစ်ဦးတည်းသော သူတွေက မင်းတို့ရဲ့ ဂိုဏ်းတူညီအစ်ကို၊ မောင်နှမတွေပဲ...”</p> <p> </p> <p>“ငါ့မှာ ပြောစရာ သိပ်မရှိပါဘူး... မင်းတို့ ဘယ်နှစ်ယောက် သွားသွား၊ အဲ့ဒီအရေအတွက်အတိုင်း ပြန်လာနိုင်စေဖို့ပဲ ငါမျှော်လင့်ပါတယ်... အဲ့ဒါက အကောင်းဆုံးသော အောင်မြင်မှုပဲ ဖြစ်လိမ့်မယ်...”</p> <p> </p> <p>“ဒီဂိုဏ်းပြိုင်ပွဲမှာ ဝူယွမ်က ခေါင်းဆောင်အဖြစ် တာဝန်ယူမှာဖြစ်ပြီး ရှောင်ရှောင်၊ လင်းတုန်နဲ့ ဝမ်ယန်တို့က ဒုခေါင်းဆောင်အဖြစ်နဲ့ ကူညီပေးကြလိမ့်မယ်...”</p> <p> </p> <p>“မင်းတို့ လေးယောက်စလုံးက မင်းတို့ရဲ့ ဂိုဏ်းတူ ညီအစ်ကို မောင်နှမတွေ အားလုံးကို တစ်ယောက်မှမလျော့ဘဲ ပြန်လည်ခေါ်ဆောင်လာနိုင်ဖို့ ငါ မျှော်လင့်တယ်...”</p> <p> </p> <p>ယင်းရွှမ်းဇီက စကားပြောနေစဉ် သူ၏ အကြည့်များက အရှေ့ဆုံးတွင် ရပ်နေသော ဝူယွမ်၊ ရှောင်ရှောင်၊ လင်းတုန်နှင့် ဝမ်ယန်တို့ လေးဦးအပေါ်သို့ လေးနက်စွာ ကျရောက်သွားခဲ့လေသည်။</p> <p> </p> <p>“ဂိုဏ်းရဲ့ ယုံကြည်မှုကို ကျွန်တော်တို့ အလဟဿ မဖြစ်စေရပါဘူး...” ဝူယွမ်သညါ လက်နှစ်ဖက်ကို ယှက်ကာ လေးနက်စွာ ဖြေကြားလိုက်လေသည်။</p> <p> </p> <p>“ဒီတစ်ခေါက်တော့ ခန်းမလေးခုရဲ့ ခန်းမသခင်တွေက မင်းတို့နဲ့အတူ ကမ္ဘာခြားနတ်ဆိုး မြို့တော်အထိ လိုက်ပါလာကြလိမ့်မယ်... ကမ္ဘာခြားနတ်ဆိုး နယ်မြေထဲကို ဝင်ရောက်သွားတာနဲ့ မင်းတို့က ကိုယ့်ကိုယ်ကိုယ်ပဲ အားကိုးရတော့မယ်...”</p> <p> </p> <p>“အခု ထွက်ခွာကြတော့... တောင်ဂိုဏ်းက ငါတို့အားလုံး မင်းတို့ရဲ့ အောင်ပွဲခံ ပြန်အလာကို စောင့်မျှော်နေကြမယ်...”</p> <p> </p> <p>ယင်းရွှမ်းဇီ၏ စကားများ ပြီးဆုံးသွားသည်နှင့် ပြိုင်ပွဲဝင် တပည့်များ အားလုံးမှာ စိတ်လှုပ်ရှားသွားကြလေသည်။</p> <p> </p> <p>သူတို့သည် တောင်ဂိုဏ်းကို ကိုယ်စားပြု၍ တိုက်ပွဲဝင်ကြရတော့မည် ဖြစ်သည်။</p> <p> </p> <p>ကောင်းကင်ခန်းမ၏ ခန်းမသခင်ချီလဲ့က ချက်ချင်းပင် ရှေ့သို့ ထွက်လာပြီး အခြား ခန်းမသခင်သုံးဦးကို ဦးဆောင်ကာ ကောင်းကင်ယံသို့ ပျံတက်သွားလေသည်။</p> <p> </p> <p>ယင်းကို မြင်သောအခါ ဝူယွမ်ကလည်း လက်ကို တစ်ချက် ဝှေ့ယမ်းလိုက်၏။ ပြိုင်ပွဲဝင် တပည့် သုံးရာခန့်က သူ့နောက်မှ လိုက်ပါလာပြီး ကောင်းကင်ယံသို့ ပျံတက်သွားကြလေသည်။</p> <p> </p> <p>သူတို့ လေးဦးသည် ခန်းမသခင်လေးဦး၏ ဘေးတွင် ရပ်နေကြပြီး တပည့် သုံးရာခန့်က သူတို့၏ အနောက်တွင် သပ်ရပ်စွာ တန်းစီနေကြ၏။</p> <p> </p> <p>ကောင်းကင်ယံတွင် သူတို့သည် တစ်ပြိုင်နက်တည်း ခေါင်းငုံ့လိုက်ကြပြီး တောင်များနှင့် မြေပြင်များကိုပင် ဖုံးလွှမ်းနေသော လူအုပ်ကြီးကို ကြည့်ကာ လေးနက်စွာ လက်ယှက်၍ အရိုအသေပေးလိုက်ကြလေသည်။</p> <p> </p> <p>ခွပ်... </p> <p>ပတ်ဝန်းကျင်ရှိ တောင်ထွတ်များပေါ်တွင် ထူထပ်စွာ ပြည့်နှက်နေသော တောင်ဂိုဏ်း တပည့်များက ကောင်းကင်ယံရှိ သူတို့ထံသို့ တစ်ပြိုင်နက်တည်း လက်ယှက်၍ အရိုအသေ ပြန်ပေးလိုက်ကြ၏။ ထို့နောက် လက်ခုပ်သံများ၊ ခပ်ဩဩ ဟိန်းဟောက်သံများ တစ်ခုပြီးတစ်ခု ပဲ့တင်ထပ် ထွက်ပေါ်လာခဲ့လေတော့သည်။</p> <p> </p> <p>“ဂိုဏ်းတူ ညီအစ်ကိုတို့... ငါတို့ တောင်ဂိုဏ်းကို ပိုပြီးအားကောင်းလာအောင် လုပ်ဆောင်လာခဲ့ကြနော်...”</p> <p> </p> <p>ခပ်ဩဩ ဟိန်းဟောက်သံများက ကျယ်လောင်သော အသံကြီးနှင့်အတူ ပြန့်နှံ့သွားပြီး ကောင်းကင်ယံကို အနည်းငယ် တုန်ခါသွားစေကာ တစ်ချိန်တည်းမှာပင် လူတိုင်း၏ ကိုယ်တွင်းရှိ သွေးများကို ရုတ်တရက် ဆူပွက်လာစေခဲ့လေသည်။</p> <p> </p> <p>ဝူယွမ်က သက်ပြင်းတစ်ချက်ကို နက်နက်ရှိုင်းရှိုင်း ရှူသွင်းလိုက်၏။ ဤမြင်ကွင်းက သူ့ နှလုံးသားကို လှုပ်ရှားသွားစေခဲ့ပြီး သူ၏ ခန္ဓာကိုယ်မှာ စိတ်အားထက်သန်မှုများဖြင့် မပြည့်လျှံဘဲ မနေနိုင်အောင် ဖြစ်သွားခဲ့ရသည်။</p> <p> </p> <p>ဤသည်မှာ သူ တောင်ဂိုဏ်းကို ချစ်မြတ်နိုးရခြင်း၏ အကြောင်းအရင်းလည်း ဖြစ်ကောင်း ဖြစ်နိုင်ပေသည်။</p> <p> </p> <p>ဤသည်မှာ နွေးထွေးသော ဂိုဏ်းတစ်ခု ဖြစ်လေသည်။</p> <p> </p> <p>“ထွက်ခွာကြစို့...”</p> <p> </p> <p>ချီလဲ့၏ အကြည့်များက ပတ်ဝန်းကျင်ကို ဝေ့ကြည့်လိုက်ပြီးနောက် သူ၏ လက်ကို အောက်သို့ ချလိုက်ကာ နက်ရှိုင်းသော အသံကြီးက ပဲ့တင်ထပ်သွားခဲ့၏။ သူက</p> <p>သူက ဦးဆောင်လိုက်ပြီး သူ၏ ခန္ဓာကိုယ်က ပျောက်ကွယ်သွားကာ လျှပ်တစ်ပြက် ထွက်ခွာသွာ‌လေတော့သည်။</p> <p> </p> <p>ရွှစ်... ရွှစ်... ရွှစ်... </p> <p>အချိန်တိုလေး အတွင်းမှာပင် လေထုကို ခွင်းသွားသော အသံများ ထွက်ပေါ်လာခဲ့သည်။</p> <p> </p> <p>လူသုံးရာကျော် ပါဝင်သော အဖွဲ့ကြီးသည် လေဆင်နှာမောင်း တစ်ခုအလား တောင်ဂိုဏ်း၏ အပြင်ဘက်ဆီသို့ လျင်မြန်စွာ ပြေးထွက်သွားကြလေတော့သည်။</p> <p> </p> <p style="text-align: center;">***</p> <p> </p>


Save