Book List

<h2 style="text-align: center;">အခန်း (၂၆၃)</h2> <h2 style="text-align: center;">ကမ္ဘာခြားနတ်ဆိုးမြို့တော်သို့ ရောက်ရှိခြင်းနှင့်</h2> <h2 style="text-align: center;">ယွမ်ဂိုဏ်းတပည့်များမှ ရန်စလာခြင်း(၁)</h2> <h2 style="text-align: center;">*</h2> <p> </p> <p>ယင်းရွှမ်းဇီက ထွက်ခွာသွားသော အဖွဲ့ကို ကြည့်ရင်း သူ၏ ရင်ထဲတွင် ရှုပ်ထွေးသော ခံစားချက်များဖြင့် ပြည့်နှက်နေခဲ့လေသည်။</p> <p> </p> <p>ယခင် ဂိုဏ်းပြိုင်ပွဲတွင် သူတို့၏ တောင်ဂိုဏ်း တပည့်များမှာ အကြီးအကျယ် သေကျေပျက်စီးခဲ့ရသည် မဟုတ်ပါလား။ ဤတစ်ကြိမ်တွင်ကော ရလဒ်က မည်သို့ ဖြစ်လာမည်နည်းဟု သူ တွေးတောနေမိ၏။</p> <p> </p> <p>“ဝူယွမ်... မင်း သူတို့အားလုံးကို ဘေးကင်းကင်းနဲ့ ပြန်ခေါ်လာနိုင်ဖို့ ငါ မျှော်လင့်ပါတယ်...”</p> <p> </p> <p>ယင်းရွှမ်းဇီက တီးတိုးရေရွတ်လိုက်ပြီး သူ၏ မျက်ဝန်းများထဲတွင် နက်ရှိုင်းသော မျှော်လင့်ချက်များ ပြည့်နှက်နေခဲ့လေသည်။</p> <p> </p> <p>သူ၏ သမီးနှစ်ယောက်စလုံးက သူတို့နှင့်အတူ ပါသွားခဲ့ပြီး သူတို့၏ လုံခြုံရေးမှာ ဝူယွမ်အပေါ်တွင် မူတည်နေခဲ့လေသည်။</p> <p> </p> <p>ယင်းရွှမ်းဇီသည် ဝူယွမ်အပေါ် ယုံကြည်မှု ကြီးကြီးမားမား ရှိလေသည်။</p> <p> </p> <p>သို့သော် နောက်ဆုံးအချိန် မရောက်မချင်း သူ အပြည့်အဝ စိတ်မချနိုင်သေးပေ...။</p> <p> </p> <p>“အားလုံးပဲ... ငါ့နောက်ကို အနီးကပ်လိုက်ခဲ့ကြ၊ ငါတို့ အခု စူပါဂိုဏ်းကြီးတွေ အားလုံး စုဝေးကြမယ့် ကမ္ဘာခြားနတ်ဆိုး မြို့တော်ဆီကို သွားနေတာ..."</p> <p> </p> <p>“တခြား စူပါဂိုဏ်းကြီးတွေက အဖွဲ့တွေလည်း ခရီးစဉ် စတင်လောက်ပြီလို့ ငါထင်တယ်၊ မကြာခင် ကမ္ဘာခြားနတ်ဆိုးမြို့တော်မှာ ငါတို့ သူတို့နဲ့ ဆုံရလိမ့်မယ်...”</p> <p> </p> <p>ချီလဲ့က အရှေ့မှ ပျံသန်းနေပြီး သူ၏ အသံက အနောက်ဘက်ရှိ ပြိုင်ပွဲဝင် တပည့်များထံသို့ ပျံ့လွင့်သွားခဲ့လေသည်။</p> <p> </p> <p>ကမ္ဘာခြားနတ်ဆိုးနယ်မြေသည် အရှေ့ဘက် ရွှမ်ဒေသ၏ အလယ်ဗဟိုပိုင်းတွင် တည်ရှိပြီး ဤနယ်မြေကို အရှေ့ဘက် ရွှမ်းဒေသတွင် အလွန် ကျော်ကြားသော နေရာတစ်ခုအဖြစ် သတ်မှတ်ထားကြ၏။</p> <p> </p> <p>ကောင်းကင်နှင့် မြေကြီးကြားရှိ ရှေးဟောင်း စစ်ပွဲကြီးမှာ ယနေ့ခေတ် လူများအတွက် အလွန် ဝေးကွာလွန်းလှပေသည်။</p> <p> </p> <p>ထိုကဲ့သို့သော ကမ္ဘာကြီးကိုပင် တုန်လှုပ်သွားစေသည့် စစ်ပွဲကြီး ဖြစ်ပွားခဲ့ရခြင်း၏ အကြောင်းရင်းကို သူတို့ အတိအကျ မသိရှိကြပေ။ </p> <p>သို့သော် ဤကမ္ဘာခြားနတ်ဆိုးနယ်မြေ အတွင်းတွင် မရေမတွက်နိုင်သော အားကောင်းသည့် ရှေးဟောင်း သိုင်းပညာရှင်ကြီးများ ကျဆုံးခဲ့ကြပြီး အလွန်အမင်း အန္တရာယ်များလှသော နယ်မြေပေါ်တွင် ဆွဲဆောင်မှုရှိသော ရှေးဟောင်းရတနာများနှင့် အမွေအနှစ်များ ဖုံးကွယ်နေကြောင်းကိုတော့ သူတို့ သိရှိထားကြလေသည်။</p> <p> </p> <p> </p> <p>ထိုကဲ့သို့သော နေရာမျိုးမှာ အလွန် လူကြိုက်များပြီး ရတနာများကို ရှာဖွေရန်အတွက် နေ့စဉ် လူအများအပြား ဝင်ရောက်လာကြ၏။</p> <p> </p> <p>အကယ်၍ ရတနာကောင်း တစ်ခုကိုသာ ရှာတွေ့နိုင်မည်ဆိုပါက သူတို့၏ ဘဝမှာ ချက်ချင်းပင် တိုးတက်သွားနိုင်ပေသည်။</p> <p> </p> <p>ကမ္ဘာခြားနတ်ဆိုး နယ်မြေ၏ ပတ်ဝန်းကျင်တွင် မြို့များစွာ ပေါ်ပေါက်လာခဲ့သော်လည်း ထိုမြို့များအနက် အကျော်ကြားဆုံးမှာ ကမ္ဘာခြားနတ်ဆိုး မြို့တော်ပင် ဖြစ်လေသည်။</p> <p> </p> <p>ရွှစ်... ရွှစ်... ရွှစ်... </p> <p>တောင်ဂိုဏ်းအဖွဲ့သည် ကောင်းကင်ယံမှနေ၍ ကမ္ဘာခြားနတ်ဆိုး မြို့တော်ဆီသို့ အလျင်စလို ပျံသန်းနေကြ၏။</p> <p> </p> <p>ဝူယွမ်က ကောင်းကင်ယံတွင် မြင့်မားစွာ ပျံသန်းနေပြီး မြေပြင်ကျယ်ကြီး တစ်ခုလုံးကို ငုံ့ကြည့်နေခဲ့လေသည်။ </p> <p>ကမ္ဘာခြားနတ်ဆိုးနယ်မြေ အတွင်းသို့ ဝင်ရောက်ပြီးနောက် ဤနယ်မြေရှိ မြေပြင်၏ အရောင်မှာ ပြောင်းလဲသွားပြီး မည်းမှောင်သော အရောင်အဖြစ်သို့ ပြောင်းလဲသွားခဲ့၏။</p> <p> </p> <p>ဤမည်းမှောင်သော အရောင်မှာ ကမ္ဘာခြားနတ်ဆိုးနယ်မြေ၏ နက်ရှိုင်းသော နေရာအထိ တည်ရှိသွားပြီး ပိုနက်ရှိုင်းစွာ ဝင်ရောက်သွားလေလေ အရောင်မှာ ပိုရင့်လာလေလေပင် ဖြစ်သည်။</p> <p> </p> <p>ထိုမှောင်မိုက်မှုမှာ အဝေးရှိ ကောင်းကင်ယံနှင့် ဆက်သွယ်နေသကဲ့သို့ ဖြစ်နေပြီး လူများကို ဖိနှိပ်မှု ခံစားရစေသည့် အနက်ရောင် တွင်းပေါက်ကြီး တစ်ခုကို ဖန်တီးပေးနေခဲ့လေသည်။</p> <p> </p> <p>ဝူယွမ်သည် ကမ္ဘာခြားနတ်ဆိုးများနှင့် ထိတွေ့ဖူးပြီး နတ်ဆိုးစွမ်းအင်များကို ကိုယ်တိုင်ကိုယ်ကျ ကြုံတွေ့ခဲ့ဖူးသဖြင့် ဤအရောင်မှာ နတ်ဆိုးစွမ်းအင်များ သောင်းကျန်းပြီးနောက် ဖြစ်ပေါ်လာသော အရောင်ဖြစ်ကြောင်းကို သူ သိရှိထားလေသည်။</p> <p> </p> <p>နယ်မြေအပြင်ဘက်မှ ထိုမှောင်မိုက်ပြီး မကောင်းဆိုးဝါးဆန်သော သတ္တဝါများသည် ဤကမ္ဘာကြီးထံသို့ ဖျက်ဆီးခြင်းမှလွဲ၍ မည်သည့်အရာကိုမှ ယူဆောင်မလာခဲ့ကြပေ။</p> <p> </p> <p>လက်ရှိ ကမ္ဘာခြားနတ်ဆိုးနယ်မြေသည် ကောင်းကင်နှင့် မြေကြီးကြားရှိ ကြီးကျယ်ခမ်းနားသော ရှေးဟောင်း စစ်ပွဲကြီးတစ်ခု၏ စစ်တလင်း ဖြစ်ခဲ့ပြီး များပြားလွန်းသော ကမ္ဘာခြားနတ်ဆိုးများသည် ၎င်းအောက်တွင် ပုန်းအောင်းနေဆဲ ဖြစ်နိုင်ပေသည်။</p> <p> </p> <p>သူတို့ ကမ္ဘာခြားနတ်ဆိုး မြို့တော်သို့ နီးကပ်လာသည်နှင့်အမျှ သူတို့၏ ပတ်ဝန်းကျင်တွင် အခြား အဖွဲ့အချို့ ပေါ်လာပြီး အလွန်အမင်း ဆူညံပွက်လောရိုက်လာခဲ့လေသည်။</p> <p> </p> <p>တောင်ကြီးတစ်တောင်ကို ဖြတ်ကျော်သွားပြီးနောက် ထိုတောင်ကြီး၏ အနောက်ဘက်တွင် အဆုံးအစမမြင်နိုင်အောင် ကျယ်ပြန့်သော အနက်ရောင် ဧရာမမြို့တော်ကြီး ရှိနေလေသည်။</p> <p> </p> <p>၎င်းမှာ အထီးကျန်စွာ ခွေရစ်နေသော ရှေးဟောင်း နဂါးနက်ကြီး တစ်ကောင်အလား လောကဓံနှင့် အေးစက်သော အရှိန်အဝါတစ်ခုကို ထုတ်လွှတ်နေခဲ့၏။</p> <p> </p> <p>ကမ္ဘာခြားနတ်ဆိုးမြို့တော် အတွင်းသို့ အဝင်အထွက် ပြုလုပ်နေကြသော လူအရေအတွက်မှာ အလွန်များပြားလှပြီး အဝေးမှ ကြည့်မည်ဆိုလျှင် ကောင်းကင်ယံတွင် ပျံသန်းနေသော ကျိုင်းကောင်အုပ်ကြီး တစ်အုပ်အလား ထင်မှတ်ရလေသည်။</p> <p> </p> <p>သို့သော် တောင်ဂိုဏ်းကဲ့သို့ လူရာပေါင်းများစွာ တစ်ပြိုင်နက်တည်း ရောက်ရှိလာသော အဖွဲ့များမှာမူ လူနည်းစုသာ ဖြစ်နေဆဲပင်။</p> <p> </p> <p>ထို့ကြောင့် သူတို့ ကမ္ဘာခြားနတ်ဆိုး မြို့တော်သို့ နီးကပ်လာသည်နှင့်တစ်ပြိုင်နက် မရေမတွက်နိုင်သော အကြည့်များစွာကို ချက်ချင်းပင် ဖမ်းစားသွားခဲ့လေသည်။</p> <p> </p> <p>စူပါဂိုဏ်းကြီး ရှစ်ခုမှာ ဤနေရာတွင် လူသိများ ကျော်ကြားပြီး ဖြစ်သည်။ သူတို့ ရောက်ရှိလာသည်နှင့်တစ်ပြိုင်နက် တစ်စုံတစ်ယောက်က သူတို့ မည်သူမည်ဝါဖြစ်ကြောင်းကို မှတ်မိသွားခဲ့၏။</p> <p> </p> <p>“တောင်ဂိုဏ်းက လူတွေ ရောက်လာပြီ...”</p> <p> </p> <p>“ဆန်းကြယ်ရှင်ခြင်းအဆင့် အထွတ်အထိပ်က အားကောင်းတဲ့ သိုင်းပညာရှင် လေးယောက်တောင် သူတို့ကို ဦးဆောင်လာတယ်၊ အထင်ကြီးစရာပဲ...”</p> <p> </p> <p>“ဒီမျိုးဆက်ရဲ့ တောင်ဂိုဏ်း တပည့်တွေကကော ဘယ်လို စွမ်းဆောင်နိုင်မလဲဆိုတာ သိချင်လိုက်တာ... ပြီးခဲ့တဲ့ တစ်ခေါက်တုန်းက သူတို့ အရမ်း ဒုက္ခရောက်ခဲ့ရတာကို ငါ မှတ်မိသေးတယ်"</p> <p> </p> <p>“ယွမ်ဂိုဏ်းရဲ့ သတ်ဖြတ်တာကို ခံရပြီး သနားစရာကောင်းလောက်အောင် လူဒါဇင် အနည်းငယ်လောက်ပဲ ကျန်ခဲ့တာလေ...”</p> <p> </p> <p>“တောင်ဂိုဏ်းနဲ့ ယွမ်ဂိုဏ်းကြားက ကွာဟချက်က ကြီးမားလွန်းနေတုန်းပါပဲ... ယွမ်ဂိုဏ်းရဲ့ လူငယ်ဘုရင်သုံးပါးနဲ့ ဝိညာဉ်စစ်သူကြီးရှစ်ပါးက ထိပ်တန်း တပည့်တွေဖြစ်ပြီး အရှေ့ဘက် ရွှမ်းဒေသမှာ ဂုဏ်သတင်း ကြီးမားနေတာ ကြာပြီလေ၊ လူငယ်မျိုးဆက်တွေထဲမှာ သူတို့ရဲ့ ပြိုင်ဘက်ဆိုတာ သိပ်မရှိဘူး...”</p> <p> </p> <p>“ဝရမ်းစာရင်းမှာ အဆင့်လေးနေရာက ယောင်းလင်းကို သတ်ခဲ့တဲ့ ဝူယွမ် ဆိုတဲ့သူ တစ်ယောက် ရှိတယ်လို့ ငါ ကြားဖူးတယ်... ဒါပေမယ့် သူက ဝိညာဉ်စစ်သူကြီး အဆင့်မှာပဲ ရှိသေးတော့ သူ့နဲ့ လူငယ်ဘုရင်သုံးပါးကြားမှာ သေချာပေါက် ကွာဟချက် တစ်ခုတော့ ရှိနေဦးမှာပဲ...”</p> <p>…</p> <p>ပတ်ဝန်းကျင်ရှိ လူများမှာ တီးတိုး ဆွေးနွေးနေကြလေသည်။ တောင်ဂိုဏ်းနှင့် ယွမ်ဂိုဏ်းကြားရှိ ရန်ငြိုးများမှာ အရှေ့ဘက် ရွှမ်ဒေသတွင် လျှို့ဝှက်ချက် တစ်ခု မဟုတ်တော့ပေ။</p> <p> </p> <p>သို့သော်ငြားလည်း ဤလူများ၏ ဝူယွမ်နှင့် ပတ်သက်သော နားလည်မှုမှာ ယောင်းလင်းကို သတ်ဖြတ်နိုင်ခဲ့သည့် သူ၏ အောင်မြင်မှုအပေါ်တွင်သာ အခြေခံနေဆဲပင် ဖြစ်သည်။</p> <p> </p> <p>ဆန်းကြယ်ရှင်ခြင်းအဆင့်သို့ ယခုလေးတင် ထိုးဖောက်ဝင်ရောက်သွားခဲ့သော ဟုန်ယာတုန်မှ အကြီးအကဲ တစ်ဦးကို အနိုင်ယူခဲ့သည့် သူ၏ စွမ်းဆောင်ရည် အကြောင်းမှာမူ ပြန့်နှံ့သွားခဲ့ခြင်း မရှိပေ။</p> <p> </p> <p>ဟုန်ယာတုန်သည် မျက်နှာပျက်မည်ကို စိုးရိမ်သဖြင့် ထိုကဲ့သို့သော အရှက်ရဖွယ် ကိစ္စမျိုးကို လူသိရှင်ကြား မထုတ်ပြန်ခဲ့ပေ။ တောင်ဂိုဏ်း နယ်မြေအတွင်းရှိ သူများသာလျှင် ဝူယွမ်၏ စွမ်းဆောင်ရည်ကို သိရှိထားကြလေသည်။</p> <p> </p> <p>ထို့နောက်ပိုင်းတွင် အကြီးအကဲကျန်းနှင့် ဝိညာဉ်စစ်သူကြီး နှစ်ဦးကို သတ်ဖြတ်ခဲ့သည့် ကိစ္စကိုမူ သိရှိသူ အလွန် နည်းပါးလှပေသည်။</p> <p> </p> <p>ဤဆွေးနွေးမှုများကို ကြားလိုက်ရသောအခါ တောင်ဂိုဏ်း တပည့်များ အားလုံးမှာ အလွန် မသက်မသာ ဖြစ်သွားကြလေသည်။</p> <p> </p> <p>သို့သော် သူတို့အားလုံးက ဝူယွမ်၏ စွမ်းအားကို သိရှိထားကြပြီး ဤဂိုဏ်းပြိုင်ပွဲအတွက် ယုံကြည်မှု အချို့ ရှိနေကြကာ ယွမ်ဂိုဏ်းတပည့် အချို့ကို ထပ်မံ သတ်ဖြတ်နိုင်ရန် မျှော်လင့်နေကြလေသည်။</p> <p> </p> <p>သူတို့ ဆင်းသက်လိုက်သည်နှင့် ခပ်လှမ်းလှမ်းရှိ ကောင်းကင်ယံမှ လေထုကို ခွင်းလာသော အသံများ ထွက်ပေါ်လာပြီး လူများစွာ၏ အမြင်အာရုံထဲသို့ များပြားလှသော လူရိပ်များ ရောက်ရှိလာခဲ့၏။</p> <p> </p> <p>“ရုပ်သေးတစ်သောင်းဂိုဏ်းပဲ...” ဝမ်ယန်က မျက်မှောင်ကြုတ်ကာ ပြောလိုက်လေသည်။</p> <p> </p> <p>ရုပ်သေးတစ်သောင်းဂိုဏ်းသည်လည်း စူပါဂိုဏ်းကြီး ရှစ်ခုထဲမှ တစ်ခု ဖြစ်လေသည်။</p> <p> </p> <p>ဝူယွမ်သည် ဤဂိုဏ်းနှင့် ပတ်သက်၍ များစွာ မသိထားခဲ့သော်လည်း ၎င်းမှာ မဟာယန် ပြည်ထောင်စုတွင် သူ ဖျက်ဆီးပစ်ခဲ့သော ယင်ရုပ်သေးဂိုဏ်းနှင့် ဆင်တူလှပေသည်။</p> <p> </p> <p>၎င်းမှာ ယင်ရုပ်သေးဂိုဏ်း၏ အဆင့်မြှင့်တင်ထားသော ဗားရှင်းတစ်ခုမျှသာ ဖြစ်လေသည်။</p> <p> </p> <p>သောင်းချီရုပ်သေးဂိုဏ်း၏ တပည့်များ အားလုံးသည် သူတို့၏ ကိုယ်ပိုင် ရုပ်သေးရုပ်များကို ပိုင်ဆိုင်ထားကြပြီး တိုက်ခိုက်ရေး ပုံစံမှာ အမြဲလိုလို နှစ်ယောက် တစ်ယောက် တိုက်ခိုက်ခြင်းမျိုး ဖြစ်လေသည်။</p> <p> </p> <p>“အရှေ့ဆုံးမှာ ရပ်နေတဲ့ ကောင်က ရုပ်သေးတစ်သောင်းဂိုဏ်းရဲ့ လူငယ်မျိုးဆက်တွေထဲမှာ အထူးချွန်ဆုံးဖြစ်တဲ့ နတ်ဆိုးရုပ်သေး ကွေ့လီပဲ...”</p> <p> </p> <p>ဝမ်ယန်၏ အကြည့်အတိုင်း လိုက်ကြည့်လိုက်ရာ မီးခိုးရောင် ဝတ်ရုံနှင့် အကြီးအကဲနှစ်ဦး၏ အနောက်တွင် မတ်မတ် ရပ်နေပြီး ခံစားချက်ကင်းမဲ့သော မျက်နှာထားရှိသည့် မီးခိုးရောင် ဝတ်စုံနှင့် လူငယ် တစ်ဦးကို မြင်တွေ့လိုက်ရလေသည်။</p> <p> </p> <p>ထိုလူငယ်၏ မျက်နှာမှာ ဖြူရော်နေပြီး သူ၏ ခန္ဓာကိုယ်မှ အေးစက်သော လှိုင်းဂယက်တစ်ခု ထွက်ပေါ်နေခဲ့၏။ သူ၏ အရှိန်အဝါအရ သူသည်လည်း နိဗ္ဗာန်အဆင့် ၉ သို့ ရောက်ရှိနေပြီ ဖြစ်သည်။</p> <p> </p> <p>“ကွေ့လီရဲ့ မူလ ဝိညာဉ်ရုပ်သေးကလည်း နိဗ္ဗာန်အဆင့် ၉ ကို ရောက်နေပြီ...” ကွေ့လီကို ရင်ဆိုင်ရာတွင် အတော်လေး ဖိအားခံစားနေရသည်မှန်း ထင်ရှားလှသော ဝမ်ယန်က တီးတိုးရေရွတ်လိုက်လေသည်။</p> <p> </p> <p>နှစ်ယောက် တစ်ယောက် တိုက်ခိုက်ခြင်း ဖြစ်သဖြင့် ကျင့်ကြံခြင်း အဆင့်တူသူများကြားတွင် သူ့ကို အနိုင်ယူနိုင်ရန်မှာ မည်သူ့အတွက်မဆို ခက်ခဲလှပေသည်။</p> <p> </p> <p>ဤအချိန်တွင် ရုပ်သေးတစ်သောင်းဂိုဏ်းမှ လူများသည်လည်း တောင်ဂိုဏ်း ဘက်ကို အကဲခတ်နေကြလေသည်။ ကွေ့လီ၏ အကြည့်များက ဝူယွမ်နှင့် ဆုံတွေ့သွားခဲ့၏။</p> <p> </p> <p> သူသည်လည်း ဝိညာဉ်စွမ်းအင်ကို ကျင့်ကြံသူ တစ်ဦးဖြစ်ပြီး ဝူယွမ်ထံမှ ကြီးမားသော ခြိမ်းခြောက်မှုတစ်ခုကို ခံစားနေရပုံရသည်။ သူက ဝူယွမ်ကို စူးစမ်းရန် အေးစက်သော စွမ်းအားတစ်ခုကို မရည်ရွယ်ဘဲ ပစ်လွှတ်လိုက်မိလေသည်။</p> <p> </p> <p>သို့သော် ထိုစွမ်းအားမှာ ဝူယွမ်၏ အနီးသို့ပင် မရောက်မီမှာပင်  ဘာမှမဟုတ်သော အရာတစ်ခုအဖြစ်သို့ တိုက်ရိုက်ပြောင်းလဲသွားပြီး အရိပ်အယောင်မျှပင် မကျန်ရစ်ဘဲ ပျောက်ကွယ်သွားခဲ့၏။</p> <p> </p> <p>ကွေ့လီ၏ မျက်နှာအမူအရာမှာ ပြောင်းလဲသွားခဲ့လေသည်။ ဤထူးဆန်းသော ဝိညာဉ်စွမ်းအင် အသုံးပြုမှုက ဝူယွမ်၏ ဝိညာဉ်စွမ်းအင်ကျွမ်းကျင်မှုမှာ သူ့ထက် များစွာ သာလွန်နေကြောင်းကို သက်သေပြနေခြင်းပင် ဖြစ်သည်။</p> <p> </p> <p>“ယင်းရှောင်ရှောင်နဲ့ ဝမ်ယန်တို့ အပြင် တောင်ဂိုဏ်းမှာ ဒီလောက် အားကောင်းတဲ့ တပည့်တစ်ယောက် ရှိနေသေးတယ်လို့ ငါ မထင်ထားခဲ့မိဘူး... သူက ဝူယွမ်ပဲ ဖြစ်ရမယ်...”</p> <p> </p> <p>ကွေ့လီ၏ မျက်လုံးများမှာ မကောင်းဆိုးဝါးဆန်သွားပြီး သူက ချက်ချင်းပင် သတိထားလာကာ တောင်ဂိုဏ်းနှင့် ပဋိပက္ခမဖြစ်ရန် ရှောင်ရှားရမည်ဟု တွေးလိုက်လေသည်။</p> <p> </p> <p>နှစ်ဖက်စလုံးက အချင်းချင်း တစ်ချက်သာ ဝေ့ကြည့်လိုက်ကြပြီးနောက် အသီးသီး မြို့ထဲသို့ ဝင်ရောက်သွားကြလေသည်။</p> <p> </p> <p>ချီလဲ့က သူတို့ကို ယာယီ နေထိုင်ရန်အတွက် စံအိမ်ကြီးတစ်ခုဆီသို့ ခေါ်ဆောင်သွားခဲ့၏။</p> <p> </p> <p>ကမ္ဘာခြားနတ်ဆိုး မြို့တော်သည်လည်း အလွန် ထူးခြားသော မြို့တစ်မြို့ ဖြစ်လေသည်။ နေရာချထားပြီးနောက် တပည့်များ အားလုံးက မြို့ထဲသို့ ထွက်၍ လေ့လာစူးစမ်းလိုနေကြလေသည်။</p> <p> </p> <p>သို့သော် ထိုနေရာတွင် လူပေါင်းစုံ ရောနှောနေသဖြင့် အပြင်ထွက်မည့် တပည့်များအနေဖြင့် တစ်ယောက်တည်း မသွားဘဲ အဖွဲ့လိုက်သွားကြရန် ချီလဲ့က ညွှန်ကြားလိုက်လေသည်။</p> <p> </p> <p>ယင်းဟွမ်ဟွမ်က ချက်ချင်းပင် ဝူယွမ်ကို လာရှာလေသည်။ “ကမ္ဘာခြားနတ်ဆိုး မြို့တော်ရဲ့ ရတနာရှာဖွေရေး နယ်မြေက အရမ်း စိတ်ဝင်စားဖို့ ကောင်းတယ်၊ ငါတို့ အတူတူ သွားကြည့်ရအောင်...”</p> <p> </p> <p>“ရတနာရှာဖွေရေး နယ်မြေလား...”</p> <p> </p> <p>ဝူယွမ်က ယင်းဟွမ်ဟွမ်နှင့်အတူ အပြင်ထွက်ရန် သဘောတူတော့မည့် အချိန်တွင် သူ၏ ချစ်လှစွာသောကို လင်းတုန်ကို ကြည့်လိုက်မိပြီး ရုတ်တရက် ပြောဆိုလိုက်လေသည်။</p> <p> </p> <p>“မင်းက မင်းရဲ့ အစ်မကြီးနဲ့ အတူတူ နေနေတာ မဟုတ်ဘူးလား၊ အပြင်ထွက်ရင် ဘာလို့ မင်းအစ်မကိုပါ မခေါ်တာလဲ... သွား၊ မင်းအစ်မကိုပါ သွားခေါ်၊ ငါတို့ အတူတူ ထွက်ကြတာပေါ့...”</p> <p> </p> <p> “ငါကလည်း မင်းအစ်မကို မေးစရာ တစ်ခု ရှိနေတာနဲ့ အတော်ပဲ၊ ကမ္ဘာခြားနတ်ဆိုးနယ်မြေ အကြောင်းကို သူမက ငါ့ထက် ပိုသိတယ်လေ...”</p> <p> </p> <p>“ကောင်းပြီ...”</p> <p> </p> <p>ယင်းဟွမ်ဟွမ်က သူတို့နှစ်ဦးကို ယင်းရှောင်ရှောင်၏ နေရာသို့ ခေါ်သွားပြီး ယင်းရှောင်ရှောင်ကို ခေါ်ကာ သူတို့အားလုံး အတူတကွ ဈေးဝယ်ထွက်ခဲ့ကြလေသည်။</p> <p> </p> <p style="text-align: center;">***</p> <p> </p>


Save