Book List

<h2 style="text-align: center;">အခန်း ၉၂</h2> <h2 style="text-align: center;">*</h2> <p> </p> <p>နင်ချန်းယွီနှင့် ရွှီချင်းကျိုးတို့ ထွက်ခွာသွားပြီးနောက်...</p> <p>ချန်ကျီရှင်းသည် ခန်းမဆောင်ကြီးအတွင်း၌ ဆက်လက်ရှိနေခဲ့သည်။ အမှန်စင်စစ် ဆက်လက်နေထိုင်ရန် အကြောင်းရင်းမရှိတော့သဖြင့် မူးယစ်နေကြသော ရွှီမိသားစုဝင်များကို ခေါင်းညိတ်နှုတ်ဆက်ကာ အဓိကတောင်ထိပ်ရှိ ခန်းမဆောင်ကြီးမှ ထွက်ခွာလာခဲ့သည်။</p> <p>မျက်တောင်တစ်ခတ်အတွင်းမှာပင် သုံးရက်တာ အချိန်ကာလမှာ ကုန်လွန်သွားခဲ့ပြီ ဖြစ်သည်။</p> <p>ထိုက်ချူ သန့်စင်သောမြေနှင့် ချန်ယန်အကယ်ဒမီတို့မှ အဖွဲ့အစည်းများ ရောက်ရှိမလာသေးသဖြင့် တာအိုဆွေးနွေးပွဲမှာလည်း စတင်နိုင်ခြင်း မရှိသေးပေ။ ထို့ကြောင့် ဇီဝေချန်မိသားစုမှ အကြီးအကဲများသည် ရွှီမိသားစုဝင်များကို လိုက်လံပို့ဆောင်ပေးနေပြီး တစ်ဖက်တွင်လည်း ရွှီမိသားစု၏ မျိုးဆက်သစ်များနှင့် ချန်မိသားစု၏ တပည့်သစ်များကို အချင်းချင်း ပညာစမ်းခိုင်းထားကြသည်။</p> <p>ဤကိစ္စများမှာ ချန်ကျီရှင်းနှင့် ဘာမျှမသက်ဆိုင်ပေ။ သို့သော်လည်း နင်ချန်းယွီမှာမူ ဤသုံးရက်အတွင်း မည်သည့်လှုပ်ရှားမှုမျှ မရှိဘဲ တိတ်ဆိတ်နေခြင်းမှာ အတော်လေး ထူးဆန်းနေသည်။ ဤအချက်ကြောင့်ပင် မူလက စိတ်ဝင်တစားရှိနေသော ချန်ကျီရှင်းမှာ အနည်းငယ် စိတ်ပျက်သွားရသည်။</p> <p>အမှန်စင်စစ် ချန်ကျီရှင်းသည် မိန်းမလိုက်စားသူ မဟုတ်သကဲ့သို့ အမျိုးသားနှင့် အမျိုးသမီးကြား ကိစ္စရပ်များကိုလည်း ရှောင်ဖယ်ခြင်း သို့မဟုတ် အတင်းအဓမ္မ လိုက်လံရှာဖွေခြင်းမျိုး မရှိဘဲ အေးအေးဆေးဆေးသာ သဘောထားသူ ဖြစ်သည်။ သူ၏ သဘောထားမှာ ရေစီးရာအတိုင်း မျှောလိုက်ခြင်းဟုပင် ပြောနိုင်သည်။</p> <p>သူ အနည်းငယ် သိချင်နေသည်မှာ...</p> <p>ယခုအခါ ဝိညာဉ်အသွင်ပြောင်းနယ်ပယ်မျှသာရှိသော နင်ချန်းယွီသည် ဝိညာဉ်ခရီးသွား</p> <p>နယ်ပယ်တွင်ရှိနေသည့် ရွှီချင်းကျိုးကို သူ၏အိပ်ရာပေါ်သို့ ရောက်အောင် ဘယ်လိုနည်းလမ်းဖြင့် ပို့ဆောင်ပေးမလဲ ဆိုသည့်အချက်ပင်။ ပွင့်ပွင့်လင်းလင်း ပြောရလျှင် ချန်ကျီရှင်း ကိုယ်တိုင်ပင် မည်သည့်နည်းလမ်း ရှိနိုင်မည်ကို စဉ်းစားမရပေ။</p> <p>တတိယတောင်ထိပ်၊ လျှို့ဝှက်ခန်းမအတွင်းဝယ်...</p> <p>"ငါးရာ့တစ်ဆယ်မြောက် အပေါက်ကတော့ နောက်ဆုံးမှာ ပြီးသွားပြီ"</p> <p>ချန်ကျီရှင်းသည် အသက်ကို ပြင်းပြင်းရှူထုတ်လိုက်ရာ သူ၏ခန္ဓာကိုယ် အပေါက်များမှ ထွက်ပေါ်နေသော တောက်ပသည့် ကြယ်တာရာအလင်းတန်းများမှာ တဖြည်းဖြည်း တည်ငြိမ်သွားတော့သည်။ ဤသုံးရက်အတွင်း ချန်ကျီရှင်းသည် လျှို့ဝှက်ခန်းမ၌ နွားနတ်ဆိုး ကြယ်တာရာ အသွင်ပြောင်းကျမ်းကို ကျင့်ကြံနေခြင်း ဖြစ်သည်။ ဤကျင့်စဉ်မှာ သူ၏ ခွန်အားတာအိုအတွက် အရင်းအမြစ်ဖြစ်ရာ သူသည် ကျင့်ကြံခြင်းကို လက်လွှတ်မည် မဟုတ်ပေ။</p> <p>သို့သော် ဤကျင့်စဉ်ကို ဆက်လက်ကျင့်ကြံလေလေ ပို၍ ခက်ခဲလာလေလေ ဖြစ်သည်။</p> <p>ကြယ်တာရာ အသွင်ပြောင်းခြင်း ဂါထာကို တီထွင်ခဲ့သူသည်ပင် အထွတ်အထိပ်နယ်ပယ်သို့ မရောက်ရှိမီ ကြယ်တာရာအပေါက် ၆၀၀ မျှသာ ဖော်ဆောင်နိုင်ခဲ့ပြီး ဆက်လက်မလုပ်ဆောင်နိုင်ခဲ့သည့် အကြောင်းရင်းကို ချန်ကျီရှင်း နားလည်သွားခဲ့ပြီ ဖြစ်သည်။</p> <p>အဘယ်ကြောင့်ဆိုသော် ၎င်းသည် ခန္ဓာကိုယ်ကြံ့ခိုင်မှုအပေါ် တောင်းဆိုချက် အလွန်မြင့်မားလွန်း သောကြောင့်ပင်။</p> <p>ကြယ်တာရာအင်အားစုများကို အပေါက်တစ်ခုအတွင်းသို့ စုစည်းရန်အတွက် ခန္ဓာကိုယတာအိုတွင် အထွတ်အထိပ်ရောက်နေသူပင်လျှင် ကြယ်တာရာအင်အားစုများ ပြည့်နှက်နေသည့် အပေါက်ပေါင်း ၇၂၀ ၏ ဒဏ်ကို ခံနိုင်ရည်ရှိမည် မဟုတ်ပေ။ ထို့ပြင် ချန်ကျီရှင်း၏ ကျင့်စဉ်တွင် နွားနတ်ဆိုးခွန်အားပါ ပေါင်းစပ်ထားသဖြင့် ခန္ဓာကိုယ်အပေါ် ဝန်ထုပ်ဝန်ပိုးမှာ အဆပေါင်းများစွာ ပိုမိုကြီးမားနေခြင်းပင်။</p> <p>အကယ်၍သာ ၎င်းကျင့်စဉ်ထဲတွင် ခန္ဓာကိုယ်၏ ကြံ့ခိုင်မှုကို မြှင့်တင်ပေးသည့် အကြိမ်တစ်ရာ သန့်စင်သော ရွှေခန္ဓာကျမ်းသာ ပါဝင်မနေခဲ့လျှင် ချန်ကျီရှင်းမှာ ဆက်လက်ကျင့်ကြံနိုင်တော့မည် မဟုတ်ပေ။</p> <p>"ခန္ဓာကိုယ်က သူ့ရဲ့ အကန့်အသတ်ကို ရောက်သွားတဲ့အခါ ကြယ်တာရာအပေါက် တစ်ခုတိုးလိုက်တိုင်းက ကုလားအုတ်ကျောပေါ် နောက်ဆုံးတင်လိုက်တဲ့ ကောက်ရိုးတစ်မျှင်လိုပဲ ဒဏ်မခံနိုင်တော့ဘူး"</p> <p>"ဒီအတိုင်းသာ ဆက်သွားရင် နောက်ထပ် အပေါက်အနည်းငယ် ဖော်ဆောင်ပြီးတာနဲ့ ငါ့ရဲ့ အကန့်အသတ်ကို ရောက်သွားပြီး ရှေ့ဆက်ဖို့ မဖြစ်နိုင်တော့ဘူး"</p> <p>ချန်ကျီရှင်းသည် အသက်ကို ပြင်းပြင်းရှူလိုက်ရင်း သူ၏မျက်ဝန်းထဲတွင် တစ်စုံတစ်ခုကို သဘောပေါက်နားလည်သွားသည့် အရိပ်အယောင်များ ပေါ်လာသည်။</p> <p>"ဒီအကျပ်အတည်းကို ကျော်လွှားဖို့ဆိုရင် ငါ့ရဲ့ နွားနတ်ဆိုး ကြယ်တာရာ အသွင်ပြောင်းကျမ်းထဲကို ထိပ်တန်း ခန္ဓာကိုယ်တာအိုနည်းဗျူဟာအသစ်တွေ ထပ်မံပေါင်းစပ်ပြီး ခန္ဓာကိုယ်အင်အားကို မြှင့်တင်ရမယ်"</p> <p>ဤသို့တွေးတောမိသောအခါ ချန်ကျီရှင်း သက်ပြင်းတစ်ချက် ချလိုက်မိသည်။ ဇီဝေချန်မိသားစုသည် ခန္ဓာကိုယ်တာအိုကို အထူးပြုသည့် မျိုးနွယ်စုမဟုတ်သဖြင့် ကျမ်းစာဂိုဒေါင်အတွင်း၌ ခန္ဓာကိုယ်ကျင့်စဉ်များမှာ များပြားလှသည်မဟုတ်ပေ။ သူ၏ကျင့်စဉ်ကို မြှင့်တင်ရန် သင့်တော်သော အကြိမ်တစ်ရာ သန့်စင်သော ရွှေခန္ဓာကျမ်းကိုလည်း သူ ပေါင်းစပ်ပြီးဖြစ်နေသည်။</p> <p>သူ၏ အခြေအနေမှာ ဆန်မရှိဘဲ ထမင်းချက်၍မရသော လိမ္မာသည့်အိမ်ရှင်မကဲ့သို့ ဖြစ်</p> <p>နေသည်။ သူ၌ ကောင်းကင်ဘုံကို ဆန့်ကျင်နိုင်သော ထိုးထွင်းသိမြင်မှုရှိသော်လည်း ကိုးကားစရာနှင့် မြှင့်တင်စရာ ကျင့်စဉ်အသစ်များ မရှိဖြစ်နေခြင်းပင်။</p> <p>"ငါ့ရဲ့ ခြေလှမ်းတွေက မြန်လွန်းနေတယ်။ ခန္ဓာကိုယ်ကျင့်စဉ်တွေတင်မကဘဲ ခွန်အားတာအိုရဲ့ တခြားခွဲထွက်နည်းစနစ်တွေဖြစ်တဲ့ ဆွဲငင်အား၊ တွန်းကန်အားလိုဟာတွေကိုပါ မြှင့်တင်ဖို့ လိုအပ်နေပြီ"</p> <p>"ဒါတွေကို ငါတစ်ယောက်တည်း လိုက်ရှာနေရင်တော့ တိုးတက်မှုက အရမ်းနှေးသွားလိမ့်မယ်"</p> <p>ချန်ကျီရှင်း မျက်မှောင်ကြုတ်လိုက်မိသည်။ သူ့ကိုယ်ပိုင် အင်အားစုတစ်ခု တည်ထောင်ရန်မှာ အလွန်အရေးကြီးနေပြီဖြစ်ကြောင်း သူ ပထမဆုံးအကြိမ် ခံစားလိုက်ရသည်။</p> <p>ချန်ကျီရှင်း ထိုကိစ္စများကို ဆက်လက်စဉ်းစားနေစဉ်မှာပင်...</p> <p>ဒေါက် ဒေါက် ဒေါက်</p> <p>တံခါးခေါက်သံ ထွက်ပေါ်လာလေတော့သည်။</p> <p>တံခါးခေါက်သံနှင့်အတူ...</p> <p>ပိလော့၏ နူးညံ့သောအသံက အပြင်ဘက်မှ ထွက်ပေါ်လာသည် ဋ</p> <p>"သခင်လေး... ထိုက်ချူ သန့်စင်သောမြေနဲ့ ချန်ယန်အကယ်ဒမီက လူတွေ ရောက်လာကြပါပြီ"</p> <p>ထိုစကားကို ကြားလိုက်ရချိန်တွင် ချန်ကျီရှင်း၏ မျက်ဝန်းအစုံမှာ တောက်ပသွားတော့သည်။ နင်ချန်းယွီကို သတ်ဖြတ်ရန် သူအသုံးပြုမည့် လက်နက်က နောက်ဆုံး၌ ရောက်ရှိလာပြီဖြစ်သည်။</p> <p>...</p> <p>...</p> <p>ဇီဝေတောင်တန်း၊ တောင်တံခါးဝ၌...</p> <p>ချန်ကျီရှင်း ရောက်ရှိသွားချိန်တွင် စတုတ္ထတောင်ထိပ်သခင် ချန်ထျန်းချန်နှင့် ချန်မိသားစုမှ အကြီးအကဲအများစုမှာ တည်ငြိမ်လေးနက်သော မျက်နှာထားများဖြင့် ထိုနေရာတွင် ရောက်ရှိနေကြသည်ကို မြင်လိုက်ရသည်။ အခြားတစ်ဖက်တွင်မူ ရွှီမိသားစုဝင်များမှာ မျှော်လင့်ချက်အပြည့်ဖြင့် ရပ်စောင့်နေကြ၏။</p> <p>"ကျီရှင်း... မင်း ရောက်လာပြီလား"</p> <p>ချန်ထျန်းချန်က ချန်ကျီရှင်းကို ကြည့်ကာ ခေါင်းညိတ်ပြလိုက်သည်။</p> <p>"တတိယသခင်လေး..."</p> <p>"တတိယသခင်လေး ရောက်လာပြီ"</p> <p>အခြားအကြီးအကဲများကလည်း တစ်ယောက်ပြီးတစ်ယောက် နှုတ်ဆက်ကြသည်။</p> <p>"စတုတ္ထဦးလေး... ဒီနေ့ ဘာလို့ ဒီလောက်တောင် ခမ်းခမ်းနားနား ပြင်ဆင်ထားရတာလဲ"</p> <p>ချန်ကျီရှင်းက ပြုံးလျက် ချန်ထျန်းချန်၏ ဘေးတွင် သဘာဝကျကျပင် ဝင်ရောက်ရပ်လိုက်သည်။</p> <p>"ဒါက ထိုက်ချူ သန့်စင်သောမြေလေ... သူတို့ရဲ့ အင်အားက ရွှီမိသားစုနဲ့ မတူဘူး။ ငါတို့ဘက်ကလည်း သူတို့အတွက် လုံလောက်တဲ့ ဂုဏ်ပြုမှုကို ပြသဖို့ လိုအပ်တာပေါ့"</p> <p>ချန်ထျန်းချန်က ရယ်မောရင်း ပြောဆိုလိုက်၏။</p> <p>ထိုက်ချူ သန့်စင်သောမြေသည် အရှေ့ဖရွှမ်နယ်မြေ၏ ရှေးဟောင်းသန့်စင်သောမြေများထဲမှ တစ်ခုဖြစ်ရာ အတိုင်းအဆမရှိသော အင်အားကို ပိုင်ဆိုင်ထားသည်မှာ အမှန်ပင်။ လွန်ခဲ့သော နှစ်ပေါင်းထောင်ချီကတည်းက သူတို့၏ ထာဝရရှင်သန်ခြင်းနယ်ပယ်အဆင့်ရှိ အကြီးအကဲမှာ ပျောက်ကွယ်သွားခဲ့သဖြင့် သန့်စင်သောမြေဟူသည့် ဂုဏ်ပုဒ်နှင့် မညီတော့ဘူးဟု ပြောကြသော်လည်း...</p> <p>သူတို့၏ အခြေခံအုတ်မြစ်မှာမူ အလွန်နက်ရှိုင်းနေဆဲပင်။ သူတို့တွင် သက်ရှိထင်ရှားရှိနေသော အထွတ်အထိပ်နယ်ပယ်အဆင့် ဘိုးဘေးကြီး သုံးဦးအထိ ရှိနေခြင်းမှာပင် လုံလောက်သော သက်သေသာဓက ဖြစ်သည်။</p> <p>အင်အားအပိုင်းအရဆိုလျှင် ထိုက်ချူ သန့်စင်သောမြေသည် ဇီဝေချန်မိသားစုထက် သာလွန်နေသည်မှာ အမှန်ပင်။</p> <p>"ငါကြားတာတော့ ထိုက်ချူရဲ့ သန့်စင်သောသားတော် ထျန်းဟွေက မျိုးဆက်သစ်တွေထဲမှာ ရှားပါးလှတဲ့ ရှေးဟောင်းပုံစံရှင် ကိုးပါးထဲက တစ်ယောက်ဖြစ်ပြီး မွေးရာပါ အထွတ်အထိပ်</p> <p>စွမ်းအားတွေကို ထုတ်လွှတ်နိုင်တဲ့ မိစ္ဆာမျက်ဝန်းကို ပိုင်ဆိုင်ထားတယ်တဲ့။ သူ့ရဲ့အစွမ်းက အရမ်းကြောက်ဖို့ကောင်းပြီး ဒီနှစ် အရှေ့ဖရွှမ်နယ်မြေရဲ့ ပါရမီရှင်ပြိုင်ပွဲမှာ ထိပ်တန်းက ရေပန်းစားနေသူတစ်ယောက်ပဲ..."</p> <p>ချန်ထျန်းချန်က ရယ်မောရင်း ပြောပြနေသည်။</p> <p>"ဟုတ်ပါတယ် ကျွန်တော်လည်း သူ့အကြောင်း ကြားဖူးတယ်။ ပြီးခဲ့တဲ့နှစ်က သူ အသက် တစ်ဆယ့်ရှစ်နှစ်ပြည့် အထိမ်းအမှတ်အဖြစ် မြောက်ပိုင်းလွင်ပြင်ဆီ တစ်ယောက်တည်း သွားပြီးတော့ ဝိညာဉ်ခရီးသွားနယ်ပယ်ကိုးဆင့် အထွတ်အထိပ်မှာရှိတဲ့ နှင်းတောင်ဘုရင်သားရဲကို သတ်ခဲ့တယ်လေ"</p> <p>ချန်ကျီရှင်းက ခေါင်းညိတ်လျက် ထောက်ခံလိုက်သည်။</p> <p>သူတို့ စကားပြောနေစဉ်မှာပင်...</p> <p>ရုတ်တရက်ဆိုသလို ကောင်းကင်ယံထက်မှ မိုးကြိုးပစ်သံကဲ့သို့ ပြင်းထန်သော ဟိန်းဟောက်သံကြီး ထွက်ပေါ်လာတော့သည်</p> <p>"သူတို့ ရောက်လာကြပြီ"</p> <p>လူအုပ်ကြီးမှာ စိတ်လှုပ်ရှားသွားကြပြီး ကောင်းကင်ယံသို့ ချက်ချင်း မော့ကြည့်လိုက်ကြ၏။ ကိုးထပ်သော ကောင်းကင်ဘုံ၏ တိမ်ပင်လယ်များကြားမှ...</p> <p>တောင်တစ်လုံးကဲ့သို့ ကြီးမားထွားကျိုင်းလှသော သားရဲကြီး သုံးကောင်သည် ရွှေရောင်ရထားလုံးကြီးတစ်စင်းကို ဆွဲငင်ကာ ထွက်ပေါ်လာသည်။ ထိုသားရဲကြီး သုံးကောင်စလုံးသည် ခရမ်းရောင်အသားအရေရှိပြီး ဦးချိုတစ်ချောင်းစီ ပါရှိကြကာ လိပ်နှင့်သဏ္ဌာန်တူသော်လည်း အခွံမပါရှိကြချေ။</p> <p>၎င်းတို့မှာ ဝိညာဉ်ခရီးသွားနယ်ပယ်ကိုးဆင့် အထွတ်အထိပ်၏ ထိတ်လန့်ဖွယ်ရာ အရှိန်အဝါများကို ထုတ်လွှတ်နေပြီး သူတို့၏ အသက်ရှူသံမှာ မိုးခြိမ်းသံနှင့် တူလှသည်။ သူတို့၏ ခန္ဓာကိုယ်ပတ်လည်တွင် လျှပ်စီးတန်းများမှာ ငွေရောင်မြွေများကဲ့သို့ ရစ်ပတ်နေပြီး တဖြဖြဖြနှင့် ပေါက်ကွဲသံများ အစဉ်မပြတ် ထွက်ပေါ်နေ၏။</p> <p>"ရထားဆွဲဖို့အတွက်တင် ဝိညာဉ်ခရီးသွားနယ်ပယ်အထွတ်အထိပ်မှာရှိတဲ့ မိုးကြိုးသားရဲသုံးကောင်တောင် သုံးထားတာလား"</p> <p>ရွှီချင်းဟဲနှင့် အခြားသူများမှာ ထိုမြင်ကွင်းကို ကြည့်ကာ မျက်လုံးအပြူးသား ဖြစ်သွားကြရသည်။ သူတို့၏ ရွှီမိသားစုတွင် ဝိညာဉ်ခရီးသွားနယ်ပယ်ကိုးဆင့်ရှိသော ပုဂ္ဂိုလ်တစ်ဦးမှာ အကြီးအကဲများ၏ ခေါင်းဆောင်အဖြစ် ခန့်အပ်ခံရပြီး မြင့်မားသော အဆင့်အတန်းဖြင့် လေးစားခြင်း ခံရသူ ဖြစ်သည်။</p> <p>ယခုခရီးစဉ်တွင် ပထမဆုံးအကြိမ်အဖြစ် ဇီဝေချန်မိသားစုက ထိုအဆင့်ရှိ သားရဲများကို အသားဟင်းအဖြစ် အသုံးပြုသည်ကို မြင်ခဲ့ရပြီး ယခုအခါတွင်မူ ရထားဆွဲရန်အတွက်ပင် ထိုအဆင့်ရှိ သားရဲ သုံးကောင်ကို အသုံးပြုနေသည်ကို မြင်လိုက်ရပြန်သည်။</p> <p>ခေတ္တမျှအတွင်း တည်ငြိမ်နေသော ရွှီချင်းကျိုးမှလွဲ၍ ကျန်ရွှီမိသားစုဝင်အားလုံးမှာ တစယောက်ကိုတစ်ယောက် ကြည့်လျက် တုန်လှုပ်မှုနှင့်အတူ မိမိကိုယ်ကို သိမ်ငယ်စိတ်များ ဝင်လာကြတော့သည်။</p> <p>ဝုန်းးး</p> <p>တောင်ကဲ့သို့ ကြီးမားလှသော မိုးကြိုးသားရဲ သုံးကောင်မှာ ရှေ့သို့ ဆက်လက်တိုးဝင်လာရာ တိမ်ပင်လယ်နောက်ကွယ်၌ ဖုံးကွယ်နေသော ရွှေရောင်ရထားလုံးကြီးမှာ ပေါ်ထွက်လာခဲ့ပြီ ဖြစ်သည်။ ထိုရထားလုံးမှာ တစ်ခုလုံး ရွှေရောင်တောက်နေပြီး ရထားကိုယ်ထည်ပေါ်တွင် ရေတွက်၍မရနိုင်သော နတ်ဘုရားပုံစံ အစီအရင်များကို ထွင်းထုထား၏။</p> <p>ရထားဘီးများ လိမ့်သွားရာ လမ်းတစ်လျှောက်တွင်လည်း ကောင်းကင်ယံ၌ ရှည်လျားလှသော မီးတောက်လမ်းကြောင်းကြီးများ ကျန်ရစ်ခဲ့သည်။</p> <p>ရထားလုံးအတွင်း၌ ခရမ်းရောင်ဆံပင်ရှိသည့် လူငယ်တစ်ဦးသည် သူ၏မျက်လုံးများကို တဖြည်းဖြည်းချင်း ဖွင့်လိုက်သည်။ သူ၏ မျက်ဝန်းအိမ်အတွင်း၌ ပိုးကောင်လေးများအလား ထူထပ်လှသော အနက်ရောင် နတ်ဘုရားပုံစံ သင်္ကေတများစုစည်းနေသည်ကို မြင်တွေ့ရတော့သည်။</p> <p> </p> <p style="text-align: center;">***</p> <p> </p>


Save