Book List

<h2 style="text-align: center;">အခန်း။ ၁၀၀</h2> <h2 style="text-align: center;">*</h2> <p> </p> <p> </p> <p> </p> <p>လျှို့ဝှက်ခန်းမအတွင်း၌...</p> <p>ချန်ကျီရှင်းသည် နောက်ဆုံးတွင် တင်ပျဉ်ခွေထိုင်လိုက်ပြီး သူ၏စိတ်ထဲတွင် ပေါ်လာသော အသိပေးချက်များကို အသေအချာ ပြန်လည်ကြည့်ရှုလိုက်သည်။</p> <p>[တင်း…သင်သည် ကောင်းကင်ဘုံရွေးချယ်ခံ ဇာတ်လိုက်တစ်ဦးကို သတ်ဖြတ်နိုင်ခဲ့သဖြင့် သူတို့၏ ကံကြမ္မာနှင့် မွေးရာပါ စွမ်းရည်အချို့ကို သိမ်းပိုက်ရရှိပါသည်]</p> <p>[တင်း…သင်၏ ကံကြမ္မာတန်ဖိုး မူလ ၁၅၀% မှ နောက်ထပ် ၁၅၀% ထပ်မံ တိုးပွားသွားပါသည်။ စုစုပေါင်း ကံကြမ္မာတန်ဖိုး ၃၀၀% ဖြစ်လာပါပြီ]</p> <p>[တင်း…သင်သည် ဘွဲ့ထူးအသစ်တစ်ခု ရရှိပါသည်။ မဟာကံတရားဆုပါ]</p> <p>[မဟာကံတရား မဟာကံတရားကို ပိုင်ဆိုင်ထားသူဖြစ်၍ သင်သည် ကောင်းကင်နှင့် မြေကြီး၏ ကောင်းချီးမင်္ဂလာများကို ရရှိမည်ဖြစ်ပြီး ကျိန်စာများ၊ ဘေးအန္တရာယ်များ၊ ရောဂါဝေဒနာများ၊ ကောင်းကင်ဘုံလျှို့ဝှက်ချက် စူးစမ်းမှုများနှင့် အခြားသော အဖျက်စွမ်းအားအားလုံးမှ ကာကွယ်မှု ရရှိမည်ဖြစ်သည်]</p> <p>[တင်း….သင်သည် အသက်သခင်ကျမ်းကို ရရှိပါသည်]</p> <p>[တင်း…သင်သည် ကောင်းကင်ဘုံလဲလှယ်ခြင်းအတတ်ကို ရရှိပါသည်]</p> <p>"မဟာကံတရားဟုတ်လား"</p> <p>ချန်ကျီရှင်းသည် မျက်မှောင်ကို အသာအယာပင့်လိုက်ပြီး သူ၏မျက်နှာတွင် စိတ်ဝင်စားဟန် အမူအရာတစ်ခု ပေါ်လာသည်။ ယခင်ကလည်း သူ၏အစပိုင်းတွင် နတ်ဘုရားတို့၏ ကောင်းချီးနှင့် ကံကောင်းခြင်းလက်ဆောင်ကဲ့သို့သော ဘွဲ့ထူးများ ရှိခဲ့ဖူးသည်။ သို့သော် ထိုဘွဲ့ထူးများမှာ ဘာအစွမ်းမှမရှိသော ဘွဲ့အမည်သက်သက်သာ ဖြစ်ပုံပင်။</p> <p>သို့သော် ယခုအသစ်ရရှိသော ဘွဲ့ထူးမှာမူ ကျိန်စာများ၊ ဘေးအန္တရာယ်များနှင့် ထောက်လှမ်းစူးစမ်းမှုများကဲ့သို့သော အဖျက်စွမ်းအား အားလုံးကို ဖယ်ရှားပေးနိုင်စွမ်း ရှိသည်။</p> <p>"မဆိုးဘူးပဲ..."</p> <p>ချန်ကျီရှင်းက အသာအယာ ခေါင်းညိတ်လိုက်သည်။ ဤဘွဲ့ထူး၏ အာနိသင်မှာ အပေါ်ယံကြည့်လျှင် သိပ်မထူးခြားလှဟု ထင်ရသော်လည်း အမှန်တကယ်၌မူ အလွန်အမင်း အစွမ်းထက်လှသည်။ ဥပမာအားဖြင့် မဟာကျင့်ကြံခြင်းဂိမ်းထဲတွင် လျှို့ဝှက်ဆန်းကြယ်လှသော ကျိန်စာဆရာကြီးတစ်ဦး ရှိခဲ့သည်ကို ချန်ကျီရှင်း မှတ်မိနေသည်။</p> <p>ထိုပုဂ္ဂိုလ်သည် ကောင်းကင်ဘုံလျှို့ဝှက်ချက်များကို တွက်ချက်ကာ ရန်သူ၏ အထောက်အထားကို ဖော်ထုတ်နိုင်ပြီး မိုင်ပေါင်းထောင်ချီ အဝေးမှနေ၍ ကျိန်စာတိုက်ကာ သတ်ဖြတ်နိုင်စွမ်း ရှိသူပင်။</p> <p>သို့သော် ယခုအခါတွင်မူ မဟာကံတရားဘွဲ့ထူးကြောင့် သူသည် ထိုကဲ့သို့သော အန္တရာယ်အားလုံးမှ ကင်းဝေးသွားခဲ့ပြီ ဖြစ်သည်။</p> <p>ထို့နောက် သူသည် သူ့၏စိတ်ထဲတွင် ကောင်းကင်ဘုံလဲလှယ်ခြင်းအတတ်နှင့် ပတ်သက်သော ကျယ်ပြောလှသည့် အသိပညာ ဗဟုသုတများ စီးဝင်လာသည်ကို ခံစားလိုက်ရသလိုသူ၏လက်စွပ်အတွင်း ဝှက်ထားသော အသက်သခင်ကျမ်းနှင့်လည်း မရေမရာသော ဆက်နွှယ်မှုတစ်ခု ရှိနေသည်ကို သိရှိလိုက်ရသည်။</p> <p>"အသက်သခင်ကျမ်း..."</p> <p>စိတ်ကူးလိုက်ရုံမျှဖြင့် ရှေးဟောင်းရွှေရောင်စာအုပ်တစ်အုပ်မှာ ချန်ကျီရှင်း၏ လက်ထဲတွင် ပေါ်လာတော့သည်။ ထိုရှေးဟောင်းစာအုပ်၏ မျက်နှာဖုံးပေါ်တွင် ထောင်လိုက်ပုံစံ အက်ကွဲကြောင်းသဏ္ဌာန် မျက်လုံးတစ်လုံးကို ရေးဆွဲထား၏။</p> <p>ချန်ကျီရှင်း၏ အကြည့်မှာ ထိုကျဉ်းမြောင်းသော မျက်လုံးအိမ်ပေါ်သို့ ကျရောက်သွားသည်။ မျက်တောင်တစ်ခတ်အတွင်းမှာပင် ချန်ကျီရှင်း၏ ကံကြမ္မာအားလုံးမှာ သူ၏စိတ်ထဲတွင် ကွက်ကွက်ကွင်းကွင်း ပေါ်လာတော့သည်။</p> <p>"နင်ချန်းယွီက ငါ့ကိုသတ်ဖို့ ဘာလို့ ဒီလောက်တောင် အလောတကြီး ဖြစ်နေရတာလဲဆိုတာ မဆန်းတော့ပါဘူး။ သူ့နေရာမှာ ဘယ်သူပဲဖြစ်ဖြစ် ဒီလိုမျိုးကို ခုခံနိုင်ဖို့ ခက်ခဲမှာပဲ မဟုတ်လား"</p> <p>ချန်ကျီရှင်းက ခေါင်းယမ်းလိုက်မိသည်။</p> <p>လူတိုင်းက လောဘသမားတွေပဲ... ထာဝရအသက်ရှည်ခြင်းကို ပေးစွမ်းနိုင်မယ့် ကံကြမ္မာမျိုးနဲ့ ကြုံလာရရင် ဘယ်သူကများ အေးအေးဆေးဆေး နေနိုင်မှာလဲ။</p> <p>နောက်တစ်ခဏ၌ ချန်ကျီရှင်းသည် အသက်သခင်ကျမ်းကို သူ၏ ဒန်ထျန်ဝိညာဉ်ပင်လယ်အတွင်းသို့ သိမ်းဆည်းလိုက်ပြီး တွေးတောနေဟန် အမူအရာတစ်ခု ဖြစ်ပေါ်လာသည်။</p> <p>ပြောရမယ်ဆိုရင်... နင်ချန်းယွီရဲ့ အရင်ဘဝက အောင်မြင်မှုလမ်းကြောင်းက အသက်သခငကျမ်းကို ရရှိခဲ့ရာကနေ စတင်ခဲ့တာပဲ။ အဲဒီနောက်မှာ သူက တိုက်တိုက်ဆိုင်ဆိုင်ပဲ ကောင်းကင်လှိုင်းသန့်စင်သောမြေက ဖူရှူးလို့ခေါ်တဲ့ အကြီးအကဲတစ်ယောက်ကို သတ်ခဲ့တယ်။</p> <p>အဲဒီ အကြီးအကဲ ဖူရှူးမှာ ကောင်းကင်ဝါးမြိုခြင်း မိစ္ဆာခန္ဓာဆိုတဲ့ ကံကြမ္မာ ပါတယ်။ ဒီကံကြမ္မာရဲ့ ထူးခြားချက်က တူညီတဲ့ ကံကြမ္မာမျိုးကို သိမ်းပိုက်ပြီးတော့ သူ့ရဲ့အဆင့်ကို မြှင့်တင်နိုင်တာပဲ။</p> <p>လူတစ်ယောက်ရဲ့ ကံကြမ္မာဆိုတာ ကောင်းကင်ဘုံက သတ်မှတ်ပေးထားတာဆိုတာ လူတိုင်းသိကြပါတယ်။ အဲဒီလို ကံကြမ္မာမျိုးကိုတောင် အဆင့်မြှင့်တင်နိုင်တယ်ဆိုတာ ဘယ်လောကတောင် ကြောက်ဖို့ကောင်းလိုက်မလဲ။</p> <p>ဥပမာအားဖြင့် မင်းမှာ သာမန်လူတွေရဲ့ မီးခိုးရောင်အမည်းရောင်ကံကြမ္မာပဲ ရှိတယ်ဆိုပါစို့။ အဲဒီ အသက်သခင်ကျမ်းကိုသုံးပြီး တခြား သာမန်လူတွေရဲ့ ကံကြမ္မာတွေကို ဝါးမြိုသိမ်းပိုက်</p> <p>လိုက်ရုံနဲ့ မင်းရဲ့ ကံကြမ္မာအဆင့်ဟာ တရိပ်ရိပ် မြင့်တက်လာနိုင်တာမျိုးပေါ့။</p> <p>နင်ချန်းယွီသည် ထိုသူ၏ ကံကြမ္မာကို လုယူခဲ့ပြီး အဆိုပါအစွမ်းကို အသုံးချကာ အခြားသူများ၏ ကံကြမ္မာများကို အဆက်မပြတ် ဝါးမြိုခဲ့ခြင်းပင်။ ဤသို့ဖြင့် သူ၏ ပါရမီကို အဆင့်မြှင့်တင်ရင်း မည်သူမျှ မယှဉ်နိုင်သော အခြေအနေအထိ ရောက်ရှိကာ တစ်ဟုန်ထိုး အောင်မြင်လာခဲ့ခြင်းပက်။</p> <p>အကြီးအကဲ ဖူရှူး၏ ကောင်းကင်ဝါးမြိုခြင်း မိစ္ဆာခန္ဓာ ကံကြမ္မာသည် အသက်သခင်ကျမ်း၏ စွမ်းပကားကို နောက်ထပ် အဆင့်တစ်ခုသို့ မြှင့်တင်ပေးခဲ့ခြင်းပင်။ အမှန်စင်စစ် အကြီးအကဲ ဖူရှူးသည် သူ့ကံကြမ္မာ၏ စွမ်းအားအစစ်အမှန်ကို နားမလည်ခဲ့သလို အသက်သခင်ကျမ်းကိုလည်း မပိုင်ဆိုင်ခဲ့ပေ။ ထို့ကြောင့် သူသည် အခြားသူများ၏ စိတ်စွမ်းအင်များကို တိတ်တဆိတ် စုပ်ယူ၍ ကိုယ့်ကိုယ်ကိုယ် သန်မာအောင် ပြုလုပ်ခြင်းမျှသာ တတ်နိုင်ခဲ့သည်။</p> <p>ဤလုပ်ဆောင်မှုများကို နောက်ဆုံး၌ ကောင်းကင်လှိုင်း သန့်စင်သောမြေက သိရှိသွားသဖြင့် သူ့ကို ရက်ရက်စက်စက် လိုက်လံနှိမ်နင်းခဲ့ကြသည်။ ထိုသို့ဖြင့် သူ သေခါနီးအချိန်သို့ ရောက်မှသာ နင်ချန်းယွီက အခွင့်ကောင်းယူ၍ သတ်ဖြတ်ခဲ့ကာ သူ၏ အောင်မြင်မှု ခရီးလမ်းကို တရားဝင် စတင်ခဲ့ခြင်းပင်။</p> <p>“ငါ မှတ်မိသလောက်ဆိုရင်... မုန့်ဟဲတုန်းကလည်း လွန်ခဲ့တဲ့ ဆယ်နှစ်က ကောင်းကင်လှိုင်း သန့်စင်သောမြေရဲ့ သန့်စင်သောမိန်းကလေး လီရန်နဲ့ ထားခဲ့တဲ့ ဆယ်နှစ်ကတိကို ဖြည့်ဆည်းဖို့ အဲဒီကို မကြာခင် သွားတော့မှာ မဟုတ်လား”</p> <p>“အခွင့်အရေး ရခဲ့မယ်ဆိုရင် ငါလည်း ကောင်းကင်လှိုင်း သန့်စင်သောမြေဆီကို ခရီးတစ်ခု သွားသင့်တယ်”</p> <p>“ပထမအချက်ကတော့ အဲဒီ အကြီးအကဲ ဖူရှူးကို သတ်ဖို့ နည်းလမ်းရှာရမယ်။ ပြီးတော့ အသက်သခင်ကျမ်းရဲ့ စွမ်းရည်တွေကို အသုံးချပြီး ငါ့ရဲ့ တောက်ပသော ရွှေရောင်ကံကြမ္မာတွေကို ဧကရာဇ်ခရမ်းရောင်အဆင့်အထိ အဆင့်မြှင့်တင်ရမယ်”</p> <p>“ဒုတိယအချက်ကတော့ မုန့်ဟဲတုန်း ရောက်မလာခင် ကြိုတင်ပြင်ဆင်မှုတွေ လုပ်ထားဖို့ပဲ”</p> <p>ချန်ကျီရှင်းသည် ခဏမျှ စဉ်းစားပြီးနောက် ဤကိစ္စကို စိတ်ထဲတွင် မှတ်သားထားလိုက်သည်။ ကောင်းကင်ယံ မှောင်စပြုလာသည်ကို မြင်မှသာ အဘိုးဖြစ်သူ ချန်တောက်ယန် မှာကြားခဲ့သည်ကို သတိရပြီး တံခါးအပြင်ဘက်သို့ ချက်ချင်း လှမ်းထွက်လိုက်တော့သည်။</p> <p>...</p> <p>ခဏအကြာတွင်...</p> <p>ချန်ကျီရှင်းသည် ပင်မတောင်ထိပ်သို့ ရောက်ရှိလာသည်။ အဝေးမှကြည့်လျှင် ချန်တောက်ယန်သည် လက်နှစ်ဖက်ကို နောက်ပစ်လျက် သူ့ကို စောင့်ကြိုနေသည်ကို မြင်လိုက်ရ၏။</p> <p>"အဘိုး..."</p> <p>ချန်ကျီရှင်းက အနားသို့ ချဉ်းကပ်ကာ နှုတ်ဆက်လိုက်သည်။</p> <p>"မင်းရဲ့ကိစ္စတွေ အားလုံးပြီးပြီလား" ချန်တောက်ယန်က ချန်ကျီရှင်းကို ကြည့်ပြီး ပြုံးလိုက်သည်။</p> <p>ချန်ကျီရှင်းက ခေါင်းညိတ်ပြလိုက်၏။</p> <p>"သွားကြစို့... အဘိုး မင်းကို တစ်ခုခုပြစရာရှိတယ်"</p> <p>ချန်တောက်ယန်က သာယာစွာပြုံးရင်း ရှေ့သို့ တစ်လှမ်းလှမ်းလိုက်သည်။</p> <p>ချန်ကျီရှင်းလည်း ထပ်ကြပ်မကွာ လိုက်ပါသွားတော့သည်။ သူတို့နှစ်ဦး၏ ပုံရိပ်များသည် ဇီဝေတောင်တန်းမှ တဖြည်းဖြည်း ဝေးကွာသွားပြီး အတိုင်းအဆမရှိ မှောင်မိုက်လှသော ညဉ့်နက်ပိုင်းအတွင်းသို့ ပျောက်ကွယ်သွားကြသည်။</p> <p>...</p> <p>...</p> <p>ညဉ့်အမှောင်ထုက မင်ရည်ကဲ့သို့ မည်းနက်နေသည်။</p> <p>နှင်းကဲ့သို့ ဖြူဖွေးသော ဆံနွယ်များကို ပခုံးပေါ်သို့ ချထားသည့် ချန်တောက်ယန်သည် လက်နှစ်ဖက်ကို နောက်ပစ်လျက် ရှေ့မှ ဦးဆောင်လမ်းလျှောက်နေသည်။ ချန်ကျီရှင်းကမူ အနောက်မှ လိမ္မာယဉ်ကျေးစွာ လိုက်ပါလာခဲ့၏။</p> <p>"ကျီရှင်း... အဘိုး မင်းကို အရင်ဆုံး တစ်ခုမေးပါရစေ။ နောင်တစ်ချိန်မှာ ဇီဝေချန်မိသားစုကို မင်း တာဝန်ယူမှာလား"</p> <p>ချန်တောက်ယန်က မေးလိုက်သည်။</p> <p>"တာဝန်ယူမှာပါ"</p> <p> ချန်ကျီရှင်းက ခေါင်းညိတ်၍ ဖြေလိုက်သည်။</p> <p>ဤမေးခွန်းကို ချန်တောက်ယန်က ယခင်က တစ်ကြိမ် မေးခဲ့ဖူးသည်။ ထိုစဉ်က ချန်ကျီရှင်း၏ ရင်ထဲတွင် အဖြေမရှိခဲ့ပေ။ သို့သော် ဤဖြစ်ရပ်အားလုံးကို ကြုံတွေ့ပြီးနောက် ယခုအခါတွင်မူ သူ၌ အဖြေရှိနေပြီဖြစ်သည်။</p> <p>တကယ်တော့ ဒီကမ္ဘာမှာ မိသားစုတစ်ခုက ပေးတဲ့ အခွင့်အရေးနဲ့ အဆင်ပြေမှုတွေကိုပဲ ယူပြီး အဲဒီမိသားစုအတွက် တာဝန်ယူရမှာကို ငြင်းချင်တဲ့သူ ဘယ်မှာ ရှိမှာလဲ။</p> <p>ဒါတင်မကသေးဘူး...</p> <p>အရင်ဘဝကရော အခုဘဝမှာပါ ငါ့ကို အမြဲနှိပ်ကွပ်နေခဲ့တာက ချန်ထျန်းရှုံ့ရဲ့ မျိုးနွယ်စုခွဲတစ်ခုတည်းပဲ။</p> <p>ချန်မိသားစုတစ်ခုလုံးက ငါ့အပေါ် မကောင်းခဲ့တာ မဟုတ်ပါဘူး။</p> <p>အဲဒီလိုသာ မဟုတ်ရင် အရင်ဘဝက ဇီဝေချန်မိသားစုက ငါ့ကြောင့်နဲ့ ဟိုကောင်းကင်ဘုံရွေးချယ်ခံ ဇာတ်လိုက်ရဲ့ လက်ချက်နဲ့ မျိုးတုံးသတ်ဖြတ်ခံရတဲ့အထိ ဖြစ်လာစရာ အကြောင်းမရှိဘူး။</p> <p> </p>


Save