Book List

<h2 style="text-align: center;">အနန္တတန်ခိုးရှင်ကျောင်းသား</h2> <h2 style="text-align: center;">ဘာသာပြန် - အပြုံးလေး</h2> <h2 style="text-align: center;">အပိုင်း - ( ၁၃၂၀ )</h2> <h2 style="text-align: center;">*</h2> <h2 style="text-align: center;"> </h2> <p style="text-align:justify">" ကျေးဇူးပြုပြီး ပြိုင်ပွဲရလဒ်ကို ကြေညာပေးပါ "</p> <p style="text-align:justify">" မင်းဘာပြောလိုက်တယ် "</p> <p style="text-align:justify">ကျိုးဘူတန် သူနားကြားမှားသွားသလားအထင်ဖြင့် ရဲ့ဟိုင်ကို သေချာစိုက်ကြည့်ကာ မေးလိုက်သည်။</p> <p style="text-align:justify">" ဖေးလီဆိုတဲ့ ကောင်က သူ့ဘာသာသူ ပြိုင်ပွဲစင်မြင့်ပေါ်က ဆင်းသွားတယ်လေ .. အဲ့တာက ငါအနိုင်ရတယ်လို့ ဆိုလိုနေတာ မဟုတ်ဘူးလား "</p> <p style="text-align:justify">ရဲ့ဟိုင် ကျိုးဘူတန်ကိုကြည့်ကာ တည်ငြိမ်စွာဖြင့် ပြောလိုက်၏။</p> <p style="text-align:justify">တစ်ဖက်တွင် ကျိုးဘူတန်မှာ ပါးစပ်ကိုဖွင့်လိုက်သော်လည်း ဘာဆက်ပြောရမှန်းမသိ ဖြစ်သွားသည်။</p> <p style="text-align:justify">" မင်းက သောက်ရူးလား .. "</p> <p style="text-align:justify">ဖန်ယီပင်း ရဲ့ဟိုင်ကိုဓားဖြင့်ညွှန်ကာ ပြောလိုက်၏။</p> <p style="text-align:justify">" မင်းခုနက ဘယ်သူ့ကို အရူးလို့ပြောလိုက်တာလဲ "</p> <p style="text-align:justify">ရဲ့ဟိုင် ဖန်ယီပင်းကို ပြန်ကြည့်ကာ မေးလိုက်လေသည်။</p> <p style="text-align:justify">" ငါပြောတာက မင်း .. "</p> <p style="text-align:justify">ဖန်ယီပင်း စကားမဆုံးခင် ရဲ့ဟိုင်က သူ၏ရှေ့၌ ဖျတ်ခနဲပေါ်လာလျှင် မျက်လုံးပြူးသွား၏။ နီးကပ်နေခြင်းဖြစ်သောကြောင့် ဓားဖြင့်ခုတ်ပိုင်းရန် မဖြစ်နိုင်သဖြင့် ချက်ချင်းပင် လွတ်နေသောလက်ဖြင့် ရဲ့ဟိုင်၏နှလုံးရှိရာနေရာသို့ ထိုးချလိုက်သည်။</p> <p style="text-align:justify">သို့သော် ဖတ်ခနဲမြည်သံနှင့်အတူ သူ၏လက်သီးက ရဲ့ဟိုင်၏လက်ဝါးဖြင့် အလွယ်တကူ ဖမ်းဆုပ်ခြင်းကို ခံလိုက်ရ၏။</p> <p style="text-align:justify">ထို့နောက် ဖန်ယီပင်း၏မျက်နှာက ချက်ချင်းပင် လူသေကောင်ကဲ့သို့ ဖြူဖျော့သွားသည်။</p> <p style="text-align:justify">ထိုကောင်၏လက်ထဲတွင် သူ၏လက်သီးမှာ ကြိတ်ဆုံကြီးထဲထည့်ကာ ကြိတ်ခံလိုက်ရသကဲ့သို့ အရိုးများအားလုံး တဂျွတ်ဂျွတ်ဖြင့် ကျိုးကြေသွားလေ၏။</p> <p style="text-align:justify">" အ ... "</p> <p style="text-align:justify">ဖန်ယီပင်း နာကျင်စွာဖြင့် အော်ဟစ်ရန် ကြံရွယ်သည့် အချိန်မှာပင် ရဲ့ဟိုင်က သူ၏ဒူးကို ဖြတ်ကန်လိုက်သည်။</p> <p style="text-align:justify">" ခရက် "</p> <p style="text-align:justify">အရိုးကျိုးသံနှင့်အတူ ဖန်ယီပင်း ရဲ့ဟိုင်အရှေ့တွင် ဒူးတစ်ဖက်ထောက်ကျသွား၏။</p> <p style="text-align:justify">ထိုမြင်ကွင်းက လူအုပ်ကြီးကို ရုတ်ရုတ်သဲသဲ ဖြစ်သွားစေသည်။</p> <p style="text-align:justify">ကျောက်စိမ်းအင်မော်တယ် အဆင့် ( 28 ) ကို ရောက်ရှိနေပြီဖြစ်သော ဖန်ယီပင်းက ရဲ့ဟိုင်အရှေ့တွင် ဤမျှအလွန်အားနည်းနေမည်ဟု လုံးဝမမျှော်လင့်ထားပေ။</p> <p style="text-align:justify">ကျိုးခေ့ခေ့ကလဲ ထိုမြင်ကွင်းကိုကြည့်ပြီး မျက်လုံးကပို၍ပင် ပြူးကျယ်လာ၏။</p> <p style="text-align:justify">နောက်ဆုံးတော့ရဲ့ဟိုင် သူမ ထိုလူများအကြောင်းကို ပြောသည့်အချိန်တွင် ဘာကြောင့်ဂရုမစိုက်လဲဆိုတာ နားလည်သွားသည်။</p> <p style="text-align:justify">အဘယ့်ကြောင့်ဆိုသော် ရဲ့ဟိုင်၏ကျင့်ကြံအဆင့်က အနည်းဆုံး ကျောက်စိမ်းအင်မော်တယ် အဆင့် ( 30 ) တွင် ရှိပေမည်။</p> <p style="text-align:justify">ထိုခွန်အားဖြင့်ဆိုလျှင် သူ့ကိုဤပြိုင်ပွဲ၌ မည်သူက အလွယ်တကူ အနိုင်ယူနိုင်မည်နည်း။</p> <p style="text-align:justify">ထိုအချိန်တွင် ရဲ့ဟိုင်က ဖန်ယီပင်း၏ ဆံပင်ကိုဆွဲကာ မျက်နှာကိုမော့စေလိုက်ပြီး...</p> <p style="text-align:justify">" မင်းခုနက ဘယ်သူ့ကိုအရူးလို့ပြောတာလဲ "</p> <p style="text-align:justify">ဖန်ယီပင်း ရဲ့ဟိုင်ကို ထိတ်လန့်တကြားဖြင့်ကြည့်ကာ...</p> <p style="text-align:justify">" မင်း .. မင်း .. ဘယ်သူလဲ "</p> <p style="text-align:justify">" ငါမေးတာပဲဖြေ မင်းခုနက ဘယ်သူ့ကိုအရူးလို့ပြောတာလဲ "</p> <p style="text-align:justify">စကားဆုံးသည်နှင့် ရဲ့ဟိုင်မှာ ဖန်ယီပင်း၏ ဆံပင်များကို ဆောင့်ဆွဲလိုက်လျှင် ဦးရေပြားတစ်လွှာက သူ၏လက်ထဲ၌ ပါလာ၏။</p> <p style="text-align:justify">ချက်ချင်းပင် ဖန်ယီပင်း၏ဦးခေါင်းက ပြောင်ရှင်းသွားပြီး သွေးများက မျက်နှာအထိပါ စီးကျလာတော့သည်။</p> <p style="text-align:justify">" မင်း ... "</p> <p style="text-align:justify">ဖန်ယီပင်း ဒေါသတကြီးဖြင့် ရဲ့ဟိုင်ကို ကြည့်လိုက်သော်လည်း ချက်ချင်းပင် မျက်နှာက ပြန်၍ ဖြူဖျော့သွား၏။</p> <p style="text-align:justify">" ငါမေးတာကို မပြောသေးဘူးလား "</p> <p style="text-align:justify">ချက်ချင်းပင် ရဲ့ဟိုင်၏ လက်တစ်ဖက်က ဓားချီအရှိန်အဝါနှင့်အတူ ဖန်ယီပင်း၏ ပုခုံးပေါ်သို့ ရောက်ရှိလာသည်။</p> <p style="text-align:justify">" နေပါဦး ပြောမယ်  .. ငါပြောမယ် ငါမင်းကိုပြောမယ် "</p> <p style="text-align:justify">ဖန်ယီပင်း သူသာတစ်ခဏမျှ တုံ့ဆိုင်းနေမည်ဆိုလျှင် ထိုလူ၏ လက်မှဓားချီက မိမိပုခုံးကို ဖြတ်သွားမည်ဆိုတာကို လုံးဝအသေအချာ သိနေ၏။</p> <p style="text-align:justify">" ငါကအရူးပါ .. ငါ့ကိုယ်ငါအရူးလို့ ပြောနေတာပါ .. ဘယ်သူ့အကြောင်းမှ ပြောနေတာမဟုတ်ပါဘူး "</p> <p style="text-align:justify">" အစောကြီးတည်းက ဒီလိုပြောလိုက်ရင် အသားမနာတော့ဘူးမလား "</p> <p style="text-align:justify">ရဲ့ဟိုင်ပြုံးကာ ဖန်ယီပင်းကို လွှတ်ပေးလိုက်သည်။ ထို့နောက် ပြိုင်ပွဲဝင်များဘက်သို့ လှည့်ကြည့်လိုက်ပြီး...</p> <p style="text-align:justify">" ငါ့ကိုစိန်ခေါ်ချင်တဲ့သူတိုင်း စင်ပေါ်ကိုတက်လာခဲ့ .. အကုန်လုံးအတူတူ တက်လာရင်တောင်မှ ငါ့အတွက်ဘာပြဿနာမှမရှိဘူး "</p> <p style="text-align:justify">ကျန်ပြိုင်ပွဲဝင်များအကုန်လုံးက တစ်ယောက်မျက်နှာတစ်ယောက်ကြည့်ပြီး မည်သူမှရှေ့ကို လှမ်းတက်ရဲကြခြင်းမရှိချေ။</p> <p style="text-align:justify">သို့သော် ၎င်းထဲတွင် ကျိုးဝူမင်၏ဘေးနားတွင် ရပ်နေသောလူငယ်ကတော့ မပါဝင်ဘူးဖြစ်၏။</p> <p style="text-align:justify">ထိုလူငယ် ရဲ့ဟိုင်ကို စိတ်ဝင်တစားဖြင့် ကြည့်နေလေသည်။</p> <p style="text-align:justify">" သူ့ကို အနိုင်ယူနိုင်လား "</p> <p style="text-align:justify">ကျိုးဝူမင် သူ၏ဘေးနားမှ လူငယ်ကိုလှည့်ကာ  အလေးအနက် အမူအရာဖြင့် မေးလိုက်၏။</p> <p style="text-align:justify">" သိပ်မသေချာဘူး "</p> <p style="text-align:justify">" မင်းတောင်မှ သိပ်မသေချာဘူးဟုတ်လား "</p> <p style="text-align:justify">ကျိုးဝူမင် အလန့်တကြားဖြင့် မေးလိုက်သည်။ အခြားလူများမသိသော်လည်း ကျိုးဝူမင်က ဤလူမှာ မည်သူလဲဆိုတာကို သူကောင်းကောင်းသိလေ၏။</p> <p style="text-align:justify">" ကောင်းပြီ ဒီအတိုင်းတွေးနေတာထက် .. ကြိုးစားကြည့်လိုက်ရင် အဖြေကို သေချာသိရတာပေါ့ "</p> <p style="text-align:justify">လူငယ်က ထိုသို့ပြောပြီးသည်နှင့် ခန္ဓာကိုယ်က တစ်ခဏအတွင်း ပျောက်ကွယ်သွားသည်။</p> <p style="text-align:justify">ထိုလူငယ် ပျောက်ကွယ်သွားသည့်အချိန်တွင် ရဲ့ဟိုင်ကလဲ တစ်စုံတစ်ခုကို ခံစားမိလိုက်ကာ ပြုံး၍ နောက်ကျောဆီသို့ လက်သီးတစ်ချက်ကို ပစ်ထိုးလိုက်၏။</p> <p style="text-align:justify">တစ်ချိန်တည်းမှာပင် ရဲ့ဟိုင်၏လက်ဆီသို့လဲ နောက်ထပ်လက်သီးတစ်လုံးက ပြန်လည်၍ ထိပ်တိုက်တွေ့ဆုံလာသည်။</p> <p style="text-align:justify">လက်သီးနှစ်ခု ထိပ်တိုက်တွေ့ဆုံသွားသည့်အချိန်တွင် အုန်းခနဲပေါက်ကွဲသံတစ်ခု ထွက်ပေါ်လာပြီး လူငယ်တစ်ယောက် အင့်ခနဲညည်းညူကာ အနောက်သို့ ပြန်ဆုတ်သွားရ၏။</p> <p style="text-align:justify">သူ ရဲ့ဟိုင်ကို လေးနက်သော အမူအရာဖြင့် ကြည့်လိုက်ကာ...</p> <p style="text-align:justify">" မင်းလိုပါရမီရှင်တစ်ယောက်က ရန်ချီနယ်မြေထဲမှာ ဘယ်တုန်းကပေါ်လာတာတုန်း "</p> <p style="text-align:justify">" ငါ့လိုလူတစ်ယောက်က ရန်ချီနယ်မြေထဲမှာ ဘယ်တုန်းကပေါ်လာလဲဆိုတာ အရေးမကြီးဘူး၊ အရေးကြီးတာက မင်းဘာလို့ မျက်နှာအစစ်အမှန်နဲ့ မတိုက်ခိုက်လဲ ဆိုတာကိုပဲ၊ ဘာလဲ ငါ့ကိုအထင်သေးတာလား "</p> <p style="text-align:justify">စကားဆုံးသည်နှင့် ရဲ့ဟိုင်က လျှပ်စီးလက်သလို လူငယ်ဆီသို့ ပြေးဝင်သွားသည်။</p> <p style="text-align:justify">ရဲ့ဟိုင်၏အရှိန်မှာ အလွန်ပင် မြန်ဆန်လွန်းသောကြောင့် ၎င်းလူငယ်လေးက အရိပ်ကိုသာ မြင်လိုက်ရလေ၏။</p> <p style="text-align:justify">သို့သော်လည်း သူ၏သန်မာသော တိုက်ခိုက်ရေးဗီဇအရ လူငယ်လေးသည် ရဲ့ဟိုင်၏ တိုက်ခိုက်မှုများအားလုံးကို အလျင်အမြန် ပိတ်ဆို့နိုင်ခဲ့သည်။</p> <p style="text-align:justify">သို့သော်လည်း လူချင်းပြန်ကွဲကွာသွားသည့်အချိန်တွင် ၎င်းလူငယ်မှာ ရဲ့ဟိုင်ကို မျက်လုံးပြူးကာ ထိတ်လန့်တကြား ကြည့်နေ၏။</p> <p style="text-align:justify">ရဲ့ဟိုင်၏ လက်ထဲတွင် လူ့အရေပြား မျက်နှာဖုံးတစ်ခု ရှိနေလေသည်။</p> <p style="text-align:justify">" မိန်းကလေးလား ... "</p> <p style="text-align:justify">" ကျိုးဝူမင်က မိန်းကလေးတစ်ယောက်ကို ဖိတ်ကြားခဲ့တာပေါ့ "</p> <p style="text-align:justify">" နေပါဦး အဲ့ဒီကောင်မလေးကို ငါဘာလို့ ရင်းနှီးနေရတာလဲ "</p> <p style="text-align:justify">" အိုး နတ်ဘုရားတွေ ဒါက လုရန်ရန်မလား  ..ရှန်ကျင်းဂိုဏ်းက နံပါတ်တစ်ပါရမီရှင် "</p> <p style="text-align:justify">" အထူးသဖြင့် လုရန်ရန်ရဲ့ ကျင့်ကြံအဆင့်က ကျောက်စိမ်းအင်မော်တယ် အဆင့် ( 32 ) ကို ရောက်နေပြီလေ "</p> <p style="text-align:justify">" လုရန်ရန်တောင်မှ ရဲ့ဟိုင်ကိုမယှဥ်နိုင်ဘူးလား ဒါကမယုံကြည်နိုင်စရာပဲ "</p> <p style="text-align:justify">လုရန်ရန်သည် ရန်ချီနယ်မြေ၏ လူငယ်မျိုးဆက်သစ် ပါရမီရှင်များထဲတွင် အသန်မာဆုံးဖြစ်သည်ဆိုတာကို လူတိုင်းသိကြ၏။</p> <p style="text-align:justify">တစ်ဖက်တွင် ရဲ့ဟိုင်က သူ့ရှေ့တွင် ပြောင်းလဲသွားသော လူငယ်လေးကို အံ့အားသင့်စွာ ကြည့်နေသည်။ </p> <p style="text-align:justify">သူက မျက်နှာဖုံးကို ဆွဲခွာလိုက်ချိန်တွင် တစ်ဖက်လူ၏ ဆံပင်ရှည်များက ပျံဝဲကာကျလာပြီး စိန်ကဲ့သို့ တလက်လက် တောက်ပနေသောမျက်လုံး၊ စင်ယော်တောင်မျက်ခုံး၊ ဖြောင့်စင်းသွယ်လျနေသောနှာတံနှင့် မက်မွန်သီးအရောင်လိုရဲနေသော ပါးလေးများက ကွက်ကွက်ကွင်းကွင်း ထွက်ပေါ်လာ၏။</p> <p style="text-align:justify">ဤမြင်ကွင်းကိုကြည့်ပြီး စကားတစ်ခွန်းသာ ပြောနိုင်သည်။</p> <p style="text-align:justify">" သဘာဝမှ ထုဆစ်ပေးထားသော လောက၏ ပန်းချီကားတစ်ချပ်အလား အလှတစ်ခု .. "</p> <p style="text-align:justify"> </p> <p style="text-align: center;">***</p>


Save