Book List

<h2 style="text-align:center">အပိုင်း - ( ၁၃၂၁ )</h2> <h2 style="text-align:center">*</h2> <p style="text-align:justify"><br /> " ငါ့ကိုပြန်ပေး "</p> <p style="text-align:justify">လုရန်ရန်၏ စိန်ရောင်တဖျတ်ဖျတ်လက်နေသော မျက်လုံးများက ရဲ့ဟိုင်ကိုစိုက်ကြည့်ပြီး ပြောလိုက်၏။</p> <p style="text-align:justify">" မင်းက ဒီလောက်လှတာကို ဘာလို့ယောကျ်ားလို ဝတ်နေဦးမှာလဲ "</p> <p style="text-align:justify">ရဲ့ဟိုင် လူအရေပြား မျက်နှာဖုံးကို သိမ်းဆည်းလိုက်ပြီး ပြန်ပြောလိုက်သည်။</p> <p style="text-align:justify">" ဟမ့် နင့်ကြောင့်သာမဟုတ်ရင် ငါကဒီလိုဝတ်စရာ လိုဦးမှာလား "</p> <p style="text-align:justify">လုရန်ရန် ထိုသို့ပြောလာလျှင် ရဲ့ဟိုင်၏မျက်နှာ၌ ထူးဆန်းမှုများ ဖြစ်ပေါ်လာ၏။</p> <p style="text-align:justify">ကျန်သူများအကုန်လုံးကလဲ လုရန်ရန်ကို ထူးဆန်းသော အမူအရာဖြင့် ကြည့်လိုက်သည်။</p> <p style="text-align:justify">" ငါမင်းကို လုံးဝမသိတာသေချာတယ် .. ဟုတ်တယ်မလား "</p> <p style="text-align:justify">ရဲ့ဟိုင် လုရန်ရန် ကိုကြည့်ကာ မေးလိုက်၏။ ထိုမိန်းမလှလေးကို သူပထမဆုံးတွေ့ဖူးတာ အသေချာပင်။</p> <p style="text-align:justify">" နင်ငါ့ကို မသိဘူးဆိုပေမဲ့ စီဖူကိုတော့ သိတယ်မဟုတ်လား "</p> <p style="text-align:justify">" မသိဘူး "</p> <p style="text-align:justify">ရဲ့ဟိုင် ခေါင်းကိုခါယမ်းလိုက်၏။ တကယ်လဲ စီဖူဆိုသည့်ကောင်က ဘယ်သူလဲ သူလုံးဝမသိချေ။</p> <p style="text-align:justify">" နင်ကသူ့ကို မသိဘူးလို့ ပြောရဲတယ်ပေါ့ "</p> <p style="text-align:justify">လုရန်ရန် ဒေါသတကြီးဖြင့်...</p> <p style="text-align:justify">" နင်လွန်ခဲ့တဲ့တစ်လက မီးလျှံတောင်တန်းပေါ်မှာ ငါတို့ရှန်ကျင်းဂိုဏ်းရဲ့ တိုက်ရိုက်တပည့်တစ်ယောက်ကို သတ်ခဲ့တာ ဒီလောက်မြန်မြန်ဆန်ဆန်ပဲ မေ့သွားပြီလား "</p> <p style="text-align:justify">လုရန်ရန် မီးလျှံတောင်တန်းအကြောင်း ပြောလာသည့်အခါကျမှ ရဲ့ဟိုင် ရုတ်တရက် ထိုနေရာတွင် သူသတ်ခဲ့သောကောင်ကို သတိရသွားသည်။</p> <p style="text-align:justify">" အဲ့တာဆိုရင် မင်းကစောစောတည်းက ရှင်းရှင်းလင်းလင်း ပြောပြပါလား .. အဲ့ဒီကောင်နာမည်က စီဖူဆိုတာကို ငါကဘယ်လိုလုပ်သိမှာလဲ "</p> <p style="text-align:justify">" ဒါဆိုရင် နင်လူသတ်ခဲ့တယ်ဆိုတာကို ဝန်ခံတယ်ပေါ့ "</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင် တည်တည်ငြိမ်ငြိမ်ပင် ခေါင်းညိတ်လိုက်၏။</p> <p style="text-align:justify">" အဲ့တာဆို နင်ငါနဲ့ လိုက်ခဲ့ရမယ် "</p> <p style="text-align:justify">" ဘယ်ကိုလဲ "</p> <p style="text-align:justify">" ရှန်ကျင်းဂိုဏ်း "</p> <p style="text-align:justify">ရဲ့ဟိုင်၏ မျက်လုံးက မှေးစဥ်းသွားပြီး...</p> <p style="text-align:justify">" ဘာလဲ ငါ့ကို နင်တို့ဂိုဏ်းမှာ စီရင်ချက်ချဖို့လား "</p> <p style="text-align:justify">" နင်က ငါတို့ရှန်ကျင်းဂိုဏ်းရဲ့ တိုက်ရိုက်တပည့်တစ်ယောက်ကို သတ်ခဲ့တာလေ နင့်အနေနဲ့ဒါကို ရှင်းပြသင့်တာပဲမဟုတ်ဘူးလား "</p> <p style="text-align:justify">လုရန်ရန်သည် ရဲ့ဟိုင်၏ အချိုးမပြေသော အမူအရာကိုကြည့်ပြီး တော်တော်လေးပင် အမြင်ကပ်လာသည်။</p> <p style="text-align:justify">မီးလျှံတောင်တန်းတွင် စီဖူသေဆုံးခဲ့သည့်သတင်းက ရှန်ကျင်းဂိုဏ်းကို တော်တော်လေး ဒေါသထွက်စေခဲ့၏။</p> <p style="text-align:justify">သို့သော်လည်း စီဖူသည် လူငယ်မျိုးဆက်သစ်တစ်ယောက်၏လက်ထဲတွင် ကျဆုံးသွားခြင်းဖြစ်သည်ဟု ဂိုဏ်းကယူဆပြီး သန်မာသော မျိုးဆက်သစ်ပါရမီရှင်တစ်ဦးကို စေလွှတ်ရန်အတွက် ဆုံးဖြတ်ခဲ့သည်။</p> <p style="text-align:justify">ထို့ကြောင့် စီဖူနှင့် အဆက်အသွယ်ရှိခဲ့သော လုရန်ရန်က စေတနာ့ဝန်ထမ်း ဝင်လုပ်ခဲ့ခြင်းပင်။ သို့သော်လည်း လုရန်ရန်သည် လူအများ၏အာရုံစိုက်မှုကို မခံလိုသဖြင့် ယောကျ်ားလေးအသွင်သဏ္ဌာန် လူ့အရေပြားမျက်နှာဖုံးကို ဝတ်ဆင်ခဲ့ခြင်းဖြစ်၏။</p> <p style="text-align:justify">တကယ်တော့ မီးလျှံတောင်တန်းသို့ ရောက်ရှိလာသည့် ရှန်ကျင်းဂိုဏ်းမှ ယီရှောင်းနှင့် လျူရှန်တို့အပြင် လုရန်ရန်ကပါ တိတ်တဆိတ်ပါလာခဲ့သည်။</p> <p style="text-align:justify">ထို့နောက်သူတို့က မီးလျှံတောင်တန်းတွင် မှော်ဆေးပညာရှင် ရှီစင်းယုနှင့် တွေ့ဆုံပြီး ကျိုးမိသားစုသို့ အတူတကွ ရောက်လာကြခြင်းပင်။</p> <p style="text-align:justify">ကျိုးမိသားစုရောက်သောအခါ မိသားစုပြိုင်ပွဲက ပြုလုပ်နေပြီး ရဲ့ဟိုင်ကလဲ ၎င်းပြိုင်ပွဲဝင်တစ်ဦး ဖြစ်သည်ဆိုတာကို သိလိုက်လျှင် သူတို့က ကျိုးမိသားစုဆီ ချဥ်းကပ်ကာ ပြိုင်ပွဲတွင် ကျိုးဝူမင်၏ အကူအဖြစ် လုရန်ရန်က ဝင်ရောက်ရန်ပြောခဲ့၏။</p> <p style="text-align:justify">၎င်းကို ကျိုးဝူမင်ကလဲ ငြင်းဆန်ခြင်းမရှိပေ။</p> <p style="text-align:justify">ယီရှောင်းသည် တစ်ဖက်လူ၏ခွန်အားနှင့် မည်ကဲ့သို့ နောက်ခံ ရှိသည်ဆိုတာကို စုံစမ်းလိုသောကြောင့် ဤကဲ့သို့ စမ်းသပ်ရန်အတွက် လုရန်ရန်ကို ရင်ဆိုင်စေခဲ့ခြင်းဖြစ်သည်။</p> <p style="text-align:justify">ယခုတော့ ရဲ့ဟိုင်၏ခွန်အားက လုရန်ရန်ထက်ပင် သာလွန်နေသည်ကို တွေ့လိုက်သောအခါ အလွန်အံ့အားသင့်သွားခဲ့ရ၏။</p> <p style="text-align:justify">" အဟက် .. မင်းတို့ရှန်ကျင်းဂိုဏ်းကိုယ်တိုင်က ငါ့ကိုရှင်းပြချက်ပေးရမှာ မဟုတ်ဘူးလား "</p> <p style="text-align:justify">ရဲ့ဟိုင် ရယ်မောကာ ပြောလာလျှင် လုရန်ရန် မျက်မှောင်ကြုတ်သွား၏။</p> <p style="text-align:justify">" နင် ဘာကိုဆိုလိုချင်တာလဲ "</p> <p style="text-align:justify">နတ်သမီးလိုလှပသည့် အဆင့်ရှိသော မိန်းကလေးများက သူတို့၏ဂုဏ်ပုဒ်နှင့် တကယ်ကိုထိုက်တန်သည်။ မျက်မှောင်ကြုတ်လိုက်တာတောင်မှ အလွန်အမင်းကို စွဲဆောင်မှုရှိနေဆဲပင်။</p> <p style="text-align:justify">" အဲ့ဒီအရူးကောင် စီဖူဆိုတဲ့ကောင်က ငါ့ကို မီးလျှံတောင်တန်းမှာ လုယက်သတ်ဖြတ်ဖို့အထိ ကြိုးစားခဲ့ရုံမကဘဲ၊ ငါ့ရဲ့အဖော်မိန်းကလေးကိုလည်း မုဒိန်းကျင့်ဖို့အတွက် ကြိုးစားခဲ့တယ် "</p> <p style="text-align:justify">ရဲ့ဟိုင်ထိုသို့ပြောပြီးသည်နှင့် လုရန်ရန်ကို အေးစက်စက် စိုက်ကြည့်လိုက်ပြီး...</p> <p style="text-align:justify">" မင်းတို့ရှန်ကျင်းဂိုဏ်းသာ ဒီကိစ္စကို သေချာရှင်းပြချက် မပေးဘူးဆိုရင် ငါရှန်ကျင်းဂိုဏ်းကို လုံးဝအလွတ်မပေးဘူး "</p> <p style="text-align:justify">" ကောင်လေး မင်းဘာပြောနေလဲဆိုတာ ကိုယ့်ကိုယ်ကိုယ်နားလည်လား "</p> <p style="text-align:justify">ထိုအချိန်တွင် ဒေါသတကြီး အော်ဟစ်သံနှင့်အတူ ရှန်ကျင်းဂိုဏ်း၏ တရားစီရင်ရေးခန်းမမှ လက်ထောက်ခေါင်းဆောင် ယီရှောင်းက လေထုထဲတွင် ထွက်ပေါ်လာ၏။</p> <p style="text-align:justify">" ငါပြောတဲ့စကားကို မင်းသေချာကြားလိုက်မယ်ထင်တယ် "</p> <p style="text-align:justify">ရဲ့ဟိုင် ယီရှောင်းကို စိုက်ကြည့်လိုက်ပြီး တည်တည်ငြိမ်ငြိမ်ဖြင့်...</p> <p style="text-align:justify">" ဘာလဲ မင်းတို့က ခွန်အားကြီးတာနဲ့ပဲ ငါ့ကိုအနိုင်ကျင့်လို့ရမယ်လို့ ထင်နေတာလား "</p> <p style="text-align:justify">" မင်း "</p> <p style="text-align:justify">တစ်ဖက်တွင် ယီရှောင်းသည် ဒေါသများနှင့်အတူ ရဲ့ဟိုင်ကိုတိုက်ရိုက် တစ်ခါတည်း တိုက်ခိုက်လိုက်ချင်လေသည်။ သို့သော် သူ့အနေဖြင့် ထိုသို့အလောတကြီး ပြုလုပ်ရဲခြင်းမရှိပေ။</p> <p style="text-align:justify">အနည်းဆုံးတော့ ထိုကောင်၏ကျင့်ကြံအဆင့်က ကျောက်စိမ်းအင်မော်တယ် အဆင့် ( 32 ) သို့ ရောက်ရှိနေမည်မှာ ကျိန်းသေ၏။ မဟုတ်ပါက လုရန်ရန်၏ မျက်နှာမှ မျက်နှာဖုံးကို ဖယ်ရှားသွားနိုင်မည်မဟုတ်ချေ။</p> <p style="text-align:justify">ထိုကဲ့သို့သော ပါရမီရှင်တစ်ယောက်က မည်ကဲ့သို့ ရိုးရှင်းမည်နည်း။</p> <p style="text-align:justify">ယီရှောင်းသည် ရဲ့ဟိုင်၏နောက်ကွယ်တွင် အင်အားကြီးနောက်ခံ မရှိဘူးဆိုတာကို လုံးဝယုံမည်မဟုတ်ပေ။</p> <p style="text-align:justify">တကယ်လို့ ရဲ့ဟိုင်ကိုသာ သူလက်ရှိ တိုက်ခိုက်လိုက်လျှင် ဂိုဏ်းကြီးနှစ်ခုကြား တိုက်ရိုက်စစ်ပွဲပင် ဖြစ်ပွားနိုင်သည်။</p> <p style="text-align:justify">ထိုအချိန်တွင် ရဲ့ဟိုင်သည် ယီရှောင်း၏ ဘေးနားတွင် ရပ်နေသော လျူရှန်ကိုကြည့်လိုက်ကာ...</p> <p style="text-align:justify">" လျူရှန် မင်းက မင်းလူတွေကို တကယ်ဒီခေါ်လာရဲတဲ့ သတ္တိ ရှိသေးတယ်ပေါ့ "</p> <p style="text-align:justify">" ဝမ်းကွဲအစ်ကို နင်ကဘယ်လိုလုပ် အဲ့လောက်တောင်မှ အရှက်မဲ့ရတာလဲ "</p> <p style="text-align:justify">ကျိုးခေ့ခေ့ကလဲ လျူရှန်ကိုကြည့်ကာ ဒေါသတကြီးဖြင့် ...</p> <p style="text-align:justify">" ရဲ့ဟိုင်က နင့်ကို ဘာစော်ကားထားထာမှမရှိဘူး .. ဒါတောင်မှနင်က ဂိုဏ်းကပါရမီရှင်တစ်ယောက်ရဲ့ ဓားကို ငှားပြီးတော့ သူ့ကိုသတ်ဖြတ်ခိုင်းခဲ့တယ်၊ လူသတ်လုယက်ရုံပဲဆိုရင် တော်သေး .. ဒါပေမဲ့နင်က ညီမဖြစ်တဲ့ ငါ့ကိုပါ အရှက်ရစေဖို့အတွက် တစ်ဖက်လူရဲ့ လက်ထဲကို ထိုးပေးခဲ့တယ် .. ဘယ်လောက်တောင် ယုတ်မာလိုက်လဲ "</p> <p style="text-align:justify">တစ်ဖက်တွင် ၎င်းစကားကိုနားထောင်ပြီး လုရန်ရန်၏ မျက်လုံးက ကျဥ်းမြောင်းသွားသည်။</p> <p style="text-align:justify"> သူမ လျူရှန်ကို စိုက်ကြည့်လိုက်ကာ...</p> <p style="text-align:justify">" ဒါကနင့်ရဲ့ ဝမ်းကွဲလား "</p> <p style="text-align:justify">လျူရှန်မှာ တုံ့ဆိုင်းနေပြီး ဘာစကားတစ်ခွန်းမှ မပြောရဲချေ။</p> <p style="text-align:justify">" သူမက နင့်ရဲ့ ဝမ်းကွဲလား "</p> <p style="text-align:justify">လုရန်ရန်၏ လေသံက မာထန်လာလျှင် လျူရှန် ခေါင်းညိတ်လိုက်၏။</p> <p style="text-align:justify">" ဟုတ်ပါတယ် "</p> <p style="text-align:justify">" ဒါဆို သူပြောတာအမှန်ပဲလား "</p> <p style="text-align:justify">" မဟုတ်ဘူး .. မဟုတ်ဘူး .. အဲ့တာက လုံးဝမမှန်ဘူး "</p> <p style="text-align:justify">လျူရှန် အလျင်စလို ငြင်းလိုက်သည်။</p> <p style="text-align:justify">ဤအရာကို သူမည်ကဲ့သို့ ဝန်ခံနိုင်မည်နည်း။</p> <p style="text-align:justify">" ဒါဆိုရင်နင်က စီဖူကို ဘာလို့ မီးလျှံတောင်တန်းကို ခေါ်သွားလဲဆိုတာ ငါ့ကိုပြောပြနိုင်မလား "</p> <p style="text-align:justify">လုရန်ရန်၏ အသံမှာ တဖြည်းဖြည်းပို၍ အေးစက်လာပြီး...</p> <p style="text-align:justify">" နင်က စီဖူကို မီးလျှံတောင်တန်းဆီ ခေါ်သွားတာကိုငါသိတယ်၊ ပြီးတော့ ရဲ့ဟိုင်ကလဲ အကြောင်းပြချက်မရှိဘဲနဲ့ စီဖူကို ဒီအတိုင်းသတ်ပစ်မှာမဟုတ်ဘူး၊ ဘာတွေဖြစ်ပျက်ခဲ့လဲဆိုတာ ငါ့ကိုသေချာပြော "</p> <p style="text-align:justify"> </p> <p style="text-align:center">***</p>


Save