Book List

<h2 style="text-align:center">အပိုင်း - ( ၁၃၂၄ )</h2> <h2 style="text-align:center">*</h2> <p style="text-align:justify"> </p> <p style="text-align:justify">" ဒဏ္ဍာရီလာ ကျောက်စိမ်းအင်မော်တယ် အဆင့် ( 33 ) ဆိုတာ အတွေးတစ်ချက်တည်းနဲ့ လေဟာနယ်ကို ဖြိုခွဲနိုင်တယ်ဆိုတဲ့ ကောလဟာလက အမှန်ပဲပေါ့ "</p> <p style="text-align:justify">ရဲ့ဟိုင်ကိုကြည့်နေသော ယီရှောင်း၏မျက်လုံးများက ပိုမို၍ တောက်ပသထက် တောက်ပလာ၏။</p> <p style="text-align:justify">ကျောက်စိမ်းအင်မော်တယ်အဆင့် ( 33 ) တွင်ရှိသော လူတစ်ယောက်က အင်မော်တယ်ဘုရင်အဆင့်ကိုဝင်ရောက်ရန် အပြည့်အဝ အရည်အချင်းရှိသော သူတစ်ယောက်ဖြစ်သည်။</p> <p style="text-align:justify">" နင်ငါ့ ကိုတော်တော်လေး ဖက်လို့ကောင်းနေလား "</p> <p style="text-align:justify">ထိုချိန်တွင် လုရန်ရန်က ရှက်ရွံ့မှုများနှင့်အတူ ပြောလိုက်၏။</p> <p style="text-align:justify">မူလက ရဲ့ဟိုင် သူမကိုပွေ့ဖက်ထားသည်က အဆင်ပြေသေးသည်။ မည်သို့ပင်ဆိုပါစေ ဤကောင်က သူမ၏အသက်ကို ကယ်တင်ခဲ့ခြင်းဖြစ်၏။ သို့သော် ပြဿနာက ဤကောင်သည် ပွေ့ဖက်ထားရင်း သူမ၏ခန္ဓာကိုယ်ကိုပါ ပွတ်သပ်နေခြင်းဖြစ်သည်။</p> <p style="text-align:justify">လုရန်ရန် ဤအရာကိုတော့ မည်ကဲ့သို့ ခံစားနိုင်မည်နည်း။</p> <p style="text-align:justify">ထိုအချိန်ကျမှ ရဲ့ဟိုင်ကလဲ လုရန်ရန်၏ခါးကို ရှက်ရွံ့သော အမူအရာဖြင့် လွှတ်ပေးလိုက်၏။</p> <p style="text-align:justify">" တောင်းပန်ပါတယ် .. ငါတစ်ဖက်ကိုစိတ်ရောက်သွားတော့ ဒီဘက်မှာ ဘာလုပ်မိနေလဲ မသိလိုက်ဘူး "</p> <p style="text-align:justify">ရဲ့ဟိုင် လုရန်ရန်အား တီးတိုးပြောကာ တောင်းပန်သည်။</p> <p style="text-align:justify">ထိုစကားကြားလျှင် လုရန်ရန်က သူမ၏ခြေထောက်ကို ဆောင့်လိုက်ပြီး ယီရှောင်း၏နံဘေးသို့ အလျင်အမြန်ပင် ပြေးသွားလိုက်၏။</p> <p style="text-align:justify">လုရန်ရန် ဒဏ်ရာကင်းမဲ့နေသည်ကိုမြင်လျှင် ယီရှောင်း၏ စိုးရိမ်ပူပန်စိတ်များက နောက်ဆုံးတွင် ငြိမ်သက်သွားသည်။ ထို့နောက် လုရန်ရန်၏ မျက်နှာက နီရဲနေသောအရောင်ကို သတိပြုမိလိုက်သောအခါ သူ၏မျက်လုံးထဲ၌ အရောင်တချို့ ဖြတ်ပြေးသွား၏။</p> <p style="text-align:justify">" ကြည့်ရတာ ရန်ရန်က ရဲ့ဟိုင်အတွက် ခံစားချက်အချို့ ရှိနေတဲ့ပုံပဲ၊ ငါသာသူတို့နှစ်ယောက်ကို ချိတ်ပေးလိုက်နိုင်ရင် အကောင်းဆုံးရလဒ် ဖြစ်သွားမှာမှလား "</p> <p style="text-align:justify">ရဲ့ဟိုင်မှာ ကျောက်စိမ်းအင်မော်တယ် အဆင့် ( 33 ) တွင်ရှိသော အနာဂါတ်တွင် အင်မော်တယ်ဘုရင်အဆင့် ဖြစ်လာမည့်သူဖြစ်သည်။</p> <p style="text-align:justify">ထို့အပြင် ယီရှောင်းသည် အစောကြီးကတည်းက ရဲ့ဟိုင်ကို သတ်ဖြတ်ရန်ရည်ရွယ်ချက် လုံးဝမရှိချေ။</p> <p style="text-align:justify">ယခုဆိုလျှင် ပို၍ပင် သတ်ဖြတ်လိုစိတ် မရှိတော့ဘူးဖြစ်၏။ ရဲ့ဟိုင်လိုလူတစ်ယောက်ကို ကျောက်စိမ်းအင်မော်တယ်အဆင့် ( 33 ) ထိ ပြုစုပျိုးထောင်ပေးနိုင်သော သူ၏နောက်ခံက လုံးဝကို သာမန်ဖြစ်နေမှသာလျှင် ထူးဆန်းနေပေလိမ့်မည်။</p> <p style="text-align:justify">" မင်းဘာကိုဆိုလိုချင်တာလဲ "</p> <p style="text-align:justify">ကျိုးဘူတန် ရဲ့ဟိုင်ကိုကြည့်ကာ မျက်မှောင်ကုပ်၍ မေးလိုက်သည်။</p> <p style="text-align:justify">" ငါဘာကိုဆိုလိုလဲဆိုတာကို .. မင်းသိတယ်မလား "</p> <p style="text-align:justify">ရဲ့ဟိုင် ကျိုးဘူတန်ကို အေးဆေးတည်ငြိမ်စွာဖြင့် ပြန်ကြည့်လိုက်ပြီး ..</p> <p style="text-align:justify">" မင်းက လျူရှန်ကို သူ့ရဲ့ညီမ လျူယုနဲ့ ခြိမ်းခြောက်ဖို့အတွက် ကြိုးစားခဲ့တာပဲ .. ဘယ်လောက်တောင်မှ ရွံစရာကောင်းလိုက်လဲ "</p> <p style="text-align:justify">ထိုစကားကြားလျှင် ကျိုးဘူတန်၏ နှလုံးခုန်သံက တဒုတ်ဒုတ်ဖြင့် မြန်ဆန်လာသည်။ သို့သော် သူ၏မျက်နှာအမူအရာကတော့ ပြောင်းလဲသွားခြင်းမရှိပေ။</p> <p style="text-align:justify">" မင်းဘာတွေပြောနေလဲဆိုတာကို ငါနားမလည်ဘူး "</p> <p style="text-align:justify">" ကြည့်ရတာ ဒီကိစ္စကို ထိပ်တိုက်ရှင်းဖို့အတွက် လျူရှန်ကို ခေါ်ထုတ်ရမဲ့ပုံပဲ "</p> <p style="text-align:justify">ရဲ့ဟိုင်ထိုသို့ပြောပြီးသည်နှင့် လက်ခုပ်တစ်ချက်တီးလိုက်လျှင် လေဟာနယ်ထဲမှ လူတစ်ယောက်က ထွက်ပေါ်လာ၏။</p> <p style="text-align:justify">ထိုလူက လျူရှန်မှလွဲ၍ အခြားလူမဟုတ်ပေ။</p> <p style="text-align:justify">လျူရှန်သည် သဘာဝအတိုင်း လေဟာနယ်ကို ဖြတ်သန်းသွားလာနိုင်စွမ်း လုံးဝမရှိချေ။ လျူရှန်ကို ဤကဲ့သို့ အသက်ကယ်တင်ခဲ့သူမှာ ရဲ့ဟိုင်သာဖြစ်လေသည်။</p> <p style="text-align:justify">" မင်း .. မင်း မသေသေးဘူး "</p> <p style="text-align:justify">ဒီတစ်ခေါက်တော့ ကျိုးဘူတန်၏ မျက်နှာက သိသိသာသာ ပျက်ယွင်းသွားလေ၏။</p> <p style="text-align:justify">" ငါမသေသေးတာ မင်းမျှော်လင့်ထားတာထက် ကျော်လွန်နေတယ်မလား "</p> <p style="text-align:justify">လျူရှန် ကျိုးဘူတန်ကို အေးစက်စက် စိုက်ကြည့်လိုက်ပြီး...</p> <p style="text-align:justify">" မင်း ငါ့ကိုဘာလို့ တိမ်ကောင်းကင်မိုးကြိုးပုလဲကို အသက်သွင်းခိုင်းတာလဲဆိုတာကို ငါသိချင်ခဲ့မိတယ်၊ အခုတော့ မင်းမပြောလဲ ငါနားလည်လိုက်ပြီ၊ မင်းဆိုတဲ့သောက်အဘိုးကြီးက တိမ်ကောင်းကင်မိုးကြိုးပုလဲကိုအသုံးပြုပြီး ရဲ့ဟိုင်နဲ့ လုရန်ရန်ကို သေအောင်လို့ သတ်ချင်နေတာပဲ "</p> <p style="text-align:justify">" ဒါမှ ရဲ့ဟိုင်ရဲ့နောက်ကွယ်က အဖွဲ့အစည်း ရှန်ကျင်းဂိုဏ်းကို ဒေါသတကြီးနဲ့ တိုက်ခိုက်လိမ့်မယ်၊ အဲ့ဒီတိုက်ပွဲမှာ ရှန်ကျင်းဂိုဏ်းက ရှုံးသည်ဖြစ်စေ နိုင်သည်ဖြစ်စေ ကြီးကြီးမားမား ဆုံးရှုံးမှုကို ခံစားရမှာတော့ အသေအချာပဲ၊ ပြီးတော့ မင်းရဲ့ကျိုးမိသားစုက ရှန်ကျင်းဂိုဏ်းရဲ့ အရင်းအမြစ်တွေကို အလစ်ဝင်သိမ်းပိုက်မယ်ပေါ့ ... ဟုတ်တယ်မလား၊ ဘယ်လောက်တောင် ညဏ်များလိုက်လဲ မြေခွေးအိုကြီးလဲ "</p> <p style="text-align:justify">လျူရှန်သည် ဉာဏ်နည်းသောသူတစ်ယောက် မဟုတ်သဖြင့် ကျိုးဘူတန်၏ အတွေးများအားလုံးကို သေချာနားလည် သဘောပေါက်လေသည်။</p> <p style="text-align:justify">" လျူရှန် မင်းဘာလို့ငါ့ကို ဒီလိုမျိုးလာပြီး စွပ်စွဲလဲဆိုတာ ငါနားမလည်ဘူး၊ လူဆိုတာ ကိုယ်ပြောတဲ့စကားကို ကိုယ်တာဝန်ယူနိုင်ရတယ်နော် "</p> <p style="text-align:justify">ကျိုးဘူတန် လျူရှန်ကို အေးစက်စက် စိုက်ကြည့်လိုက်ပြီး တစ်ကိုယ်လုံးတွင် ကြောက်စရာကောင်းသော လူသတ်ငွေ့များလည်း သိပ်သည်းစွာဖြင့် ဖြစ်ပေါ်လာ၏။</p> <p style="text-align:justify">" ငါလဲ ပြန်ပြောလိုက်မယ် .. ငါနားလည်လိုက်တာတစ်ခုက မင်းရဲ့တောင်းဆိုမှုကို လိုက်လျောရင်တောင် ငါ့ညီမက မင်းလက်ထဲကနေ လွတ်မြောက်မှာမဟုတ်ဘူးဆိုတာပဲ "</p> <p style="text-align:justify">လျူရှန် ကျိုးဘူတန်ကို အေးစက်စက် စိုက်ကြည့်လိုက်ပြီး ...</p> <p style="text-align:justify">" အဲ့ဒါကြောင့် အခု မင်းရဲ့ မျက်နှာဖုံးကို ခွာပြီးတော့ မင်းဘယ်လိုလူလဲဆိုတာ လူတိုင်းမြင်အောင် ငါပြပေးမယ် "</p> <p style="text-align:justify">ထိုသို့ပြောပြီးသည်နှင့် လျူရှန်သည် ဂိုဏ်းအကြီးအကဲယီရှောင်းကိုကြည့်လိုက်ကာ...</p> <p style="text-align:justify">" အကြီးအကဲယီ ကျွန်တော်ကောင်းကင်ဘုံကို တိုင်တည်ပြီးတော့ ကျိန်ဆိုနိုင်ပါတယ်၊ ကျွန်တော်ပြောခဲ့တဲ့ စကားလုံးတွေထဲမှာ အမှားတစ်ခုပါခဲ့ရင် ကျွန်တော့်ရဲ့အသက်ကို အခုချက်ချင်း ကောင်းကင်တာအိုက ရယူသွားပါစေ "</p> <p style="text-align:justify">လျူရှန် ထိုသို့ကျိန်ဆိုလိုက်ပြီးသည်နှင့် သူ၏ပတ်ပတ်လည် လေဟာနယ်က ပွင့်သွားပြီး ဟင်းလင်းပြင်ဓားတစ်ချောင်းက အလွန်လျင်မြန်သော အရှိန်နှုန်းဖြင့် သူ၏ခန္ဓာကိုယ်ကို ပိုင်းဖြတ်ရန်အတွက် ဝင်ရောက်လာလေသည်။</p> <p style="text-align:justify">တစ်ဖက်တွင် ယီရှောင်းက ရုတ်တရတ် ထိုအဖြစ်ပျက်ကြောင့် အံ့အားသင့်သွားသော်လည်း ဒေါသများနှင့်အတူ လူသတ်လိုစိတ်များက ခန္ဓာကိုယ်တွင် ဖြစ်တည်လာ၏။</p> <p style="text-align:justify">" ကျိုးဘူတန် မင်းက သေချင်နေတာပဲ "</p> <p style="text-align:justify">ယီရှောင်းသည် ကျိုးဘူတန်က လျူရှန်ကို အားလုံး၏ ရှေ့တွင်ပင် ပေါ်တင်သတ်ဖြတ်ရန်ကြိုးစားမည်ဟု လုံးဝမထင်မှတ်ထားပေ။</p> <p style="text-align:justify">ကျိုးဘူတန် အဘယ့်ကြောင့် ဤကဲ့သို့လုပ်လဲဆိုတာကို အရူးတစ်ယောက်တောင်မှ နားလည်နိုင်လေသည်။</p> <p style="text-align:justify">" သေချင်နေတယ် ဟုတ်လား "</p> <p style="text-align:justify">ကျိုးဘူတန် လှောင်ပြုံးပြုံးကာ ယီရှောင်းကို စိုက်ကြည့်လိုက်ပြီး...</p> <p style="text-align:justify">" ဒီနေရာက ဘယ်သူ့နယ်မြေလဲဆိုတာကို မင်းနားမလည်သေးတဲ့ပုံပဲ "</p> <p style="text-align:justify">ကျိုးဘူတန်၏ စကားဆုံးသည်နှင့် အင်မော်တယ်သခင်အဆင့် ကျင့်ကြံသူ ( 8 ) ယောက်က လေဟာနယ်ကို ဆုတ်ဖြဲကာ သူတို့၏ပတ်ပတ်လည်တွင် ထွက်ပေါ်လာလေ၏။</p> <p style="text-align:justify">ထိုလူများကိုကြည့်ပြီး ယီရှောင်း၏ မျက်နှာအမူအရာက လေးနက်သွားသည်။</p> <p style="text-align:justify">" ကျိုးဘူတန် ဘာလဲမင်းက ရှန်ကျင်းဂိုဏ်းနဲ့ စစ်ပွဲကိုစချင်တာလား "</p> <p style="text-align:justify">" အခုလိုအချိန်မှာ ဒီစကားက အဓိပ္ပါယ်ရှိဦးမယ်လို့ မင်းထင်နေတာလား "</p> <p style="text-align:justify">ကျိုးဘူတန် ယီရှောင်းကို လှောင်ပြုံးနှင့်အတူကြည့်ကာ ပြောလိုက်၏။</p> <p style="text-align:justify">ဂိုဏ်းနှစ်ခုကြားစစ်ပွဲက ယခုကတည်းက စတင်နေပြီဖြစ်သည်။</p> <p style="text-align:justify">ကျိုးဘူတန်သည် လျူရှန်အား လုရန်ရန်ကို သတ်ဖြတ်ရန်အတွက် အမိန့်ပေးလိုက်သည့် အချိန်မှစ၍ ဂိုဏ်းနှစ်ခုကြားတိုက်ပွဲကို မည်သို့မှ ရှောင်လွှဲနိုင်တော့မည်မဟုတ်ချေ။</p> <p style="text-align:justify">တစ်ဖက်တွင် ယီရှောင်း ရှီစင်းယုကိုမကြည့်ဘဲ မနေနိုင်ပေ။</p> <p style="text-align:justify">ယီရှောင်းသည် သူတစ်ယောက်၏ ခွန်အားဖြင့်ဆိုလျှင် ကျိုးမိသားစုကနေ အလွယ်တကူ လွတ်မြောက်သွားရန် မဖြစ်နိုင်ဘူးဆိုတာ ကောင်းကောင်းသိလေ၏။ သူ့အတွက် လက်ရှိအချိန်တွင် အားကိုးစရာမဟာမိတ်က ရှီစင်းယုသာရှိသည်။</p> <p style="text-align:justify">ရှီစင်းယု ကျိုးဘူတန်ကို မျက်လုံးမှေးစဥ်းကာ ကြည့်လိုက်ပြီး...</p> <p style="text-align:justify">" ကျိုးမိသားစုက ငါ့အတွက် ဘယ်လိုစီစဥ်ထားလဲဆိုတာကို ငါလဲသိချင်မိသား ... "</p> <p style="text-align:justify">" ငါတို့ကျိုးမိသားစုရဲ့ မှော်ဆေးပညာခန်းမမှာ ခေါင်းဆောင်တစ်ယောက်မရှိတာကြာပြီ၊ ရှီစင်းယုမင်းက အဲ့ဒီမှာခေါင်းဆောင်လုပ်ဖို့ အသင့်တော်ဆုံးလူပဲလို့ ငါထင်တယ် "</p> <p style="text-align:justify">ကျိုးဘူတန် ပြုံးကာပြောလိုက်၏။</p> <p style="text-align:justify">" ဘာလဲ မင်းတို့ကျိုးမိသားစုက ငါ့ကိုချုပ်နှောင်ပြီးတော့ ဆေးလုံးအတင်းအကြပ် သန့်စင်ခိုင်းဖို့အတွက် စီစဥ်ထားတာလား "</p> <p style="text-align:justify">" မင်းအနေနဲ့ ရှင်းရှင်းလင်းလင်း နားလည်ထားတော့လဲ၊ စကားအပိုတွေ မပြောရတော့ဘူးပေါ့ "</p> <p style="text-align:justify">ကျိုးဘူတန် ပြုံးပြုံးလေးသာ ထပ်မံ၍ ပြောလိုက်သည်။</p> <p style="text-align:justify">တစ်ဖက်တွင် ရှီစင်းယု၏ မျက်လုံးက ဒေါသများဖြင့် အရောင်တလက်လက် တောက်ပလာ၏။</p> <p style="text-align:justify">" မင်းတို့ ငါ့ကို အဲ့လိုလုပ်ချင်တယ်ဆိုရင် ကျိုးမိသားစုက ပြန်ပြီးပေးဆပ်ရမယ့်ဈေးနှုန်းကို မတတ်နိုင်မှာ ငါစိုးရိမ်မိသား "</p> <p style="text-align:justify">" ဟား .. ဟား မကြိုးစားကြည့်ဘဲ ဘယ်လိုလုပ်သိမှာလဲ "</p> <p style="text-align:justify">ကျိုးဘူတန် ရယ်မောကာ ပြောလိုက်သည်။</p> <p style="text-align:justify">ကျိုးဘူတန်သည် မျိုးနွယ်စု၏ ထိပ်သီးအကြီးအကဲများကို လျှို့ဝှက်စွာ အကြောင်းကြားပြီးထားပြီဖြစ်၏။ အင်မော်တယ်သခင်အဆင့် အကြီးအကဲများက ဤနေရာကို လာနေသည့် လမ်းတစ်ဝက်ကိုပင် ရောက်ရှိနေပြီဖြစ်သည်။ ထို့ကြောင့် ကျိုးဘူတန်သည် သူ၏လက်ထဲကနေ ရှီစင်းယုနှင့် ယီရှောင်းတို့နှစ်ယောက်လုံး လုံးဝလွတ်မြောက်နိုင်မည်ဟု လုံးဝမထင်ချေ။</p> <p style="text-align:justify">ကျိုးမိသားစုဆိုသည်မှာ သူတို့လာချင်သလိုလာပြီး ထွက်ချင်သလိုထွက် သွားနိုင်သည့် နေရာဟု တကယ်ပင် ထင်နေခဲ့သည်လား။</p> <p style="text-align:justify"> </p> <p style="text-align:center">***</p>


Save