Book List

<h2 style="text-align: center;">အပိုင်း - ( ၁၃၂၅ )</h2> <h2 style="text-align: center;">*</h2> <p> </p> <p style="text-align:justify">ကျိုးဘူတန်သည် မျိုးနွယ်စု၏ ထိပ်သီးအကြီးအကဲများကို လျှို့ဝှက်စွာ အကြောင်းကြားပြီးထားပြီဖြစ်၏။ အင်မော်တယ်သခင်အဆင့် အကြီးအကဲများက လာနေသည့် လမ်းတစ်ဝက်ကိုပင် ဤနေရာကို ရောက်ရှိနေချေပြီ။ ထို့ကြောင့် ကျိုးဘူတန်သည် သူ၏လက်ထဲကနေ ရှီစင်းယုနှင့် ယီရှောင်းတို့နှစ်ယောက်လုံး လုံးဝလွတ်မြောက်နိုင်မည်ဟု မထင်ချေ။ </p> <p style="text-align:justify">ကျိုးမိသားစုဆိုသည်မှာ သူတို့လာချင်သလိုလာ ထွက်ချင်သလိုထွက် သွားနိုင်သည့် နေရာဟု တကယ်ပင် ထင်နေခဲ့သည်လား။ </p> <p style="text-align:justify">" မိသားစုခေါင်းဆောင်ကျိုး ငါကိုယ်တိုင်ကလဲကျိုးမိသားစုကိုရောက်နေသလို ဂိုဏ်းကတပည့်တွေ တော်တော်များများကလည်း ကျိုးမိသားစုကိုရောက်နေတာနော်၊ သူတို့သာ အချိန်မီပြန်မရောက်ဘူးဆိုရင် ဂိုဏ်းက ရှင်တို့ ကျိုးမိသားစုနဲ့ လာပြီးစာရင်းရှင်းလိမ့်မယ် " </p> <p style="text-align:justify">လုရန်ရန် နှစ်ဖက်ကြား တော်တော်ကြီး တင်းမာလာသည် တွေ့သောအခါ အလောတကြီးပင် ဝင်ရောက်ပြောဆိုလိုက်၏။ </p> <p style="text-align:justify">" အဲ့တော့လဲ ဘာဖြစ်လဲ " </p> <p style="text-align:justify">ကျိုးဘူတန် လုရန်ရန်ကို တစ်ချက်ကြည့်ကာ ပြုံးလိုက်ပြီး... </p> <p style="text-align:justify">" မင်းကိုယ်တိုင် ငါတို့ကျိုးမိသားစုထဲ ရှိနေတာလေ ရှန်ကျင်းဂိုဏ်းက မင်းကို ငါတို့ ဖမ်းထားတဲ့အချိန်မှာ ဒေါသတကြီး ပြုမူရဲမယ်လို့ထင်လား " </p> <p style="text-align:justify">ထိုစကားကိုကြားသောအခါ လုရန်ရန်သည် ကျိုးဘူတန်က အဘယ့်ကြောင့် ဤမျှမကြောက်မရွံ့ လုပ်ရဲသည်ဆိုတာ နားလည်သွားသည်။ </p> <p style="text-align:justify">သူမကိုသာ ဖမ်းထားမည်ဆိုလျှင် ရှန်ကျင်းဂိုဏ်းနှင့် ညှိနှိုင်းနိုင်မည့်အပြင် အကျိုးအမြတ်များတောင်မှ ရယူနိုင်လေ၏။ </p> <p style="text-align:justify">" ရဲ့ဟိုင် မင်းရဲ့နောက်ကွယ်က အကာအကွယ်ပေးမယ့်သူတွေ ဘယ်မှာလဲ " </p> <p style="text-align:justify">ယီရှောင်း ရဲ့ဟိုင်ကိုကြည့်ကာ မေးလိုက်သည်။  </p> <p style="text-align:justify">" ဒီအခြေအနေလေးကို ဘယ်သူက အကာအကွယ်လိုအပ်နေမှာလဲ " </p> <p style="text-align:justify">ရဲ့ဟိုင်ပြုံးပြီး ပြန်ပြောလာသော ထိုစကားက ယီရှောင်းကို အံ့အားသင့်သွားစေ၏။ </p> <p style="text-align:justify">ယခုလိုအချိန်တွင်တောင်မှ ရဲ့ဟိုင်က အဘယ့်ကြောင့် အေးဆေးနေလဲဆိုတာကို သူလုံးဝနားမလည်နိုင်ချေ။ </p> <p style="text-align:justify">" ရန်ရန် ငါ့နောက်လိုက်ခဲ့ " </p> <p style="text-align:justify">ယီရှောင်း ထိုသို့ပြောလိုက်ခြင်းက တိုက်ခိုက်ကာထိုးဖောက်ထွက်ရန် ရည်ရွယ်လိုက်ခြင်းဖြစ်သည်။ သို့သော် သူတိုက်ခိုက်ထိုးဖောက်ထွက်ရန် ကြံရွယ်လိုက်သည့်အချိန်တွင် ပတ်ပတ်လည်ရှိ လေဟာနယ်စွမ်းအားကို လုံးဝ မထိန်းချုပ်နိုင်တော့ကြောင်း အံ့အားသင့်စွာဖြင့် တွေ့လိုက်ရလေ၏။ </p> <p style="text-align:justify">" လုပ်မနေနဲ့ ငါကြိုးစားပြီးပြီ၊ ကျိုးဘူတန်က အမာခံအဖြစ်ထားပြီးတော့ သူ့ကိုယ်သူ အင်မော်တယ်သခင်အဆင့် ကျွမ်းကျင်သူ ( 8 ) ယောက်ရဲ့ ပံ့ပိုးမှုအကူအညီနဲ့ ဒီနေရာရဲ့လေဟာနယ်ကို အတင်းအကြပ် ချုပ်နှောင်ထားလိုက်ပြီ " </p> <p style="text-align:justify">ရှီစင်းယု ရှုံ့တွနေသော မျက်နှာနှင့်အတူ ပြောလိုက်သည်။ </p> <p style="text-align:justify">တစ်နည်းဆိုရသော် လက်ရှိအချိန်တွင် သူတို့က အင်မော်တယ်သခင်အဆင့်များဖြစ်သော် လည်း လေဟာနယ်စွမ်းအားကို အသုံးမချနိုင်တော့သဖြင့် တစ်ဖက်လူ၏ ထောင်ချောက်ထဲတွင် ပိတ်မိသော သိုးသူငယ်လေးများ ဖြစ်သွားကြချေပြီ။ </p> <p style="text-align:justify">ပို၍ဆိုးဝါးသည်မှာ ထိုအချိန်တွင် နောက်ထပ် အင်မော်တယ်သခင်အဆင့် ကျွမ်းကျင်သူနှစ်ယောက်က ရုတ်တရက်ထွက်ပေါ်လာပြီး လေဟာနယ်ချိတ်ပိတ်ခြင်းတွင် ပူးပေါင်းကာ ပါဝင်လာခြင်းဖြစ်၏။ </p> <p style="text-align:justify">" ဘယ်လိုလဲ .. မင်းတို့ထွက်သွားနိုင်တယ် ထင်နေသေးလား " </p> <p style="text-align:justify">ကျိုးဘူတန် ယီရှောင်းနှင့် ရှီစင်းယု နှစ်ယောက်ကိုကြည့်ပြီး ပြုံးကာမေးလိုက်သည်။ </p> <p style="text-align:justify">တစ်ဖက်တွင် နှုတ်ဆိတ်နေပြီး ယီရှောင်းက ရှီစင်းယုကလဲ ဘာစကားမှ ပြောခြင်းမရှိပေ။ </p> <p style="text-align:justify">လုရန်ရန်၏ မျက်လုံးအနက်ရှိုင်းဆုံးနေရာတွင်တော့ စိုးရိမ်ပူပန်မှုများက တစ်စတစ်စ ဖြစ်ပေါ်လာလေ၏။ </p> <p style="text-align:justify">ကျိုးမိသားစု၏ လက်ထဲကို ကျရောက်သွားသည့် အကျိုးဆက်များကို သူမစိတ်ကူးပင် မယဉ်ရဲချေ။ </p> <p style="text-align:justify">" လုရန်ရန် အခုမင်းရဲ့ ကျင့်ကြံအဆင့်က အကန့်အသတ်ကို ရောက်သွားပြီလား " </p> <p style="text-align:justify">ထိုအချိန်တွင် လူတိုင်းကိုအံ့အားသွားစေသည်မှာ ရဲ့ဟိုင်က လုရန်ရန်အား ထိုမေးခွန်းကို မေးလာခြင်းဖြစ်သည်။ </p> <p style="text-align:justify">" မရောက်သေးဘူး " </p> <p style="text-align:justify">လုရန်ရန်သည် ရဲ့ဟိုင်က အဘယ့်ကြောင့်မေးလာမှန်း မသိသော်လည်း တီးတိုးပင် ပြန်ဖြေပေးလိုက်၏။ </p> <p style="text-align:justify">" ကျောက်စိမ်းအင်မော်တယ်အဆင့် ( 33 ) ကို ရောက်ဖို့ဆိုတာက အင်မော်တယ်ဘုရင်အဆင့်သွေးကို လိုအပ်တယ်လေ၊ သွေးကို ငါတို့ရှန်ကျင်းဂိုဏ်းက အခုချိန်ထိ ရှာမတွေ့နိုင်သေးဘူး၊ အဲ့တာကြောင့် လက်ရှိငါ အဆင့်တက်ဖို့အတွက် အင်မော်တယ်သခင်အဆင့် သွေးစွမ်းအားကိုပဲ အားကိုးပြီး အသုံးပြုနေရတယ် " </p> <p style="text-align:justify">" ဒါဆိုရင် ကျောက်စိမ်းအင်မော်တယ် အဆင့် ( 33 ) ကို ဖြတ်ကျော်ဖို့အတွက် ဘယ်လောက်ထပ်ကြာနိုင်မလဲ " </p> <p style="text-align:justify">" သုံးနှစ်လောက် အနည်းဆုံးကြာမယ်ထင်တာပဲ " </p> <p style="text-align:justify">လုရန်ရန် ခန့်မှန်းချေတစ်ခုကို ပြောလိုက်ပြီး မျက်မှောင်ကုတ်ကာ … </p> <p style="text-align:justify">" ဒါနဲ့ နင်က ဘာလို့မေးတာလဲ " </p> <p style="text-align:justify">" ငါကမင်းကို အဲ့ဒီကျင့်ကြံခြင်းသုံးနှစ်အချိန်ကို လျော့ကျစေတဲ့ အခွင့်အရေး ပေးမယ်ဆိုရင်ကော .. ဘယ်လိုလဲ " </p> <p style="text-align:justify">ရဲ့ဟိုင်ပြုံးကာ ပြောလိုက်၏။ </p> <p style="text-align:justify">" အင်း ကောင်းတာပေါ့ .. အမ် .. နင် ခုဏက ဘာပြောလိုက်တာ " </p> <p style="text-align:justify">လုရန်ရန် ခေါင်းညိတ်ပြီးမှ အလန့်တကြားဖြင့် ပြန်မေးလိုက်လေသည်။ </p> <p style="text-align:justify">ထိုအချိန်တွင် ရဲ့ဟိုင်၏ လက်ထဲ၌ အလွန်ကြောက်စရာကောင်းသော ဖိအားနှင့် အရှိန်အဝါပါဝင်နေသည့် သွေးတစ်စက် ထွက်ပေါ်လာသည်ကို လုရန်ရန် အံ့အားသင့်စွာ တွေ့လိုက်ရ၏။ </p> <p style="text-align:justify">ထိုသွေးစက်သည် သက်ရှိသတ္တဝါများအားလုံးကို အုပ်စိုးသူတစ်ပါးကဲ့သို့ လူတိုင်းအား ဒူးထောက်စေလိုသော  ဖိအားနှင့် တန်ခိုးစွမ်းအားကို ထုတ်လွှတ်နေခဲ့သည်။ </p> <p style="text-align:justify">" အင်မော်တယ်ဘုရင်အဆင့် သွေး " </p> <p style="text-align:justify">လုရန်ရန်သည် ယခင်က အင်မော်တယ်ဘုရင်အဆင့်သွေးများကို မမြင်ဖူးသော်လည်း ရဲ့ဟိုင်လက်ထဲတွင်ရှိသောသွေးက ၎င်းအဆင့်ဖြစ်ကြောင်း သူမကောင်းကောင်းကြီးသိရှိနိုင်လေ၏။ </p> <p style="text-align:justify">" နင် .. နင် .. နင် ငါ့ကို ဒီသွေးကိုပေးမယ်လို့ ဆိုလိုနေတာလား " </p> <p style="text-align:justify">လုရန်ရန် မျက်နှာတွင် မယုံကြည်နိုင်မှုများနှင့်အတူ ရဲ့ဟိုင်ကိုကြည့်ကာ မေးလိုက်သည်။  </p> <p style="text-align:justify">အင်မော်တယ်ဘုရင်အဆင့်သွေးဆိုသည် မှာ မည်မျှတန်ဖိုးရှိလိုက်သနည်း။ ရှန်ကျင်းဂိုဏ်းကပင် အင်အားစုတစ်စုလုံးကို အသုံးချပြီး  ရှာဖွေခဲ့တာတောင်မှ အင်မော်တယ်သွေးတစ်စက်ကို စုဆောင်းနိုင်ခဲ့ခြင်းမရှိပေ။ </p> <p style="text-align:justify">ယခုမှသာ သိကျွမ်းခဲ့ရသည့် ရဲ့ဟိုင်က သူမအား အင်မော်တယ်ဘုရင်အဆင့်သွေးတစ်စက် ကို ပေးနေခဲ့သည်လား။ </p> <p style="text-align:justify">" ဒါက မင်းကိုငါ အခွင့်ကောင်းယူခဲ့မိတဲ့အတွက် ပြန်ပြီးတော့ ပေးဆပ်တာပဲ " </p> <p style="text-align:justify">ရဲ့ဟိုင် လုရန်ရန်ကို မျက်လုံးတစ်ဖက်မှိတ်ပြကာ ပြောလိုက်၏။ </p> <p style="text-align:justify">ရဲ့ဟိုင်၏ ထိုစကားက လုရန်ရန်၏ လည်ပင်းနှင့်မျက်နှာကို ရဲတွတ်သွားစေသည်။  </p> <p style="text-align:justify">" နင်ဘာတွေလာပြောနေတာလဲ " </p> <p style="text-align:justify">သူမသည် ထိုသို့ပြောလိုက်သော်လည်း လက်ကတော့ အင်မော်တယ်ဘုရင်အဆင့်သွေးကို လှမ်းကာယူလိုက်ဆဲပင်။ အင်မော်တယ်ဘုရင်အဆင့်သွေးဆိုသည် မှာ သူမအတွက် အလွန်အရေးကြီးသော အရာတစ်ခုဖြစ်လေသည်။ ထို့ကြောင့် တစ်ဖက်လူက စေတနာဖြင့် ပေးလာသည့်အချိန်တွင် သူမ၌ ငြင်းဆန်နိုင်သော ခွန်အားမရှိချေ။ </p> <p style="text-align:justify">" အင်မော်တယ်ဘုရင်အဆင့်သွေး " </p> <p style="text-align:justify">အဝေးတွင်ရှိနေသော ကျိုးဘူတန် ၎င်းသွေးကိုကြည့်ပြီး မျက်လုံးက အရောင်တလက်လက် တောက်ပလာ၏။ </p> <p style="text-align:justify">လုရန်ရန်က ၎င်းသွေးကို ယူသွားသည်အား သူလုံးဝတားမြစ်ခြင်းမရှိပေ။ လုရန်ရန် ၎င်းအင်မော်တယ်ဘုရင်အဆင့်သွေးကို ရသွားလျှင် သူမ၏လက်ရှိ ကျင့်ကြံအဆင့်က မည်သို့တိုးတက်သွားမည်ဆိုတာကို သူကောင်းကောင်းသိသည်။ </p> <p style="text-align:justify">သို့သော် သူမမှာ မိမိ၏အကျဉ်းသား ဖြစ်နေဆဲပင်။ မည်သည့်အရာကို စိတ်ပူရမည်နည်း။ </p> <p style="text-align:justify">ကျိုးဘူတန်၏ လောဘတောက်ပနေသော မျက်လုံးကို တွေ့သောအခါ လုရန်ရန် အင်မော်တယ်ဘုရင်အဆင့်သွေးကို လက်ထဲတွင် ကျစ်ကျစ်ပါအောင် ဆုပ်လိုက်လေ၏။  </p> <p style="text-align:justify">" မဟုတ်ဘူး .. ဒါက ငါ့ဥစ္စာပဲ " </p> <p style="text-align:justify">" မင်းရဲ့ ဥစ္စာ၊ ဟုတ်လား .. ဟား ဟား .. ဘယ်လောက်တောင်ရယ်စရာကောင်းလဲ " </p> <p style="text-align:justify">ကျိုးဘူတန် ဟက်ဟက်ပက်ပက် ရယ်မောလိုက်ပြီး .. </p> <p style="text-align:justify">" ကောင်မလေးကြည့်ရတာ မင်းက လက်ရှိအခြေအနေကို သဘောမပေါက်သေးဘူးထင်တယ် " </p> <p style="text-align:justify">ထိုအချိန်တွင် ရဲ့ဟိုင်က လုရန်ရန်၏ ထိတ်လန့်နေသော အမူအရာကိုကြည့်ပြီး ခပ်ဖျော့ဖျော့ပြုံးလိုက်ကာ .. </p> <p style="text-align:justify">" နင်က ဘာတွေစိတ်ပူနေတာလဲ " </p> <p style="text-align:justify">လုရန်ရန် ရဲ့ဟိုင်ကို တအံ့တဩဖြင့် ပြန်ကြည့်လိုက်သည်။ ရဲ့ဟိုင် ပြဿနာစဖြစ်ကတည်းက အဆုံးသတ်အချိန်အထိ အဘယ့်ကြောင့်ယခုလို တည်ငြိမ်အေးဆေးနေလဲဆိုတာကို သူမနားမလည်နိုင်သေးချေ။ </p> <p style="text-align:justify">" ငါတို့အားလုံး အခု ကျိုးမိသားစုလက်ထဲရောက်နေတာလေ နင်နည်းနည်းလေးတောင်မှ စိတ်ပူပန်မှုမရှိဘူးလား " </p> <p style="text-align:justify">လုရန်ရန် ရဲ့ဟိုင်ကိုကြည့်ကာ မမေးပဲ မနေနိုင်တော့ချေ။ </p> <p style="text-align:justify">" ဘယ်လောက်တောင်ဉာဏ်နည်းလိုက်လဲ အင်မော်တယ်ဘုရင်အဆင့်သွေး ဒီလိုလူသိရှင်ကြား ငါမင်းကို ပေးဝံ့မှတော့ အဓိပ္ပါယ်က ဘာလဲဆိုတာကို  မင်းအခုချိန်အထိ သဘောမပေါက်သေးဘူးလား " </p> <p style="text-align:justify">စကားဆုံးသည်နှင့် ရဲ့ဟိုင်၏ခန္ဓာကိုယ်က ရိပ်ခနဲရွှေ့လျားသွားပြီး သူ၏ခန္ဓာကိုယ်ထဲရှိ အရိုးများကလည်း အက်ကွဲသံများ ဆက်တိုက်ထွက်ပေါ်လာသည်။ </p> <p style="text-align:justify">ထို့နောက် အုန်းခနဲ ပေါက်ကွဲသံနှင့်အတူ ကျိုးဘူတန်နှင့် သူ၏လူများအကုန်လုံး ပိတ်ဆို့အကျဉ်းချထားသည့် လေဟာနယ်က ရဲ့ဟိုင်၏ လက်သီးတစ်ချက်အောက်တွင် အပေါက်ကြီးတစ်ပေါက် ဖြစ်ပေါ်လာလေ၏။ </p> <p style="text-align:justify">ကျိုးမိသားစု၏ အင်မော်တယ်သခင်အလယ်အလတ်အဆင့် ကျင့်ကြံသူများ ၎င်းပေါက်ကွဲမှု လှိုင်းလုံးအောက်တွင် သွေးများဖူးခနဲအန်ကာ လွင့်ထွက်ကုန်သည်။ </p> <p style="text-align:justify">အင်မော်တယ်သခင် အဆင့်မြင့် ကျင့်ကြံသူများပင်လျှင် သူတို့၏ ချီနှင့်သွေးစွမ်းအားများက ခန္ဓာကိုယ်ထဲ၌ ဗရမ်းဗတာ ဖြစ်သွားလေ၏။</p> <p style="text-align:justify"> </p> <p style="text-align: center;">***</p>


Save