Book List

<h2 style="text-align:center">အပိုင်း - ( ၁၃၂၆ ) </h2> <h2 style="text-align:center">*</h2> <p style="text-align:justify"> </p> <p style="text-align:justify">" မင်းဘယ်သူလဲ " </p> <p style="text-align:justify">ကျိုးဘူတန် အနောက်သို့ ခြေတစ်လှမ်းခန့်ဆုတ်သွားပြီး ရဲ့ဟိုင်ကို အလန့်တကြားဖြင့် ကြည့်လိုက်၏။ </p> <p style="text-align:justify">" လုရန်ရန် ကျောက်စိမ်းအင်မော်တယ် အဆင့် ( 33 ) ဆိုတာက အဲ့ဒီအဆင့်ရဲ့ အဆုံးစွန်ကန့်သတ်ချက် မဟုတ်ဘူးဆိုတာကို မင်းသိလား " </p> <p style="text-align:justify">ရဲ့ဟိုင် ကျိုးဘူတန်ကို လုံးဝ လျစ်လျူရှုထားပြီး လုရန်ရန်ကို ကြည့်ကာ... </p> <p style="text-align:justify">" ကျောက်စိမ်းအင်မော်တယ် အဆင့် ( 33 ) ဆိုတာက အဲ့ဒီအဆင့်ရဲ့ အစပဲရှိသေးတယ်၊ အင်မော်တယ်ဘုရင်အဆင့်မှာ မင်းဘယ်လောက်အထိ ရောက်နိုင်မလဲဆိုတာက မင်းခန္ဓာကိုယ်ထဲရှိနေတဲ့ စွမ်းအင်အပ်စိုက်မှတ်တွေအပေါ် မူတည်နေတာပဲ " </p> <p style="text-align:justify">ရဲ့ဟိုင် ထိုသို့ပြောပြီးသည်နှင့် တစ်ခဏအတွင်း ပျောက်ကွယ်သွားပြီး ကျိုးမိသားစုမှ အင်မော်တယ်သခင်အဆင့် ကျင့်ကြံသူတစ်ယောက်ရှေ့တွင် ဖျတ်ခနဲပေါ်လာသည်။ </p> <p style="text-align:justify">ထို့နောက် သူ၏လက်က ဓားတစ်စင်းအသွင်ဖြင့် ထိုအင်မော်တယ်သခင်အဆင့် ကျင့်ကြံသူကို ခုတ်ပိုင်းချလိုက်၏။ </p> <p style="text-align:justify">လုံးဝကိုရိုးရှင်းသော တိုက်ခိုက်မှုလေးတစ်ခုပင်။ </p> <p style="text-align:justify">သို့သော် ရဲ့ဟိုင် လုရန်ရန်၏ အနားသို့ ပြန်ရောက်သွားသည့်အချိန်တွင် ကျိုးမိသားစုမှ အင်မော်တယ်သခင် အဆင့် ( 6 ) ကျင့်ကြံသူမှာ၊ ခန္ဓာကိုယ်နှစ်ခြမ်းဖြစ်သွားပြီး ပွဲချင်းပြီးသေဆုံးသွားသည်။ </p> <p style="text-align:justify">ကြည့်နေသောလူများအားလုံး ရုတ်ရုတ်သဲသဲ ဖြစ်သွား၏။ </p> <p style="text-align:justify">" အဲ့ဒီလို ကျောက်စိမ်းအင်မော်တယ်အဆင့် ကျင့်ကြံသူတစ်ယောက်က တကယ်လုပ်နိုင်စွမ်းရှိတာလား " </p> <p style="text-align:justify">လုရန်ရန် အံ့အားသင့်စွာဖြင့် အော်ဟစ်လိုက်သည်။ </p> <p style="text-align:justify">" ငါ့ခန္ဓာကိုယ်က လက်ရှိအချိန်မှာ အကန့်အသတ်ကို ရောက်နေပြီလား မရောက်သေးဘူးလားဆိုတာကို ငါမသိဘူး၊ ဒါပေမဲ့ လက်ရှိ ငါ့ရဲ့ ခန္ဓာကိုယ်စွမ်းအားနဲ့ဆိုရင် အင်မော်တယ်သခင်အဆင့် ကျင့်ကြံသူတွေကို ခွေးလို ကြက်လို သတ်ဖြတ်နိုင်စွမ်းရှိတယ် " </p> <p style="text-align:justify">စကားဆုံးသည်နှင့် ရဲ့ဟိုင်၏ခန္ဓာကိုယ်က ရိပ်ခနဲ ထပ်မံပျောက်ကွယ်သွားပြီး ကျိုးမိသားစုမှ အင်မော်တယ်သခင်အဆင့် ကျင့်ကြံသူတစ်ယောက်အရှေ့တွင် ထပ်မံပေါ်လာပြန်၏။ ထို့နောက် သူ၏ လက်က ဓားတစ်စင်းအသွင် ပြောင်းလဲသွားပြန်သည်။ </p> <p style="text-align:justify">ယခုနကလို လုံးဝရိုးရှင်းသည့် ခုတ်ပိုင်းချက်တစ်ခုပင်။ </p> <p style="text-align:justify">သို့သော် ရဲ့ဟိုင် လုရန်ရန်အနားသို့ ပြန်ရောက်သွားသည့်အချိန်၌ ကျိုးမိသားစု၏ ထိုအင်မော်တယ်သခင်အဆင့် ပုဂ္ဂိုလ်မှာ ဒုတိယမြောက် သေဆုံးသူနေရာကို ရယူသွားလေ၏။ သူ့တွင် ခုခံနိုင်စွမ်းတောင် မရှိခဲ့ချေ။ </p> <p style="text-align:justify">ထိုမြင်ကွင်းကိုကြည့်ပြီး ကျိုးဘူတန်၏ မျက်နှာက မဲမှောင်သွားသည်။ </p> <p style="text-align:justify">ကျိုးဘူတန်သည် အရာအားလုံးကိုတွက်ချက်ပြီး ထည့်စဉ်းစားခဲ့သော်လည်း ဤရဲ့ဟိုင်ဆိုသောကောင်က သူ၏ အစီအစဉ်များအားလုံးကို ယခုလို ပြောင်းပြန်လှန်နိုင်မည်ဟု မမျှော်လင့်ထားခဲ့ချေ။ </p> <p style="text-align:justify">အင်မော်တယ်သခင်အဆင့် ကျင့်ကြံသူများကို ခွေးများ ကြက်များလို အလွယ်တကူ သတ်ဖြတ်နိုင်သောစွမ်းအား... ဤစွမ်းအားကို ပိုင်ဆိုင်ထားသည့်လူမှာ မည်မျှကြောက်စရာကောင်းမည်ဆိုတာကို စိတ်ကူးပင် ယဉ်ကြည့်နိုင်မည် မဟုတ်ပေ။ </p> <p style="text-align:justify">" ရဲ့ဟိုင် ငါတို့စကားကို အေးဆေးပြောရအောင် " </p> <p style="text-align:justify">ရဲ့ဟိုင် ထပ်လှုပ်ရှားရန် ကြံရွယ်နေလျှင် ကျိုးဘူတန် ကမန်းကတန်း အော်ပြောလိုက်၏။ လက်ရှိအချိန်တွင် သူတကယ်ထိတ်လန့်နေပြီဖြစ်သည်။ သူသာ ရဲ့ဟိုင်ကို မတားဘူးဆိုလျှင် ကျိုးမိသားစု၏ အင်မော်တယ်သခင်အဆင့် ပုဂ္ဂိုလ်များအားလုံး ထိုကောင်၏လက်ထဲ၌ သေဆုံးသွားနိုင်ဖွယ်ရှိ၏။ </p> <p style="text-align:justify">ထိုကောင် ဒုတိယမြောက်သတ်သွားသည့်လူက ကျိုးမိသားစုတွင် အင်မော်တယ်သခင်အဆင့် ( 7 ) ကို ရောက်ရှိနေသောသူဖြစ်သည်။ ထို့ကြောင့် အင်မော်တယ်သခင်အဆင့် ( 8 ) တွင်ရှိသော သူကလဲ ရဲ့ဟိုင်ကိုဘာမှလုပ်နိုင်မည်မဟုတ်ချေ။  </p> <p style="text-align:justify">" မင်းမေ့နေတဲ့ပုံပဲ .. ငါတို့ကြားထဲမှာ ဘာမှဆွေးနွေးစရာ မရှိဘူးလို့ထင်တယ် " </p> <p style="text-align:justify">ရဲ့ဟိုင် ကျိုးဘူတန်ကိုကြည့်ကာ တည်တည်ငြိမ်ငြိမ်ပင် ပြောလိုက်၏။ </p> <p style="text-align:justify">" မဟုတ်ဘူး ရဲ့ဟိုင် ငါတို့ကျိုးမိသားစုက တတ်နိုင်တဲ့အရာဆိုရင် မင်းဘာမဆို တောင်းဆိုလို့ရတယ်၊ ကျေးဇူးပြုပြီးတော့ ဆက်ပြီးမလှုပ်ရှားပါနဲ့တော့ " </p> <p style="text-align:justify">ကျိုးဘူတန် ရဲ့ဟိုင်ကို တောင်းပန်ခယသော အမူအရာဖြင့် ပြောလိုက်သည်။ </p> <p style="text-align:justify">" တကယ်လား " </p> <p style="text-align:justify">ရဲ့ဟိုင်ပြုံးပြီး ပြန်မေးလိုက်၏၊ </p> <p style="text-align:justify">" တကယ်ပါ .. လုံးဝကို ကြိုက်တာတောင်းဆိုလို့ရပါတယ်၊ တစ်ချက်လေးတောင် လက်မတွန့်စေရပါဘူး " </p> <p style="text-align:justify">ကျိုးဘူတန် ကမန်းကတန်းပင် ခေါင်းညိတ်ကာ ပြောလိုက်သည်။ သိက္ခာကျရမည် ဆိုရင်တောင်မှ သူ ထိုနတ်ဆိုးကောင်ကို နည်းနည်းလေးတောင် ထပ်လှုပ်ရှားခွင့် မပေးနိုင်တော့ချေ။ </p> <p style="text-align:justify">" ပွင့်ပွင့်လင်းလင်းပြောရရင် မင်းတို့ကျိုးမိသားစုမှာ ငါစိတ်ဝင်စားတဲ့အရာ ဘာတစ်ခုမှမရှိဘူး " </p> <p style="text-align:justify">ရဲ့ဟိုင်၏ စကားက ဘာတောင်းတောင်း ရအောင်ပေးမည်ဟု ဆုံးဖြတ်ထားသော ကျိုးဘူတန်ကို အံ့အားသင့်သွားစေ၏။ သို့သော်လည်း ရဲ့ဟိုင်၏ လက်ရှိ စွမ်းအားနှင့် ကြောက်စရာကောင်းနိုင်လောက်သည့် နောက်ခံကို ပြန်စဉ်းစားမိလိုက်သောအခါ ဤအရာက သဘာဝကျသည်ဆိုတာကို နားလည်သွားသည်။ </p> <p style="text-align:justify">ထိုအချိန်တွင် ရဲ့ဟိုင်သက်ပြင်းချလိုက်ပြီး... </p> <p style="text-align:justify">" ဒါပေမဲ့ ကျိုးခေ့ခေ့ ကြောင့် မင်းတို့ကျိုးမိသားစုကို ရှင်သန်ဖို့အတွက် ငါအခွင့်အရေးပေးလိုက်မယ် " </p> <p style="text-align:justify">" ကျိုးခေ့ခေ့ မင်းအခုကော ပင်မကျိုးမိသားစုနဲ့ ပေါင်းစပ်ဖို့အတွက် ဆန္ဒရှိသေးလား " </p> <p style="text-align:justify">ရဲ့ဟိုင် ကျိုးခေ့ခေ့ ကိုကြည့်ကာ မေးလိုက်၏။ </p> <p style="text-align:justify">" ငါ့ရဲ့ ကျိုးမိသားစုခွဲမှာပဲ အေးအေးဆေးဆေး နေချင်တော့တယ်၊ ပင်မမိသားစုထဲကို မဝင်ချင်တော့ဘူး " </p> <p style="text-align:justify">ကျိုးခေ့ခေ့ ခေါင်းကိုခါယမ်းကာ ပြောလိုက်သည်။ </p> <p style="text-align:justify">မူလက မိမိမိသားစု၏ တာဝန်များအားလုံးကို ပုခုံးပေါ်ထမ်းထားရသဖြင့် ပင်မကျိုးမိသားစုထဲကို အတင်းအကြပ် ဝင်ရောက်လိုခဲ့ခြင်းဖြစ်၏။ </p> <p style="text-align:justify">သို့သော် ယခုတော့ ထိုကျိုးဘူတန်ဆိုသော လူ၏ ရည်မှန်းချက်များက အလွန်အမင်းကို ကြီးမားလွန်းလှသည်။ </p> <p style="text-align:justify">ထို့ကြောင့် ကျိုးခေ့ခေ့ သည် ပင်မကျိုးမိသားစုနှင့် ဝေးဝေးမှာနေလိုက်သည်က အကောင်းမွန်ဆုံးဆိုတာကို နားလည်သွားပြီဖြစ်၏။ </p> <p style="text-align:justify">" သူပြောတာကြားလား " </p> <p style="text-align:justify">ရဲ့ဟိုင် ကျိုးဘူတန်အား စိုက်ကြည့်လိုက်ပြီး ကျိုးခေ့ခေ့ ကို ညွှန်ပြကာ ...</p> <p style="text-align:justify">" အခုချိန်ကစပြီး မင်းရဲ့ ပင်မကျိုးမိသားစုက  ကျိုးခေ့ခေ့ မျိုးနွယ်ကို လုံးဝနှောင့်ယှက်ပြီး ထိပါးလို့မရဘူး၊ ပြီးတော့ ကျိုးခေ့ခေ့ရဲ့ မျိုးနွယ်ခွဲက တစ်ခြားအင်အားစုတွေရဲ့ အနိုင်ကျင့်ခြင်းကို ခံနေရရင်လဲ မင်းဝင်ရောက်စွက်ဖက်ပြီးတော့ ကိုင်တွယ်ဖြေရှင်းပေးရမယ် " </p> <p style="text-align:justify">" သခင်လေးရဲ့" </p> <p style="text-align:justify">ထိုအချိန်တွင် ယီရှောင်းက လေးနက်သော အမူအရာဖြင့် ရဲ့ဟိုင်ကို ဦးညွှတ်လိုက်ပြီး... </p> <p style="text-align:justify">" ဒီကိစ္စပြီးသွားရင် ငါတို့ရှန်ကျင်းဂိုဏ်းက ကျိုးမိသားစုနဲ့ တိုက်ပွဲဖြစ်မှာ အသေအချာပဲ၊ သခင်လေးရဲ့ ရပ်တည်ချက်က ဘယ်လိုလဲဆိုတာ သိချင်ပါတယ် " </p> <p style="text-align:justify">ယခင်ကဆိုလျှင်တော့ ယီရှောင်း ရဲ့ဟိုင်၏ ရပ်တည်ချက်ကို လုံးဝထည့်သွင်းစဉ်းစားမည်မဟုတ်ချေ။ </p> <p style="text-align:justify">လျစ်လျူရှုထားမည်ဖြစ်သည်။ </p> <p style="text-align:justify">သို့သော် ယခုတော့ သူဤကဲ့သို့ မလုပ်နိုင်တော့ဘူးဖြစ်၏။ </p> <p style="text-align:justify">ယီရှောင်းသည် သူ၏ခန့်မှန်းချက်အရဆိုလျှင် ရဲ့ဟိုင်၏ရုပ်ခန္ဓာက အင်မော်တယ်ဘုရင်အဆင့်များနှင့်ပင် နှိုင်းယှဉ်နိုင်ကြောင်း သတိထားမိသည်။ </p> <p style="text-align:justify">ထိုသို့သာမဟုတ်လျှင် သူက ကျိုးမိသားစု၏ ထိပ်တန်းအင်မော်တယ်သခင်အဆင့် ကျင့်ကြံသူများကို ခွေးလိုကြက်လို အလွယ်တကူ သတ်ဖြတ်နိုင်မည် မဟုတ်ပေ။ </p> <p style="text-align:justify">" အင်မော်တယ်ဘုရင်အဆင့် ရုပ်ခန္ဓာ " </p> <p style="text-align:justify">တစ်နည်းဆိုရသော် အင်မော်တယ်ဘုရင်အဆင့် ကျင့်ကြံသူတစ်ယောက်မှလွဲ၍ မည်သူကမှ ရဲ့ဟိုင်ကို ယှဉ်နိုင်တော့မည် မဟုတ်ဘူးဖြစ်၏။ </p> <p style="text-align:justify">ရှန်ကျင်းဂိုဏ်းတွင်လည်း အင်မော်တယ်ဘုရင်အဆင့် ဘိုးဘေးတစ်ပါးရှိသည်။ သို့သော် ထိုဘိုးဘေးတောင်မှ ရဲ့ဟိုင်ကို သတ်ဖြတ်နိုင်မည်ဟု မည်သူမှ အာမမခံနိုင်ချေ။ </p> <p style="text-align:justify">အင်မော်တယ်ဘုရင်အဆင့်ထဲတွင်လည်း သူ့အားသာချက်နှင့် အားနည်းချက်များ ကိုယ်စီရှိကြလေ၏။ </p> <p style="text-align:justify">အဓိကအချက်မှာ ရဲ့ဟိုင်၏ ခန္ဓာကိုယ်က မည်မျှလောက်ထိ သန်မာလဲဆိုတာကို သူလဲမသိပေ။ သိအောင် စမ်းသပ်ဖို့ကြတော့လဲ လူတချို့သည် သွား၍စမ်းသပ်လို့ ရသည့်သူများမဟုတ်ကြောင်း သိအောင် ယီရှောင်းကောင်းကောင်းနားလည်ထားသည်။ </p> <p style="text-align:justify">ထို့အပြင် ဤကဲ့သို့ ပါရမီရှင်တစ်ယောက်ဖြစ်သော ရဲ့ဟိုင်၏ နောက်တွင်လည်း ထိပ်သီးအင်အားစုက မရှိဘဲနေမည်လား။ </p> <p style="text-align:justify">၎င်းနောက်ခံကို တွေးလိုက်တိုင်း သူ့တွင် ထိတ်လန့်မှုကလွဲ၍ ဘာအဖြေမှ ရှိမလာချေ။</p> <p style="text-align:justify"> </p> <p style="text-align:center">***</p>


Save