Book List

<h2 style="text-align: center;">အပိုင်း - ( ၁၃၂၈ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">" မင်းတို့လဲ ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးအကြောင်းကို သိနေမှတော့ မီးတောက်မြက်က အဓိက ပါဝင်ပစ္စည်းဖြစ်တယ်ဆိုတာကိုလည်း သိထားသင့်တယ် " </p> <p style="text-align:justify">ရဲ့ဟိုင် ဟောင်အယ်ကို တည်တည်ငြိမ်ငြိမ်ကြည့်ကာ ပြောလိုက်၏။ </p> <p style="text-align:justify">" ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးရဲ့ အကျိုးကျေးဇူးက ဘာတွေမို့လို့ အဲ့လောက်တောင်မှ အဖိုးတန်နေရတာတုန်း " </p> <p style="text-align:justify">လုရန်ရန် ရဲ့ဟိုင်ကို သိချင်စိတ်များနှင့်အတူ မေးလိုက်လေသည်။ </p> <p style="text-align:justify">" ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးဆိုတာက ကျောက်စိမ်းအင်မော်တယ်အဆင့် ( 13 ) မှာရှိတဲ့ လူတစ်ယောက်ကို ကျင့်ကြံအဆင့်နှစ်ခု တိုက်ရိုက်တိုးတက်စေနိုင်စွမ်းရှိတယ်၊ ကျောက်စိမ်းအင်မော်တယ်အဆင့် ( 18 ) အထက် ကျင့်ကြံသူတွေကိုလည်း နယ်ပယ်တစ်ခုကို အဆင့်တိုးစေနိုင်စွမ်းရှိတဲ့ ဆေးပဲ " </p> <p style="text-align:justify">ရဲ့ဟိုင်ထိုသို့ပြောပြီးသည်နှင့် လုရန်ရန်အားကြည့်လိုက်ပြီး... </p> <p style="text-align:justify">" အခုလောက်ဆိုရင် မီးတောက်မြက်တစ်ပင်ရဲ့ တန်ဖိုးက ဘာလဲဆိုတာ မင်းနားလည်သွားပြီမလား " </p> <p style="text-align:justify">" မဟုတ်သေးဘူး၊ ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးအကြောင်းကို နင်သိတယ်ဆိုရင် အဲ့ဒီဆေးလုံးကို သန့်စင်ဖို့ကလဲ ဘယ်လောက်ခက်ခဲတယ်ဆိုတာကို နင်ကောင်းကောင်းသိထားသင့်တယ်၊ ပါးစပ်ကပြောသလို ဆေးက ချက်ချင်း ထွက်လာနိုင်တာ မဟုတ်ဘူး " </p> <p style="text-align:justify">ဟောင်အယ် လက်မခံလိုစိတ်များနှင့်အတူ ဝင်ပြောလိုက်၏။ </p> <p style="text-align:justify">" အခက်အခဲ ဟုတ်လား "</p> <p style="text-align:justify">ရဲ့ဟိုင် ပြုံးလိုက်ပြီး ... </p> <p style="text-align:justify">" ဆေးလုံးကို သန့်စင်ဖို့ ဘယ်လောက်ခက်ခဲမှာမို့လို့လဲ " </p> <p style="text-align:justify">" နင်စကားပြောမစောနဲ့ဦး လက်ရှိ လူတိုင်းလက်ထဲမှာရှိနေတဲ့ ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးညွှန်းတွေက မပြည့်စုံတဲ့ ဆေးညွှန်းတွေပဲ၊ ငါ့ဆရာရဲ့ ဆေးညွှန်းကတော့ လုံးဝပြီးပြည့်စုံတဲ့ ဆေးညွှန်းတစ်ခုဖြစ်နေပြီ " </p> <p style="text-align:justify">ဟောင်အယ် ယုံကြည်မှုရှိစွာဖြင့် … </p> <p style="text-align:justify">" အဲ့ဒါကြောင့် မီးတောက်မြက်က နင့်လက်ထဲမှာထက် ငါ့ဆရာလက်ထဲမှာ ပိုအသုံးဝင်တယ်၊ ငါ့ဆရာထက် ဘယ်သူကမှ ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးကို ဖော်စပ်နိုင်မှာမဟုတ်ဘူး " </p> <p style="text-align:justify">" ဒါဆိုရင် နင့်ရဲ့ဆရာက အဲ့ဒီဆေးလုံးကို တကယ်သန့်စင်နိုင်ပြီပေါ့ " </p> <p style="text-align:justify">ရဲ့ဟိုင် ဟောင်အယ်ကို တအံ့တဩဖြင့်ကြည့်ပြီး မေးလိုက်သည်။ </p> <p style="text-align:justify">" ဒါပေါ့ .. "</p> <p style="text-align:justify">ဟောင်အယ် ထိုသို့ပြောလိုက်သည့်အချိန်တွင် တစ်ဖက်၌ ရှီစင်းယု၏ နှုတ်ခမ်းက တဆတ်ဆတ် တုန်ခါသွား၏။ </p> <p style="text-align:justify">ရှီစင်းယုသည် ဆေးညွှန်းအပြည့်အစုံကို ရရှိထားပြီးသော်လည်း ၎င်းက အစစ်အမှန်ဖြစ်ကြောင်းကို စမ်းသပ်ပြီး မဖော်စပ်ရသေးပေ။ </p> <p style="text-align:justify">သို့သော် ရှီစင်းယုကလဲ သူ၏တပည့်ဖြစ်သူဟောင်အယ်က ပြောပြီးမှတော့ မငြင်းဆန်နိုင်တော့ဘူးဖြစ်သည်။ </p> <p style="text-align:justify">" အိုး" </p> <p style="text-align:justify">ရဲ့ဟိုင် လုရန်ရန်ကို ကြည့်လိုက်ပြီး... </p> <p style="text-align:justify">" မင်းတို့ ရှန်ကျင်းဂိုဏ်းက ရန်ချီနယ်မြေမှာ အစောဆုံးဖြစ်တည်လာတဲ့ ဂိုဏ်းမလား " </p> <p style="text-align:justify">" ဟုတ်တယ် " </p> <p style="text-align:justify">လုရန်ရန် ရဲ့ဟိုင်အဘယ့်ကြောင့် မေးသည်ဆိုတာကို မသိသော်လည်း ခေါင်းညိတ်လိုက်၏။ </p> <p style="text-align:justify">" ဒါဆိုရင် ငါ မင်းတို့ရှန်ကျင်းဂိုဏ်းကနေ အရင်းအမြစ်တချို့ကို ဝယ်ယူချင်တယ် " </p> <p style="text-align:justify">" စိတ်မပူနဲ့ နင်လိုအပ်သလောက် အရင်းအမြစ်တွေကိုပြောလိုက် .. ငါနင့်ကို ရအောင်လုပ်ပေးမယ် " </p> <p style="text-align:justify">လုရန်ရန် ချက်ချင်းပင် အာမခံကာ ပြောလိုက်သည်။ ရဲ့ဟိုင်သည် သူမ၏အသက်ကို တစ်ကြိမ်ကယ်တင်ခဲ့ရုံသာမက အလွန်အဖိုးတန်သော အင်မော်တယ်ဘုရင်သွေးတစ်စက်ကိုလည်း ပေးခဲ့၏။ </p> <p style="text-align:justify">ထို့ကြောင့် ဤအရင်းအမြစ်များကို သူမအနေဖြင့် ပြန်ပေးရန်က မခက်ခဲချေ။ </p> <p style="text-align:justify">" ဟုတ်တယ် မင်းလိုအပ်တဲ့ အရင်းအမြစ်စာရင်း ငါတို့ကိုပေးလိုက်ရုံပဲ၊ ကျန်တာဘာမှမလိုဘူး " </p> <p style="text-align:justify">ယီရှောင်းကလဲ ဝင်ရောက်ပြောဆိုလိုက်သည်။ ယီရှောင်းသည် ရဲ့ဟိုင်၏တန်ဖိုးကို ကောင်းကောင်းသိလေ၏။ ထို့ကြောင့် ရဲ့ဟိုင်တောင်းဆိုချက်က အဆမတန် များပြားနေလျှင်တောင် ယီရှောင်းစိတ်မပူချေ။ </p> <p style="text-align:justify">ရဲ့ဟိုင်သာ ဂိုဏ်းအပေါ်ကို ကျေးဇူးကြွေးများများတင်သွားလေ အနာဂါတ်၌ များများပြန်ဆပ်ရလေဖြစ်သည်။ ထို့ကြောင့် ရဲ့ဟိုင်လိုအပ်သော အရင်းအမြစ်များကို အလကားပေးရန် စဉ်းစားထားလေ၏။ </p> <p style="text-align:justify">" မဟုတ်ဘူး အဲ့လိုမလုပ်နဲ့ .. တန်ရာတန်ကြေးအတိုင်းပဲ ပေးဝယ်မယ် " </p> <p style="text-align:justify">ရဲ့ဟိုင် ခေါင်းကိုညှင်သာစွာခါယမ်း၍ ပြောလိုက်သည်။ </p> <p style="text-align:justify">ရဲ့ဟိုင်က ထိုသို့ပြောလာလျှင် ယီရှောင်း ဆက်မပြောတော့ချေ။ </p> <p style="text-align:justify">" ဒါဆိုရင်လဲ လိုအပ်တဲ့စာရင်းကိုသာပေးလိုက်ပါ၊ ရှန်ကျင်းဂိုဏ်းက မင်းစိတ်ကျေနပ်အောင်လို့ အတတ်နိုင်ဆုံး ကြိုးစားပြီးလုပ်ပေးမယ် " </p> <p style="text-align:justify">" ရဲ့ဟိုင် ငါ့မှာလည်း မိတ်ဆွေနည်းနည်းပါးပါးရှိတယ်၊ မင်းလိုအပ်တဲ့အရာကိုသာပြောလိုက်၊ ငါလဲဖြည့်ဆည်းပေးနိုင်မှာ အသေအချာပဲ " </p> <p style="text-align:justify">ရှီစင်းယုက ဝင်ရောက်ကာ ပြောဆို၏။ </p> <p style="text-align:justify">" ကျွန်တော်လိုအပ်တဲ့အရာက ကြီးကြီးမားမား မဟုတ်တော့ အကြီးကဲကို ဒုက္ခမပေးတော့ပါဘူး " </p> <p style="text-align:justify">ရဲ့ဟိုင် ရှီစင်းယုကို ယဉ်ယဉ်ကျေးကျေးဖြင့် ငြင်းပယ်လိုက်သည်။ </p> <p style="text-align:justify">ရှီစင်းယု ဘာလိုချင်လဲဆိုတာ ရဲ့ဟိုင် ကောင်းကောင်းသိလေ၏။ </p> <p style="text-align:justify">ထို့ကြောင့် ရဲ့ဟိုင်က ရှီစင်းယုကို လုံးဝအကူအညီမတောင်းခြင်းပင်။ </p> <p style="text-align:justify">" ရဲ့ဟိုင် ငါနင့်ကို ပြောနိုင်တာတစ်ခုက ငါ့ရဲ့ ဆရာဆိုတာ ရန်ချီနယ်မြေရဲ့ နံပါတ်တစ်မှော်ဆေးပညာရှင်တစ်ယောက်ပဲ၊ နင်လိုအပ်တဲ့ ဆေးပင်အကုန်လုံး သူ့အနေနဲ့ အလွယ်တကူ ရှာပေးနိုင်စွမ်းရှိတယ် " </p> <p style="text-align:justify">ဟောင်အယ် မကျေမနပ်နှင့် ဝင်ပြောလေသည်။ </p> <p style="text-align:justify">ပြောရရင် သူမက မကျေမနပ် ဖြစ်နေတောင်မှ အလွန် လှသည် ဆိုရမည်ဖြစ်သည်။ သူမသည် နှင်းဖြူရောင်ဝတ်စုံ ဝတ်ဆင်ထားပြီး ဆံပင်ကောက်ကောက်ကောက်လေးနှင့် တင်ပါးလုံးပြီး ခန္ဓာကိုယ်အချိုးအစားကလည်း ထင်နေအောင် ထွက်ပေါ်နေသည်။ </p> <p style="text-align:justify">ယခု သူမ ခါးထောက်ပြီး ရဲ့ဟိုင်ကို ဒေါသထွက်စွာ မကျေမနပ်ဖြင့် ပြောနေသည့်ပုံက သူမ၏ တင်ပါးအချိုးအစားကို ပို၍ပင် ထင်ရှားသွားစေ၏။ ၎င်းပုံစံက ရဲ့ဟိုင်ကို စချင်စိတ်ဖြစ်ပေါ်လာစေသည်။ </p> <p style="text-align:justify">" ကောင်မလေး နင် ငါ့ကိုသာ အဲ့ဒီလို ထပ်ပြီးတော့ စိုက်ကြည့်နေမယ်ဆိုရင် .. ငါ့ရဲ့ပုံရိပ်က နင့် နှလုံးသားထဲထိပါ စွဲမြဲသွားလိမ်မယ်နော် " </p> <p style="text-align:justify">" ကောင်မလေး ဟုတ်လား .. နင်ဘယ်သူ့ကို ကောင်မလေးလို့ ခေါ်လိုက်တာလဲ " </p> <p style="text-align:justify">ဟောင်အယ် မယုံကြည်နိုင်သော ဒေါသများဖြင့်အတူ...</p> <p style="text-align:justify">" နင့်အသက်နဲ့ ငါ့အသက် ဘယ်လောက်ကွာလို့ ငါ့ကို ကောင်မလေးလို့ ခေါ်ရတာတုန်း " </p> <p style="text-align:justify">ဟောင်အယ် ရဲ့ဟိုင်၏ အရိုးသက်တမ်းကို ကြည့်ရှုရုံဖြင့် သူမနှင့် အသက်သိပ်မကွာကြောင်း ကောင်းကောင်းလေး ပြောနိုင်၏။ </p> <p style="text-align:justify">" ငါ မင်းရဲ့ အသက်အရွယ် ကြည့်ပြီး ကောင်မလေးလို့ ခေါ်နေတာ မဟုတ်ဘူးနော် " </p> <p style="text-align:justify">" ဒါဆို နင်ဘာကို ကြည့်ပြောနေတာလဲ " </p> <p style="text-align:justify">ဟောင်အယ် ထိုသို့ပြောပြီးသည်နှင့် ရဲ့ဟိုင် သူမ၏ ရင်ဘတ်ကို စိုက်ကြည့်နေသည်အား သတိပြုမိလိုက်ပြီး ထိုကောင် ဘာပြောချင်မှန်း နားလည်သွားသည်။ </p> <p style="text-align:justify">သူမမှာ တင်ပါးစွင့်ကားပြီး ခန္ဓာကိုယ်က အလွန်လှသော်လည်း အသက်ငယ်သေးသဖြင့် ရင်ဘတ်ကတော့ အနည်းငယ် ပြားချပ်နေခဲ့၏။ </p> <p style="text-align:justify">" ရဲ့ဟိုင် .. နင် လူယုတ်မာကောင် " </p> <p style="text-align:justify">ဟောင်အယ် ဒေါသတကြီး အော်ဟစ်လိုက်ပြီး မျက်နှာလည်း နီရဲတောက်သွားသည်။ </p> <p style="text-align:justify">ရှီစင်းယု၏ တိုက်ရိုက်တပည့်တစ်ယောက်အနေဖြင့် သူမ မည်သည့်ယောက်ျားမဆို သဘောကျပြီး မမြှောက်ပင့်သူ ရှိသနည်း။ </p> <p style="text-align:justify">ရှန်ကျင်းဂိုဏ်း၏ တိုက်ရိုက်တပည့်များပင် သူမကို ဤကဲ့သို့ မလှောင်ပြောင်ရဲချေ။ ယခုတော့ ထိုကောင်က ပေါ်ပေါ်တင်တင်ပင် လှောင်ပြောင်နေလေ၏။ </p> <p style="text-align:justify">" ကောင်းပြီ .. သွားကြရအောင် ဒီနေရာမှာ ဆက်နေလဲ အပိုပဲ " </p> <p style="text-align:justify">ရဲ့ဟိုင် လုရန်ရန်ကို ကြည့်ကာ စကားလမ်းကြောင်းကို ပြောင်းလိုက်သည်။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save