Book List

<h2 style="text-align: center;">အပိုင်း - ( ၁၃၂၉ )</h2> <h2 style="text-align: center;">*</h2> <p> </p> <p style="text-align:justify">တိမ်တိုက်လှေပေါ်တွင် ရဲ့ဟိုင် ရံဖန်ရံခါ လိုအပ်သော ဆေးအမည်စာရင်းများ ချရေးနေပြီး ရွှေအင်မော်တယ်အဆင့် တက်ရန်အတွက် နက်နဲသော တွက်ချက်မှုများ ပြုလုပ်နေ၏။</p> <p style="text-align:justify">ရဲ့ဟိုင် ယခုအချိန်အထိ ရွှေအင်မော်တယ်အဆင့်သို့ အဆင့်တက်ရန် မကြိုးစားရသေးသည့် အကြောင်းအရင်းမှာ သူအချိန်ပိုယူလေ အဆင့်တက်သည့်အချိန်၌ အောင်မြင်မှု ကြီးမားလေဆိုတာကို ခံစားနေရသောကြောင့်ပင်။</p> <p style="text-align:justify">ဤသို့ဖြင့် တစ်ရက်ခွဲကျော်သောအခါ ယီရှောင်း၏ ခွန်အားအပြည့်ဖြင့် မောင်းနှင်လာသော တိမ်တိုက်လှေ ရှန်ကျင်းဂိုဏ်းရှိရာသို့ ရောက်ရှိလာသည်။</p> <p style="text-align:justify">ရှန်ကျင်းဂိုဏ်းသို့ ရောက်သည်နှင့် ယီရှောင်း ဂိုဏ်းချုပ်ထံသို့ အမြန်သွားပြီး ဖြစ်ပျက်ခဲ့သော အခြေအနေများအား ဂိုဏ်းချုပ် လျန်ယီထံ သတင်းပို့လေ၏။</p> <p style="text-align:justify">အကုန်လုံး နားထောင်ပြီးသွားသည်နှင့် ဂိုဏ်းချုပ် လျန်ယီ၏ ဖီးနစ်မျက်လုံးထဲတွင် လူသတ်ချင်စိတ်များ ပြည့်နှက်လာသည်။</p> <p style="text-align:justify">" ကျိုးမိသားစု တော်တော်လေး သတ္တိကောင်းနေတာပဲ "</p> <p style="text-align:justify">" အခု ချက်ချင်း အရေးပေါ်ဆင့်ခေါ်အမိန့် ထုတ်ပြန်လိုက် "</p> <p style="text-align:justify">လျန်ယီ အေးစက်သော အမူအရာဖြင့် ပြောလိုက်၏။</p> <p style="text-align:justify">ထိုကဲ့သို့ အရေးပေါ်ဆင့်ခေါ်အမိန့် ထုတ်ပြန်ခြင်းက ရှန်ကျင်းဂိုဏ်းတစ်ခုလုံးကို တော်တော်လေး အံ့အားသင့်သွားစေသည်။</p> <p style="text-align:justify">ဤသည်မှာ ဂိုဏ်းတွင် ကြီးမားသော အဖြစ်အပျက်တစ်ခု ရှိနေကြောင်း အချက်ပြနေခြင်းပင်။</p> <p style="text-align:justify">ဤသို့ဖြင့် ရှန်ကျင်းဂိုဏ်းမှ ပြင်ပရောက်နေသော လူများအကုန်လုံး ဂိုဏ်းသို့ အမြန်ပြေးလွှားလာကြသည့်အချိန်တွင် ရှန်ကျင်းဂိုဏ်း၏ ဂိုဏ်းချုပ် လျန်ယီ နှင့် ယီရှောင်းတို့ နှစ်ယောက် ရဲ့ဟိုင်ရှိရာ ခြံဝန်းသို့ ထွက်လာခဲ့ကြ၏။</p> <p style="text-align:justify">" ရဲ့ဟိုင်... မင်းတောင်းဆိုထားတဲ့စာရင်းမှာ ပါဝင်တဲ့ ဆေးပင်တွေအကုန်လုံးက ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးအတွက်ဆိုတာ ငါသတိထားမိတယ် "</p> <p style="text-align:justify">ရှီစင်းယု ရှန်ကျင်းဂိုဏ်းသို့ လိုက်လာသည့်အပြင် ရဲ့ဟိုင်နှင့် အတူနေထိုင်ရန်လည်း ရွေးချယ်ခဲ့သည်။</p> <p style="text-align:justify">လုရန်ရန်သည်လည်း ရှီစင်းယု၏ တောင်းဆိုမှုကို ငြင်းဆန်ခြင်းမရှိပေ။ မည်သို့ပင်ဆိုစေကာမူ ရှီစင်းယုအပေါ်သို့ ကျေးဇူးကြွေးတင်ရန်ဆိုသည်မှာ ခက်ခဲသောအရာတစ်ခု ဖြစ်၏။</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင် ခေါင်းညိတ်လိုက်လျှင် ရှီစင်းယု မျက်မှောင်ကြုတ်သွားသည်။</p> <p style="text-align:justify">" ငါမသိလို့ မေးပါရစေ... ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးညွှန်းကို မင်းဘယ်လောက်အထိ ကောက်ချက်ချပြီးပြီလဲဆိုတာ သိလို့ရမလား "</p> <p style="text-align:justify">" အကုန်လုံး... ငါသိပြီးပြီ "</p> <p style="text-align:justify">" အကုန်လုံးဟုတ်လား "</p> <p style="text-align:justify">ရှီစင်းယု အလန့်တကြားဖြင့် ပြန်မေးလိုက်၏။</p> <p style="text-align:justify">" ဟုတ်တယ် "</p> <p style="text-align:justify">ရဲ့ဟိုင်က ခေါင်းညိတ်လိုက်လျှင် ဟောင်အယ်က မယုံကြည်နိုင်စွာဖြင့်...</p> <p style="text-align:justify">" ဒါ ဘယ်လိုဖြစ်နိုင်မှာလဲ... ဆရာတောင်မှ အဲ့ဒါကို အကုန်လုံးသိရှိဖို့အတွက် နှစ်ပေါင်းများစွာ ကြိုးစားခဲ့ရတာ "</p> <p style="text-align:justify">" မင်းဆရာ နှစ်ပေါင်းများစွာ ကြိုးစားခဲ့ရတာနဲ့ ငါအဲ့ဒါကို အကုန်လုံးသိနေတာ ဘာဆိုင်လို့လဲ "</p> <p style="text-align:justify">ရဲ့ဟိုင် ပြုံးပြုံးကလေး မေးလိုက်သည်။</p> <p style="text-align:justify">" ဆိုင်တာပေါ့... ငါ့ဆရာက ရန်ချီနယ်မြေတစ်ခုလုံးမှာ နံပါတ်တစ် မှော်ဆေးပညာရှင်တစ်ယောက်လေ၊ နင်က အခုမှ အသက်ငယ်ငယ်လေးပဲ ရှိသေးတာ၊ ငါ့ဆရာနဲ့ ဘယ်လို နှိုင်းယှဉ်နိုင်မှာလဲ "</p> <p style="text-align:justify">ဟောင်အယ် နှုတ်ခမ်းဆူ၍ ရန်ထောင်လျှင် ရဲ့ဟိုင် ပြုံးလိုက်ပြီး...</p> <p style="text-align:justify">" မင်းဆရာက ရန်ချီနယ်မြေမှာ နံပါတ်တစ်မှော်ဆေးပညာရှင်ဆိုတာကို စကားထဲမှာ ခဏခဏ ထည့်ပြောတယ်နော် "</p> <p style="text-align:justify">" ဟုတ်တယ်လေ... ဒါက အမှန်တရားပဲ၊ ဘာလဲ နင့်ကိုယ်နင် ရန်ချီနယ်မြေရဲ့ နံပါတ်တစ်မှော်ဆေးပညာရှင်လို့ ပြောချင်တာတော့ မဟုတ်ဘူးမလား "</p> <p style="text-align:justify">ဟောင်အယ်၏ ထိုစကားကို ကြားလျှင် ရဲ့ဟိုင်က ပြုံးလိုက်ပြီး...</p> <p style="text-align:justify">" ငါ့ရဲ့ ကျင့်ကြံဆင့်ကြောင့် မှော်ဆေးပညာ ကျွမ်းကျင်မှုမှာ ကန့်သတ်ချက် ရှိနိုင်ပေမယ့် ကျောက်စိမ်းအင်မော်တယ်အဆင့်အထိ မှော်ဆေးပညာရှင်တွေထဲမှာတော့၊ ဘယ်သူမှ ငါ့ကို မယှဉ်နိုင်ဘူးဆိုတာ ကိုယ့်ကိုယ်ကို ယုံကြည်ချက်အပြည့်ရှိတယ် "</p> <p style="text-align:justify">" ရဲ့ဟိုင်... မှော်ဆေးပညာရပ်နဲ့ ကျင့်ကြံခြင်းဆိုတာ မတူညီတဲ့အရာနှစ်ခုနော် "</p> <p style="text-align:justify">ရဲ့ဟိုင်၏ မောက်မာသောစကားကို ကြားလျှင် ရှီစင်းယု ယခုတစ်ခေါက်တွင်တော့ မျက်မှောင်ကြုတ်ကာ ဝင်ပြောလိုက်သည်။</p> <p style="text-align:justify">" မဟုတ်ဘူး... ငါ့စိတ်ထဲမှာတော့ အဲ့ဒီနှစ်ခုက အတူတူပဲ "</p> <p style="text-align:justify">ရဲ့ဟိုင် ခပ်ဖျော့ဖျော့ ပြုံးကာ ပြန်ပြောလိုက်၏။</p> <p style="text-align:justify">" ဒါဆိုရင် မင်းနဲ့ငါ နှစ်ယောက်လုံး ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးကို သန့်စင်ကြည့်ရအောင်... မင်းသိပါတယ် ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးဆိုတာ ကျောက်စိမ်းအင်မော်တယ်အဆင့်မှာ ထိပ်တန်းသုံးဆေးလုံးတစ်မျိုးအဖြစ် သတ်မှတ်ထားတဲ့အရာတစ်ခုပဲ၊ မင်းကလည်း ကျောက်စိမ်းအင်မော်တယ်အဆင့်မှာ ဘယ်သူ့မှ မယှဉ်နိုင်ဘူးဆိုတော့... ဘယ်လိုလဲ ပြိုင်ရဲလား "</p> <p style="text-align:justify">ရှီစင်းယု ရဲ့ဟိုင်အား တည်တံ့သော အမူအရာဖြင့် စိုက်ကြည့်ပြီး မေးလိုက်သည်။</p> <p style="text-align:justify">" ပြိုင်ရဲတာပေါ့... ဘာဖြစ်လို့ မပြိုင်ရဲရမှာလဲ "</p> <p style="text-align:justify">ရဲ့ဟိုင်ကလည်း ခေါင်းညိတ်လိုက်၏။</p> <p style="text-align:justify">စိန်ခေါ်သူရှိနေမှတော့ အဘယ်ကြောင့် သူ့အနေဖြင့် မပြိုင်ရဲဘဲ နေရမည်နည်း။</p> <p style="text-align:justify">ထိုအခိုက်တွင် ရှန်ကျင်းဂိုဏ်း၏ ဂိုဏ်းချုပ် လျန်ယီ နှင့် အကြီးအကဲ ယီရှောင်းတို့ ရဲ့ဟိုင်၏ ခြံဝန်းထဲ၌ ထွက်ပေါ်လာသည်။</p> <p style="text-align:justify">ဂိုဏ်းချုပ် လျန်ယီသည် စိမ်းပြာရောင်ဝတ်စုံကို ဝတ်ဆင်ထားပြီး မြင့်မြတ်သော အရှိန်အဝါက ခန္ဓာကိုယ်တွင် တောက်ပနေ၏။</p> <p style="text-align:justify">" ဒါက ပြိုင်ပွဲတစ်ခုဆိုမှတော့ ဒိုင်လူကြီးမရှိလို့ ဘယ်ဖြစ်မလဲ "</p> <p style="text-align:justify">လျန်ယီသည် သူတို့အနားသို့ လျှောက်လာစဉ် အပြုံးတစ်ခုဖြင့် ပြောလိုက်သည်။</p> <p style="text-align:justify">ရှီစင်းယု၏ အဆင့်အတန်းမှာ ရန်ချီနယ်မြေတစ်ခုလုံး၌ အထူးထင်ရှားကျော်ကြားသော အဆင့်အတန်းဖြစ်၏။</p> <p style="text-align:justify">ဤကဲ့သို့ ရန်ချီနယ်မြေ၏ နံပါတ်တစ်မှော်ဆေးပညာရှင်တစ်ယောက် အဆင့်အတန်းကို လျန်ယီ အလွယ်တကူသွားပြီး မစော်ကားရဲချေ။</p> <p style="text-align:justify">ထို့အတူပင် ရဲ့ဟိုင်အားလည်း လုံးဝမစော်ကားရဲဘူးဖြစ်သည်။</p> <p style="text-align:justify">ယီရှောင်းက ရဲ့ဟိုင်၏ အခြေအနေများကို အကုန်လုံး အသေးစိတ် လျန်ယီအား ရှင်းပြပြီးဖြစ်၏။</p> <p style="text-align:justify">ရဲ့ဟိုင်က အနာဂတ်တွင် အင်မော်တယ်ဘုရင်အဆင့်အထိ ရောက်နိုင်မည့်သူပင်။</p> <p style="text-align:justify">ထို့ပြင် ရဲ့ဟိုင် ယခုအချိန်ကတည်းက အင်မော်တယ်ဘုရင်အဆင့် တိုက်ခိုက်ရေးစွမ်းအားကိုလည်း ပိုင်ဆိုင်ထားသေးသည်။</p> <p style="text-align:justify">တစ်နည်းဆိုရသော် သူ လျန်ယီတောင်မှ ရဲ့ဟိုင်နှင့် သွားပြီး မနှိုင်းယှဉ်နိုင်ချေ။</p> <p style="text-align:justify">ဤကဲ့သို့ အရမ်းငယ်ရွယ်လွန်းလှသည့် ပါရမီရှင်တစ်ယောက်နှင့် ရင်ဆိုင်ရချိန်တွင် လျန်ယီကိုယ်တိုင်လည်း အသေးစိတ်ကအစ အမှားအယွင်း မရှိစေရန် သတိထားနေရ၏။</p> <p style="text-align:justify">" ဂိုဏ်းချုပ် လျန် "</p> <p style="text-align:justify">ရှီစင်းယု တလေးတစားဖြင့် ဦးညွှတ်လိုက်သည်။</p> <p style="text-align:justify">" ဂိုဏ်းချုပ် လျန် "</p> <p style="text-align:justify">ရဲ့ဟိုင်ကလည်း လျန်ယီကို ဂါရဝတရားတစ်ခုအနေဖြင့် တလေးတစား နှုတ်ဆက်လိုက်၏။</p> <p style="text-align:justify">ရဲ့ဟိုင်သည် အင်မော်တယ်ဘုရင်အဆင့် တိုက်ခိုက်ရေးစွမ်းအား ပိုင်ဆိုင်ထားသော်လည်း ၎င်းက မောက်မာလို့ရသည်ဟု မဆိုလိုချေ။</p> <p style="text-align:justify">မိမိထက် စီနီယာဖြစ်သူနှင့် တွေ့ဆုံသည့်အချိန်တွင် ရိုသေလေးစားမှု ပြရမည်ဖြစ်သည်။</p> <p style="text-align:justify">ရဲ့ဟိုင်က သူမအား ဤကဲ့သို့ တလေးတစား ဦးညွှတ်ကာ နှုတ်ဆက်လျှင် လျန်ယီ၏ မျက်လုံးထဲ၌ အံ့အားသင့်မှုများ ဖြစ်ပေါ်လာ၏။</p> <p style="text-align:justify">လျန်ယီ နှစ်ပေါင်းများစွာအတွင်း ငယ်ရွယ်သော ပါရမီရှင်မြောက်မြောက်များစွာကို တွေ့ခဲ့ဖူးသည်။</p> <p style="text-align:justify">သူတို့ထဲမှ ဘယ်နှစ်ယောက် မိမိအား အလေးအနက်ထားကာ ရိုသေလေးစားခဲ့ဖူးသနည်း။</p> <p style="text-align:justify">အခြားဂိုဏ်းမှ ကောင်းကင်ပါရမီရှင်များ အကြောင်းမပြောနှင့် မိမိပိုင်ဂိုဏ်းမှ ကောင်းကင်ပါရမီရှင်များထဲတွင်ပင် လုရန်ရန်မှလွဲ၍ အကုန်လုံးက မိမိအား အပေါ်ယံလေးစားမှုသာ  ပြသကြ၏။</p> <p style="text-align:justify">ထိုကောင်းကင်ပါရမီရှင်များအားလုံး၏ စိတ်ထဲတွင် သူတို့က အနာဂတ်၌ အင်မော်တယ်သခင်အဆင့်သို့ ကျိန်းသေရောက်နိုင်ပြီး အင်မော်တယ်ဘုရင်အဆင့်သို့ ရောက်ရှိရန်ပင် အခွင့်အလမ်းရှိကြသည်ဟု ထင်ထားကြသည်။</p> <p style="text-align:justify">အင်မော်တယ်ဘုရင်အဆင့်နဲ့ အင်မော်တယ်သခင်အဆင့်ဆိုတာ တူညီသော အဆင့်အတန်းတစ်ခု မဟုတ်ချေ။</p> <p style="text-align:justify">ထို့ကြောင့် ထိုကောင်းကင်ပါရမီရှင်များက သူမကို အပေါ်ယံသာ လေးစားမှု ပြသကြ၏။</p> <p style="text-align:justify">၎င်းကို လျန်ယီ အနေဖြင့် သိနေသော်လည်း ဘာမှပြုလုပ်နိုင်စွမ်းမရှိကြ။</p> <p style="text-align:justify">ငယ်ရွယ်သည့် ပါရမီရှင်များက အောင်မြင်မှု ကြီးကြီးမားမား ရလာသည့်အချိန်တွင် ဤကဲ့သို့ မောက်မာသည်မှာ သဘာဝသာဖြစ်သည်။</p> <p style="text-align:justify">သို့သော် ရဲ့ဟိုင်၏ အပြုအမူကတော့ ဘယ်ပါရမီရှင်နှင့်မှ မတူကွဲပြားခြားနားနေ၏။</p> <p style="text-align:justify">သူက ငယ်ရွယ်သည့် ပါရမီရှင်တစ်ယောက်ဖြစ်သော်လည်း ရင့်ကျက်သော အရှိန်အဝါနှင့် အမူအကျင့်ကို ပိုင်ဆိုင်ပြီးသားဖြစ်၏။</p> <p style="text-align:justify">သူ၏ အင်မော်တယ်ဘုရင်အဆင့် တိုက်ခိုက်ရေးစွမ်းအားဖြင့်ဆိုလျှင် မိမိလို အင်မော်တယ်သခင်အဆင့်ဖြစ်သူကို ငုံကြည့်ရန်ပင် အရည်အချင်း ပြည့်မီသည်။</p> <p style="text-align:justify">သို့သော် ရဲ့ဟိုင်က ဤကဲ့သို့ တလေးတစား နှုတ်ဆက်ရန် ရွေးချယ်ခဲ့ဆဲပင်။</p> <p style="text-align:justify">ဤအရာမှ အစစ်အမှန် ပါရမီရှင်များ၏ ပြယုဂ်ဖြစ်၏။</p> <p style="text-align:justify">လျန်ယီသည် ရဲ့ဟိုင်အား သဘောကျသော မျက်လုံးများဖြင့် အသေအချာပင် စိုက်ကြည့်လိုက်သည်။</p> <p style="text-align:justify">ယနေ့ခေတ်တွင် ကျင့်ဝတ်သီလကို တန်ဖိုးထားသော ဤကဲ့သို့ ပါရမီရှင်က တစ်သန်းတွင် တစ်ယောက်ဆိုသလို အလွန်ရှားပါးနေခဲ့ချေပြီ။</p> <p style="text-align:justify">" ငါ့ရဲ့ ခုနက အဆိုပြုချက်ကို မင်းတို့ ဘယ်လိုထင်လဲမသိဘူး "</p> <p style="text-align:justify">လျန်ယီ ပြုံးကာ မေးလိုက်၏။</p> <p style="text-align:justify">" ငါ့အနေနဲ့ ကန့်ကွက်စရာ အကြောင်းမရှိဘူး "</p> <p style="text-align:justify">ရှီစင်းယုက တည်တည်ငြိမ်ငြိမ်ဖြင့် ပြန်ပြောသည်။</p> <p style="text-align:justify">" ကျွန်တော်လည်း ဘာကန့်ကွက်စရာမှ မရှိဘူး "</p> <p style="text-align:justify">" ဒါဆိုရင်လည်း စလိုက်ကြရအောင် "</p> <p style="text-align:justify">ချက်ချင်းပင် လျန်ယီသည် ဧရိယာနှစ်ခုကို လက်နှစ်ဖက်ဖြင့် အမှတ်အသားပြုကာ နှစ်ယောက်ယှဉ်ပြိုင်နိုင်ရန်အတွက် နေရာ ဖန်တီးပေးလိုက်လေ၏။</p> <p style="text-align:justify"> </p> <p style="text-align: center;">***</p>


Save