Book List

<h2 style="text-align: center;">အပိုင်း - ( ၁၃၃၀ )</h2> <h2 style="text-align: center;">*</h2> <p> </p> <p style="text-align:justify">ရဲ့ဟိုင် ဧရိယာတစ်ခု ရွေးချယ်လိုက်ပြီး တင်ပျဉ်ခွေထိုင်ကာ မှော်ဆေးမီးဖိုကို တိုက်ရိုက်ပင် ဆင့်ခေါ်လိုက်သည်။</p> <p style="text-align:justify">ထို့နောက် ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးအတွက် ဆေးပင်များ အကုန်လုံး ထုတ်ယူလိုက်၏။ </p> <p style="text-align:justify">ရှီစင်းယုနှင့် မတူသည်မှာ ရဲ့ဟိုင်သည် ဆေးပင်တစ်ပင်ချင်းစီကို လုံးဝ စစ်ဆေးခြင်းမရှိပေ။ ယင်းအစား သူ ဆေးမီးဖိုထဲသို့ တိုက်ရိုက်ပင် ဆေးပင်များအား အကြိမ်ကြိမ် ပစ်ထည့်လိုက်သည်။ </p> <p style="text-align:justify">ချက်ချင်းပင် မူလဆေးမီးတောက်က ရဲ့ဟိုင်၏ လက်ဝါးတွင် ပေါ်လာပြီး အတွင်းမှ ဆေးပင်များ၏ အညစ်အကြေးတွေကို စတင်သန့်စင်လေ၏။ </p> <p style="text-align:justify">"ဘယ်လောက်တောင် ကြောက်စရာကောင်းတဲ့ မီးတောက်လဲ" </p> <p style="text-align:justify">အဝေးမှ ဆေးပင်များ စစ်ဆေးနေသော ရှီစင်းယု တအံ့တသြဖြင့် ရေရွတ်လိုက်သည်။ </p> <p style="text-align:justify">ထိုမြင်ကွင်း ကြည့်ပြီး လျန်ယီလည်း တစ်ခဏ စဉ်းစားပြီးနောက် ယီရှောင်းအား အသံပို့အမိန့် ပေးလိုက်၏။ </p> <p style="text-align:justify">ယီရှောင်း ခေါင်းညိတ်ပြပြီး ရှန်ကျင်းဂိုဏ်း၏ မှော်ဆေးခန်းမဆီ အမြန်ပြေးသွားသည်။ </p> <p style="text-align:justify">ရှီစင်းယု ဆေးလုံး ဖော်စပ်နေသည်ဟု မှော်ဆေးခန်းမမှ လူများသိလျှင် ခေါင်းဆောင်များနှင့် သူတို့၏ အထူးချွန်ဆုံး တပည့်များ အမြန် ပြေးလာကြတော့သည်။ </p> <p style="text-align:justify">သို့သော် လျန်ယီသည် ပြိုင်ပွဲ အနီးတစ်ဝိုက်တွင် အတားအဆီးတစ်ခု ဖန်တီးထားပြီး ၎င်းတို့နှစ်ဦး၏ အလုပ်တွင် အနှောင့်အယှက်မဖြစ်ရန် တားဆီးထား၏။ </p> <p style="text-align:justify">ရှန်ကျင်းဂိုဏ်း မှော်ဆေးခန်းမ၏ အကြီးအကဲမှာ ရန်ချီနယ်မြေ၏ ဒုတိယ အကောင်းဆုံး မှော်ဆေးပညာရှင် ကျိဟိုင် ဖြစ်ပြီး တစ်ခြားလူမဟုတ်ပေ။ </p> <p style="text-align:justify">" ခန်းမသခင် ကျိ၊ ရှင် ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးလုံး လေ့လာနေတာ ဘယ်လောက်အထိ တိုးတက်နေပြီလဲ။" </p> <p style="text-align:justify">လျန်ယီ တိုးတိုး မေးလိုက်၏။ </p> <p style="text-align:justify">ကျိဟိုင် ယုံကြည်ချက် ရှိစွာဖြင့်... </p> <p style="text-align:justify">" ကျွန်တော်တို့ အစစ်မှန်ဆေးညွှန်းရဲ့ 80% ကျော် ဖော်ထုတ်နိုင်ပြီးပါပြီ ဂိုဏ်းချုပ် " </p> <p style="text-align:justify">" ဟုတ်လား .. ခု ဒီနှစ်ယောက်က ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးလုံးကို သန့်စင်နေကြတာလေ " </p> <p style="text-align:justify">လျန်ယီ ပြုံးကာ ရှီစင်းယု နှင့် ရဲ့ဟိုင်ကို လက်ညှိုးထိုးပြပြီး ပြောလိုက်သည်။ </p> <p style="text-align:justify">" ဘာ ... " </p> <p style="text-align:justify">ကျိဟိုင် နှင့် မှော်ဆေးခန်းမ မှ ခေါင်းဆောင်များ၏ မျက်နှာတွေ ဖြူဖျော့သွားကြ၏။ </p> <p style="text-align:justify">ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးညွှန်း 80% ဖော်ထုတ်နိုင်ခြင်းသည် မှော်ဆေးခန်းမ တစ်ခုလုံး၏ နှစ်ပေါင်းများစွာ ကြိုးစား အားထုတ်မှု တစ်ခုပင်။ ယခုတော့ တစ်ခြားလူများ ဆေးလုံးတောင် ဖော်စပ်နိုင်နေပြီတဲ့လား။ </p> <p style="text-align:justify">တစ်ခဏ တိတ်ဆိတ်ပြီးနောက် မှော်ဆေးခန်းမ၏ လက်ထောက်အကြီးအကဲ မျက်မှောင်ကြုတ်ကာ... </p> <p style="text-align:justify">" ရှီစင်းယု ဆေးညွှန်းအပြည့်စုံ ဖော်ထုတ်နိုင်သွားတာ နားလည်ပေးလို့ရတယ်၊ ဒါပေမယ့် အဲ့ဒီကောင်လေးကတော့ ဖင်မွှေးတောင်မဖြူလောက်သေးဘူး ဆေးလုံးဖော်ပြီး ရှီစင်းယုနဲ့ ပြိုင်ရဲတယ်တဲ့လား၊ ခုခေတ် ကလေးတွေ တော်တော်ကို ကိုယ့်အဆင့်ကိုယ် မသိကြတော့ဘူးပဲ " </p> <p style="text-align:justify">" နန်ဆွမ် မင်းရဲ့ စကားတွေကို သတိထားစမ်း .. တစ်ဖက်လူ မစော်ကားမိစေနဲ့ " </p> <p style="text-align:justify">ယီရှောင်း လေးနက်သော အမူအရာဖြင့် သတိပေးလိုက်သည်။ </p> <p style="text-align:justify">" ဘာလဲ၊ ဒီကောင်လေးက မဟာမိသားစု ၈ စုထဲက မို့လို့လား .. အဲ့ဒါဆိုရင်တောင် ငါပြောတဲ့ထဲ အမှားမပါဘူးလေ .. " </p> <p style="text-align:justify">လက်ထောက်ခန်းမသခင်ဖြစ်သော အကြီးအကဲ နန်ရွမ် လက်မခံသော အမူအရာဖြင့် ပြောလိုက်၏။ </p> <p style="text-align:justify">မှော်ဆေးပညာရှင်များသည် ၎င်းတို့၏ မာနကြောင့် လူသိများလေသည်။ သူတို့သည် ကျင့်ကြံခြင်းတွင် မသန်မာကြသော်လည်း၊ သန်မာသည့် ကျင့်ကြံသူများက သူတို့ဖော်စပ်သော ဆေးလုံးများ လိုချင်သဖြင့် ဖားယားကာ အလုပ်လုပ်ပေးကြရ၏။ </p> <p style="text-align:justify">ယင်းအတိုင်းပင် အစွန်းထက်လှသော မိသားစုများနှင့် ဂိုဏ်းများလည်း မှော်ဆေးလုံးများ လိုအပ်သဖြင့် မှော်ဆေးပညာရှင်များနှင့် ပြဿနာ မတတ်အောင် အတတ်နိုင်ဆုံး ရှောင်ရှားတတ်ကြသည်။ </p> <p style="text-align:justify">ထို့ကြောင့် မှော်ဆေးပညာရှင်များက အစွမ်းထက် မိသားစုများနှင့် ဂိုဏ်းများကို သိပ်ဂရုမစိုက်ကြချေ။ </p> <p style="text-align:justify">" အဲ့ဒီကောင်လေးက မဟာမိသားစု ၈ စုထဲကတော့ မဟုတ်ဘူး၊ ဒါပေမယ့် သူ့ရဲ့ ကျင့်ကြံအဆင့်ကတော့ ကျောက်စိမ်းအင်မော်တယ်အဆင့် (33) ပဲ " </p> <p style="text-align:justify">ယီရှောင်း တည်ငြိမ်စွာဖြင့် နန်ဆွမ်ကို ကြည့်ကာ ပြောလိုက်သည်။ </p> <p style="text-align:justify">သို့သော် ထိုစကား နန်ဆွမ်၏ အမူအရာ သာသာယာယာ ပြောင်းလဲသွားစေ၏။ ပတ်ဝန်းကျင်ရှိလူများလည်း ရုတ်ရုတ်သဲသဲ ဖြစ်သွားကြသည်။ </p> <p style="text-align:justify">မှော်ဆေးပညာရှင်များသည် သန်မာသော ကျင့်ကြံသူများနှင့် ဂိုဏ်းများကို သိပ်ဂရုမစိုက်ဘူးဆိုသော်လည်း ၎င်းတို့ကို လုံးဝ လျစ်လျူရှုနိုင်သည်ဟု မဆိုလိုချေ။ </p> <p style="text-align:justify">ကျောက်စိမ်းအင်မော်တယ်အဆင့် (33) ဆိုသည်မှာ နောက်ဆုံးတွင် အင်မော်တယ်ဘုရင်အဆင့်သို့ ရောက်ရှိသွားမည်သူဖြစ်သည်။ </p> <p style="text-align:justify">မှော်ဆေးပညာရှင်များသည် ဂုဏ်ဒြပ်နှင့် အာဏာကြီးမားသော်လည်း အင်မော်တယ်ဘုရင်များနှင့် နှိုင်းယှဉ်၍တော့ မရကြချေ။ </p> <p style="text-align:justify">ဤအနေအထားက ခံရခက်သော်လည်း ဒါဟာ အမှန်တရားပါပင် ဖြစ်၏။ </p> <p style="text-align:justify">" မင်းတို့တွေ အဲ့ဒီကောင်လေးရဲ့ ဆေးမီးတောက် ဘယ်လောက်တောင် ကြောက်စရာကောင်းလဲဆိုတာ သတိထားမိကြလား " </p> <p style="text-align:justify">ထိုအခိုက်တွင် မှော်ဆေးခန်းမမှ အကြီးအကဲ တစ်ဦး၏ လေးနက်သော အသံက လူတိုင်း၏ အာရုံကို ဆွဲဆောင်သွားသည်။ </p> <p style="text-align:justify">ကျိဟိုင် နှင့် တခြားလူများ ရဲ့ဟိုင်၏ လက်ထဲရှိ မှော်ဆေးမီးတောက် ခဏချင်း ကြည့်လိုက်ကြလေ၏။ </p> <p style="text-align:justify">ထိုသို့ ကြည့်လိုက်သည်နှင့် အကုန်လုံး စကားတစ်ခွန်း တစ်ပြိုင်နက်တည်း ရေရွတ်လိုက်ကြရသည်။ </p> <p style="text-align:justify">" အရမ်း ကြောက်စရာကောင်းလွန်းတဲ့ မီးတောက်ပဲ " </p> <p style="text-align:justify">ကျိဟိုင်သည် တစ်ခဏ စောင့်ကြည့်ပြီးနောက် သူ၏ မျက်နှာပေါ်တွင် လေးနက်သော အမူအရာတစ်ခု ဖြစ်ပေါ်လာပြီး ... </p> <p style="text-align:justify">" ငါထင်တာ မမှားရင် အဲ့ဒီကောင်လေး လက်ထဲမှာရှိနေတဲ့ ဆေးမီးတောက် မူလဆေးမီးတောက် ဖြစ်ရမယ် " </p> <p style="text-align:justify">" သူ မူလဆေးမီးတောက်ကို ပိုင်ဆိုင်နေရင်တောင်မှ ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးလုံး ဖော်စပ်နိုင်တယ်လို့ မဆိုနိုင်ဘူးလေ " </p> <p style="text-align:justify">နန်ဆွမ် မျက်မှောင်ကြုတ်ကာ ပြောလိုက်သည်။ </p> <p style="text-align:justify">ဤအရာ သူ ရဲ့ဟိုင်အား မကျေနပ်၍ ကန့်ကွက်ခြင်း မဟုတ်ပေ။ အမှန်တရား ပြောခြင်းသာ ဖြစ်သည်။ </p> <p style="text-align:justify">" ဒီကောင်လေး ဆေးညွှန်းအပြည့်အစုံ ဖော်ထုတ်နိုင်တာ ဟုတ်ရဲ့လားဆိုတာ ခဏထား .. သူ ဆေးညွှန်း အပြည့်အစုံ သိထားရင်တောင်မှ လက်ရှိ အသက်အရွယ်နဲ့ ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးလုံး ဖော်စပ်ဖို့ ဘယ်လိုဖြစ်နိုင်မှာလဲ " </p> <p style="text-align:justify">" အားလုံး သိကြတဲ့အတိုင်းပဲ .. ရှေးဟောင်းအင်မော်တယ် ခန္ဓာကိုယ် ဖန်တီးခြင်း ဆေးလုံးဆိုတာ ထိပ်တန်း ကျောက်စိမ်းအင်မော်တယ် အဆင့် ဆေးလုံးလေ၊ ကျွမ်းကျင်တဲ့ ကျောက်စိမ်းအဆင့် မှော်ဆေးပညာရှင် လူအိုကြီးတွေ မပြောနဲ့ ငါတို့တောင်မှ မသေချာတာ အဲ့ဒီကောင်လေး ဖော်နိုင်ပါ့မလား " </p> <p style="text-align:justify">" ဟုတ်တယ် .. ကျင့်ကြံခြင်းနဲ့ မှော်ဆေးပညာရပ်ဆိုတာ မတူညီတဲ့ အရာနှစ်ခုပဲ၊ သူ ကျောက်စိမ်းအင်မော်တယ်အဆင့် (33) ရောက်နေတာနဲ့ပဲ ဆေးလုံး ဖော်စပ်နိုင်တယ်လို့ မဆိုနိုင်ဘူး " </p> <p style="text-align:justify">မှော်ဆေးခန်းမ၏ ထူးချွန်သော ပါရမီရှင် တပည့်များလည်း ဝင်ရောက်ပြောဆိုကြလေသည်။ </p> <p style="text-align:justify">ထူးချွန်သော လူငယ်မှော်ဆေးပညာရှင်တိုင်းသည် ကမ္ဘာပေါ်တွင် အသက်တူအကြား၌ ဘယ်ပါရမီရှင်မှ သူတို့ထက် ပိုမမြင့်မြတ်ဘူးဟု စိတ်ကြီးဝင် နေကြသူများဖြစ်၏။ </p> <p style="text-align:justify">ထို့ကြောင့် သက်တူရွယ်တူ ရဲ့ဟိုင်၏ ကျင့်ကြံဆင့်က သူတို့ တစ်ဘဝလုံး လှမ်းမမီနိုင်သည့် အနေအထားတွင် ရှိနေကြောင်း သိလိုက်ရသောအခါ စိတ်ထဲတွင် မနာလိုမှုနှင့် မကျေနပ်မှုများ ဖြစ်ပေါ်လာကြသည်။ </p> <p style="text-align:justify">ထိုမနာလိုမှုကြောင့်လည်း ယခု ဝင်ရောက်ပြောဆိုခြင်းပင်။ တကယ်လည်း သူတို့ စိတ်ထဲတွင် ကျင့်ကြံခြင်းလမ်းကြောင်း၌ ထိပ်ဆုံးရောက်နေသော ရဲ့ဟိုင်က မှော်ဆေးပညာရပ်တွင်တော့ သူတို့လောက် ယှဉ်နိုင်မည် မဟုတ်ဟု ထင်ထားကြလေ၏။ </p> <p style="text-align:justify">လူဆိုတာ ဟန်ချက်ညီဖို့ လိုအပ်သည် မဟုတ်လော။</p> <p style="text-align:justify"> </p> <p style="text-align: center;">***</p>


Save