Book List

<h2 style="text-align: center;">အပိုင်း - ( ၁၃၃၂ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">" ရဲ့ဟိုင် ငါတို့ ဒီရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံး ( 9 ) လုံးကို ရှန်ကျင်းဂိုဏ်းဆီ ပြန်ရောင်းနိုင်မလား "</p> <p style="text-align:justify">လျန်ယီ ရဲ့ဟိုင်ကိုကြည့်ကာ ချက်ချင်းပင် ပြောလိုက်သည်။</p> <p style="text-align:justify">" ဝယ်စရာမလိုပါဘူး .. အကြီးအကဲ ဒီတိုင်းယူသွားရင်လဲ ရပါတယ် "</p> <p style="text-align:justify">ချက်ချင်းပင် ရဲ့ဟိုင်သည် ကျောက်စိမ်းပုလင်းထဲသို့ ရှေးဟောင်းအင်မော်တယ်ခန္ဓာကိုယ်ဖန်တီးခြင်း ဆေးလုံး ( 9 ) လုံးကို ထည့်လိုက်၏။ ထို့နောက် ၎င်းဆေးလုံးအား လျန်ယီကို ဤအတိုင်းပေးလိုက်သည်။</p> <p style="text-align:justify">တစ်ဖက်တွင် လျန်ယီက ရဲ့ဟိုင်၏အပြုအမူကြောင့် တစ်ခဏတာ အံ့အားသင့်ပြီး ဆွံ့အနေ၏။</p> <p style="text-align:justify">ရှီစင်းယု၏ ပြောစကားအရဆိုလျှင် ဤရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံး ( 9 ) လုံးက မည်မျှတန်ဖိုးရှိသည်ဆိုတာကို သိရှိထားပြီးဖြစ်သည်။</p> <p style="text-align:justify">သို့သော် ရဲ့ဟိုင်က သူ့ကိုရိုးရိုးရှင်းရှင်းပင် ပေးလိုက်သည်လား။</p> <p style="text-align:justify">လျန်ယီ ရှေးဟောင်းအင်မော်တယ်ခန္ဓာကိုယ်ဖန်တီးခြင်း ဆေးလုံး ( 9 ) လုံးကို သိမ်းဆည်းလိုက်သည့်အချိန်တွင် ရှီစင်းယုက ရဲ့ဟိုင်ကို တစ်စုံတစ်ခုပြောချင်သော်လည်း မည်သို့စပြောရမှန်းမသိ ပါးစပ်ကို ဖွင့်လိုက်ပိတ်လိုက်ဖြင့် အကြိမ်ကြိမ်ဖြစ်နေ၏။</p> <p style="text-align:justify">လုရန်ရန်သည် ရှီစင်းယု၏ အနေအထားကို သတိထားမိသွားပြီး ရဲ့ဟိုင်အားကြည့်ကာ...</p> <p style="text-align:justify">" ရဲ့ဟိုင် ဆရာရှီနဲ့နင် မှော်ဆေးပညာအကြောင်း အတွေ့အကြုံတွေ ဖလှယ်ချင်စိတ် မရှိဘူးလား "</p> <p style="text-align:justify">ထိုစကားကြားလျှင် ရဲ့ဟိုင်တစ်ခဏ တုံ့ဆိုင်းသွားပြီးနောက် ခေါင်းခါယမ်းလိုက်သည်။</p> <p style="text-align:justify">" ငါ့အနေနဲ့ မှော်ဆေးပညာရပ်နဲ့ပတ်သက်ပြီး ဘာဆွေးနွေးစရာမှမရှိဘူး "</p> <p style="text-align:justify">ရဲ့ဟိုင်သည် ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံး ဖော်စပ်နည်းကို ရှီစင်းယုအား လွှဲပြောင်းပေးရန်အတွက် စိတ်ကူးမရှိချေ။</p> <p style="text-align:justify">" အင်း .. ငါဆေးလုံးဖော်စပ်ထားတာဆိုတော့ တော်တော်လေးပင်ပန်းနေပြီ သွားနားလိုက်ဦးမယ် "</p> <p style="text-align:justify">ရဲ့ဟိုင်ချက်ချင်းပင် ဆေးမီးဖိုကိုသိမ်းဆည်းပြီး ထွက်ခွာသွားရန်ပြင်၏။ </p> <p style="text-align:justify">သို့သော် ထိုချိန်တွင် တစ်စုံတစ်ယောက်က သူ့အားတားဆီးလာခဲ့လေသည်။</p> <p style="text-align:justify">" သခင်လေးရဲ့ ငါမင်းကို တစ်ခုလောက်မေးလို့ရမလား "</p> <p style="text-align:justify">ရှန်ကျင်းဂိုဏ်း၏ မှော်ဆေးပညာခန်းမမှ အကြီးအကဲကျိဟိုင်က အနားသို့ကပ်ကာ မေးလာခြင်းပင်။</p> <p style="text-align:justify">" မေး "</p> <p style="text-align:justify">" သခင်လေးရဲ့ .. မင်းဆေးလုံးကို ဖော်စပ်လို့အောင်မြင်သွားတဲ့အချိန်မှာ ဘာလို့ဆေးလုံးမွှေးရနံ့ မထွက်လာလဲဆိုတာ ပြောလို့ရလား "</p> <p style="text-align:justify">" မင်း ကြက်စွပ်ပြုတ်ကို လုပ်စားဖူးလား "</p> <p style="text-align:justify">" ဟုတ်ကဲ့ လုပ်စားဖူးပါတယ် "</p> <p style="text-align:justify">ကျိဟိုင်သည် ရဲ့ဟိုင်က ဘာလို့ဤကဲ့သို့ မေးလဲဆိုတာကို နားမလည်သော်လည်း ပြန်လည်ဖြေကြားလိုက်၏။</p> <p style="text-align:justify">" ဒါဆိုရင်မင်း ကြက်စွပ်ပြုတ်ကို ချက်ပြုတ်နေတဲ့အချိန်မှာ ဟင်းနံ့ကမွှေးကြိုင်နေလား "</p> <p style="text-align:justify">" ဟုတ်ပါတယ် "</p> <p style="text-align:justify">" အဲ့ဒီကြက်စွပ်ပြုတ်က ထွက်လာတဲ့ရနံ့က တကယ်တော့ ကြက်သားရဲ့အနှစ်သာရ စွမ်းအင်ဆိုတာကို မင်းသိလား၊ အဲ့တာကြောင့် မင်းလုပ်ပြီးသောက်နေတဲ့ ကြက်စွပ်ပြုတ်က ဘယ်လိုလုပ် အာဟာရပြည့်ဝမှု ရှိလာမှာလဲ "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် တစ်ခဏရပ်တန့်လိုက်ပြီး ...</p> <p style="text-align:justify">" မှော်ဆေးပညာရပ်ကလဲ အတူတူပဲ ဆေးလုံးဖော်စပ်တဲ့အချိန်မှာ ထွက်ပေါ်လာတဲ့ဆေးနံ့က တကယ်တော့ ဆေးလုံးရဲ့အနှစ်သာရ ဖြစ်နေတာကို လူတွေမသိကြဘူး၊ ဒါကြောင့်လဲ မှော်ဆေးပညာရှင် တော်တော်များများက အရည်အသွေးမြင့် ဆေးလုံးတွေကို မဖော်စပ်နိုင်ကြတာလေ "</p> <p style="text-align:justify">" ဒါဆိုရင် ဆေးလုံးရဲ့ မွှေးရနံ့အနှစ်သာရကို ဘယ်လိုမျိုး ချိတ်ပိတ်ရလဲဆိုတာကို ပြောပြနိုင်လား "</p> <p style="text-align:justify">ကျိဟိုင် တောက်ပသော မျက်လုံးများနှင့်အတူ မေးလိုက်သည်။</p> <p style="text-align:justify">" အဆုံးသတ်မှာ ငါလုပ်ခဲ့တဲ့ မှော်ဆေးစည်းတံဆိပ်ကို မင်းမမြင်လိုက်ဘူးလား "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် ချက်ချင်းပင် ချာခနဲလှည့်ထွက်သွားပြီး ပျောက်ကွယ်သွား၏။</p> <p style="text-align:justify">ဤအချက်ကိုတောင်မှ ရဲ့ဟိုင်က လုရန်ရန်အား မျက်နှာသာပေးသောအနေဖြင့် ရှင်းပြခဲ့ခြင်းဖြစ်သည်။</p> <p style="text-align:justify">တစ်ဖက်တွင် ထွက်ခွာသွားသော ရဲ့ဟိုင်၏နောက်ကျောကိုကြည့်ပြီး ကျိဟိုင်၏မျက်လုံးများက တလက်လက်တောက်ပလာသည်ကို လုရန်ရန်မြင်လိုက်ရသောအခါ မျက်မှောင်ကုပ်သွားလေ၏။</p> <p style="text-align:justify">" အကြီးအကဲကျိ အတွေးဆိုးတွေရှိရင် ဖယ်ထားဖို့အတွက် ကျွန်မအကြံပေးပါရစေ "</p> <p style="text-align:justify">လုရန်ရန် ကျိဟိုင်ကိုစိုက်ကြည့်ကာ အလေးအနက် အမူအရာဖြင့် ပြောလိုက်သည်။</p> <p style="text-align:justify">ထိုစကားကြားတော့မှ ကျိဟိုင်၏ မျက်လုံးထဲတွင်ရှိနေသည့် တောက်ပသော အလင်းရောင်များက ပျောက်ကွယ်သွားပြီး ရှက်ကိုးရှက်ကန်း အမူအရာ ဖြစ်ပေါ်လာ၏။</p> <p style="text-align:justify">" လုရန်ရန် ငါ မင်းဘာပြောလဲဆိုတာကို မသိဘူး "</p> <p style="text-align:justify">" ရဲ့ဟိုင်ရဲ့ ခွန်အားနဲ့ သူ့ရဲ့နောက်ခံက ကျွန်မတို့ ရှန်ကျင်းဂိုဏ်း သွားပြီးတော့ စော်ကားဖို့အတွက် တတ်နိုင်တဲ့ အရာမဟုတ်ဘူး "</p> <p style="text-align:justify">လုရန်ရန် အပိုစကားများမပါသော စကားအနည်းငယ်ကို ထပ်မံ၍ ပြောလိုက်သည်။ သို့သော် သူမ၏ စကားထဲတွင် အဓိပ္ပါယ်များက အကုန်အစင် ပါဝင်နေပြီဖြစ်၏။</p> <p style="text-align:justify">ကျိဟိုင် လုရန်ရန်ကို ပြန်ကြည့်လိုက်ပြီး...</p> <p style="text-align:justify">" စိတ်မပူနဲ့ .. သခင်လေးရဲ့က ငါတို့ရှန်ကျင်းဂိုဏ်းရဲ့ အထူးဧည့်သည်တော်တစ်ယောက်ပဲ၊ ငါကသူ့ကို ဘာကိစ္စစော်ကားရမှာလဲ "</p> <p style="text-align:justify">ထိုသို့ပြောပြီးသည်နှင့် ကျိဟိုင် သူ၏မှော်ဆေးပညာခန်းမမှ လူများကိုခေါ်ကာ ထွက်ခွာသွားသည်။</p> <p style="text-align:justify">ပုံမှန်တပည့်တစ်ယောက်ကသာ သူ့ကိုဤကဲ့သို့ လာပြောသည်ဆိုလျှင် ထိုနေရာ၌ ရိုက်နှက်ပြီးသွားပြီဖြစ်၏။ သို့သော် လုရန်ရန်ကိုတော့ ရှန်ကျင်းဂိုဏ်းတစ်ခုလုံးတွင် မည်သူကမှ သွားပြီး ဒေါသမဆွရဲပေ။ ဤအမျိုးသမီးက အနာဂါတ်၌ မြင့်မြတ်သော အင်မော်တယ်ဘုရင်အဆင့် ဖြစ်လာမည့်သူပင်။</p> <p style="text-align:justify">တစ်ဖက်တွင် အခန်းထဲသို့ ပြန်ရောက်လာသော ရှီစင်းယုက သူဆေးမီးဖို ပေါက်ကွဲရသည့် အကြောင်းအရင်းကို တွေးတောနေလေသည်။</p> <p style="text-align:justify">ဟောင်အယ်ကလဲ သူမ၏ဆရာ တွေးတောနေသည်ကို မနှောင့်ယှက်ဝံ့သဖြင့် သုံးနာရီတိတိကြာအောင် ငြိမ်သက်စွာဖြင့် ထိုင်စောင့်နေခဲ့၏။ </p> <p style="text-align:justify">ဤသို့ဖြင့် သုံးနာရီကြာပြီးနောက် ရှီစင်းယု၏ မျက်လုံးထဲတွင် စိတ်ရှုပ်ထွေးမှုများအပြင် စိုးရိမ်ပူပန်မှုများ ပြည့်လာသောအခါ ဟောင်အယ် ဤအတိုင်းမနေနိုင်တော့ချေ။ ဤသို့သာဆက်သွားမည်ဆိုလျှင် သူမ၏ဆရာ ချီသွေးဖောက်ပြန်မှုပင် ဖြစ်သွားနိုင်လေသည်။</p> <p style="text-align:justify">ဟောင်အယ် တိတ်တဆိတ်ပင် သူမ၏ဆရာအခန်းထဲမှ ထွက်ခွာလာ၏။ ထို့နောက် သူမ၏အခန်းသို့ ပြန်ခြင်းမရှိဘဲ ရဲ့ဟိုင်၏အခန်းကို သွား၍ခေါက်လိုက်သည်။</p> <p style="text-align:justify">" ဘာကိစ္စရှိလို့လဲ "</p> <p style="text-align:justify">ရဲ့ဟိုင် တံခါးဖွင့်ပြီး ဟောင်အယ်ကိုကြည့်ကာ မေးလိုက်၏။</p> <p style="text-align:justify">" ငါနင့်ကို ပြောစရာရှိတယ် "</p> <p style="text-align:justify">ဟောင်အယ် ချက်ချင်းပင် ရဲ့ဟိုင်၏ အခန်းထဲသို့ ဝင်ရောက်လိုက်ပြီး တံခါးကို သူမကိုယ်တိုင် ပြန်ပိတ်လိုက်သည်။</p> <p style="text-align:justify">ထိုအချိန်တွင် ရဲ့ဟိုင်၏အခန်းကို နတ်အသိစိတ်အာရုံဖြင့် အဆက်မပြတ် စောင့်ကြည့်နေသော လုရန်ရန်က ချက်ချင်း ပြတင်းပေါက်တံခါးမှ ခုန်ထွက်လာပြီး ရဲ့ဟိုင်၏တံခါးဝအရှေ့သို့ ရောက်ရှိလာ၏။</p> <p style="text-align:justify">အကြောင်းအရင်းတစ်ခုကြောင့် ရဲ့ဟိုင်နှင့် ဟောင်အယ်တို့နှစ်ယောက် အခန်းထဲတွင် ပွေ့ဖက်နမ်းနေသည့်မြင်ကွင်းက သူမ၏စိတ်ထဲတွင် ရုတ်တရက် ထွက်ပေါ်လာသည်။</p> <p style="text-align:justify">ထိုအတွေးက သူမကိုတော်တော်လေး စိတ်မသက်မသာဖြစ်စေလေ၏။</p> <p style="text-align:justify">လုရန်ရန်သည် ဤကိစ္စက မဖြစ်နိုင်မှန်းသိသော်လည်း ရဲ့ဟိုင် သူမကို ပွတ်သပ်ခဲ့သောအချိန်ကို ပြန်တွေးမိလိုက်သောအခါ ထိုကောင်၏အကျင့်ကို ယုံကြည်ချက်မရှိတော့ပေ။</p> <p style="text-align:justify">ချက်ချင်းပင် သူမ တံခါးကို အုန်းခနဲ တွန်းဖွင့်လိုက်သည်။</p> <p style="text-align:justify">သူမထိုကဲ့သို့ တံခါးကို အုန်းခနဲတွန်းဖွင့်လိုက်သည်နှင့် မျက်နှာချင်းဆိုင်ထိုင်နေသော ဟောင်အယ်နှင့် ရဲ့ဟိုင်တို့ နှစ်ယောက်လုံးက သူမကို အံ့ဩတကြီး မျက်လုံးပြူးကာ ကြည့်လာ၏။</p> <p style="text-align:justify">" ငါ ရဲ့ဟိုင်နဲ့ ဆွေးနွေးစရာကိစ္စရှိလို့ "</p> <p style="text-align:justify">လုရန်ရန် သူမကို အံ့ဩတကြီး ကြည့်နေသောနှစ်ယောက်ကို ကမန်းကတန်းပင် ပြန်ပြောလိုက်သည်။</p> <p style="text-align:justify">သူမ၏အကြောင်းပြချက်က တော်တော်လေး အဆင်ချောသည့် အကြောင်းပြချက်လို့ ပြောရပေမည်။ သို့သော် ဟောင်အယ်မှာ လုရန်ရန်က သူ့ယောက်ကျား မယားငယ်နှင့် ချိန်းတွေ့နေသည်ကို ဒေါသတကြီး လာဖမ်းသည့်လူတစ်ယောက်နှင့် တူညီသည်ဟု စိတ်ထဲတွင်ပို၍ ခံစားနေရလေသည်။</p> <p style="text-align:justify">" ဘာဆွေးနွေးစရာရှိလို့လဲ "</p> <p style="text-align:justify">ရဲ့ဟိုင် မျက်မှောင်ကုပ်ကာ မေးလိုက်၏။</p> <p style="text-align:justify">" ငါ့ရဲ့ကိစ္စက အရေးမကြီးဘူး နင်တို့ဆက်ပြောကြ "</p> <p style="text-align:justify">လုရန်ရန် တည်ငြိမ်ချင်ယောင်ဆောင်လိုက်ပြီး ခုံတစ်လုံးတွင် ဝင်ရောက်ကာ ထိုင်လိုက်သည်။</p> <p style="text-align:justify">တစ်ဖက်တွင် ဟောင်အယ်က တုံ့ဆိုင်းသွားသော်လည်း ရဲ့ဟိုင်ကိုကြည့်ကာ...</p> <p style="text-align:justify">" ရဲ့ဟိုင် နင်ငါ့ဆရာကို ကူညီပေးနိုင်မလား "</p> <p style="text-align:justify">" မင်းဘာကိုဆိုလိုလဲဆိုတာ ငါနားမလည်ဘူး "</p> <p style="text-align:justify">ရဲ့ဟိုင် ပုခုံးတွန့်၍ ပြန်ပြောလိုက်၏။</p> <p style="text-align:justify">" ရဲ့ဟိုင် ငါ့ရဲ့ဆရာက ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးဖော်စပ်တာ ကျရှုံးရတဲ့ အကြောင်းအရင်းကို အခုချိန်အထိ ရှာဖွေနေရဆဲပဲ သူဘယ်လိုမှ ပြဿနာကို မရှာနိုင်ဘူးထင်တယ် "</p> <p style="text-align:justify">" ဆေးလုံးဖော်စပ်တဲ့ ကျရှုံးရတဲ့ အကြောင်းအရင်းဟုတ်လား "</p> <p style="text-align:justify">ရဲ့ဟိုင်၏မျက်လုံးထဲတွင် အံ့အားသင့်မှုများ ဖြစ်ပေါ်လာသည်။</p> <p style="text-align:justify">" မင်းရဲ့ဆရာက ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးညွှန်းကို သူကိုယ်တိုင်ဖော်ထုတ်ခဲ့ပြီး ကိုယ်တိုင်ပဲ သန့်စင်ခဲ့တာ မဟုတ်ဘူးလား၊ ဘာလို့ ဆေးလုံးဖော်စပ်တာမှာ ကျရှုံးရတဲ့ အကြောင်းအရင်းကို အခုချိန်အထိ ရှာလို့မတွေ့ရသေးတာတုန်း "</p> <p style="text-align:justify">" ဒါ .. ဒါ .. ဒါက "</p> <p style="text-align:justify">တစ်ဖက်တွင် ဟောင်အယ်မှာ အကြောင်းပြချက် တိတိကျကျ ရေရေရာရာ ပြောနိုင်ခြင်းမရှိသဖြင့် စကားများထစ်အသွားလေ၏။</p> <p style="text-align:justify"> </p> <p style="text-align: center;">***</p>


Save