Book List

<h2 style="text-align: center;">အပိုင်း - ( ၁၃၃၄ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">လုရန်ရန် ရဲ့ဟိုင်ကို မျက်လုံးပြူးကျယ်စွာ ကြည့်လိုက်ပြီး...</p> <p style="text-align:justify">" နင်က နတ်ဆိုး တစ်ကောင်လား "</p> <p style="text-align:justify">" ဘယ်လိုလုပ် ငါက နင်နဲ့ အဆင့်တူသွားတာတောင်မှ နင့်ကိုဒဏ်ရာရအောင် မတိုက်ခိုက်နိုင်ရတာလဲ "</p> <p style="text-align:justify">ရဲ့ဟိုင်ပြုံးလိုက်ပြီး...</p> <p style="text-align:justify">" ကောင်မလေး ကျောက်စိမ်းအင်မော်တယ် အဆင့် ( 33 ) တိုင်းက တစ်ယောက်နဲ့တစ်ယောက် တူညီတာမဟုတ်ဘူး "</p> <p style="text-align:justify">" ဘာကွာခြားချက်ရှိလို့လဲ "</p> <p style="text-align:justify">လုရန်ရန် မျက်မှောင်ကုပ်ကာ မေးလိုက်သည်။</p> <p style="text-align:justify">" ကျောက်စိမ်းအင်မော်တယ် အဆင့် ( 33 ) မှာ ကိုယ့်ရဲ့ ခန္ဓာကိုယ်ကို သန်မာသထက်ပိုပြီး သန်မာလာအောင် ကြိုးစားရတယ်၊ ကျောက်စိမ်းအင်မော်တယ်အဆင့် ( 33 ) မှာ ခန္ဓာကိုယ်က အင်မော်တယ်သခင်အဆင့်လောက် သန်မာရင်တောင် အဲ့ဒီလူက အနာဂါတ်မှာ အင်မော်တယ်ဘုရင်အဆင့်ကို လှမ်းနိုင်ရုံပဲရှိမှာ၊ ကျောက်စိမ်းအင်မော်တယ်အဆင့် ( 33 ) မှာ အင်မော်တယ်ဘုရင်အဆင့် ခန္ဓာကိုယ်လောက် သန်မာနေမှ အနာဂါတ်မှာ အင်မော်တယ်ဘုရင် အထွတ်အထိပ်အဆင့်ကို ရောက်နိုင်တဲ့ အခွင့်အရေးရှိမယ် "</p> <p style="text-align:justify">" ဒါဆိုရင် နင်က အနာဂါတ်မှာ အင်မော်တယ်ဘုရင် အထွတ်အထိပ်အဆင့်အထိ ရောက်နိုင်တယ်ပေါ့ "</p> <p style="text-align:justify">လုရန်ရန် မျက်လုံးပြူးကာ မေးလိုက်၏။</p> <p style="text-align:justify">သို့သော် ရဲ့ဟိုင် ပြုံးပြီး ခေါင်းခါယမ်းလိုက်သည်။</p> <p style="text-align:justify">အင်မော်တယ်ဘုရင် အထွတ်အထိပ်အဆင့်ရောက်ရန် ဤမျှလွယ်ကူမည်လား။</p> <p style="text-align:justify">" ဘာ .. နင်ကအဲ့လောက် အစွမ်းထက်နေတာတောင်မှ အင်မော်တယ်ဘုရင် အထွတ်အထိပ်အဆင့်ကို မရောက်နိုင်ဘူးလား "</p> <p style="text-align:justify">လုရန်ရန် မျက်လုံးပြူးကျယ်စွာဖြင့် မေးလိုက်၏။</p> <p style="text-align:justify">" ဒါနဲ့လုရန်ရန် နင့်ရဲ့ခန္ဓာကိုယ်ထဲမှာ စွမ်းအင်အပ်စိုက်မှတ်တွေ ဘယ်လောက်များများ ဖွင့်ထားနိုင်လဲ "</p> <p style="text-align:justify">ရဲ့ဟိုင် အကြောင်းအရာကို ပြောင်းလဲကာ မေးလိုက်သည်။</p> <p style="text-align:justify">" ငါ့မှာ ဘာစွမ်းအင်အပ်စိုက်မှတ်မှ မရှိဘူး "</p> <p style="text-align:justify">လုရန်ရန် အံ့အားသင့်မှုများဖြင့် ပြန်ပြောလိုက်၏။</p> <p style="text-align:justify">" မရှိဘူး ဟုတ်လား "</p> <p style="text-align:justify">ရဲ့ဟိုင်၏ အမူအရာ လေးနက်သွားသည်။ အဘယ့်ကြောင့်ဆိုသော် ဖီးနစ်နတ်သမီး ကျောက်စိမ်းအင်မော်တယ်အဆင့် ( 33 ) သို့ ရောက်ရှိသွားသည့်အချိန်တွင်လည်း သူမ၏ခန္ဓာကိုယ်တွင် စွမ်းအင်အပ်စိုက်မှတ်များက မရှိသောကြောင့်ဖြစ်သည်။</p> <p style="text-align:justify">သူတစ်ယောက်တည်းကသာ အကုန်လုံးထဲတွင် ထူးခြားသည့်လူတစ်ယောက် ဖြစ်နေသည်လား။</p> <p style="text-align:justify">ရဲ့ဟိုင် ထိုထူးခြားမှုကို သူ့အနေဖြင့် သိပ်ပြီးနှစ်သက်ခြင်းမရှိပေ။ အဘယ့်ကြောင့်ဆိုသော် သူ၏ ကျင့်ကြံခြင်းလမ်းစဥ်က အလွန်ပင် ခက်ခဲသောကြောင့်ဖြစ်၏။</p> <p style="text-align:justify">" ဘာလဲ နင့်ရဲ့ခန္ဓာကိုယ်ထဲမှာ စွမ်းအင်ဖြည့်အပ်စိုက်မှတ်တွေ ရှိလို့လား "</p> <p style="text-align:justify">" ဒါနဲ့စကားမစပ် လုရန်ရန် ရန်ချီနယ်မြေထဲမှာ အဓိကဂိုဏ်းအဖွဲ့အစည်းတွေကို နင်သိလား "</p> <p style="text-align:justify">ရဲ့ဟိုင် ချက်ချင်းပင် စကားလမ်းကြောင်းကို ပြောင်းလဲကာ မေးလိုက်သည်။ ဤအရာကို လုရန်ရန်နှင့် ဆွေးနွေးဖို့က သူ့အတွက်အဆင်မပြေချေ။</p> <p style="text-align:justify">" ငါသိတယ် "</p> <p style="text-align:justify">" ဒါဆိုရင် ဘယ်ဂိုဏ်းတွေက ဆိုးယုတ်တဲ့ဂိုဏ်းလဲသိလား "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် လုရန်ရန်ကို သေချာကြည့်လိုက်ပြီး...</p> <p style="text-align:justify">" ငါပြောတဲ့ ဆိုးယုတ်တဲ့ဂိုဏ်းဆိုတာက မင်းထင်သလို ဂိုဏ်းဆိုးတွေမဟုတ်ဘူး လူသတ်၊ မီးရှို့၊ ဓားပြတိုက်၊ မုဒိန်းကျင့် အဲ့လို ဒုစရိုက်မှုမျိုးစုံကို ကျူးလွန်နေတဲ့ အမျိုးအစားဂိုဏ်းတွေကိုပြောတာ "</p> <p style="text-align:justify">" ရဲ့ဟိုင် နင်ဘာလုပ်ချင်လို့လဲ "</p> <p style="text-align:justify">လုရန်ရန် စိတ်ဝင်တစားဖြင့် မေးလိုက်၏။</p> <p style="text-align:justify">" ငါ့ဆရာက ငါ့ကို တရားမျှတမှုက ဘာလဲဆိုတာ သေချာသင်ပေးထားတယ်လေ၊ အဲ့တော့ လောကကြီးထဲ လှည့်ပတ်နေတုန်း မကောင်းသူပယ်၊ ကောင်းသူကယ်ပြီး ကုသိုလ်ကောင်းမှုလေး လုပ်မလို့ပေါ့ "</p> <p style="text-align:justify">ရဲ့ဟိုင် အမှန်တရား၏ ဘက်တော်သားတစ်ယောက်လို အမူအရာဖြင့် ရင်ဘတ်ကိုကော့ကာ ပြောလိုက်သည်။ သို့သော် စိတ်လှုပ်ရှားစွာ ပွတ်သပ်နေသော လက်ဝါးနှစ်ဖက်ကြောင့် သူတော်ကောင်းနှင့် မတူပဲ ဓားပြတစ်ယောက်နှင့် တူနေခဲ့လေ၏။</p> <p style="text-align:justify">" ဘာလဲ နင်က ဆိုးယုတ်တဲ့လူတွေကို လိုက်ပြီးနှိမ်နင်းမလို့လား .. အဲ့တာဆိုငါလဲ နင်နဲ့လိုက်ခဲ့မယ် "</p> <p style="text-align:justify">" မဟုတ်ဘူး .. မင်းအခုလုပ်ရမှာက ကျင့်ကြံအဆင့်နယ်ပယ်ကို အခြေကျအောင်လို့ စုစည်းဖို့ပဲ "</p> <p style="text-align:justify">ရဲ့ဟိုင် ပြုံးပြီးပြောလိုက်၏။</p> <p style="text-align:justify">" နင်နဲ့လျှောက်သွားပြီး တိုက်ခိုက်တာက ငါ့ရဲ့ကျင့်ကြံခြင်းနယ်ပယ်ကို ပိုပြီးတော့ အခြေမခိုင်သွားစေဘူးလား "</p> <p style="text-align:justify">လုရန်ရန် မျက်လုံးပြူး၍ ပြန်ပြောလိုက်သည်။</p> <p style="text-align:justify">" ကောင်းပြီ  .. ဒါဆိုရင် မနက်ဖြန်သွားကြတာပေါ့ "</p> <p style="text-align:justify">ရဲ့ဟိုင် တစ်ခဏစဥ်းစားပြီးနောက် ခေါင်းညိတ်၍ လက်ခံလိုက်၏။ ဤကောင်မလေးက သူဘယ်လောက်ငြင်းငြင်း ဇွတ်တရွတ်လိုက်လာမည့် အနေအထားတွင်ရှိ၏။</p> <p style="text-align:justify">" အဲ့တာအကောင်းဆုံးပဲ .. ဒါဆို ငါ ဂိုဏ်းခေါင်းဆောင်ကို သွားတွေ့ပြီး စကားပြောလိုက်ဦးမယ် "</p> <p style="text-align:justify">လုရန်ရန် ချက်ချင်းပင် အခန်းထဲမှ ထွက်ခွာလိုက်၏။ သို့သော် လုရန်ရန် အခန်းတံခါးကိုဖွင့်လိုက်သည်နှင့် အပြင်ဘက်တွင် ရှီစင်းယုနှင့် ဟောင်အယ်တို့နှစ်ယောက်က တံခါးရှေ့၌ မတ်တပ်ရပ်ကာ စောင့်ဆိုင်းနေသည်ကို အံ့အားသင့်စွာဖြင့် တွေ့လိုက်ရသည်။</p> <p style="text-align:justify">ဟောင်အယ် လုရန်ရန်ကို မျက်လုံးပြူးကြည့်ပြီး ...</p> <p style="text-align:justify">" နင် .. နင် .. နင်က လွန်ခဲ့တဲ့သုံးရက်လုံး ရဲ့ဟိုင်ရဲ့ အခန်းထဲမှာ နေခဲ့တာလား "</p> <p style="text-align:justify">ဟောင်အယ် တအံ့တဩဖြင့် မေးလိုက်၏။ သူမသည် မိမိဆရာဆီသို့ ပြန်လည်ရောက်ရှိလာပြီးနောက် ရဲ့ဟိုင်ပြောပြလိုက်သော အခြေအနေအား သူမ၏ဆရာကို ပြောခဲ့သည်။ ရှီစင်းယုမှာ အတန်ကြာအောင် တွေဝေတုံ့ဆိုင်းနေခဲ့ပြီးနောက် နောက်ဆုံးတွင် ရဲ့ဟိုင်နှင့် တိုင်ပင်ရန်အတွက် ရောက်ရှိလာခဲ့လေ၏။ </p> <p style="text-align:justify">သို့သော် ရှီစင်းယု ရောက်ရှိလာသည့်အချိန်တွင် ရဲ့ဟိုင်၏အခန်းပတ်ပတ်လည်၌ တားမြစ်အစီအရင် ရှိနေမည်ဟု မမျှော်လင့်ထားပေ။ ထိုတားမြစ်အစီအရင် ရှိနေခြင်းကြောင့် ရဲ့ဟိုင်က သူ့ကိုဘယ်သူမှ မနှောင့်ယှက်စေလိုကြောင်း နားလည်လိုက်သည်။</p> <p style="text-align:justify">ထို့ကြောင့် ရှီစင်းယုက ယနေ့အချိန်အထိ တံခါးဝတွင် မတ်တပ်ရပ်ကာ စောင့်ဆိုင်းနေခဲ့ခြင်းဖြစ်၏။ သို့သော် တံခါးကိုဖွင့်လိုက် သူက ရဲ့ဟိုင်မဟုတ်ဘဲ လုရန်ရန်ဖြစ်နေမည်ဟု နှစ်ယောက်လုံး မထင်မှတ်ထားကြချေ။</p> <p style="text-align:justify">တစ်ခန်းထဲတွင် ယောကျ်ားနှင့်မိန်းမ နှစ်ယောက်တည်း သုံးရက်တိတိ နေထိုင်ခဲ့သည့်ကိစ္စက သူတို့ကို အတွေးများသွားစေသည်။</p> <p style="text-align:justify">" ဟုတ်တယ် "</p> <p style="text-align:justify">လုရန်ရန်သည် ဟောင်အယ်၏မျက်လုံးထဲမှ အတွေးများကို ဖတ်နိုင်သဖြင့် ထိုကောင်မလေး သူမကို နားလည်မှုလွဲသွားမှန်း သိရှိလိုက်၏။</p> <p style="text-align:justify">" လွန်ခဲ့တဲ့သုံးရက်က ငါ ရဲ့ဟိုင်ရဲ့အခန်းကိုရောက်လာပြီး အဆင့်တက်ဖို့အတွက် သူ့ကိုအကူအညီ တောင်းခဲ့တာလေ "</p> <p style="text-align:justify">ထိုအချိန်ကျမှ ဟောင်အယ်သည် လုရန်ရန်၏ ခန္ဓာကိုယ်မှ မတည်ငြိမ်သေးသော အရှိန်အဝါ အတက်အကျလှိုင်းကို သတိပြုမိသွားသည်။ ၎င်းအရှိန်အဝါ အတက်အကျလှိုင်းက အလွန်အမင်းကို အစွမ်းထက်ကာ လွှမ်းမိုးနိုင်စွမ်း ကြီးမားလှ၏။</p> <p style="text-align:justify">" အဆင့်တက်သွားတဲ့အတွက် ဂုဏ်ယူပါတယ် မိန်းကလေးလုရန် "</p> <p style="text-align:justify">ရှီစင်းယု ချက်ချင်းပင် ဂုဏ်ပြုလိုက်သည်။</p> <p style="text-align:justify">ရှီစင်းယုသည် လုရန်ရန်က ကျောက်စိမ်းအင်မော်တယ်အဆင့် ( 33 ) သို့ ရောက်ရှိသွားပြီးနောက် နဂါးဂိတ်ကိုဖြတ်ကျော်သွားသော ငါးကြင်းတစ်ကောင်လို ဖြစ်သွားပြီဆိုတာကို ကောင်းကောင်းနားလည်၏။ သူမ၏အနာဂါတ် အဆင့်အတန်းက သူပင်လိုက်မမီနိုင်သည့် အဆင့်အတန်း ဖြစ်လာပေတော့မည်။</p> <p style="text-align:justify">လုရန်ရန်ပြုံးလိုက်ပြီး ဂိုဏ်းချုပ်ကို သွားတွေ့လိုက်ဦးမည်ဟုဆိုကာ နှုတ်ဆက်၍ ထွက်ခွာသွားသည်။</p> <p style="text-align:justify">လုရန်ရန် ထွက်ခွာသွားလျှင် ရှီစင်းယုက တံခါးဝတွင်ရှိနေသော ရဲ့ဟိုင်ကို ကြည့်လိုက်၏။</p> <p style="text-align:justify">" ဝင်လာခဲ့ "</p> <p style="text-align:justify">ရဲ့ဟိုင် တစ်ခဏစဥ်းစားပြီးနောက် ထိုဆရာတပည့်နှစ်ယောက်ကို အထဲသို့ဖိတ်ခေါ်လိုက်သည်။</p> <p style="text-align:justify">ရှီစင်းယုနှင့် ဟောင်အယ်တို့ တလေးတစားဖြင့်ဝင်လာပြီး ထိုင်ခုံများတွင် ထိုင်လိုက်သည့်အချိန်၌ ရဲ့ဟိုင်က တန်းကာစပြောလိုက်၏။</p> <p style="text-align:justify">" ဆရာရှီ ခင်ဗျားတစ်စုံတစ်ခုကို တွေးမိလား "</p> <p style="text-align:justify">" ဘာများလဲ သခင်လေးရဲ့ "</p> <p style="text-align:justify">ရှီစင်းယု ပြန်မေးလိုက်သည်။ ရဲ့ဟိုင်က အဆုံးမရှိအစမရှိ ပြောလာသောစကားကြောင့် သူဘာပြောချင်သည်ဆိုတာကို ရှီစင်းယု စဥ်းစားမရချေ။</p> <p style="text-align:justify">" ဆရာရှီ ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးကို ဖော်စပ်နိုင်ပြီးသွားတဲ့လူတစ်ယောက်က အရင်လို ပေါ့ပေါ့ပါးပါးနဲ့ နေထိုင်နိုင်မယ်လို့ထင်လား "</p> <p style="text-align:justify">ရဲ့ဟိုင် ရှီစင်းယုကိုကြည့်ကာ အလေးအနက် အမူအရာဖြင့် မေးလိုက်၏။</p> <p style="text-align:justify">ထိုစကားကြားလျှင် ရှီစင်းယု ခေါင်းညိတ်လိုက်ပြီး...</p> <p style="text-align:justify">" ဟုတ်တယ် ရှေးဟောင်းအင်မော်တယ်ခန္ဓာကိုယ် ဖန်တီးခြင်းဆေးလုံးကို ဖော်စပ်နိုင်သွားတဲ့အချိန်မှာ ငါ့အနေနဲ့ လွတ်လွတ်လပ်လပ် ပေါ့ပေါ့ပါးပါးနေဖို့ မဖြစ်နိုင်ဘူး၊ အကုန်လုံးက အဲ့ဒီဆေးညွှန်းကို လိုချင်တဲ့အတွက် ငါ့ဆီကနေရယူဖို့ ကြိုးစားလာကြမှာပဲ၊ ဒါပေမဲ့ ငါကလဲ အဲ့ဒီဆေးညွှန်းကို ကိုယ်တစ်ယောက်တည်းအတွက် သိမ်းထားဖို့ ဘယ်တုန်းကမှ ဆန္ဒမရှိခဲ့ဘူးလေ "</p> <p style="text-align:justify">ထိုစကားက ရဲ့ဟိုင်ကို မျက်ခုံးပင့်သွားစေသည်။</p> <p style="text-align:justify">" ဒါဆိုရင် ဆေးညွှန်းကို ဖြန့်ဝေဖို့အတွက် စီစဥ်းထားတာလား "</p> <p style="text-align:justify">" ဟုတ်တယ် "</p> <p style="text-align:justify">ရှီစင်းယု ခေါင်းညိတ်လိုက်၏။</p> <p style="text-align:justify">" ကြည့်ရတာ အဲ့ဒီလို ဆေးညွှန်းကို ဖြန့်ဝေလိုက်မယ်ဆိုရင် ငါက လူတိုင်းရဲ့ပစ်မှတ် ဖြစ်လာမယ်ထင်တယ် "</p> <p style="text-align:justify">ရဲ့ဟိုင်ပြုံးလိုက်ပြီး...</p> <p style="text-align:justify">" ဘာပဲပြောပြော ငါ့မှာရာနဲ့ချီတဲ့ မီးတောက်မြက်ပင်တွေရှိတယ်လေ၊ ရန်ချီနယ်မြေတစ်ခုလုံးမှာ နောက်ထပ်မီးတောက်မြက်က အများအပြား မရှိနိုင်တော့ဘူးလို့ ငါယုံကြည်တယ် "</p> <p style="text-align:justify"> </p> <p style="text-align: center;">***</p>


Save