Book List

<h2 style="text-align: center;">အပိုင်း - ( ၁၃၃၇ )</h2> <h2 style="text-align: center;">*</h2> <p style="text-align:justify"><br /> ချက်ချင်း အဘိုးအို၏ ဒွါရဝခုနစ်ပေါက်မှ သွေးများက စီးကျလာခဲ့ပြီး မျက်လုံးထဲတွင်ရှိနေသော တောက်ပသည့် အလင်းများကလည်း တဖြည်းဖြည်းမှိန်ဖျော့ကာ အားနည်းသွားခဲ့သည်။</p> <p style="text-align:justify">လက်သီးချင်း ထိပ်တိုက်ရင်ဆိုင်ပြီးနောက် ရဲ့ဟိုင်က ထိုအဘိုးအိုကို တစ်ချက်တောင်လှည့်ကြည့်ခြင်း မရှိတော့ပေ။ သူ၏အကြည့်က အဝေးတွင် တဆတ်ဆတ်တုန်နေသည့် ကျိဟိုင်ဆီသို့ အေးစက်စွာ ရောက်ရှိနေလေ၏။</p> <p style="text-align:justify">ကျိဟိုင်၏ မျက်လုံးထဲတွင် ကြောက်ရွံ့မှုနှင့် မယုံကြည်နိုင်မှုများ ပြည့်နှက်နေသည်။</p> <p style="text-align:justify">အင်မော်တယ်သခင်အဆင့် ကျင့်ကြံသူတစ်ယောက်ကိုသတ်နိုင်သည့် ကျောက်စိမ်းအင်မော်တယ်အဆင့်ကို သူတစ်ခါမှ မမြင်ဖူးသလို ကြားလဲမကြားဖူးချေ။</p> <p style="text-align:justify">သို့သော် ရဲ့ဟိုင် ကတော့ လွယ်လွယ်လေးလုပ်ခဲ့၏။</p> <p style="text-align:justify">" ထွက်ပြေး "</p> <p style="text-align:justify">ကျိဟိုင် တွေဝေတုံ့ဆိုင်းခြင်းမရှိ လေဟာနယ်ကိုဆုတ်ဖြဲကာ ပြတ်ပြတ်သားသားပင် ထွက်ပြေးသည်။</p> <p style="text-align:justify">လက်ရှိအချိန်တွင် ကျိဟိုင်သည် ရဲ့ဟိုင်ကို တိုက်ခိုက်ချင်စိတ် လုံးဝမရှိတော့ပေ။</p> <p style="text-align:justify">ဤကောင်က နတ်ဆိုးကောင်ဖြစ်၏။</p> <p style="text-align:justify">ဟုတ်သည်။ ရိုးရိုးနတ်ဆိုးပင် မဟုတ်ဘဲ နတ်ဆိုးများအားလုံးထဲတွင် ကြောက်စရာအကောင်းဆုံးသူလည်းဖြစ်၏။</p> <p style="text-align:justify">ကျိဟိုင်၏ စိတ်ထဲ၌ လက်ရှိအချိန်တွင် ရဲ့ဟိုင်ကို ဤအဓိပ္ပါယ်တစ်ခုသာ ဖွင့်ဆိုနိုင်တော့သည်။</p> <p style="text-align:justify">သို့သော်လည်းကျိဟိုင် အဝေးသို့ ထွက်မပြေးနိုင်ခင်မှာပင် ကြီးမားသော ပုံရိပ်ယောင်လက်ကြီးတစ်ဖက်က သူ၏ပုခုံးကို ဆုပ်ကိုင်လာ၏။ ထို့နောက် အလွန် ကြောက်စရာကောင်းသော စွမ်းအားတစ်ခုက ခန္ဓာကိုယ်ထဲသို့ ထိုးဖောက်ဝင်ရောက်သွားပြီး ကိုယ်တွင်းအင်္ဂါများကို ဖျက်ဆီးပစ်လိုက်သည်။</p> <p style="text-align:justify">ရဲ့ဟိုင် ချက်ချင်းပင် ကျိဟိုင်ကို လေဟာနယ်ထဲမှ ပြန်လည်ဆွဲထုတ်လာပြီး မှိန်ဖျော့သော ဝိညာဥ်အကြွင်းအကျန်သာ ကျန်ရှိတော့သည့် နန်ဆွမ်အားကြည့်လိုက်ကာ...</p> <p style="text-align:justify">" ဘယ်လိုလဲ မင်းတို့ငါ့ကို သတ်ချင်တဲ့လုပ်ရပ်က ဘယ်လောက်ထိ ကြောက်စရာကောင်းတဲ့ လုပ်ရပ်လဲဆိုတာကို နားလည်သွားပြီလား "</p> <p style="text-align:justify">တစ်ဖက်တွင် နန်ဆွမ်မှာ ရဲ့ဟိုင်ကို တစ္ဆေတစ်ကောင်လို မျက်လုံးပြူးကာ ကြည့်နေ၏။ မည်သည့်စကားမှ ပြန်ပြောနိုင်ခြင်းမရှိပေ။</p> <p style="text-align:justify">ထိုအချိန်တွင် ရဲ့ဟိုင်က တစ်စုံတစ်ခုကို အာရုံခံမိသွားပုံဖြင့် အဝေးကိုလှမ်းကြည့်လိုက်သည်။ ထို့နောက်သူက လေဟာနယ်ကိုဆုတ်ဖြဲပြီး လူတိုင်း၏ရှေ့မှ ပျောက်ကွယ်သွားလေ၏။</p> <p style="text-align:justify">ရဲ့ဟိုင်ထွက်ခွာသွားပြီး အသက်ရှူကြိမ်တစ်ဒါဇင်ခန့်ကြာပြီးနောက် လျန်ယီ၊ ယီရှောင်းနှင့် လုရန်ရန်တို့က ထိုတိုက်ပွဲဖြစ်ပွားသည့်နေရာ၌ ပေါ်လာခဲ့သည်။</p> <p style="text-align:justify">လျန်ယီ သူမရှေ့မှ မြင်ကွင်းကိုကြည့်ပြီး မျက်လုံးက ပြူးနေ၏။</p> <p style="text-align:justify">ယီရှောင်းက ရဲ့ဟိုင်သည် အင်မော်တယ်သခင်အဆင့်ကို သတ်ဖြတ်နိုင်သော စွမ်းအားရှိသည်ဟု အခိုင်အမာ ပြောဆိုခဲ့သော်လည်း စိတ်ထဲတွင် သံသယအချို့ရှိခဲ့သည်။ ယခုတော့ လျန်ယီ သူမမျက်စိဖြင့် တပ်အပ်မြင်ခဲ့ရချေပြီ။ အထူးသဖြင့် ရဲ့ဟိုင် အသံကိုကြားပြီးချိန်နှင့် သူတို့ဤနေရာကို ရောက်လာချိန်က အသက်ရှုချိန် ဆယ်ခါစာသာရှိလေ၏။ </p> <p style="text-align:justify">ထိုချိန်အတွင်း အင်မော်တယ်သခင် အဆင့်တွေက ကျောက်စိမ်းအင်မော်တယ်အဆင့်ကြောင့် ဤသို့ဖြစ်သွားခဲ့သည်လား။</p> <p style="text-align:justify">" မင်းတို့ကို ဘယ်သူက ခွင့်ပြုလို့ ဒီလိုမျိုးလုပ်ရတာလဲ "</p> <p style="text-align:justify">ယီရှောင်း ဒေါသတကြီးဖြင့် ထိုသုံးယောက်ကိုကြည့်ကာ ပြောလိုက်၏။</p> <p style="text-align:justify">တစ်ဖက်တွင် ကျိဟိုင်မှာ မြေပြင်ပေါ်၌ လဲကျနေပြီး အသက်ကိုမောပမ်းစွာရှူ၍ မျက်လုံးထဲ၌ ခါးသီးမှုများ ပြည့်နှက်နေသည်။</p> <p style="text-align:justify">" ယီရှောင်း ရဲ့ဟိုင်က ကျောက်စိမ်းအင်မော်တယ်အဆင့် ဟုတ်မဟုတ်ဆိုတာကို ငါသိချင်တယ် "</p> <p style="text-align:justify">" ဟုတ်တယ် သူကကျောက်စိမ်းအင်မော်တယ်အဆင့်ပဲ "</p> <p style="text-align:justify">ထိုသို့ပြောပြီးသည်နှင့် ယီရှောင်း၏မျက်လုံးထဲတွင် လေးနက်မှုများ ဖြစ်ပေါ်လာပြီး...</p> <p style="text-align:justify">" မင်းတို့ကို ငါမပြောခဲ့တာ တစ်ခုရှိသေးတယ် အဲ့တာက ရဲ့ဟိုင် ကျိုးမိသားစုမှာ အင်မော်တယ်သခင်အဆင့် ကျင့်ကြံသူတွေကို သတ်ဖြတ်ခဲ့တယ်ဆိုတာပဲ၊ အဲ့ဒီတိုက်ပွဲက သူသေကိုယ်သေချတဲ့ တိုက်ပွဲမဟုတ်ဘဲ သူက လူတိုင်းကို လက်ဝါးစောင်းနဲ့ နှစ်ခြမ်းဖြတ်သတ်ခဲ့တာ "</p> <p style="text-align:justify">" သောက်ရူး .. အဲ့တာကို မင်းဘာလို့ ငါ့ကိုစောစောတည်းက မပြောခဲ့တာလဲ "</p> <p style="text-align:justify">ကျိဟိုင် ဒေါသတကြီးဖြင့် ပြောလိုက်၏။</p> <p style="text-align:justify">" မင်းကမှ သောက်ရူး .. ရဲ့ဟိုင်က ဘယ်သူလဲ၊ သူ့ရဲ့အချက်အလက်တွေကို သွားပြီးတော့ ဉာဏ်မရှိဖြန့်ဖို့ ငါ့မှာ သတ္တိရှိတယ်လို့ မင်းထင်နေတာလား "</p> <p style="text-align:justify">ယီရှောင်း ကျိဟိုင်ကို ဒေါသများဖြင့် ပြန်စိုက်ကြည့်လိုက်ပြီး...</p> <p style="text-align:justify">" ပြီးတော့ ရဲ့ဟိုင်က ရန်ရန်ကို အင်မော်တယ်ဘုရင်အဆင့်သွေးတစ်စက် အလွယ်တကူပေးခဲ့တာ အင်မော်တယ်ဘုရင်သွေးဆိုတာဘာလဲ မင်းသိတယ်မလား၊ ငါတို့ရှန်ကျင်းဂိုဏ်းတစ်ခုလုံးတောင် တစ်သက်လုံးရှာနေတာ တစ်စက်မှ မတွေ့ရသေးဘူး .. ရဲ့ဟိုင်ကတော့ လုရန်ရန်ကို ပေါ့ပေါ့ပါးပါးပဲ သွေးတစ်စက်ပေးခဲ့တယ်၊ အဲ့တာဘာကို ဆိုလိုနေလဲ မင်းသိလား "</p> <p style="text-align:justify">ထိုစကားကိုကြားသောအခါ ကျိဟိုင်၏မျက်လုံးထဲ၌ ပို၍ပင် ထိတ်လန့်တုန်လှုပ်မှုများ ထွက်ပေါ်လာသည်။</p> <p style="text-align:justify">" ဘာလဲ ရဲ့ဟိုင်ရဲ့နောက်ကွယ်မှာ အင်မော်တယ်ဘုရင်အဆင့် ကျင့်ကြံသူတွေကို သတ်ဖြတ်နိုင်တဲ့ အဆင့်မြင့် အင်မော်တယ်ဘုရင်အဆင့် တစ်ယောက်ရှိတယ်လို့ ပြောချင်တာလား "</p> <p style="text-align:justify">" မဟုတ်ရင် ရဲ့ဟိုင်က ဘာလို့ ဒီလောက်တောင်မှ အံ့မခန်းကြောက်စရာကောင်းနေလဲဆိုတာ ငါ့ကို မင်းရှင်းပြနိုင်မလား "</p> <p style="text-align:justify">" ကျောက်စိမ်းအင်မော်တယ် အဆင့် ( 33 ) ပါရမီရှင်တွေကို ငါအရင်က မတွေ့ခဲ့ဘူးဆိုပေမဲ့ အဲ့ဒီပါရမီရှင်တွေက လေဟာနယ်ကို အက်ကွဲစေနိုင်ရုံပဲရှိတာ၊ အင်မော်တယ်သခင် ပထမအဆင့် ကျင့်ကြံသူတွေတောင်မှ သူတို့ကို သတ်ဖြတ်နိုင်စွမ်းရှိတယ် .. ဒါပေမဲ့ ရဲ့ဟိုင်ကတော့ ... "</p> <p style="text-align:justify">ယီရှောင်း အဆုံးထိမပြောခဲ့သော်လဲ ထိုစကားကိုကြားလျှင် ကျိဟိုင်၊ နန်ဆွမ် သူတို့နှင့် အတူပါလာသော အဘိုးအိုတို့က ငြိမ်သက်သွားလေ၏။</p> <p style="text-align:justify">" ရဲ့ဟိုင် အခုဘယ်မှာလဲ "</p> <p style="text-align:justify">လုရန်ရန် အေးစက်စက်ဖြင့် မေးလိုက်သည်။</p> <p style="text-align:justify">" သူသွားပြီ "</p> <p style="text-align:justify">နန်ဆွမ် မချိပြုံးပြုံးကာ ပြောလိုက်၏။</p> <p style="text-align:justify">နန်ဆွမ်သည် လက်ရှိအချိန်တွင် သူတို့သုံးယောက် မည်မျှကြီးမားသော ဒုက္ခကြီးကို သွားရှာမိလဲဆိုတာကို ကောင်းကောင်းသိသွားပြီဖြစ်သည်။</p> <p style="text-align:justify">ရဲ့ဟိုင်က လက်ရှိတောင်မှ အင်မော်တယ်ဘုရင်အဆင့် တိုက်ခိုက်ရေးစွမ်းအားကို ပိုင်ဆိုင်ထားပြီး ရှန်ကျင်းဂိုဏ်းကို ကောင်းကောင်းကြီး ခြိမ်းခြောက်နိုင်၏။ ထို့အပြင် ရဲ့ဟိုင်နောက်တွင်လည်း သန်မာသော အဆင့်မြင့်အင်မော်တယ်ဘုရင်တစ်ပါး ရှိနေနိုင်သေးသည်။</p> <p style="text-align:justify">အင်မော်တယ်ဘုရင်အဆင့် ကျင့်ကြံသူများသည် ပေါ့ပေါ့တန်တန် လှုပ်ရှားမည်မဟုတ်သော်လည်း ထိုလူ၏အမိန့်တစ်ခုတည်းအောက်၌ ၎င်းတို့ကိုယ်စား တိုက်ခိုက်လိုသော ကျင့်ကြံသူပေါင်း မြောက်များစွာကရှိ၏။ ထိုအမိန့်အောက်၌ ရှန်ကျင်းဂိုဏ်းမည်မျှပင် သန်မာနေပါစေ တောင့်ခံနိုင်မည်မဟုတ်ချေ။ ပျက်စီးသွားရပေမည်။</p> <p style="text-align:justify">" ကြည့်ရတာ ရဲ့ဟိုင် တော်တော်ဒေါသထွက်သွား ပုံပဲ၊ သူသ ငါတို့လာတာကို ကျိန်းသေသိမှာ၊ မတွေ့ချင်လို့ ရှောင်သွားတာထင်တယ် "</p> <p style="text-align:justify">ယီရှောင်း စိုးရိမ်တကြီး အမူအရာဖြင့် ပြောလိုက်သည်။</p> <p style="text-align:justify">ယီရှောင်းသည် ရဲ့ဟိုင်ကဲ့သို့သော် ကြောက်စရာကောင်းသည့် ပါရမီရှင်တစ်ယောက်က ရှန်ကျင်းဂိုဏ်းကို ရန်ငြိုးထားခဲ့ပါက ဂိုဏ်းကကြီးမားသော ဘေးဥပါဒ်ကပ်ဘေးထဲသို့ ကျရောက်သွားမည်ဖြစ်၏။</p> <p style="text-align:justify">" ငါ့အထင်တော့ အဲ့လိုမဟုတ်လောက်ဘူး "</p> <p style="text-align:justify">ရောက်ကတည်းက နှုတ်ဆိတ်နေသော လျန်ယီ နောက်ဆုံးတွင် ပြန်လည်၍ စကားပြောလာသည်။</p> <p style="text-align:justify">" ဒါပေမဲ့ ရဲ့ဟိုင်က ငါတို့ရှန်ကျင်းဂိုဏ်းအပေါ်ကို တော်တော်လေး စိတ်ပျက်သွားမှာကိုတော့ ငါကြောက်မိတယ် "</p> <p style="text-align:justify">ထိုသို့ပြောပြီးသည်နှင့် လျန်ယီသည် သေမလိုဖြစ်နေသောသုံးယောက်ကို အေးစက်စက်စိုက်ကြည့်လိုက်ပြီး နောက်လှည့်ကာ ထွက်ခွာသွား၏။</p> <p style="text-align:justify">တစ်ဖက်တွင် လုရန်ရန်၏ မျက်နှာကလဲ မဲမှောင်နေသည်။</p> <p style="text-align:justify">ရဲ့ဟိုင်က ဤကိစ္စကြောင့် သူမကိုပါ ဒေါသထွက်သွားမှာ စိုးရိမ်မိလေ၏။ ထိုသို့သာဒေါသထွက်သွားမည်ဆိုလျှင် အနာဂါတ်၌ သူတို့နှစ်ယောက်ကြား မည်သည့်ချိတ်ဆက်မှုမှ ရှိတော့မည်မဟုတ်ချေ။</p> <p style="text-align:justify">လုရန်ရန် ဒေါသတကြီး ထိုသုံးယောက်ကို တစ်ချက်စိုက်ကြည့်ပြီး လှည့်ကာထွက်သွားသည်။</p> <p style="text-align:justify">ယီရှောင်းကတော့ တစ်ပိုင်းသေလုနီးပါးဖြစ်နေသော ကျိဟိုင်နှင့်ကျန်နှစ်ယောက်ကိုကြည့်ပြီး လက်ဝှေ့ယမ်းကာ ထိုသုံးယောက်ကို သယ်ဆောင်သွားလေ၏။</p> <p style="text-align:justify">မည်သို့ပင်ဆိုပါစေ ဤလူများက ဂိုဏ်းမှလူများဖြစ်သဖြင့် လျစ်လျူရှုထားခဲ့လို့မရချေ။</p> <p style="text-align:justify">......</p> <p style="text-align:justify">တစ်ဖက်တွင် ထွက်ခွာသွားသောရဲ့ဟိုင်သည် ရှန်ကျင်းဂိုဏ်းနှင့် ဝေးကွာလှသော နေရာတစ်ခု၏ လေဟာနယ်ထဲတွင် တစ်ခဏရပ်တန့်ကာ စဥ်းစားနေခဲ့သည်။</p> <p style="text-align:justify">ဆိုရိုးစကားအတိုင်း မိမိကိုယ်တိုင် စုံစမ်းစစ်ဆေးခြင်းမရှိဘဲ အခြားလူများပြောသော စကားတစ်ခွန်းကို မျက်စိမှိတ် မယုံကြည်သင့်ပေ။</p> <p style="text-align:justify">ထို့ကြောင့် ရဲ့ဟိုင် ပိုသေချာသွားအောင်လို့ ရှီစင်းယုပြောခဲ့သော အဖွဲ့အစည်းများကို စုံစမ်းရန်အတွက် သူ၏ကိုယ်ပွား ( 99 ) ကောင်လုံးကို စေလွှတ်လိုက်လေ၏။<br />  </p> <p style="text-align:justify"> </p> <p style="text-align: center;">***</p>


Save