Book List

<p style="text-align:justify">( ဒီအုပ်မှာ မဖတ်ခင် ရှင်းပြခြင်တာလေးရှိပါတယ်။ အရင်က မူရင်းမှာ အင်မော်တယ် သခင်ပြီးရင်၊ အင်မော်တယ် ဘုရင် အဆင့်လို့ ရေးခဲ့ပေမယ့် .. ဒီအပိုင်းမှာတော့ အင်မော်တယ် သခင်ပြီးရင် အင်မော်တယ် အရှင် အဆင့်ရှိသေးတယ်လို့ ပါလာပါတယ်။ ရဲ့ဟိုင် ခန္ဓာကိုယ်ကလဲ အင်မော်တယ် ဘုရင်အဆင့်မဟုတ်ပဲ အင်မော်တယ် အရှင် အဆင့်ပါတဲ့ရှင့်။ မူရင်းအတိုင်းပဲ ဆက်ဘာသာပြန်သွားပါမယ်နော် )</p> <p style="text-align: center;">***</p> <h2 style="text-align: center;">အပိုင်း -- ( ၁၃၃၈ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">စုံစမ်းစစ်ဆေးပြီးနောက် ရဲ့ဟိုင်သည် သူ၏ကိုယ်ပွားများ အကုန်လုံးကို ဒေသခံအဖွဲ့အစည်း ( 31 ) ခုအား တစ်ပြိုင်နက်တည်းတိုက်ခိုက်ရန် အမိန့်ပေးလိုက်၏။ </p> <p style="text-align:justify">ထိုအဖွဲ့အစည်းများထဲတွင် ရှီစင်းယုပြောပြခဲ့သော သွေးဂိုဏ်းနှင့် နတ်ဆိုးရုပ်သေးဂိုဏ်းတို့တော့ မပါဝင်ချေ။</p> <p style="text-align:justify">ထိုနှစ်ဂိုဏ်းကိုတော့ ရဲ့ဟိုင် နောက်ဆုံးမှကိုင်တွယ်မည်ဟု စဥ်းစားထားသည်။</p> <p style="text-align:justify">အရှေ့ဘက်လွင်ပြင်...</p> <p style="text-align:justify">အရှေ့ဘက်လွင်ပြင်သည် ရန်ချီနယ်မြေအတွက် အရေးပါသော သယ်ယူပို့ဆောင်ရေးလမ်းကြောင်းတစ်ခုဖြစ်၏။ သို့သော် လွန်ခဲ့သည့်နှစ် ( 100 ) က ထိုနေရာတွင် ဓားပြဂိုဏ်းတစ်ခု ထွက်ပေါ်လာသောကြောင့် ဤလမ်းကြောင်းက အလွန်အန္တရာယ်များသွားခဲ့သည်။</p> <p style="text-align:justify">အထီးကျန်ဝံပုလွေဂိုဏ်း ...</p> <p style="text-align:justify">ဤသည်မှာ အရှေ့ဘက်လွင်ပြင်လမ်းကြောင်းတွင် ထွက်ပေါ်လာသည့် ဓားပြဂိုဏ်းအသစ်ဖြစ်၏။</p> <p style="text-align:justify">အထီးကျန်ဝံပုလွေဂိုဏ်းသည် အရှေ့ဘက်လွင်ပြင်တွင် မကြာခဏ လူသတ်၊ ဓားပြတိုက်၊ လုယက်ကြသဖြင့် နောက်ဆုံးတွင် ကုန်သည်များသည် သည်းမခံနိုင်တော့ဘဲ ထိုအထီးကျန်ဝံပုလွေဂိုဏ်းအား တိုက်ခိုက်ရန်အတွက် ကျင့်ကြံသူပေါင်း မြောက်များစွာကို ငှားရမ်းခဲ့ကြသည်။</p> <p style="text-align:justify">သို့သော် အထီးကျန်ဝံပုလွေဂိုဏ်း၏ ဌာနချုပ်ကို ဝင်စီးသည့်အချိန်တွင် အင်အားကြီးသော သန်မာသည့် ကျင့်ကြံသူများက ထိုဂိုဏ်းမှထွက်ပေါ်လာလေ၏။</p> <p style="text-align:justify">ထိုအင်အားကြီးကျင့်ကြံသူများက ကုန်သည်များ ငှားရမ်းထားသောလူများကို သတ်ဖြတ်ပြီးသွားသောအချိန်တွင် ဤဓားပြဂိုဏ်း၏ နောက်၌ သန်မာသော နောက်ထပ်ဂိုဏ်းတစ်ခုက ကျောထောက်နောက်ခံပြုထားသည်ဆိုတာကို ကုန်သည်များ ကောင်းကောင်း သဘောပေါက်သွားကြသည်။</p> <p style="text-align:justify">ယနေ့တွင် ရာနှင့်ချီသောအစောင့်များ စောင့်ကြပ်ထားသည့် ကုန်သည်လှည်းတန်းတစ်စီးက အရှေ့ဘက်လွင်ပြင်တွင် သွားလာနေလေ၏။</p> <p style="text-align:justify">အစောင့်များအကုန်လုံးသည် အမြန်နှုန်းဖြင့်ကျော်ကြားသော လျှပ်စီးမြင်းများကို စီးထားကြသည်။</p> <p style="text-align:justify">" အဖေ သမီးတို့ အရှေ့ဘက်လွင်ပြင်တစ်ခုလုံးကို ဖြတ်ကျော်ခါနီးနေပြီ ဘာလို့ အထီးကျန်ဝံပုလွေဂိုဏ်းရဲ့ အရိပ်အယောင်တောင် မတွေ့ရတာလဲ "</p> <p style="text-align:justify">အမျိုးသမီးငယ်လေးတစ်ယောက်က ပေါ့ပေါ့ပါးပါး အဝတ်အစားကို ဝတ်ဆင်ထားကာ မေးလိုက်၏။</p> <p style="text-align:justify">သူမသည် ငယ်ရွယ်နုပျိုပြီး ယခုမှ လှသွေးကြွယ်ကာစ အချိန်ဖြစ်သဖြင့် အသားအရေကလဲ နုဖက်ကာ တောက်ပနေသည်။ မျက်လုံးလေးနှစ်လုံးကလဲ ကြယ်နှစ်လုံးကဲ့သို့ တလက်လက်ဖြစ်နေ၏။</p> <p style="text-align:justify">သူမလိုအရွယ်မိန်းကလေးများသည် သဘာဝအတိုင်း တက်ကြွသောအရွယ်ဖြစ်သဖြင့် သူမအဖေ ကုန်သည်လှည်းနှင့်အတူ လိုက်ပါရန်အတွက် အတင်းအကြပ်တောင်းဆိုခဲ့သည်။</p> <p style="text-align:justify">တစ်ဖက်တွင် ဖခင်ဖြစ်သူကလဲ သမီးကို ချစ်လွန်းအားကြီးသဖြင့် နောက်ဆုံးတွင် ခေါ်သွားရန်မှလွဲပြီး ရွေးချယ်စရာ မရှိခဲ့ချေ။</p> <p style="text-align:justify">သမီးဖြစ်သူ၏ အမေးစကားကိုကြားလျှင် သူမ၏ဘေး မြင်းပေါ်၌ထိုင်နေသော သက်လတ်ပိုင်းအရွယ်အမျိုးသားမှာ သက်ပြင်းချပြီး...</p> <p style="text-align:justify">" ဟူး .. မတွေ့ရင်အကောင်းဆုံးပဲပေါ့ .. တွေ့ရင် ငါတို့ရဲ့ပစ္စည်း တစ်ဝက်လောက်ကို သူတို့က ယူသွားမှာ "</p> <p style="text-align:justify">သို့သော် ထိုသတ်လတ်ပိုင်းအရွယ်လူ၏ ဆုတောင်းက လုံးဝမပြည့်သွားချေ။</p> <p style="text-align:justify">သူတို့ကုန်သည်လှည်းတန်းက အရှေ့ဘက်လွင်ပြင်ကနေ ထွက်ခွာခါနီးတွင် ( 300 ) ခန့်ရှိသော လူတစ်အုပ်က ရုတ်တရက် သူတို့ရှေ့တွင် ထွက်ပေါ်လာပြီး လမ်းကြောင်းကို ပိတ်ဆို့ကာ ကုန်သည်လှည်းတန်းကို စနစ်တကျ ဝန်းရံလိုက်သည်။</p> <p style="text-align:justify">ကုန်သည်လှည်းတန်း၏ ရာနှင့်ချီသော အစောင့်များက ချက်ချင်းပင် သူတို့၏ဓားများကို ထုတ်လိုက်ပြီး ထိုလူများနှင့် အဆင်သင့်ရင်ဆိုင်ရန် လုပ်လိုက်၏။</p> <p style="text-align:justify">လိန်ယုသည် အနက်ရောင်ဝတ်စုံ ဝတ်ဆင်ထားသော သက်လတ်ပိုင်းအရွယ်လူကိုကြည့်လိုက်ပြီး သက်ပြင်းချ၍...</p> <p style="text-align:justify">" ကျွန်တော်တို့လန်မိသားစုက ကုန်ပစ္စည်းတွေတစ်ဝက်ကို လွှဲပြောင်းဖို့ ဆန္ဒရှိပါတယ် "</p> <p style="text-align:justify">တစ်ဖက်တွင် အဘိုးအိုမှာ ခေါင်းညိတ်လိုက်ပြီး...</p> <p style="text-align:justify">" မင်းတို့ စည်းမျဥ်းစည်းကမ်းတွေ နားလည်တယ်ဆိုတော့ ကိစ္စကလွယ်လွယ်ကူကူနဲ့ ပြီးသွားတာပေါ့ "</p> <p style="text-align:justify">အစပိုင်းတွင် အထီးကျန်ဝံပုလွေဂိုဏ်းသည် ကုန်သည်များကိုသတ်ဖြတ်ပြီး သူတို့၏ ပစ္စည်းများကို အကုန်သိမ်းပိုက်ရန် ကြိုးစားခဲ့ကြသည်။ မည်သူမှ ရှင်သန်ခွင့် မပေးချေ။ သို့သော် သူတို့၏ ထိုရက်စက်သောလုပ်ရပ်ကြောင့် နောက်ပိုင်းတွင် ဤအရှေ့ဘက်လွင်ပြင်လမ်းကြောင်း၌ ဖြတ်သန်းသွားသော ကုန်သည်အရေအတွက်က သိသိသာသာ လျော့ကျသွားခဲ့၏။</p> <p style="text-align:justify">လာရဲသည့် သူများကလည်း အင်အားတော်တော်များများ တောင့်တင်းစွာပါလာသဖြင့် ရင်ဆိုင်ရခက်ပြီး ဓားပြဂိုဏ်းအတွက် ဆုံးရှုံးမှုကို ဖြစ်ပေါ်စေသည်။</p> <p style="text-align:justify">ထို့ကြောင့် နောက်ပိုင်းတွင် အထီးကျန်ဝံပုလွေဂိုဏ်းသည် ကုန်သည်များထံမှ ကုန်ပစ္စည်းတစ်ဝက်ကိုသာ လုယူပြီး ရံဖန်ရံခါ လူအချို့ကို ရည်ရွယ်ချက်ရှိရှိ လွှတ်ပေးခဲ့ခြင်းဖြင့် ကုန်သည်များ၏ စိတ်ထဲတွင် အထင်အမြင်အမှားများကို ဖြစ်ပေါ်စေခဲ့၏။ </p> <p style="text-align:justify">ထိုနည်းလမ်းက တကယ်အဆင်ပြေသည်ဟု ဆိုရမှာပင်။ အရှေ့ဘက်လွင်ပြင်ကို အခြားကုန်သည်များက ပစ္စည်းများအား တစ်ဝက်အပိုတင်၍ ဖြတ်သန်းသွားလာခြင်းကို ပြန်လုပ်လာကြလေသည်။</p> <p style="text-align:justify">ယခုလဲ လိန်မိသားစုမှ ကုန်ပစ္စည်းတစ်ဝက်ကို သိမ်းပိုက်ပြီးနောက် အနက်ရောင်ဝတ်အဘိုးအိုသည် ပြန်လည်၍ ထွက်ခွာရန် ကြံရွယ်၏။ သို့သော် လိန်ယု ဘေးနားတွင်ရှိသော မိန်းကလေးအား သတိပြုမိသွားသောအခါ မျက်လုံးက တလက်လက်တောက်ပလာတော့သည်။</p> <p style="text-align:justify">" အဲ့ဒီမိန်းမပါ ငါ့ကိုပေး "</p> <p style="text-align:justify">" မဖြစ်နိုင်ဘူး "</p> <p style="text-align:justify">လိန်ယု၏ မျက်နှာက ဖြူဖျော့သွား၏။</p> <p style="text-align:justify">"မဖြစ်နိုင်ဘူး ဟုတ်လား "</p> <p style="text-align:justify">အနက်ရောင်ဝတ်အဘိုးအို၏ မျက်လုံးထဲတွင် အေးစက်သော အရိပ်များက ဖြာထွက်လာကာ .. </p> <p style="text-align:justify">" ကြည့်ရတာ မင်းတို့အားလုံး ဒီနေရာမှာ သေချင်နေတဲ့ပုံပဲ "</p> <p style="text-align:justify">" မဟုတ်ဘူး အဆိုးဆုံးအနေနဲ့ လက်ရှိကုန်ပစ္စည်းအားလုံး ငါမင်းကိုပေးနိုင်တယ်၊ သူမကိုတော့ မပေးနိုင်ဘူး "</p> <p style="text-align:justify">" အစောကြီးကတည်းက ငါ ယူသင့်တဲ့တစ်ဝက်ကိုယူပြီးပြီ၊ အဲ့တာက ဖောက်ဖျက်လို့မရတဲ့ ခေါင်းဆောင်ရဲ့ စည်းကမ်းပဲ "</p> <p style="text-align:justify">ထိုသို့ပြောပြီးသည်နှင့် အနက်ရောင်ဝတ်အဘိုးအို၏ လေသံက အလွန်တရာ အေးစက်သွားပြီး ...</p> <p style="text-align:justify">" ငါမင်းကို နောက်ဆုံးတစ်ခွန်းထပ်ပြောမယ်၊ ဒီမိန်းမကို ငါ့ကိုပေးမှာလား မပေးဘူးလား "</p> <p style="text-align:justify">" သူမက ငါ့သမီးပဲ ငါမင်းကို လုံးဝမပေးနိုင်... "</p> <p style="text-align:justify">လိန်ယုသည် စကားပင်ဆုံးခြင်းမရှိပေ။ ရွှေရောင်အလင်းတန်းတစ်ခုက သူ၏အသိစိတ်ပင်လယ်ကို ထိုးဖောက်ဝင်ရောက်လာပြီး ပျက်စီးသွားစေသည်။</p> <p style="text-align:justify">လိန်ယုမှာ သူ၏ခေါင်းကို တင်းတင်းကြပ်ကြပ်ဆုပ်ကိုင်ရင်း လျှပ်စီးမြင်းပေါ်မှ ပြုတ်ကျသွားပြီး နာကျင်စွာဖြင့် လူးလှိမ့်ကာ အော်ဟစ်နေရ၏။</p> <p style="text-align:justify">" အဖေ အဆင်ပြေရဲ့လား "</p> <p style="text-align:justify">လိန်ယွီ ချက်ချင်းပင် မြင်းပေါ်မှ အလျင်အမြန်ခုန်ဆင်းပြီး သူမ၏အဖေကို ကူညီကာ ဖေးမပေးလိုက်သည်။</p> <p style="text-align:justify">သို့သော် လိန်ယု၏ မျက်လုံးများကတော့ အသက်မဲ့နေပြီး မျက်နှာက သွေးပင်မရှိတော့ဘဲ တဖြည်းဖြည်းပို၍ ဖြူဖျော့သထက် ဖြူဖျော့လာလေ၏။</p> <p style="text-align:justify">ဤအရာက စိတ်ဝိညာဥ် ပျက်စီးပျောက်ကွယ်လာခြင်းဖြစ်သည်။</p> <p style="text-align:justify">လိန်ယု သမီးဖြစ်သူကိုကြည့်ကာ ပါးစပ်ဖွင့်လိုက်သော်လည်း အသံကမထွက်နိုင်တော့ပေ။</p> <p style="text-align:justify">" တိုက်ပွဲအတွက် ပြင်ဆင်ကြ "</p> <p style="text-align:justify">လိန်ယုက မြင့်မားသောဈေးနှုန်းဖြင့် ငှားရမ်းထားသည့် အစောင့်ခေါင်းဆောင်သည် ချက်ချင်းပင် သူ၏လူများကို အမိန့်ပေးလိုက်၏။</p> <p style="text-align:justify">ယခုအချိန်တွင် သူ၏အလုပ်ရှင်က အပြင်းအထန် ဒဏ်ရာရရှိသွားပြီဖြစ်သဖြင့် လျစ်လျူရှုကာ ဤအတိုင်းကြည့်မနေနိုင်တော့ချေ။</p> <p style="text-align:justify">" ဟမ့် မင်းက ငါတို့အထီးကျန်ဝံပုလွေဂိုဏ်းကို ပြန်ပြီးတိုက်ခိုက်ရဲတဲ့သတ္တိ ရှိတယ်ပေါ့ "</p> <p style="text-align:justify">အနက်ရောင်ဝတ်အဘိုးအို ထိုသို့ပြောပြီးသည်နှင့် သူ၏လက်ကို ဝှေ့ယမ်းလိုက်ကာ...</p> <p style="text-align:justify">" အားလုံးကိုသတ်ပစ်လိုက် "</p> <p style="text-align:justify">ချက်ချင်းပင် အုပ်စုနှစ်စုက ထိပ်တိုက်တွေ့ဆုံသွားပြီး တိုက်ပွဲသံများနှင့် နာကျင်စွာ အော်ဟစ်သံများက ထွက်ပေါ်လာသည်။</p> <p style="text-align:justify">တိုက်ပွဲက တော်တော်လေးကို ပြင်းထန်သည်ဟု ပြောရမည်ဖြစ်၏။ သို့သော် အထီးကျန်ဝံပုလွေဂိုဏ်းသည် အစောင့်တပ်ဖွဲ့ထက် နှစ်ဆတိတိ လူအရေအတွက် များနေသဖြင့် တိုက်ပွဲမှာ တစ်ဖက်သတ်ဖြစ်နေခဲ့လေသည်။</p> <p style="text-align:justify"> </p> <p style="text-align: center;">***</p>


Save