Book List

<h2 style="text-align: center;">အပိုင်း -- ( ၁၃၄၀ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">ရဲ့ဟိုင် ပတ်ပတ်လည်မှ လူများကို လှည့်ပတ်ကြည့်လိုက်ပြီး...</p> <p style="text-align:justify">" လူတိုင်းပဲ ဘာလို့ အထီးကျန်ဝံပုလွေဂိုဏ်းကို အခြားလူတွေက မဖျက်ဆီးနိုင်ကြတာလဲဆိုတာကို မင်းတို့သိကြလား "</p> <p style="text-align:justify">ရဲ့ဟိုင်၏ ထိုရုတ်တရက် အော်ဟစ်လိုက်သောစကားက ဈေးတစ်ခုလုံးကို ပျံ့နှံ့သွားပြီး လူတိုင်းကလည်း လုပ်ကိုင်နေခြင်းများကိုရပ်တန့်ကာ ရဲ့ဟိုင်ကို တအံ့တဩဖြင့် စိုက်ကြည့်လာကြသည်။</p> <p style="text-align:justify">သို့သော် မည်သူကမှ ရဲ့ဟိုင်၏ စကားကို တုံ့ပြန်ခြင်းမရှိကြပေ။</p> <p style="text-align:justify">ဤမေးခွန်းက အလွန်အန္တရာယ်များသော ထိရှလွယ်သည့် မေးခွန်းဖြစ်၏။</p> <p style="text-align:justify">အရှေ့ဘက်လွင်ပြင်သည် ဤနေရာနှင့် ကီလိုမီတာ သုံးသောင်းခန့် ကွာဝေးသည်။ ထို့ကြောင့် အထီးကျန်ဝံပုလွေဂိုဏ်းကို ယူလောင်ဂိုဏ်းက ကျောထောက်နောက်ခံ ပြုထားသည်ဟု ကျင့်ကြံသူတော်တော်များများက အစောကြီးကတည်းက သံသယများ ရှိကြ၏။ </p> <p style="text-align:justify">သို့သော် သံသယတိုင်းက ထုတ်ဖော်ပြောလို့ ရသည့်အရာတစ်ခု မဟုတ်ချေ။</p> <p style="text-align:justify">" မင်းတို့အားလုံး အဖြေကိုသိပြီးသား ဖြစ်မယ်ထင်တယ် "</p> <p style="text-align:justify">ရဲ့ဟိုင် မှိန်ဖျော့ဖျော့ပြုံးလိုက်ပြီး...</p> <p style="text-align:justify">" မှန်တယ် မင်းတို့ထင်သလိုပဲ ယူလောင်ဂိုဏ်းက အထီးကျန်ဝံပုလွေဂိုဏ်းကို ကျောထောက်နောက်ခံပြုထားလို့ သူတို့ကိုဘယ်သူမှ မဖျက်ဆီးနိုင်သေးတာ "</p> <p style="text-align:justify">ထိုစကားက ဈေးတစ်ခုလုံးကို ရုတ်ရုတ်သဲသဲ ဖြစ်သွားစေသည်။</p> <p style="text-align:justify">ထိုသတင်းက သူတို့အတွက် မအံ့ဩစေချေ။ သို့သော် ဤကောင်လေးက လူတိုင်း၏ရှေ့တွင် ယခုကဲ့သို့ ထိရှလွယ်သောသတင်းကို အော်ကြီးဟစ်ကျယ်ပင် ပြောရဲမည်ဟု မည်သူကမှ မမျှော်လင့်ထားသောကြောင့်ဖြစ်၏။</p> <p style="text-align:justify">ဤကောင်လေး ဦးနှောက်က ပျက်စီးနေပြီလား။</p> <p style="text-align:justify">" မင်းဘာပြောလိုက်တယ် "</p> <p style="text-align:justify">ထိုအချိန်တွင် ယူလောင်ဂိုဏ်း၏ ဝတ်စုံကို ဝတ်ဆင်ထားသော ဂိုဏ်းသားများက ချက်ချင်းထရပ်လာပြီး ရဲ့ဟိုင်ကို ဒေါသတကြီးဖြင့် ကြိမ်းမောင်းကြတော့သည်။</p> <p style="text-align:justify">" ငါပြောလိုက်တာက အထီးကျန်ဝံပုလွေဂိုဏ်းကို ကျောထောက်နောက်ခံပြုထားတာက မင်းတို့ရဲ့ယူလောင်ဂိုဏ်းလို့ ဆိုနေတာပဲ "</p> <p style="text-align:justify">ရဲ့ဟိုင်တည်ငြိမ်စွာဖြင့်...</p> <p style="text-align:justify">" တစ်နည်းအားဖြင့်ဆိုရရင် မင်းတို့ယူလောင်ဂိုဏ်းက တပည့်တွေအားလုံးက မကောင်းဆိုးဝါးတွေလို့ပြောချင်တာ "</p> <p style="text-align:justify">" မင်း .. ကောင်းပြီ အထီးကျန်ဝံပုလွေဂိုဏ်းကို ငါတို့ယူလောင်ဂိုဏ်းက ကျောထောက်နောက်ခံ ပြုထားတယ်ဆိုတဲ့ သက်သေအထောက်အထား မင်းမှာရှိလား၊ မင်းဒီနေ့ သက်သေကို မထုတ်ပြနိုင်ရင်တော့ ငါတို့ကိုရက်စက်တယ်ဆိုပြီး အပြစ်မတင်နဲ့ပေါ့ "</p> <p style="text-align:justify">လူငယ်တစ်ယောက်က ဒေါသတကြီးဖြင့် ထပ်ပြောလိုက်သည်။</p> <p style="text-align:justify">ရဲ့ဟိုင်ပြုံးလိုက်ပြီး သူ၏လက်ကို ဝှေ့ယမ်းလိုက်လျှင် အထီးကျန်ဝံပုလွေဂိုဏ်းခေါင်းဆောင်၊ လက်ထောက်ဂိုဏ်းခေါင်းဆောင်နှင့် အကြီးအကဲ ( 8 ) ယောက်က လူတိုင်း အရှေ့၌ ဒူးထောက်ကာ ထွက်ပေါ်လာ၏။</p> <p style="text-align:justify">" ဒါက "</p> <p style="text-align:justify">" အိုး .. ဘုရားရေ "</p> <p style="text-align:justify">" ဒီကောင်က အထီးကျန်ဝံပုလွေဂိုဏ်းရဲ့ ခေါင်းဆောင်တွေကို တကယ်ပဲဖမ်းဆီးထားခဲ့တာလား "</p> <p style="text-align:justify">" ကျန်တဲ့ ( 9 ) ယောက်ကလဲ အထီးကျန်ဝံပုလွေဂိုဏ်းရဲ့ လက်ထောက်နဲ့ အကြီးအကဲ ( 8 ) ယောက်မလား၊ လက်ရှိ အထီးကျန်ဝံပုလွေဂိုဏ်းရဲ့ ခေါင်းဆောင်ပိုင်း အကုန်လုံးကို သူဖမ်းဆီးလာတဲ့ပုံပဲ "</p> <p style="text-align:justify">" ဒီလူငယ်က ဘယ်သူလဲ "</p> <p style="text-align:justify">ရဲ့ဟိုင်အကြောင်း ပတ်ပတ်လည်မှ ကျင့်ကြံသူများက ဆွေးနွေးနေကြသည့်အချိန်တွင် ရဲ့ဟိုင် အထီးကျန်ဝံပုလွေဂိုဏ်း၏ ခေါင်းဆောင်ကို ခြေထောက်ဖြင့်လှမ်းကန်လိုက်ပြီး...</p> <p style="text-align:justify">" မင်းတို့ရဲ့ အထီးကျန်ဝံပုလွေဂိုဏ်းကို နောက်ကွယ်ကနေ ထောက်ပံ့ထိန်းချုပ်နေတဲ့လူက ဘယ်သူလဲ "</p> <p style="text-align:justify">" ယူလောင်ဂိုဏ်းပါ "</p> <p style="text-align:justify">အထီးကျန်ဝံပုလွေ ဂိုဏ်းခေါင်းဆောင် ဘီပင်း မချိပြုံးပြုံးကာ ပြောလိုက်သည်။</p> <p style="text-align:justify">တကယ်တော့ ဘီပင်းသည် သံမဏိဓားသွားအောက်တွင် ကျရောက်နေလျှင်တောင်မှ သူ၏စိတ်က မတုန်မလှုပ်ဖြင့် စိတ်ဓာတ်ခိုင်မာသူတစ်ယောက်ဖြစ်၏။</p> <p style="text-align:justify">သို့သော် ယနေ့တွင် သူအဘယ့်ကြောင့် သူရဲဘောကြောင်နေရသနည်း။</p> <p style="text-align:justify">အကြောင်းအရင်းကတော့ ရဲ့ဟိုင်သည် ဘီပင်းကို သေခြင်းထက် ပိုဆိုးဝါးသော အဓိပ္ပါယ်ကို နားလည်အောင်လို့ ပြုလုပ်ပေးခဲ့သောကြောင့်ဖြစ်သည်။</p> <p style="text-align:justify">အားနေချိန်တိုင်း ရဲ့ဟိုင် အဆိပ်မျိုးစုံကိုပေါင်းစပ်ပြီး ထူးဆန်းကာ အစွမ်းထက်သော အဆိပ်များကို ဖန်တီးခဲ့၏။ ထိုအဆိပ်များ၏အောက်တွင်တော့ စိတ်ဓာတ်ခိုင်မာလှပါသည်ဆိုသော ယောကျ်ားဆန်လွန်းသည့်ဘီပင်းကို မိန်းကလေးတစ်ယောက်လို သိမ်မွေ့နူးညံ့သွားစေသည်။</p> <p style="text-align:justify">" ဘာ... "</p> <p style="text-align:justify">ဈေးအတွင်းတွင်ရှိနေသော ကျင့်ကြံသူများအားလုံး အထီးကျန်ဝံပုလွေဂိုဏ်းခေါင်းဆောင်ကို အံ့အားသင့်စွာ ကြည့်လိုက်ကြ၏။</p> <p style="text-align:justify">ထင်ကြေးသံသယဆိုသည်မှာ တစ်ခုသက်သက်ဖြစ်ပြီး အတည်ပြုချက်ဆိုသည်မှာ အခြားတစ်ခုသက်သက်ဖြစ်သည်။</p> <p style="text-align:justify">ထင်ကြေးသံသယဆိုသည်မှာ ပြောမရသော စည်းကမ်းတစ်ခုနှင့် တူညီနေပြီး လူတိုင်းက ၎င်းကိုသိနေသော်လည်း ထုတ်ပြောပြနိုင်ခြင်းမရှိပေ။</p> <p style="text-align:justify">သို့သော် သံသယကို အတည်ပြုချက် ရရှိသွားလျှင်တော့ လူတိုင်းက ပါးစပ်ကနေ အတိအကျ ထုတ်ပြောနိုင်ကြပြီဖြစ်၏။</p> <p style="text-align:justify">" မဟုတ်ဘူး ... မင်းလိမ်နေတာ "</p> <p style="text-align:justify">ယူလောင်ဂိုဏ်းမှ တပည့်တစ်ယောက်က ဒေါသတကြီးဖြင့် အော်ဟစ်လိုက်သည်။</p> <p style="text-align:justify">" လိမ်နေတာ ဟုတ်လား "</p> <p style="text-align:justify">ဘီပင်းက ထိုတပည့်ကို လှောင်ပြုံးနှင့်အတူ ကြည့်လိုက်ပြီး...</p> <p style="text-align:justify">" အရှေ့ဘက်လွင်ပြင်ဆိုတာက ယူလောင်ဂိုဏ်းရဲ့ အုပ်ချုပ်ရေးနယ်မြေထဲမှာ ရှိနေတာပဲ၊ ယူလောင်ဂိုဏ်းကဘာကြောင့် ငါတို့ကို အခုချိန်အထိ အရေးမယူခဲ့တာလဲ၊ နောက်ဆုံး အခြားဂိုဏ်းတွေ လှုပ်ရှားတဲ့အချိန်ကျမှ ယူလောင်ဂိုဏ်းက ဘာလို့ စိတ်အားထက်သန်တဲ့ပုံစံနဲ့ ဝင်ရောက်ပူးပေါင်းခဲ့တာလဲဆိုတာကို မင်းဦးနှောက်ရှိရင် စဥ်းစားတတ်တယ်မလား "</p> <p style="text-align:justify">" လူတိုင်းသိနေတဲ့ အရာတစ်ခုကို ဖုံးကွယ်ထားလဲ ဘာထူးမှာမို့လို့လဲ "</p> <p style="text-align:justify">" ပြီးတော့ ယူလောင်ဂိုဏ်းက မကြာသေးခင်နှစ်ပိုင်းအတွင်း ကြောက်စရာကောင်းအောင် အင်အားကတိုးပြီး သန်မာလာခဲ့တယ်၊ အဲ့လိုသန်မာလာဖို့အတွက် အရင်းအမြစ်တွေကို ဘယ်နေရာက ရလဲဆိုတာကို မင်းသိလား "</p> <p style="text-align:justify">" ပါးစပ်ပိတ်ထား "</p> <p style="text-align:justify">ထိုအချိန်တွင် ယူလောင်ဂိုဏ်း၏ အကြီးအကဲတစ်ယောက်က ရဲ့ဟိုင်အနားသို့ ချဥ်းကပ်လာပြီး ဘီပင်းကို ကြည့်ကာ ...</p> <p style="text-align:justify">" ဒီကောင်က မင်းကို ငါတို့ယူလောင်ဂိုဏ်း သိက္ခာကျစေဖို့အတွက် ဒီလိုပြောခိုင်းခဲ့တာမလား "</p> <p style="text-align:justify">" အစ်ကိုရှန် ကျွန်တော်သူ့လက်ထဲရောက်တည်းကိုက ကံကြမ္မာ အဆုံးသတ်သွားပြီဆိုတာကို လုံးဝသိရှိခဲ့ပြီးပြီ၊ ကျွန်တော်ပြီးရင် ယူလောင်ဂိုဏ်းက အဲ့ဒီဆိုးဝါးတဲ့ နတ်ဆိုးကို ရင်ဆိုင်ရလိမ့်မယ် "</p> <p style="text-align:justify">ဘီပင်း ရောက်ရှိလာသော အကြီးအကဲကိုကြည့်ကာ ခေါင်းကိုခါယမ်း၍ ပြောလိုက်၏။</p> <p style="text-align:justify">တစ်ဖက်တွင် ယူလောင်ဂိုဏ်း၏ အကြီးအကဲ မျက်လုံးက ကျဥ်းမြောင်းသွားသည်။</p> <p style="text-align:justify">ဘီပင်းပြောသွားသည့် စကားလုံးများ အကုန်လုံးကို သူသေချာအလေးအနက် သတိထားမိလိုက်၏။</p> <p style="text-align:justify">ဘီပင်းပြောသွားသည့် စကားထဲတွင် အဓိကအချက်ကတော့ သူက ထိုကောင်၏ လက်ထဲသို့ လုံးဝကရောက်သွားပြီဖြစ်ကြောင်း ဆိုလိုနေခြင်းပင်။ အထူးသဖြင့် ဘီပင်းသည် ထိုကောင်ကို ဂိုဏ်းက ယှဥ်နိုင်ရန်မလွယ်ဘူးဟု ထိုစကားထဲတွင် ဆိုလိုနေခဲ့သည်။</p> <p style="text-align:justify">သို့သော်ဤအရာက မည်ကဲ့သို့ ဖြစ်နိုင်မည်နည်း။</p> <p style="text-align:justify">ထိုကောင်လေးတွင် ရွှေအင်မော်တယ်အဆင့် အရှိန်အဝါတောင် မရှိချေ။ </p> <p style="text-align:justify">" ငါဒီနေ့ ဒီလူ ( 10 ) ယောက်ကို အကုန်လုံးရှေ့ကို ခေါ်လာရတဲ့ အကြောင်းအရင်းက ယူလောင်ဂိုဏ်းပျက်စီးရတာ ဘာကြောင့်လဲဆိုတာကို အားလုံးသေချာသိအောင်လို့ပဲ "</p> <p style="text-align:justify">ရဲ့ဟိုင်၏ အသံက ဈေးထဲတွင် ပဲ့တင်ထပ်သွားပြီး...</p> <p style="text-align:justify">" ယူလောင်ဂိုဏ်းက မကောင်းဆိုးဝါး လူသတ်၊ မုဒိန်းကျင့် ဓားပြဂိုဏ်းကို ကူညီပေးနေတာဆိုတော့ ဒီလိုဂိုဏ်းမျိုး ထပ်ပြီးမတည်ရှိသင့်တော့ဘူး "</p> <p style="text-align:justify">ထိုသို့ပြောပြီးသည်နှင့် ရဲ့ဟိုင်က ယူလောင်ဂိုဏ်းရှိရာသို့ တည့်တိုးပင် လျှောက်လှမ်းသွားသည်။ ထူးဆန်းသည်မှာ အထီးကျန်ဝံပုလွေဂိုဏ်းမှလူများကို သူကလုံးဝ လျစ်လျူရှုထားခဲ့ခြင်းဖြစ်၏။ </p> <p style="text-align:justify">သို့သော် သူခြေသုံးလှမ်းသာ လျှောက်ရသေးသည်။ အထီးကျန်ဝံပုလွေဂိုဏ်းခေါင်းဆောင်အပါအဝင် လက်ထောက်ခေါင်းဆောင်နှင့် အကြီးအကဲ ( 8 ) ယောက်တို့ ပါးစပ်မှ သွေးမဲများစီးကျလာကာ အကုန်လုံး သေဆုံးသွားကြ၏။</p> <p style="text-align:justify">" ကောင်လေး မင်းက သေချင်နေတာပဲ ယူလောင်ဂိုဏ်းကို စွပ်စွဲသိက္ခာချရဲတယ်ပေါ့ "</p> <p style="text-align:justify">ယခုနက ဘီပင်းကိုစကားပြောခဲ့သော အကြီးအကဲမှာ ချက်ချင်းပင် ရဲ့ဟိုင်ကို တိုက်ခိုက်လိုက်သည်။ သို့သော် ရဲ့ဟိုင်က ရိပ်ခနဲ သူ့ကိုဖြတ်ကျော်သွားပြီး ထိုအကြီးအကဲမှာ အလန့်တကြားဖြင့် လည်ပင်းကိုဆုပ်ကိုင် လဲကျသွား၏။</p> <p style="text-align:justify">တစ်ချက်...</p> <p style="text-align:justify">" တစ်ချက်တည်းနဲ့ သူက ယူလောင်ဂိုဏ်းရဲ့ အကြီးအကဲကို သတ်သွားတာလား "</p> <p style="text-align:justify">" မင်းသူ့ရဲ့ လှုပ်ရှားမှုကို မြင်လိုက်လား "</p> <p style="text-align:justify">" ငါ့အထင်တော့သူက လေဟာနယ်ကို ထိုးဖောက်ထွက်သွားသလိုပဲနော် "</p> <p style="text-align:justify">" အင်မော်တယ်သခင် ထိပ်တန်းအဆင့် "</p> <p style="text-align:justify">" ယူလောင်ဂိုဏ်းက ဒီလိုအင်အားကြီးသန်မာသူကို နောက်ဆုံးတော့ သွားပြီးစော်ကားလိုက်မိပြီပေါ့ "</p> <p style="text-align:justify">" ဟမ့် .. အဲ့တာက သူတို့အပြစ်ပဲ၊ မြစ်ကမ်းဘေးမှာ မကြာခဏ လမ်းလျှောက်နေရင်တော့ တစ်နေ့မှာ ခြေထောက်တွေ စိုလာမှာကို တားဆီးနိုင်မှာမဟုတ်ဘူး "</p> <p style="text-align:justify"> </p> <p style="text-align: center;">***</p>


Save