Book List

<h2 style="text-align: center;">အပိုင်း -- ( ၁၃၄၁ )</h2> <h2 style="text-align: center;">*</h2> <p style="text-align:justify"><br /> ဤသို့ဖြင့်ရဲ့ဟိုင်က ယူလောင်ဂိုဏ်းရှိရာသို့ သွားနေသည့်အချိန်တွင် အထီးကျန်ဝံပုလွေဂိုဏ်းခေါင်းဆောင်၏ ဝန်ခံမှုသတင်းက ယူလောင်ဂိုဏ်းနယ်မြေတစ်ခုလုံးကို ပျံ့နှံ့သလို ယူလောင်ဂိုဏ်းထဲတွင်လည်း ပျံ့နှံ့သွားခဲ့သည်။</p> <p style="text-align:justify">ယူလောင်ဂိုဏ်း၏ တပည့်များအားလုံး ၎င်းသတင်းကြောင့် အံ့အားသင့်သွားကြ၏။</p> <p style="text-align:justify">" အထီးကျန်ဝံပုလွေဂိုဏ်းကို ငါတို့ယူလောင်ဂိုဏ်းက ကျောထောက်နောက်ခံပြုနေတယ်ဆိုတာ တကယ်ပဲလား "</p> <p style="text-align:justify">" ဒါက အထီးကျန်ဝံပုလွေဂိုဏ်း ခေါင်းဆောင်ကိုယ်တိုင် လူသိရှင်ကြား ပြောကြားခဲ့တာတဲ့ .. မမှားနိုင်ဘူးထင်တယ် "</p> <p style="text-align:justify">" မဟုတ်ဘူး .. ငါမယုံဘူး "</p> <p style="text-align:justify">" ငါတော့ ဒီကိစ္စကို သံသယဝင်နေတာကြာပြီ အရှေ့ဘက်လွင်ပြင်က ငါတို့ယူလောင်ဂိုဏ်းရဲ့ အုပ်ချုပ်မှုနယ်ပယ်ထဲမှာ ရှိနေတာပဲ၊ ဒါပေမဲ့ မကြာသေးခင်နှစ်ပိုင်းအတွင်း ငါတို့ဂိုဏ်းက သူတို့ကို အရေးယူတိုက်ခိုက်ခဲ့တာကို မင်းတို့မြင်ဖူးလား "</p> <p style="text-align:justify">အထူးသဖြင့် ဂိုဏ်းသားများအားလုံး စဥ်းစားမိသည့် အချက်တစ်ချက်လည်း ရှိသေးသည်။</p> <p style="text-align:justify">မကြာသေးမီနှစ်များအတွင်း ယူလောင်ဂိုဏ်း၏ အင်အားက အဆမတန် တိုးပွားလာခဲ့၏။ ဤကဲ့သို့ အင်အားတိုးပွားအောင်လို့ အရင်းအမြစ်များကို ဂိုဏ်းသည် မည်သည့်နေရာက ရရှိခဲ့သနည်း။</p> <p style="text-align:justify">၎င်းအချက်အလက်ကို ဂိုဏ်း၏ တပည့်ဟောင်းများကလည်း နားမလည်သလို တပည့်အသစ်များကလည်း နားမလည်ကြချေ။</p> <p style="text-align:justify">သူတို့အားလုံး ထိုကဲ့သို့သံသယဝင်ပြီး စဥ်းစားနေကြသော်လည်း ဤအရာက ဂိုဏ်း၏ ခေါင်းဆောင်များမှ ကိုင်တွယ်ရမည့် အရာတစ်ခုဖြစ်သဖြင့် သူတို့အနေဖြင့် ဘာမှဝင်ရောက်စွက်ဖက်နိုင်ခြင်း မရှိပေ။</p> <p style="text-align:justify">ထိုအချိန်တွင် ယူလောင်ဂိုဏ်းခေါင်းဆောင်သည် ပင်မခန်းမတွင် မှုန်ကုပ်ကုပ်ဖြင့် ထိုင်နေလေသည်။</p> <p style="text-align:justify">ယူလောင်ဂိုဏ်းက အထီးကျန်ဝံပုလွေဂိုဏ်းအား ကျောထောက်နောက်ခံ ပေးထားသည်ဆိုတာကို လူသိရှင်ကြား ဖော်ထုတ်ခံရခြင်းသည် သူတို့ဂိုဏ်း၏ မျက်နှာကို ဖြတ်ရိုက်လိုက်သည်နှင့် အတူတူပင်ဖြစ်၏။</p> <p style="text-align:justify">ထို့ကြောင့် ယူလောင်ဂိုဏ်းခေါင်းဆောင်သည် ရဲ့ဟိုင်အားသတ်ဖြတ်ရန်အတွက် ဆုံးဖြတ်လိုက်သည်။</p> <p style="text-align:justify">သို့သော် ထိုအချိန်တွင်...</p> <p style="text-align:justify">" ဂိုဏ်းချုပ် အရေးကြီးသတင်းပါ .. အဲ့ဒီလူငယ်ကို ကြားဖြတ်တားဆီးတဲ့ အကြီးအကဲရှန် သတ်ဖြတ်ခံလိုက်ရပြီ "</p> <p style="text-align:justify">" ဂိုဏ်းချုပ် အရေးပေါ်သတင်းပါ .. အဲ့ဒီလူငယ်ကို ကြားဖြတ်သွားတားဆီးတဲ့ ( 8 ) ယောက်မြောက်အကြီးအကဲ အသတ်ခံလိုက်ရပြီ "</p> <p style="text-align:justify">" ဂိုဏ်းချုပ် အရေးပေါ်သတင်းပါ .. အဲ့ဒီလူငယ်ကို ကြားဖြတ်သွားတားခဲ့တဲ့ အကြီးအကဲသုံးယောက်လုံး အသတ်ခံလိုက်ရပါပြီ "</p> <p style="text-align:justify">ယူလောင်ဂိုဏ်းခေါင်းဆောင်သည် ထိုကြောက်စရာကောင်းသော သတင်းများကို နားထောင်ရင်း မျက်နှာက ပို၍ပျက်ယွင်းသထက် ပျက်ယွင်းလာ၏။ ခန်းမထဲတွင်ထိုင်နေသော အခြားအဆင့်မြင့်အကြီးအကဲများ အားလုံးကလည်း သူတို့ဂိုဏ်းခေါင်းဆောင်ကဲ့သို့ပင် အလားတူ ခံစားနေကြရလေသည်။</p> <p style="text-align:justify">" ဒီကလေးရဲ့ ခွန်အားက ငါတို့ထင်ထားတာထက် ပိုကြီးမယ်ထင်တယ်၊ ကြည့်ရတာ ငါတို့ရဲ့ တစ်ခုတည်းသော ရွေးချယ်ခွင့်က ဂိုဏ်းကာကွယ်ရေးအစီအရင်ကို အသုံးချပြီး သူ့ကိုခုခံဖို့ပဲ "</p> <p style="text-align:justify">ယူလောင်ဂိုဏ်း၏ အကြီးအကဲတစ်ယောက်က လေးနက်သော အမူအရာဖြင့် ပြောလိုက်၏။</p> <p style="text-align:justify">" ဟုတ်တယ် ဒါကတစ်ခုတည်းသော နည်းလမ်းပဲ "</p> <p style="text-align:justify">ဂိုဏ်းချုပ်ကလဲ ခေါင်းညိတ်လိုက်သည်။</p> <p style="text-align:justify">တိုက်ခိုက်လာသူက တစ်ယောက်တည်းဖြစ်၏။ ဒါကို မိမိမှာ ဂိုဏ်းအကာအကွယ်အစီအရင်ကိုဖွင့်ပြီး ခုခံရန်ဆိုသည်က မည်မျှတောင် အရှက်ရစရာကောင်းလိုက်သနည်း။</p> <p style="text-align:justify">သို့သော် အရှက်ဘယ်လောက်ကွဲပါစေ မိမိအသက် ဆုံးရှုံးရသည်ထက်တော့ ပို၍ကောင်းလေ၏။</p> <p style="text-align:justify">ထိုအချိန်တွင် ယူလောင်ဂိုဏ်း၏ တံခါးဝတွင်ရပ်နေသော ရဲ့ဟိုင်သည် ထိုနေရာတွင် လူတစ်ဒါဇင်ကျော်ခန့် ကောင်းကင်ထက် မတ်တပ်ရပ်နေသည်အား တွေ့လိုက်ရသည်။ သူတို့၏နောက်တွင်တော့ ထောင်နှင့်ချီသော ယူလောင်ဂိုဏ်းဝင်တပည့်များက အစီအရီရှိနေ၏။</p> <p style="text-align:justify">" မင်းဘယ်သူလဲ "</p> <p style="text-align:justify">ယူလောင်ဂိုဏ်းခေါင်းဆောင် ရဲ့ဟိုင်အားကြည့်ကာ အလေးအနက်မေးလိုက်သည်။</p> <p style="text-align:justify">" ငါဘယ်သူလဲဆိုတာ အရေးမကြီဘူး .. အရေးကြီးတာက မင်းတို့ယူလောင်ဂိုဏ်းက လုပ်ခဲ့တဲ့ကိစ္စတွေပဲ "</p> <p style="text-align:justify">ရဲ့ဟိုင် အေးစက်စက်ဖြင့် ပြန်ပြောလိုက်၏။</p> <p style="text-align:justify">" မင်းဘာကိုဆိုလိုလဲ ငါနားမလည်ဘူး "</p> <p style="text-align:justify">" ဒီအချိန်မှာ ငြင်းခုန်ခြင်းက အသုံးဝင်မယ်လို့ မင်းထင်လား "</p> <p style="text-align:justify">ရဲ့ဟိုင် ထိုသို့ပြောပြီးသည်နှင့် အကာအကွယ် အစီအရင်အလွှာကြီးကို ကြည့်လိုက်ပြီး လှောင်ပြုံးပြုံးလိုက်ကာ...</p> <p style="text-align:justify">" ဒီဂိုဏ်းအကာအကွယ်အစီအရင် တစ်ခုတည်းနဲ့ ငါ့ကိုတားနိုင်မယ်ထင်နေရင်တော့ မင်းတို့တော်တော်လေးကို ဉာဏ်နည်းသွားပြီ "</p> <p style="text-align:justify">ချက်ချင်းပင် ရဲ့ဟိုင်၏ခန္ဓာကိုယ်ထဲရှိ စွမ်းအင်အပ်စိုက်မှတ် ဘီလီယံနှင့်ချီက သွေးရောင်အလင်းတန်းများ ထွန်းလင်းတောက်ပလာသည်။ </p> <p style="text-align:justify">ထို့နောက် ရဲ့ဟိုင်၏ လက်ထဲ၌ ၎င်းစွမ်းအင်များက ဓားတစ်စင်းအသွင်ဖြင့် စုစည်းသွား၏။</p> <p style="text-align:justify">ရဲ့ဟိုင် တုန့်ဆိုင်းခြင်းမရှိ ဓားကိုမြှောက်ကာ သာမန်အတိုင်းပင် ခုတ်ပိုင်းချလိုက်သည်။</p> <p style="text-align:justify">ခုတ်ပိုင်းချလိုက်သည့်ပုံစံက သာမန်ဖြစ်သော်လည်း ဓားချက်ထွက်ပေါ်လာသည်နှင့် လေဟာနယ် နှစ်ခြမ်းကွဲထွက်သွားစေ၏။ ထို့နောက် ရွှီခနဲအော်မြည်သံနှင့်အတူ ဓားအလင်းတန်းက အစီအရင်ကို တိုက်ရိုက်ပင် ထိမှန်သည်။</p> <p style="text-align:justify">" အုန်း "</p> <p style="text-align:justify">ကျယ်လောင်သော ပေါက်ကွဲသံတစ်ခု ထွက်ပေါ်လာပြီး ယူလောင်ဂိုဏ်းကို နှစ်ပေါင်းထောင်နှင့်ချီ ကာကွယ်ပေးခဲ့သော ထိုဂိုဏ်းအကာအကွယ် အစီအရင်က တစ်ချက်လေးတောင် တောင့်မခံနိုင်ဘဲ ဓားချက်တစ်ချက်အောက်တွင် ပျက်စီးပြိုကျသွားလေ၏။</p> <p style="text-align:justify">" မဖြစ်နိုင်ဘူး .. "</p> <p style="text-align:justify">ယူလောင်ဂိုဏ်းခေါင်းဆောင် ထိတ်လန့်တကြားပင် အော်ဟစ်လိုက်သည်။</p> <p style="text-align:justify">" မဖြစ်နိုင်ဘူးဆိုတာ မင်းတို့လို လူတွေအတွက် အမြဲတမ်းလက်သုံးစကား တစ်ခုဆိုရင် ငါ့မှာလဲ လက်သုံးစကားတစ်ခုရှိတယ် .. အဲ့တာက ဒီကမ္ဘာမှာ မဖြစ်နိုင်ဘူးဆိုတာ ဘာမှမရှိဘူး "</p> <p style="text-align:justify">ရဲ့ဟိုင်၏ လက်ထဲတွင် ရှိနေသောဓားက ဓားအော်မြည်သံများ တဝှီဝှီထွက်ပေါ်နေပြီး သူ၏အသံကလဲ သတ်ဖြတ်လိုသည့် ဆန္ဒများဖြင့် ပြည့်နှက်နေ၏။</p> <p style="text-align:justify">ထို့နောက် ရိပ်ခနဲလှုပ်ရှားသွားပြီး ရဲ့ဟိုင် ရောက်ရှိသည့်နေရာတိုင်းတွင် ယူလောင်ဂိုဏ်း၏ အကြီးအကဲတစ်ယောက်က လည်ပင်းပြတ်ထွက်သွားသည်။</p> <p style="text-align:justify">မည်မျှပင်ပြင်ဆင်ထားပါစေ မည်မျှပင် ခုခံကာကွယ်ရေး ပြုလုပ်ထားပါစေ ဓားတစ်ချက်ကို တားဆီးနိုင်ခြင်းမရှိကြပေ။</p> <p style="text-align:justify">ဤသို့ဖြင့် ယူလောင်ဂိုဏ်း၏ ( 10 ) ယောက်မြောက်အကြီးအကဲ သေဆုံးသွားသည့်အချိန်တွင် ထောက်လှမ်းရေးခန်းမသခင်သည် အလန့်တကြားဖြင့်...</p> <p style="text-align:justify">" ကောင်လေး ငါပြောတာနားထောင်ပေးပါ၊ ငါ့ကိုမသတ်နဲ့ ငါ့ကိုမသတ်ပါနဲ့၊ တကယ်တော့ အထီးကျန်ဝံပုလွေဂိုဏ်းဆိုတာက ငါတို့ယူလောင်ဂိုဏ်းရဲ့လူတွေပဲ၊ အဲ့တာတွေအားလုံးကို ကြိုးကိုင်နေတဲ့သူက ငါတို့ဂိုဏ်းချုပ်ပါ၊ သူတစ်ယောက်တည်းအကြံနဲ့ အထီးကျန်ဝံပုလွေဂိုဏ်းကို တည်ထောင်ခဲ့တာပါ "</p> <p style="text-align:justify">၎င်းထောက်လှမ်းရေးခန်းမအကြီးအကဲက ဤကဲ့သို့ ဝန်ခံလာသည့်အချိန်တွင် ယူလောင်ဂိုဏ်းမှ တပည့်များအားလုံး အလန့်တကြားဖြင့် အော်ဟစ်လိုက်ကြလေ၏။</p> <p style="text-align:justify">ယခင်က သူတို့သည် သံသယများ ရှိခဲ့ကြသော်လည်း ယခုတော့ ဘာသံသယမှ မရှိတော့ချေ။ သူတို့ဝင်ထားသည့် ယူလောင်ဂိုဏ်းက ဤကဲ့သို့ဖြစ်နေမည်ဟု လုံးဝမထင်မှတ်ထားဘူးဖြစ်သည်။</p> <p style="text-align:justify">" မင်းက ဒီလောက်ရိုးသားမှတော့ ငါလဲမင်းရဲ့ အသက်ကို ချမ်းသာပေးရမှာပေါ့ "</p> <p style="text-align:justify">ချက်ချင်းပင် ရဲ့ဟိုင်က ထိုထောက်လှမ်းရေးခန်းမအကြီးအကဲကို ဖြတ်ကျော်သွားကာ နောက်ထပ်အကြီးအကဲတစ်ယောက်ဆီ ရောက်ရှိသွားပြီး ထိုအကြီးအကဲမှာ ဓားတစ်ချက်တည်းဖြင့် ခေါင်းပြတ်သွားလေ၏။</p> <p style="text-align:justify">ထိုမြင်ကွင်းကိုကြည့်ပြီး အခြားအကြီးအကဲများက ငြိမ်ငြိမ်ဆိမ်ဆိမ် မနေနိုင်တော့ပေ။</p> <p style="text-align:justify">" ငါပြောမယ် ... ငါလဲဝန်ခံမယ်၊ တကယ်တော့ အထီးကျန်ဝံပုလွေဂိုဏ်းရဲ့ ပထမဆုံး အဖွဲ့ဝင်တွေက ယူလောင်ဂိုဏ်းရဲ့တပည့်တွေပါ၊ မင်းငါ့ကိုမယုံဘူးဆိုရင် အဲ့ဒီတပည့်တွေရဲ့ သိုလှောင်အိတ်တွေကို တစ်ချက်ချင်းစစ်ကြည့်လို့ရတယ်၊ သူတို့သိုလှောင်အိတ်ထဲမှာ ဓားပြတိုက်တုန်းက သိမ်းဆည်းခဲ့တဲ့ ပစ္စည်းတွေက အခုချိန်အထိ ရှိနေတုန်းပဲ "</p> <p style="text-align:justify">" ဟုတ်တယ် .. ငါလဲပြောမယ်၊ တကယ်တော့ အထီးကျန်ဝံပုလွေဂိုဏ်းခေါင်းဆောင်က ငါတို့တရားစီရင်ခြင်းခန်းမရဲ့ လက်ထောက်အကြီးအကဲတစ်ယောက်ပဲ "</p> <p style="text-align:justify">" ဟုတ်တယ် .. ဟုတ်တယ်၊ ငါလဲပြောမယ်၊ ငါလဲဝန်ခံမယ် "</p> <p style="text-align:justify">ထိုအချိန်တွင် ယူလောင်ဂိုဏ်းခေါင်းဆောင်ကတော့ အကြီးအကဲများ အကုန်လုံးကို ဂိုဏ်း၏အရှုပ်တော်ပုံ ဖွင့်ချနေသည်အားကြည့်ပြီး မျက်လုံးကို မှိတ်ချလိုက်လေသည်။</p> <p style="text-align:justify"> </p> <p style="text-align: center;">***</p>


Save