Book List

<h2 style="text-align: center;">အပိုင်း -- ( ၁၃၄၃ )</h2> <h2 style="text-align: center;">*</h2> <p style="text-align:justify"><br /> " ယီရှောင်း "</p> <p style="text-align:justify">လျန်ယီ ဝင်ရောက်လာသော ယီရှောင်းကိုကြည့်ပြီး မျက်မှောင်ကုပ်ကာ...</p> <p style="text-align:justify">" ယီရှောင်း ငါစုံစမ်းခိုင်းတဲ့အချက်အလက်တွေ ဘယ်လိုလဲ " </p> <p style="text-align:justify">ယီရှောင်း၏ အမူအရာ လေးနက်သွားသည်။</p> <p style="text-align:justify">" ဂိုဏ်းချုပ် ကျွန်တော်ထောက်လှမ်းသမျှ အချက်အလက်တွေအရဆိုရင် အထီးကျန်ဝံပုလွေဂိုဏ်း အဖွဲ့ဝင်သုံးထောင်လုံးက သခင်လေးရဲ့ဟိုင် သတ်ဖြတ်မှုကို ခံခဲ့ရတာပါ၊ ပြီးတော့ သခင်လေးရဲ့က အထီးကျန်ဝံပုလွေဂိုဏ်းရဲ့ ထိပ်တန်းခေါင်းဆောင်တွေကိုခေါ်ပြီးတော့ ယူလောင်ဂိုဏ်းဆီကို တိုက်ရိုက်သွားခဲ့ပါတယ် "</p> <p style="text-align:justify">" အဲ့ဒီနောက် သခင်လေးရဲ့ဟိုင် ယူလောင်ဂိုဏ်းရဲ့ ဧရိယာမှာ အထီးကျန်ဝံပုလွေဂိုဏ်းနဲ့ ယူလောင်ဂိုဏ်း ပက်သက်နေမှုကို လူသိရှင်ကြားကြေငြာပြီး ယူလောင်ဂိုဏ်းရဲ့ ဂိုဏ်းအကာအကွယ်အစီအရင်ကို တစ်ချက်တည်းဖျက်ဆီးခဲ့တယ်တဲ့၊ ပြီးတော့ ယူလောင်ဂိုဏ်းခေါင်းဆောင်အပါအဝင် ထိပ်တန်းအကြီးအကဲနဲ့ ဓားပြအဖွဲ့အစည်းက ပါဝင်ခဲ့သူအားလုံးကို သတ်ဖြတ်ခဲ့ပါတယ် "</p> <p style="text-align:justify">" အခုဆိုရင် ယူလောင်ဂိုဏ်းက နာမည်လဲသေဆုံးသွားသလို ဂိုဏ်းကလဲ ပျက်စီးသွားခဲ့ပါပြီ "</p> <p style="text-align:justify">ယီရှောင်း၏ ထိုစကားက အခန်းထဲတွင်ရှိနေသော အကြီးအကဲများအားလုံးကို အာမေဍိတ်သံများ ဖြစ်ပေါ်လာစေ၏။</p> <p style="text-align:justify">" ရဲ့ဟိုင် ဟုတ်လား "</p> <p style="text-align:justify">" ရဲ့ဟိုင်က ကျောက်စိမ်းအင်မော်တယ် အဆင့် ( 33 ) မှာ ရှိနေတာမဟုတ်ဘူးလား "</p> <p style="text-align:justify">" သူဘယ်လိုလုပ်လိုက်တာလဲ "</p> <p style="text-align:justify">" ဒါကလုံးဝ အဓိပ္ပါယ်မရှိဘူး "</p> <p style="text-align:justify">ရှန်ကျင်းဂိုဏ်း၏ အကြီးအကဲများအားလုံးက ယီရှောင်းကိုကြည့်ကာ မျက်မှောင်ကုပ်၍ မေးခွန်းထုတ်ကြလေသည်။</p> <p style="text-align:justify">လျန်ယီ သက်ပြင်းချလိုက်ပြီး...</p> <p style="text-align:justify">" တကယ်တော့ မင်းတို့အားလုံးကို မပြောပြရသေးတဲ့ အချက်အလက်ရှိတယ်၊ ရဲ့ဟိုင်ရဲ့ ရုပ်ခန္ဓာက မယုံကြည်နိုင်လောက်အောင် အစွမ်းထက်ပြီးတော့ အင်မော်တယ်အရှင် အဆင့်တွေနီးပါး သန်မာတယ်ဆိုတာပဲ၊ ရဲ့ဟိုင်က အင်မော်တယ်သခင်အဆင့်တွေကို အခုမှသတ်ဖြတ်ခဲ့တာမဟုတ်ဘူး နဂိုတည်းက ကျိုးမိသားစုမှာ များပြားလှတဲ့ အင်မော်တယ်သခင်အဆင့်တွေကို တစ်ချက်တည်းနဲ့ သတ်ဖြတ်ခဲ့ပြီးပြီ "</p> <p style="text-align:justify">ထိုစကားက ရှန်ကျင်းဂိုဏ်း၏ အကြီးအကဲများအားလုံးကို ထိတ်လန့်သွားစေ၏။</p> <p style="text-align:justify">ဤသည်မှာ သံသယဖြစ်ဖွယ်မရှိသော ပေါက်ကွဲစေနိုင်သည့် သတင်းကြီးဖြစ်သည်။</p> <p style="text-align:justify">လျန်ယီက ရဲ့ဟိုင်ကိုအဘယ့်ကြောင့် တန်ဖိုးထားပြီး အရမ်းဂရုစိုက်နေသည်ဆိုတာကို လူတိုင်းယခုမှနားလည်သွား၏။</p> <p style="text-align:justify">" ငါ့အထင်တော့ ရဲ့ဟိုင်ရဲ့ စွမ်းအားက ကျောက်စိမ်းအင်မော်တယ်အဆင့်မှာ ဘယ်သူမှ မရောက်ဖူးတဲ့အဆင့်ကို ရောက်နေတယ် ထင်တာပဲ၊ ငါ့ရဲ့စုံစမ်းစစ်ဆေးမှုတွေအရဆိုရင် ဒီရက်ပိုင်း အခြားကျောက်စိမ်းအင်မော်တယ်အဆင့် ( 33 ) ကျင့်ကြံသူတွေက လေဟာနယ်ကို အက်ကွဲပြီး ထိုးဖောက်နိုင်တဲ့စွမ်းအားရှိပေမဲ့ အင်မော်တယ်သခင်အဆင့်တွေကို ရင်ဆိုင်ဖို့မပြောနဲ့ သတိမထားမိရင် ရွှေအင်မော်တယ်အဆင့် ကျင့်ကြံသူတစ်ယောက်တောင်မှ သူ့တို့ကိုသတ်ဖြတ်နိုင်စွမ်းရှိတယ် "</p> <p style="text-align:justify">လျန်ယီထိုသို့ပြောပြီးသည်နှင့် လူတိုင်းကိုကြည့်လိုက်ပြီး...</p> <p style="text-align:justify">" မင်းတို့မသိသေးတာ နောက်တစ်ခုရှိသေးတယ် အဲ့တာကတော့ လုရန်ရန် ကျောက်စိမ်းအင်မော်တယ်အဆင့် ( 33 ) ကို ရောက်ရှိသွားတဲ့အကြောင်းအရင်းက ရဲ့ဟိုင်သူ့ကိုပေးခဲ့တဲ့ အင်မော်တယ်ဘုရင်အဆင့် သွေးစက်ကြောင့်ပဲ "</p> <p style="text-align:justify">ထိုအချိန်တွင် ခေါင်းဆောင် လျန်ယီ၏ အသံက ရုတ်တရက် အေးစက်သွားခဲ့ပြီး...</p> <p style="text-align:justify">" ဒါပေမဲ့ မှော်ဆေးပညာခန်းမရဲ့ ခန်းမသခင်၊ လက်ထောက်ခန်းမသခင်နဲ့ စောင့်ရှောက်ရေးမဟာအကြီးအကဲတို့က ငါပြောထားတဲ့စကားကို လျစ်လျူရှုပြီးတော့ ရဲ့ဟိုင်ကိုလုယက်ပြီး သတ်ဖြတ်ဖို့အတွက် ကြိုးစားခဲ့ကြတယ် "</p> <p style="text-align:justify">" ဘာ .. သူတို့က ရဲ့ဟိုင်ကို လုယက်သတ်ဖြတ်ဖို့အတွက် ကြိုးစားခဲ့တယ်၊ ဟုတ်လား "</p> <p style="text-align:justify">" ဒီကောင်တွေ ဘယ်လိုတောင် သတ္တိကောင်းနေတာလဲ "</p> <p style="text-align:justify">" အင်မော်တယ်အရှင်အဆင့်နဲ့ ယှဥ်နိုင်တဲ့ ခန္ဓာကိုယ်ကို ပိုင်ဆိုင်ထားတဲ့သူကို သွားပြီးလုယက်ရဲတယ်ပေါ့ "</p> <p style="text-align:justify">" ဒီကောင်တွေက ငါတို့ရှန်ကျင်းဂိုဏ်းကို ပြန်လှည့်လို့မရတဲ့ကပ်ဘေးထဲကို တွန်းပို့နေတာပဲ၊ ရဲ့ဟိုင်က ဂိုဏ်းချုပ်ပြောပုံအရဆိုရင် အင်မော်တယ်အရှင်အဆင့် တိုက်ခိုက်ရေးစွမ်းအားကို ပိုင်ဆိုင်ထားပြီး နောက်ထပ် ( 10 ) နှစ်ဒါမှမဟုတ် ( 8 ) နှစ်အတွင်း ရဲ့ဟိုင်က ရှန်ကျင်းဂိုဏ်းကို တစ်ယောက်တည်းခွန်အားနဲ့တောင် ဖျက်ဆီးနိုင်တယ်လို့ ဆိုလိုနေတာမလား " </p> <p style="text-align:justify">" ( 10 ) နှစ် ဒါမှမဟုတ် ( 8 ) နှစ် ဟုတ်လား .. အဲ့ဒီအချိန်အထိ စောင့်စရာမလိုဘူး၊ ရဲ့ဟိုင်ကလက်ရှိ အနေအထားနဲ့တောင်မှ ရှန်ကျင်းနန်းတော်ကို ခြိမ်းခြောက်နိုင်တဲ့ခွန်အားရှိပြီးသား၊ ဘိုးဘေးသာ ကျင့်ကြံတဲ့နေရာက မထွက်လာဘူးဆိုရင် ရဲ့ဟိုင်ရဲ့ပြိုင်ဘက် ဘယ်သူက ငါတို့ထဲမှာရှိလို့လဲ၊ ပွင့်ပွင့်လင်းလင်းပြောရရင် ဘိုးဘေးတောင်မှ ရဲ့ဟိုင်ကို ယှဥ်နိုင်မယှဥ်နိုင် မသေချာသေးဘူး "</p> <p style="text-align:justify">" မင်းတို့အဲ့စကားပြောနေတဲ့အချိန် ရဲ့ဟိုင်ရဲ့ နောက်ကွယ်က အင်အားစုတွေကို ထည့်မစဥ်းစားတဲ့ပုံပဲ၊ သာမန်အင်အားစုတစ်စုက ဒီလိုမျိုး နတ်ဆိုးဆန်တဲ့ ပါရမီရှင်ကို မွေးထုတ်ပေးနိုင်မယ်လို့ မင်းတို့ထင်လား "</p> <p style="text-align:justify">" ချီးပဲ ဒီသုံးကောင်က သေဖို့ထိုက်တန်တယ် "</p> <p style="text-align:justify">ရှန်ကျင်းဂိုဏ်း၏ အဆင့်မြင့်အကြီးအကဲများအကုန်လုံး ဒေါသတကြီးဖြင့် အော်ဟစ်ပြောဆိုလိုက်ကြသည်။</p> <p style="text-align:justify">ရဲ့ဟိုင်ကဲ့သို့ ကြောက်စရာကောင်းသည့် နတ်ဆိုးဆန်သော ပါရမီရှင်မှာ စိတ်အနှောင့်အယှက်သွားမပေးရဘဲ မိတ်ဆွေဖွဲ့ရမည်ဖြစ်၏။ ဒါကို ဤသုံးယောက်က တစ်ဖက်လူအား လုယက်သတ်ဖြတ်ရန်အတွက် ကြိုးစားခဲ့သည်လား။</p> <p style="text-align:justify">ဤအခြေအနေတွင် ဘယ်သူက ထိုသုံးယောက်ကို ဒေါသမထွက်ဘဲနေမည်နည်း။</p> <p style="text-align:justify">" နောက်တစ်ခုရှိပါသေးတယ် "</p> <p style="text-align:justify">ယီရှောင်း မချိပြုံးပြုံးကာ ပြောလိုက်သည်။</p> <p style="text-align:justify">" အဲ့တာဘာလဲ "</p> <p style="text-align:justify">တစ်ဖက်တွင် လျန်ယီ၏စိတ်များကတော့ လေးလံနေချေပြီ။</p> <p style="text-align:justify">" ဂိုဏ်း ( 7 ) ခု မိသားစုကြီး ( 2 ) စုနဲ့ ဆိုးယုတ်တဲ့အင်အားစုကြီး ( 31 ) ဖွဲ့လုံးကို ဖျက်ဆီးလိုက်တဲ့လူက ဘယ်သူလဲဆိုတာကို ကျွန်တော်သိနေတဲ့ပုံပဲ "</p> <p style="text-align:justify">" ဘာလဲ အဲ့ဒီလူက ရဲ့ဟိုင်လို့တော့ မင်းငါ့ကိုပြောမှာ မဟုတ်ဘူးမလား "</p> <p style="text-align:justify">ထိုစကားကို ပြောလိုက်သည့်အချိန်၌ လျန်ယီသည် သူ၏နှလုံးသားက လည်ချောင်းကနေ ထွက်လာတော့မည့်အလား ခုန်ပေါက်လာသည်။</p> <p style="text-align:justify">ယီရှောင်းသက်ပြင်းချလိုက်ပြီး...</p> <p style="text-align:justify">" မနေ့က ရဲ့ဟိုင်မထွက်ခွာခင် သူ ရန်ချီနယ်မြေထဲမှာရှိတဲ့ ဘယ်ဂိုဏ်းတွေက လူသတ်၊ မီးရှို့၊ ဓားပြတိုက်၊ မုဒိန်းကျင့်တဲ့ အလုပ်တွေလုပ်လဲဆိုတာကို ဆရာရှီကို မေးခဲ့တယ်တဲ့ "</p> <p style="text-align:justify">ယီရှောင်း ထိုသို့ပြောပြီးသည်နှင့် တစ်ခဏရပ်တန့်လိုက်ပြီး အကုန်လုံးကိုကြည့်ကာ...</p> <p style="text-align:justify">" ဆရာရှီက ရဲ့ဟိုင်ကို အဖွဲ့အစည်း ( 33 ) ခုအကြောင်း ရှင်းပြပေးခဲ့တယ် "</p> <p style="text-align:justify">" ပြီးတော့ အခုပျက်စီးသွားခဲ့တဲ့ အဲ့ဒီအဖွဲ့အစည်း ( 31 ) ခုက ဆရာရှီ ရဲ့ဟိုင်ကိုပေးလိုက်တဲ့ စာရင်းထဲမှာပါနေတာပဲ "</p> <p style="text-align:justify">ထိုစကားက လျန်ယီ၏ နူးညံ့သော ခန္ဓာကိုယ်လေးကို တဆတ်ဆတ် တုန်ခါသွားစေ၏။</p> <p style="text-align:justify">ရှန်ကျင်းဂိုဏ်းမှ အဆင့်မြင့်အကြီးအကဲများ အကုန်လုံးကလည်း စကားမပြောနိုင်အောင် ထိတ်လန့်တုန်လှုပ်နေကြသည်။</p> <p style="text-align:justify">အင်အားစုများစွာကို တစ်ပြိုင်နက်တည်း ဖျက်ဆီးနိုင်သည့် စိတ်ကူးမယဥ်နိုင်သော စွမ်းအားပိုင်ရှင်က ဘယ်သူလဲဆိုတာကို သူတို့အချိန်ကြာကြီးတည်းက ဆွေးနွေးနေကြခြင်းဖြစ်၏။ အထူးသဖြင့် ထိုစွမ်းအားရှင်အုပ်စုက ရှန်ကျင်းဂိုဏ်းထက် အဆပေါင်းများစွာသာလွန်သည်ဆိုတာကို သူတို့ကောင်းကောင်းသိသည်။</p> <p style="text-align:justify">ယီရှောင်းက ယခု ထိုစကားကို ပြောလာသည့်အချိန်၌ ၎င်းအင်အားစုမှာ ရဲ့ဟိုင်၏ ကျောထောက်နောက်ခံ အဖွဲ့အစည်းဖြစ်ကြောင်းကို သူတို့ကျိန်းသေယုံကြည်လိုက်လေ၏။</p> <p style="text-align:justify">အတန်ကြာအောင် တုန်လှုပ်နေပြီးနောက် လျန်ယီ သက်ပြင်းချလိုက်ပြီး...</p> <p style="text-align:justify">" ဆရာရှီက သူ့ကို အဖွဲ့အစည်း ( 33 ) ခုနာမည် ပြောလိုက်တာမလား အခု ( 31) ခုက ပျက်စီးသွားပြီဆိုတော့ နောက်ဆုံးကျန်တဲ့နှစ်ခုက ဘယ်သူတွေလဲ "</p> <p style="text-align:justify">" အဲ့တာက သွေးဂိုဏ်းနဲ့ နတ်ဆိုးရုပ်သေးဂိုဏ်းပါ "</p> <p style="text-align:justify">ယီရှောင်း လေးလံသော အမူအရာဖြင့် ပြောလိုက်သည်။</p> <p style="text-align:justify">လူတိုင်း၏ မျက်နှာအမူအရာကလဲ ပြောင်းလဲသွားလေ၏။</p> <p style="text-align:justify">" အဲ့ဒီဂိုဏ်းနှစ်ခုလုံးက အင်မော်တယ်အရှင်အဆင့် ကျင့်ကြံသူတွေ ပိုင်ဆိုင်ထားတဲ့ ဂိုဏ်းမလား "</p> <p style="text-align:justify">" ဒီဂိုဏ်းနှစ်ခုကို ကိုင်တွယ်ဖို့ဆိုတာက လုံးဝမလွယ်ကူတာ သေချာတယ် "</p> <p style="text-align:justify">" မဟုတ်ဘူး အဲ့ဂိုဏ်းနှစ်ခုက ကိုင်တွယ်ဖို့မလွယ်ဘူးဆိုရင်တောင်မှ ရဲ့ဟိုင်ရဲ့ နောက်ကလူတွေက မကိုင်တွယ်နိုင်ဘူးလို့ မဆိုလိုဘူးလေ "</p> <p style="text-align:justify">" ကြည့်ရတာ ငါတို့အားလုံး သွားကြည့်ဖို့ လိုအပ်လာပြီထင်တယ် "</p> <p style="text-align:justify">" ဟုတ်တယ် သွေးဂိုဏ်းနဲ့ နတ်ဆိုးရုပ်သေးဂိုဏ်းတွေမှာ တပည့်တွေအများကြီးရှိတာလေ .. ရဲ့ဟိုင် နောက်ကွယ်ကအင်အားစုက အရမ်းသန်မာရင်တောင်မှ သူတို့အကုန်လုံးကို တစ်ပြိုင်နက်တည်း သတ်ဖြတ်နိုင်မှာမဟုတ်ဘူး "</p> <p style="text-align:justify">" ပြီးတော့ ဒီဂိုဏ်းနှစ်ခုနဲ့ဆက်သွယ်နေတဲ့ အဖွဲ့အစည်းတွေ အများကြီးပဲရှိသေးတယ်၊ သူတို့အကုန်လုံးကို လုံးလုံးလျားလျား ချေမှုန်းဖို့ဆိုရင် အခြားအင်အားစုတွေ ပူးပေါင်းပေးဖို့ လိုအပ်တဲ့ပုံပဲ "</p> <p style="text-align:justify">ရှန်ကျင်းဂိုဏ်းမှ အကြီးအကဲများအားလုံး သူတို့၏ အကြံဉာဏ်များကို တစ်ယောက်တစ်ပေါက် ပြောလာသည့်အချိန်တွင် ထောက်လှမ်းရေးခန်းမမှ ဂူရှီက လူတိုင်းကို အေးစက်စက်စိုက်ကြည့်လိုက်ပြီး...</p> <p style="text-align:justify">" ငါ မင်းတို့ကို သတိမပေးဖူး မပြောနဲ့နော်၊ ရဲ့ဟိုင်နောက်ကွယ်ကအဖွဲ့အစည်းက သူတို့လုပ်နေတဲ့အလုပ်ကို အခြားလူတစ်ယောက် ဝင်နှောင့်ယှက်တာနဲ့ အဲ့ဒီလူကို ရက်ရက်စက်စက် သတ်ဖြတ်ပစ်ခဲ့တယ်တဲ့ "</p> <p style="text-align:justify">ထိုစကားထွက်ပေါ်လာသည်နှင့် ရှန်ကျင်းဂိုဏ်းမှ တစ်ယောက်တစ်ပေါက် ပြောဆိုနေသော အကြီးအကဲများအားလုံး ပါးစပ်ချက်ချင်း ပိတ်သွားကြသည်။ တကယ်လဲသူတို့က စကားကို ခုနတုန်းက လှအောင်သာ ပြောနေကြခြင်းဖြစ်၏။ အတွေးထဲတွင်တော့ ဤအခွင့်အရေးကိုရယူပြီး အကျိုးအမြတ်များကိုသိမ်းပိုက်ရန် ကြိုးစားနေကြခြင်းပင်။</p> <p style="text-align:justify">သို့သော် ဂူရှီ၏သတိပေးချက်အပြီးတွင်တော့ သူတို့အားလုံး ထိုစိတ်ကူးကို ဦးနှောက်ထဲကကော ခန္ဓာကိုယ်ကပါ ထာဝရအပြီးတိုင် စွန့်ထုတ်ပစ်လိုက်ကြလေသည်။</p> <p style="text-align:justify">သူတစ်ပါး၏ ဝေစုကို သွား၍လုယူခြင်းဆိုသည်မှာ မဖြစ်နိုင်သည့်အရာတစ်ခု မဟုတ်သော်လည်း မိမိခွန်အားအပေါ်တွင် မူတည်သေး၏။</p> <p style="text-align:justify">ရဲ့ဟိုင်၏ အဖွဲ့က ထိုဂိုဏ်းကြီးနှစ်ခုလုံးကို ဖျက်ဆီးပြီး ဆုံးရှုံးမှုများ ရှိသွားလျှင်ပင် ရှန်ကျင်းဂိုဏ်းက သူတို့နှင့် မယှဥ်နိုင်သေးချေ။</p> <p style="text-align:justify"> </p> <p style="text-align: center;">***</p>


Save