Book List

<h2 style="text-align: center;">အပိုင်း - ( ၁၃၄၆ )</h2> <h2 style="text-align: center;">*</h2> <p style="text-align:justify"> </p> <p style="text-align:justify">နတ်ဆိုးရုပ်သေးဂိုဏ်း၏ ဘိုးဘေးပြောစကားအောက်တွင် ရဲ့ဟိုင်၏ နှလုံးခုန်သံက တဆတ်ဆတ်ဖြင့် မြန်သွား၏။</p> <p style="text-align:justify">" အင်မော်တယ်ဘုရင်အဆင့် "</p> <p style="text-align:justify">အလုံးစုံသော အရာအားလုံးကို ကြီးစိုးသည့် ပုဂ္ဂိုလ်များ...</p> <p style="text-align:justify">သေဆုံးသွားသော အင်မော်တယ်ဘုရင်အဆင့် ဖြစ်နေလျှင်တောင်မှ ဤအရာက အင်မော်တယ်အရှင်များကို ခွေးလိုကြွက်လိုသတ်ဖြတ်နိုင်စွမ်း ရှိနေသေးသည်။</p> <p style="text-align:justify">ရဲ့ဟိုင်သည် အင်မော်တယ်ဘုရင်အဆင့် ကျင့်ကြံသူများ၏ ခန္ဓာကိုယ်အကြွင်းအကျန်က မည်မျှသန်မာသည်ဆိုတာကို သူသာ ကောင်းကောင်းသိလေ၏။</p> <p style="text-align:justify">နတ်ဆိုးရုပ်သေးဂိုဏ်းဘိုးဘေး ပိုင်ဆိုင်ထားသည့် အင်မော်တယ်ဘုရင်အဆင့်ရုပ်သေးမှာ အရပ်အမောင်းကောင်းသော တည်ကြည်ခန့်ညားသည့် သက်လတ်ပိုင်းအရွယ်လူဖြစ်သည်။ ဆိုးသည်မှာ သူ၏နှလုံးသားတွင် ဟောင်းလောင်းပေါက်ဒဏ်ရာတစ်ခုက ရှိနေ၏။ </p> <p style="text-align:justify">သို့သော် နှစ်ပေါင်းများစွာ သေဆုံးပြီးသွားပြီ ဖြစ်နေတာတောင်မှ သူ၏အမူအရာက လုံးဝကိုကြီးစိုးမှုများ ပြည့်နှက်နေဆဲပင်။</p> <p style="text-align:justify">သူက ထိုနေရာတွင် မတ်တပ်ရပ်နေရုံဖြင့် ရဲ့ဟိုင်အား ဦးညွှတ်ကိုးကွယ်လိုစိတ် ဖြစ်ပေါ်စေသည်။</p> <p style="text-align:justify">နတ်ဆိုးရုပ်သေးဂိုဏ်းဘိုးဘေး လက်ဟန်နည်းစနစ်တစ်မျိုးကိုပြုလုပ်လိုက်လျှင် ချက်ချင်းပင် အင်မော်တယ်ဘုရင်အဆင့် သက်လတ်ပိုင်းအရွယ်လူ၏ လက်က မြှောက်လာပြီး ရဲ့ဟိုင်ကို ဖမ်းဆုပ်လာ၏။</p> <p style="text-align:justify">ထိုလက်တစ်ဖက်၏ ဖမ်းဆုပ်မှုအောက်တွင် ရဲ့ဟိုင်၏ တစ်ကိုယ်လုံးက တောင့်တင်းကာ လှုပ်ရတော့ချေ။</p> <p style="text-align:justify">ရဲ့ဟိုင်၏ မျက်လုံးထဲတွင်ရှိသော ရုန်းကန်လိုမှုများက ထိုလက်တစ်ဖက်၏ ဆန့်ထုတ်မှုအောက်တွင် ပျက်စီးသွားသည်။ သူက တဝုန်းဝုန်းဖြင့် မုန်တိုင်းထန်နေသော ပင်လယ်လှိုင်းလုံးထဲတွင် လွင့်မျောနေသည့် သစ်သီးလေးတစ်လုံးဟု ကိုယ့်ကိုယ်ကိုယ် ခံစားလာရ၏။</p> <p style="text-align:justify">သူလုံးဝမလှုပ်ရဲပေ။</p> <p style="text-align:justify">မဟုတ်ချေ။ မလှုပ်နိုင်ခြင်းဖြစ်သည်။</p> <p style="text-align:justify">" ဝေါ့ "</p> <p style="text-align:justify">ထိုအချိန်တွင် သက်လတ်ပိုင်းအရွယ်လူက ရဲ့ဟိုင်၏ခန္ဓာကိုယ်ကို မဖမ်းဆုပ်နိုင်မီ ရဲ့ဟိုင် ပါးစပ်မှ သွေးများအန်ထွက်သွား၏။</p> <p style="text-align:justify">ဤအရာက အင်မော်တယ်ဘုရင်အဆင့် ကျင့်ကြံသူတစ်ယောက်၏ ဖိအားပင်ဖြစ်သည်။</p> <p style="text-align:justify">အဝေးကနေတောင်မှ တောင့်ခံနိုင်စွမ်းမရှိပေ။</p> <p style="text-align:justify">သူ ဤနေ့ သေကို သေတော့မည်လား။</p> <p style="text-align:justify">ရဲ့ဟိုင်သည် သေခြင်းကိုလုံးဝ ဂရုမစိုက်ချေ။ သို့သော် ပြဿနာက မည်သူမှ လွယ်လွယ်နှင့် မသေချင်ကြဘူးဖြစ်၏။</p> <p style="text-align:justify">ဤသို့ဖြင့် သက်လတ်ပိုင်းအရွယ် အင်မော်တယ်ဘုရင်အဆင့် ကျင့်ကြံသူ၏ လက်က သူ့ကိုဖမ်းဆုပ်ကိုင်သည်နှင့် ရဲ့ဟိုင်၏ စိတ်ထဲ၌ အတွေးတစ်ခုက ဝင်လာသည်။</p> <p style="text-align:justify">" နတ်ဘုရားခန္ဓာကိုယ် "</p> <p style="text-align:justify">သူ၏ နတ်ဘုရားခန္ဓာကိုယ်တွင် အကျိုးကျေးဇူး နှစ်မျိုးရှိ၏။</p> <p style="text-align:justify">ပထမတစ်ခုက မသေနိုင်ခြင်းဖြစ်ပြီး .. ဒုတိယတစ်ခုက နတ်ဘုရားအလင်းဖြစ်သည်။</p> <p style="text-align:justify">နတ်ဘုရားအလင်းသည် မကောင်းမှုမှန်သမျှကို ရှင်းထုတ်နိုင်စွမ်းရှိ၏။ ရုပ်သေးရုပ်ဆိုသည်မှာလည်း မကောင်းမှု၏ သင်္ကေတတစ်ခုပင်။</p> <p style="text-align:justify">ထိုအတွေးများနှင့်အတူ ရဲ့ဟိုင် သူ၏ခန္ဓာကိုယ်ထဲမှ နတ်ဘုရားအလင်းတန်းကို တိုက်ရိုက်ပင် ထုတ်လွှတ်လိုက်သည်။ ထိုနတ်ဘုရားအလင်းက ချက်ချင်းပင် သက်လတ်ပိုင်းအရွယ် အင်မော်တယ်ဘုရင်အဆင့် ကျင့်ကြံသူ၏ ခန္ဓာကိုယ်ကို ဖုံးလွှမ်းသွား၏။</p> <p style="text-align:justify">" ထောက် "</p> <p style="text-align:justify">နတ်ဘုရားအလင်းက သက်လတ်ပိုင်းအရွယ် အင်မော်တယ်ဘုရင်အဆင့် ကျင့်ကြံသူ၏ ခန္ဓာကိုယ်ကို ဖုံးလွှမ်းသွားသည်နှင့် သူ့ကိုထိန်းချုပ်ထားသော မမြင်နိုင်သည့် ကြိုးတစ်ချောင်းက ပြတ်တောက်သွားသံကို ရဲ့ဟိုင်နားနှင့်ဆက်ဆက် ကြားလိုက်ရသည်။</p> <p style="text-align:justify">ထိုကြိုးပြတ်တောက်သွားသည်နှင့် သက်လတ်ပိုင်းအရွယ်လူ၏ လက်က ရဲ့ဟိုင်၏ ဦးခေါင်းအနားသို့ ရောက်ခါနီးတွင် ရပ်တန့်သွား၏။</p> <p style="text-align:justify">တစ်ဖက်တွင် နတ်ဆိုးရုပ်သေး ဘိုးဘေး၏ မျက်လုံးထဲ၌ ထိတ်လန့်မှုနှင့် ကြောက်လန့်မှုများက ဖြစ်ပေါ်လာသည်။</p> <p style="text-align:justify">" ဒါ .. ဒါ .. ဒါက ဘယ်လိုမှော်စွမ်းအားလဲ "</p> <p style="text-align:justify">ရဲ့ဟိုင်လှောင်ပြုံးပြုံးပြီး ချက်ချင်းပင် လှုပ်ရှားလိုက်ကာ ထိုအဘိုးအိုဆီသို့ ပြေးဝင်သွား၏။</p> <p style="text-align:justify">ရဲ့ဟိုင်က သူ့ဆီပြေးလာသည်ကို မြင်သည်နှင့် အဘိုးအိုကလဲ အလျင်စလို အနောက်သို့ ဆုတ်သည်။</p> <p style="text-align:justify">ရဲ့ဟိုင် နောက်ဆုတ်သွားသော အဘိုးအိုကို လျစ်လျူရှုထားပြီး ချက်ချင်းပင် သက်လတ်ပိုင်းအရွယ်လူ၏ ပတ်ပတ်လည်ကို နတ်ဘုရားအလင်းတန်းဖြင့် အဆက်မပြတ် ဖြန့်ကျက်ကာ ဖုံးအုပ်ပစ်လိုက်၏။</p> <p style="text-align:justify">ရဲ့ဟိုင်သည် ထိုအဘိုးအို နောက်ဆုတ်သွားရန်သာ အယောင်ပြတိုက်ခိုက်ရန် ကြံရွယ်ခဲ့ခြင်းဖြစ်သည်။ သူတကယ်လုပ်ချင်သည်က သက်လတ်ပိုင်းအရွယ်လူ၏ ခန္ဓာကိုယ်ကို သာမက ပတ်ပတ်လည်ကိုလည်း နတ်ဘုရားအလင်းဖြင့် အပြည့်အဝ ဖုံးအုပ်လိုခြင်းပင်။</p> <p style="text-align:justify">နတ်ဆိုးရုပ်သေးဂိုဏ်း၏ ဘိုးဘေး လွတ်မြောက်သွားမည်ကိုတော့ သူလုံးဝ စိတ်မပူဘူးဖြစ်၏။ အဘယ့်ကြောင့်ဆိုသော် သူ၏ကိုယ်ပွားများက ရှိုးပြသက်သက်မဟုတ်ချေ။</p> <p style="text-align:justify">ရဲ့ဟိုင် ဤကဲ့သို့ နတ်ဘုရားအလင်းနှင့် ဖုံးအုပ်ပြီးသည်နှင့် တစ်ပြိုင်နက် သက်လတ်ပိုင်းအရွယ်လူ အမျိုးသား၏ မျက်လုံးထဲတွင် အလင်းတန်းတချို့က ဖြစ်ပေါ်လာသည်။ ထို့နောက် အလွန်ကြောက်စရာကောင်းသည့် ဝိညာဥ်စွမ်းအားလှိုင်းလုံးတစ်ခုက သူ၏ခန္ဓာကိုယ်မှ ပေါက်ကွဲထွက်လာ၏။</p> <p style="text-align:justify">ရဲ့ဟိုင်၏ လက်ရှိ ခန္ဓာကိုယ်သည် အင်မော်တယ်အရှင်အဆင့်တွင် တော်တော်လေးကို အဆင့်မြင့်သည့် အနေအထားကို ရောက်ရှိနေပြီဖြစ်သော်လည်း ထိုစွမ်းအားလှိုင်းလုံးကို တောင့်ခံနိုင်ခြင်းမရှိပေ။</p> <p style="text-align:justify">ဖုန်းခနဲ ရဲ့ဟိုင်လွင့်ထွက်သွားသည့် အချိန်၌ အကန့်အသတ်မဲ့သော ဖိအားပြည့်နှက်နေသည့် အကြည့်တစ်ချက်က သူ့အပေါ်ကျရောက်လာသည်။</p> <p style="text-align:justify">ထိုအကြည့်တစ်ချက်အောက်တွင် ရဲ့ဟိုင် သူ၏တစ်ကိုယ်လုံး ကြက်သီးမွှေးညှင်းထသွားပြီး ဆံပင်များမတ်ထောင်သွားကာ ကြောက်ရွံ့မှုက နှလုံးသားအောက်ခြေမှ ထွက်ပေါ်လာ၏။</p> <p style="text-align:justify">" မင်းက ငါ့ကို နှိုးခဲ့တာလား "</p> <p style="text-align:justify">" ဟုတ်ပါတယ် "</p> <p style="text-align:justify">ရဲ့ဟိုင် တလေးတစားပင် ဦးညွှတ်လိုက်သည်။</p> <p style="text-align:justify">သက်လတ်ပိုင်းအရွယ်လူ ခေါင်းညိတ်လိုက်ပြီး နတ်ဆိုးရုပ်သေးဂိုဏ်းမှ ဘိုးဘေးကို အေးစက်စက်လှမ်းကြည့်ကာ...</p> <p style="text-align:justify">" အဲ့ဒီတုန်းကငါသာ ဒဏ်ရာအပြင်းအထန် ရရှိပြီးတော့ ဝိညာဥ်အကြွင်းအကျန်က အားနည်းမနေခဲ့ရင် မင်းလိုသောက်ပုရွက်ဆိတ်ကောင်က ငါ့ကိုထိန်းချုပ်နိုင်မယ်ထင်လား "</p> <p style="text-align:justify">စကားဆုံးသည်နှင့် သက်လတ်ပိုင်းအရွယ်လူ၏ ခန္ဓာကိုယ်ထဲရှိ စိတ်ဝိညာဥ်ပင်လယ်ထဲတွင်ရှိသော အနက်ရောင်ကဗျည်းပြားတစ်ခုက အဖြူရောင်မီးတောက်များဖြင့် တောက်လောင်သွား၏။ ထိုအဖြူရောင်မီးတောက်များက ဝိညာဥ်မီးတောက်များဖြစ်သည်။</p> <p style="text-align:justify">ထိုအနက်ရောင်ကဗျည်းပြားကို ဝိညာဥ်မီးတောက်များ လောင်ကျွမ်းသွားသည်နှင့် အဘိုးအိုက နာကျင်စွာ အော်ဟစ်လိုက်ရပြီး ဒွါရဝခုနစ်ပေါက်မှ သွေးမဲများ စီးကျလာလေ၏။</p> <p style="text-align:justify">အင်မော်တယ်ဘုရင်အဆင့်များဆိုသည်မှာ သေဆုံးပြီးသားသူ ဖြစ်နေလျှင်ပင် မည်သူမဆို သွားပြီးတော့ ဟာသလုပ်လို့ရသည့်အရာတစ်ခု မဟုတ်ချေ။</p> <p style="text-align:justify">နတ်ဆိုးရုပ်သေးဂိုဏ်း၏ ဘိုးဘေးသည်လည်း သူ၏ဘိုးဘေးစဥ်ဆက် ပိုင်ဆိုင်လာသော ရုပ်သေးထိန်းချုပ်ခြင်းကဗျည်းပြားကို မပိုင်ဆိုင်ထားပါက အင်မော်တယ်ဘုရင်အဆင့် ကျင့်ကြံသူတစ်ယောက်၏ ခန္ဓာကိုယ်ကို ရုပ်သေးအဖြစ် ပြုလုပ်ရဲမည် မဟုတ်ဘူးဖြစ်သည်။</p> <p style="text-align:justify">သို့သော် ယခုတော့ သူက ၎င်းလုပ်ရပ်အတွက် အကျိုးဆက်ကို ပြန်ပေးဆပ်နေရချေပြီ။</p> <p style="text-align:justify">အနက်ရောင်ကဗျည်းပြားသည် သူ၏စိတ်ဝိညာဥ်နှင့် ဆက်စပ်နေခြင်းဖြစ်ပြီး ယခုဝိညာဥ်မီးတောက်များဖြင့် လောင်ကျွမ်းခံရသောအခါ အဘိုးအို၏ခန္ဓာကိုယ်ထဲရှိ ဝိညာဥ်ကလဲ လောင်ကျွမ်းမှုအောက်တွင် နာကျင်မှုအား အသည်းခိုက်မတတ် ခံစားနေရ၏။</p> <p style="text-align:justify">" အင်မော်တယ်ဘုရင်အဆင့်တွေကို စော်ကားရဲတာက သေဒဏ်ကလွဲလို့ အခြားဘာပြစ်ဒဏ်မှမရှိဘူး "</p> <p style="text-align:justify">သက်လတ်ပိုင်းအရွယ်လူ ထိုစကားကို ပြောလိုက်သည့်အချိန်တွင် ကမ္ဘာကြီးတစ်ခုလုံးက ရုတ်တရက် မှောင်မဲသွားသည်။ နေနှင့်လက ထိုအမှောင်ထုထဲတွင် နစ်မြုပ်သွားပြီး ပျောက်ကွယ်သွား၏။ ကောင်းကင်နှင့်မြေကြီးက ပြောင်းပြန်ဖြစ်သွားပြီး ယင်နှင့်ယန်ကလဲ ဖရိုဖရဲဖြစ်ကာ ဓာတ်ကြီးငါးပါးက ရောထွေးသွားသည်။</p> <p style="text-align:justify">ထိုသို့ဖြစ်သွားသည်မှာ အချိန်တစ်စက္ကန့်လောက်လေးသာဖြစ်သော်လည်း ရဲ့ဟိုင်မှာ ငရဲကို အခေါက်တစ်ထောင်ခန့်ရောက်သွားသလို ခံစားလိုက်ရ၏။ တစ်အောင့်အကြာမှ ကောင်းကင်ကြီးက ပြန်ကြည်လင်လာပြီး ရဲ့ဟိုင် တည်ငြိမ်အေးချမ်းမှုကို ပြန်လည်၍ ခံစားလိုက်ရသည်။</p> <p style="text-align:justify">ကမ္ဘာကြီးကထိုကဲ့သို့ ပြန်လည်၍ ကောင်းမွန်သွားသည့်အချိန်တွင် ရဲ့ဟိုင်သည် နတ်ဆိုးရုပ်သေးဂိုဏ်းတစ်ခုလုံး မည်သူကမှ အသက်ရှင်သန်သူမရှိတော့သည်ကို ထိတ်လန့်စွာ တွေ့လိုက်ရ၏။</p> <p style="text-align:justify">ထိုအထဲတွင် အင်မော်တယ်အရှင်အဆင့် နတ်ဆိုးရုပ်သေးဂိုဏ်းဘိုးဘေးလည်း အပါအဝင်ဖြစ်သည်။</p> <p style="text-align:justify">ထိုလူများအကုန်လုံး မည်ကဲ့သို့ သေဆုံးသွားသည်ဆိုတာကို ရဲ့ဟိုင်မသိလိုက်ချေ။ သူကိုယ်တိုင်နှင့် သူ၏ ကိုယ်ပွားမှလွဲ၍ ဤနေရာပတ်ပတ်လည်တွင် မည်သည့်သက်ရှိမှ မကျန်တော့ကြောင်းကိုသာ သူသိလေ၏။</p> <p style="text-align:justify"> </p> <p style="text-align: center;">***</p>


Save